كاتب الموضوع :
NONO123
المنتدى :
القصص المكتمله من وحي قلم الاعضاء
(الفصل الثالث عشر)
شمايل وبنات عمها جالسين في قعده منفصله عن الصاله في غرفه كلها زجاجيه ومطله على الحديقه الخارجيه فالينها ضحك وسوالف علي كان توه نازل بيطلع ومر من الصاله ويسمع صوت ضحك فكر ان اخته مع امه او الجازي بس ما كان متوقع بنات عمه وقف مستحي مو عارف وش يسوي ومنزل راسه وعيونه في الارض .....
علي"السموحه ما عرفت ان عندج ضيوف السموحه منكم يا بنات العم وحياكم شمايل تعالي شوي ابيج
راحت شمايل مع اخوها بس مع طلعت علي طلعت روح هفت له وحنت عليه واشتاقت تشوفه عمرها ما توقعت يصير لها كذا ابد بس هذا الاحساس غريب وعجيب وفي نفس الوقت لذيذ له لذه خاصه تسري في العروق ...
وبرع كان علي يتعذر من اخته "شمول استسمحيلي منهم بس انا هودت بس محد رد ماشاء الله صوتكم وضحكم كان مغطي محد سمعني
شمايل تلمس وجهه بحنيه "فديتك راح اقولهم بعدين البنات ماكانو كاشفين وين رايح انت الحين ..
علي"مواعد الربع توصين على شي ..
شمايل"لا فديت روحك في حفظ الله تحمل على نفسك
ارجعت لبنات عمها ابتسمت لهم وهي تقعدوعينها على الي سارحه وفي دنيا ثانيا سبحان الله يانا احنا اضعاف بشكل رهيب هزه بسيطه تدمرنا وتلخبط احاسيسنا.......
شمايل"سوري يا بنات علي يتعذر منكم بس شكلنا من اصوتنا العاليه ما سمعناه متى ان شاء الله راجعين الرياض امي تقول بكره صج على الاقل قعدو شوي
جنان"هههههههه لحقه علينا بتقعدين عندنا العمر كله مع الاسد المفترس
شمايل بحياء "انطمي انتي وجههج ...
جنان"اوه تذكرت على الطاري ترى في ناس يسلمون عليج
شمايل بحيره ومعقده حواجبها"ناس يسلمون من ؟؟
جنان بخبث"لا ويقولون لج مردوده يا بنت سلمان يلا الحين قوليلي وش السالفه انا الفضول ذابحني...
شمايل عرفته لا ويهدد ويا وجه مالت "خلي فضولج يذبحج هذا شي خاص وقولي حق صاحب الرساله الايام بينا وبنشوف من الي بيردها لثاني
التفت على رناد الي مو معاهم ولا تكلمت ولا حرف شارده في عالم خاص فيه هذا الشخص الي حرك مشاعرها ياويلي على حالج انتي بعد شكلنا كلنا انكتب علينا نحب وننجرح في الي نحبهم اه يارب انا تعبت و تعبت روحي بس ليه اخليها تتعذب اذا في قدرتي اني احقق لها الي تبيه بس المشكله في علي هو الي مستحيل يقتنع بأي شكل من الاشكال بدورلها حل لزم القيلها حل
\
\
\
\
\
في بيت ام نايف كان الوضع كثير متئزم نايف المره هذي حط ريف في راسه وناوي يعلمها درس عمرها ما عرفت مثله صاير قاعد لها في الدخله و الطلعه وهي من يوم الكف و هي في غرفتها ما طلعت منها الا اذا تأكدت ان اخوها طلع من البيت
ريف"يومه ما صارت حاله ان محبوسه في البيت لا اطلع والا اروح وبعد منعني عن روحه الجامعه يومه ما يصير يضيع مستقبلي
"صح انتي يهمج مستقبلج على الاخير مو همج الاهياته والاصياعه مع رفيجاتج في المجمعات و الاسواق صدقتي ....نايف وهو داخل و بسخريه شديده وهو يطالعها وده يقوم يكسر راسها ويشوف امه كيف هذي ام ما تعرف انها ترخص بنتها وين كرمتها وين
طالعهم بسخريه وراح غرفته ...
امها"انتي ما تعرفين تقبظين السانج ارتحتي الحين اخوج دامه معصب ماراح نقدر نسوي شي خليه يهدئى وبعدين لي كلام ثاني معاه
ريف وهي تقوم من مكنها "اكرهه ..اكرهه...
\
\
\
\
\
كانت قاعده تتفرج على نسوان اخوانها و الجازي وهي تنتظر المصمم حاله الكائبه ذابحتها حاسه بخنقه كل ما حست بقرب الوقت زادت ضيقه الخاطر ابتسمت وهي تشوف الجازي الي قاعده تختار فستان حق ملجتها البنت وافقت انها تتزوج كل الي كانت محتاجته حد يسمعها ويوعيها نجديه في زحمه الحياه نست ان عندها بنت على اعتاب النضج ومحتاجه الي يسمعها بوعي وعقل مو يتعامل معاها كنها طفله ما كبرت محتره حره كبيره وحاسه بقهر محد يتصوره اوووووووووووف ليش تأخر هذا وين الفستان ان اشهد اني ذبحته بطلباتي الي ما تخلص وما رضيت حد منهم يشوف فستاني قربت منها مساعده المصمم
المساعده"تفضلي مدموزيل الفستان موجود فيكي تيسيه ازا بدك
قامت معها ودخلت الغرقه عشان تشوف الفستان وتقايسه وقفت وهي تشوف كيف الفستان يفصلها تفصيل ابتسمت بنعومه كل الي طلبته سواه الخبث كان في نظراتها .........
المساعده"يالله شو حلووووووووه بتعدي نيالو الي راح ياخدج بتجنني الفستان بيلبج لك
شمايل"مرسي عيونج هي الحلووووووووووه
المساعده"في شي بدك نغيروه او نضيف عليه
شمايل"لا كل الي طلبته موجود بس ابيكم تطرشونه في الموعد الي عطيتكم اياه وما ابي اي تأخير أذا سمحتي
المساعده"اكيد مدموزيل احنا بيهمنا الزبون يكون مرتاح راح يكون عندك في الوقت الي بدك اياه
شمايل"اي على فكره انا حطيت التصميم لتاج عشان تسون الطرحه بالطريقه الي قلتلكم عليها
المساعده" كل شي راح يكون مثل ما بدك تؤمري بشي ثاني
شمايل"لا مرسي ..
وطلعت لهم برع عادهم ما خلصو تمللت من الادواره معاهم ما يعجبهم شي وهي مالها خاطر قربت منهم بهدوء
شمايل"نجديه خلصتو ترى بخليكم وبروح لوعتو كبدي من متى واحنا مرتزعين اهني من الصبح والحين الساعه ثنتين وانا رجلي ما عادت شالتني
نجديه"شوي بس انا محتاره وش الي اخذه للجازي الموف ولا الازرق
شمايل"خلي بنتج الي تختار مو انتي هي الي بتلبسه وبعدين الازرق الملكي حلووووو بيطلع عليها
نجديه"نفس الي هي اختارته خلاص عجل بناخذ الازرق يلا نروح ندفع انتي خلصتي الفستان
شمايل بملل"اي كل شي جاهز وبيوصلونه في الوقت المناسب يلا خلينا نمشي تراني حدي ميته جوع وابي اخمد
\
\
\
\
\
من يوم ردتهم من الدوحه وكلامها الي وصلته له اخته وهو النوم مجافيه والافكار تاخذه وتوديه وش معنى كلامها وشلون الايام هي بتوضح من بيردها لثاني هي ناويه على شي وشو هو معقول تكون ما تبيني يكونون اغصبوها معقول عمي ما يغصب دلوعته ولا وحيدته بس ليه احس انها تكرهني وما تواطن عيشتي وانا ليش حارق عمري تحمد ربها اني لين الحين باقي عليهاهي تطول انها تصير زوجتي كفايه راح استحمل شكلها الي الله العالم به ...
\
\
\
\
\
تحت الحاف وتسمع صوت جوالها مالها بارض بالمره تقوم بس التلفون ازعجها ولا راضي ينطم طلعت يدها من تحت الحاف تدوره وينه وحصلته وحطته على اذنها
"الوووووووووو.....
فتون"يا الدبه من متى وانا اضرب و منتي راضيه تشيلينه ويا وجهج
نطت شمايل من الافراش بسرعه"فتونووووة ويهد قولي امين انتي الي وين جوالج كله خارج نطاق الخدمه وربي قلت اني بكره ضاربه بيتكم بس خفت اخوف امج
فتون"هههههههههه خلاص انا في الرياض صار لنا يومين
شمايل"صدق والله حمدالله على سلامتكم قرت عين امج بكم
فتون"الله يسلمج يا قلبي مشتاقتلج شمول بشكل ما تتصورينه
شمايل "وانا اكثر يا عمري انتي وش اخبارج والاهل شلونهم
فتون"بخير كلهم طيبين ..
شمايل"دوم يارب ..عندي لج اخبار عجيبه وسوالف لين قبل بس تبي نلتقي
فتون"كيف هذي يا فصيحه ..
شمايل"فتون لا تقولين انج ما بتحضرين عرسي انا ما ابي اعذار
فتون بحزن"صعب يا شمايل ابوي ما راح يوفق ولا حتى اخواني
شمايل بحزن"فتون انا كل شي ممكن استحمله الا انج ما تجين ابيج توقفين معاي محتاجه وجودج معاي
فتون"حبيبتي والله بحاول في الكل بس الله يعني
شمايل"خلاص فتون انا بخليج بعدين بكلمج
فتون"شمايل زعلتي ارجوج انتي عارفه انه مهب بشوري ولا بيدي
شمايل"لا تحطين في بالج بس انا بخليج الحين من رخصتج
سكرت عنها وهي معصبه هذا الزواج ما راح يتم ولو على قص رقبتي بدون فتون ما راح اقدر ماف ي الا حل واحد وهو الي مفروض يصير ولانه من الاصول بس هذا لين ارجعت الدوحه ....
\
\
\
\
\
يمشي بهدوء وطوله الفارع وهيبته ونظارته الشمسيه على عينه وعلى طرف ثمه ابتسامه استهزاء من العيون الي انشدت له وتحاول تستميله بجسده الرياضي والمعضل وتقاطيعه الحاده و الشامخه وخطواته السريعه و المنظبطه الي تدل على عمله في السلك العسكري توها الوالده ضاربتله يجيهم في المحل الي نزلهم فيه دخل المحل لقاء امه قاعده على كرسي تريح وخواته الثلاث عادهم لهين في المشترى عصب كثير لن امه مره كبيره وهم ما يحترمون ان ما عاد فيها حيل مثل قبل و السكر هد حيلها قرب من امه بحنان "هلا الغاليه فيج شي يومه
شافت ولدها مقبل عليها وعرفت الغضب الي في عيونه عشان تهديه"لا يا ولدي ما فيني الا العافيه
حمد"عادهم ما خلصو يومه الله يهديج كم مره قايلج خليهم يروحون في الوقت الي اكون انا فاضي مو كل ما قالو نبي مكان رحتي معاهم يمه انتي تعبين نفسج
ام حمد"ياولدي هذا عشان ملكتك لزم البنات شغلاتهم ما تخصل
ابتسم لها بحب"الله لا يحرمني منج يارب
امه"ولا منك يا الغالي و اشوف اعياالك
حمد"في حياتج الغاليه ...التفت على خواته معصب وانتو اخلصو قبل ما يجيكم شي ما راح يعجبكم
الله يا الجازي اخيراً راح تصيرين ملكي حليلتي ياما حلمت وتمنيتج لي كنتي حلم وحلم بعيد بس الحين خلاص صرتي واقع واجمل واقع ما صدقت يوم قال لي ابوي انهم وافقووووووووو حسيت ان الدنيا كلها صارت احلى بوجودها هي فيها يارب متى يجمعنا بيت واحد وقلب واحد آآآآآآآآآه وربي مستعجل ابيها زوجتي اليوم قبل بكره بس الي مستغرب له عليوه قالتلي انها رافضه وبعدين وافقو ليكون اغصبو عليها انا ما ابيها غصب ابيها برضاها ورغبتها وهذا الي خايف منه
\
\
\
\
\
سمعت طق على باب الغرفه "ادخل !!!!
شافت الجازي واقفه متردده تدخل يا عمري البنت شكلها مرعب ابتسمت بنعومه لها
شمايل"هلا جزوي ادخلي ليش واقفه برع ..وصدت تكمل ترتيب الاغراض
قعدت على طرف السرير وراسها في الارض"اذا مشغوله بطلع وبرد بعدين
شمايل بدون ما تلتفت عليها عشان تعطيها الحريه في انها تقول الي جايه عشانه
شمايل"عادي يا قلبي اقعدي وانا بخلص الي في يدي
كانت تنتظرها تتكلم بس شكلها مطوله تسمع تنفسها السريع وكنها حاسه بها ضربات قلبها واصله لها...
شمايل"حبيبتي احنا مطولين وش فيج ؟؟؟
انطلقت الجازي تصيح صياح يقطع القلب خافت شمايل وقامت لها بسرعه واحضنتها وش صاير ضلت حاضنتها وتمسح على شعرها بحب ورقه وتقراء عليها لين هدت
شمايل"حبيبيتي ليش الاصياح وش صاير ؟؟
الجازي"خايفه الا ميته خوف حاسه اني ما ابغي
شمايل"هههههههههههههههههه ليه الخوف انتي وافقتي وما فيج غير خوفج شي طبيعي
الجازي"بس انا حاسه بخوف من!!!!
شمايل"هههههههههه منه ليه الخوف منه تراه ما يعض هههههههه جوجو حياتي اسمعي مني كلمه ابيج لا تضيعين اجمل واحلى الحظات ممكن تعيشينها عشان اوهام في عقلج عطي نفسج وعطي حمد الفرصه انكم تكتشفون بعض وتحبون بعض بدون ضغوط وبدون خوف وراح يكون عندج مخزون من الذكريات الروعه الي راح تكون زادكم العمر كله
بصوت مبحوح "بس انا خايفه !!!
شمايل"هذا شي طبيعي يا عمري وبعدين ما دامج اخترتيه و وافقتي عليه عيشي لحظاتج ولا تضيعينها من يدج فاهمه علي
الجازي"فاهمه ...عمه انا احبج
شمايل"ههههههههه وانا احبج بعد يلا خليني اخلص رص الشنط ورحوي انتي بعد خلصيهم
شافتها وهي تطلع مرتاحه والابتسامه على وجهها
\
\
\
\
\
"يومه الله يخليج ما يصير هذي رفيجتي وانتي تعرفين شمايل وش تعني لي وشلون وقفت معاي ارجوج يومه اقنعي ابوي و اخوني فديت روحج
ام تركي"انتي عارفه ابوج و اخوانج بيقولون هذول ناس غرب وش يوديكم عندهم
فتون"يومه شمايل مو غريبه يومه والي يسلم راسج حاولي ما راح تخسرين شي
ام تركي" خلاص فكيني من حشرتج بحاول مع ابوج الله يعني على السانه
فتون"ربي ما يحرمني من وجودج يارب ..
\
\
\
\
\
شمايل"يومه انا بدونها ما راح ادخل القاعه ولا فيه عرس من الاصل دورله على عروس غيري
امها بعصبيه "الحين انتي من صجج شمايل يعني اذا اهلها ما رضو وش انسوي
شمايل"يومه اهلها راح يرضون في حاله وحده اذا سوينا الاصول الي ربيتيني عليها يومه ...
امها"كيف يا بنت سلمان صرتي تبين تعلميني الاصول
شمايل وهي تحب امها على راسها"ما عشت ولا كنت يا ام ثاني بس انتي ربيتني على السنع و العدل الي يقول ان المفروض نحن الي نعزمهم بنفسنا ونروح لهم لين بيتهم بعد صح ..وبعدين فتون تستاهل اجي لين عندها هذي اختي يومه اختي الي ما جبتيها
امها تفكر"خلاص بكلم ابوج وبرد عليج اخ منج انتي
شمايل تلوي عليها من الوناسه "اني داريه ما يجيبها غير ج فديت روحج
امها وهي طالعه عنها"بسج عن العياره والحين ارتاحي يوم يرد ابوج بقوله
ابتسمت وسحبت جوالها ماراح تقولها انها بتكون عندهم خلها شوي تتعذب اعنبو كل شي على راسها وهي تضرب على جوال فتون
فتون"هلاو غلا بالزعلانه الي ما تبي تكلمني
شمايل تسوي روحها زعلانه صوتها هادي"هلا فيج وش اخبارج عساج بخير
فتون"شمايل حياتي ارجوج لا تزعلين انا لو علي كان عندج من الحين
شمايل"ههههههههه من الحين زين خلاص مو زعلانه بس انتي حاولي معاهم وبعدين ابيج تدليني بيتكم يمكن اذا طرشنا البطقات يرضون
فتون"من بيجيبهم ؟؟؟
شمايل"بيت عمي اكيد بعد من غيرهم
فتون"اوكي بعلمج بس ان شاء الله يرضون وانا هذني مع امي عشان تقنع ابوي
شمايل"ههههههههههه الله يعينا على السلطات العليا
\
\
\
\
\
كانت هي وامها والجازي وامها ومعاهم سلمان الي جاي عشان يحضر العرس رايحين الرياض ابوها وافق ما قدر يرفظ طلب شمايل وخاصه بعد اقناع من زوجته
تطالع من الطياره وهي معصبه قالت لها امها ان واحد من اعيال عمها راح الي بيجي يا خذهم من المطار وهي من ذاك الوقت وحاسه بنفضه بكل جسمها لا بارك الله في العدو اذا هو من مجرد طاريه يصير لها كذا اجل يوم تشوفه وش يصير ركبها قامت تتصاكك اسمعت صوت الكبتن يطلب ربط احزمه الامان
وش راح يصير هل راح يلتقي بطلينا وتصير مواجهه ولا لا ؟؟؟
الجازي ولقائها المرتقب بحمد العاشق؟؟؟
فتون و حدث جديد في حياتها ؟؟؟
|
09-05-08, 04:24 PM
جديد مواضيع قسم القصص المكتمله من وحي قلم الاعضاء
العرض العادي
