كاتب الموضوع :
NONO123
المنتدى :
القصص المكتمله من وحي قلم الاعضاء
(الفصل التاســـــــــــــــ9ع عشــــــــــــــــــــ1ر وما قبل الاخير الفصل الثاني )
مرت ايام وشهور على ابطالنا واختلفت فيها مصايرهم وتلاقت دروب وافترقت دروب اما ابطال قصتنا فلا زالت حربهم مستمره وما اعلن اي واحد فيهم من الي بيسلم الاول
"أحلفي ؟؟؟؟؟؟
شمايل بسخريه "من متى انا اكذب ويا ذا الوجه شوفيها اختج صاخه مو مصدقه
رناد مو مصدقه معقول يتحول الحلم المستحيل حقيقه معقول انها تلاقي الانسان الي حبته ويصير حلالها يصير حبها حب مو محرم معقول بعد العذاب تنصف ويكون لها
جنان"شوفيها مو مصدقه اقول اختي العزيزه انتي ما تحلمين تراج تسمعينا وتشوفينا يعني احنا صج موجودين حشى كنج تشوفين اشباح
شمايل تضربها على راسها "هذا وقت اطنازتج انتي بعد رناد يا قلبي ردي علينا وش فيج
ادموعها قامت تهل دموع فرح دموع الم دموع عذاب "مافيني شي ...وصارت تبكي بشكل هستيري خوف البنتين اقعدت شمايل احذاها وهي تضمها لها بحنان"لا تبكين عارفه الي فيج بس شوفي كتبت رب العباد بعد العذاب و بعد المعاناه هذا الحب الي يكتب له انه يطلع لنور لنه حب صافي وبريئ ما تدنس فيا قلبي افرحي بنج حصلتي الي تمنيتيه وحبيتيه وعيشي بفرح على فكره تراهم بكره جاين وبيشوفج الشوفه الشرعيه يعني جهزي حالج ...
جنان وهي تنط على الافراش وتحظنهم ثنتينهم "اقول يا مس نكد انتي وهيا فكونا من مسلسلكم الاتراجيدي وخلونا نستانس مبروك يا قلبي شفتي ما بعد الصبر الا الفرج وهذا ربج سبحانه كتبه من نصيبج و الحين خلينا نستعد يبيلنا غاره على السوق وش رايكم
شمايل بضحكه "انا مستعده بس ابو الشباب يعطيني الاجرين ليت ووننطلق و الحين اخليكم يلا سي يو ....اطلعت من عند البنات رايحه جناحها ادخلت لقته قاعد وفي يده اكتاب و ما رفع اعيونه عن الاكتاب حس فيها وبحضورها قربت منه واقعدت احذاه وعينها عليه طول هذي الاشهور الي مرت حياتهم كانت شد وجذب منها ومنه ولا واحد ارخى بس هي من ناحيتها مو مقصره في واجباتها تسويها على اكمل وجه وهذا الي ذابحه حره انها عاده نفسها بس لخدمته وطلاباته وناسيه اهم طلب يطلبه رجل من مره حبها وقلبها وهذا الشي الي معذبه سمعها تناديه "راكان ؟؟؟؟؟
راكان "كلمتيها قلتيلها انه اخوج بيشوفها الشوفه الشرعيه
شمايل"قلتلها ممكن اذاما عليك امر اطلب طلب صغير
استغرب منها طول هذي الفتره ما طلبت منه ولا شي خاصه بعد حوشتهم الاكبيره على المصروف وين تصرف اثاريها تصرف من احسابها الخاص والي ابوها مخصصه لها كانت رافظه انه يصرف وصارت معركه بينهم لين اوصلوا انها صارت بينهم قطيعه حتى كلام انعدم "تفضلي انا اسمعج امري يا بنت سلمان ...بسخريه
طالعته بهدوء وهي عارفه انه لسه غاضب ومعصب على عنادها بس انه يصرف عليها وهي ماعطته حقه ما يصير ولا ترضاها على نفسها "ما يامر عليك عدو يا ولد عمي انا بغيت بعد أذنك اروح لرفيجتي
راكان بستغراب "انتي عندج رفيجه عايشه اهني
شمايل"هذي بنت من الديره اهني وانا عرفتها لما كنا برع ندرس وهي صديقتي العزيزه على قلبي وبعد راح تصير جنتنا قريب
راكان بذهول "ليه عندج اخو غير علي واحنا ما ندري
شمايل بضحكه ناعمه "لا تخاف احنا نبي ريناد بس رفيجتي نبيها لولد اختك
راكان بضحكه "من سلمان من صجج انتي مو كنه اصغير على الزواج
شمايل بسخريه مبطنه "لا مو اصغير لا تنسى في ناس تزوجو اصغر من كذا يا ولد عمي
قام يخزها بنظرات غاضبه "وبعدين معاج انتي لين متى وحالنا بيضل كذا اعتقد انتي ما بترتاحين الين الله يا خذ عمري و تفتكين مني وبكذا تطيب نفسج الحقوده ....وقف وهو يطالعها بعيون حزينه ..اسمعيني ترى الموت قريب من البني ادم اسرع من لمح البصر و العمر قصير قصير وانا طال و احنا نضيعه في احقاد و انانيه
قامت معصبه وهم متواجهين "الحين انا وش قلت عشان تفتح هذي السالفه الي تغث ما صارت كلمه هذي اوف راحت عنه الغرفه اما هو ابتسم وراح وراها لقاها تطبق اهدومه في الكبت و تحرطم مع نفسها وحركاتها تدل على غضبها قعد على الافراش وهي تشوفه بغضب وتصد عنه وتكمل شغلها "طيب لا تمدين البوز متى تبغين تروحين لرفيجتج هذي
شمايل "غيرت كلامي ما ابغي اروح ريح عمرك ما صارت هذي حاله ولا عيشه
راكان"عشان تشوفين كيف كلمه عاديه خلتج كذا اجل انا وش اسوي على كلمه قلنها في لحظه طيش بس قاعده تحاسبيني عليها العمر كله على العموم انا ما يهون علي زعلج قرب منها وحصرها بينه وبين الكبت وشاف كيف اعيونها اتسعت بخوف
شمايل وهي تدفه من كتفه عشان يبعد "وخر و ش صايدك اليوم خلني
راكان بخبث"واذا ما وخرت وش راح تسوين ...قرب اكثر و حط اصابعه يلمس خدها دفت يده بعيد و هو رد يقربها ويلمس خدها بنعومه وهي تدف يده
شمايل بقهر و عذاب "بس خلاص يكفي انت وش سالفتك اليوم
راكان بمكر شديد"وش سالفتي رايق ومكيف على الاخير وش بعد ابغي الي اتمناها بقربي وان هي ابعدت ابيها واحبها وان اكرهت
بحزن وحنان طاغي ابعدت يده عنها وبهدوء"مافي فايده فات الوقت يا ولد عمي و الشرخ الي في روحي مو من الممكن انه يتصلح بكلمه
مسكها بكل قوته وعينه في عينها "عمر الوقت ما يفوت طال ما رب العباد كاتب لي العمر بكسب هذا القلب العنيد وهو يحط يده مكان قلبها وبصير لج النفس الي تنفسينه بس ياريت ساعتها ما تندمين على ما ضيعتيه من وقت في خصام وزعل تركها من يده وبصوت واطي خلها تطالعه بذهول احب كل شي فيج احب عنادج وطيشج وجنونج احب ضحكتج وحزنج احب روحج فديت روحج حبها على جبينها برزي نفسج انا العصر باخذج لها تركها وعيونها مفتوحه على الاخير اما هو طلع على شفايفه ابتسامت رضى
مذهوله حدها وعيونها بتطلع من مكانها المست مكان شفايفه وغامت دمعتها كل ما قرب منها خطوه ابعدت هي الف في حاجز يمنعها حاجز اسمه الكرامه يا ترى بينكتب لهذا الكابوس الي عايشته من نهايه ولا راح تعيش الم جديد تحبه بس في نفس الوقت تكرهه كيف الكره والحب ينبعون منها من الم الاسنين و عذابها يما مرت عليها لحظات كانت محتاجه منه الكلمه محتاجه منه الحب كان زوج على الورق عمره ماكان غير ورق في ورق اقعدت على طرف الافراش وانثنت بنهزام وبكسره نفس وبتعب
\
\
\
\
\
قام من السرير و هو يطالعها بخبث وكره "ليش خايفه انا وانتي نحب بعض وهذا يكفي وقريب بجي واطلبج من هلج لا تخافين و الحين بدلي اهدومج وخلني اوصلج مكان ما خذتج يلا انا انطرج برع
في حاله ذهول وهي تسمعه وتشوفه افقدت كل شي كل شي ضاع وهي السبب بدل ما ضرتهم ضرت نفسها الضرر الاكبر اخسرت ربها واخسرت شرفها قامت وهي تلف الابشار عليها وتدخل الحمام حياتها تدمرت وهي السبب بس هذا طريق ومشت فيه بختيارها ولزم تكمله وهي عارفه نهايته بسخريه شديده ابتسمت ابتسامه كلها الم قاتل و كره لنفسها
و في الصاله برع كان يضحك بسخريه شديده "أكيد جبتها هههههه لا صبر شوي عادها ماتعودت على السالفه هذي اول مره خلها تتعود عقب بسلمها لك ولصاحبك عن طيب خاطر افا انت تامر امر كم صاحب عندي بس اصبر عليها شوي وتلاقي كل الي يسرك يلا هذي هي اطلعت اكلمك بعدين
تشوفه بنظرات مليانه كراهيه له ولنفسه الدنيه قام يبيع ويشتري فيها خلاص ادخلت الدوامه والي يدخلها ما يلاقي طريقه "أنا جاهزه ممكن ترجعني
قرب منها يحاول يبوسها لكنها وخرت عنه بقرف ونفس خايسه كنه انسان مجروب وش صار لها "مو وقته انا تأخرت كثير و امي يمكن تلاحظ وتعلم اخوي وبعدين ما يسمح لي بالمره اطلع تدري بطلعت زور خلوني اطلع
ناصر بخبث"افا بس ابي تصبيره لين نلاقي فرصه ثانيه يلايا قلب ناصر انتي ما تبين تزعليني صح قربت منه وسلمته نفسها وهي قرفانه بس خلاص تحس انها بترجع وخرت عنه وهي ميته من داخلها "ناصر خلاص الوقت مو في صالحي عقب ما راح تشوفني خلينا نمشي
ناصروهويسحبها معاه على برع "ريووووووووفي يا قلبي ما ودي تروحين بس راحتج عندي بالدنيا يلا
طالعته بكره كذاب انا وانت اكذب ما خلق ربي انت خذت الي تبيه الي يبيه كل منحط مثلك من الي تفرط في نفسها وعرضها وتنسى ربها ودينها وانا ما اختلف عنك عشان كرهي لهم دمرت نفسي ومشيت في طريق الي يروح ما يرجع ولزم استغلك احسن استغلال يمكن انت تكون وسيلتي لتدمير هذا الزواج وتحطيمه من الاساس وتحطيمهم كلهم معاه ابتسمت في وجهه بسخريه شديده
\
\
\
\
\
تشوفه بعيون معجبه هذا الانسان عاجبها في الصميم تحسه فرصه العمر بس الي اسمعته انه تزوج من متى الفرصه راحت بس ليش هي فيها تاخذه عندها المقومات الي يمكن ما تكون عند زوجته حسب الي سمعته تزوج زواج تقليدي متخلف مثل كل هذي الزوجات الي تصير في مجتمعهم ومن بنت عمه اكيد وحده جاهله ومتخلفه مادام اصغر منه قربت من طولته هو طلال وقفت وهي تشوفه بدلع وبصوت رقيق"الحمدالله على السلامه دك ومبروووووووك الزواج ولو انها متأخره شوي
راكان ببرود"الله يبارك فيج الفال لج دكتوره
سليل بسخريه "اي دونت ثينك اين مارج ناو ما ي كورير ايز مور ايبمورتنت
طلال بطنازه "صادقه اهم شي ان محد ينبلش بج
طالعت طلال بكره وحقد"انت انسان سخيف اضن انا ما وجهت الكلام لك
طلال بكره اكثر"من دق الباب جاه الجواب
تركتهم وهي تغلي في داخلها تكره هذا الانسان تحسه كاشفها وعارفها والمصيبه انه صاحبه الي ما يفارقه يعني ما فيها تقرب منه الله ياخذه هو الي من نوعه
\
\
\
\
\
راكان يضحك من كل قلبه "هههههه جعمت البنت وش فيك عليها يارجال ما قالت شي عشان تشب فيها كذا
طلال بسخريه"اكرها ما واطنها في عيشت الله هذي البنت ماتنزل لي من زور احسها خبيثه ونفسها دنيه ونظراتها فيها خبث وحقاره
راكان"وش لك فيها خلها تولي حقارتها وخبثها لنفسها ما تظرني ولا تظرك في شي وانت ليه ما تعرس وتفك خلق الله من حشرتك
طلال"ايدي على ايدك من ترظى فيني وانا بهذي الحال امي مره كبيره في السن ومحتاجه رعايه ما اعتقد ان اي بنت ترضى انها تعيش معاها وانا امي عندي بالدنيا
ورضاها عندي بالدنيا ولا مره تجي تنغص عليها ولا تعذبها لا يا اخوي خلني اعزوبي ارحم
راكان بنظره غريبه "والي يقولك عروسك عندي بس انت انو وتوكل على الله
طلال بغرابه "شكل العرس اثر فيك والله الي يشوفك الحين ما يصدق كلامك قبل
راكان"في هذي صدقت وخاصه لين لقيت نصك الثاني و الي تحس معاها بمنتهى الرضى و السعاده يا رجال رغم قلبي المحروق منها الا انها في تعاملها معاي منتهى الرقي وشايلتني شيل قبل لا اقول ابي القي كل شي بس عليها لسان لين انطلق كنه صواريخ تصدق في احيان كثير اشك انها تحس من الاساس صايره اله اقرب منها للبشر بس عشان تبعد عني ولو اني في احيان اصيدها واشوف في اعيونها نضرات عمري ما شفت في حلوتها نظره كلها حنان وحب طاغي بس من تتكلم تتغير وتتحول ميه وثمنين درجه تصير تبي اي طريقه عشان تجرحني بكلامها وتحرق قلبي احيان يجيني خاطر اقوم و افغصها من حرتي
طلال بطنازه"هههههههههههه كل هذا وبعد تبيني اتزوج لا يا ابوك خلني اعزوبي ارحم لي مليون مره من العذاب الي انت عايشه وش الي حادني
راكان بقهر"اسكت يا رجال والله اكثر من كذا بس لماافكر حياتي بدونها وحياتي وهي فيها افضل عذابها وجودها ولا وحدتي وحياتي الفاضيه الحين احس ان لحياتي هدف وان لوجودي قيمه وان في الي احتري منها الحب و انتظر منها الوصل
طلال"لين الحين ما عطتك حقج وانت وش الي مسكتك عليها هذا حققج بشرع ربك وهي عليها انها تطيعك فيه هذا مو زواج تدري هذا اكبر غلط انتو كذا ما في اي تقدم بينكم يارجال الي تبيه هو الي يقربكم من بعض ويحنن قلبها عليك لكن بعدها يزيد جفها
راكان بذهول"ليه تبيني اخذها غصب لا هذا الشي ما ترضها كرامتي ولا رجولتي حتى لو على قولك يقرب بينا بس ابيها برضاها ابي حبها ابيها يوم تعطيني نفسها يكون عن حب و اقتناع مو غصب وجبر عشان على قولك الشرع الشرع قال موده ورحمه مو جبر وغصب فكني من هذي السالفه وش الي غير الموضوع توهتني عن الموضوع الاصلي ترى المره الي تبيها عندي
طلال "انت من صجك تتكلم جد
راكان"وهذي فيها مزح طلال انت رجال اي حد يبيه لبنتهم اخلاق و اصل طيب ودكتور وش بعد اكثر من كذا
طلال"بنت من ؟؟؟؟؟؟؟؟
راكان بخبث"يوم تقول اي بقولك بنت من !!!!!!!
طلال بلهفه"واذا قلتلك من الحين اي يتقولي من هي
راكان "اذا كنت جاد اي بقولك وبعد بدلك بيتهم وش رايك
طلال بلهفه اشد"موافق يلا قول
راكان"أختي !!!!!!!!!!!
طلال ضل مبحلق فيه ومبهت ومذهول"انت من صجك بس على قولك ولدعمك يبغي اختك
ابتسم راكان بهدوء"هذي اختي الثانيه شوف لو اني ما اشوفك الرجال المناسب لها واشوفها الزوجه الي تبيها صدقني ما كنت فتحت الموضوه معاك ويمكن الكثيرين راح يقولون ان الي اسويه اكيد ان اخته فيها عيب او شي غلط بس هذا موغلط اذا شفت لها الزوج الصالح والي يكملها وانت انسان اعرفك وتعرفني وبينا عشره عمر وما غلطت يوم قلت انك الي ابيه لختي زوج وشريك حياه راح تصونها وتحفظها وتخاف الله فيها وهي راح تكون لك العون والسند و حق امك البنت الي ترعها وتداريها هذا مو مدح في اختي بس هذي حقيقه وانا اشوفكم مناسبين لبعض في تشابه بينكم كبير في الروح الخفيفه وحب الحياه واشياء راح تكتشفها انت بنفسك
طلال بعجله "قوم يلا امش جدامي
راكان مستغرب"على وين ؟؟؟؟؟؟
طلال بعجله ولهفه "توديني بيتكم اخطب وين الانسان منا اذا يلاقي الزوجه الي تقول عنها وما يتلاحق نفسه قوم بس
راكان بضحكه "ههههه من شوي ما كنت تبي و الحين بتطير انت كلم الوالده اول وهي بتكلم الاهل عندي وبعدين يصير خير
طلال وهو طالع من الباب وبصوت ملهوف"طيران الحين رايح لها
راكان بصوت عالي "يا الخبل خلها لين خلصنا
طلال بعجله "ما فيني صبر لا تنطرني قدم لي على اجازه ساعيه باي
\
\
\
\
\
"وش فيج انا من جيت وانا ملاحظه شي الوالده الله يحفظها شكلها تعبانه كثير وانتي شكلج بعد ما يوحي بالخير وش صاير
فتون بحزن "راح يا شمايل ولا فكر فينا ورده ما يبي يرد كله .......وسكتت
شمايل وقفت وهي تطالعها بحزن "كمليها ليش سكتي يا صاحبتي الوفيه انا ما قلت لخوج يحبني و لا الي ضربته على يده من البدايه هو غلط وهو عارف اني من حق غيره فليش تلوميني
فتون قربت منها و حضنتها بقوه وهي تصيح "سامحيني والله ما اقصد بس الي مستغربه له انه على كل الي شافه والحريم الي عرفها ...توها بتكمل قاطعتها شمايل بعنف
شمايل"ااخوج عمره ما كان لعاب وراعي حريم
فتون بذهول "انتي وش تقولين بس هو يتكلم
شمايل"الغريبه انج ماتعرفين اخوج زين الي يحب بهذا الشكل عمره ما يكون راعي حريم واما التلفونات فكان انتو الي تصورتوه يكلم حريم
فتون بغرابه "شمايل انتي تدافعين عنه وش السالفه
شمايل "لا سالفه ولا غيره بس انا ما احب ان اي انسان ينضلم وخاصه للي مثثلي ذاق الضلم اخوج محتاج وقت عشان ينسى وصدقيني اذا الله كتب راح ينسى بس عطوه الوقت ولا تظغطون عليه بس انج تلوميني وتركبيني الغلط ما توقعتها منج
وقفت وهي تشوفها بغضب وحزن ...ظنيت ان الكل ممكن يغلطون لنهم ما يعرفوني بس انتي لا صرتي مثلهم وتركتها وادخلت الحمام وهي دمعتها على خدها وتسمع فتون من وراءء الباب
فتون"افتحي بليزززززوالله موقصدي وهي تصيح بس من قهري ارجوج انا والله ما قصدت وانتي عارفه ارجوج اطلعي واسمعيني
اطلعت وهي عينها في عيون فتون"ما ابي اسمع شي كل الي ابيه اني ارد بيتي وراحت على شنطتها وطلعت موبايلها تنطره يرد عليها اول مره تضربله من موبايلها
\
\
\
\
\
يكتب في الملف الي في يده تحرك جواله في جيبه من الي يضرب له الحين رفع عينه على سليل الي واقفه احذاه"دكتوره فيج تكملين الفحص انا راجع ...طلع وهو يرفع الجوال يشوف الرقم هذا رقم غريب هذا فيه فتح خط الدوحه وش السالفه "الووووووو
وبصوت مخنوق "راكان ابيك تجيني الحين
تخرع هذي شمايل صوتها مو مريحه كنها تصيح ما امداها اقعدت مع صاحبتها ما صار لهم ساعه وش صاير"شمايل وش فيج وش فيه صوتج شي يعورج ردي علي
شمايل تسمع لهفته وخوفه عليها خلها تحس بقهر والم محتاجته محتاجه الزوج و الحبيب محتاجه منه حنانه وحبه نزلت دمعتها "ما فيني الا العافيه بس ابغي ارد بيتنا حاسه بشويت تعب
فرحته كلمتها بيتنا بشكل كبير كبر خوفه عليها يمكن هذي اول مره تجمع نفسها معاه
راكان ما صدقها يعرفها من صوتها "طيب اشوي بجيج ربع ساعه خلج بارزه
سكر عنها وفي راسه الف فكره وفكره توديه وتجيبه يحاتيها وخايف عليها صاير شي بس هي ما تبي تقول دخل شاف سليل وهي تكلم الممرضه بطريقه مو حلوووه مره
سليل"انتي غبيه ولا تتغيبين اقولج الملف مو كامل والتقارير الي طالبها الدكتور راكان مو كامله هذا اهمال منج ولزم تتحاسبين انا ما يخصني ولدج مريض ولا غيره
الممرضه "بليزززز دكتوره انا مستأذنه من الدكتور راكان وهو عارف حالت ولدي وعاذرني
سليل بغرور"يوم انج مو وجه شغل انثبرتي في بيتكم ابرك لج انا راح ابلغ عليج الاداره وهي تتصرف معاج على اهمالج هذا
راكان بصوت غاضب لكن بارد وهادي "دكتوره اعتقد اني قلتلج بس تفحصينه ما يدخلج مع الطاقم الي اتعامل معاه ولا طريقه معاملتي وبعدين النرس جمانه من افضل الممرضات وهي الافضل في طاقمي
سليل بحراج وغضب"اي افضل وهي ناسيه تحط اهم التقارير اهمال مثل هذا يودي المريض في داهيه انا مضطره ابلغ الاداره على هذا التسيب
راكان بدون لا يلتفت عليها وبصوت بارد "وانا مضطر اقول ان ما يدخلج انتي متدربه عندي والي اسويه ابد مو من اختصاصج التزمي حدودج والا راح اطلب استبعادج
افتحت اعيونها على كبرها مو مصدقه وانسحبت من قدامه معصبه ومنقهره وهي تطالع الممرضه بغضب وقهر
الممرضه بصوت ممتن "شكراً دكتور ياريت الكل في مثل رقي اخلاقك وطيبتك
راكان بصوت مزوحي "بس لا تاخذينها عاده نرس جمانه انا بخلص هذي الحاله وطالع و اذا في شي مهم اتصلوووو علي
النرس "شور دكتور اي شي ثاني
راكان "نتايج التحاليل القيها في الملف عشان ما يكون لدكتوره سليل عذر لو سمحتي
\
\
\
\
\
اعيونهم في اعيون بعض وصار لهم وقت ساكتين في نظره شمايل عتاب والم وفي نظره فتون اسف وحرج وعو على صوت الجوال ارفعت شمايل تلفونها"الوووووووو اي جايه خمس دقايق ...سكرت وقفت تلبس عباتها وغطوتها وبصوت بارد ...لو سمحتي ممكن تشوفين لي الطريق
فتون اذهلها صوت شمايل البارد عمرها ما توقعت انها تكون بهذا البرود والجفا بس هي معذوره هي غلطانه والمفروض ما تحملها غلط اخوها مشت قدامها لحد ما وصلتها الباب الخارجي امسكت يدها بقوه وبصوت مليان صياح "سامحيني يا الغلا ارجوج سامحيني
شمايل بغصه "ياريت اقدر يا ريت جرحتيني كن الي فيني ما يكفيني جيتي وزدتي علي توقعت العالم كله يلومني وما يعرفني الا انتي لكن صرتي مثلهم سامحيني اذا بعدت وجفيت محتاجه وقت الملم فيها جروحي من اقرب الناس لي وانتي اولهم ربي يحفظج اشوفج اذا الله كتب لنا عمر
فتون بصوت حزين وهي تشوفها تطلع وكنها تودعها معقول هي وش سوت اخسرتها وهي الي تعرف مدى حساسيت شمايل ورقه مشاعرها وانها ما تغفر بسهوله للي يجرحها ويكسر مشاعرها "شمايل ....بس ما سمعتها راحت
\
\
\
\
\
اركبت جنبه وبصوتها العذب و الحزين "السلام عليكم انا اسفه اني سحبتك من شغلك بهذي السرعه
راكان بتذبحه هذي البنت تفكر انه ما يعرف صوتها لين كانت تصيح وحزينه ما تعرف غلاها وش كبر ما تعرف انهاصارت روحه الي يعرفها مع كل نفس يطلع من صدره بصوت بارد "وعليج السلام والرحمه ولا يهمج بس مو كنج ما صيفتي عندها اخبركم يا الحريم لين اجتمعتو ما تخلصون الا بالطفق من الحش
شمايل بغضب وصوت فيه الصيحه "انا عمري في حياتي ما حشيت في حد لا تربيتي ولا ديني يخلوني اكون هذا النوع من البشر
راكان بصوت اكثر برود"تراه مجرد كلام ما يستحق منج الصوت العالي و الغضب هذا اعتقد مو من العدل انج تحطين حرتج فيني
شمايل وهي تصدعنه "صدقت انت مالك دخل اسفه يا دكتور منك العذر
راكان"والحين تقدرين تقولين لي وش فيج وليه البكاء و ش صاير
شمايل بصوت واطي "مافيني شي ارتاح
فجئه وبصوت عالي وغاضب"انت الكلام ضايع معاج اهتمامي فيج ومدراتي لج تعتبرينهم شي سطحي ما يستحقون منج تلتفتين علي حتى لو بنظره حنان وبكلمه طيبه كل كلامج معاي حرقه اعصاب وحرب مستمره وتعب لين متى لين متى حرام الي تسوينه فيني وفي نفسج انتي تحبيني
انقزت مع اخركلمه منه وكنه عراها من الغطى الي كانت مختفيه وراه عراى مشاعرها الي كان غطاها الكره والغضب من الماضي جرد روحها"تحلم عمرك ما راح تكون لي غير زوج وعلى الورق بس لا تفكر اني في يوم بسلم لك قلبي ولا مشاعري لن الي ما يصون مشاعر الاخرين ويحترمها ويعرف قيمتها ما يستحق منهم الحب ولا العطى في المشاعر
بغضب وحزن "بتندمين على كل كلمه تقولينها بس ساعتها ما راح ينفع الندم لن الي تحبينهم راحو وما بقى منهم غير الذكرى
بنفور منه ومن كلامه "ما ابغي منك حتى الذكرى تفهم وش فايده الذكرى اذا كانت فيها جرح لكرامتك وعزه نفسك جرح لمشاعرك واحاسيسك
راكان وهو يسفط السياره بغضب عند الباب "أنزلي احسن لج ولا راح تشوفين الي عمرج ما شفتيه مني ويتقولين راكان قال
شمايل بغرور وهي ترفع له عيون كلها كبرياء وشموخ "نازله ما يحتاج تصرخ لا تفكر اني متشفقه على القعده معاك بعدك هو كل الي ابيه تراه فيه راحتي
طالعها وهو يسمع تجريحها يوم عن يوم جروحها له تزيد لين صار من كثر طعونها مو قادر يتوجع "ترى الي خلقج خلق غيرج ولا تظنين اني بضل طول عمري اعتذر عن شي ما اشوفه غلط بس معزتج عندي تخليني استحملج بس يا ترى لين متى الي انتي عايقته غيرج يدور رضاه واشاره منه
بقهر من كلامه وغيره شديده ما توقعتها من نفسها "اي معزه يا ابو معزه وين كانت معزتك يوم طحت بين الحياه والموت وانت لهي عني ما تدري اني كنت في حادث وبغيت اموت وضليت في غيبوبه بين انت ولا كانت داري عني وينك يوم كنت محتاجتك في لحظات ضعفي وحاجتي لك وينك وانا محتاجه وقفتك معاي في كل لحظه من لحظات حياتي البنت منا يا دكتور تبي القلب الي يحن عليها ويحبها حب حقيقي ويحطها اول اولوياته و يحط فرحها وسعادتها نصب عينه ما قلت لا تهتم بمستقبلك بالعكس نجاحك هو نجاحي وسعادتك هي سعادتي بس ما تنساني وتنسى وجودي تلغيني من حياتك ويوم ما تصير حاجتك مني تتذكرني اسفه انا ما ابغيك ما ابغي انسان يلغيني بلحظه ويتذكرني بلحظه ابي انسان دوم انا حياته مثل ما هو راح يكون حياتي
مذهول من كلامها متى صار كل هذا وليش ما عرف وليه اهله ما قا لوله ليه "حادث عن اي حادث ومتى صار كل هذا وانا وين من كل هذا تعاتبين على شي ما كنت اعرفه وما دريت به الا منج الحين بس
شمايل وهي ترفع كتفها بتعب وتفتح باب السياره وبصوت مقهور حده "روح للي يبغونك رضاك على قولتك يمكن يقدرون يعيشون مع حقيقيت انك دوم راح تحطهم على هامش حياتك وعمرهم ما راح يكون لهم تأثير فيها اما انا فخلاص تعبت تعبت من الحرب وابي اعيش بسلام تعبت اداري الكل و اشيل همهم و انسى نفسي تعبت ادور رضى الغير و انا مو راضيه عن نفسي اما عن الحادث فيك تسأل امك عنه هي تعرف متى صار وليه من رخصتك ....
راحت عنه وهو في دوامه معقول كان في يوم راح يفقدها بدون ما يعرفها يفقدها ووجودها في حياته في كلامها اشياء كثير حقيقيه العيب منه مو منها و الغلط منه مو منها المفروظ ما كان ينسى الناس الي تحبه وعايشه عشانه بس للئسف هو عزل نفسه ونسى معنى و طعم الحياه و الحين جاي يعاتبها ويبغي حبها زين منها مستحملته وقايمه بواجباتها اتجاه معذوره وربي انها لها كل الحق بس الحادث لزم يعرف وليه ما علموه نزل من السياره ودخل الصاله لقاء امه وخواته قاعدين ومستغربات وش صاير "السلام عليكم
امه بحنان طاغي "عليك السلام والرحمه هلا وغلا يمه
قرب من امه وحبها على راسها وضمها بحنانه"هلا فيج يا الغلا كله كيفيج اليوم
امه بحنان "بخير يا ولدي يومه مو كنك مبدر اليوم
راكان "جبت شمايل ما شفتوها
امه "الا سلمت وطلعت جناحكم تغير اهدومها وبتجي
راكان "اها طيب ...التفت على خواته الثنتين كيفيكم يا وكاله الانباء وانتي يا العروس
رناد انحرجت اما جنان نطت احذاه وحبته على خده "هلا وغلا بشيخ الاشيوخ كلهم بعد عمري انت ركونه الحلووووو
راكان بعد الموشح هذا عرف انها تبغي شي "هاتي الي عندج ما تقولين ركوني وبعد عمري الا وراج مصيبه ولا طلب يلا اشخلي الي عندج
جنان بحراج عارفها "شوف عندي طلب بس حتى لو ما نفذته تضل ركوني والغالي عندنا بس بليزززززززز ياريت تلبيه لنا
راكان "زين قوليه وانا اشوف اذا اقدر ولا لا
جنان "ودنا نغير جو ترانا ملينا وضقنا من قعده البيت ونبي نروح مكان نغير وجيه والله طفشنا و اولهم حرمتك معانا
راكان "طيب فهمنا وين تبون تروحون يعني مثل وين
جنان ورناد مع بعض "جده !!!
راكان يطالعهم بنص عين "وش معنى جده ليه مو شي قريب مو بعيد وبعدين ناسين ان بيت عمي جاين ولا نسيتي ان الشوفه و الملجه في نفس اليوم يا العروس
جنان بحره "اوف اذا هذي بتقعد تقولها يا العروس ويا العروس ما راح تنطق في يومها انا بتحدث عنهم رسمياً شوف يا طويل العمر جده عشان البحر والشاليهات نبي شاليه ونبلبط على قولت المصرين في البحر اما بيت عمك فخلهم يجون معانا من متى ما اجتمعنا كذا جمعه عائليه ومنها تعارف لعرسان الهناء وش رايك
وبصوتها الناعم والرقيق وهي داخله عليهم "ياريت من متى ما اجتمعنا بدون ما يكون حد منا مسافر او مو موجود وبعدين خاطري اروح جده من زمان جده غير
جنان"ههههههههه حلووووو هذي هي مرتك سوتلها دعايه وش قلت يا شيخ الشباب
راكان وعينه عليها وعلى جمالها الطاغي تسحره بكل ما فيها حت في لحظات ضعفها تسحره "أم فهد تامر امر وانا بشوف لين جو بيت عمي نحجز ومنها اخذ اجازه
جنان نطت تحظن البنات من وناستها "ياهوووووووو عاش ابو فهد فديت قلبه هو حرمته ما بغيت يا ابو الشباب اول ما قالت تبغي الغندوره وافقت
راكان بنظره تحذيريه "انجعمي يا ام لسانين والحين فيكم تنقلعون ابغي الوالده بروحنا
جنان "قايمين يلا قبل لا يغير كلامه قوموووو انتي وياها
قامت شمايل معاهم ماعادت طايقه القعده معاه خلاص فاض الكيل حاسه ان وجوده يضعفها ويسلبها كل قوه بداخلها وهي طالعه بلا شعور منها التقت عينها بعيونه تجمدت كل شي اختفى ضاع انفصلو عن العالم وصارو بروحهم شاف العتاب شاف الم شاف الحب الطاغي الي يختلط به الرفض اطلعت بسرعه هروب منه ودمعتها تسبقها ونسوى ان امه تشوفهم تنهد بأهه وتعب سمع صوتها الحنون "سلامتك قلبك من الاه يا قلب امك احضنته من كتوفه وهي تمسح عاى راسه راكان وش الي بينك وبين بنت عمك انا من البدايه حاسه بكم هذي مو شكل عروس مستانسه ولا هذا شكل معرس متهني مع عروسه وليدي طمن قلب امك وقولي وش الي صاير يمكن اقدر اسعادك وانا امك
راكان"يومه انتو ليه ما قلتولي عن الحادث الي صار لشمايل ليه مو زوجتي كان مفروض انا اول شخص يوقف معاها اول شخص تحتاجه انتو بكذا بعدوتني عنها اكثر ما انا بعدت
امه بستغراب "انت من علمك وبعدين يا ولدي البنت كانت في غيبوبه والله العالم كانت بتطلع منها ولا لا وانت في اخر الدنيا ليه نشيلك هم زود غير همك وغربتك وعمك الله يهديه كان رافظ وقال ماله حاجه والله يا ولدي مرت علينا ايام مانذوق فيها النوم واحنا نحتريها تقوم لين الله سبحانه من عليها وقامت اربع اشهور واهلها حياتهم مو حياه ينطرونها وبس اخ الي سوى الحادث مات كان قاطع الاشاره ومسرع وضرب سيارتها و وجاتها الضربه قويه لو رحمت ربك
راكان قلبه حارقه اربع اشهور وهي غايبه عن الناس و العالم وكان في احتمال ما ترد يارب رحمتك كل الي يحبونها كان في احتمال يفقدونها "اخ يا يومه والله لو دريت لتركت كل شي ورجعت يومه حياتي قست مشاعري وخلتني عديم الاحساس والشعور عندها انسان ما يقدر القلوب الي تحبه ضيعتها من يدي و الغلط مني والحين تجازيني على غلطي ما تبيني ولا تبي وجودي في حياتها لو هذا الزواج الي انكتب عليها عمر قالتها ما كانت راح ترضى في انسان عديم الاحساس مثلي
عورها قلبها على ولدها معقول البنت الي تمنتها له تكون قاسيه عليه بهذا الشكل ولدها الحنون والطيب عمره ماكان عديم الاحساس والا المشاعر بس هي تحبه من نظره عيونها من صوتها ليه تعذبه يبدو ان كرامتها هي الي تخليها تبعد وتجرح "راكان شمايل تحبك و تعزك بس الي يحرك المره منا ويخليها تبعد عن الي تحبه كرمتها شوف انت كيف تداوي جرح الكرامه وصدقني ساعتها بس راح تصفى لك وتعيش معاك برضى
راكان وهو يقوم واقف ويشوف امه بحنان "الله كريم يومه ويقدرني امسح كل الي بقلبها من الم وحزن من صوبي لني صج احبها واتمنها يلا من رخصتج انا راد شغلي
امه بحب "في حفظ الله يا الغالي تحمل على نفسك ....تشوف انكساره وده تروح لشمايل وتشوف وش قصتها بس هذي مششاكل بينهم ولزم هم بروحهم يحلونها ولا ما راح يكملون بدون ما يصفون القلوب الي شايله الله يهديهم بس ما يعرفون انهم يضيعون احلى واجمل الاوقات والي يروح ما يرد ما يعرفون ان العمر قصير ولزم ما نضيعه في تفهات وصغر عقل لحول ولا قوه الا بالله تحب شمايل وعارفه انها الوحيده الي بتسعد ولدها والي تناسبه يارب اهديهم ونور لهم طريقهم
\
\
\
\
\
ترجف من راسها وللين ارجولها حاسه بخوف ورهبه بتشوف الحلم الي تمنته بتشوف الانسان الي حبته حب كانت تضنه مستحيل لكن ربنا كتبه من نصيبها اسمعت شمايل وهي تحلطم عليها "اوهوووووووو وقفي يا بنت عن الانفظه تراج لوعتي كبدي كن الي يقول بتشوفين الفك المفترس هذي اخوي ما يخوف ما راح ياكلج قري شوي بيخترب مكياجج
جنان وهي تضحك عليهم "خليها بنشوف بعد شوي لين شافته وش بتسوي زين ما تطب علينا ساكته
شمايل بغضب"مالت على ذا الوجه صج الناس تبارك لختها و انتي يا ام لسان طويل يبيله حش تفاولين على اختج لا بركه فيج من بنت وانتي الثانيه ان ما وقفتي عن النفظه ان اشهد اني كافختج بمشط الي في يدي اووووف ما بغينا انخلص والحين شوفي نفسج
جنان"واوووووووو شموله انتي افتحيلج صالون عليج يد فنانه رنو يا قلبي تجننين طالعه قمر وربي لا تصرعين الرجال من اول نظره
شمايل "ما يحتاج اختج عيني عليها بارده جمال وعذوبه كل الي سويته اني ابرزته اقول قومي فجي الباب ما تسمعينه يندق
جنان "ما تشوفيني مشغوله انتي يدج خاليه قومي فجيه
شمايل وهي تطلعها بغضب "مسودت الوجه الحين من صباح الله خير وانا على رجولي ما وهلت ولا ارتحت وانتي متبطحه يا مال البطحه قولي امين
راحت تفتح الباب وهي تتهدى بنعومتها وجمالها لبسه فستان حريري ذهبي وفيه شيفون على شكل قصات مدرجه من جدام قصير ومن وراء طويل وكعب طويل زادها طول وقامه تفتن من يشوفها افتحت الباب وشافته مشتاقه له مشتاقه لصوته صار لهم اسبوع وهم يتجنبون بعض وما بينهم اي كلام بلعت ريقها تحس نظرته تغيرت يشوف كل شي فيها يفصلها تفصيل متسند على الطوفه وفي يده الاكتاب صدت تبعد اعيونها اسمعت صوته "ممكن تشوفين لي الطريق اذا ما عليج امر يا بنت سلمان
بأدب وبرود "مبروك يا ولد عمي الفال جنان
طالعها ببرود شديد وغضب "اذا معاكم حد غريب عطيها توقع وانا ناطركم تحت عشان اخوج يبغي يشوفها
صاير يتجاهلها ويبتعد عنها حتى الكلام مختصر بينهم كله اوامر اوجيبي هذا او سوي هذا ببرود سحبت الدفتر من يده وبغضب"انت مو وجه حد يتكلم معاك او حتى يقولك مبروك
يطالعها وبصوته سخريه "والله ما عرفنالج ان كلمناج ما عجبج وان ما كلمناج ما عجبج وان تجهلتج ما اعجبج وان اهتميت فيج بعد ما اعجبج والله حيرتيني يوم ما تستقرين على شي عطيني خبر والحين ممكن تشوفين لي الطريق
قربت منه خلته يفتح اعيونه على وسعها وارفعت يدها وهي تشوفه بشيطنه وهو ينتظر منها حركه من حركتها الي تشعله وتحرقه من راسه لين ارجوله مدت يدها على عارضه الي مخففه وامسحت عليه بنعومه خلته مذهول ومصدوم قام يبلع ريقه سمعها تقول بصوتها الناعم وثمها على اذنه بصوت حنون "تقدر تدخل يا الغلا محد غيري انا وخواتك وخرت عنه وهي تشوفه بخبث يوم تعرف وش ابغي منك راح يكون اليوم الي فيه تكون حبيبي وحياتي والي اخترته شريك لروحي ومشاعري تفضل يا ولد عمي ومشت جدامه بغنج ودلع خلته شوي وناوي يذبحها حست بيده تمسكها بقوه التفت عليه بستغراب
راكان "وخري انا بمشي دال الطريق ما يحتاج وهو يصر على ضروسه من القهر لدرجت مشا قدامها وسمع ضحكتها الناعمه وهي تمشي وراه وكلها خبث والله انها عارفه انها قاهرته طق الباب وافتحه على حس خواته شاف رناد ابتسم بحنان لها وقرب منها وحضنها.........مبروك يا حلى واجمل عروس تعالي وقعي
رناد بخوف وصوت يرجف "الله يبارك في عمرك ويخليك لي يا اخوي ولا يحرمنا منك يا الغلا ومدت يدها وهي ترجف للقلم الي في يده حولت تمسكه بس من نفظتها يطيح وويرجع راكان يعطيها اياه سمعت ضحكته اخوها
راكان بحنان وحب "وش رايج اوقع عنج بكذا ترتاحين مرخوص ولا لا شافها تومي براسها ...هههههههههه ها بس مو بعدين تلوميني وتقولين انا السبه لين تهاوشتي معاه امسكي يا الغلا هذا شي لزم تسوينه بنفسج انتي توقعين مصيرج بيدج شافها وهي توقع بيد مهزوزه ارتفعت عيونه لشمايل الي واقفه وهي تسمع اخر كلامه وشاف نظره غريبه في عينها وعرف هي وش تفكر فيه هي انسلبت الحق انها تختاره وتوقع على حيتها معاه انسلب منها هذا الحق والحين هي تعيش معاه لنه هو اختيار الاخرين لها مو اختيارها صد مجروح تعب من كل شي
شافته وهو يصد عنها لما سمعته يقول لرناد هذا الكلام حست بطعنه يعني شايف من حق اخته تختار الانسان الي تعيش معاه عشان تتحمل جراير اختيارها في المستقبل لكن هي لا هي غير مصيرها ارتبط به من غير شورها ولا اختيارها بس يا ترى لو صار وخيروها يا ترى بتختاره رغم هذا الخفوق الي ينبظ له شافته ينسحب من الغرفه بعد ما حب اخته ولا التفت بس هي ارفضت هذا الانسحاب الاضعيف و المكسور ارفضته وبصوت رقيق وقدام البنات "حبيبي ...... وقف مبهوت عند الباب وهو معطهم ضهره لحظه شوي بنزل معاك تحت لمست ذراعه بنعومه وهي تشبك يدها في يده وتشوف اعيونه الي تطالعها بحنين وعتب ولوم تلمست اصابع يده وضمت يده في كفها الاصغيره بحنين وبصوت واطي وهم يطلعون اليوم هدنه من كل شي واليوم بتشوف شمايل الي عمرك ما عرفتها لمست كتفه برقه وهي تقول للبنات تراني راجعه جهزي نفسج عشان تنزلين وما اوصيج لين عطيتكم رنه انزلي على صوت الزفه اوكي يلا يا الغلا اخوي تحت على اعصابه يفكر البنت ردت في موفقتها تلاحق عليه فديتك قبل ما يسوي شي ضل ساكت ولا كلمه اطلعت منه بنعومه وهي تنزل معاه ...انت مطول في سكوتت تراها فرصه وعليك تستغلها قبل ما نرجع لحربنا
وبصوت مليان خبث"طيب عن اي نوع من الفرص الي راح استغلها ولين متى ساري مفعول الهدنه
بضحكه اسحرته "ساريه المفعول لحد ما تلاقيني رجعت انغزج من جديد
راكان بحب كبير "أتمنى من كل قلبي ان يطول امد الهدنه بينا على الاقل فيها نشوف بعض و نعرفها بدون اغلاط الماضي و اوهامه
شمايل"تو تو تو ...وش قلنا احنا الحين خلنا ننسى شوي اليوم فرحت اخوي واختك خلنا نفرح ونستانس ترى لحظات الفرح ان ما عشنها تضيع وما ترجع
راكان "ولحظات الفرح الي تخصنا متى بتسمحين لج ولي نعيشها متى تغفرين وتنسين
وهي تلمس خده بنعومه ومكر "كل شي في وقته حلوووو يا قلبي
مسك يدها الي على خده وهو يضغط عليها فتح كفها ورفعها لثمه وباس باطن كفها وهو يشوف كيف ملامحها متلت خجل وحياء وفي نفس الوقت شقاوه وبسمه ناعمه صادقه اليوم يشوف وجه جديد من شمايل عمره ماشافه ...على فكره لج الابشاره
شمايل بصوت كله حياء "بشاره خير يا غلا الروح ...سمعت تنهيدته ...اعجبتك
راكان"انتي ناويه علي اليوم تبين تسوين فيني شي تحسفيني قد شعر راسي على العمر الي ضاع بدونج بسبت غبائي
ضحكت بصوت عالي وهي تسحبه معها "هههههههه عادك ريض ما شفت شي بس حاسب تراني ممكن في لحظه اقلب عليك وبعدين وش بشارتك
راكان"لا والي يرحم والديج خلينا على هذي الهدنه لا تقلبين هلج رضو يطولون مده قعدتهم وانا حجزت على جده مثل ما بغيتي انتي والبنات
شمايل بفرحه نستها لا شعورياً نفسها "صدق والله واي وناسه ما ني مصدقه تسلم يا الغلا وربي فرحت قلبي اشتقت لهلي وللقعده معاهم تسلم لي يارب.... واشفيه ما يرد عليها وصاد ومنزل عينه التقت وراها وتشوف الي اذهلها وخلى نيرا ن الغضب والغيره تشتعل فيها مو مصدقه كملت طريقها وقفت جدامها بحيث تحجبها عن راكان
وبصوت كله غضب ......تفضل مر تراهم ينطرونك في المجلس وانتي كم مره اقولج البيت كله رجاجيل ما هم محارم لج انتي ما تفهمين تطالعها بغضب هذي البنت ما تستحي ولا تخيل على وجهها وربي فاصخه الحياء ولبسها الي يلوع الكبد الفاضح والي يطلع اكثر ما يستر شكلها مقرف سمعت صوتها الي زادها قرف وهي تدلع ودها تكفخها بأكبر شي عندها "مبروووك يا ولد خالتي الفال لما تتخلص من ناس حشرات عندك
لنصدم راكان بكلمها لكن الي اذهله الكف الي اسمعه وصوت شمايل الغاضب "حشره الحشره انتي الي ما تعرفين الادب انا وصلت حدي معاج كم مره راح اقول واعيد هذا زوجي وما بتاخذينه مني لسبب بسيط الرجال منهم يبي المره الحشيم الي تصون نفسها وتخاف ربها وهذي فعايلج وانتي كذا اجل من وراهم وش فعايلج سواد وجه
قرب منهم وعينه ما تحيد عن شمايل ومسكها بنعومه ومتجاهل وجود ريف المقزز له ولا كنها موجوده "ما دريت اني غالي عندج بهذا الشكل حبيبي ما في حد في هذا الكون يسواج عندي ولا يحتل غلاج عندي انتي روحي و نبض هذا القلب وهو يحط يدها على صدره وعيني ما تشوف غيرج وانتي الدنيا وفرحها فلا تفكرين غير في حياتنا وحبي لج والتفت على ريف بشمئزاز وعينه ضلت بعين شمايل اما انتي وربي لو مو اني حاشم خالتي واخوج ولا كان لي تصرف ثاني معاج يعرفج قدرج ويعلمج الادب انقلعي من قدامي واستري نفسج ومثل ما قالت لج راعيت البيت مالج انج تسرحين في المكان وكله رجاال ما هم من محارمج وسحب معاه شمايل وراحو على الباب الي يوصل لين المجلس وهو في داخله فرحه كبيره غيرتها دليل حب بس الي اصدمه جرائت ريف وقله ادبها وكذالك لبسها المقرف مسح على يدها الي ترجف من الغضب وبصوت حنون "طالعيني ...ارفعت عينها له مو مصدقه كل الي صار وكلامه معقول غيرتها وحبها اطلعو بدون شعور منها بس ما اقدر ت وهي تشوف الزفته تستعرض نفسها قدام رجلها ما اقدرت تسكت قبل كان مسكتها احترام مرت عمها بس الحين علي وعلى اعدائي وهي من اعدائي
راكان "طالعيني يا ترى بعد كل هذا الهدنه الي بينا انتهت وخربتها مدهونت الصير هذي ورجعنا لنفس النقطه ولا ما زالت في فرصه وان الي صار ما يغير من حقيقت اني احبج واغليج وابي اعيش معاج بسعاده بس اذا انتي سمحتي لي
بنعومه وهي تحط راسها على صدره خلته يستعذب هذا القرب الي كان بختيارها ورغبتها "ما غيرت رايئ و لا وحده تافهه مثل هذي تأثر فيني بس هذي مو اول مره ترها تشوف نفسها الاحق بك
راكان يشد احتضانه لها هذي الحظه بغاها بكل حواسه انها تكون بين يده "تخسي وتهبي ما يخذني منج غير الموت وكتبت رب العباد
حطت اصبعها على ثمه "اسم الله عليك لا تقول هذا الكلام مره ثانيه ويلا امش تراهم ينطرونك ترى علي على نار وانت هنا تهذر معاي وهو علىاعصابه وخلني اكمل شغلي
راكان وبسعاده "رايح بس جهزي نفسج عندي لج هديه بمناسبه الهدنه يلا من رخصتج
وراح عنها وهي عينها معلقه عليه هي تبي ترتاح من الحرب الي مشعلتها عليه وتبي تعطي نفسها فرصه لسعاده مع الانسان الي صار زوجها برضها او عدمه بأختيارها او لا بس هو امر واقع وانتهى ليه تعذبه راح تحاول تفتح صفحه جديده معاها يكتشفون بعض ويعشيون فرصه الحياه قرارها صح ولزم تكمله محتاجه نسمه حب تدفي قلبها وتسقي روحها بالرضى والسعادها وتلاقي الانسان الي تحبه ويحبها خلاص قررت تعيش اليوم بيومه وتعطيه وتعطي نفسها الحق بالحياه
\
\
\
\
\
مو مصدقه انها انضربت من حشره وخايسه مثل هذي ولا والاخ طايح مغازل فيها وتمديح جعلها الماحي الي يمحيها من على وجه الارض خلاص هذا الكف راح تدفع ثمنه والله راح تندم قد شعر راسها اليحن جاء دور المعفن ناصر وقت تستغله لمصلحتها وتحقيق اهدافها بس هذا يبيله تخطيط عدل ارفعت عينها على دخلت شمايل والعروس الي مستانسه على روحها اغبياءء كلكم راح تشوفون انتقامي منكم كلكم
\
\
\
\
\
"ليه سويتي كذا انتي بهذي الطريقه خسرتي شمايل وخسرتي اخوج هذا ضنج فني وانا وياج متربي من نفس الابو ونفس الام يا حسافه وحده غريبه ما تعرف عني شي ضنها فيني كان احسن منج
فتون "سامحني والله ما قصدت بس
بدر بغضب"بس ووشي يا بنت ابوي مو كل شاب لعاب وراعي حريم ولا راعي مغازل تراى اصابع ادينج ما تشابه على العموم الي سويتيه مع شمايل غلط ليه تحملينها وزر شي هي ما غلطت فيه ولا لها يد فيه انا الي الغلط راكبني انا الي نسيت نفسي و تعديت على حق مو من حقي انتي لزم تصلحين غلطج ووتعذرين منها وتروحين لين عندها بعد
فتون بصياح "ما راح تقبل انها تشوفني يا اخوي شمايل مجروحه مني وشايله بخاطرها وهي صعب تغفر للي يجرحها او يكسر خاطرها حتى لو اقرب الناس لها
بدر بغضب شديد"تستاهلين والله انا لو منها مكسر راسج على الي قلتيه اعنبو انتي مره وش كبرج وعادج ما توزنين كلامج ولا افكارج الي مثل وجهج لا بركه فيج
فتون تصيح بصوت عالي "سامحني وقولي اشلون اقدر اصالحها ارجوك يا اخوي
بدر "ما في الا حل واحد تخلين الوالده هي الي تضرب على ام شمايل وتقول انها بتزورهم بمناسبه ملجت ولدها وبكذا تشوفينها و تعذرين منها ويوم ما تبين تزعلين من الناس لا تجرحينهم وتاخذينهم بجراير غلط غيرهم فاهمه ....سكر عنها وعيونه اسرحت بعيد كل يوم وكل لحظه تثبتله هذي البنت انها غير عن باقي الحريم في العقل والتفكير في معرفتها بالناس ومعادنهم وهذا كله يدل على روعتها وعلى كل شي حلو فيها اخ يا دنيا كم تمنيت تكون لي بس هذي هي كتبت رب العباد اللهم لا اعتراض على حكمك انا احسد رجلها بالفعل احسده عنده مره تسوى كل الحريم يكفي الاخلاق والدين والي يزيد الجمال و الرقه والعذوبه وش يبي اي رجال في الدنيا غير مره تكون فيها كل هذي الخصال و اكثر اتمنى لها السعاده لنها تستاهل كل خير يارب تسعدها وتوفقها يارب
\
\
\
\
\
"دشي وش فيج جيمتي عند الباب ترى بناديلج اخوج صار لنا ساعه واحنا نراشيج مراشى عشان تدشين ترى اخوي مل
رناد بخوف "مب داشه يعني مب داشه عنا ما جافني هديني خليني اروح غرفتي
جنان بحره وقهر "الحين بعد ما صرتي مرته لا يا عيوني اون الهروب انتهى كانت عندج فرصه قبل وبعدين وين احبه واموت فيه طارت مع ادراج الرياح يوم يبغي يشوفج لا عمري امشي احسن لج قبل لا يسحبونج مثل خروف العيد
شمايل"ههههههه حلوه هذي والله انا صارتلي سحبت الخروف هذي خلها شوي تذوق سحبت حبيب القلب بتصير عسل على قلبها وي هذا اكيد اخوج الحين بيغسل شراعنا زين الحين الووووووووووو هلا والله زين هدي شوي اختك الي حارنه عند الباب ما تبغي تدش وش اسويلها شوف احسن حل ....وهي تبعد عشان رناد ما تسمعها ...اتدخل علي الصاله الداخليه الابعيده عن الحريم واحنا بندخلها بنقولها في حريم بيشفونها وبيسلمون عليها وبكذا تدخل بس الله يعينا على بعدين بتذبحنا اختك وبتنتقم منا يلا اخليك تحمل على عمرك وتراني انطر هديتي ولا بغير رايي هههههه اتغشمر معاك لا ما غيرت ...احمرت اخدودها على كلمه قلها راكان ...بس يا رجل تراني بسكر جوز
راحت عند البنات "خلاص كيفيج اخوي هون ما يبي يشوفج امشي توها عمتي متصله تقول روحي الصاله في حريم بيباركون لج انتي مو وجه اخوي يشوفج ما يسوى عليه امشي جدامي
انصدمت صدمت عمرها معقول هون ما يبي يشوفني وانا و وجهي اتغلى كوبه هذا ما يبغيله حروكه شمايل تشوف وجهها بمكر ودها ء امشي يلا افتحو باب الصاله ودزوها وبغت تتحنقل على وجها لا بركه فيهم تحجرت على صوت اخوها راكان وبندر الي يضحك عليها "مابغيتي تجين حشرنا رجلج اشوي وكان بيدش يسحبج من راسج قربي تعالي ليش حارنه عند الباب قربو منها اخونها باركولها واتركوها مع علي الي ضل يشوفها صارت حلاله شافها ما تحركت من مكانها وعينها في الارض وهي تحرك يدها بحراج وخوف وبصوت الرخيم "ما بتقربين تراني نطرتج عمر وانا حي وماني حي لقيتج بعد ما كنت اضن ان هذا القلب لا يمكن انه يخفق مره ثانيه قربي وطفي نار الشوق الي بداخلي واروي ضماي لج
مو مصدقه اذانيها ماتت احراج وحمرت اخدودها وحست بنار بجوفها يا ويلي هذا الرجال جريئ بشكل كبير خايفه من كل الي يصير وخايفه من هذا الحب اسمعت حس ثوبه وهي عينها على الارض وتشوف طرف انعاله لمست يده على وجها وهو يرفعه له وعينه بعينها "شوفيني ناظري عيوني الي اتنتظر شوفج لي من يوم بيتنا وانا انطر هذي الحظه بفارغ الصبر وانتي حلالي وعد مني لج لسعدج واحطج محجر اعيوني طال مافني نفس
هلت ادموعها بعد العذاب و بعد الصبر وتسمع اروع كلام تتمناه بنت في الدنيا من الانسان الي تحبه وتتمناه في دنيتها وهو يمسح دمعتها بحنان ويمسكها من يدها ويقعدها احذاه "ليه الادموع ليكون انا خوفتج بندفاعي بس سامحيني من لهفتي وشوقي للي اسحرتني بعيونها ولين الحين دعمتها تعورني على فكره مبروووووك يا العروس مافي مبروووووك لي ابي اسمع صوتج
ابتسمت بحياء على كلامه وعلى اروع ذكرى لقاء بينهم وبصوتها الحنون و الناعم "مبرووووك .....
علي بوناسه "يا شيخه ما بغيت هذا الحس يطلع
\
\
\
\
\
"امشي خلينا نتفرج عليهم هههههه خاطري اشوف شكلها بعد الحرنه وش بيسوي اخوج امشي
شمايل "انتي من صجج عيب عليج هذي اسرار بين زوجين يعني ما يصير
جنان"ما الحقو مسرع ما صارت اسرار امشي اهو لقوم اكفخج خاطري امسك عليها طنازه من نفسي....سحبت شمايل معاها
شمايل" خليني بعدين وين موديتني و افرضي حد شافنا واحنا نتجسس عليهم وش بيقولون عنا بنات ما يستحون ....
جنان وهم يطلعون من باب الصاله على الحوش ومن ورا على دريشه وجابت الكرسي عشان يرتفعون ويشفون كل شي واسحبت معاها شمايل "تسمعين ههههه شوفي شكلها وربي تضحك حارنه عند الباب واخوج يا ويلي عليه كلام خطير طلع اخوج وربي ما صدقت انه كذا فاصخ الحياء
شمايل اكفختها على راسها وهي تضحك في خاطرها على اخوها الي بط البرمه ما وهل من الشوق "وجع يضربج قولي امين انا اخوي فاصخ الحياء بنشوف وش بيسوي عريس الغفله لين جاء ساعتها انا بسجلكم صوت وصوره وبسويه ذكرى للتاريخ ...ابتسمت بحنان ...من حقه اخووي هي حلاله يكفي العمر الي ضاع منه على ذكرى انتهت عليه انه يعيش ويحب ويسمح لقلبه ينبض من جديد
جنان بحره "ليش اعيوني طلعتي خالتي قماشه وانا ما ادري ومن بخليج تصورين لحظاتي الخاصه زين ما اكفخه على راسه لنه داس بيت ابوي بدون شوري هههههه
شمايل"مالت صج مالت بتكفخين الرجال لنه فكر فيج صج هذا امه داعيه عليه الي بياخذج بيبتلش بوحده مخبوله وام لسان مثلج ...
"وش تسون انتو الثنتين اهني ؟؟؟؟؟؟
انتفضو على صوت راكان تدابغو تنثينهم من على الكرسي واهبدو على الارض
شمايل بصوت مخنوق "قومي عني لابركه في العدو فغصتيني بختنق من متنج
راكان يطالعهم بسخر يه كان طالع رايح داخل عشان الوالده تبيه دور على الجاسوستين اثريهم اهني مسودات الوجه مشتغلين رادارت ولقطات اخبار هو يصطنع الغضب وماسك ضحكته "تقدرون تقولون لي وش قاعدين تسون وامي تدور عليكم انتو ما تستحون تجسسون على الريال ومرته
جنان نطرت بسرعه ومثل الازهبه استعدت للهروب "انا ما يخصني هذا كله من مرتك وهي تطالع شمايل بمكر ولا بعد ازيدك من الشعر بيت كان خاطرها تصورهم يلا من رخصتك يقولون الهروب نصف الحلول باي ...طقت عنهم وشمايل مذهوله منها
وهي عند ارجول راكان الي مد يده لها وهو يضحك على اخته عارف انها هي ساس البلى وان مستحيل شمايل تسويها والدليل ذهولها "سوتها فيج تعودي هذي جبانه شي يعورج من الطيحه بعدين عاجبكم الي شفتوه ولا هذا فضول الانثى الي تبي تعرف مشاعر الاخرين في كذا موقف
وهي تنفض اثيابها وتمسك يده "ما اقدر ارد عليك لا تنسى اني ما عشت هذا الموقف
سكت على نغزتها هذي رجعنا من مكان ما بدينا شكلنا ما راح ننتهي من هذي الدوامه
راكان "انا رايح لخوج اذا تبون شي اضربو لي
شمايل وهي تشوف سكوته هي وش قالت اوف من لسانها دوم يقط اشياء بدون ما يفكر شكله يفكر انها عودت مثل قبل اضحكت بينها وبين نفسها ههههه شكله المسكين تعب من كثر ما تقلب عليه مره تعطيه ريق حلو و مره تعطيه العلقم انطلقت ضحكتها الناعمه وهو يطالعها بستغراب ليش تضحك و قربت منه وبصوت خفيف "ناطرتك بعد ما يرحون الناس في غرفتنا....ابتعدت عنه وهي تمشي بدلع وضل واقف مستغرب منها وربي انها اصدقت ايشوف منها وجه عمره ما شافه وجه كله دلع ورقه كله عذوبه واحساس ابتسم وهو يهز راسه الحريم كيف ينعرف لهم لغز صعب حله
\
\
\
\
\
"جعلكم الماحي قولو امين كيف تسون فيني كذا ووالله بغيت اموت حسيت ان روحي بتطلع و انتي اخوج جريئى بشكل عمري ما تصورته يا ويل حالي هذا قبل العرس كذا اجل بعده وش بيكون اوريكم يا مسودات الوجه ....وقامت تحذف عليهم اي شي تطوله يدها وهم يحاولون يتفادونه ويتداززون "الحين انا تحاذفيني بالاغراض وش يخصني هذا كله من تخطيط ست الحسن والدلال مرت اخوج واخوج المحترم
شمايل وهي تفرصها من قهرها "الحين هذا جزاي عشان تشوفينه لو عليج كان خير شر ما دخلتي وبعدين مسودت الوجه اختج تراها شغلت اريلات التجسس عندها وشافتكم والحين انا شارده رجلي ناطرني .....ودزت جنان على اختها وهي ركض على برع وهي ماره من صوب رناد....يا الكذوب انتي ا حلفي انج مو مستانسه من قلب ومن وناستج طايره من على الارض ما يكفي انج لقيته وصرتي له وسمعتي منه الي تتمناه اي بنت في حيتها من الانسان الي تحبه اتمنالج كل الحب مع حبيب القلب وهي تشوف الكيسه المحوطه عند الكرسي ......اشوفه من الحين قام يزخ المطر عليج عاد ما اوصيج خل ينالنا من الحب جانب
\
\
\
\
\
ادخلت جناحهم يبدو انه ما جاء لسه من المجلس هذي فرصتها ادخلت غرفه الملابس واسحبت فستان احمر ناري مخصر على جسمها وكتفه عاري يبين جمال عنقها وضهره مكشوف ووينسدل على جسمها بطريقه حلوه وفيه فتحه من تحت لين اعلى الفخذ قررت تاخذ شور سريع وتتعدل هذا الفستان الي شرته من لندن وهذا جاء وقته
اطلعت بعد الشور واقعدت على التسريحه تسوي ميكياجها وتتجهز وتشور شعرها خلصت واطلعت الصاله وفي يدها صندلها وتحول تلبس الثاني ما انتبهت على راكان الي داخل توه وقف مبهوت ولنها مدنقه فشعرها كان مغطي عليها ما شافته اما هو مذهول ومسحور ويسمع قلبه اطبول في اذنه ويله ام الاحمر شكلها اليوم ناويه عليه ارتفعت وهي تعدل من شعرها وترفعه وقفت مبهوته هذا متى جا احمرت وهي تشوف في نظره اعيونه اعجاب بشكلها وزاد سحها وعينه تابع الفتحه و الكتف وكل قطعه فيها قرب منها وعينه عليها وبصوت حنون "اني داري اليوم فيج شي غير اليوم احساسي يقولي هذي بدايه جديده وبعدين هذا الفستان ما يصلح لضهره الي بطلعج اياها فوش رايج نغير ونقعد هنا انا في شوق اني اكتشف شمايل الي ما اعرفها
ابعدت عنه وبمكر "اذا فيها ضهره انا بغير اهدومي هذي اول مره من تزوجنا نطلع مع بعض بدون حروب وبدون كلام يغث من صوبي او صوبك خاطري في لحظات هاديه نعيشها بدون مراره والم
راكان "من السبب في هذا انا ولا انتي
شمايل بعتب "احنا الاثنين صدقني غلطنا انا قدرتنا على الغفران والمسامحه صعبه والكبرياء بينا اصعب عشان كذا خطواتنا ثقيله وتعقينا من التحرك وان نكمل مشوارنا بدون عوايق
بحنان وحب "من اليوم حروبنا بتوقف ولج وعد اخلي حياتنا كلها لحظات فرح وسعاده وانج تكونين كل همي
ابتسمت وحطت راسها على كتفه "بالعكس انا ابغيك ناجح بس ما ابيك تنساني في خضم حياتك وتنسى وجودي شاركني لن الزواج مشاركه الزوج اثنين يكملون بعض اثنين نجاحهم من نجاح بعض وصدقني اكثر شي يسعد الزوجه ان يكون زوجها رجل بكل ما للكلمه من معنى الرجوله هي في احترامك للطرف الاخر في نظرتك له في اسلوبك وطريقتك في اختياره والعيش معاه
ابتسم بفخر ومحبه يكتشف كل لحظه فيها شي جديد عقلها كلامها ذكائها سحبها من خصرها وهو يقربها له "لو ربي عطني عمر فوق هذا العمر ما بختار غيرج سامحي انسان غبي كل غلطته في هذي الدنيا انه كان عايش بعيد وعازل نفسه خوف من الحياه يا شمايل غلطتي اني دكتور ما قدر قيمه الحياه وبدال ما يكون الموت حافز لي اني اعيش واتمسك بكل لحظات الحب والسعاده عزلني وخلاني الانسان البارد الي تنفرين منه وما تبغينه شريك وحبيب
شمايل بعتب "يا قلبي ليه العمر كم فيه عشان تضيع منه الي تحبهم واولهم هلك ان اغفرولك بعدك وبرودك فهذا ما يعني انهم ما يفتقدونك يفتقدون الابن والاخ والصديق راكان خواتك محتاجين الاخ الضحوك المزوح الي يغطيهم بحنانه ويعرفهم من نظره اعيونهم محتاجين الاخ الي بيوقف معاهم في كل لحظه من لحظات حياتهم امك و ابوك محتاجين منك البر والعطى وهم في كبرهم محتاجين منك تحمل عنهم الهم وتكمل طريقهم وتعيش الحياه الي كتبها ربك بوجودك بهذي الدنيا انا محتاجه منك الحب و الرعايه محتاجه تحط يدك بيدي ونمشي طريقنا سوى بحلوه ومره ونكمل رسالتنا في هذي الدنيا
حط يده على ثمها "اوووش انااعترفت بغلطتي و ابغي انسى واعيش حياتي معاج بدون الم بدون حزن بدون عتب يا ترى نقدر وراح تسمحين لي
بصوت حنون ومحب "اجل هذي الهدنه شني هذي بدايه المسامحه واكتشاف بأنسبه لك ولي وخلينا ناخذ كل شي بهدوء وتروي ولي طلب ثاني لا تستعجلني ولا تطلب مني الي فوق طاقتي وكل شي بوقته راح يجي مثل ما تتمنى وتشتهي
مسكها من يدهاوقعدها احذاه "من قال اني بطلب منج الي فوق طاقتج كل الي ابيه هي فرصه تشوفين راكان بعيون ثانيه يمكن تحبينه وتتغير مشاعرج وبدال كلمت اكرهك تصير احبك ولو انها توجع على كثر ما سمعتها منج
وهي تنزل راسها بحراج "لك علي من اليوم ما راح تسمع مني ولا تشوف الا الي يرضيك ويرضيني
راكا ن بسعاده"طيب يا الغلا خلينا من كل هذا ويلا غيري اهدومج اليوم متفرغ مخصوص كرمى لهذي العيون الحلوه وراعيتها
بحياء "عشر دقايق واكون جاهزه
راكان بضحكه "ولج عشر من عندي اعرفكم ما تخلصون الا بالطفق
\
\
\
\
\
"يومه فديت قلبج احنا ما نرتاح مع ريف ولا هي بعد تريح كلامها كله مغثه وروحتهم معنا مالها اي معنى بالمره
ام راكان "تعرفون تلايطون يعني اقول لختي اسفه مكانا يتعذرج لنه بناتي الحمير ما يبغونج انتي وبنتج اعنبو استحو على وجيهكم هذي مهما صار وراح يصير خالتكم وهي وبنتها مثلها مثل مشاعل ما يفرقون في شي
ريناد بحراج كبير "يومه ما قصدنا شي والله هي خالتنا وعلى عينا وراسنا بس بنتها الواحد ما يقدر يستحملها من غرورها وقله ادبها وعدم احترام الناس يا ريتها مثل مشاعل كانت العين توسعها قبل المكان بس وش ينقال شوفت عينج الغاليه
امهم بصوت هادي ورزين "شوفو يا بنات فهد انا شايفه وعارفه كل الي يصير بس هذي في الاول والاخير اختي الي مالي غيرها وهذي بنتها مثلهم مثلكم عندي اما عن اخلاقها وتربيتها فهذا شي يخصها وراجع علييها المهم انتو ما ابغي العيبه تطلع منكم ويقولون ما عرفت اربي
ريناد وجنان "الي تبينه يومه يصير ومالج الا طيبت الخاطر
امهم"والحين جهزو اغراضكم بنمشي بكره وانتي اخذي اهدوم عدله رجلج معنا واكيد يبغي يقعد معاج ويشوفج يعني لبسج ما يكون عليه كلام وانتي الثانيه نفس الشي
جنان بهبال "وانا وش يخصني ليكون بتقعدوني معاهم اشتغل جاسوس ما عندي مانع
امهم "عن قله الحياء ويلا روحو جهزو اغراضكم
ريناد وهي تفرصها من حرتها "اي وش فيج علي كل هذا غيره عشان قلت بيقعدوني وياكم حشى ما ابغي انا بهج من روحي عشان ما تذبحيني
توهم بيطلعون الا شمايل وراكان داشين جنان بحاجب مرفوع وبسخريه "على وين العزم يا الاشيوخ انتو لكم الوناسه وانا لي المحاظرات والفرص و التزغد
ام راكان كانت تشوفهم بسعاده حاسه ان الوضع بين ولدها و شمايل فيه تحسن ملحوظ وبشكل كبير و اكبر دليل هي الابتسامه الي على وجه ولدها ومسكته ليد شمايل وحياها الباين "هلا يومه على وين العزم ان شاء الله
راكان وهو يوخي عليها ويحبها على راسها "هلا فيج يا الغاليه انا طالع مع شيخت البنات صارلنا من يوم جينا من الدوحه ما طلعنا بروحنا اليوم بفسح العروس في الرياض
جنان بنص عين بعد ما رجعت تقعد مره ثانيه وطلعت ريناد "لا والله ومن متى هذا السان العسل اخبر دوم طايح تشخط فينا الا الحين يوم جات ست الحسن والدلال صارت شيخت البنات لا عيوني مافي شيخه غيري اغار انا
اضحكت امها من قلب على خبال بنتها "و انتي وش يخصج ريال ومرته يقول لها الي يبيه وان شاء الله دوم اشوفكم كذا يا عيالي
شمايل وهي تحبها على راسها وتحظنها لها "فديت قلبج الله لا يحرمنا منج يا يومه وخليج لنا يارب
جنان نطت لها وهي تدزها وتدفرها بعيد "قومي ويا هذا الوجه هذي امي انا ولا اسمح ابد بالمشاركه هذي ملكيه خاصه
سحبها راكان من يدها وبصوت واطي في اذنها "انا ملكيه لج احظنيني متى ما بغيتي ...يوم شاف احراجها قام وهو يكلم امه .....يلا الغاليه من رخصتج احنا طالعين تامرين على شي
امه"ما يأمر عليكم عدو تحملوووو بعمركم
راكان "أن شاء الله الغاليه يلا من رخصتكم
وهم طالعين من الباب "لو سمحتي يدج ما حبيت احرجج بس من اليوم وطالع ابغي يدج بيدي وما تتركني ابغي نمشي في طريقنا يد بيد
ابتسمت بحنان ومحبه وهي تمد يدها بخجل وحياء وتحس بيده الي تضم كفها بحراره و حب
\
\
\
\
\
"انا قلت بنروح ومن الافضل انج تقنعين ولدج ولا ما راح يصير خير وبتشوفين وش راح اسوي
ام نايف"سوي الي تبينه انا ما ودي اروح هم اهل ويبغون يكونون مع بعض واحنا مالنا حاجه وسطهم
ريف"بنروح ولا بسويلكم فضيحه والله لذبح روحي وتبتلشون فيني
ام نايف بروع بنتها مجنونه وتسويها ما في شي بعيد عنها "يا بنتي الله يهديج خلاص ما في فايده واختج صادقه في كل الكلام الي قالته قبل الولد عنده مره تساوي كل الحريم وين يشوف غيرها اعقلي وانسي والله بيرزقج الي احسن منه واخير
ما كانت تدري الي يدور في راس بنتها احسن منه من الي يبغي وحده مثلي ملوثه تدنست بسبت غبائها وكرها للناس تضنين اني برد عن الي في راسي لا هي خاربه خاربه علي وعلى كل اعدائي "تصرفي ولا والي خلقني بتلاقيني ذابحه روحي تصرفي بنروح انا داشه غرفتي اقنعي ولدج وردي علي خبر والافضل يكون الي ابيه
تركت امها وادخلت غرفتها كارهه الدنيا وما فيها كارهه عمرها انتهت صارت مجرد زباله تتلاقفها الايدي القذره من مكان لين مكان و الحين بيجي دور ناصر هذا السلاح الي بتدمر فيه زواج راكان والقذره مرته "ما بغيت ترد المهم انا عندي طلب صغير واذا نفذته لك الي تبيه وتحن عليه صاير لك اسبوع ...اي موافقه بس اول حاجه تنفذ الي بقوله لك وتسويه بالحرف الواحد و اشوف نتيجته وبعدها راح اسوي الي تبيه ....اكيد احبك خلاص نلتقي في جده ....سكرت عنه حقير قام يتاجر فيها بس اذا هذا بيوصلها للي تبغيه راح تسويه
\
\
\
\
\
"يومه مره وحده انتو جين عشان ملجه وتصير خطبه بعد لسلمان هذي فرصه ما تتفوت لا يومه انتو روحو انا مالي حاجه اروح الافضل يكون انتي ونجديه ومرت عمي معليش يمه انا لا فديتج خليني على راحتي وسلمان انا بتفاهم معاه مو مشكله لا انا مو موجوده في البيت طالعه مع رجلي اي لحظه شوي .........مدت الجول حق راكان ...أمي تبغي تسلم عليك
راكان وهو يشوفها كيف اسرحت وعيونها غامت بدموعها "هلا يومه الله يسلمج و يخليج هههههه افا بس انتي تامرين امر بعدين بنمر عليكم كم ام ثاني عندنا تسلمين يومه الله يخليج لنا يارب في حفظ الله هذي شمايل معاج
خذت منه التلفون "هلا خلاص امي انا بطرشلج رقم الجوال اي اكيد بنمر يلا مع السلامه ...سكرت التلفون واسرحت بعيد وهو ما حب يقطع عليها سرحنها كلامها يدل على ان بينها وبين رفيجتها حساسيه شديده من ذاك اليوم وده يعرف وش الي صار بينهم يبدو انها تعز رفيجتها معزه شديده بس بعد انجرحت منها عشان كذا ابعدت خاطره يعرف وده يسئلها بس ما يبي يتدخل في خصوصياتها الا بختيارها سمع فجئه صوتها الواطي الحزين "اصعب شي في هذي الدنيا انك يوم تلاقي القلوب الي تحبك تجي لحظه تغيرها عليك وتصير تبغضك وتحسسك ان مالك قيمه عندهم وان غلاك بقلبهم ضاع مع كل لحظاتك معاهم في احيان كثير اقول وش الفايده منهم اذا تجي مثل هذي الحظات وتغيرهم عليك وش فايدتهم اذا بيجرحونك ويتركونك تنزف من اطعونهم وارجع واقول الدنيا بلايهم ما تنعاش بس متى بيعرفون غلطهم وانهم مثلكم ما يقدرون يعيشون بدونك بس خساره ساعتها يكون فات الوقت وصرت ما تقدر تسامح وتغفر حتى لو ارجعو لك ويبون يردونك لهم صعب ومستحيل تسامحهم اخ هذي الدنيا ما تخلي حد مرتاح وسبحانك يارب ولا الانسان منا راضي بالي يصيرله دوم متذمر ويبغي الزود
راكان ساكت ومذهول معقوله كل هذا بداخلها وينهم عنها كلهم رغم قربهم منها الا انهم ابعاد بعد السما عن الارض مو حاسين بقدر معانتها معاهم وحاجتها لهم بس يفهمونها ويعرفون انها قلب حنون وروح حلوه مسك يدها بحب وهو يمسد يدها بدفا "ليه ما تغفرين اذا رب العباد يغفر لعباده الي اكبر من كذا ليش احنا البشر ما ننسى ونغفر ويمكن يكون غلاهم الي في قلوبنا يشفع لهم عندنا غلطهم ويخلينا نكمل طريقنا معاهم
شمايل وهي تشد على يده وتلتفت له وبحنان "تظن ممكن تكون عندك القدره على النسيان والمسامحه لا تنسى احنا بشر والمسامحه مو من صفاتنا تدري انا ارتحت في الكلام معاك اول مره في حياتي اشيل الحواجز الي تعوقني وتمنعني من اني اكشف عن الي بداخلي بدون ما احاسب في كلامي عشان ما اجرح غيري وعشان ابغي سعادتهم على احساب سعادتي
راكان "من لج غيري ومن لي غيرج مستعد اسمعج العمر كله بس تكونين مرتاحه وسعيده
شمايل "ماني سعيده خسرت صديقه عمري في لحظه من غير قصد منها كلامها جرحني وحسسني رغم كل الاسنين الي مرت انها ما عرفتني عدل وكان ضنها فيني خيبت امل في دقيقه انهد كل شي انبناء في سنين بكلمه قولي وش الحل
راكان "ممكن اعرف السبب واذا ما تبغين تقولين على راحتج
شمايل بصوت هادي "لو الموضوع يخصني بروحي كنت بقوله لك عن طيب خاطر لكن هذا موضوع له اطراف ثانيه مالك الحق انك تعرف بهم اسمحلي بس كل الي ابيه يا ترى بقدر اسامحها وان حاولت كيف
راكان "تقدرين بس اذا بغيتي طيبت قلبج الي عطتني فرصه ثانيه تقدر تعطي رفيجتج فرصه تعتذر وتبرر وانتي بتسامحينها
ابتسمت برقه "تراك واثق مني اني بسامح لهذي الدرجه صرت شفافه وتقدر تتوقع مني اي تصرف حتى المسامحه
ابتسم لها بهدوء وبصوت حنون "واثق من شي واحد من هذا وهو يأشر على قلبها واثق من انه لكل الي تحبينهم مكان ومكان خاص يخليج تغفرين لهم وتعذرينهم من غلاهم و الحين نمشي قام وهو يمد يده لها ابتسمت وحطت يدها بيده واطلعو سوا
|
17-08-08, 11:57 PM
جديد مواضيع قسم القصص المكتمله من وحي قلم الاعضاء
العرض العادي
