كاتب الموضوع :
NONO123
المنتدى :
القصص المكتمله من وحي قلم الاعضاء
(الفصل الثامن عشر)
بداخلها غضب جامح وحزن اكبر وهي تشوفه يبتسم خير هي قالت شي يضحك وهي ما تدري الحين رده على كل الي يصير انه يضحك حشى ين الرجال ارفعت كتفها و مدت يدها تسحب فستانها وهي تخطو خطوات غاضبة و سريعة وقفت جدامة وعينها علية "ما اعتقد قلت شي يخليك تضحك ولا انا خبل وقايله لك نكتة... بعصبيه وهي تضرب الارض برجلها عقبها وقفت مذهوله معقول هذي انا كني ياهل ورجعت ذيك الطفله الي ما تتقبل منه اي كلمة ولا كن العمر مر والا الاسنين غيرت فيها شي يار بي هذا الانسان يطلع منها اسوء المشاعر والاحاسيس و تصير قدامة البنت المراهقة الجامحة و الغاضبه الي عمرها ما تطلع الا بسببه هو وبس
\
\
\
\
\
راكان كان مذهول وهو ساكت يشوف جدامه طفله عصبيه تضرب الارض برجلها ولا قادر يمسك نفسه عن انه يضحك من كل قلبه على الانثئ الي تسحره وتجذبه كل حركة وهمسة وكل الطفوله الجامحة و الغاضبة فيها و فجئة وقفت و لقاها اسرحت وهي تشوف الارض و تفكيرها راح بعيد بحيث ما حست على راكان الي وقف وعيونه عليها مسحور بكل تقاطيعها الناعمة و انوثتها الصارخة وبعطرها الي يلسب الروح من نوعومتة و رقته الي تعطر بها مد يده حس انه يده غصب عنة دلت طريقها لخدها يحس نوعومة بشرتها حس بنفضتها وابتعادها وهي عينها عليه فيها خووف "لا تقرب مني ولا تلمسني اذا عندك ذره من الكرامة و الرجولة لا تقرب
كلامها اغضبة بس استشف الحزن و الخوف في كل تقاطيعها كرامته ونخوته ارفظت انه يجرحها او حتى يقرب منها ابتعد عنها ببرود و عيونه كلها برود وشموخ "مثل ما تبين بخليج على راحتج بس احب اذكرج تراى ما في شي بهذي الدنيا يمنعني عنج وعن حقي غير رجولتي و كرامتي ولا كلامج هذا ما غير شي ولا يأثر فيني
وتركها وطلع اما هي ضلت تشوفه بحساس غريب عليها ارفعت طرف فستانها وهي تسحبه واقعدت على الكرسي وهي تفكر كيف سوت كذا و ليش جرحته و معقول تكرهه كيف وفي حقيقه كبيره وان كذبتها ولكنها جدامها حبها كان قدام اعيونها والي انتظرتة عمر كان معاها وهي بطيشها وتهورها وغضب وتراكمات الاسنين خلتها تنسى ان هذا الانسان حب العمر كله مهما قالت ومهما فعلت يضل هو الحب الوحيد الي ضل في حناياها عايش وينبض مع كل نبض من خفوقها مع احلامها الي عاشتها كان هو الوحيد بطلها وفارسها هو حبيبها وعمره ما راح يعرف انه هو حبها قامت بهدوء وخذت لبس بسيط ودخلت الحمام وانتو بكرامه تخذ دش تغسل بة تعب الاسنين و الم تحس قطرات الماي تزيل كل تعبها وقررت انها هي ابتدت حرب وعليها انها تنهيها حتى لو اخسرت فيها هذا الحب بس عندها الكرامة فوق الحب طلعت من الحمام وهي تنشف شعرها و البست اهدومها بنطلون حريري ابيض و معاه بدي بنفسجي و لبست صندل واطي وقامت تتسحب لين باب الصاله وافتحت الباب بشويش وطلعت راسها تطل لقت الصاله خالية وهو مو موجود فيها يا ترى وين راح يولي انشاء الله روحة بلا رده اطلت الصالة واقعدت على الكرسي وخذت الرموت كنترول وشغلت التلفزيون و استغرقت تطالع برنامج شدها وفي غفله من التعب و الارهاق الي كانت عايشته طول الفتره هذي غفت واستغرقت في نوم عميق .....
\
\
\
\
\
عيونه سارحه في البحر والله لو درو ليصير مضحكة لناس معرس وقاعد على البحر و مخلي عروسة في الاوتيل لا و الي يضحك اكثر متهاو ش معاها انطلقت منه ضحكات فرح بشكل خلاه يطالع كل صوب لحد يشوفه وهو يضحك مع روحة ويفكرونة مخبل والله اطلعت البنت شي عمره ما تخيله جمال ورقه وعذوبة و فوق هذا كلة براءه صارخة وطفوله في اعندها و غضبها يا ربي يحس بداخله شي من الفرح و السعاده لنها اجمل من الخيال و احلاى من الواقع يحسها مثل الشعلة الي تضوي وتنور له حياتة الي انطفت تحت ضغوط الحياه و المرض و الموت يحسها الحياه كلها قام بقامته المهيبة و نفض الاتراب عن اهدومه و يده وركب السياره راجع الاوتيل لزم يحط النقط على الحروف واول شي يسويه يكسب هذا القلب العنيد و ينسيها الماضي
\
\
\
\
\
كان ينطر أمه و أخته ما صدق يوم اعزمه ابو ثاني مخصوص وجاه علي بالدعوه هذول الناس تعاملهم مع كل الي يحيطون بهم تعامل راقي و كله اخلاق و ادب عالي ابوهم رباهم من اكبرهم لين اصغرهم ونعم التربيه حاس بغصه بقلبه حضر عرسها و شاف ولد عمها الي بيا خذها رجال و النعم فيه ادب واخلاق وفوق هذا كله دكتور وش الي تبيه اي بنت في الدنيا كل الموصفات موجوده فيه تستاهل كل الخير يارب تسعدها وتهونها علي شاف سلمان جايه نزل من السياره يسلم عليه "هلا و الله مبروك يا ابو ثاني الفال لك يا رجال
سلمان بضحكه"فال الله ولا فالك وش لي في الحنة خلني على راحتي الفال لك انت
بدر بصوت حزين"الله كريم كل شي في وقته انت وين رايح الحين
سلمان"انا بوصل الاهل وانت
بدر وهو يشوف أمه و اخته طالعين "و انا بعد انطر الاهل تدري ورانا بكره رده من وقت
سلم عليه سلمان بشكل سريع "يلا الشيخ اخليك سلم على الوالده ولا تقطعنا
بدر بمحبه"افا يا الشيخ ما طلبت
توه معطيهم ضهرة سمع صوتها الواطي تنادي بدر صوت ناعم و حلووووووو اجل هذي هي رفيجت عمته فتون ابتسم بذكاء ايد عمته تقصدها كمل طريقه وعلى ثمه ابتسامه رضى و سعادة .....
وفي السياره كان بدر يسمع امه واخته كيف يتكلمون عن العرس كان ساكت وسارح وامه عينها على ولدها الي قلبه مكسور و مجروح خايفه على ولده وفي نفس الوقت حاسه ان الله بيعوظه بس هو لو يرضى ساره بنت عمه مافيا دبها واخلاقها صج ما تجي عند شمايل شي بس البنت زين و اخلاق ويمكن على مثل ما يقلون الخيره فيما اختاره الله سبحانه وتكون الزوج هالي تعوضه وتنسيه يارب ترحم وليدي وتيسر له طريقه و تبرد قلبه وترحمه برحمتك يارب وترزق بنتي الزوج الصالح و ترزقني حسن الخاتمه يارب
\
\
\
\
\
تمسح ادموعها وهي معصبه على اعيالها و ابوهم الي يضحكون على صياحها
ابو ثاني "يا مره ما صارت حاله الحين البنت بينج وبنيها بس كم شارع وانتي تبجبجين كنها سافرت اجل بكره وش راح تسوين
ام ثاني "هذي بنتي وحيدتي ما تهنيت فيها توها ارجعت والحين ولد اخوك بياخذها وبتعيش بعيد عني اي على بنتي ما يخصني رجعولي بنتي
ثاني "ههههههههه افا يا ام ثاني الحين من صجج هذا مصيرها انتي المفروض تهونين عليها يومه مو تزيدينها
ام ثاني "من حرقه قلبي والله اني ما تهنيت بردت بنتي و الحين بترد تروح وتبعد عني وعنكم
علي كان في عالم ثاني مع الي اخطفت قلبه وحركته من غفوته الي عايشها عمره كله لزلا يحس بنعومتها ويتنسم عطرها الي خدر حواسه واخطفه من نفسه ومن الدنيا كلها وعيونها الساحره ودمعتها كل شي فيها جننه و خلاه ضايع الا من وجودها في خياله
ثاني وهو يدزه "يا الاخو وين رحت من ساعه وابوي نادي وانت مو معانا وين سيرت قول هههههههههه
علي بحرج "معاك يعني وين رحت
ثاني بسخريه"صادق يا ولد امي صادق
علي "هذا وقتك انت وطنازتك فكني بس من الحشره انا طالع
ثاني "في هذا الوقت من صجك انت وش سالفتك اليوم حالك مختبص وش السالفه
علي "تبي تعرف امش معاي وبقولك كل شي
ثاني " شكلي بسويها امش خلصنا يومه يوبه تامرون على شي انا رايح
ابوه" واحنا بعد يلا يا مره تعالي كملي صياحج عندي
\
\
\
\
\
دخل بهدوء وسمع صوت التلفزيون قرب منه عشان يسكره تحجر في مكانه وهو يشوفها قرب منها وسحب الرموت من يدها بنعومه وسكر الجهاز وركع بقربها وهو يتفحص ملامحها الناعمه ورقتها وعيونه على كل صغيره وكبيره ياترى وش تخييله الايام معاها يا ترى يقدر يكسبها و تحبه وهي كلها مراره والم جرحها بدون ما يحس اذاها بدون ما يشعر الم قلبها بغلطه نتيجه طيش بس الحين هي اهني وبين يده وفي نفس الوقت بعيده بكل المرار والم الي داخلها يا ترى بيقدر يدوي الاجروح الي هو السبب فيها مد يده على خدها الناعم يتلمس نعومتها وانوثتها وبداخله يقول مستحيل اخسرج مستحيل افرط فيج غلطتي اني ما عرفت الي بين يده وبغبائي ضيعتها مني وجرحتها وانا علي اني اصلح كل شي حط يده تحت راسها واذراعه الثانية بين ساقها ورفعها بخفه وحذر عشان ما توعى عليه بس يبدو انها موحاسه بالدنيا من تعبها عينه عليها وهي اغلى شي بدنيته كنها الكنز الي لقاه بعد كل هذا العمر الفرحه الي كان مستكثرها على نفسه وقلبه وروحه حطها بنعومه على السرير و غطها سمع همهمتها و تكورها على نفسها قرب منها يسمع هي وش تقول" ما ابية يومه ...
ابتعد عنها بحزن حتى في احلامها رافضه وجوده رافضته كأنسان وكأرجل يكون زوجها و حبيبها يشاركها الروح و الجسد ابتعد بحزن لزم اغير كل شي وانا الوحيد الي اقدر انا وبس دخل الحمام وانتو بكرامه يا خذ له دش يغسل تعبه ويصفي فكره طلع وهو يمسح شعره وقرب من السرير وتمدد عليه بقربها يحس بدفاها وهمساتها النعمه غفت اعيونه وهو ماسك يدها الي التمت على يده اول ما لمسها قربها من خده وهو يتنسم عطرها الناعم حبها وهو يضغط عليها وراح في دنيا الاحلام
\
\
\
\
\
"كريه اكرهم كلهم حيوانات وحشرات وهي ترمي الفازه على الارض وينتثر منها كل شي
كانت تشوف بنتها بحزن هذي تربيتها اصدقت مشاعل وين كرمتها وين حشمتها ضيعتها وهي تلاحق وهم تلاحق سراب و اصنعت من بنتها الي هي اليوم عليه بنت انانيه ومغرووره وقليله أدب ما تحشم حد و زمامها فالت ما عادت قادره عليها اليوم وهي تشوف شمايل اعرفت ان بنتها اكبر غلطه هي سوتها في حياتها وينها من البنت الي تربت على السنع وعلى الادب والاخلاق واحترام الغير ببرود وغضب"طبي هذا الحلج احنا في فندق ماحنا في البيت واحسن لج تسكتين قبل لا يسمعج نايف واليوم تصير حريقه
ريف"أنتي وش سالفتج معاي ولا معاهم اشوفج صرتي تحبينهم
ام نايف لي شانا من الاساس ما اكرهم يا بنت بطني لا تنسين انها اختي ويوم بغيت راكان لج عشانه رجال والنعم فيه بس الحين اقولج انتي ما تنفعينه ولا هو الي يستاهل انه ينضلم وياخذ وحده مثلج
ريف" بغضب انتي وش صار لج شي خبلتي انا تقولين لي هذا الكلام
وفجئه يسمعون صوت غاضب وعالي" خبال يضرب راسج يا الكلب وربي ما راح تروحين من يدي مسكها نايف من شعرها وقام يضربها ضرب وين يوجعك وهي تصرخ وامه تحاول تمنعه بس هو خلاص ضاعت حاسيته
ام نايف وهي تحول تمسك يده بغلاتي عندك تهدها ...بس هو ما سمعها كان مكمل ضرب فيها ويرفسها وهي متكوره على نفسها وتصيح من الم ...بغلات ابوك عندك هدها ...فجئه وقف هن ضربها وضل يطالعها ويطالع امه وبصوت غاضب
"والله الي في سماة ما ردني عن لا اكمل عليج الا غلاتهم عندي مره ثانيه طولي صوتج على امي وشوفي وش راح يصير لج والله لقص لج السانج الي في ثمج واخليج العمر كله بدونه وبتقولين نايف قال كلبه ...طلع عنهم بغضب
قربت من بنتها تبي تساعدها وتشوفها وهي تمد يدها تلمسها ريف اضربت يد امها بغضب وصوت عالي" اكرهج انتي ولدج وبنتج اكرهكم كلكم وراح تندمون على كل شي سويتوه وبتشوفون وش راح يكون ردي عليكم ...قامت داخل الغرفه وسكرت الباب وهي تتوعدهم كلهم بغضب وكره
\
\
\
\
\
تسمع صوت جرس و ازعاج اوف تململت في نومتها وين هذا الصوت معقول اعيال اخوانها والله لو تقوم بتكوفخهم كلهم بس ما تبي تقوم من نعومه فراشها ولا الدفى الي هي فيه قربت اكثر من نعومه مخدتها وهي تلمس شي دافي في يدها وخبت وجهها في المخده وهي تمسح وجهها فيها ماتبي تسمع الصوت بس فجئه اسمعت صوت نبضات عالية وسريعه وش هذا افتحت عينها واذا بوجها مدفون في رقبته و جسدها بين ذراعه ويدها غايبه في يده ارفعت اعيونها برعب كبير واذا بعيونها تلتقي اعيونه الي ناعسه وتطالعها بمكر وخبث احمرت وهي تقحص من الفراش بعصبيه وخوف
"انت وش تسوي اهني من جابني لا تقرب مني انت فاهم ياويلك لو قربت مني
"ردني بيت هلي انا ما ابيك انت ما تفتهم اقولك ما ابيك
\
\
\
\
\
راكان صحى قبلها بفتره وسط اليل قربت تلتمس الدفى في حضنه لمها له ولصدره وشوقه لها يحركه يبيها بكل ما للكلمه من معنى بس يبيها برضاها يبيها مو واجب لا يبيها شعور واحساس عمر الزواج ماكان علاقه جنسيه وبس الزواج اسمى من كذا الزواج موده ورحمه و حب الزواج قلوب تتوالف على بعض و افكار ناخذها من بعض تطلع فيها وفي غضبها قام بهدوء من السرير وشاف اخدودها الي احمرت من شكله وهي تصد عنه منحرجه واعيونها في الارض ابتسم وكمل طريقه على الكبت وخذ الروب وغطى به نفسه وهو رايح على الباب سمع صوتها انت وين رايح ردي علي
راكان ببرود قاتل وهو يطالعها وعينه في اعيونها انحرجت وابعدت اعيونها عنه "ما تسمعين جرس الباب ولا صرتي صمخه ما تسمعين قوالي تراني دكتور ويمكن اعالجج ما عندي مانع لا يردجح غير لسانج بسخريه على فكره غيري لبسج اضن الي برع هلي وهلج وما اعتقد راح تقابلينهم كذا طلع وخلاها تفور والدم يضرب فراسها من بروده قهر ودها تمشع اعيونه الساخره هذي ادخلت تغسل وتغير اهدومها
\
\
\
\
\
فتح الباب وعلى وجه ابتسامه وهو يقابل هله و مرت عمه "هلا والله صباحكم خير حب امه و على مرت عمه وضم خواته بمحبه له وهو يسأل عن اخبارهم
خواته مستغربات وداخلهم الضحكه البنت غيرته من ليله وخلته الحلج منشق و ين الي ما كان يضحك الا بالطفق الحين قاعد يسوي دعايه معجون اسنان
جنان وهي تساسر اختها " تشوفين اخوج حشى لو دارين انه بيصير كذا كان من زمان مزوجينه ومسويلنا الدعايه ههههههههه
ريناد"فكيني تراني مو في خلق حق خفت الدم مالتج على الصبح
جنان" انتي وش سالفتج من البارح و انتي تهاوشين ذبان وجهج
ريناد "ذبان لما يضرب اضهرج قولي امين ليش وش شايفتني مثل ما انا ما فيني الا العافيه وانطمي احسن لج الحين لا اقوم لج
جنان" هههههه واضح يا اختاه
اطلعت لهم الصاله لبسه فستان اصفر مورد بنص كم ومكسر على جسمها مع صندل عالي بسيور من نفس اللون مع صقم ناعم ذهبي من حلق واسواره وماحطت غير جلوس وردي وشعرها مفتوح ومرفوع على جنب قربت منهم وضمت امها لها وهي فيها الغصه والدمعه " هلا يمه صباحج خير يا الغلا شلون ابوي واخواني
امها بصوت حنون" بخير يا بعد قلبي ابوج واخوانج لحقيني ومعاهم عمج بيسلمون عليكم قبل السفر
شمايل بخوف ورعب" سفر عن اي سفر يمه ؟؟؟
راكان ببرود "شهر العسل مسويها لج مفاجئة بس عمتي خربت علي
جنان "على وين بتروحون ؟
راكان" انتي وش لج اذا العروس صاحبت المفاجئه ما اسئلت انتي وش لج
جنان "قوم انها بارده بس انا غير يلا قولي وين ؟
كلهم التفتو على صوتها بذهول وهي تقول" بس انا ما ابغي اروح شهر عسل ؟
يا ترى وش بيصير يا ترى وش راح يكون ردهم ورده فعل راكان ؟؟؟
التعديل الأخير تم بواسطة NONO123 ; 19-07-08 الساعة 12:13 AM
|
15-07-08, 01:47 PM
تاخذ العقل أنا متابعتها من زمان واليوم أول رد لي على القصه
جديد مواضيع قسم القصص المكتمله من وحي قلم الاعضاء
العرض العادي
