اكتب
و
امسح
و
اكتب
و
امسح
هذا حالي من اول ما خلصت البارت
وبديت اكتب التعليق
بس
مادري شاللي صار فيني
كل ما اكتب كلمة امسحها
مو عارفة شقولج!!
اقولج ان مافي كلمة تقدر تعطي البارت حقه
وانج ابدعتي فيه
ولا
اقولج ان البارت واااايد حزين ويبجي يعني ودي لو اصير انا المحظوظة وانتي انا واغير كل الاحداث واخلي كل شي مفرح فيها
من اول بارت لآخر بارت
بس
تدرين؟!
مارح تكون حلوة
اول شي
لانها مو باسلوبج الي يخلينا نقره القصة غصب ونتعلق فيها
ثاني شي
لان كل شي فيها مفرح ومافي شي حزين
يعني ما في شي يشدج ويخليج تقرينها
مافي تشويق مافي ومافي ومافي.......
صج ان الحزن مو حلو
بس
بقصتج له طعم غير<<مادري شلون الحزن له طعم بس مادري واايد عاجبتني هالجملة وترا تاعبة عليها فلا تظحكين
حزن بس بعده فرح
حزن يخلينا نبجي يخلينا نحس بمعاناتهم وجن احنا الي نمر فيها مو اهم
بس
لو زاد عن حده وكانت كل القصة حزينة
لو بدايتها فرح ونهايتها حزين
فرح تكون وييع
لاننا كل الفرح الي كان فيها ما رح يهم دام آخر شي حزن
ادري ان لاعت جبدج وقام تنطريني اعلق عالشخصيات
و
تقولين
اف
وبعدين
يلا متى تخلص
واااي فلفستها تقهر
امبيه حدها فاضية
اوووووووووه علقي وخلصينا تراني مو فاضية لج......الخ
عشان جذي ببدي بالتعليق لاني لو كملت كلام عن تأثير قصتج علينا وعن الحزن الي فيها وعن كل شي فيها مارح اخلص لو بعد مليون سنة
لان
كل كلمة تكتبينها لها الف معنى ومعنى
لازم افكر فيه
واعرف شنو تقصدين فيها
وترا قصتج الوحيدة الي اطول لما اقراها
يعني هالبارت قعدت عليه ساعة وشوي
والبارتات الي طافت قعدت عليها يومين تقريبا
يعني عالبارت الواحد كنت اقعد 3 او4 ساعات
كل هذا لاني مابي اطوف شي علي
او
اقره شي بسرعة ويطوفني المعنى ماله
ادري طولت
بس
الكلام الخاين توه يطلع
وما اقدر ارده
فتون وفيصل
شكل علاقتعهم
خلاص تحسنت
و الله يرحم ايام اول
وان شاء الله تولد بالسلامة
وتييب بنوتة حلوة مثلج<<يا شين المصلحة
مرام وخالد
حنان وصالح
منى وانس
الله يخليهم لبعض
و
يخليهم لعيالهم ويخلي عيالهم لهم
والي ما ولدت ان شاء الله تولد بالسلامة
منال
اول شي كنت حاااااااااااااااااااااااااااااقدة عليها
وودي لو تكون جدامي
او
اقدر ادش باللاب توب واعطيها كف على وييها
او
آخذ الجوتي واكفخها فيه
بس بعدين ولما حطيت روحي مكانها شوي عذرتها عاليي سوته
يعني وحدة امها ميتة
معاملة ابوها لها زفت بسبة مرته الزفتة قصدي الي كانت مرته
غير المشاكل والهواش معاها كل يوم
تتوقعون منها تكون زينة مع اهل ريلها والي ما عانو الي اهي عانته وحياتهم كلها سعادة؟!
انا عن نفسي ما اتوقع غير انها ولأنها تحس بالغيرة منهم بما رح تعاملهم زين
غير جذي هالمشاكل خلت قلبها اسود ونظرتها للناس وللدنيا سوداوية
عندها كل الناس ما يحبونها كل الناس مو زينين كل الناس غلط واهي الصح
ما حاولت تغير روحها وتحببهم فيها
لا ظلت مثل ما اهي
وبعدين تقول اهما ما يحبوني
بس مالها حق تسوي الي اهي سوته وتقول ان سعود مانعها من الحمل وحارمها من حقوقها الشرعية
لا
والي قاهرني انها مخليته خااين وخدعها
مو جن اهي الي خادعتها لما تاخذ حبوب منع الحمل
غير جذي هاد وعد المسكينة بالغربة بروحها واهي حامل
عشانها وعشان مشاعرها
بس
شنقول الي قلبه صخر عمره ما رح يحس<<احم مثل من تأليفي شرايج فيه؟؟ قولي حلو ولا تقصين ويهي
الله يهديها
سعود
تينن
تهبل
اموت عليك
مسكين
مو كافيه منال
ونوال وبلاويها
تكمل عليه وعد برسالتها
بس
ان شاء الله ما يصير فيه شي
ولا يصير فيها شي
حراااااااااااااااااااااااااااااام
بعد كل هالحب الي بينهم
وبعد كل المشاكل الي تحملوها
يضيع حبهم
يعن صج قهر
بليز يالمحظوظة لا تعيدين معاناتنا الي بهمس قلبي وغيرها من القصص
ترا ليلحين متأثرة
سوي الي بتسوينه بوعد
يعني غيبوبة وتصحى منها
مثلا
وبس ولا تموتين الي ببطنها
ادري انج طيوبة وحبوبة وتهبلين وحدج حنونة
وما ترضين ان وعد يصير فيها شي
ولا سعود لانه يموت بوعد واكيد بصير فيه شي لا سمح الله لو صار فيها شي
اصلا من اول ماقريت اسمج وانا اقول هالبنت شكلها حنونة و وااايد طيوبة وماترضى بالظلم<<عشر صواريخ طارو
وبعد طيحة سعود صج مو شي زين
ولا يفرح بس مثل ما يقولون رب ضارة نا فعة
خلت ابوه يوافق انه ييب وعد
هذا لو كانت وعد عايشة
وعد
مسكينة
عانت
و
عانت
و
عانت
بس ليلحين ما ندري اذا لقت نتيجة معاناتها ولا بتظل تعاني طول عمرها
او
انتهت معاناتها لان عمرها خلص
وبدا عمر ولدها ولا بنتها
لااااااااااااااااااااااااااااااااااااااااااااا
ما اتخيل ان وعد ماتت
لاااااااا
انتي طيبة ما تموتينها
وااااااااااااااااااااااااااااي
راسي خلاص بينفجر
ابو وليد
شفت شلون
بنتك الي عايشة عندك والي امها سعودية وعايشة بالسعودية وطلعت موعدة ريال وزين الي لحق عليها اخوها قبل لا تتطور علاقاتها اكثر
وبنتك الي امها بريطانية وعايشة ببريطانيا محافظة على روحها
حسافة انك ابوها
كنت متوقعة انك وبعد ما تعرف حقيقة مشاعل واعترافك لامها تروح لها
بس
خيبت ظني وطلع قلبك صخر
الله يهديك
مشاعل
تستاهلين الي صار فيج
والمفروض تحمدين ربج ان اخوج لحق عليح قبل لا يصير شي اكبر من انج تواعدينه بمكان عام
ما رح الومج لاني ادري انج ندمانة قد شعر راسج
و ودج لو يرجع الزمن وما تسوين شي
ما رح يفيدج البجي
حاولي تصلحين غلطتج
صج انها ما رح تتصلح
وهدمت الي بين امج وابوج
بس شنسوي الي راح راح واحنا عيال اليوم

ا م سعود
ما كنت متوقعة انها تدري عن منال وساكتة
اصلا زين منها الي ما تكلمت من اول ما درت ولا سوت شي لمنال
وبالنهاية تطل اهي الغلطانة واهي الظالمة
والحمد لله ان ما صار فيها شي ولحقو عليها

عبير وتركي
الحمد لله ان علاقتهم تحسنت
بس
اعتقد وبعد ما سعود طلق منال
رح تتأثر علاقتهم
بس ان شاء الله لا
ويتعالج تركي

ابو تركي
مسكين
بنته وفشلته عند اخوه و ولده
ومرته وفشلته بعد
الله يعينه
الي فيه مو شوي

نوال
كللللللللللللللللللللللللللللللللللوش
واخير طلقج
وااااااااااااااااااااااااااااااااااي
مستانسة يمكن هالشي الوحيد الي يفرح بهالبيت
لا بس صج تقهر
اهي والمسجات الي دازتهم
يعني انا وحق صديقاتي ما ادز جذي مسجات
شلون اهي وحق واحد مو محرم لها واهي متزوجة
بس مثل ما يقولون ان لم تستح افعل ما شئت<<مادري صح المثل ولا لا
عاد توقعتج لما سمع ابو تركي الكلام تخلينه يقلب على سعود
بس الحمد لله انه سمع الكلام كله
وان شاء الله يكون طلاقها منه
نهاية المشاكل الي ببيتهم
آخر شي
وصفج وتنقلج بين الاحداث
يهبلون
يعني صج يخلوني اندمج غصب بالقصة
الله يوفقج
وبعد لا تظغطين على روحج
لان الواحد لما يظغط على روحه يعصب ويحط حرته بالي احد جدامه
واخاف تحطين حرتج بالشخصيات
و
تموتين وعد
او تموتين سعود
او اي احد
ولا تكتبين الا وانتي مرتاحة
حتى لو باليوم كلمة<<<قوية
و
سوري لو ظايقتج بشي
او
طولت عليج
بس شسوي انا وحدة قراقة<ثرثارة> وهذرتي ما تخلص
الله بلاج فيني بحبي لج ولقصتج
فاستحمليني
وكوني متأكدة اني رح افقد الشخصيات كلهم حتى منال ونوال
صج اني قريت القصة بفترة قصير
بس حيل تأثرت فيها
تقبلي مروري