خفقات قلب و تمرد أنثى - الصفحة 32 - القصص المكتمله من وحي قلم الاعضاء

20-06-08, 09:34 PM

المشاركة رقم: 156

المعلومات
الكاتب:	خيال عابرsoon
اللقب:

البيانات
التسجيل:	Apr 2008
العضوية:	72159
المشاركات:	28
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : NONO123 المنتدى : القصص المكتمله من وحي قلم الاعضاء

حياتي انتظر
حماااااااااااااااااس بقوه
حزنت على بدر و
خفت مع شمايل وعصبت معها و انحرجت معها
وراكان .........الددددددب.......... بعد انقهرت علشانه بس شوي خخخخخخخخ
صراحه بارتين ابداااااااااع انتظر البقيه يالله عجلي علينا لا طولين

[IMG]http://www.*******.com/images/3ugxsfzz27p0w8px0ner.gif[/IMG]

20-06-08, 10:32 PM

المشاركة رقم: 157

المعلومات
الكاتب:	بدر الزمان
اللقب:

البيانات
التسجيل:	Oct 2007
العضوية:	46457
المشاركات:	129
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : NONO123 المنتدى : القصص المكتمله من وحي قلم الاعضاء

واااااااااااااو

الجزء رووووووووووووووووووووووووعه

موقف فتون لا تحسد عليه

كان ودي آخذ شمايل وانتف شعرها

تشكراااااااات على البارت الرووووعة

ننتظر التكملة

بليييز لا تطولين علينا

21-06-08, 04:52 AM

المشاركة رقم: 158

المعلومات
الكاتب:	مذهلة الخليج
اللقب:	مالكة القلوب

البيانات
التسجيل:	Oct 2007
العضوية:	53295
المشاركات:	3,145
الجنس	أنثى
معدل التقييم:
نقاط التقييم:	129

االدولة

مدونتي

الإتصالات
الحالة:
وسائل الإتصال:

كاتب الموضوع : NONO123 المنتدى : القصص المكتمله من وحي قلم الاعضاء

لي عوده لي الرد على الجزء لكن بعد القراء
عذرا نونه راح التاخر عليج بس ياليت تعذريني

فراشه سوري برجع اعمل تعديل على الرد>>>يعني لاتحذفينه خخخخخ

اختكم مذهلة

احم احم وصلت لي تعديل مشركتي مرسي فراشه على عدم الحذف >>>والله جان ارتكب جريمه فيج

خخخخ
لا جروح اليوم ابداع والله مامره طولتي الى ورجعتي لنا بلي يعوض الغياب
بس حرام عليج ليه الوقف الويه هذي ولي تجيب الاجل >>>ارحمينا
هذي النقطة من اول القصة ننطرها من اول سطر ويم وصلنا اخيرا توقفين عندها
وش نويها عليه حرام عليج >>ارحمــــــــــــناااااااا والله نستاهل صح ؟خخخخخخ

هذا تركي رغم انا رفع ضغطي برد بس ترى مالومه وهو من الاطباء الى بالمره يهتمون بالمريض وشي طبيعي انها يكون مو طايق نفسه هذا موت
بس يالله والله نفسي اقراءة شكل بعد ماتكشف شمايل >>>ياويل حلي عجل علينا تكفين

خخخخخ وشمايل من بعد القوى انا الان ابصم انها اكيد راح تكون على موقفها بس راح تتغير نظرتها شي بسيط وبعدين العشره ترى غير الكلم ومع عشرتها لي ركان هي بتجيب راسها وهو بعد >>>محد منهم بيقصر في الثاني؟
مبروك ركون شكل مارح تحتاج حركة دفع عن النفس>>>ولو اني اشك لان شمول ماتنضمن
بس لو تبغى ابشر نعملك حزب لي الدفع عنك وعن حقوقك((بس الله يهديك مافي لك حبايب )يالله ننطر الابداعات عشان يجون لك حبايب خخخخخ وترهم رح يدفعون لك عن حقوقك بالكامل خخخخ وجروح بتقتنع بالكلام اكيد خخخخخ

بدر كلام عين العقل >>>الله يرزق على قد صبره ونيته خخخخ>>دخل جو

فتون :والله ان خاطري انكسر عليها شمايل هذي تحفه على اعصابه وبتموت خوف وشوفي وش سوت في شمايل خخخخخ >>ام عريسج هااااا ههههههه

ومشــــــــــــــــــــــــــــــــــــكــــــــــــــــــــ ـــــــــــــــــــــوره
مذهلة

التعديل الأخير تم بواسطة مذهلة الخليج ; 22-06-08 الساعة 04:37 AM

05-07-08, 04:38 AM

المشاركة رقم: 159

المعلومات
الكاتب:	NONO123
اللقب:	ليلاس متألق

البيانات
التسجيل:	Aug 2006
العضوية:	10657
المشاركات:	257
الجنس	أنثى
معدل التقييم:
نقاط التقييم:	78

االدولة

مدونتي

الإتصالات
الحالة:
وسائل الإتصال:

كاتب الموضوع : NONO123 المنتدى : القصص المكتمله من وحي قلم الاعضاء

(الفصل السابع عشر)

سمع صوت يكلمه " اقو ل وانا اخوك شكل ولدي نسى الدنيا
انحرج راكان "السموحه يوبه
ابو ثاني قرب من شمايل وبصوت حنون وهو يحظن بنته "مبروك يا الغلا الحمدالله ان الله بلغني فيكم ويارب اشوف اعيالكم
شمايل بصوت مبحوح "الله يبارك فيك يا الغالي ويخليك لي يارب
عمها "مبروك يا بنتي ما وصيج يابوج ولد عمج حطيه في عينج واذا صار منه شي تأكدي وانا عمج انا ضهر لج عليه ومحد بياخذلج حقج غيري
شمايل برقه عذبه"لا توصي حريص ولد عمي وزوجي في عيوني الثنتين
كان يسمع صوتها الي يوديه عالم ثاني خايف من الي تحت الغطى متحفز ومتشوق كلامها مثل البلسم الي يشفي الاجروح وتطيب في صوتها حنان يا خذه لبعيد بس اعيونها فيها تحدي وفيها غضب غريب وجموح عجب له كلامها يناقظ نظره اعيونها الي كلها تحدي و شوموخ السنها الي يتكلم بعقل ولا اعيونها الي تتكلم بجنون اي واحده فيهم يصدق
بندر بصوت عالي عشان ينبهه من سرحانه وهو يضمه له "مبروك يا اخوي والتفت على شمايل مبروك عليج يا بنت عمي
شمايل"الله يبارك فيك الفال لعيالك يارب
ضحك بندر بصوت عالي "ههههههههههه حرام عليج تبين تكبريني بسرعه
علي بطنازه وهو يدز بندر"روح بس يا شيخ مردك شايب وطايحه ضروسه امش خلهم يرفعون الغطى عن البنت افطست
بندر يمشي احذاه "والله شكلي بعيد العرس مع المدام بس الي مخرب علينا دبتها الي قدامها
وطلع بندر وقربت امها ونجديه منها عشان يرفوعون غطاها كانت حواسه كلها مشدوده لذاك الغطى انفتحت اعيونه على وسعها مذهول مصدوم ساكت ما قدر ينطق حاس كنهم اسلخوه عن جسده وصارت روحه تهيم في منظر ابدعه الخالق سبحانه وين الي يشوفها من الي كانت صوره مشوه في خياله صوره هو شوهها بنفسه عشان يهرب من الحظه الي هو عايش فيهاالبشره المخمليه الناعمه كنها بشره طفل رضيع الجسم الي مصبوب صب خطوطه ناعمه وانسيابيه خصر نحيل وفاتن واكتوفها الحريريه شده الشامه الي على طرف ثمها شامه الحسن وفوق هذا كله كانت العيون الساحره الي تفتن من يتخايل بها ارتفعت اعيونهاله والتقت في اعيون انتظرتها عمر انتظرت هذي الحظه عشان تشوف وش يكون رد فعله على الي كانت في نظره مسخ مشوه في نظره ليست انثى ممكن ان تشد فيه مكامن الرجوله وتحرك الاحساس فيه لكي يرغبها زوجه وحبيبه و الغريب ان عاصفه بداخله لكن للئسف مابين عليه اي شي غير اتساع اعيونه اما هي كانت في قمه الغضب والاحباط لنه جليد عمره ما يذوب او انه يذوب سمع صوت امه "يومه راكان سلم على حرمتك
قادته خطوته لها مسكها من كتوفها الناعمه تحسس نعومتها وحس برجفتها قرب منها وقربها منه لصدره وحط شفايفه على جبينها وهو يتنسم عطرها كان احساسه يخوفه محتاج مشاعر دفنها اسنين خوف من انه يعيش من انه يحب من انه يحتاح لغيره يروي ضماه الي اكبته مشاعر تخنقه وترعبه بصوت
مبحوح من مشاعره"مبروك....
النار شابه فيها ودها تذبحه جسمها كله يرجف من لمسه يده الدافيه لمسه احرقتها و اشعلت نار الغضب فيها نار الرفض بدون ولا كلمه منها اسحبت نفسها من بين يده وعيونها ارفعتها له بغضب جامح فيها رفض له وللمسته للرجل الي ما يعترف بالانثى الي جدامه ولا لوجودها في حياته
انذهل وهو يشوف ويحس برفضها وانسحابها من بين يده وبمثلا هذي النضره الرافضه خلوه يطالعها وفي اعيونه نضره استفهاميه كانت بينهم حرب بس حرب العيون ...
"يا عيال وين رحتو؟؟؟
راكان"هلا الغاليه معاج فديتج ...
ام ثاني"خذ حرمتك ياولدي مبروك عليك ما وصيك وانا امك ترانا عطينك أغلى ما عندنا حافظ عليها
راكان يمد يده لها وضل مادها ينطر منها تمدها شاف في اعيونها التردد والخوف والرفض بداخله يبيها تمد يدها يبي يحس بدفاها
داخلها مشاعر خوف وهي تشوف يده بصابعها الطويله وهي ممدوده لها ينتظر منها يدها تمدها عشان تمشي معاه اولى خطواتهم نحو حياه مشتركه بينهم...عينه في كفه الي ممدوده لها شاف يد ناعمه ودافيه تلمس يده
نجديه"ههههههههه يا اخوي لين متى بتضل مبحلق فيها يلا امشو
شد على يدها وضمها له بقوه وعينه في اعيونها"مشينا وانتي فكينا من حشرتج وساعديها
جنان"انا بجيب عباتي اجيبها لج معاي
رناد "لا انا بروح اجيبها بنفسي ريحي روحج مبروك يا اخوي وهي تضمه لها
بحنان وحب لخته خلاها مذهوله "الله يبارك فيج يا الغلا والفال لكم انتو الثنتين
جنان ورناد وهم يضمون شمايل ويحبونها "مبروك يا قلبي والله ما تتصورين وش كثر فرحنا بوجودج عندنا
شمايل بصوت عذب ورقيق "الله يبارك فيكم يا الغلا و الفال لكم
تحس بنار تسري في عمودها وبروده تغلف كل مشاعرها واحاسيسها مشت معاه خطوات نحو المجهول ورقو فوق للسويت المحجوز ومعاهم الاهل الي وصلوهم ....
\

\

\

\

\
كانت تدور على عباتها وسط الاغراض اخيراً لقتها بتروح تلحق عليهم اطلعت من الصاله على برع بعجله لكنها تخرطفت بعباتها وكانت على وشك انها تطيح لو انها اصدمت بشي صلب ودافي وطاحو مع بعض كانت مغمضه اعيونها من الخرعه ومن الروع اما هو تاه في عالم ثاني في اعيونها وثمها الناعم في كل تفاصيل وجهها العذب وتنفسها الخايف ودفها الي يحس به صار له عمر ما حس هذا الاحساس كان ميت ورد للحياه يده كانت تحس بالجسد الناعم والدافي الي بين يده وعطرها الي خلها هايم في عالم حلوووووو علي بصوته الهادي وهو يرفعها عن صدره ويصد عنهاعشان تقوم بدون ما يحرجها "تعورتي فيج شي اناديلج حد ؟؟
وش فيها ما ترد ليكون صار لها شي ولا هي ما تتكلم خساره جمال مثل هذا وما تتكلم اللون الاحمر عليها مخليها شعله نار من الجمال و الحسن تسمع الصوت الي اشتاقت لصاحبه اشتاقت لعيونه الحزينه لنبره صوته لكل شي فيه كانت تقوي نفسها وتصطنع شي هو مو فيها هي اضعف من انها ما تضيع في حبها وعشقها لهذا الانسان حست بدمعه تخونها وتنزل على خدها خانتها مشاعرها الي كبتتها طول الفتره الي راحت وحاجتها له حبيب وشريك ضعفها فضح مشاعرها وعرها من الغطى الي كانت تخفي به حقيقتها وهي انها اضعف من انها ما تحب وتتعذب بسبب الي تحبه اسمعته"اختي لو فيج شي قولي اطلبلج حد من هلج انتي تتكلمين تفهمين علي ولا لا ؟؟؟
اخنقتها عبرتها وفي لمح البصر اختفت من قدامه وهو واقف مذهول وخايف ليش تصيح وش الي صار ومن هي ضلت اعيونه معلقه على الطيف الي اختفى من قدام اعيونه راح يشل الاشياء الي موصيته عليها امه طلع وهو الحيره تاكل قلبه يبي يتطمن عليها يمكن تعورت ...
وهي حاطه يده على قلبها ودموعها تحدر على خدها وتحرق جوفها حبها يجرحها ويؤلمها وحاجتها له تضمي روحها تعبت وما عادت قادره تصيح بحرقه قلب ليش انا غلطت شلون احبه وكيف نسيت نفسي ونسيت تربتي وديني ليه سلمت مشاعري و قلبي لشيطان ليه لزم انزعه من داخلي امسحت دموعها بكفها وطالعت روحها في المنظره وعدلت شكلها واطلعت
\

\

\

\

\
وصل أمه ومرت عمه وخواته لين برع ورجع وهو محتار وعينه على باب غرفه النوم يدخل ولا ما يدخل خايف خطوته غصب عنه قادته لها فتح الباب وتوه داخل شافها قامت من على الكرسي بشكل سريع وعيونها عليه بخوف ونضره ثانيه مو عارف وش هي دخل وسكر الباب وقرب منها وفي لحظه بس سمع صوتها بصرخه عاليه اذهلته"لا تقرب ولا ما راح يصيرلك طيب ...
راكان بذهول "نعم وش قلتي ؟؟
شمايل بصوت غاظب وجسمها يهتز بغضب"الي سمعته يا طويل العمر لا تقرب مني تراني ما راح اسمح لك تلمس مني اشعره ولو على موتي
راكان بغضب مخيف"عيدي وش قلتي ليه الشيخه ما انتي زوجتي ولا انا غلطان ؟؟
انطلقت منها ضحكه ساخره وجارحه"زوجتك الحين صرت زوجتك انا زوجتك من احدعش سنه عمرك فكرت فيني حيه ولا ميته عمرك فكرت انا وش احب ولا اكره عمرك رفعت سماعه التلفون تسئال على الي ارتبط اسمك بها راكان انا ما ابيك انا اكرهك تسمعني اكرهك وعمري ما راح احب انسان مثلك عايش بدون قلب الحين بس حليت في عينك ولا رغبتك الحيوانيه هي الي تحركك يكون في علمك تراني اقدر ادافع عن نفسي وما راح اسمح لك تقرب مني ولا راح يكون لي تصرف ثاني
كان مذهول ومستعجب من كل كلمه تطلع منها لهذي الدرجه رافظته وكارته لهذي الدرجه ما يعرفها ابتسم في خاطره وده يضحك اعجبته على الاخير بنت عمه طلعت شخصيه غريبه عمره ما توقعها بهذا الشكل ولا هذي الشخصيه القويه حس بمتعه شديده وحب يستفزها
بصوت بارد وملامح اكثر برود"انتي نسيتي يا مدام انج حلالي انتي من راسج لين ارجولج حلالي بتمنعيني عن حلالي يا بنت الاصول
عيونها تشتعل بغضب وهي تشوف البرود الي يتكلم به والثقه ارفعت صبعها وهي تهزه بغضب"معصي وربي ماراح تلمس من راسي شعره ولو على قطع ارقبتي حلالك الحين بس زان حلالك في نظرك قبل كنت القرد الي ملبسينه اساور صح ولا ...
بغضب وصوت جهور ي خوفها وخلاها ترجع على وراى"احترمي نفسج يا بنت سلمان واعرفي انتي تتكلمين مع من مو انا الي اخذ شي بالغصب اذا انتي ما تبيني مره انا ما ابيج عشر ولا انا الي تحركني على قولتج رغبتي الحيوانيه تراني عايفج من قبل وعايفج الحين انتي ما تهزين فيني اشعره
جرحها هذا الكلام ذبحها بس ما بان عليها ولا شي غير لمعه في اعيونها واهتزاز على طرف شفايفها ارفعت راسها بشموخ وطالعته بنظره متكبره "اتفقنا عجل انت ما تعنيلي ولا شي وانا مااهز فيك على قولتك اشعره والحين كيف راح يكون الوضع
عينه عليها وهو يفصلها تفصيل كل شي فيها جميل ومتناسق ابتسم لما طرت عليه الجمله الي قالتها الحين بس تذكر اطنازه الاعيال ويبدو انها اسمعت كل الي قاله وهذا جرحها بس هذا كان كلام مراهقه وطيش شباب بس هي خذته بحساسيه الانثى يمكن في كلامها الكثير من الصحه هو نساها في خضم الحياه الي يعيشها او انه تناسها عشان ما تلهيه عن هدفه بس في هذي الحظه صار له هدف جديد ومصمم انه يوصله صارت هي وحبها الهدف اي حبها يبيها في حياته تحدي يعيشه ويستعذبه يبي احساس ادفنه عمره كله

05-07-08, 04:47 AM

المشاركة رقم: 160

المعلومات
الكاتب:	NONO123
اللقب:	ليلاس متألق

البيانات
التسجيل:	Aug 2006
العضوية:	10657
المشاركات:	257
الجنس	أنثى
معدل التقييم:
نقاط التقييم:	78

االدولة

مدونتي

الإتصالات
الحالة:
وسائل الإتصال:

كاتب الموضوع : NONO123 المنتدى : القصص المكتمله من وحي قلم الاعضاء

اعذروني اعزائي على تأخيري وادري ان البارت قصير
بس هذا الي قدرت اكتبه و اذا كتبت غيره راح انزله
لكم بسرع وقت تحياتي لكم واستمتعو بالبارت