كاتب الموضوع :
ola_mfs
المنتدى :
الارشيف
صباح الخير
أنا شعوري اممممممممممم مني عارف بس يغلب عليه الراحة ولله الحمد
النت مقطوع عندي من يوم 18 رمضان الله حسبي الله ونعم الوكيل على شركة الإتصالات
ويوم الجمعة سخنت وحلقي ملتهب وبطني تعورني عندي تلوث من الأكل بيني وبينكم لو أحسبها يمكن هادي المرة التالتة أو الرابعة خلال 3سنين يجيني تلوث أول أمس وصلت حرارتي 40 من الساعة 7 مغرب للساعة وحدة في الليل والحرارة مو راضية تنزل
الحمد لله اليوم أحسن بكتير من أمس وأول أمس
والجامعة كان عندي مشاكل في التخصص ودوبها قبل ساعة أنتهت وأتخصصت أخيراً هندسة مدنية وباقي بس أضيف المواد بعد الظهر إن شاء الله رايح أضيف
أكتر شي مريحيني إنه في ناس يهموني أخيراً قدرت أطمن عليهم يا رب يوفقهم وييسرلهم طريقهم
ويجمعني بيهم في حال أحسن من إلي راح يجمعني بيهم طول العمر
آسف لو في أحد زعل مني أتمنى يسامحني
أنا مني زعلان من أحد أو شايل في قلبي لأحد
وأقول للي في بالي
كدة أنا مطمن عليكم
أستمروا في هذا الطريق وراح تكونوا شي كبير في يوم من الأيام
لا تتنازلوا عن أحلامكم ممكن تعدلوها للأحسن بس لا تتنازلوا عنها ودايماً حالوا توصلوا لحلمكم بالطرق الصح وربنا راح يساعدكم
ما أدري أنا إش موقعي من الأعراب
بس في الوقت الحالي مو هذا المهم
دحين المهم الشي إلي عندنا إلي نقدر نبرز فيه وهوا دراستنا
أكبر غلط إنه الواحد يطالع لبعيد وينسى إلي هوا فيه دحين فلا ياخد لا هذا ولا دا
ركزوا على الوقت الحالي وكل شي راح يكون له موعد محدد
آسف إذا كلامي ضايق أي أحد
أشوفكم على خير
مع السلامة
|
13-10-08, 11:34 AM
جديد مواضيع قسم الارشيف
العرض العادي
