سلامو

ربي يخليكم احرجتوني جدا

و الله عاديه وكبرتو كتاباتي بنظري ..

مشكورين حيل على تعليقاتكم الحلوة وردودكم العسل

والله لايحرمني منك برضو انا كاتبتها ...

وماودي اتكلم اكثر اخاف اخرب الاحداث ..

تفضضلو


اسفه على التأخير والاجزاء القصيرة لكن عارفين الامتحانات

واحاول اكون معاكم قد ماأقدر ...



لي عوده ..


تفضلو

(4)
مشت عنها هديل وتركتها مقهورة من كلامها والبنات يطالعونها ,, واللي زادها ان صديقتها همست لها : ترا البلوزة احلى عليها لان جسمها احلى .....

-


وصلت للبوابة وهي تلبس عبايتها بسرعه بدون ماتلتفت لوراها , مو فاضيه ابد لاشكال عبير , ركبت السيارة والطريق زحمة , بس يمكن حست بالوقت يمر أبطأ لانها كانت تفكر بكل شي حولها ..


طلعت المفتاح من شنطتها وفتحت الباب ,دخلت البيت وزفرت من برد المكيف اللي حست به ,, كانت الشمس حاره اليوم .. شالت عبايتها وعلقتها في الدولاب ,,

جت امها من الصاله ويدها على خصرها وعيونها مولّعه : ماشا الله متأخره وين كنتي فيه

هديل بهدوء : في الجامعه وين بكون , الطريق زحمة

..... : زحمه هااااااااااه , الا اكيد ملفلفه هنا ولا هنا قبل تجين البيت

..... : اسألي السواق

راحت ام هديل مقهورة ,تهدد وتتوعد , شكّاكه درجة أولى .. وهديل سكتت وطلعت غرفتها , رمت شنطتها على السرير وجلست عليه بهدوء , سكتت شوي , وتذكرت اسلوب امّها اللي يزيد معاها كل ماكبرت , وعبير , ونواف وبدور ,, وبدون ماتحس لمت يديها بحضنها , ودمعت عيونها , توها بتبدا تصيح , سمعت جوالها يدق , مسكت نفسها ومسحت عيونها بطرف يدها وراحت لشنطتها تحوس على الجوال تلحق ترد قبل يسكر ..

....... : مراحب

بهدوء : هلا نواف

...... : ليه تقولينها كذا , اسكر يعني ؟

...... : ليه شلون قلتها يعني

..... ابتسم : هديل شفيج

........ : وخر عني انت وبنت خالتك وانا بكون بخير

..... : افااااا

...... : نواف , بجد ترا اللي فيني كافيني

........ : هدوله

...... : نعم

........ : تدرين مو قصدنا نتعبج صح ؟

......تنهدت : ادري و الله

........ : طيب شرايج تجين وياي نتمشى شوي قبل ارجع اسافر

هديل ضاقت لانها تذكرت انه بيرجع وعلطول : إي بجي , وانت اللي بتاخذني , وبتمشيني , وتوسع صدري , وانت بتكلم ماما تقنعها

......... : هههههههههههههههههههههههه , تامرين امر انتي

....... : إيه كيفي

....... : طبعا بكيفج .. خلاص الحين بكلم خالتي وان شا الله بترضى

سكرت هديل من نواف وعلى وجهها لمحة ابتسامه ..ورمت ظهرها لورا وسرحت تفكر ..



بيت ابو مشاري

فيّ نزلت ووقفت عند الدرج وميلت راسها : اششششش سكووووت , شووووفو مين جا

الكل التفت لها وضحك وضحكت هي

مشاري : هلا و الله بالغاليه تعالي تعالي

مالك يمسك الطاولة الصغيره ويقلبها ويبدا يدق : هلا فيك هلا , وبجيّتك هلا ,, وبطلّتك هلا ..

ضحكت في وجلست على الكنبة .. : شكرا مالك , لاداعي لاداعي

امل جات من المطبخ على صوت في وطالعت الساعه , وعلطول مالك حط يده على بطنه : يلا يمه جعنا متى الغدا

...... : صبر منصور اخوكم ماوصل

جات امل وجلست وعلطول نط مشاري وجلس عندها وحط راسه على رجلها وابتسم لها

ماجد قام من الكنبه وراح برضو عند امه وحط راسه من الجهه الثانيه

في : ههههههههههههههههه يبي لكم صورة صراحه

ماجد يدف راس مشاري بشويش : ياخي وخر راسك ذا اللي وش كبره

مشاري بهدوء : قم انت انا جاي قبل , (ورفع نظراته لامه) يمه خليه بالدور

ضحكت امل : قومو بس كسّرتوني

ابو مشاري يبتسم : قومو يالبعارين عن امكم

مشاري يبتسم ويكلم ماجد من جمب : الوالد يقول قومو عشان ياخذ مكاننا اظاهر انه غار

ماجد فطس ضحك , وامل ضربت مشاري على كتفه وضحك طبعا بدون صوت

جلس ابو مشاري يسولف شوي , لين انتبهو كلهم لمنصور اللي وصل وظل واقف عند باب الصاله ومنزل يدينه : وانا ؟

ابو مشاري : وانت وشو ؟ ماتعرف تسلم ؟

...... رفع يده وقال بطريقة تضحك : السلاااااام عليكم ورحمة الله وبركاته

الكل : وعليكم السلام

منصور بوز وجا كنه يركض لعند امه : وخرو وخرو دووووووري وخروووووووووو

ابو مشاري قام واقف كنه بيصده : هيه هيه وين رايح انت ناوي تموّت امك

منصور يأشر على ماجد ومشاري : يبه , ابي حنان

الكل : هههههههههههههههههههههههههههههههههههههههههههههههههه هههههههههههههههههههههههههههههه

ابو مشاري ويده على كتف ولده : معليه ياولدي عيش محروم حنان بس امك الله يعافيك نبيها

منصور انقهر وراح عند اخته : اجل بروح عند فيّ

في خافت وعلطول لمّت رجولها : هيييييييه منصووووووووور !

الكل : هههههههههههههههههههههههههههههههههههههههههههههههههه ههههههههههههههههههه

ضحك منصور وطلع فوق : بروح اجيب لمى اداريها وتداريني


في ضحكت : ياعمري لمو مسكينة و الله هههههههههههههههه

مالك : يبه يبه

ابو مشاري : هلا

مالك يأشر على في وهو يضحك : يبه مو صح فيّ احسن وحده فينا ؟

الكل التفت لها فكمل مالك : إيه هي الدلوعة عشانها البنت

في ضحكت وحمر وجهها : مالك اسكت

....... : يااازينها ضحكت , يمّه يمّه بلله عليج مو حلوة اذا ضحكت ؟

في علطووووول غطت وجهها بالمخده لما شافت الكل يتأملها : مااااااااااااااااااااااااااااااااااااااااااااااالك اسسسسسسسسكت

ماجد يقال له بيحطمها : اكيد بتشوفها كذا لانها البنت بين التماسيح, وبعدين كلنا عندنا اسنان , بس يمكن هي , امممم الوحيدة اللي شعرها اسود بيننا ,او يمكن هي اقصر وحده فينا عشان كذا خخخخخخخخخخ

في : يمّه منك نحيس خلّ الولد يمدحني ويفرّحني شوي

مالك معنّد : لأ يعني لأ , ماعليج منه انتي احسن وحدة

فيّ قامت واقفه , امل : وين رايحه ؟

فيّ ووجهها طايح : مابي غدا كلوه عني , قام يطالع فيني ذا (رمت مخده على مالك) من زيني بس

الكل : هههههههههههههههههههههههههههههههههههههههههههههههههه هههههههههههههههههههههه

مالك مايخلي شي بخاطره , جلس يكمل , وكيف ان افراد هالعائلة عاديين في اشكالهم لكن كل واحد له شي يميّزه ويحلّيه ,, وخلى الكل يراقب مشاري , حتى هو ضحكته حلوة , وماجد نظراته قوية , ومنصور ملامحه فيها براءه , وطبعا استلم امّه تمديح وفصفص كل ملمح بوجهها , وابوه برضو وبالأخير كش على نفسه لانه مملوح بنظره بس وجهه فيه حبوب شباب , وضحك الكل عليه ...

في د.كيف ..قريب المغرب لما بدت الشمس تخف حرارتها شوي ..

هديل وهي تلعب بالشوكة وتتجنب نظرات نواف :كلمت بدور؟

نواف رفع راسه ونزل كوب الكافي على جمب وابتسم : ليه ؟

...... : مو كنت تبي تكلمها ؟ كأنك نسيت السالفة

...... سكت شوي وكمّل : لا مانسيت , بس تعرفين خوالي طلعو لنا بسالفة خالي وابلشوناا

...... : انتو اللي طلعتوا بالسالفه !

ابتسم نواف ومد شوكته للصحن وتركها على الطرف , ورجع يرفع نظراته لها ويتنهد : هديل , يوم كنت انا صغير ,, كنت ألعبكم انتي وبدور في التهوية في بيت جدتي القديم , تذكرين ولا لا ..

غمضت عيونها شوي : يس أتذكر ..

نواف يكمل : بدور راحت للمجلس بتدخله بس وقفت لما شافت خالي الله يرحمه مع خويّه ويتكلمون عن مخدرات وبيع وشرا ,, انا وقفت وراها وسمعت الكلام كله , بس طلعنا بشويش , وقلت لها لاتعلّم احد ,, يعني للحين ماحد كان يعرف الا انا وبدور , الا اذا فيه احد ثاني سمعهم مادري ! , ويوم بدور وقفت وصرخت في المجلس لا , صار لازم الكل يعرف ..

هديل كنها تحاول تستنتج : طيب وهذا السبب اللي خلاك حبيت بدور؟

ابتسم نواف بعد نظرة طويلة : منو قال لج أني احبها؟

طالعته هديل بنص عين خلته يضحك ويقول : اول مانرجع بكلمها ان شا الله

ضحكت هديل وقامت واقفه : طيب قوم ترا البنات اللي برا تعبو و هم يحشون فيك تعال نطلع من الجهه الثانيه

....... : هههههههههه شيقولون ماسمعت

هديل وهي تمشي معاه للسياره : يقولون كيوتي شكله بالثانوية هههههههههههههههههههههههههههههههههههههه

ضحك نواف وركب السيارة ..


نرجع بيت ام مشاري فوق ..

فيّ: مفتوح

منصور فتح الباب وعلطول تكتف : لا و الله ؟ احلفي أول

في استغربت : شنو

...... : منزلة قصة ولاتقولين ها , طييييييييييييييب طيب

..... : ههههههههههههههه شدرّاك

....... : فتتحت المنتديات ولقيتها , لا وحاطة لي اسم مادري منين جايبته , هاك انا مادري وشو

..... : خخخخخخخخخخخخخخخ اخذيني اسمها

....... : المهم ليه ماقلتي لي

...... : و الله نسيت منصور , ومالقيت وقت اقول لك لحالك

.......يجلس منصور على الكرسي : المهم , القصة للحين حلوة , احس اني اعرف الناس اللي فيها !

في لفت له وتربعت فوق الكرسي : شوف انا اقولك

....... : لاحووووول بتبدا تتفلسف !

....... : ههههههههههههههه منصوووور اسمعني طيب

...... : إنا لله قووولي

....... : لأ انا قصدي , اني احط شخصيات في القصة , اغير الاسماء واجيب شخصية من الناس الي اعرفهم او اسمع عنهم واحط لهم اهل من عندي , وظروف من عندي , وممكن بعضهم بنيت تصرفاتهم من خيال لأني اعرف انهم حقيقة بس ماقد عشت معهم ! يعني لو فكرت فيها كله واقع, بس انا اخربط فيه

منصور حط يده على خده كنه نام : خخ خخ خخ خخ

........انقهرت : حرام عليك حطمتني حسيت اني اجيب الملل وانا اتكلم

....... : المهم , نزلتي بارت ولا لا

...... : لا ! واذا نزلت ماني قايلة لك ! روح شوف بنفسك !

........ : هههههههههههههههههه عصصبت ههههههههههههههههههههههههههههه


تحت

امل : مشاري هات التلفون خلنا نتطمن على ام نواف وولدها

مشاري جاب التلفون لها وهو مبتسم : سمي ياأم مشاري

وقفت امل تدق الرقم واول ماخلصت ضغط مشاري السبيكر

امل تدف يده : اقعد ياولد بلا لقافه

مشاري برضو مبتسم ويضغط مره ثانيه : بسمع صوت ام مشاري

امل عارفه مشاري ولقافته فتركته ,, : الو, السلام عليكم

..... : وعليكم السلام ..

...... : ام نواف موجوده؟

...... : إي موجودة الحين اناديها لج

...... : معليه اخاف ان الوقت غلط وهي نايمة

...... : لا وشدعوة حياج الله , الحين اناديها , اممممممم انتي ام مشاري صح ؟

ضحكت امل : اييييه ماشا الله عرفتيني

.......... : هههههههههههه إيه , اوكي لحظة

وقفت امل تنتظر هديل تنادي خالتها , اما مشاري ماهتمّ ابد , لف يطالع تلفزيون , بس يحب يسوي حركات لقافه..



.......... : حووووماااااااااااااار

ماجد يضحك : ههههههههههههه شفيك

....... : حومار وربي , ماتلاحظ إنك نسيت حاجه؟

ماجد فطس ضحك : ههههههههههههههههههههههههههههه آسف الحين جاي

...... : انقلع , دوبك تتزكرني ها

........ : ياربي يامحسن , عويض الله من زعلك خلاص الحين جاي

....... طوط طوط

محسن حط الجوال بجيبه وهو معصب : حومار واحد ...

ماجد ضحك ودق على امه وقال لها انه بيعزم محسن اليوم على العشا , يقالك بيراضيه

محسن : إش شايفيني عشان تراضيني بعزومة ها

ماجد : اقول انطم و اليوم بتتعشى عندنا وانت ساكت بعد !

.... : طيب , هيّا وديني بيتكم!


فلا 16..

فواز في الصاله يكلم فدوى : و الله الحمد لله ,,, ماشي الحال

فدوى ضحكت : وديم هالقاطعه شخبارها , وجع تقول ماصدقت تتزوجك ونستنا

...... : ههههههههههههه ههههههههههه انا ,, ماخليها تكلمكم كثير

......... : ههههههههههههههه وليش ان شا الله

....... : ملعوزها

....... : ههههههههههه طيب اسمع اسمع سلم عليها , مشعل يناديني

....... : اماااااااااااااانه فدوى ... اسفهيه شوي ,, نفسي يعـصب

....... : هههههههههههههههه سوووري مقدر

....... : مالت عليج .. مسوية فيها زوجة مطيعة

(هنا ديم طلعت للصاله )

فدوى : شفت شلون

....فواز رمى ابتسامه هاديه لديم ورجع يكلم : يلا حبيبتي لا أعطلج .. أكلمج بعدين

ديم طلعت عيونها لبرا وفواز ضحك : ههههههههههههه هذي فدوى

فدوى : ديم حبيبتك مو انا ,, لاتلعب ع البنت حرام , يللا سلللم لي عليها وبووس لي اياها

ضحك فواز : أبوس لج أياها ؟ ... ابششششششششششششششششري

سمعته ديم وعلطول حطت رجلها وهو سكر السماعه وحط رجله وراها يضحك

ديم مسوية فيها : نعم؟ بغيت شي

فواز وهو واقف قبالها ويده على الجدار الي هي متكيه عليه , ويبتسم : عندي امانه..... لازم اوصلها لج

ديم تكتفت : بوساتك مانبيها , شكككككرا

..... : أفا !

....... : ماتقول لاحد حبيبتي ولا حتى فدوى فاهم ؟

......َضحك : ليه ؟

...... : كيفي بس أنا !

اتسعت ضحكة فواز ونزل راسه شوي وبعدها رفعه ثاني مره لها : طيب انتي وشو

...... تستهبل : انا ؟ انا ديم !

انقهر فواز وعلطووول شالها وهو عاض شفته: تعاندين ها ؟ اممممم اليوم وين احطج ....؟ .... فوق الدولاب , ولا في المطبخ ....

.......... : ولا مكان نززززلني , مادري ليش تحب تحذفني فوق وشو شايفني شنطه تحطني كل يوم فوق دولاب هااااااه

ضحك فواز : طيب ,,, فكي نفسج اذا ماتبين

انقهرت ديم لانها عارفه ماتقدر , الاختلاف بين حجمها وحجم فواز , مخليها كنها عصفورة بين يدينه ,,

وفواز كان يضحك على نظراتها مسوية معـصبه لما جلسها فوق الدولاب

ديم : فواز ! ,,,,,, بس عاد ... شالحركة !

........ : طيب يلا طبّي ,, وبمسكج !

ديم غصب عنها ضحكت على افكاره , تحس انه يحطها في اماكن ومواقف يبي يحس انها تحتاجه غصب ,

..... : ماني ناطه

...... : اجل .... بتقعدين هنا !

..... : اجل انطّ لك كني بزر عشان تمسكني !

ابتسم فواز لما سوت نفسها زعلانه وهو قرب وسحبها ونزلها , شافها عاقده حواجبها وباسها بين عيونها:خلاص ... فواز اسف

...... : ممممدري شعاجبك في الحركة !

فواز يطل بوجهه ويضحك بجاذبيه :لانج.... تحبين تعانديني ... وبعدين شكلج وانتي فوق ,, وناسه ههههههههههههه ,, واموت فيج لاقلتي فواااااااااز .. نززززلنيييييييييييييييييييييي (يقلد صوتها )


صار وقت العشا ,, ماجد ومحسن وصلو للبيت , وكانت ام مشاري توها طالعه مع مالك بتروح للجيران تسلم عليهم .. فتقابلو عند الباب الداخلي

محسن رجع لورا ونزل راسه , بس سمع امل تناديه : شخبارك يامحسن عساك بخير ؟

محسن من ورا ماجد : الحمد لله بخير ياخاَلَتي ..

...... : شخبار الاهل عساهم طيبين

....... : إيوه

ضحك ماجد وكنه ماسك نفسه وسحب محسن معاه للمجلس , محسن وقف وقال وهو شاق الضحكة ومنزل يد واليد الثانية تأشر على الباب : هذي أومّك؟

ماجد عصب و ضربه على راسه براحة يده

....... : آآح إش سويت انا ها ؟ إش سويت

....... : مالك شغل بأهلي

محسن رد وهو معصب يحك راسه مكان الضربة : الحرمة سألتني إش اخبارك إش تبغاني أقلّ لها , وبعدين هيّا متغطّيه وشكلها صغير ماعرفت إنها امك

ماجد ضربه ضربه ثانيه : ماكان رديت , ولايكون في بالك لو انها اختي بخليها تسلم عليك ! بس امي وزين بعد

...... انقهر لأنه ماسوى شي : اهبل!

سكت ماجد , مايحب امه تسلم على اصدقاءه عنده عيب هالشي , بس امل مايهمها ولاعليها فيه , هو مجرد سلام وهي تحب تكون على علم باصدقاء عيالها .. وهو براسه إنه يكلّم امه ويقول لها لاتسلم على كل الناس هالشي يحرجه !

ام بدور وام نواف : تفضلي يام مشاري لا مايصير كذا

امل بذوق : لا و الله جايه اسلم واتطمن عليكم ولدي عازم صديقه عندنا ولازم ارجع

....... : يللا معليش المره الجايه تجين وتجلسين

........ : وتجيبين معاج بنيّتج بعد ..

...... : هههههههههه ان شا الله مشكورة وماتقصرون و الله .. يللا نشوفكم على خير

دخلو الثنتين للبيت ,, بس نواف كان جالس في سيارته ومقفل على نفسه ,, وماسك الجوال بيده .. اصبعه يرجف عند الزر الاخضر , اخيرا خذ نفس طويل واتصل ..

استغربت بدور الرقم ومسكت الخط بس ضلت ساكته

نواف بنبرة هادية شوي : بدور!

انتفضت لانها عرفته وماحد غيره ينطق اسمها بهالطريقة : نـواف؟

....... : إيه

........ : .........

....... : اسمعيني بدور , انا مافيني أتكلم كثير ! انتي عارفه باقي ثلاثه ايام وارجع اسافر انا وامي صح ولا غلط اللي انا قاعد أقوله !

....... : صـح

....... : اجل تنفذين كلامي بالحرف الواحد

.......بارتباك : وشو

........ عصب : قولي حاضر !

....... خنقتها العبرة : حاضر و الله اسوي اللي تقوله بس وششششو

.......تنهد شوي : اليوم لما تكلمج امج عن الخطبه , توافقين ! واذا رفضتي يابدور مو زين لج

....... : خطبة مين ؟ شالساالفه

...... : مالج شغل ! بعدين بتعرفين , قلت لج توافقين وبس , فاهمه؟

....... احتارت بدور وتنرفزت شوي : لا مو فاهمه مو على كيفك , من متى وانت تتحكم فيني ؟

....... : من ذاك اليوم !

انصدمت بدور وحس نواف بهالشي من سكوتها فجأه ... فكمل كلامه : يللا سوي اللي قلت لج عليه , فمان الله

الحلو اللاذع يعجبني حماسج ههههههههه

مشكوووورة من قلبي

اقتباس :-   المشاركة الأصلية كتبت بواسطة primrose

عزيزتي wrod البارت عن جد رائع يفوق الوصف... ربما إن قلت لك روياتك ...وناتج قلمك... هو البلسم لي في يوم كئيب ومملل... البسمة تغزو شفتي والتشويق مستمر (ما أخفي عليك يا الغلا إن أخواتي صاروا يسموني كريزي لما يحصلوني أقرأ ومقابلة النت وأضحك من نفس والله ولك معزة...) أتمنى أن تستمري في الكتابة دوماً نحو الأفضل .. محبتك دوماً... primrose .