كاتب الموضوع :
NONO123
المنتدى :
القصص المكتمله من وحي قلم الاعضاء
(الفصل التاســـــــــــــــ9ع عشــــــــــــــــــــ1ر وما قبل الاخير الفصل الاول )
الكل كانت اعيونهم عليها مذهولين وش صاير شمايل كانت ساكته بس عينها جات في اعيونه هو كان بارد ولا شي بين عليه يطالعها مثلهم ينطرها تتكلم هي قامت بهدوء واقعدت جنبه بحياء وخجل ومدت يدها على يده الممدوده بجرائه رغم خدودها المولعه راكان ولا طلعت منه كلمه ولا حتى حركه مع انه كان متشفق على اللامسه الي هزت روحهه و على نعومه اصابعها الضاغطه عليه "انا اشوف ان شهر العسل ماله اي حاجه وافضل يكون شهر عسلنا وسط اهلي وخواتي وخاصه اني ما صار لي فتره راجعه من سفر وغربه وما فيني على الرده حتى لو لسياحه وبعدين لحقين خير يما لنا من سفرات راح يعوظها لي الغالي قالتها بسخريه محد وعى لها غير راكان الي ساكت بس ضغط على يدها بقوه المتها عشان يرويها انه عارفها وعارف هي وش تفكر فيه خايفه انها تكون معاه في مكان واحد بروحهم عشان كذا ارفظت شهر العسل و تعلثت
قربت منه وبصوت واطي ما يسمعه غيره و فيه من الغضب الكثير"يدي انت تعورني هدني احسن لك لسويلك فضيحه جدامهم
بصوت واطي وهو يضغط على يدها بقوه اكثر "لما توقفين عن التمثيل و حرقه الدم راح اهدج ...بصوت عالي مثل ما تبين يا قلبي انا كل الي يهمني انج تكونين سعيده و مستانسه وما دام قعدتنا بتريحج لج الي تبين
تطالعه بغضب ةبصوت ناعم ومليان دلع وغنج "تسلم يا ولد عمي ما تقصر يكفي اني بقعد مع امي الثانيه وخواتي يعلني افداك يا رب ما يحرمني من دلالك لي
ذاب و ضاع في الدلع و الهجوم الي جايه من صوبها ناويه تذبحه قهر والله لو مو هم كان نط في رقبتها وزنطها من قلب تبي تقهره
اما هي فكانت تطالعه بخبث و طنازه عارفه انه محتر من لمعه القهر في اعيونه لنه ما يقدر يرد عليها جدامهم احسن يستاهل يما لك من كذا وازود بس اصبر شوي هذا اول الانتقام و القادم اكثر متعه
ام راكان بمحبه لها"ذيك الساعه المباركه يوم انكم بتقعدون عندنا
راكان بصوت بارد"بس انا عندي مؤتمر ولزم اروحه واذا انتي تشوفين قعدتج بتريحج انا ما عندي اي مانع
امها بعتب"ما يصير يا بنتي تهدين رجلج و انتو توكم في اول الايام العدل انج تروحين مع رجلج وين ما يروح مو تتركينه
تطالعه بنظرات ناريه وغاضبه حشرها في الزاويه وبيطلعها هي الغلطانه وهو الملاك البريئى "يومه اكيد مكاني مع الغالي بس والله انا تعبت من السفر و الغربه اسنين وانا لي برع والحين اتشفق على القعده مع هلي و البنات بس اذا راكان مصمم على السفر اكيد راحته في المقام الاول تهمني وعلى قولتج مكاني وين ما يروح رجلي
راكان قاعد يسمعها ويسمع حكيها هذي البنت عليها تصريحات خطيره تبي تذبحه ناقص عمر والسبه دلالها هذا اجل هو غالي عندها اجل هو رجلها على قولتها والي يشوفها البارح وكلامها ما يصدق الي تتكلم الحين حشى هذا ما صار زواج هذا صار مذله اعنبو هو وش مسويلها ما صارت كلمه وينذل عليها العمر كله صج الحريم اعقولهم اصغيره "عمتي الي تبيه شمايل يصير انا مالي غير انها تكون سعيده ومستانسه واذا القعده بتريحها وبتخليها سعيده هذا الي ابيه
كانت تفكر و مستغرقه في التفكير يا ويلي صرنا ممثلين من الدرجه الاولى والله ونستحق الاوسكار عفيه علينا نكذب عليهم ونكذب على انفسنا لين متى يا ترى ومن فينا الي بيسلم الاول معقوله صرت انا بهذا الشكل تافهه و تفكيري اتفهه مني اضيع عمري وحياتي واضيع حبي من يدي عشان غلطه و صدرت منه في لحظه طيش يا ترى بقدر اسامحه على تجاهله لي طول هذي الاسنين انا وهو بينا حاجز صعب انه نتخطاه حاجز كله مراره والم اختلست له نظره وهو يتكلم مع امه وخواته تكذب اذا تقول ما تحبه الا تموت فيه هذا حبها حب العمر كله وان اكذبت على كل الناس وقالت انها تكرهه بس ما عاد بيدها شي هي ابتدت خطوه تعلمه فيها ان في اشياء في الحياه اذا ضيعنها من يدنا ما ترد ابد ابتسمت بهدوء كم فيه العمر عشان اضيع منه الانسان الي حبيته بيدي صح لزم يتعلم هذا الدرس بس في نفس الوقت ما راح اضيعه مني بعد ما لقيته التفت عليه وضلت عيونها معلقه به كل حركه كل كلمه نبرة صوته حسه حركه يده كل نفس يطلع منه تحسه يرد الروح فيها يحسسها بالحياه و بالرضى حد نقزها من خاصرتها طالعت في جنان بستغراب "وووول مو يد عليج هذي مخالب حشى بطيتي خاصرتي خير وش تبين
جنان"ههههههههه اصحيج يا قلبي من الاحلام الورديه والسرحان في حبيب القلب
رناد"انتي ما راح تفكينا و تفكين خلق الله من حشرتج عشان تشوفين الي انا عايشه فيه قولي الحمدالله ماصار لي شي من كثر ما تبط خاصرتي
جنان"اوف منكم تراكم تغثون وتلعون الكبد يا ناس خليكم رلاكس اخذو الحياه بسهاله ليش الغم والنكد حشى انتو عاشقين النكد
رناد"انطمي تعرفين تنطمين ولا ارويج الحين
شمايل"ههههه خلايها حرام عليج وش لج عندها اشهد انها صادقه في الي قالته حالتنا بالويل انا وانتي لسبب كل منا تعرفه
رناد بستغراب وذهول"عن اي سبب تتكلمين انا ما اعرف عن وشي تقصدين
شمايل تقرب منها وبصوت واطي "الي يحب يبان عليه و الي يعيش قصه حب يعرف الي يحب من نظره اعيونه انا اتكلم عن علي
رناد ضلت اعيونها في الارض وغامت الادموع فيها بس صدت بعيد عشا ن محد يشوفها او يلاحظ عليها شي وهي تسمع مرت عمها تقولهم ان الغداء اليوم عندهم قبل لا يردون الديره و شمايل تسلم على ابوها واخوانها وتجهز اغراضها والي بتوديها معاها اسمعو الجرس ام ثاني "يومه شمايل افتحي هذا اكيد ابوج وعمج واخوانج تغطو يا بنات
راكان "خلج قاعده انا بفتح بس الافضل تاخذين البنات داخل وانتي بعد يمكن يكون يكون اخوي معاهم
شمايل وهي تقوم مع البنات على داخل اقعدت على طرف الافراش وهي تشوفهم ثنتينهم " شوفو انا عندي شي وابي اقوله لكم واحب نتصارح من البدايه عشان قبل كل شي نكون على بينه ووضوح وعشان راح نعيش مع بعض اذا الله كتب لنا عمر فخلينا نكون واضحين رناد انتي لين الحين مو حاسه براحه من صوبي صح بينما جنان ما يحتاج احسها منفتحه على الكل و ماخذه الحياه بعفويه وبساطه يمكن انا وانتي مو قادرين عليها بحكم طبعنا الي فيها من الشك الكثير
رناد وجنان يطالعون بعض مستغربين جنها اعرفت بالي صار بينهم من كلام عنها جنان"يا عمري انتي وش تقولين نحن نعتبرج اخت لنا مو بنت عم وحرمه اخو بس انتي تتوهمين
قامت من على السرير وهي تمشي وقفت جدام رناد"يمكن انا اصغيره في السن و الي يشوفني يتوقع مني اني مثل اي بنت في سني بس انا اختلف وهذا مو غرور او تكبر لا والله حشى بس الغربه علمتني دروس وعلمتني اني اعرف الناس عدل و اعرف شخصياتهم و انتي بذات لين الحين مو متقبله وجودي وخايفه اطلع مثل غيري ليش تتوقعين مني لي شفتيه من غيري بدون ما تعاشريني وتعرفيني عدل شوفي انا ما احب اضغط على الناس بس العمر جدامي وجدامج طويل اذا الله كتبلنا فيه وراح تختلف نظرتج
رناد بندم "سامحيني بس تراني الدغت من ناس عمري ما توقعت منهم الخيانه والغدر ويمكن عشان كذا صرت شكاكه و ما اثق في الناس بسهوله
شمايل"ههههه ومن منا يا قلبي ما لدغ من الناس يما صارت وراح تصير وفي احيان كثير تجيج الطعنه من اقرب الناس لج والي ما تتوقعين منهم انهم يغدرون فيج بس هذي هي الدنيا فيها الشين وفيها الزين ومو كل الناس مثل بعض فيهم الطيب وفيهم الخبيث وعليج انج تتعاملين مع الاثنين بس هي الطريقه صح
جنان"أووووووف ما اقولكم انكم مغثه و مسلسل تراجيدي ما تصدقون يا ناس يا عالم الحياه حلووووووووووه ليش نعيشها في نكد وكدر تراكم لوعه وربي تجيبون المرض انا بقوم احسن لي لا تعدوني واصير مثلكم
شمايل و رناد"هههههههههه تعالي يا المخبوله وين رايحه انتي ناسيه ان اخواني برع !!!!
جنان"نسيت وش اشوي كله منكم انتو الثنتين اعوذبالله عالم غم تسدون النفس
اضحكو البنات من كل قلبهم على دخلت راكان عليهم وهو يشوفهم يا ترى وش الي يضحكهم "شمايل تعالي عشان تسلمين على أبوج و اخونج وانتو تغطو واطلعو سلمو على عمي بس بعد ما يطلعون الاعيال
شمايل برقه"انشاء الله انا لحقتج بجييب عباتي وبجي
راكان"ما يحتاج اخوي طلع !!!!!!!
شمايل تمشي احذاه توها الاهو يمسك يدها بقوه ويضغط عليها ارفعت عينها له بستغراب و استفهام "من رخصتكم يا بنات ... وهي تمشي احذاه قربت راسها منه وبصوت واطي ...خير الشيخ انت تحلم ولا شي هد يدي
زاد ضغطه على يدها وقام يتحسسها بنعومه ويشوفها كيف احمرت و هي داخله على اهلها ويدها بيده وتشوف فرحت أمها و سعادت مرت عمها واخوانها الي شاقين الحلج انحرجت هي تشد يدها تبيه يهدها وهو يزيد الضغط عليها قربت من ابوها هدها ضمها ابوها لصدره وهو يمسح على شعرها بحب "مبووووووووك يا الغلا كله الله يهنيج يا بنتي ويوفقكم ويرزقكم بالذريه الصالحه
شمايل وهي تحب يده وبصوت مخنوق"الله يبارك فيك يا الغالي في حياتك يارب اشتقتلك يا الغالي عساك بخير يوبه ...
ابو ثاني "اعيون ابوج امري ...
شمايل بمحبه كبيره "ما يا امر عليك عدووووو يا الغالي ابيك تتحمل على نفسك و خل عنك روحت الشركه هذي ولا تعب نفسك مثل ما قالك الدكتورررو و دواك لزم ما تنساه
ابو ثاني وهو يضمها اكثر"افا وانا ابوج حتى وانتي عروس تفكرين فينا يا ابوج انتي الي تحملي على نفسج وعلى ولد عمج وحطيه في اعيونج تراه عزوتج من بعد هلج و فخر لج روحي سلمي على عمج واخونج شكلج نسيتيهم
ابتسمت وهي تسللم على عمها وتحب راسه "هلا والله مبروك يا بنتي منه المال ومنج الاعيال وربي يسعدكم ويوفقكم هالله هالله في ولد عمج ما وصيج عليه
شمايل"الله يبارك فيك ويخليك لنا يا عمي لا توصي حريص .....
وسلمت على اخوانها وما سلمت من مزحهم و مرحهم معاها مستانسين بها وسعيدين لها فرحتهم ما يعادلها فرحه بزواج اختهم الاصغيره و الوحيده و الغاليه على قلوبهم
\
\
\
\
\
كانت جدام جهاز الكمبيوتر صار الجهاز ما يفارقها في كل مكان تشيله ومصدر تسليتها ومتعتها الرهيبه وما كانت تدري انه راح يكون مصدر دمارها الرهيب وانحدارها الكامل الى الرذيله و الجرم الاكبر لبسه قميص نوم شفاف يشف عن كل جسمها وتقطيعها واقفه تعرض نفسها وكنها سلعه تنباع و تنشرى "ها وش رايك حبيبي عجبتك ؟؟؟
"ههههههههه اكيد يوم ما نرجع الرياض راح نتقابل وين ما تبي ...يلا حبيبي انا بسكر الحين وبكره اشوفك !!!
سكرت جهازها وفي اعيونها نضره خبيثه ملينه حقد وغل و من الرضى الكثير راح تندمون كلكم والله لنزل راسكم في الارض ولا اخلي حد حتى يشوف وجيهكم عشان مره ثانيه تسون الي سويتوه اما انت يا اخوي المحترم بخليك عبره والله لخليك علك بحلوج الناس علي وعلى اعدائي ....بس للئسف ما درات انها هي عدوت نفسها وهي العدو الاكبر
\
\
\
\
\
توه جاي من الصلاه طلع مع ابوه و عمه وعياله تلفت يمين يسار في الجناح بس مالها حس راح صوب غرفه النوم فتح الباب يسمع صوتها العذب وهي تتلو ايات من القرآن قعد بهدوء شكلها ما حست به منفصله في عالم بينها وبين الخالق سبحانه تقاطيعها الفاتنه عمره ما تصورها بتصير بهذا الجمال و لا هذي الرقه ولا توقع انها كارهه لكل شي يمت له بصله رافظته شي يجرح صحيح هو كان رافضها بس من طحت عينه عليها حس انه رجع لدنيا رجع يحس ويشعر رجع قلبه ينبظ من جديد كان خايف خايف من الحياه ومن الدنيا ما تمهله وتجرح الي يحبهم خاف عليها تضيع منه بعد ما يتعلق قلبه خايف يتركهم يفقدهم عينه عليها بحنان كبير فجئه قام وقعد احذاها ولصق فيها لدرجه خلها من الاحراج تختم الاية بشكل سريع وبعدت عنه تبي تقوم لكنه مسكها من يدها وضلت اعيونه في اعيونها
"اقعدي ابي اكلمج في شي مهم قبل لا تبعدين ويشتغل لسانج ...لا تطالعيني كذا اشهد اني صادق من ليله البارح وانتي لسانج ما خلص تحذف من الصواريخ الي تقطينها على راسي ....
شمايل ما قدرت تمسك نفسها حولت بس ما قدرت وطقتها ضحكه من قلب وهي تحط يدها على ثمها تحاول تسكت بس ما في فايده صادتها هستيريه الضحك اما هو فكانت فرحته ما يعادلها فرحه انه خلاها تبتسم فما بالك انه يسمع ضحكتها الي ذوبته ضيعته خلته فاقد الاحساس الا بوجودها نسى وش كان يبي يقول نسى كل الي حواليه بس هي هي الي صارت حواسه كلها منشده لها ولكل حركه منها صار ينتظر منها الكلمه البسمه اللمسه مد يده يبي يلمسها لقها ابعدت بجفال وخوف في اعيونها ورفض شديد
\
\
\
\
\
ياويلي وش صاير له اليوم اشوف في اعيونه نظره غير نضره تجنن عمري ما تصورت انه يطالعني بهذي الطريقه ابد شافته يقرب منها ويده تمتد لها برعب خافت ونقزت واقفه تبي تشرد وبصوت مرتجف حاولت تقوي نفسها وتعدل من صوتها"انت ما قلت انك تبي تكلمني في موضوع خير وش هو ...وش فيه ليه سكت ما يبي يتكلم لقته قام وعيونه غامت وفيها نظره غريبه مكسوره مجروحه ما يعرفها الا الي جربها تدفع عمرها كله ولا عمره ينكسر و لا ينجرح وخاصه منها ما تقدر لقته صد عنها لا ما تقدر ياربي شلون صارت بهذا الضعف عمرها ما كانت كذا ابد كانت دايم البنت القويه الشخصيه و الافكار ليش قدامه هو تصير اضعف البشر بس انها تجرحه ما عادت تقدر قربت منه بهدوء ولمست ذراعه بنعومه وحنان"راكان!!!!! بس ما التقت صوبها بصوت مليان حب وبدون شعور منها ....راكان !!!
ياربي ليه ما يبي يرد علي ليكون خذ على خاطره .......
\
\
\
\
\
صوتها صار احلى سنفونيه يسمعها صووتها كله حنان ونبره غير اول مره يسمعها منها بس لزم يبعد سحب ذاعه منهاوبصوت متألم"غريبه هذي الدنيا يا بنت عمي ما تخلي حد مرتاح جرحتج في لحظه طيش وانتي جرحتيني في لحظه وعي وقصد منج تعادلنا ما في فايده وش الي تبينه ويريحج راح اسويه لج والحين انا طالع من رخصتج....
تركها وهي منزله راسها تسمع كلامه ما امداه يوصل للباب وويمسكه عشان يطلع سمعها بصوت مبحوح ومخنوق يدوبه يطلع منها"لين متى بتضل انسان غبي لين متى ؟؟؟؟
انذهل من كلامها ليه هو غبي قرب منها ومسكها من ذراعتها وقربها منه بغضب ورفع راسها عشانه تشوفه شاف الي اصدمه وخلاه ساكت شاف دموعها عوره قلبه عليها وفي لحظه ضاع كل شي كل الي بينهم من خلافات في هذي الحظه لمها لصدره بحنان وحب جديد عليه ويده تمسح دموعها الغاليه "ليه تبكين ما يهون علي اشوف ادموعج اذا وجودي في حياتج مخليج حزينه انا مستعد ابعد و اريحج مني وصدقيني راحتج عندي في المقام الاول انتي بنت عمي وزوجتي
كانت حاسه انها طايره عن الارض لنه هو لمها ورافعها عن الارض من قصرها و هو مشاء الله طويل طول وهي تسمع كلامه زاد خوفها فقامت تحاول تملص منه هي وش الي قالته ليش افضحت نفسها ليش لهذي الدرجه ما عادت تقدر تواجه وجوده في حياتها وانه حقيقي مو خيال بعيد وبصوت مر عوب وخايف"فكني نزلني اقولك نزلني
فكها من يده وهي بعدت عنه بشكل سريع وكل منهم يطالع الثاني وساكتين
راكان"ابرزي عشان نروح لهلج و انا ناطرج برع
\
\
\
\
\
علي نازل من الدرج ولبس بدلته الخاصه بطيران كان شكله يجذب بوسامته وجسمه الرياضي و الكاب مايل على جنب متملل وتوه قايم من النوم لم رجع بعد الصلاه نام شوي قبل الغداء ميت جوع يبي ياكل له لقمه قبل لا يطلع ما يحب اكل الطيارات بس الضرورة تحكم الواحد دور على امه ما حصلها قرب من الصاله دخل وهو يناديها بس وقف منصدم هي هذي هي البنت الي صدمها في العرس شافهم تغطو ومرت عمه "السموحه ما دريت انه في حد عن اذنكم هلا ومرحبا فيج يا مرت عمي
ام راكان"هلا في يا ولدي كيفيك عساك بخير
علي"طيب طاب حالج يومه لو سمحتي ياريت تحطون لي الغداء ميت جوع
ابتسمت امه بحب له "اليوم عندك سفره خلاص انت روح المجلس وراح اطرش لك الغداء
علي "ما فيني الغاليه مستعجل ناطرج في المطبخ من رخصتكم و السموحه
طلع من عندهم وقلبه يرقع اطبول مو مصدق عينه طلعت بنت عمه قعد على الطاوله وفي راسه الف فكره وفكره واول فكره نطقها مع دخول امه عليه"يومه ابي اكلمج في موضوع مهم ............
وهي تنكب له الغداء"قول يومه الي في خاطرك اسمعك
علي"انــــــــــــــــــــــــا يومه قررت اتزوج
اضحكت امه وهي تطالعه"ههههههههههههههه من صدقجج ولا بس هذا كلام هذي الساعه المباركه ومن تبي ولا تبيني اخطب لك على نظري ولا حاط عينك على حد من بنات عمك ....بضحكه وهي عارفه الي بولدها
علي بضحكه منحرج ان امه كاشفته "محد كاشفني غيرج
امه بحنان وحب"واي وحده من بنات عمك الي جابت راس ولد سلمان
علي"يومه البنت الي قاعده من جهت اليسار
امه"زين ما اخترت يا ولدي من يوم شفت ريناد وجنان وانا خاطري وحده منهم تكون لك اجل مبرووووووووك عليك ريناد ياولدي وانا بكلم ابوك في السالفه انت تغداء وعين من الله خير
علي ياكل بشكل سريع"ما عندي وقت يمديني الحق على الطريق بمر على المعاريس اسلم عليهم عقب على المطار والي يسلمج يا الغاليه ابي كل شي خالص لين رديت
امه تضحك عليه من فرحتها مو مصدقه ان انفكت عقدته ويبي يعرس من جديد "خلاص لين رديت بتعين الخير تحمل على نفسك ما وصيك
وهو يحط اخر لقمه ويقوم يغسل يده "لا توصين حريص يلا من رخصتج
وفي الصاله بين ريناد وجنان"يخرب بيوته ابن اموه حاجه على مستوى و البدله مخليته جنان ما يفكر يخطبني انا موافقه و ارفع الرايه هههههههههه يا هووووووووو وين رحتي انتي وش سالفتج من تشوفينه تصخين وكن على راسج الطير حشى يلعن ابو الحب شو بيذل
طالعتها ريناد بغضب شديد"اي حب و اي خرابيط شكلي بقوم وبقص لج السانج عشان تتوبين
جنان"قصيه على راحتج بس انا عندي اعيون و اشوف عدل وهذي سالفتج من اول مره جينا فيها وشفتي ابو الشباب
ضلت ساكته "والله عمري ما خطر في بالي الي يصير الحين عمري ما فكرت ان.........
جنان برقه ومحبه لختها "انج تحبين ومن ولد عمج ليه يا حبي تستكثرين عليج هذي المشاعر ما دامها ما طلعت عن حيز قلبج و ما اعلنتيها انتي ما رتكبتي غلط الغلط اذا صار شي ما ترضيه من جهت ربج وهلج وما تدرين وش الله كاتب لج يمكن يكون من نصيبج وانتي تصيرين حلاله
ريناد"من متى هذا العقل و الحكمه ومن وين هذي الدرر تطلع واثريني افكرج مخبوله طلعتي فيلسوفه انتي صادقه بس خايفه خايفه الحياه ما تنصفني واعيش مجروحه
جنان"لا تخافين وامني بكتبت ربج واذا لج فيه نصيب ان طال الزمن او قصر مردج له وهو لج عطي عمرج الراحه ولا تحطين في خاطرج و تحزنين هذا الي مودينا ورا قلوبنا لو نفكر شوي بعقل ونعرف ان الانسان منا ما ياخذ الا الي الله كاتبه كان ما وجعنا راسنا بس وش تقولين حريم
ريناد"ههههههههههههه يخرب عقلج وانتي من وش لا يكون ههههههههه جنانون وربي ما فكرتج كذا على خبالج و طنازتج بس الحين نظرتي تغيرت ........
جنان"مرسي يا عزيزتي شي يسعدني انج تغيرين نظرتج لي بس تراني من قبل كذا بس انتو عميان هههههههههه يبيلكم نظرات ههههههه
\
\
\
\
\
توها مخلصه لبس اطلعت له في الصاله كان قاعد يقراء في الجريده ومندمج تنحنحت عشان ينتبه لها "أأأأأأأأأأأأأأأأحم انا جاهزه
رفع عينه عن الجريده وضل ساكت يشوفها من راسها لي اخمص ارجولها كل شي فيها حلوووووووو وناعم لبسها رغم انها عروس بس محتشم ويدل على شخصيتها
راكان"مشينا ما تبين شي قبل لا نطلع ؟؟؟؟؟؟؟؟؟
شمايل وهي تلبس عباتها وتغطي وجهها "لا ما في شي مشينا
اطلعت قبله وهو يسكر باب الغرفه مشى احذاها كانو ساكتين اركبو الاصنصير توه الباب بيسكر الا و ينفتح ويدخل معاهم رجال اعيونه طارت عليها كان يخزها من تحت لين تحت راكان اشتعلت فيه نيران الغضب ة الغيره وخز الرجال بنظره غاضبه و عصبيه انفتح الباب مسكها من يدها بشكل سريع وتملكي وغاضب وسحبها طالعين من الاصنصير وهو يمشي بشكل سريع وهي تحاول تجاري خطوته الغاضبه وش السالفه و ش صاير له ساحبها كنها خاروف جدام الله وخلقه اطلعو من باب الفندق اهني سحبت يدها من يده بغضب "فكني انت وش سالفتك ساحبني جدام الخلق كني ذبيحه
وقف وهو يطالعه بغضب "ليه انتي ما تشوفين نفسج ولا عاجبج ان النا س تمقل فيج عادي عندج
شمايل بغضب"انت وش قاعد تخربط اي ناس واي تمقل يعني تبيني اقشع اعيونهم عشان حضرت جنابك
اسكتو اثنين على رنه التلفون طلع تلفونه لقاه مو هو اما شمايل افتحت شنطتها لقت الصوت منها طلعت التلفون وافتحت الخط"الووووووووو هلا والله هلا بالقاطعه وينج انتي لا انا الحين طالعه بعدين لين وصلت بيت هلي بضرب لج تروحون بالسلامه سلمي على الوالده وحبيها عني بعدين يلا اخليج في امان الله
سفط السياره جنبها افتحت الباب واركبت جنبه وطول الطريق وهم ساكتين واثنينهم يفكرون معقول حياتهم راح تكون كذا صمت في صمت ما في بينهم اي لغه حوار غير الاخناق و المشاكل اطلعت منها تنهيده مليانه خيبه الم و حزن وصدت تطالع برع
سمع تنهيدتها حس بتعب من كل الي صير وراح يصير حياتهم بهذي الطريق لا يمكن تستمر هو محتاج منها اشيا ء كثيره واهمها الحب و الرعايه بس يا ترى يقدر هو يعطيها بالمثل خايف و في نفس الوقت حاس ان حياته صار فيها تشويق اكثر و تحدي عاجبه "شمايل ...ناداها بس هي ما كانت تسمعه سارحه ...شمايل مد يده يلمسها على كتفها وحس بنفضتها وهي تطالعه ...وصلنا
وخرت يده عنها بهدوء "لو سمحت لا تلمسني كم مره راح اقولك انا اكره لمستك اكرهك فاهم ولا اعيد كلامي
هذي وش فيها كل مره تتكلم تطلع منها درر تحرق القلب "انزلي احسن لج دام النفس عليج طيبه ولا راح يكون لي تصرف ثاني
خافت من صوته الغاضب و هو يصر على اضروسه من الغيظ افتحت الباب و انزلت بسرعه وهي تشوف نيران الغضب في اعيونه "يا شيخ اعلى ما في خيلك اركبه اشوفك ...و اشردت على داخل اما هو مات من الضحك عليها ما يصير السانها طويل الا لما وصلت البيت عشان عارفه انه ما يقدر يسويلها شي نزل من السياره رايح المجلس و البسمه شاقه الحلج !!!!!!!!!!!!!
ادخلت البيت و هي تفصخ عباتها كانت لبسه تنوره طويله لونها تفاحي عليها قميص حريري في قصات من الدانتيل الابيض و اليد منفوشه افتحت شعرها على طول ضهرها حطت عباتها وشنطتها على الكرسي و ادخلت الصاله "السلام عليكم ....اعوذبالله هذي وش جابها استغفرك يارب انا بستحمل من ولا من........اسمعتهم كلهم يردون عليها السلام ما عداها هذي الزفته الي اسمها ريف سلمت على امها و مرت عمها و ام نايف والبنات واقعدت وسطهم"اشلونكم يا بنات كيف الاخبار اعلومكم
جنان"الاعلوم عندج يا العروس غاطسه مع عريس الغفله هههه
شمايل"غفله في عينج قولي امين اياني وياج تسبين رجلي وربي لا تشوفين مني الوجه الثاني هذا الشيخ راكان
رناد وجنان"حلووووو صرنا ندافع وما نرضى عليه يا ولد عز الله رحنا فيها
بدلع ونعومه خلت ريف توموت حره وقهر "اذا ما دافعت عنه اجل وش خانتي في حياته زوجه على الفاضي
اكثرهم فرحه بكلامها كانت نجديه حست ان شمايل تغيرت ما عادت ذيك الي كلها عند و رفض لراكان يكفي انها اقبلته زوج في حياتها وهذا شي يسعد ويفرح
قامت واقفه "من رخصتكم بروح غرفتي بتجون .....للبنات والتفت على ريف برقه حياج معانا
كانت تطالع شمايل بغرور بس حبت تعرف هذي البنت كيف حياتها وشلون عايشه قامت معاهم على فوق ادخلت جناح شمايل صاله كبيره فخمه وفيها على جهت اليمين مكتبه على طول الجدار وبقربه طاولت مكتب من الطراز الاكلاسيكي الي يدل على ذوق صاحبته غرفه الوانها هاديه و مريحه توحي بالراحه و الاسترخاء وفي الجهه الثانيه شاشه تلفزيون وقعده ناعمه ويقود على ممر يودي على غرفت النوم الي كل شي فيها روعه من اثاتها الي اصغر شي فيها كانت الشنط على ارض الغرفه و الخدامات يرتبون الاغراض في شناطها كانت الاستعدادات لرحلتها القادمه والي فيها راح تكون من اهل البيت ما عادت ضيفه ليوم او عشره هذي قعده راح يطول امدها اذا الله كتبها لها ....
شمايل "تفضلو حياكم المكان مكانكم معليش اعذروني على النثره هذي بس يمديني الحق اخلص
جنان"حشى كنا احنا في ساحه معركه هذا كله في الكبت وما قال عووووووووووع من كثر الي فيه
شمايل"ههههههههههه اعوذبالله من عيونج هذا بس يتخيلج عشان العفسه
اقعدت على الكرسي وهي تشوف عفويتهم مع بعض وحبهم لبعض حاسه بخنقه وقهر هذي البنت ادخلت حياتهم وغيرت كل شي فيها الواحد وده يذبحها من القهر و حرت القلب "تحملي لا تقعدين اهني ؟؟؟؟؟
الكل طالعها مستغربين شمايل بعتذار "اسفه بس الكرسي عليه كتبي و اوراقي وبحوثي فيج تقعدين الصوب الثاني اسمحيلي
ريف بزمت خشم "عادج تدرسين قطيهم وش تبين فيهم خلاص تزوجتي انا لو منج حرقتهم
شمايل"هذج قلتيها انا مو انتي وبعدين هذا تعبي وجهدي و العلم مطلب لكل انسان يفكر بعقل و بثقه
ريف بغرور شديد"خلج من الكلام الفاضي و المثاليه الزايده الي تصورين نفسج بها
الكل بهت من كلامها بس شمايل لا "شوفي يا بنت الناس الحشيمه مو لج الحشيمه لهلي الي هم هلج واذا تبينها حرب علنيه انا ما عندي مانع وتراج ما تغلبيني للسبب بسيط انا كسب ت الي كنتي تبيه وهو لي وعمرج ما تقدرين توصلين له لني انا شمايل وبنت عمه ولا تفكرين اني مو عارفه انتي وش تفكرين فيه ولا هذا راح يكون اهانه لذكائي الي يشهد به
قامت واقفه في مواجهتها والكل مبهوت ومرعوب ومو مصدقين "اجل اعرفي اني اكرهج وعمري ما راح احبج لنج خذتي الي من حقي
شمايل بغرور شديد وثقه "اي حق تتكلمين عنه يا ام حق هذا زوجي عارفه وش معناتها زوجي ومحد في هذا الكون يشاركني فيه ولا ياخذه مني ولا عشره متلج
رناد وقفت بينهم "بنات هدوووو وش صاير لكم ريف انتي خبلتي وش هذا الكلام جنيتي
ريف بكره "ليش جنيت لني قلت الحقيقه اني احبه و اني راح احاربها واخذه لي لنه من حقي مو من حقها المتخلفه
شمايل بهدوء"على الاقل المتخلفه هذي احسن منج الف مره يا المتعلمه اذا شايفتني بحترامي لديني و لهلي وتربتي و اخلاقي من وجهت نظرج تخلف ابشري انا قمه في التخلف خليت التمدن والعري و عدم احترام الغير لج
ريف وهي تروح عند الباب تبي تطلع "اكرهج و راح اخذه منج لو على موتي ...وتوها بتطلع سدت شمايل الباب وخرتها عنه
ريف"خير وخري خليني اطلع
شمايل "وين فاكره نفسج رايحه البيت مو بيتج تسرحين فيه وتمرحين البيت كله رجاجيل ماهم محارم لج انثبري مكانج لين نشوفلج طريق
البنات امسكو نفسهم بالغصب عن لا يضحكون والله محد عارفلها غير شمايل هذي ليش ما راحت مع مشاعل الديره وش الي قعدهم زود
\
\
\
\
\
"ما اصدق من صجك انت خلاص فكيت الحصار الي مسويه على نفسك ومن سعيدت الحض هذي صج انها محظوظه لنها بتاخذك يا حبيبي
علي"ههههههه اجل ابو الشباب وش يصير
شمايل"علي اخلص قول منهي وخلك من الكلام الفاضي
علي"العن ابو الرومنسيه انتي وينج وينها الله يعين الرجال المسكين
شمايل بحره "عليووووووووي احسن لك تقول ولا يوم اعرفها بشييشها عليك اخلص قول ترى مالي خلق لك يكفيني الي من شوي متذابحه معاها
علي"خلج على فضولج وبعدين مع من انتي متذابحه ليكون مع العروس انحرج
شمايل"تخسي وتعقب تكون هذي الحشره عروسك ما لقيت غير ام السعف واليف حيزبونه جهنم هذي
علي فطس ضحك"ههههههههه انتي من قصدج قولي يمكن الي اتكلم عنها تختلف عن الي في بالج
شمايل بقهر"من غيرها الحيه الرقطه بنت خالت ولد عمك المحترم
علي بجديه "وش سوت لج قولي وانا اخوج انتي ما تقولين كلام كذا الا وانتي شايفه منها شي جايد
شمايل بحزن"قوم شفت منها وصلت ردح اشوي وبترقص لي من حرتها وقهرها لني خذته هي تشوف انه هو من حقها
علي"وانتي وش تشوفين خلينا من كل الي بداخلج وابغي الحقيقه وش تشوفين انتي
شمايل"اشوف انها بتبطي وما خذت شي هو من حقي وملكي قبل لا تجيبها امها
علي"ههههه صج ماكله عليها حصى ما عليج منها لو تبين فينا نأدبها اذا تبين كم شوشو عندنا
شمايل"لا تخاف علي اعرف كيف ارد عليها بس حبيت احط النقط على الحروف واعرف عدوي و اطلعه لنور عشان يكون كل شي في وضح النهار و مال حد عندي شي و الحين تكلم قولي من هي يلا خلصني
علي"خليها سر يلا اخليج يا حلووووووووه
شمايل"انقلع ويا ذا الوجه ما ابي اعرف منك بعرف من امي ولا مذلتك اذلف بس
علي"هههههههههههه سوي الي تبينه مع السلامه
\
\
\
\
\
ماكانت مصدقه اعيونها ميته خوف مو من شي ياما سافرت وراحت وجت بس رحلتها هذي للرياض مو لزياره قصيره لا هذي المره الرحله صارت فيها صاحبه الدار و من اهلها اخنقتها العبره و لزلت الصيحه في اعيونها وداعها لهلها كان مؤالم بشكل رهيب صعب تبعد عن الناس الي تحبهم وتموت عليهم صعب تفارق هلك صعب ..........
يسمع شهقاتها الخفيفه وطريقتها في تحريك اصابعها واجعه قلبه عليها بس خايف يقرب منها يسمع منها الي يوجعه الاحسن انه يصد رغم توه يشوف من الشباك الا الي خشت وجها في صدره مذهول وساكت يسمع شهقاتها وهي ماسكه فيه وادموعها تداريها فيه عشان محد يشوفها استعذب هذي الحظه انه يكون امانها و حمايتها لمها لحظنه وبصوت كله حنان"ليه البكى يا بنت الناس الحين الكل يشوفنا هدي شوي يعني من بعد الدوحه الا حذفت حصى كل ما بغيتي بجيبج بس انتي لا تبكين
ما صدقت الي سوته بس هي كانت محتاجه الي يطمن قلبها ويداري خاطرها المكسور على فراقهم ومالقت غيره ملجاء وفي قربه امان تمسكت فيه اكثر وهي تسمع صوته الحنون وهو يمسكها بقوه الحين كل يوم متذابحه معاه عشان ما يلمسها و الحين تقط روحها عليه وش راح يقول ضلت ساكته ما تبي تتكلم ولا انها تبتعد عن حضنه غفت عينها و انتظم تنفسها شافها ساكته ماردت رفع راسها بخفه ولقاهها غافيه شكلها كانت تحاتي ونومتها على الكرسي ما كانت مريحه طول هذي الفتره خلاها نايمه وهو يتئمل ملامحها و يلمس تقطيعها بنعومه بدون ما تحس ضايع في قربها وضايع في دفاها ولمست يدها الدافيه ...........
\
\
\
\
\
"الحين انت من صجك و اخرت هذا الطريق يا اخوي بتضل اعزوبي تعيش على ذكرى انسانه من البدايه ما كانت من نصيبك ليه تعذب نفسك وتعذبنا معاك والله حرام الي تسويه
بدر"مو بيدي فتون ان ابي الهروب قلبي ما عاد يستحمل احسها قريبه وبعيده ضلم اني احب و الي احبها تكون من نصيب غيري منتهى الضلم عشان كذا لزم ابعد هذا هو الحل الوحيد !!!!!!!!
فتون"انت الي غلطت من البدايه وعليك تستحمل انت رجال و المفروظ ما تكون بهذا القلب الرهيف احنا محتاجينك انا و امي و ابوي وانت عارف اخوانك ما فيهم خير كل واحد منهم لهي في دنيته و نسينهم ما في غيرك يا اخوي و احنا نبيك عشان كذا اقولك تماسك انت امانا و حمايتنا وشمايل نفسها ماراح ترضى بالي انت تسويه وراح تصغر في عينها
بدر"ارحميني لا تطرينها لي تعبت وما عاد فيني حيل ابي اعيش بسلام
فتون و ادموعها على خدها "يا حبيبي الي تسويه ضلم لك ولنا ارجوك فكر في الموضوع مره ثانيه وتذكر حاجتنا لك ارجوك يا اخوي
بدر بحزن "فتون لو سمحتي خليني بروحي
\
\
\
\
\
"وش رايج ان شاء الله يكون ذوقنا اعجبج تراه كله ذوقنا و ذوق الوالده
شمايل تشوف سجنها الي بتعيش فيه وسجانها الي اول ما اوصلو البيت ما قعد دقيقه طارعلى المستشفى "تسلمون يا قلبي ذوقكم روووووعه والاحلى انه ذوق امي معاكم ربي ما يحرمني منكم ويخليكم لي يارب
ريناد"أفا بس هذي وانتي اختنا وغلاج من غلات اخونا علىطاري اخونا حشى ما وهل الاشل شلاشله وطار على المستشفى حبي نخليج الحين ترتاحين ونطرش لج الخادمه تساعدج في الترتيب
شمايل"لا ما يحتاج انا بسوي كل شي تسلمون يا قلبي ما تقصرون
جنان و رينا"على راحتج اجل نخليج نشوفج بعدين
اطلعو وضلت بروحها اعيونها تدور في المكان كل شي حلوووو وراقي بس مو مرتاحه مكان غريب حتى لو كانو اهلها بس بعد مكان غريب وناس بالنسبه لها غرب وان كانوا اقراب شافت الخادمه داخله و معاها الشنط "وير اي بوت يور لقج مدام ؟؟
شمايل "ليفت ذير يس يو مي جو ناو ثانكس
افتحت الاشناط وقامت ترتب تيابها و اغراضها و من بعدها ثيابه و شلت الي مو نضيف ورتب مكانها و ادخلت تاخذ دش بارد خاطرها تنام حاسه بتعب وجسمها مكسر اطلعت من الحمام و انتو بكرامه تمشي بخدر تبي الافراش خذت الطبقه الفوقانيه من السرير و افرشتها على شكل افراش على الارض مستحيل تنام على اسرير معاه يحلم غفت و راحت في دنيا الاحلام الابعيده ..........
\
\
\
\
\
"ههههههههههه ولله ما اصدق كل هذا صار ههههه تستاهل عشان تتعلم ان الحريم على قولت امي لهم سبع اوجيه عجل طحت ولا حد سم عليك هههههه
راكان يطالع رفيجه بحره وقهر"انا اقولك عشان تقعد تضحك علي انقلع من وجهي بس لا بركه فيك اف اسكت ميت قهر تحاسبني على طيش وكلمه انقالت في لحظه تهور
ولا و الي يموتك قهر ازود انها عليها طلعات وشطحات ما اعرف كيف افسرها كنها اللغاز احسها تتكلم معاي مره بجفا و مره بحنان ومره بنبره عمري ما سمعت في حلاتها لحظات احسها تكرهني و تمنى لو اختفي من قدامها و احيان اشوف في اعيونها نظره عمري ما شفت مثلها اهي حب اهي عتاب مخلوط بالم ما ادري هذي البنت تحيرني وتصدمني دوم
طلال"وانت وش شعورك وش احساسك كلامك يقول انك حبيتها الا وعشقتها بعد
راكان"اسحرتني شدتني و خطفت مني كل الشعور و الاحساس خلتني ما افكر الا فيها و ابي في الدنيا غير وجودها خلتني اشوف ان في الدنيا اشياء اهم و انها هي اولهم
طلال"لا انت خلاص اشوي وبتشعر فيها اقول احسن لك انك تكسبها وتحببها فيك و تحاول تنسيها الاجروح الي انت سببها يمكن ذيك الساع تحبك وتموت فيك بعد بين لها انك حبيت الروح مو الشكل المره تبي الي يشوفها من خلال عقلها اكثر من شكلها لنه ما يدوم تبي الي يحبها لروحها و تفكيرها ما بي الي يبي جسدها وهذا الي لزم تثبته لها
راكان"من قالك اني ما ابي منها كل شي ابيها روح وعقل وجسد ابيها تملي علي الدنيا الي كنت دافن نفسي فيها ابي تحرك الجليد الي ابتدء يذوب من نظره اعيونها من لمست يدها من قربها و لحظات فرحها وحزنها
طلال تمرغد على الكرسي من الضحك "ههههه بأموت والله عمري ما اصدق ان يصير فيك بس الحين شفت بعيني والله واعرفت تجيب راشك يا الشيخ عفيه عليها من مره
راكان "انطم بس لا اقوم احش ارقبتك اسكت ابي اروح البيت بس متردد وخايف من اني او جهها اخاف اضعف و اخسرها في لحظه
طلال "تراها حلالك يا رجال ما اجرمت اذا قربت منها انت لك عليها حق
راكان "ما ابي هذا الحق اذا ماكان برضها ورغبتها ابي حبها
طلال "اسمع مني رد البيت و اجه كل شي منها و مع الوقت كل شي بيتعدل و عشرتك لها يمكن تغيرها ما تدري عشان كذا على طول من الطياره على اهني ما وهلت تقطع اجازتك و على طول شغل
راكان "ابي اشغل راسي و فكري قبل لا يطق في عرق من حرتي منها
طلال"روح البيت يا رجال وعين من الله خير وربك بيحلها من عنده بس اصبر مالك غير الصبر و المعامله الطيبه
راكان"وانا لي غيره يا رجال يا خوفي اموت بسكته قلبيه بسبب فعايلها
\
\
\
\
\
تمشط شعرها هذا وين راح من يوم روحته على المستشفى ما ردة لين الحين انا ميته جوع بقعد انطر حضرت جنابه جعله ما جا يارب احذت المشط من يدها بقهر كنه ما بغى الا الشرده منها اوريك وراحت على كبت الاهدوم ولبست صيني قصير وتحته بنطلون طويل من نفس اللون و الدزاين ولونها فيروزي وقعدت على التسريحه تحط ميكب خفيف وحلوووو ازرق واسود خل اعيونها تطلع بفتنه وششورت شعرها على شكل لفات ناعمه ورفعته ولبست شوز واطي و مريح وخذت معاها شيلتها احتياط و انزلت تحت ادخلت الصاله لقت عمها ومرت عمها والبنات الي اعيونهم منفخه من الارقاد وينودون وهم قاعدين كل وحده فيهم تطيح على الثانيه اشكالهم كانت تضحك "السلام عليكم و الرحمه ....حبت عمها على راسها ومرت عمها واقعدت احذا البنات
ابو راكان "كيفيج يا بنتي ان شاء الله تكونين مرتاحه وانا ابوج اذا في شي مو مريحج في مكانج قولي لنا واحنا نغيره
شمايل بحياء لعمها "بخير يا عمي ما قصرت كل شي حلوووو وما عليه خلاف تسلمون الله لا يحرمني منك يا رب ...التفت على البنات و بصوت واطي خير وش فيكم حشى كنكم مكفخين بنعال وانتو بكرامه
البنات محترين وعصبين يطالعونها بنص عين "قوم الحره الي فينا ما شبعنا نوم ونبي نخمد وانتي تدشين علينا بالازرق و مفرفشه ولا جنج مثلنا طاقتها سهره معنا وكملتيها مع ابو الشباب
شمايل"وربي اشكالكم تضحك وبعدين انا تعودت على نوم اربع او خمس ساعات عادي عندي انا ميته جوع
ريناد"وانا ازود ابي اكل و ارد اخمد بس احنا ناطرين رجلج بيجي بعد شوي
اسمعو صوت جهال في الصاله ادخلت مشاعل و اعيالها"السلام عليكم .. ادخلت سلمت على خالتها ووعمها و اقعدت احذا شمايل ...الله حيا العروس هذي الساعه المباركه يوم اضويتي بيت رجلج تعالو سلمو على العروس
شمايل بحياء "تسلمين يا ام فهد هذا من طيبج يا قلبي الله يبلغج في عيالج يارب تعالو حبايب قلبي ياربي يجننون ...وهي تضم فهد ومحمد بحب وحنان امومي طاغي شمايل تموت على الاعيال يا قلبي قلبهم ربي يخليهم لج وتشوفينهم احسن الناس
مشاعل"تسلمين يا قلبي وربي يرزقج بالذريه الصالحه يارب
ويسمعون صوت حد يهود تغطت مشاعل ودخل راكان كان شكله مرهق وتعبان واول ما شافو الاعيال عمهم راحوله ركض وتعلقو فيه "هلا والله بالاشيوخ هلا وغلا رفعهم عن الارض وهو يحبهم وهم مستانسين عليه نزلهم وراح حق امه وابوه يسلم عليهم ويحبهم و كان حاس بالعيون الي تراقبه من اول ما دخل عيون ميت ومتشفق عليها ما التفت لها بس كان احساسه بها بعطرها الي مالي الجو حوله خطف نظره سريعه لها و التقت الاعيون عيون كلها تحدي وشموخ وعيونه كلها عتاب وغضب صدت عنه الي بينهم صعب الي بينهم حاجزكبر مع الاسنين وصعب انه ينهد بسهوله جداركله كبرياء و الم كله غبن وضلم لنفسهم قبل الي حواليهم سمع امه تناديه "يومه راكان وش فيك يا ولدي
راكان"سلامتج يا الغاليه ما فيني غير العافيه بس ما انتبهت
امه"طيب نحط الغداء ولا تريح وبعدين نحطه لك
راكان"حطوه وانا بغير اهدومي وجاي ....وقام عنهم طالع فوق
الكل اعيونهم عليها شكلهم ينطرونها تلحقه اوووف مب عيشه هذي لين متى بس قامت وهي تسحب قميصها وبصوت واطي "من رخصتكم ....و اطلعت لقته يرقى الدرج بهدوء وتعب ويده تلعب بشعره مرت من جنبه مثل الصاروخ وقف مذهول خير وش صاير
كمل طريقه ودخل جناهم لكنه وقف مذهول ريحه البخور و العطور من كل زاويه وكل شي مرتب بشكل حلوووو دخل غرفه النوم ونفس الريحه تجذبه لقها تحط له اهدومه بترتيب على السرير و تجهز له اغراضه ارفعت راسها له وبصوت ناعم "انا جهزت لك الحمام و هدومك تبغي شي ولا فيني اروح
راكان"تسلمين بس ما كان يحتاج تتعبين نفسج
شمايل بغرور"كيف ما اتعب نفسي انت زوجي ولك علي اني اخدمك و اكون في طوعك
راكان بغضب"تخدميني ليه انا متزوج خدامه وانا مدري اعتقد انا تزوجت مره تكملني و تسعدني وتعطيني من قلبها وروحها ولو بغيت خدم ما كنت تزوجت
شمايل بمكر "صادق بدليل انك زوجي من احدعشر سنه وطول الوقت انا في عقلك وروحك ما نسيتني وعلى طول في حسبتك
راكان بتعب"يا بنت الناس ليه تحاسبيني على شي صار وانتهى ولا تنسين اني كنت مثلي مثل اي شاب في عمري همه دراسته تكوين مستقبله يعني لا ني لعاب ولا راعي حريم عشان تحرقين قلبي بهذي الطريقه ولا لج عذر في عذابي
شمايل بغضب"ابيك تذوق حرقه القلب ابيك تعيش الي عشته ابيك تعرف ان في الحياه اولويات وانا كان المفروض اول اولوياتك و ابسطها ابيك تحس و تشعر ابيك تذوق ضلمك ونارك الي عيشتني فيها سنين ابيتك تحس بقربي منك وفي نفس الوقت بعدها
راكان"مافي فايده الكلام معاج ضايع بس ابي اقولج شي لين متى ترى العمر قصير اليوم انا عندج وبكره ربنا عالم وين
التفت عليه بغضب "انت دوم كلامك غثيث وش وقصدك
وهو يدخل الحمام ويرفع كتفه بتعب "الي فهميته بس اعرفي شي انا اغليج وا بغيج برضاج ومتى لقيتيني الانسان الي يستاهلج علميني..دخل وتركها تضرب اخماس في اسداس وش قصده ياربي كلامه يخوفني اني افقده ويروح مني والله بموت بس مو بيدي كل ما قلت بتغير من اشوفه تشب النار في جوفي واحس الكره والغضب فيني يا رب ارحمني و اهديني و نور لي طريقي يارب
|
31-07-08, 09:56 AM
flowers2:
جديد مواضيع قسم القصص المكتمله من وحي قلم الاعضاء
العرض العادي
