و الله همس موضوع مهم اووووى
بس التعليم بااااااااايظ زى اى حاجة عندنا
التعليم نظرى مش عملى
الكلام اللى بناخده فى الكتب كلام كتب بس
لكن فى الواقع حاجة تانية
غير ان النمناهج بقالها اكتر من 20 سنة متغيرتش
التعليم فى البلاد العربية محتاج تجديد محتاج ادخال روح العصر فيه
يعنى خلاص شبعنا من السبورة و الطباشير محتاجين كمبيوتر و نت
محتاجين تحديث فى تعليمنا

مشكورة همس على الوضوع الرائع ده

الموضوع كبير ياهمس
والمأساه اكبر
احنا عندنا الدراسة مفيش اي مجال للفهم وتشغيل المخ
اهم حاجة انك تبصمي وتحفظي
تحفظي الحشو ثم الحشو ثم الحشو
دون هدف او فائدة
يعني بناخد كم كبير جدا جدا
ولازم تحفظي لان مفيش وقت او حتى حد يفهمك
طيب ليه ميكونش معظم دراستنا عملية
لان الانسان لو طبق اي شئ عملي وقدام عينه
يفهمها ويستفيد منها
ليه المعلومات اللى عفا عليها الزمان
ولا تمس الواقع او الحاضر باي صلة
ليه متكنش معلومات اقل من الان
ولكن واقعية وملموسه
ومواكبه للعصر اللى احنا فيه
مش من العصر الحجري
وبعد كل البيعملوه دا
يسالو باسستغراب شديد
لما تدني مستوى العمالة في الوطن العربي ؟
لانهم هم من حجرو العقول العربيه بمعلوماتهم التى لا فائدة منها
وكمان عندي تسائل لو سمحتيلي
ليه اي طالب علم عربي يذهب للخارج للدراسة
يصبح نابغة ومميز هناك؟
والله ياهمس والدي له احد اقربائه فشل فشل ذريع في الدراسة هنا
وقيل عنه انه فاشل
هاجر الى اطاليا واصبح هناك من انبغ واشهر الاطباء هناك؟
وطبعا الامثلة كثير
طيب ايه السبب؟
سؤال اعتقد ان جوابه معروف لنا جميعا
معلش اكلمت كتير

أنا قلت هارجع أرد .. و لأني بحب أوفي بكلمتي رجعت تاني
مع إن الكل قال تقريبا كل الكلام .. مفيش حاجة أضيفها
ممممممممم ... لازم أدور عن حاجة جديدة
ههههههه
طيب
بسم الله الرحمن الرحيم
أنا شايفة انو الكل ركز على موضوع الكلام النظري بالدراسة و بعدها عن التطبيق
الحقيقة ان المشكلة دي مش هي المشكلة رقم واحد بالتعليم
لأن طبيعي اننا ندرس النظريات البحتة
و الأداب القديمة
و الشعر .. الجاهلي منه و الحديث
خصوصا بالمدرسة
لأننا نضع الأساس
يعني المدرسة و حتى الثانوي ليست من وظيفتها تخريج شخص متخصص أو مؤهل لمجال ما
فقط شخص عنده القاعدة العلمية و الثقافية الكافية ليتم البناء عليها بالتعليم الجامعي
زي الكلمة التي قالتها فتاة الجليد : عملية توسيع مدارك
الدراسة التطبيقية ممكن تكون أكثر بالمدارس المهنية المتخصصة و المعروف أنها ستخرج مهني بعدها
أعتقد المشكلة الأساسية هي طريقة التدريس و كفاءة المدرسين و أحوالهم و ظروفهم
فكما نعرف القول الشهير : فاقد الشئ لا يعطيه
أحوال المدرسين غالبا بتكون غاية بالسوء من الناحية المادية.. مما يؤثر بلا شك على رغبته بالعطاء و الإبداع
و كفاءتهم أيضا بالغالب محل شك
نظرا للأجور المتدنية للمدرسين أصبحت و لفترات طويلة مهنة غير مرغوب بها من الكثيرين
و يلجأ لها الطلبة مضطرون
و غالبا بعد نفاذ الفرص التي اعتدنا النظر اليها أنها براقة و جذابة كالطب و الهندسة و خلافه
مما أثر على مستوى المدرسين
المشكلة الثانية من وجهة نظري
طريقة الامتحانات "الاختبارات" .. صدقوني لا أعتقد بالمدرسة المشكلة بالمناهج بقدر ما هي بالاختبارات و التي بطريقتها تجبر الطلبة على طريقة مذاكرة عقيمة ألا و هي الحفظ
و أصبحت الدولة مثلا عندنا بمصر تستجيب للضغط الساذج لأولياء الأمور عند أي سؤال يقيس مستوى ذكاء مرتفع أو به فكرة غير مباشرة
تجد الإستغاثات و الشكاوى .. ووعود فورية من المسئولين بإعادة توزيع درجة ذلك السؤال و إلغاءه
كأننا أصبحنا نقر واقع الحفظ
مع أنه من الطبيعي أن يقيس الإختبار القدرات المختلفة للطلبة
مما يصيب بالإحباط جدا أن تجد أنك تساويت مع أي واحد مهما كان ذكاؤه لمجرد أنه يحشو رأسه بالمعلومات
ممممممم
تعبت من كثر الكتابة هههههههههه
كنت عاوزة أكمل بس صعبتوا عليا
ياللا باي
هههههه

السلام عليكم
أحييكي همس الخيال
مواضيع في الصميم

التعليم
أبدأ بكلمة كثر استخدامها
( للأسف )

كلمة التعليم فقدت معناها ( للأسف ) في مدارسنا وجامعاتنا بشكل عام
واتحولت ل ( التلقين و الحشو ) هي كمان

مع ان مناهجنا واضعيها خبراء تربويين وأساتذة جامعات
مش عارف هل المشكلة في طرق التدريس
ولا في محتوى المناهج
ولا في المعلمين ولا الطلبة
ولا هل عشان مفتقدين جزئية ( الميول والاهتمامات )
ولا عشان ماشيين بطريقة ( اعرف حاجة عن كل حاجة ) ونسينا التخصص

لو المشكلة في طرق التدريس ( الي هيا طبعا التلقين والحشو والحفظ ) ليه نملأ دماغ الطالب بحاجات مش هتفيده في يوم من الأيام بل على العكس هتخليه يكره المدرسه والمنهج والمدرس ( الي ضاع طبعا شكله ومضمونه ) ويكره اي شيء يخص الدراسة .. لو اخدنا طرف الخيط دا هنوصل لنقطة مهمة جدا ليه الطالب ما يدرسش الي بيحبه ويميل اليه بس ومفيش مشكلة بعد كده يعرف ( حاجة عن كل حاجة ) كمعلومات عامة وثقافة , أكيد انا لو بحب حاجة معينة هنتج فيها كتير والعكس بالعكس ...
ليه بنستخدم طرق تدريس فاتت عليها قرون وقرون من الزمن
مع ان الطرق الجديدة للتعليم بيدرسوها في كليات التربية وللأسف ما تتطبقش
قرأت عن حاجة اسمها التعلم الذاتي
وأثبتت نجاح منقطع النظير وصل لـ 99 % المشكلة اننا عارفين هو ايه وعارفين مدى نجاحه ومع كدة لا حياة لمن تنادي

الموضوع كبير جدا ( مشكلة التعليم !!!! )
محتاجة قرار واحد سليم
التغيير الجذري من الأساس
والتعلم من أخطائنا والاستفادة من التجارب الناجحة

أشكرك اختي
ودمتي بخير