الجزء الثامن والعشرون

نحلق من هذا الجزء في :
بدايـــ ـــ ـــ ـــة النهــ ــ ــايــات

الفصل الأول :
(( انهـ م ــار الـ ص ــدمات ))


أصعب احساس وقت ماتكون عايش على أمل يكون شريك حياتك انسان وفي ! بس وفي !!
وبلحظة تكتشف انه أبعد مايكون عن الوفاء ومعاني الصدق والصفاء ..

كان هذا شعور سعود واهو يطالع داخل الشنطة بعدم تصديق ! حاول يكذب عيونه ويوهمها ان الي يشوفه مو هو الشي الي بباله .. بس عجز يكذبها وكل شي واضح قدامه ان منال كانت تسوي من وراه هالشي .. ومن فترة بعيـــــــدة !
لم الشنطة بقبضة إيده واهو شوي ويقطعها من القهـر ! وعيونه تطالع الباب بنظرة شرار شوي وتخترقه وتوصل لوين ماهي منال وتصيب كيانها هالنظرة ..
ولوهلة كان بيرمي الشنطة ويروح لها ويلعن خامسها ويمكن حتى يضربها وينتفها .. لكنه اتدارك نفسه وأخذ الشنطة ومشى للدولاب ورماها بعصبية فوقها ومشى للحمام وسكر الباب بكل قوة ..

وأثناء ماهو تحت الدش تنساب عليه الموية ..
انسابت معها أمـَر الذكريات ............................. !

####

منال بضيق : بس هالشي يجرح أنوثتي سعود ..
سعود : ليه يامنال أي زوجين اتأخر الحمل عندهم ممكن يروحون يفحصون أنفسهم ويتأكدون ان كل شي فيهم سليم ..
منال : بس أنا متأكدة ان كل شي فيني سليم بدون ماروح .. مو عشان أخوي يعاني تحسبني مثله !
سعود : لاتفهمين الموضوع بهالطريقة يامنال ولا تاخذيه بحساسية .. انتي بتفحصين وانا بعد بافحص عشان ماتقولين اني أتهمك بشي ..
منال : سعود احنا لنا ست شهور بس متزوجين .. بعد سنة يحلها ألف حلال ..

####

عبير : يمه شخبار نهلة بنت جيراننا ؟؟
أم سعود : بخير الحمدلله قبل اسبوع زايرتهم وشفتها اهي وولدها ياحلوها !
عبير : ماعندها غيره ؟؟
أم سعود : لا ياقلبي بعد ماجابته أخذت من حبوب منع الحمل كم سنة لين خلصت دراستها وسببتلها ضعف بالمبايض وهذي هي تعالج
سعود : لا حول ولا قوة الا بالله .. والله الحبوب والأدوية ماوراها الا المشاكل والبلاوي ..
ام سعود بابتسامة : انتبهوا منها ..
منال : اي بعد هذا الي نقص أدخـّل سم بجسمي !!!

####

سعود : صارلك كم يوم تعبانة ومو مشتهية لا تاكلين ولا تشربين ومو راضية تروحين المستشفى لاتصيرين عنيدة يامنال حتى بصحتك !
منال : انت لو تبي توديني عشان صحتي اوكي لكن تبي توديني بس عشان تبي تشوف هذي الاعراض حمل أو لاء !
سعود : واذا كنت باشوف !! انتي شالمشكلة الي تعانين منها بافهم؟؟؟؟؟
منال : انا طيبة ومافيني شي ياسعود .. اليوم بروح لأهلي وأوعدك اروح انا وخالتي المستشفى وأفحص وأطمنك بكل شي
سعود : وليه ماتروحين معاي .. ؟؟
منال بحرج مصطنع : تقدر تقول أنحرج منك .. خلاص سعود بروح مع خالتي وانت قدّر هالشي لانها أمور تتعلق بالحريم صعب أفهمك اياها ..

####

سعود : متأكدة ؟
منال : ايه ياسعود .. كل شي سليم الحمدلله
سعود بارتياح : الحمدلله ..
منال بتردد : لهالدرجة .. يهمك موضوع الحمل ؟؟
سعود : أكيد ياقلبي .. ودي أجيب أول حفيد بعيلتنا أفرح فيه أبوي وأمي .. لكن دام اتطمنت ان كل شي فينا سليم يصير نخليها على الله والله كريم ..

####

رفع سعود راسه للأعلى وأهو يعض شفاته بقهر والموية تنسكب على وجهه ياعساها تطفي اللهيب الي يشتعل بكيانه !
كيف كنت غبي !! ساذج !! كيف صدقتها !! كيف صدقت أكذوبتها وخليتها تضحك علي طول هالفترة !! بعض كراتين الحبوب فاااااضية وهذا دليل انها تاخذ منها من أول ماتزوجنا !!

ماتبي ولد مني !! تدري برغبتي وحرصي على الولد .. وتخدعني بهالشكل ؟؟؟ تدري وله أبوي وأمي على الحفيد وتخذلهم بهالطريقة الحقيرة .. ياحقيـ ـ ـرة .. يامنـ ـ ـال !

أنهى الشاور بعد ماحس انه يحترق تحته اثر النيران المشتعلة بكيانه .. لبس ملابسه واهو مو داري الخطوة الجاية وش بتكون ؟؟؟ فتح باب الحمام ووقعت عيونه على منال واهي قاعدة على الكنب وقدامها على الطاولة صينية الأكل !
هو قال انه يبي ياكل ؟؟ هو قال انه جوعان ! كيف حس الحين باللوعة يوم شاف الأكل قدامه !
نقل بصره بين الصينية وبينها بنظرة صارمة .. وتجاهلها ومشى عنها ..
منال باستغراب : سعود شفيك ليه ماتجي تاكل ؟
سعود واهو يفتح دولاب ملابسه وبنبرة واقفة : عليك بالعافية .. (( وطلع له ثوب ولبسه ..
منال : وين بتروح الحين ؟؟؟ مو قلت تبي عشا !!
سعود : قلت ابي والحين مابي .. انسدت نفسي خلاص !
منال : يعني تتعبني بس على الفاضي ؟؟ لعبة انا عندك جهزيلي عشا واذا جبته تقول مابي !
سعود بانفعال غريب : منال ابلعي لسانك دام النفس طيبة عليك !! و مالك شغل فيني أسوي الي أبيه !
وتركها مشى لباب الجناح وخبط فيه وطلع !

منال اتسمرت عيونها بالباب الي طلع منه واهي مو لاقية تفسير لتغيره المفاجئ ! هذا شالي قلب مزاجه فجأة بسم الله !! عشاني بس قلتله ليه ماتعيشت برا !! مالت عليك وعلى الي سمع كلامك وسوالك شي .. وشالت الصينية وودتها للمطبخ وتركتها على الطاولة ولا كلفت نفسها ترجع الأكل بالقدور .. !


طلع سعود وركب سيارته ومشى فيها واهو يحس الدنيا ضايقة فيه .. مو لاقي تفسير واحد يفسر أخذها لهالحبوب من اتزوجها لهاليوم ! كيف لعبت لين كوّنت غباش على عيونه منعه من رؤية الحقيقة .. شالي كانت تهرب منه وليش كانت تهرب ! شالي كانت تخشاه وليه تخشاه ! بايش كانت تفكر وكيف اهو ماحس فيها ولا درا عنها !!
طلعت تنهيدة طويــــــــــــلة ملتااااعـة من صدره !!

ماشي بطريقه مايدري وين يروح .. وش اسوي معاها الحين ! أضربهـا ! أذبحها ! أطلقهـ ـ ـا !
آآه شهالمصيبة الي مهببتها يامنال ! حرام عليك عشرتنا .. حرام عليك أهلي .. حرام عليك أبوك .. حرام عليك نفســك !!
ضرب الدركسون ودار فيه بقوة ودخل شارع يحمل مكتب الخطوط .. اهو الي يبي يهرب لآآخر الدنيا .. دنيا مابها صدمات ولا مواجع ولا دموع ..
وقف عند مكتب الخطوط الي باقي عليه دقايق ويسكـر .. وبسرعه نزل وخبط الباب ومشى للمحل ودخل .. وحجـز مقعـد لمصـر على أقرب طيـارة ممكنـة !


**********


طلعوا من المطعم وفتون حاطة إيدها على فمها وتمشي بخطوات سريعة للسيارة .. فتح لها فيصل الباب وركبت وسكره .. ومشى وركب مكانه والتفت يطالعها واهو مبتسم بحنية !
فتون : خلاص مابي آكل يافيصل روح البيت ..
فيصل : لا نجرب مطعم ثاني ..
فتون : مابي يافيصل ريحة الأكل نفسها تلوع الكبد .. زين مارجّعت قدامهم والله ..
فيصل : بس عاد لازم تاكلين من الصبح ماحطيتي بفمك شي ..
فتون : شسوي فيصل الاكل صاير يلوع الكبد مدري شلون كنت آكله قبل !!
فيصل : هههههههههههههههههه يعني بالله كنتي تاكلين قبل أكل يلوع الكبد ؟؟ انتي الحين بس الوحام متعبك بس تعدي هالكم شهر تتحسنين ان شاء الله ..
فتون : الله يعديها على خير تدري روح السوبر ماركت !
فيصل واهو يحرك السيارة : نروح السوبر ماركت ! بس شتبين فيه ؟
فتون : خرابيط .. أحلى شي الخرابيط مالها ريحة وطعمها حلو ..
فيصل : يالله أزين من ولا شي ..

مشى فيصل لين لقى سوبر ماركت كبير على الطريق .. وقف عنده ونزل أهو وفتون ..
دخلوا وأول مامشى فيصل قالت فتون : خذ عربية فيصل ..
فيصل : عربية مرة وحده .. ليه وش بناخذ احنا !
فتون : ماتدري يمكن ناخذ أشياء كثيرة عاد انا غرامي السوبر ماركت
فيصل : زين ناخذ سلة .. وأخذ سلة صغيرة ومشوا سوى داخل السوبرماركت .. وصلوا لسيب الشبسات وفتون قالت : ايييييوة هذا المطلوب .. (( ومشت للشيبسات تتخير منها لين شافت نوع بالتشيز عجبها أخذت كيسر كبير ورمته بالسلة ..
فيصل : كبير هذا يافتون لو تاخذين من الاكياس الصغار أحسن لك هذا لو فتحتيه وماكملتيه بينشف عليك ..
فتون : امممممم صح .. (( أخذت الشبس ورجعته مكانه وسحبت كيــس درزن كامل من اكياس الشبس الصغيرة داخله ..
فيصل وأهو يمثل بإيده : حبيبتي انا قصدي شبس صغير واحد يعني ..
فتون : ههههههههه لا انا مافهمت آخذ هذا وخلني على ما أنا عليه .. (( ورمت الكيس بالسلة وفيصل يقول : خلاص اتعبت السلة بهالكيس ماعاد فيه مكان ثاني لشي ..
فتون واهي تمشي : قايلتلك عربية أحسن ماسمعت كلامي .. (( ولفت لجهة الحلويات وهنا بغت تدوخ عندها ..
فتون : ياربي شآآآآآآخذ واش أخلي .. ؟؟؟
فيصل بمزاح : فكّي نفسك من الحيرة ولا تاخذين شي ..
فتون واهي تضحك : قصدك أفك نفسي من الحيرة وآخذ من كل شي ..
ومافي نوع من الشوكلاته ماسحبت منه ورمته بالسلة وفيصل عيونه مبققه بالسلة وفتون تضحك عليه ..
وبعد مافرفرت كل مكان راحت ناحية العصيرات واختارت من كل الأنواع ..
فيصل : اقول اوقفي هنا بروح أجيب عربية وأجي كسرت ايدي السلة بالاغراض الي فيها ..
فتون : هههههه ياعمري لا خلاص خلصت ..
فيصل : خذي الي تبين والله .. بس ليتني طعتك وجبت عربية من البداية
فتون : الي مايسمع كلام زوجته يضييييييييييع ..
فيصل : أها كح كح ..
فتون : ههههه اسم الله عليك .. هذا انتوا توجعكم الحقيقة ..
فيصل : أقول خلصتي ؟؟
فتون واهي تتلفت : امممممم شكلي ..
فيصل : اوكي يالله بيسكرون للصلاة خلينا نلحق نحاسب .. (( مشوا سوى وفتون سحبت جالكسي من السلة وصارت تاكله واهي تمشي ..
فيصل ابتسم وقال : الحين شلون بنحاسب عليه ..؟؟
فتون : عطه الورقة فاضية ويحاسب عليها
فيصل : وانا الي كنت اضحك على الرجال الي يوقفون قدامي اذا سووها واقول مالت على بزرانهم مايصبرون ..
فتون : ههههههههههههههه خل الشماتة تنفعك الحين زوجتك تتوحم ومافيها صبر ..
فيصل بضحكة : هي جت على الوحام يابيبي ؟؟
فتون بدلع : اي انا طفلة بمرتبة الشرف ..
فيصل بتنهيدة ضحكت فتون : يعـين الله ..

وقفوا عند الكاشير وحاسبوا والمحاسب يدوّر بطرف عينه عن طفل معاهم .. واهو الي مالقى بالسلة غير حلويات وشوكولات وشبسات وعصيرات .. * _ ^

شال فيصل الأكياس ومشى اهو وفتون وأول ماطلعوا دق جوال فتون ..
طلعت فتون جوالها ولقت حنان المتصـلة ..
ردت بمرح : اهلين خالتوووو ..
حنان : هلا فتون حبيبتي شلونك ؟؟؟
فتون واهي تمشي ورى فيصل للسيارة : تمام الحمدلله شلون سيوووووفي ..
حنان : ههههه طيب يسأل عنك ..
فتون : وهـ ياناااااااس وحشني العسسسسسسسسسل ..
حنان : يالله دام وحشك تعالي شوفيه ..
فتون : اكيييييييد بجي عشانه ..
حنان : شكلك والله هذا انتي سألتي عنه وماسألتي عني !
فتون حطت سبيكر واهي تركب السيارة وتقول : ههههههه صدق ؟؟ ياقلبي طيب شلووونك !
حنان : بدري .. اسمعي بس ..
فتون : هلا ..
حنان : تعالي عندنا أهلك بيجيون يزورونا !
فتون : مين أهلي ؟؟
حنان : جدتك وعمتك أم وجدان ؟؟
فتون : جدددددد ؟؟ ماما منيرة بتجيكم !
حنان : ههههههه ايه ..
ركب فيصل السيارة وسمعهم وقال : جهزولي غدا ياحنان لا آكل ولدك اذا شفته ..
حنان : اسم الله شهالشفاحة !
فتون : من الصبح ماكلينا ورحنا مطعم لاعت كبدي وطلعنا بدون ماناكل ..
حنان : ياعمري يافيصل اجل هي تتوحم وانت تجووووع ..
فتون : ايه مو ولده .. خلاص لازم يشاركني المعاناة ..
فيصل : اشاركك يمه بالي تبين الا بالجوع عاد انا اذا جعت أكفر ..
حنان : ههههههههههههه ياقلبي عليك خلاص نجهزلك غدا ويالله تعالوا ..
فتون : اووكي ..

وسكرت منها وراحوا لبيت أبو فيصل ..
كانت حنان ومنى قاعدين بالصالة وكل وحده ترضع ولد الثانية ! * _ ^
حنان واهي ترضع سديم : يوووووووه يابنتك كنها تدري انه مو صدر أمها شوفي كيف عاقدة حواجبها وترضع واهي معصبة ..
منى : ههههههههههههههههه فديت بنتي الوفيّة .. مو ولدك الي كل من شاله دور عنده الصدر ..
حنان : ههههههههههههههه هذا يدل انه بيطلع اجتماعي اسم الله عليه

دخلت ساره الصالة واهي شاقة الضحك بفرح مامثله فرح .. بوجود حنان ومنى عندها هالفترة مع البيبين الي شوي وتنخبل من فرحتها فيهم ..

غمزت منى لحنان واهي تطالع ساره الي ماتدري عن الرضاعة .. وركضت وقعدت جمب حنان وطالعت البيبي .. لقتها سديم !!
عقدت ساره جواجبها وقامت بسرعه وراحت لمنى لقتها ترضع سيف !!
شهقت واهي تنقل بصرها بينهم وقالت : تراكم ملخبطييييييييين !!!!

كتموا ضحكاتهم وحنان قالت بتمثيل : يوووووه !! رضعت بنت منى مو ولدي !!
منى كملت التمثيل : ايييييي والله !! شلون مانتبهنا ياحنان !!!
حنان : يالله يامنى الحين وش نسوي !!
منى : مادري ! قولي ياساره وش نسوي الحين لخبطنا وكل وحده أخذت بيبي الثانية !!
ساره بضيق : خلاص كل وحده تاخذ بيبيها ومره ثانية لا تلخبطون..
حنان : بس الحين صارت سديم بنتي و سيف صار ولد منى !
ساره واهي موسعة عيونها : ليييييييييييييييييش ؟؟
منى : عشانا رضعناهم !!
ساره : وماصارت سديم بنتك !
منى : ههههههههههههههه الا ياقلبي سديم صار لها أمين الحين ماما منى وماما حنان ..
حنان : وسيف صارله أمين ماما حنان وماما منى ..
ضحكت ساره وبوجهها علامات التعجب وركضت واهي تقول : بروح أقول لمشعل ..
ضحكوا عليها وحنان شالت البنت وحضنتها وقالت : يااااااي صارت بنتي هالسدوووم ..
منى : ههههههههه أخيرا كملت احسانها وكملتها خمس رضعات ..
باستها حنان بحنية ورجعتها لمنى وأخذت ولدها واهي تقول : فيصل وفتون جايين بالطريق قومي بدلي هالقميص الي عليك .. << تقصد قمصان النفاس الخاصة بالترضيع
منى واهي تضحك : ترا مب أشين من قميصك ..
حنان : ههههههههه هذاني بقوم أبدّل ..
أخذت منى بنتها وراحت لغرفتها تلبس ..

دق الجرس وركضت ساره تسبق الخدامة للباب ..
واتي : شوي شوي سوسو بعدين طيح ..
ساره : لا خلاص انا صرت طيبة الحين ماطيح ابدا ..

حنان من داخل الغرفة : وااااتي حطي الغدااااا بالصااااالة عشان فيييييصل ..

واتي من برا : هذا مافي فيييييييييصل .. هذا خالد ومراااااام ..

منى من داخل الغرفة : باللـــــــه .. ؟؟ وااااتي خلي مرااااام تجيني الغرفـــــة

واتي : طيييييب

فتحوا الباب ودخل خالد ومرام وركضت ساره على مرام وحضنتها
مرام واهي حاضنتها : شلوووونك سوسو ..
ساره : كويسة .. بقول سر !
مرام واهي منزلة راسها لساره : وشو ؟؟
التفتت ساره تطالع خالد وضحكت بحيا ..

مرام : هههههههه يالله قولي بإذني ..
وانحنت لها وقربت ساره لاذنها وقالت لها بهمس : ماما حنان صارت ام سديم ومنى صارت ام سيف !
مرام بمرح : صددددددق سووووها خلااص ؟؟
هزت ساره راسها بمرح ..
خالد واهو يعلك : شالسالفة ؟؟
مرام واهي توقف : البنات رضعوا عيال بعض حلووووو صاروا اخوان بالرضااااعة ..

" مراااااااااااااام "

سمعت مرام صوت منى تناديها من داخل مشت واهي تقول : جااااااية ..

فتحت الباب ودخلت وشافت سديم بالمنشفة ملفوفة توها مروشتها منى ..
مرام بجنون : وااااااااااا قللللللللللبي هاتيها هاتيها انا بلبسها ..
منى : طيب تعالي آخر الغرفة أدفا ..
مرام : طيب (( وفصخت عباتيها ورمتها على السرير ومشت وأخذت سديم واهي تطالعها بحنية وهوس .. وقعدت على الارض ..
فرشت منى مفرش البنوتة وحطت لها اغراضها بربتوز وردي يجنن .. وبودرتها والكريم ..

نزلت مرام البنوته بخفة على المفرش وبدت تتعبر بتصيح ..
انسحرت مرام على شكلها واهي منزلة فمها على تحت وصرخت : لاااااااتسوين كذا لا أنهببببببببل ..
صاحت البنوتة ومنى قالت : وجع فجعتيهاااااا
مرام : هي تسحرني بحركاتها الحمااااااااااااااااره (( انحنت عليها وباستها واهي تقول : بس بس حبيبتي والله آسفة سدومة انتي طيب لا تسوين بوجهك حركات تسحر عشان ماأزعق لاني ماتحمل ..
منى : هههههههههههه احلفي ياشيخة
ضحكت مرام وقعدت وصارت تدهنها بالكريم والبودرة وطووووولت واهي تلبسها وبنعومة تمسك ايدها وتدخلها وتصك أزاريها ومنى قالت : للحين ماخلصتي ..
مرام : هذاني خلصت حطيلها بنسة ملونة بطرف شعرها والله تطلع جنااااااااااان ..
منى : ههههههه ياسحري .. بس اخاف تعور راسها لبسيها بس الطاقية عشان لايضربها هوا المكيف ..
لبستها مرام الطاقية وصكتها من تحت حلقها وشالتها واهي منسحرة منها .. وقفت ومشت فيها للمراية واهي تكلمها وتقول : ياعسل انتي شوفي هذا القمر الي بالمراية سدووووومي ..
ضحكت منى واهي تشوف مرام واقفة بسديم عند المراية وراسهم جمب بعض وقالت : مرام تصدقين سديم تشبهلك !!
مرام : ياااااحظي أنااااااا هالملاك يشبهلي ؟؟
منى بضحكة : والله جد تشبهلك انتي أكثر مني .. اقعدي بالله خليني اصوركم ..
قعدت مرام على الكنبة الصغيرة ورفعت سديم لجمب وجهها وأخذت منى الكامرا وصورتهم صورة من أحلى الصور ..

اندق الباب وقالت منى : اتفضـــــــل ..
انفتح الباب ودخلت فتون وشافت مرام واهي قاعدة على الكنب وقدامها منى بالكامرا مشت بدون ماتسلم وحشرت نفسها بين مرام وسديم تبي تتصور معهم وضحكوا عليها وصورتهم منى
شالت فتون سديم من مرام واهي تقول : هاتيها الطعمة هذي الي أخذت العقل كله ..
منى : خلاص خذوها واطلعوا برا ببدّل أنا ..

قاموا البنات وطلعوا .. وكان خالد قاعد مع فيصل بالصالة ..
خالد شاف فتون واهي جاية بالبيبي وتبوسها وقال : هلا بالحامل والمحمووووول ..
فتون : هلابييييك ..
فيصل : هاتيها الحلوة هذي ..
ناولته فتون البنوته وقعدت ومرام رمت نفسها واهي تقول بتنهيدة : تجنن !
خالد واهو يهز راسه انه هيمان : انتي الي تجننين
فتون : احم احم .. (( وكشت على مرام واهي تقول : مالت ..
مرام : مغترة علينا يالخاينة عشان الي ببطنك !
فتون وليش تقولين خاينة ؟؟؟؟
مرام : هذي آخرة الوعووووود والعهوووود ونحمل سوى ونجيب البيبي سوى .. حملتي قبلي بدون ماتخططين معاي !
فتون : هههههههههههههههههههههههههههههههههههه صح هو بكيفي!
مرام : أجل بكيف ميييييييين ؟؟
فتون : رب العالمييييييين !
مرام : ايه سكتيني بس ..
فتون : شدي حيلك انتي يالله !
مرام : ليه هو بكيفي ؟؟؟؟
فتون : اجل بكيف ميييييين ..
مرام باستهبال : رب العالمييييييين !

فيصل : استخفوا ذولا .. يالله انا باطلع مع خالد ..

فتون : اتغديت يافيصل ؟؟؟
فيصل : لا طلع حتى خالد ماتغدا وقلنا نطلع نتغدا سوى !
فتون تكلم خالد : وانت ليه ماتغديت ؟؟
خالد يصطنع الاستياء : محد طبخلي ولا غداني ..

فتون تكلم مرام : وليه ماطبختي لزوجك ياعيني عليك !
مرام باستهبال تقلد فتون : دايخة وحاسة بلوعة وغثيان وماقدر اوقف ..
فتون : هههههههههههههههههه اسخري يادوبا اشوف فيك يووووووم
مرام : ههههههههههههههه لا ان شاء الله أطلع مثل امي تقول ماتعباها بالوحام ..
فتون : بس لابد من التعب حبيبتي أكلي زوجك وغذيه من الحين احسن لك ..
مرام واهي تضحك : يازينك يافتون اذا نصحتي ..
فتون : ههههههه اعجبك ..

وقفوا الشباب بيطلعون وفتون خذت البنوتة واهي تقول : طيب انا جوعانة !
مرام : حتى أنا ..
خالد : سخنوا الغدا هنا وكلوا أكيد باقي منه ..

فيصل : انتوا ليه ماتغديتوا للحين جد !
مرام : صحينا وفطرنا متأخر وماحسينا بجوع الا الحين ..

فتون : أنا مابي غدا البيت ..
فيصل : ها حبيبتي شتبين ؟
فتون : جيبولنا شي من برا بس مايكون فيه ريحة مو حلوة ..
فيصل : مو الريحة المو حلوة انتي بس الي تحسينها !
فتون واهي مكشرة : خلاص أجل الله يخلي شبساتي نزلي اياها من السيارة ..
فيصل : من عيوني ..
ابتسمت فتون بدلع .. ومرام قالت : الله لنا ..

خالد : انتي اتوحمي وشوفي شلون أدلعك ..
مرام : الدلع الي مايجي الا من ورى التعب مابيه .. وبالله عليكم خلاص لاتقعدون تدقون بالحكي اذا الله كتب لي حمال حملت يووووه ..

عقد خالد حواجبه مستغرب من حمقها المفاجئ .. بنفس الوقت الي طلعت حنان شايلة ولدها وسلموا عليها وعلى ولدها ولاعبوه شوي وطلعوا .. وفيصل نادى مشعل عشان يعطيه خرابيط فتون ..
طلع مشعل معاه .. وشوي وجا يركض بالاغراض واتربع بالصالة بحماس وكبها كلها على رجوله

فتون : مشعلوووووووووه حلويااااااااااااااتي ..
مشعل : اصبري بالله عليك هذي الشوكلاااااته أدورها من زمااااااااااااااااان ..
فتون : مشعل اترك لاوريك حرام عليك انا ما آكل الا هالاشياء بس

حنان : مشعل عيب عليك اترك أغراضها واهي تعطيك

مشعل : انا مع الشوكلات ماعرف العيب كللللش ..

قامت فتون ناحيته واهو سحب الي عجبه ونط واقف تارك الحلويات مكانها ..
فتون : والله لو مالتعب الي فيني كان لاحقتك ووريتك لكن انا أعلّم فيصل عليك ..
مشعل : يووووو ذلتنا بهالتعب وهالفيصل الي يهش الذبان اذا مر قدامها ..
فتون : هههههههه مالت عليك انت وامثالك .. ((ولمّت حلوياتها ورجعت للبنات ..


ركب خالد السيارة جمب فيصل وطلع جواله وكتب مسج وأرسله ..
وبعد ثواني رن جوال مرام الي كانت متضايقة من زن الكل عليها بالحمل ..

أخذت جوالها وفتحت المسج وقرت :
!!
ليه الزعل ياقمر سماي ؟؟
يابلسم جروحي ودواي
تحلى دنياي بضحكتك واذا زعلتي اتعكر صفاي
ابتسمي مرامي يانبض قلبي وهواي
!!

ارتسمت أحلى ابتسامة على شفاتها واهي تعيد قراية كلماته المفعمة بأرق معاني الغرام .. اختارت اضافة رد وتاهت مابين الحروف ! طال الوقت محتارة ومو قادرة تعبر عن احاسيسها الي غمرتها هاللحظـة ..
وفجأة دق الجوال بايدها ..
شافت اسمه وردت واهي تضحك : ههههههه هلا ..
خالد : فديت هالضحكة .. وينك مارديتي ؟؟
مرام : هذاني برد الا انت دقيت ..
خالد بحنية : ليه زعلتي حياتي ؟
مرام تهمس بحمق : خالد ماحب النق الكثير .. لا منك ولا من غيرك مو عشان فتون حملت خلاص انا صار فيني بلى الحين !
خالد : أحد قال كذا ؟؟
مرام : هذا معنى كلامكم ..
خالد : لا ياقلبي ماحد يقصد هالشي بس يبون يفرحون فينا زي مافرحوا بغيرنا ..
مرام : واحنا بعد ودنا بس الله يكتب الي فيه خير
خالد : يوه منك اذا عصبتي تصيرين موحلوة تخرعييييين ..
مرام : هههههههههه شسوي فيكم انتوا تعصبوني ..
خالد : روّق ياعصبي وقوليلي ..
مرام : ها حبيبي ..
خالد : أجيب لك معاي شي ؟؟
مرام : اممممم مادري بشوف ان ماكليت شي بدق عليك ..
خالد : أوكي عيوني أجل أخليك ولا تقعدين تهلوسين ..
مرام : هههههه أوكي .. باي ..
ومحت مكالمة خالد أي أثر للزعل بخاطرها ..

طلعت منى بعد مالبست وردي مثل بنتها ومشت وقعدت جمب فتون وهمست : أخبار عبير ؟
فتون : على ماهي عليه ..
عبير : مادق زوجها ؟
فتون : أبد اتخيلي !!
منى : الحمدلله والشكر يعني زعلان !
فتون : مدري عنه ياشيخة يتغدا فيها قبل تتعشى فيه ..
منى : واهي مافكرت تدق ؟؟
فتون : لا وليش تدق بالله ! اهو مو زعلة ويراضيها عليها .. اهي سالفة لازم تنحل وتنتهي بدل المشاكل الي كل مالها تزيد وهم بهالبيت ..
منى الي مو عاجبها الوضع أبد .. قالت : بس برضو مايصير الاثنين يعندون واحد لازم يتنازل ..
فتون : اختي الي دايم تتنازل يامنى وتصبر وتتحمل وتتعب لجل سواد عينه .. شفيها لو تنازل اهو هالمره !
منى : صادقة بس تتفاهم معاه .. شوفي صارلهم كم محد دق على الثاني واثنينهم محترقين على بعض .. لازم أحد كبير يتدخل ..
فتون : عبير ماتبي أحد يتدخل أبد ..
منى : أما عبير اذا عنّدت تستشر ! انا بكلمها اتفاهم معاها ..
فتون : لاتقوليلها ترجعله بدون حل يامنى .. معليه انا مابي أقولها هالحكي بس اقوله بيني وبينك .. المفروض يبوس ايده وجه وقفا انها راضية تعيش معاه وتحبه وتموت فيه بعد واهو ينقصه الي انتي خابرة ..
منى بضيق : انتي لاتقولين لعبير هالكلام يابنت !
فتون : أدرررري .. أنا اقولك انتي .. مابي نضغط عليها واهي مضحية بحياتها عشانه .. واهو واعدها يحقق لها الي تبي وهذا آخرة الوعود !! بيت مو راضي يطلعها فيه ! لا بصراحة شي يقهر ..

نزلت هالوقت أم فيصل وشافت البنات متجمعين وابتسمت بفرح واهي تقول : هلا والله ببناتي ..
قاموا مرام تسلم وفتون حاولت تضبط أعصابها بسبب سالفة اختها الي مأثرها فيها حيل وسلمت على خالتها وقعدوا

مرام : طيب انا جوعانة الحين شالحل ؟؟
ام فيصل بمزح : وليه جايتنا جوعانة ماتغديتي ببيتك !
مرام : فطرنا متأخر عاد وماطبخت ..
أم فيصل : بيجونا أهل صالح وبنطلب عشا ..
مرام : مافيني صبر (( ومدت ايدها لفتون واهي تقول : هاتي الكيس الي عندك اشوف ..
فتون : يالييييييييل كلهم حطوا عيونهم على أكلي ..
أم فيصل واهي تطالع الكيس : هالخرابيط تسمينها أكل يافتون ؟؟
فتون : شسوي خالتي ريحة الزفر والطبخ تلوع الكبد ..
أم فيصل : زين كلي خس خيار اشربي حليب كلي فاكهة هذي كلها مالها ريحة بس انتي ماتبين الا هالخرابيط ..
فتون : هههههههه فديت خالتي فاهمتني ..
مرام مانتظرتها وقامت سحبت الكيس وطلعت منه كم شوكولاته ..

ساره بحيا : أبي وحده ..
فتون : انتي لك الكيس كللللله ياقلبي
ساره : هههههه شكرا ..
حنان : تعالي سوسو تعالي ..
مشت ساره وقعدت جمب حنان .. وحنان حضنتها واهي تقول : سوسو مين بيجينا اليوم ؟؟
ساره : أهل عمو صالح
حنان : ومين أهل عمو صالح ؟
سكتت ساره شوي .. بعدين قالت : أمه .. ماما منيرة !
حنان : صــــــــــــــــــــح .. وعمته الي عندها بنتين دايم يجيبولك هدايا وحلويات ..
ساره بمرح : وجدان و بشاير !!
حنان : شطوووووووووورة سوسو يابعد عمري انتي (( ولمتها أكثر واهي تطالع ام فيصل الي شقت الضحكة وقالت : الحمدلله كل مالها أحسن ..

دخل مشعل الصالة واهو يمشي بسرعه ويقول : وائل بيجي معاهم ..
أم فيصل : صدق ؟؟؟
مشعل : ايه تو كلمته قلتله تعال مع جدتك قال أصلا نهى بتجي قلت خلاص تعال ..
أم فيصل: الله يحيي الجميـع ..

وعلى المغرب جت الجدة وبنتها سعاد وبناتها وجدان وبشاير ونهى ووائل ..
استقبلوهم بمجلس الضيوف وكان فيه سريرين سديم وسيف ..
واحد وردي وواحد أزرق * _ ^

مشعل أخذ وائل لغرفته الي صار فيها تلفزيونه والبلاي ستيشن بعد ماحقق أمنيته الي تخبرونها ..
والبنات قعدوا سوى يتبادلون البيبيهات .. كل شوي وحده تشيل بيبي وتنسحر عليه وتاخذه الثانية لين قالت الجده : ملعتوا ايدين الصغار .. امهدوهم ياويلكم من الله ترا المهاد أكربلهم ..
قامت حنان شالت ولدها ومهدته بالكوفلة .. ومنى نفس الشي وحطوهم بسررهم ..

نهى : بشاير ههههههههههههههههههههه
بشاير : شفيك ؟؟
نهى : شكل سيف رجع عليك شوفي كتفك موصخ !
شهقت بشاير وفزت وضحكت نهى عليها وقالت : تراه مو دودة تتروعين هههههههههههه
بشاير اتفشلت وقالت : الله يخس ابليسكم وين الحمام !
نهى : اطلعي برا دوريه
بشاير : احلفي ياشيخة ..

انتبهت مرام لبشاير واهي واقفة وقالت : بشاير تبين شي ؟؟
بشاير بحرج : اممممم المغاسل .. سيوف الحلو رجّع علي !
حنان : ههههههههه بالله مايستحي على وجهه !
فتون : مسك وعنبــــــــر
حنان واهي تغمزلها : أعبيلك قاروة !
فتون : ههههههههههه لا مشكورة ..

ورتها مرام مكان المغاسل ورجعت ..
وبعد ساعة قدموا العشا ومرام قالت بهمس : من كثر الجوع ماعاد أحس بجوع ..
منى : وفرتي أجل امسكي بنتي خليني باكل ..
مرام : يوه ماصدقت على الله ..
منى : غيريلها تكفين ..
مرام : حبيبتي انا ألعّب وأبوس ايه أغير حفايظ لااااااا ..
منى : اتعودي من الحين خذيلك خبرة ..
مرام واهي تأشر على فتون : خلي هذي الي تاخذ خبرة ..
فتون واهي توقف : انا بروح آكل ..
ضحكت منى عليها ومرام أخذت البنوته وطلعت تغيرلها .. " فديت خالة عيالي وهـ بس "


بعدها ودعوهم بعد ما أهدوهم أحلى هدايا .. ورجعت أم وجدان والجده للبيت ..
ومعاهم نهى ووائل والبنات .. قعدت أم وجدان مع أمها .. والبنات قعدوا قبال التلفزيون بعبايتهم .. وتهاوشوا على الريموت .. وبالأخير انتصرت وجدان بحجة انها عروستهم الكبيرة
* _ ^

دق جرس البيت وراحت الخدامة تفتح .. بعد شوي جت وقالت : مدام مريم جات ..
أم وجدان : ياحليلها هذي ام فواز ..
الجدة : صلحي قهوة ياكواتي ..

بشاير : يوووه هذي شجابها ؟؟؟
ام وجدان : بس بلا قلة حيا ..
بشاير : والله ماراح نتفرج براحتنا خالة مريم ماتحب تشوف خرابيط ..
وجدان : حطي على المجد من الحين احسن من الفشلة اذا دخلت
نهى : بس والله خالة مريم طيوووووووبة واحسن مافيها دينها ..

انفتح الباب ودخلت أم فواز .. قامت ام وجدان ورحبت فيها وسلمت عليها وقاموا البنات يسلمون ..
سلمت أم فواز على الجدة وقعدت واهي تقول: اعذريني ياخالتي صار لي فترة ماجيت سلمت عليك .. بس والله ولدي عندي هالايام جاي إجاوة ومنشغلة معاه ..
الجده : يابعدي والله شلونه وكيف دراسته ؟؟
ام فواز : بخير الحمدلله يسلم عليك والله للحين مانساك ويذكركم بالخير
أم وجدان : عشرة عمر يا ام فواز هالجيرة الي جمعت بيننا من سنين ..
أم فواز : اي والله ويشهد الله اني أعدكم من حسبة أهلي ..
ام وجدان : ماعندنا شك والله .. مافكرتوا تدوروله عروس ..
ام فواز بابتسامة عذبة : والله بديت أطرّي العرس عليه بس يبي يخلص دراسته بعدين يفكر ..
الجده : الله يخارجه من هالغربة على خير ويرده وكل مغترب سالمين غانمين ..
(( يابعدي ياماما منيرة آآآآآآآآآآآآآمين ))

التفتت ام فواز تكلم البنات : شلونكم يابنات .. شلون عروستنا وجدان ؟؟
وجدان : هههه بخير الحمدلله انتي شلونك خالتي ؟؟
ام فواز : الحمدلله بخير .. وانتي يانهى شلونك شلون أخوانك ..؟
نهى بابتسامة واسعة : طيبين الحمدلله ..

رجعت ام فواز تسولف مع الجده وأم وجدان وبشاير قالت بهمس : ياحلوها عطتنا وجه !
نهى : قايلتلكم هالانسانة حبوبة وطيبة مرررره ..
وجدان : وع على زوجها الي طلقها وترك هالزين مالت عليه ..
بشاير : ماتدرين عن الظروف احنا شدخلنا بعد ..
نهى : ههههههههه وجدان من ملكت صاير تتفلسف بالزواج والطلاق الله لايبلاك بس
ضربتها وجدان واهي تقول : وجع ماتعرفين تمزحين ..
نهى : ههههههههههههههههههههههه
التفتت أم فواز لضحكة نهى وابتسمت لها ونهى استحت منها واهي تحس بارتياح لهالانسانة !


******

()
تمـ ض ــى الليالي والزمن فيها يدور
ويبقى الشـ ع ـور الداخلي نفس الشـ ع ـور
(ياخوي) يا عزوتي يا ضـ ح ـكتي وبكاي
يا من على فزعتي يمـ ي ـنه في يمناي

من لي سواكـ اللي على اكتافهـ ارتجي ؟
لي بان الوقت واخاف فيكـ الدهر !
انت ~العضيد~ الي أشق فيهـ الضهر
(يا اخوي)
()

سكرت عبير من منى بعد ما حكت معها وطلّعت الي بخاطرها .. ومنى احتوتها بكل ود ونصحتها تدخل سعود أخوها أفضل من أبوها ..
ماتنكر شكثر ريحتها مكالمتها مع منى وزرعت بذور الفرح بأعماقها .. اهي بنت خالتها وصديقتها وتوأم روحها .. ياما فهمتها من نظرتها وترجمت لها عيونها لغات الحزن المكنون ..

طلعت من غرفتها ونزلت وإهي ماسكة الجوال بإيدها .. كل مابين لحظة والثانية تلقي نظرة عليه بطرف عينها ياعسى يدق أو وصلته رسالة ! لكن بكل مره تذبل ورود أملها لان الحاصل لا شي !
نزلت الدرج لقت أمها وسعود قاعدين بالصالة ..
سمعت أمها تقول : وكيف بتعلمها وتقنعها بسفرتك ؟؟؟
سعود بحمق مفاجئ : عسى عمرها لادرت ولا اقتنعت !!
أم سعود : أفا ياسعود شفيك عليها ؟ من حقها تخبرها بسفرتك وتعطيها سبب لهالسفرة ..
اتدارك سعود نفسه وأعصابه .. اهو كتم سالفة منال بأعماقه لين يلقى لها حل .. خبى النار وسط قلبه لا تحرق بها قلوب أهله معه .. خلي المواجع تكوي روحي بس لا تقرب من أهلي!

قال بضيق : بقولها سفرة عمل وخلاص عاد ! مو بكل مره باختلق أسباب لسفرتي الي راح تكرر كثير ! خلي أبوي يتصرف الحين دام اهو الي مو راضي أجيب زوجتي لهنا !

قعدت عبير وإهي تقول : انت تقول ابوي وتركي يقول ابوي ومابلانا الى حكم آبائنا .. هذا تركي مايبي يكسر كلمة أبوه يوم وعده يبقى ببيته على طول وخايف على زعله ورضاه .. وأنا مابي يعصي أبوه بس متأكدة عمي لو عرف أوضاعنا بيتفهم ويرضى نسوّي الي نبي ..
سعود : طال الوقت ياعبير وانتي تاركة زوجك .. أبوي وعمي ساكتين بمزاجهم صدقيني اذا اتدخلوا ماراح تفرحين .. فأحسن اتفاهموا انتوا مع عمي واقنعوه ..
اتجمعت الدموع بعيون عبير وإهي الي كابدت دموعها طول الفترة الي راحت .. وانحبست الكلمات بحلقها وأم سعوم قالت بحزن : حبيبتي لاتبكين وكل سالفة ولها حل ان شاء الله ..
عبير من بين دموعها : صعبان علي تركي أتركه لحاله . وعدته ما أخليه لو وش يصير بس والله الاوضاع كانت أقوى مني وفوق احتمالي !

سعود :وانتي ماغلطتي .. نوال هذي ماتتعاشر مبين من كلامها وحركاتها القرعا الي تسويها مع منال ومع الكل .. ولانتي ملزومة تتعايشين مع وحده بهالشكل لاشفتوا خيرها ولاكفتكم شرها لازم يفهم تركي هالكلام !
عبير : فاهمه ياسعود وداري عن هالكلام وعارفه .. لكنه شايل هم اخوانه يتركهم بلا اتفاق معها ولاحتى مع أبوه !
أم سعود : وعلى حساب راحتكم لا والله مافكرت ياتركي !

سعود : عبير شرايك أنا أكلمه واتفاهم معاه ؟؟؟
عبير بحزن : فكرت فيها ياسعود لكن ماتوقع يسمع لك .. خالد اتلقف من عنده وراح كلمه وقاله لو سمحت انا ماتدخلت بحياتك لاتتدخل بحياتي !
سعود : لا بس أنا مايقولي كذا .. تركي يحترمني وأحترمه وان شاء الله يسمح لنا نتفاهم ..
أم سعود : كلمه ياوليدي وحل الموضوع .. ابوك لو اتدخل بتكبر السالفة لكن انت واياه حلوه بيناتكم وحاولوا توصلون لنتيجة ..
سعود : ان شاء الله .. (( وابتسم لعبير وقال : امسحي دموعك ياقلبي مافي شي يستاهل .. تركي طيب ويحبك وماتهونين عليه !
عبير والعبرة خانقتها : أتمنى يكون هالكلام مستمر للحين ..
سعود : شدعوة عبير بينسالك كل شي عشان هالسالفة بس ! تركي أصيل وانتي أدرا به مني ..
هزت عبير راسها تحاول تجمع شتات الأمل المبعثر بكيانها .. وقالت : الله لايحرمني منك ياخوي ..
سعود وقف واهو يقول : ولا منك يارب .. يالله تصبحون على خير .. وبقولكم شصار معاي ..
أم سعود + عبير : وانت من أهله ..

مشى سعود للجناح واهو يطلع جواله ودق على تركي وبعد رنين طويل .. جاه الرد أخيرا ..
تركي : هلا والله ..
سعود : هلا السلام عليكم ..
تركي : عليكم السلام هلا سعود
استغرب سعود صوت تركي المتغير حيل وقال : هلابك تركي شلونك ..
تركي : …......... نحمد الله ونشكره .. انت أخبارك ؟
سعود : الحمدلله .. تركي شفيه صوتك عسى ماشر !
تركي اتنحنح يعدّل صوته التعبان وقال :شوية تعب ماعليك ..
سعود : صوتك مايسر سلامتك والله ..
تركي : الله يسلمك شدة بسيطة وتزول ان شاء الله .. آمر سعود بغيت شي ؟؟
سعود : بصراحة بغيت أزورك ياتركي .. ودّي أسولف معاك شوي ..
تركي : حياك .. انا بالبيت كل هالايام تعال أي وقت يناسبك ..
سعود : ليه ودوامك ؟؟؟
تركي : ماخذ اجازة هالاسبوع ..
سعود : افا .. شكلك تعبان حيل ياتركي ..
تركي : الحمدلله على كل حال
سعود : أجل أخليك ترتاح الحين و بكرا بعد صلاة الجمعة ان شاء الله أجيك
تركي : حياك ياخوي ..
سعود : الله يسلمك .. فمان الله

سكر سعود الجوال وصدره ضاق من هالوضع الي عايش فيه تركي من جهة وعبير من جهة ثانية !!
لوهلة كان بيعود أدراجة لوين ماهي عبير ويقولها عن تعب تركي وحاجته لها بهالوقت !! لكنه يعرف أخته لو درت ماراح تقعد بهالبيت ولا لحظة وبتنسى كل شي وتطير لزوجها وحبيبها .. وأهو يبي يحل السالفة بينهم عن لاتتكر مره ثانية وتظل عقبة بدورب سعادتهم !

كان باب جناحه مفتوح شوي .. دخل لقى منال قاعده على الكنب وأول ماشافته داخل قالت : كنت تكلم تركي ؟؟؟
مشى سعود ناحيتها وأهو مضيق عيونه فيها بنظرة ترمي سهام اللوم ! واهي حطت عينها بعينه تبي تفسر هالنظرة لين قعد وأبعد عينه عنها وقال باقتضاب : .…... ايه
منال : ياعمري عليه تعبان ولا عنده من يداريه ويعتني فيه ..
سعود تجاهل مقصدها وقال : مو بس أهو الي تعبان !
منال : صادق ! كلنا تعبانين ..
طالع فيها سعود بنظرة متفرسة وقال : شالي تعانين منه يامنال ؟؟
منال : ليه تسأل .. يهمك ؟؟
سعود : طبعا يهمني .. مو انتي زوجتي ؟؟ يهمني اعرف شالي تعبانة منه !
منال : التعب أنواع ياسعود .. وتعبي انا ماحد راح يفهمه ويحس فيه ..
سعود : انا أفهمك .. بس انتي احكيلي وقوليلي .. شالي تعانين منه بحياتك شالي ناقصك ومالقيتي من يحققلك اياه !
طالعت منال فيه بنظرة سريعة وشاحت بوجهها عنه واهي ماتدري شسر نظراته الي سارعت دقات قلبها .. بس كانت ملامحها أقوى من الهيجان الداخلي الي تعيشه ولا حسست سعود بشي وقالت : انا ماأعاني الا من شي واحد بس .. اني مو لاقية أحد يفهمني ..
سعود : لأن لغتك غريبة ومو مفهومة يا منال ! تتصرفين تصرفات صعب الواحد يلقى لها تفسير !
منال : سعود .. تلمّح لشي ؟؟
سعود : أشياء وأشياء .. تصرفات كثيرة تصدر منك مادري شغرضك منها ولادري ليه تسوينها وان سكت عنها فأنا أسكت بمزاجي أو انتظر الوقت المناسب عشان احكي ..
منال بثقة : زي ايش ياسعود !
سعود : وجهي هالسؤال لنفسك !
منال : شرايك انت بعد تسأل نفسك هالسؤال !
سعود : أنا أسأل نفسي ؟؟
منال : ايه .. حتى انت عندك تصرفات غريبة وماني لاقية لها تفسير ..
وقف سعود واهو يقول : يصير خلينا ساكتين أحسن !
منال : لاقول ياسعود لا تسكت ..
سعود : اقول خلينا بساعة رحمن وتصبحين على خير ..

كانت لحظة ممكن تنكشف فيها بعض الأوراق .. لكن سعود ماكان مستعد يدخل بدوامة دمار معها ومع الأهل لو كشف سرها .. ! لأنه يدري ان هالسالفة بتجر وراها سوالف وسوالف ..
واهو مو شايف قدامه الحين غير الهروب من هالدوامة لأحضان حبيبته وعد ..

طالعته منال واهو يمشي لفراشه ويتمدد عليه .. اتمنت تخترق أعماقه وتسبح فيها وتشوف شالي يسكن خواطره من أشياء يدري عنها واهي ماتدري عنها !!
وقفت واهي تحس بالضيق يكبت على صدرها .. ومشت وفتحت الأبجورة وسكرت النور ..

مشت للصالة وهي آخر شي تفكر فيه هاللحظة انها تنام ! ماتدري ليه أعصابها توترت من كلامه وأسئلته المفاجئة !
بالوقت الي المفروض أنا أوجه لك هالأسئلة تقوم انت تسألني ! شالتصرفات الي تقصدها ياسعود .. ! انا ماشوف اني غلطانة بأي من تصرفاتي .. انا كل الي أسويه صح بس مافي أحد فاهمني !!

قعدت على المكتب وفتحت لابتوبها واهي بالها مو معها بس تبي تمضي الوقت لين يجيها النوم .. وأي نوم الي بيجي مع ثورة مشاعرها وأفكارها هالوقت ..
مرت ساعة واهي قاعدة لين انتبهت للوقت واتذكرت حبتها اليومية الي متعودة تاخذها كل يوم بهالوقت .. اتذكرت انها ماخذتها ليلة البارح الله يستر على اللخبطة الي بتصيرلها !

سكرت لابتوبها وطلعت من الصالة واتوجهت ناحية تسريحتها .. مدت ايدها خلف السلة تبي تسحب الشنطة بس اتفاجأت بالفراغ الي صادفها .. عقدت حواجبها وميلت راسها خلف السلة لقت الشنطة مو موجودة !! استغربت اهي مخبية الشنطة بهالمكان وكل يوم تاخذ حبتها منه !! دورت بتسريحتها .. فتحت أدراجها .. مالقت أي أثر للشنطة !!

لاشعوريا طالعت بطرف عينها سعود واهو نايم !! معقولة يكون شافها وأخذها !!! معقولة اكتشف ؟؟؟ وعشان كذا يسألني ويحقق معاي ؟؟؟؟ أجل وين بتكون رااااحت !! وين يامنال حطيتيها اتذكري .. !!
مررت ايدها على شعرها بضيق واهي تسترجع وفجأة اتذكرت .. سولا !!!! ايه سولا أمس كانت ترتب غرفتي يمكن هي غيرت مكانها !!
مشت بسرعه وفتحت باب غرفتها وطلعت .. مافكرت وقتها مين صاحي ومين نايم .. تبي تطلع لسولا وتسألها عن الشنطة وتريح خاطرها ..

فتحت الباب الفاصل بين جناحها وبيتهم وحمدت ربها يوم لقته مفتوح .. مشت للدرج وطلعت بسرعه للدور الثالث وين ماهي غرفة سولا ..

وصلت لباب غرفتها ودقته دقات متواااصلة ورى بعض لييييين انفتح الباب ..
دفت منال الباب ودخلت واهي تقول : افتحيييييي .. (( ودخلت وفتحت النور ..
كشرت سولا بوجهها بسبب النور واهي الي كانت غاطسة بالنوم ..
منال بلا مقدمات : سولا اسمعي .. امس لما رتبتي غرفتي في كان على التسريحة شنطة .. ورى سلة الكريمات !! شفتيها ؟؟؟؟؟؟
سولا واهي تحاول تتذكر : فين هذا شنطة !
منال بضيق : ياسولا اتذكري تكفيييييين .. شنطة صغيره .. انا كنت حاطتها ورى السلة على التسريحة .. الحين جيت بشوفها مالقيتها ودورت بالتسريحة والادارج مافيه !!
سولا : أييييييواااااه .. هذا شنطة لون بني ؟؟
منال : اييييييييوة وين وديتيها !
سولا : انا سويت نظيف تسريحة بعدين حطيتها فوق الدولاب ..
وسعت منال عيونها وقالت : أي دولاب بالضبط !!
سولا : هذا دولاب جمب الباب ..
شهقت منال وحطت ايدها على راسها واهي مكشرة بقهر !!!!!!
سولا : اس فيه ؟؟؟
منال بانفعال : شالي اش فيــــــــه ؟؟؟؟ هذا دولاب سعود يالفالحة !!! شنطتي تحطينها فوق دولاب سعود ياحظي فيييييييك ياسولا !!
سولا : معليس مدام انا نزلت شنطة وسويت نظيف بعدين ماعرفت فين احط .…..
منال : اقول اهجدي خلصنا وخلاص !! مره ثانية شغلي مخك ورجعي كل شي مكانه فاهمه !؟

وخبطت بالباب وطلعت .. حسبي الله عليك من خدامة غبية !! مالقت تحطها الا فوق دولاب سعود ياويلي الحين بيشوفها ان ماكان شافها بعد !! لا لو كان شافها مستحيل يسكت ! وليه يسكت ؟؟ بالله بيكتشف اني آخذ موانع حمل وبهالكثرة ويسكت !! آخ الله يستر ..

نزلت الدرج لقت عبير واقفة عند الدرج وتطالعها وعلى وجهها علامات الاستغراب والتعجب !
انصدمت منال يوم شافتها ووقفت لحظات .. بعدها اصطنعت البرود وكملت نزولها ..
لكن عبير ماقدرت تسكت وقالت : شموديك فوق ؟؟؟
منال : وانتي شعندك تراقبيني !
عبير : انا كنت طالعة من غرفتي بانزل المطبخ الا سمعت صوتك فوق واستغربت !!
منال : شغلة فقدتها بغرفتي وطلعت أسأل سولا وين حطتها !
عبير : وتصحينها من نومها عشان تسألينها ؟؟؟؟؟؟؟؟
منال : الله وأكبر مصيبة يعني اذا صحيتها !
عبير : مهي مصيبة بس مافيها شي لو انتظرتي لبكرا وسألتيها ..
منال : موضوع مايحتمل التأجيل عاد !
عبير : حني عليها حرام عليك الآدمية تكرف طول النهار بين بيتنا وبين جناحك بعد ! << قالت الكلمة الأخيرة بسخرية ..

ونزلت الدرج رايحة للمطبخ ولافات منال نبرة عبير الساخرة الي نرفزتها ونزلت وراها واهي تقول : انتي لاتسوين فيها حنونة وطيبة على الخدامة وزوجك الي هو زوجك ماتدرين عنه !!!
وقفت عبير بنص الصالة يوم جا طاري زوجها والتفتت بخفة اهي تقول : منال انا ماطلبت رايك فلو سمحتي لا تتدخلين ! (( ومشت للمطبخ
منال من وراها : ولاني متدخلة مع ان هذا أخوي ولازم أتدخل بالشي الي يريحه ويسعده .. بس اقولك قبل لاتحنين على غيرك حني على زوجك الي مرمي بالفراش من كم يوم لاعنده من يهتم فيه ولا يراعيه !

اتوسعت عيون عبير بصدمة ماقدرت تخفيها !! تركي تعبان ومرمي بالفراش !! هذي صادقة ولا تكذب عليها !!!
التفتت وقالت بصوت مرتعش واهي ماسكة باب المطبخ : شفيه تركي ؟؟
منال : هههههه تسأليني انا !! لو يهمك صحيح ماتركتيه عشان أسباب تافهة الله يعلم شالي وراها !
عبير بحرقة : انا ماتركته الا بسبب المشاكل الي جرتنا بسبتك انتي ومرة ابووووووك ..
منال : والي سويتيه يعتبر أكبر مشكلة ممكن تصير بين تركي وأبوي !! تبين تنجين نفسك من الهموم على حساب علاقة أخوي مع أبوي !!
عبير : هذي نظرتك السودا الي تشوف الأمور بهالطريقة .. انتي ماعانيتي الي عانيته ودايم الصافع ينسى بس المصفوع عمره ماينسى !
منال : ليه ياحبيبتي تحسبيني مبسوطة بببيت الهنا الي انا فيه ؟؟ ما كأني أحلم بالاستقلالية زيك وزي أي وحده غيري .. بس عمري ماضغطت على زوجي وتركت البيت عشان يطلعني بيت بروحي ! عمري مااتخليت عنه وتركته بحاله تعبان .. ولو سويتها فزوجي عنده امه تطبطب عليه .. لكن انتي يوم تركتي تركي مافكرتي تركتيه لمين ؟؟ تركتيه بدون زوجة ولا أم ولا حطيتي ببالك أي اعتبار لهالأمور وجاية الحين تتفلسفين عن الحنية !! اتعلمي معنى الحنان بعدين تعالي اتكلمي عنه .. !

ومشت عنها وطلعت وعيون عبير تلاحقها تبي تناديها تبي تسألها عن تركي تبي تقولها انتي غلطانة انا مو قاسية لهالدرجة .. تبي تقولها لاء انا ماتخليت عنه وتركته .. لا تركي مايعاني بروحه .. تبي تبرر موقفها بس لا قدرت تنطق ولا قدرت توقف .. خارت قواها ورمت نفسها على الأرض عند الباب ودفنت وجهها بين ركبها وصارت تبكي وتناهج بكل ألم وحرقة .. !

آخر شي كان ينقصها هالطعنات الي طعنتها منال فيها .. اهي بدوامة حيرة وتعب ماكانت ناقصة تجيها وترمي عليها اللوم والعتب وتطلعها بنظر نفسها أكبر غلطانة وخاينة للوعود ..

ياما قـ ـ ـالت ..
إيدي بإيدك على الحلو .. وعلى والمـُر ..
باوفي وعودي لك حبيبي كل العمُر ..
تشهد على حبنا عيون البشر ..
وعيون القمر

وين الوعود .. وين العهود .. وينك حبيبي .. ووويني أنا .. !

آآآآآآآآه مين يصـــــدق !
يمرالوقت ماشوفك .. ولادري بك اذا موجوع !
يمر الوقت ما أدري .. وساعات الزمن تجري
ساعة بعد ساعة .. واسبوع جر اسبوع
ولادري حتى انت وين !
ولادري عنك وعن أحوالك
ضايق .. ولا حالك زين !!!

قامت تلم جروحها ومشت واهي يالله تشوف دربها .. كيف مشت كيف طلعت الدرج ماتدري .. كانت صورته قدام عيونها وكلمات منال يتردد صداها داخل كيانها بطريقة توجع قلبها وتكوي روحها ..
وصلت غرفتها ومشت لجوالها .. مسحت دموعها بخلف كفها ورجعت خصلتها ورى اذنها واهي تطالع بالجوال .. تبي تكلمه تبي تسمع صوته .. حبيبها تعبان بروحه واهي تعبانة من غيره .. ! اكتسبت جمود مهي قده وعنفوان مهو من طبيعتها ..
مسرع مانهارت كل مدن القوة أمام حنينها لحبيبها واحساسها انه تعبانة وبحاجة لها ..

دقت على رقمه بلا تردد ورفعت الجوال لاذنها وأنفاسها تتسارع بترقب لسماع صوته ..
انقطع الخط ومارد وعضت على شفاتها بألم !
معقولة مايبي يرد علي .. ؟؟ ولا نايم وماسمع الجوال ! ياربي شصار فيني مو قادرة أصبر ولا لحظة .. أبي أسمع صوته أبي أكلمه ماقدر أتحمل أكثر ..
عادت الاتصال مره ثانية وانتظرت لين فصل بلا رد !!

اتأففت بضيـــــــق ! فجأة اتلاشت كل طقاقات الصبر بخاطرها .. ! مهي قادره تكلمه ولاهي قادرة تصبر أكثر .. لا ماقدر أصبر .. مو راضي يرد يصير بروح له .. !! قولوا عني الي تبون مجنونة .. مهووسة .. ضعيفة .. مايهمني .. الي يهمني ان حبيبي تعبان ومحتاجني ..

وقفت ومشت تفكر كيف تروح له هالوقت ؟ مين فاضيلها يوديها هالوقت !!
خـــــــالد !! اخوي خالد اهو راعي سهر أكيد سهران الحين وبجيبه من وين ماكان ..
وبسرعة البرق أخذت جوالها ودقت عليه .. وزي ماتوقعت كان الحلو سهران على فلم اهو ومرام ..
ورد عليها: هلاااااااااا والله بعبير ..
عبير واهي تحاول تعدل صوتها : هلا خالد شلونك ..
خالد : تمام .. غريبة شجابنا على بالك هالحزة ؟؟
عبير : خالد ممكن أطلب منك طلب ؟؟
حس خالد ان فيها شي وأرخى صوت التلفزيون واهو يقول بجدية : آمري عبير شتبين ؟؟؟
عبير : أبيك تجيني بيت أهلي وتوديني لبيتي ..
خالد : ….... عسى ماشر ياعبير ؟؟؟
عبير : الشر مايجيك خالد بس أبي أرجع بيتي ..
خالد : أوكي مو مشكلة بس ليه فجأة كذا صار شي ؟؟؟
عبير : لا بس انا متضااااااااايقة وابي أرجع خصوصا ان تركي تعبااان ومحتاجني ..
خالد : عبير انا مابي أرفضلك طلب لكن .. مابي تندمين على أي خطوة تسوينها .. انتي جيتي لأهلي عشان تنحل سالفة طلعتكم من البيت والحين بترجعين بدون ماتحلينها ولا شي وأخاف بالآخر الغلط يركبك انتي ..
عبير : سعود قال بيكلم تركي ويتفاهم معاه .. وانا بخليه يتفاهم معاه حتى لو رجعت .. بس الحين تركي تعبان ياخالد انا مابي أفكر بشي ثاني غير اني اكون مع زوجي هالوقت ..
خالد : على راحتك ياعمري انتي كبيرة وعاقلة وانتي أدرى بمصلحة نفسك ..
عبير : اعذرني خالد بتعبك معاي هالوقت بس سعود نايم والبيت كله نايم ولاقدر اروح مع السواق لحالي الحين ..
خالد : مشوار الطريق وانا عندك ..
ابتسمت عبير وقالت : الله لايحرمني منك ياخوي .. انتظرك ..

بنفس هالوقت كانت منال واقفة تحت الدولاب تطالع الشنطة واتطمن خاطرها يوم لقتها بعيدة وبهالشكل ضمنت ان سعود ماشافها لأن بظنها سولا الغبية رمتها آخر الدولاب ..
مشت والهواجس تعصف براسها ..
للحظة حست حياتها على وشك الانهيار !! قعدت على السرير واتأملت سعود وأهو نايم !!
صراع مابين الخطأ والصواب !
لا أنا ماغلطت ! الغلط اني أجيب منك أطفال أظلمهم بهالدنيا .. أموت عنهم ويظيعون من بعدي زي ماظعنا تحت قسوة ابوي وظلم زوجته .. الغلط اني أجيب أطفال من زوج ماحس بالأمان بقربه ! أحس انه ممكن يتركني بأي لحظة ويبعد عني .. أحس اني عالة عليه وعلى أهله ! بس دام اني مقتنعة بالي اسويه ليش خايفة يدري ؟؟ ليش حاسة ان الدنيا بتنقلب علي وباطيح بهاوية مالها قرار !

غطت وجهها بكفوفها ومسحته واهي تحس بتوتر فظيع ..

خلاص منال انتي مو غلطانة خلي عندك قناعة بهالشي .. وسعود مايدري ولو درا مستحيل بيسكت عني ! مستحيل يبقيني عنده الا بيقلب الدنيا على راسي ويعلّم أبوي !
ووقتها محد بيفهمني أو يعذرلي أسبابي !

::

(*)
وش حيلتـ ـــ ـــي بقلــ ب ــي !؟

مناته السكنـى " بجوفكـ "
نـــــــاسي الدنيا (بغيابكـ .. )
سارح بعالم ! طيوفكـ !
راااجع ونااااسي ,،‘ عتاااابكـ ‘،,
مشتــــاق للمسة " كفوفكـ "
راااجع وراااضي (بعذااابكـ .. )
لو تطعنه أكبر ! سيوفكـ !
عاش عمره عَ ‘ حسابكـ ‘
معاند و راضي " بظروفكـ "
(*)

وصلت عبير بيتها بعد ماوصلها خالد .. مشت واهي مو قادرة تخمن وضع تركي بهالوقت
فتحت باب الجناح ودخلت ! اتسمرت عند الباب أول ماشافته متمدد على الكنب !
تحس مر دهر كامل على الفراق ! فاضت بقلبها الأشواق .. !

مشت بخطوات مهزوزة .. لين وصلته ولقته نايم .. قعدت جمبه ملاصقه فيه ومسكت إيده ..
حس تركي فيها وبريحتها وقربها بس ظن ان هذا خياله الي عاشت فيه طول الليالي الماضية ..
اتأملت ملامحه الذبلانة والتعب الواضح فيها ..
تفتت قلبها عليه .. ومدت إيدها ومسحت على خده بحنيه واهي تهمس : تركي حبيبي .. هذي انا عبير ..
حست بحرارة جبينه واتجمعت دموعها بعيونها ..
فتح تركي عينه وشاف ملاك روحه جمبه .. ماقدر يمنع ابتسامة مع تعبها الا انها تذوب القلب ..
بادلته عبير نفس الابتسامة واهي تمسح على راسه وقالت : حبيبي سلامات .. فيني ولافيك ياقلبي ..
همس تركي باسمها كنه يبي يتأكد بوجودها : عبير!
عبير : ياعيون عبير ..
مسك ايدها وسحبها لفمه وباسها بقووووة ..
طاحت دمعتها على كفه واهي تشوف تعبه وولهه عليها بشكل أخرسها وبعثر كيانها ..
عبير : حبيبي انت تعبان .. تحتاج مستشفى تحتاج دوا ..
تركي بتعب : خليك معاي وأنا أطيب .. انتي دواي ..
عبير : ياحياتي قلقت عليك .. أنا أحبك تركي .. أحب دنيتك الي انت فيها أحب كل شي فيك ..
تركي : وانا أحبك ياروحي .. ولهت عليك فقدتك حييييييل تعبت وتهت من دونك ..
قربت عبير منه ولمت راسه بحضنها وياكثر ماكان تركي محتــــــاح لحضنها الدافي وصدرها الحنون ..
ضمها واهو يقول : اتحريت رجعتك كل يوم ياعبير .. اتحريت اتصالك كل وقت تقولين تعال خذني ياتركي ماقدر على فراقك مثلك ..
عبير : كان غصب عني ياتركي انا كنت منهارة وتعبانة ..
تركي : سامحيني عبير عذبتك معاي .. آذيتك وآلمتك ..
عبير واهي ضامه راسه حيل لصدرها : حبيبي انا نسيت كل شي .. وانت مالك ذنب بشي ..
تركي : فهمتي الحين ان مو بإيدي شي .. ؟ لو بإيدي كان حققت لك الي تبين من ثاني يوم ورجعتك .. كان ماأبعدتك عن عيني ولا لحظة ..
عبير : حبيبي انا مابيك تبررلي الحين انت تعبان .. انا راجعة عشان أريحك ما أتعبك ..
تركي : ضميني حبيبتي .. ولا تتركيني ولا لحظة !

,, واذا لـ م ـني ~ دفى ~ حـ ض ـنكـ ,,
,, وغـ ف ـت عيني على صدركـ ,,
,, أحلـ ف ـك لااااا توقـ ظ ـني ,,

::

ومن بكرا بعد صلاة الجمعـة ..
طلع سعود من بيت عمه أبو تركي .. واهو مرتاح الخاطر !
لكنه ماكان يسولف مع تركي !
كان قاعد يسولف .. مع عمه .. أبو تركي !!؟

*******