كاتب الموضوع :
NONO123
المنتدى :
القصص المكتمله من وحي قلم الاعضاء
(الفصل الثاني عشر )
[COLOR="DarkSlateGray"]متسنده على باب غرفتها مالت علي صج الحين وش الي خلاني اسوي هذي المصيبه قراده تقردني ويلي من الي بيصير مش مهم اناالحين خايفه وش حقه ان شاء الله يحترق بنار واليوم مترقد مكان الناس الي يشقهم كل يوم استغفر الله انتفضت بروع على صوت تلفون غرفتها خافت ليكون علي وبيهاوشها الله يعين بس يارب صج اني مقروده قربت وشالت التلفون
"الوووووووووووووو
سلمان"السلام على احلى و اجمل و ارق عمه في الدنيا الي راحت ونستنا
شمايل بفرحه من كل قلبها"يا هلا وغلا بولدي وقلب عمته وروحها شلونك حبيبي عساك بخير وش مسوي ............
سلمان"ههههههههه ولدج و انا بلحيه وانتي قزحه من يصدق عادهههههههه
شمايل"وانا علي من الناس انتي ولدي وحبيبي وروحي بعد وانت احمار ليش تقولي قزحه
سلمان"ههههههههههههههههه عجيبه انتي اول تمدحيني عقب تسبيني ما عرفتلج
شمايل"المهم انت وش مسوي مرتاح ولا لا اخبرك ما تحب القعده بروحك
سلمان بتنهيده "قبل انتي ماليه المكان لكن الحين البيت فاضي وانا خاطري ارد القعده اهني تقصر العمر ضايق ومخنوق
وهي تفكر بهدوء"سلمان ليش ما تتزوج ؟؟؟؟؟؟؟
سلمان"هههههههههه عمه من صجج ومن هذي عندج لي عروس
شمايل"سلمان انا اتكلم معاك من جد وش قلت
سلمان بهدوء"عمتي انا لين الحين ادرس وابي لما اتزوج اكون انا الي اصرف على نفسي و زوجتي مو اوبوي
شمايل"سلمان وش هذا الي تقوله ابوك بيحاسبك على الي يصرفه عليك ولا هي مسئله عزه النفس عندك
سلمان"عمه الي تقولينه صح لمااتزوج ابي اعيش زوجتي من جهدي وتعبي حتى لو ابوي عنده خير هذا ما يمنع اني رجال ورجولتي ما تسمح ان ابوي يصرف علي وعلى زوجتي اسمحيلي ما اقدر
شمايل"ليش اتعب نفسي انت راسك يابس على العموم عروسك عندي يوم تقول بتزوج تراها شيخه البنات وزينتهم بعد
سلمان"هههههههه زين من هي عطيني خبر عشان اشوف يمكن ما تعجبني
شمايل"و انت تطول تاخذها تحمد ربك اذا اهلها بس وافقو عليك
سلمان"اوووووف خطيره هذي على قولج بعد فيها ما توافق علي تراج شوقتني قوليلي من
شمايل"انطم واكل تبن ما راح اقول بس يوم تقول لي ابي اتزوج بقولك من
سلمان"تراج شوقتيني اعرف منهي ........
شمايل"في احلامك ههههههههه
سلمان"خلاص على راحتج بس مردي عارف من و الحين من رخصتج اخليج سلمي على الاهل كلهم
شمايل"الله معاك وتحمل على عمرك و ما اوصيك اكل عدل
سلمان"انتي تامرين امر يلا في امان الله
شمايل"في امان الكريم الله يحفظك حبيبي .........
سكرت عن سلمان وهي متحفزه حاسه ان علي يمكن يدخل في اي لحظه ويغسل شرعها عدل...........
\
\
\
\
\
و في مجلس الرجاجيل الخارجي علي يرتب الاكل وراكان كان يحوس في جواله
علي"حياك يا ابو فهد اقرب ....
راكان"الله يحيك ما قصرت كلفت على الوالده كنت رحت الفندق وكلت اهناك
علي"والله ما تصير و بعدين انت ما اكلت شي على الغداء وهذا عن الغداء و العشاءاقرب بس....
مد يده على الكبسه وحط اللقمه في ثمه ما صدق بغى يموت لا قادر يبلعها ولا قادر يرجعها جدام علي احترق جوفه واعيونه قامت تدمع وش يسوي شكل خدامتهم هنديه ما خلت فلفل ما ترسته علي حط اللقمه في ثمه اطلعت اعيونه من حرارتها وقام مسرع على جيك الماي وكله هذا تحت نظر راكان علي شرب الجيك جوفه يحرقه وعقبها شاف راكان واعيونه الي تدمع وهو ساكت انسدح و طقها ضحك و هو يعور على الارض ما سك بطنه مو قادر يسكت وراكان مذهول وش فيه انخبل الرجال من الفلفل الي في الاكل علي عرف انه مقلب من شمول والله لو يدرون الباقين كانت راحت وراء الشمس
علي و هو يتعدل في قعدته ويمسك نفسه عن الضحك"حلفتك بالله كيف قادر تاكل انا لقمه وما قدرت اخليها في جوفي
راكان يبتسم بهدوء"شكلي اليوم متنوم بسبت خدامتكم
علي"هههههههههههههه ان اشهد هذي مهب خدامتنا هذي حرمك المصون من حرتها مني ومنك ........
راكان"شلوووووووون وليش
علي"هههههههههه عشان اني قومتها من حظن امي و تروح تكرف في المطبخ
راكان اول مره يحس احساس غريب انه يكتشف هذي الانسانه اول مره ترتسم في ملامحه الجامده و البارد لمحه تدل على عوده الحياه بقوه وزخم بشكل خلته يشرق بنور جديدفجئه
راكان بسرحان"علي ابي اسمع صوتها ؟؟؟
ابتسم عرف ان ولد عمه اول مره تتحرك فيه مشاعره ومحتاج يسمع حسها "هذا اذا شالت التلفون الحين من الروع ما راح تشيله الا اذا حرتها قويه ابشرك راح ترد
في غرفتها كانت منسدحه تقراء في روايه شافت جوالها يرن ارفعته بهدوء تشوف مين نطت مثل الريح من فراشها و اختبصت لما لقت علي يتصل فيك تشهدت على روحها عزالله راحت فيها الحين وش تسوي ترد ولا ما ترد اووووووووووف بترد و الي فيها فيها
شمايل"الوووووووووووو
علي"احلفي انتي بس تبيني اجيج الحين تقدرين تقولين لي وش الي سويتيه يا الشيخه
شمايل تسوي روحها بريئة"خير يا اخوي وش صاير
علي"مسويه روحج ما تدرين تبين اعلم عليج حرقتينا وتسوين نفسج بريئة
شمايل تحط يدها على ثمها عشان ما تطلع صوت ضحكتها بس ما اقدرت انطلقت ضحكتها الناعمه و الرقيقه غصب عنها .....
علي"اي اضحكي ذبحتينا زين ما يصير فينا شي و السبه الاعلوب الي انتي حاطتها
شمايل"انا ما يخصني يمكن هذي الخدامه
علي "حلفي عجل هذا مو طباخ امي لين جيت بسئلها ونشوف من الصادق و من الجاذب
شمايل بحره "تستاهل عشان مره ثانيه ما تزعجني قالولكم خدامتكم وانا ما ادري
علي"زين انا معليه مبلوعه بس رجلج المسكين وش ذنبه تحرقينه
شمايل ضلت ساكته "يستاهل هو الثاني جيزه جيزك زين ما حطيتله سم فيران
اسمعت صوت ضحكه قويه واثقه وساخره مهب ضحكت اعليووووووووي اخوها تعرفها
شمايل بخوف"علوووووووووي انت حاطه على الاسبيكر الله لا يربحك... وصكت عنه وصوت الضحك هالي اسمعتها هزت كيانها خلت كل عرق فيها ينتفض وتحرك الدم في عروقها وتحسسها بمشاعر غريبه اووووووف ودها تقوم تزرد اخوها ما انتبهت للبسمه الي غصب كانت ترتسم على محياها الناعم ولا على المشاعر الي فيها
\
\
\
\
\
في المجلس عند راكان كان في عالم ثاني وعلي ينتظر شمايل ترفع السماعه اهو ليش قاله انه يبي يسمع صوتها ليش يحس بشي اكبر منه يتحرك بداخله معقول يكون الفضول وحب الاستكشاف يمكن بس في هذي الحظه سمع كلمه الووووووو كلمه هزته الصوت هزه صوت ناعم فيه بحه رقيقه تاخذ العقل وتسلب الروح كنها تسله من جسده بهدوء من صوتها كان يسمع الحوار الداير بينها وبين اخوها وهو مسلوب اعيونه كنها تحتري صاحبه الصوت تظهر له كان مئخوذ بصوتها لكن اول ما سمع كلمتها انه هو و اخوها يستاهلوووون سم الفيران ما قدر يمسك روحه وصلت من حرتها انها تبي تذبحهم اطلق ضحكه من كل قلبه اول مره من زمن طويل يحس ان في حد قدر يطلع ضحكته الخاليه والصافيه من كل هم وكدر حس انها راعيه مقالب ولسان طويل بنت عمه هذي صارت لغز يرغب انه يحله بالطريقه الي تعجبه
علي"اي اضحك وش عليك صكت في وجهي مسوده الوجه ...
راكان وهو يقوم "هههههههههه اختك اطلعت شي سلم عليها وقولها راكان يقولج ما قصرتي على العشاء الحلوووووووووو
علي"احلف يا شيخ راح اصير مطراش بينكم
راكان"يلا الشيخ اسمحلي وتسلم على كل شي ...
وطلع علي يوصله لسياره ورجع داخل البيت ما حصل حد قرر يروح غرفته ويمر بطريقه على ام لسانين الي ما تجوز شياطينها ما تطلع الا على هذا الرجال المسكين وربي اني مشفق عليه من الي راح يجيه منها وصل باب غرفتها طقه بهدوء سمعاها تقول"من؟؟؟؟
علي"هذا انا علي ممكن ادخل ........
شمايل افتحت الباب لخوها يدخل "تفضل يا اخوي حياك ...عينها عليه وعلى الابتسامه الهاديه وهو يقعد على الكرسي ويشوف جهاز الكمبويتر المحطوط والاوراق والكتب الي احذاها ...علي"انتي وش تسوين مشغوله ؟؟؟
شمايل وهي تقعد بعيد شوي"ابد اقرابحث في النت .......
علي"اجل هذي الكتب و الاوراق وشي ..
شمايل"هذي مراجع تخص البحث زياده اطلاع ...
علي"ههههههه الي يشوفج يوم التخرج والحين وانتي فاجه هذا ما تعبتي ...
شمايل"علي العلم ما يوقف عند الشهاده وبس لزم اطور من نفسي ومجالي دايم فيه كل جديد وكل الي يستدعي مني المتابعه اول بأول وما تدري يمكن في يوم اقرار اخذ الدكتوراه هذي حلم جديد....
علي"من صجج انتي لحول انا احسج بتذبحبن روحج بس عشان هذا الزواج ما يصير ليكون بعد بتقولين لهم يئجلونه عشان الدكتوراه مالتج هذي المره ذي مافي هروب اخذيها وانتي عند رجلج ...
تبتسم بسخريه "علي وقت الهروب خلص انا اقول كلام بشكل عام والدكتوراه حلم في يوم ارغب اني احققه و الي الله كاتبه بيصير علي ما اعتقد انت جاي عشان هذا هات الي عندك .....
علي تذكر "هههههههه تقدرين تقولين لي ليش سوتي كذا حرام عليج والله الرجال المسكين من سحاه ما قال ولا كلمه تغصب الاكل غصب ادموعه اربع اربع وانا بغيت اموت يا الضالمه كله هذا عشان سحبتج من حظن امي ولا عشانج بتخدمين ريلج
شمايل بغرور"عشان الثنتين انا مو خدامه له
علي يطالعها بهدوء وبصوت رزين"شمايل هذا رجلج وان ما خدمتيه الحين اجل متى بيصير لا تنسين انج رايحه بيته ومن ابسط حقوقه عليج انج تراعينه وتخدمينه بعيونج ولا انتي ناويه على شي ثاني شمايل كل الي في راسج من افكار لزم تشيلينها لا تبتدين حياتج الزوجيه معاه بطريقه غلط لنج انتي الي بتتعبين ...
شمايل"علي يوم اروح بيته ما راح انسى انا بنت مين ومن الي رباني و اما اغلط لنه الغلط بيجي تبعيته على امي وابوي وانا ما ارضى حد يقول ان سلمان ما عرف يربي بنته بس انا لين الحين في بيت ابوي وحره في الي اسويه بعدني ما رحت عنده
علي"يعني هذا انتقام ما قبل الرحيل .....
شمايل"على قولك تبريد حره من واقع يحرق القلب
علي"اجل اخليج تامرين على شي ترى عندي رحله بكره على تايلند توصين على شي من هناك .........
وهي تضم اخوها لها بحب"سلامت راسك ما ابغي غير انك ترد بالسلامه وتحمل على نفسك ...
حبها علي على جبينها "وانتي بعد اخذي كل شي بركاده مثل ما تعودت منج يلا من رخصتج ...
وهو طالع سمع صوتها تقول"علي هو بخير صح ما صار له شي
ابتسم وهو يلتفت عليها بمكر ودهاء"اجل هامج انه ما يصير له شي ههههههه
طالعت اخوها بحره "توكل قبل لا ازردك على سالفه الاسبيكر
علي وهو يطلع "ههههههههه طالع تراه مسكين مستوجع حيل الله يعينه اليله.....
واي ليكون سويت فيه شي ياربي قلبي ناقزني اووووووف وانا وش همني ان شاء الله يروح فيها ويفكني ...استغفر الله انا كل شوي داعيه عليه هذا عنده ناس تحتريه وانتي اولهم نعم وانا وش دخلني لا تكذبين انتي اول الناس لا بالله صج خرفت قمت اكلم نفسي و ارد عليها جنني هذا الرجال اوووووووووووف ولا مشاعر ج الي صارت مع وجوده الحين حقيقه مو خيال وطيف بعيد ووجوده وحضوره الي قام يسلب منج الاحساس بالامان و الراحه يارب ارحمني يارب كل الي اطلبه هي الراحه صار لي عمر وانا عايشه في دوامه مو عارفه اطلع منها ابي حد يمد لي يد العون وماني لقيه هذي اليد يارب استرها يارب
\
\
\
\
\
رجلها يشوفها ويعرف ان عندها سالفه وماهي عارفه كيف بتقولها يعرفها له عمر معاها
ابو ثاني"جلثم وش عندج تعالي اهني وقولي الي انتي حايسه عمرج فيه
قعدت احذا رجلها وعيونها حايره "بغيت في سالفه وضروريه بعد
ابوثاني"اني داري عندج شي قولي يا مره اسمعج خير
ام ثاني "شمايل؟؟؟؟
طالعها بحيره شديده و استغراب"خير وش فيها البنت عسى ما شر
ام ثاني"مافيها الا العافيه بس انا احاتيها وخايفه عليها
بستغراب اكبر"ليه خايفه صاير شي وانا ما عندي علم فيه قولي يامره تراج وترتيني
ام ثاني"انت ما لحظت شي في هذي الزياره ...
ابو ثاني بعصبيه"جلثم بتتكلمين ولا تسكتين احسن عندج شي قوليه وخلصيني
ام ثاني"هدي يا رجال وش فيك عصبت ..انت ما شفت ان ولد اخوك ما قال يبي يشوف البنت او حتى يسلم عليها مو شي غريب ما عنده شوق يشوفها تغيرت ولا لا
ابو ثاني"ليه غريب البنت قده عارفها وشايفها وش الي تغير يعني
طالعت زوجها بغضب من بروده"من صجك انت كيف ما تغير اشياء كثير تغيرت في البنت شكلها شخصيتها كل شي ...
ابوثاني"لحق خير ما باقي شي ويشوفها كلها بكبرها عنده
ام ثاني "انتو ما في فايده منكم ...
\
\
\
\
\
حاط يده على عيونه ومستغرق في التفكير صوتها دخله عالم غريب وعجيب بالنسبه له اول مره في حياته يحس ان في بنت قدرت تحرك فيه اي شي قدرت تضهر ضحكته الي اندفنت تحت ركام ثقيل من اهموم الحياه و اعبئها و مسؤ ليتها الي خلته آله اقرب منه الى الانسان قام متصروع من فراشه على دخلت جنان .......
عصب عليها "خير وش فيج مدرعمه حتى ما تطقين الباب
جنان وراها اختها رناد"ضربت لين قلت بس شوف حتى يدي اعنبو ازرقت واخضرت وانت خبر خير الي ماخذ عقلك
راكان يطالعها بنضره خلتها ترجف في مكانها من الاحراج و الخوف "خير يا ام العلوم وش تبين انتي الي ساحبتها وراج كنها ذيلج
جنان"ههههههههه ذيلي حلووووووووووه التفت علىاختها اقول يا ذيلي وش كانت تبي امي نسيت والله
رناد تطلعها بحره "وجعه يارب انا ذيلج يا الفار صبري والله لرويج امي تقول تبينا نحطلك شي او تبغي شي قبل لا نروح
راكان يشوفهم وهم يتناجرون ينفصلون عن كل الي يحيط بهم وينسون كل الي حولهم اعوذ بالله لين فجو احلوجهم ما سكروها "بس انتي ويها وجع يضربكم
تخرعو من صوت اخوهم واهجدو مره وحده والا وحده يطلع منها صوت من الروع بس اعيونهم تتحرك في وجه اخوهم الغاضب منهم
راكان"وين رايحين ؟؟
رناد"بيت عمي ..
راكان "ليه امي رايحه معاكم ومن بيوديكم ؟؟
جنان"ايه امي رايحه وابوي بعد
راكان"زين قولي للوالده ما ابي شي تسهلو
توهم بيتخطون الباب سمعو صوت اخوهم يقول"على فكره سلموووووووو على بنت عمكم وقولوها مردوده يا بنت سلمان
ثنتينهم مو فاهمين شي بس مستغربين منه توه كان معصب وضارب شوط و الحين البسمه الي يشوفنها في ما ندر شاقه وجهه ومغيرته ومرجعته اصغر بكثير سبحان الله شكل بنت عمهم خطيره اذا غيرته وهو عاده ما شفها اجل يوم يشوفها وش راح يصيرواحد غريب ما يعرفونه
مشو عنه وهم مو فاهمين شي وكل وحده تطالع الثانيه اما راكان ضحك على اشكالهم المستغربه تصرفه اذا هو نفسه مستغرب من نفسه حط راسه وغط في نومه و احلامه
\
\
\
\
\
في السياره روسهم في روس بعض بصوت واطي عشان ابوهم وامهم
رناد"شفتي الي شفته اخوج اليوم غريب مو بالعاده يضحك ويبتسم وش السالفه
جنان"هههههههههه شكل العروس جابت راس اخوج وبعدين وش سالفه المردوده يا بنت سلمان وش صاير بينهم هو شافها
رناد"علمي علمج و انا وش دراني علينا نوصل الكلام وبس
جنان"لا انا حاشني فضول ولزم اعرف
رناد"هههههههههههههه اشتغلت وكاله الانباء
جنان"لي الشرف سيدتي
\
\
\
\
\
انزلت تحت تدور امها تبي تاخذ منها الرخصه عشان تطلع حاسه بشعور من الذنب ما كان مفروض تسوي هذا الي سوته دخلت الصاله لقت امها وابوها يتقهون قربت منهم ابتسمت بنعومه حربها تبين تافهه امامهم وتضهر لها انها غبيه في حب وحب كبير في هذي الدنيا بس اذا عطينا نفسنا الفرصه انا نحب ونعطي الطرف الثاني هذي الفرصه قربت من ابوها الي كانت عيونه فيها احاسيس حلووووووه اتجاه بنته الوحيده والغاليه على قلبه
ام ثاني "هلا يمه قربي فديتج متى صحيتي ....
حبت ابوها وامها وقعدت جنبهم تسمع سوالفهم بواناسه حقيقيه تذكرت السالف هالي نازله عشانها .........
شمايل"يوبه يمه من بعد رخصتكم انا ابي اطلع شوي عندي شغل ضروري
ابوها"وين بتروحين ؟؟؟
شمايل"بروح عندي موعد مع مصممه الكوش ...
ام ثاني " يمه شمايل متى تبينا نحدد العرس متى فيج تخلصين
شمايل"يومه لين الحين فستان العرس ابغيه من لبنان متى فيني اروح
ابوها"خلاص انا بشوف وحد من اخوانج ثاني ولا سلطان يخذونكم علي مشغول ما يقدر
شمايل "الي تشوفونه ....
امها"اجل خلاص بنخليه في النص من تسعه وبكذا يكون فستانج جاهز
شمايل بسخريه قرب المحتوم"يومه الي يريحكم انا من بعد رخصتكم بروح تامرون على شي
امها"بنتي بيت عمج بيجون انطري شوي
شمايل"حاضر يا الغاليه بس ما راح اطول لني مواعده المصممه
امها "مو مشكله بس قعدي شوي و عقب روحي
شمايل"ما يخالف عن اذنكم انا رايحه غرفتي
\
\
\
\
\
وفي لندن فتون تجهز اغراضهم خلاص نازلين على السعوديه قريب امتحانتها وخلصتها ما باقي الا بدر حاله تغير من يوم سفرها و التلفون هو معفوس ضايق ما يكلمها حتى ضهراته ودخلاته قلت تلفونه الي ما يسكت ما عاد له حس بدر ما عاد بدر صار شخصيه جديده وغريبه معقول الحب يبدل الانسان ويخليه بهذا الشكل بالنسبه لها يمكن الشي الي اسعدها ان بدر صار شخصيه افضل صب اهتمامه في دراسته و ترك كل الطيش السابق تبدل بشكل جذري لكن حزنه يئلمها يارب تعين اخوي وتفرج همه يارب سمعت فتحت باب الشقه لقته داخل وشكله مهموم وعيونه فيها كلام كثير قعد على الكرسي وحط كتبه وهو يشوف العفاس الي في الشقه خاربه الدنيا فوق تحت ....
بدر"وش هذا كل ذا راح تودينه معاج اعنو ما خليتي شي
فتون"اغلبها هدايا حق الاهل و الا صحاب
بدر"ههههههههه الله يساعدكم على ما بلاكم انتو يا الحريم
فتون"وانت متى بتخلص عادك مطول
بدر "خلاص ما باقي الا مادتين ...
فتون"عجل احجز من الحين اخاف عقب ما نحصل اماكن
بدر وهو يقوم رايحه غرفته"لا تحاتين راح نحصل....وقف عندها وعينه في عينها...فتون هي كيفها ؟؟؟
شافت نظره الحزن والحرقه الي فيه"بخير يا بدر بخير ......
ابتسم بحب"جعله دوم يارب .....ومشى عنها
وهي تابعه بعيونها لين متى يا اخوي لزم تشيلها تنزعها من قلبك حرام عليك انت الي تتعذب وعذابك كبير ياريت اقدر اساعدك ياريت يارب الي فيه الخير اكتبه وابعد عنه الشر يارب
بدر راح يقدر ينسى شمايل؟؟[/COLOR]...................................
.......................
.............
......
...
..
|
05-05-08, 02:33 AM
جديد مواضيع قسم القصص المكتمله من وحي قلم الاعضاء
العرض العادي
