وليل كموج البحر ارخى سدوله
علي بانواع الهموم ليبتلى

يمكن تقولوا عليا مجنونه مش مهم اصلها بقت بتتقالى كتير الايام دى عشان رومانسيه بيقولوا انى هبله و عشان صريحه بيقولوا عليا مدب
كان فين الموضوع دا عنى يااااااااااه جه فوقته المناسب بقالى ساعتين بعيط و لما تعبت قلت افتح المنتدى لقيت الموضوع حسيت انه اتعمل عشانى انا عمرى ما حطيت راسى ونمت على طول لازم تفكير و اغلب الايام عياط
تعبت من الدنيا
دلوقتى بفكر فى ايه و تعبنى
خايفه يمكن لأول مره فحياتى خايفه من المستقبل حاسه ان احلامى بتتلاشى قدامى ومش قادره احققها
مش عايزة من الدنيا غير انى اتجوز الانسان اللى بحبه من يوم ما فتحت عينى عالدنيا
لكن الواقع ان مشاكل كتير حوالينا ومش بأدنا حاجه
اخدت جرعه تهزىء من ماما من شويه بسببه او بسبب قلبى
مش طايقه نفسى حاسه انى مش عايزة حاجه خلاص احنا قدامنا سنين على ما نقدر نتجوز الظروف صعبه للاسف
و انا مقدرش اعيش من غيره بجد مش كلام وخلاص مش مبالغه لو بعد عنى يوم ببقى محطمه تخيلوا لو بعدنا خالص
هو اللى بيخفف عنى كل همومى الضحكه اللى فحياتى انا حياتى صعبه هو حرام ابقى سعيده انا مش طالبه من الدنيا غيره
حاسه انى عايزة انزل اجرى فالشوارع و اصوت انا فقمة يأسى دلوقتى عمرى ما كنت يائسه لكن دلوقتى اه
قررت انى مش عايزة ن الدنيا حاجه عايزة بس اخلص دراسه و اسافر و مرجعش هنا تانى ابدا مش عايزة اشوف حد ولا ابقى هنا ابدا عشان كل مكان هنا لينا فى ذكرى
عايزة انسى او اموت لو قلبى يتشال
لو عمرى يرجع لورا مكنتش حبيته رغم ان حياتى كانت حتبقى جحيم
لو حد كان قالى قبل ما احبه انى ممكن يحصل فيا كده
هو ليه مفيش قصة حب حقيقيه اكتملت

انا اسفه عالكلام اللى فوق يمكن يكون هنا مش مكانه مفروض اقفل عليه فقلبى
بس لقتنى عماله بكتب بكتب حسيت انى مصدقت الاقى مكان اكتب فى كان نفسى اطلع اللى جوايا كمان انا بطلت اكتب خواطر عشان مش لاقيه كلام يعبر عن اللى فيا
عامة اسفه بجد