اختي شوفي هاي الجزئية هاي بقصة انفاس قطر
مونفسه الي تبحثين عنهة
سعود في سكن المعسكر.. اليوم عنده أوف..

ومع كذا ماطلع مع بقية الشباب اللي راحوا لبيروت..
ونادرا ماكان يطلع معهم إلا لو ألحوا عليه بشكل محرج

كان قاعد في صالة السكن يتفرج على الأخبار في التلفزيون

دخل عليه واحد من زملائه في السكن.. وسلم وقعد قريب من سعود..

سعود بمودة أخويه: وش فيك نايف ماطلعت مع الشباب..؟؟

نايف بود: حشوة سني طاحت.. رحت عشان أسوي حشوة بدالها.. في المستوصف التابع للأمم المتحدة اللي جنبنا..

سعود بذات الأخوة: وعسى ضبطوه لك؟؟

نايف بعيارة: ضبطوا لي سني.. وسرقوا قلبي..

سعود بابتسامة: ياكثر ما ينسرق قلبك.. مابقى حد ماسرقه.. ذا المرة مجندة أمريكية وإلا صومالية؟؟؟

نايف بعيارة: لا والله إلا دكتورة قطرية!!

سعود باستغراب: دكتورة قطرية هنا..!!

نايف بهدوء: أنا مثلك استغربت يوم شفت الدكتورة اللي لابسة نقاب في المستوصف.. ولبسة النقاب لبسة قطرية أشمها عن بعد..
قربت شوي منها شفت فعلا شعار قطر عليها واسمها..
سألت عنها قالوا لي طبيبة أسنان
قلت تكفون حشوة سني ماطاحت إلا عشانها.. مايعالجني إلا هي..
بس الاستقبال قالوا لي: إنها شارطة ماتعالج إلا حريم وأطفال..
قلت لهم عمري 7 سنين بس ماصدقوني..
آه ياسعود ذبحتني عيونها في النقاب
ياحي الدوحة واللي في الدوحة..

سعود حس برعشة مرة تجتاحه وهو يتذكر دانة اللي أصلا ماتغيب عن باله.. لكن ذكر طبيبة الاسنان القطرية خلاها تحضر بكل العنف والحدة والتجسد..

سعود رد عليه بحدة: أحشم بنات ديرتك وغير بنات ديرتك من المستورات يا نايف..

نايف وهو يضحك ويقوم يبي يروح ينام: محشومين كلهم.. ولو تدري بعد أنها من قبيلتك وفخيذتك.. كان كليتنا بقشورنا يعني..؟؟

سعود نط برعب
واحتمال مرعب قاتل مدمر ينط لمخيلته
وهو يمسك يد نايف بعنف: شأسم الدكتورة ذي؟؟

نايف بألم: سعود تكفي يأخوي بتكسر يدي..

سعود وهو يعصر يد نايف أكثر: أقول لك شأسمها؟؟

نايف بألم أكبر: دانة هادي الــ



سعود يقتحم مستوصف الأمم المتحدة.. وهو يسأل موظفة الاستقبال بصوت مقطوع الانفاس نتيجة لقطعه المسافة بين سكن القوات والمستوصف ركض: وين الدكتورة دانة هادي؟؟

الموظفة بحذر وهي تشوف شكل سعود المرعب المتغير من الغضب: وممكن أعرِف شو بدك فيا؟؟

سعود وهو يسحب نفس عميق ويحاول يتماسك: أنا زوجها.. وين هي؟؟ أبي أشوفها..

الموظفة بأدب: بغدون مسيو.. بس ياللي باعرفه أنو الحكيمة دانا بيجي خيا بياخدا.. وماسمعت انو زوجا هون...

سعود خلاص ماله مخ ياخذ ويعطي معها.. دخل على المستوصف وهو يفتح كل الأبواب..
في الوقت اللي موظفة الاستقبال اتصلت بدانة اللي كانت وقتها خلصت مرضاها وبتطلع..
وبلغتها الموظفة أنه فيه واحد معصب يقول إنه زوجها يدور عليها..

دانة حست قلبها طاح برجولها.. ونبضات قلبها كطبول الحرب المجنونة
أشلون عرف سعود إنها هنا...
ماخططت أنه اللقاء يكون كذا.. جية سعود وهو معصب كذا بتخرب كل مخططاتها..
الحين أشلون بتفهمه سبب جيتها وراه هنا..
أكيد الحين معصب بجنون.. وماراح يسمح لها تشرح أو تتكلم..

مع كذا دانة خذت نفس عميق.. وهي مقررة إنها تحاول تسيطر على الامور..

فتحت الباب وهي بنقابها وبالطوها الأبيض اللي تلبسه على العباية المسكرة عشان تشوف وين سعود..

عشان تتفاجأ

بسعود

واقف قدامها..

السلام عليكم
الله ايخليك اتشاء الله لقيتيلى اسم القصة الى قتلك عليها
سامحينى اذا اتعبتك

السلام عليكم جزاك الله عنى كل خير وكلمت اسفة شويه في حقك تعبتك معي بغبائى وعدم فهمي مدري كيف جايه في بالي انها روايه مستقله لاني قاريه الروايه من سنه تقريبا ونسيت انها فيها ن،بس وش تقولين في التناحه والمصيبة انا اكابر وانا مدري ،يعلم الله اني احبكم في الله .