كاتب الموضوع :
ola_mfs
المنتدى :
الارشيف
اقتباس :-
المشاركة الأصلية كتبت بواسطة metvirus  |
اتخنقت ومليت من حياتنا دي الي مالهاش أي معنى طول ماحنا بعيد عن ربنا سبحانه وتعالى
والي يخنق أكتر انك تؤمن بحقيقة زي دي ويعدي عليك سنين وانت زي مانت
بجد تعبت
|
إزيك يا محمد
أنا مش بحب أرد على الناس اللي بتكتب هنا .. حاسة إنو الموضوع بقى للفضضة أكثر منه للنقاش
علشان كدة سايباه مع نفسه كدة 
بس كلمتك لفتت إنتباهي و حبيت أرد عليها .. أولا لأنها تصف إحساسي حاليا
ثانيا لحيرتي في تحديد معنى كلمة القرب من الله
نعم صحيح أننا كلنا نردد الكلمة .. و لكن فعلا ما معناها؟ .. هل هي الصبر على الطاعات فقط؟!
طيب إذا كنت بتحاول و تحاول .. و رغم كدة حاسس بقلبك بقى جامد و قاسي .. تعمل إيه؟
بس تعرف .. أنا حبيت أحكيلك حاجة شخصية .. ليها صلة بالموضوع
أنا والدي رحمه الله طوال حياته كنت أشعر به شخصا طيبا جدا و عاديا جدا بنفس الوقت من ناحية التدين
يعني لا ملتحي و لا بيكلمني في طريقة لبسي و لا بيضرب إخواتي علشان ممكن يهملوا في الصلاة
راجل طيب و بس بمعنى الكلمة
يشقى 12 ساعة بعمله رغم مرضه بالقلب و معرفته بخطر ذلك على صحته علشان يوفر لنا حياة كريمة
تعرف مات إزاي؟!
ذات يوم سبت من 4 سنوات و كان طالع على المعاش من أشهر قليلة .. صحي صلى الفجر بالمسجد و قعد يقرأ قرآن بعد رجوعه
و خرج ليروي حديقة منزلنا
ثم قال لأمي أنه يرغب بالنوم قليلا في غرفة علا ة على سريرها
ثم خرج لصلاة الظهر بالمسجد أيضا و رحع .. تغدي .. و جلس مع أمي قليلا .. يتحدثون
سمع آذان العصر .. قخرج ليصلي و مات بالمسجد بصلاة العصر و هو ساجد
الله يرحمه و يغفر له
تعرف يا محمد .. أنا لما أفكر ليه ربنا رزقه حسن الخاتمة بالشكل ده رغم إن الحياة كانت واخذاه زي أي واحد فينا ..
أحسه لحاجتين
كان من أكثر الناس الذين رأيتهم بالدنيا برا بوالدته و إخوته .. كان يقبل يد أمه حتى وهو بالستين من عمره .. ماتت هي بعده بعامين راضية عليه
الحاجة التانية
أحسبه ممكن كان يحق فيهم قول رسول الله صلى الله عليه و سلم ما معناه "يدخل الجنة ناس قلوبهم كأفئدة الطير"
بجد كان كدة .......... عمره ما شال في قلبه حقد أو كره لأحد في العالم
أنا عارفة أنه أبويا .. و الناس كلها بتشوف أهلها بعد الموت بتلك النظرة
بس بجد أشعر به الآن كما لو كان ملاك يمشي على الأرض رحمه الله
عاوزة أقولك من كل القصة دي .. إن أحيانا ممكن تكون المواضيع مختلفة عن تصوراتنا
كويس إن الواحد يكون دايما في تطلع للأحسن
و يسعى
بس مش بس كدة
القلب
القلب
القب
حاسة إني لخبطت في الكلام
يا ريت تكون فهمت أنا عاوزة أقولك إيه :)
التعديل الأخير تم بواسطة dr_e ; 20-05-08 الساعة 11:26 AM
|
19-05-08, 07:27 PM
جديد مواضيع قسم الارشيف
العرض العادي
