كاتب الموضوع :
المحظوظة
المنتدى :
القصص المكتمله من وحي قلم الاعضاء
الجزء الواحد والعشرون
دخل خالد البيت واهو يطير المفتاح بالهواء ويرجع يمسكه ويغني :
أموت أنا أذوووب أنا أدووخ أنا والله وميت فييييييه
وقلبي وروحي عشانه يااااعلني ما ابكيه ..
هلي لاااا ........... (( وبتر الأغنية يوم دخل الصالة ولقى مفاجأة تنتظره !!
: الحين هذا السلام عندك امش تعال اشتقتلك ياللوووح ..
خالد : أحلــــــى لوووووح من أحلى أخت .. هلااااوالله وغلاااااااااااااااااا
مشى ناحية عبير وسلم عليه بشوق ومحبة أخوية .. وبعدها سلم على تركي وهو يقول : هلا بالقطوع والله مادريت انك من النوع الي يخق اذا أعرس !
تركي : انا ولا انت الي ماعاد شفنا رقعة وجهك من أملكت واذا شفت رقمك دريت ان وراك مصلحة ..
أم سعود وعيونها طايرة فيهم : الحين هذا ترحيبكم ببعض مالت عليكم ؟؟
تركي يتمسكن : شفتي ياخالتي .. بدال مايحشمني يقب فيني ..
خالد واهو يقعد : قطع انت وجه حشيمة انت .؟. ادق عليك وانت بفرنسا تزلبني هيا بالله وش المصلحة الي ابيها منك وانت بفرنسا ؟؟
تركي : والله انت مايعيقك شي وافكارك خطر يمكن حاط عينك على شي بفرنسا وتبيني اجيبه لك مو بعيدة عليك ..
خالد : ولو اني صدق حاط عيني على شي انت شدخلك يبه بتجيبلي الي ابي ورجلك فوق رقبتك
عبير : شدعوة ياكافي تركي يشتغل عندك وانا مادري ؟؟؟
خالد : اي من زماااااااااااان .. انت ماعلمتها ؟؟
تركي : وش أعلمها .. انك سلتوح ومصلحجي .. ؟؟ اي معلمها واهي عارفتك بعد !
أم سعود : لا اله الا الله .. اقول عبير قومي دقي على خالتك شوفي وينها للحين ماجت !
خالد شخصت عيونه وقال : لحظة لحظة .. شوي شوي علي هالمفاجآت مره وحده ترا قلبي مايتحمل .. !
ام سعود : وانت شدخل قلبك بجية خالتك !
خالد : كان زييييييييين لو انها خالتي .. بس آآآآآآآه انا محد حاس بالنار الي بصدري
ام سعود ضحكت وهزت راسها ..
عبير : الحين انت شتبي .. ؟؟ بقوم ادق عليها اشوفها !
خالد : يمه كلهم بيجون ؟؟؟
ام سعود : اي والله جايين يسلمون على عبير ..
خالد : ياحليلي انا الي رابض بهالبيت لا روحة ولاجية ولاسفر ! من طلعت على هالدنيا ما اذكر يوم احتفلتوا فيني ..
تركي : خلك جدي لو مره وحده بحياتك وبعدين يصيرالي تبي ..
خالد : يالله عاد تشب مسوي فيها عاقل انت الحين ترا ماعلمني الخراب غيرك !
تركي : انا الي معلمك الخراب ؟؟ مو كنت انا وراك بكل طيحاتك واعاونك واقومك ورحمة من ربي الي ماصرت مثلك !
ام سعود : انا مقابلة بزران والله مو رجاجيل !! لمتى بسكت فيكم وانتو كل واحد يذب على الثاني كلمة اكبر من الي بعدها ..
خالد : هههههههههههه وانتي شفيك عصبتي قاعدين نتمازح احنا ..
ام سعود : هذا مزاحكم الحين اجل شلون هواشكم بالله !
تركي : تصدقين خالتي هالعلة ولدك ما اذكر اني اتهاوشت معاه !! اتهاوش مع كل اخوياي الا اهو مالت على وجهه ..
خالد : انا قايل ماتستغنى عني لو تروح المريخ بس خل عبور تنفعك
عبير واهي ماسكة السماعة :بانفعه غصب عليك شتحسب بعد ؟
خالد : وليييييه خلصنا من لسان فتون جتنا الثانية ..
ام سعود : يابعدي يافتون احترق قلبها اليوم يوم كلمتني ودرت اننا بنجتمع ..
خالد واهو يضحك : شخبارها بالله اهي وفيصل احسها عافستله الدنيا فوق تحت !
ام سعود : ليه شدعوة عاد فيصل بيتركها تسوي الي تبي .. موصيته انا يعلمها السنع زين!
خالد : غريبة انتي يمه احسك مع فيصل اكثر من بنتك ..
ام سعود : لاني اعرف اختك شلون واعرف طبعها .. وبعدين فيصل حليل وحبيب ومو مآذيها بشي ..
فتون : والله صراحة بنتك تطلع الواحد من طوره ..
ام سعود : ادري بس فيصل حليل وبيتحملها لين الله يعدل راسها وتمشي زي الناس ..
(( وين فيصل يسمع بس .. ))
خالد : ايوا ياتركي .. اجل خقيت بفرنسا وماعاد صرت تشوفنا هاه !؟
قامت ام سعود للمطبخ وتركتهم بنجارهم
بعد شوي سكرت عبير السماعة ومشت للمطبخ الا خالد يسأل : ها عبير شقالت خالتي !
عبير : هذاهم بالطريق ..
خالد : وكيف بتكون القعدة ؟؟؟
عبير : كيف بتكون يعني ؟ مافي الا احنا وابوي اتغديت معاه وطلع فأكيد بنقعد سوى
خالد ولسبب ما قال : أجل انا بطلع .. وانت تركي تطلع معاي ؟
تركي : والله ان كانك بتطلع شقعدني لحالي بس انت شعندك بتطلع ؟؟
خالد بهمس : ياخي ماتحمل اشوفها .. لاعاد اقدر اقعد معها ولا أكلمها وممنوع منها لين الزواج وتبيني اقعد معها بنفس المكان والله ماقدر حبيبي !
تركي : ومين الي حط هالموانع ؟؟
خالد : إهي .. بس معها حق وانا والله مالي وجه اعترض كافي علي سامحتني ورضت علي عقب الي صار !
تركي واهو يطلع جواله : زين أجل احمد ربك .. واصبر خلني أكلم صالح أشوف وينه لأنه يوم درا اني هنا قال بيمر يسلم علينا ..
خالد : أوكي أجل بقوم أبدل ملابسي وأنزل ..
تركي وعيونه على الجوال : تيت ..
طلعت عبير من المطبخ وشافت تركي يكلم .. أرسلتله بوسه بالهوا ومشت طالعة الدرج .. واهي تطلع سمعت تركي يقول : خلاص أجل ياصالح ننتظرك لا تتأخر .. يالله سلام !
عبير : تنتظرونه ؟؟؟ ليه شعندكم !
تركي : بنطلع أنا وخالد ..
عبير : شهالكلام .. أمي مجهزة عشا وانتوا بتطلعون .. ؟
تركي : والله عاد هذا كلام خالد وانا وش يقعدني ان كانه بيطلع
عبير واهي رافعة حاجب : ايه ايه صح شيقعدك ؟؟ مافي أي سبب ثاني يخليك تقعد !
تركي يبي يناكفها وقال : اي والله مافي.. انا جاي عشانه .. طلع طلعت .. قعد قعدت !
عبير تبي تبين انها مو مهتمة وقالت : اوكي عاااااااادي براحتك بس على الاقل اعطوا أمي خبر
تركي : قوليلها انتي..
عبير : وليه ماتقولها انت ؟؟
تركي : فشلة عبير أقولها باطلع واهي مستعدة للعشا !؟
عبير : ودامك تدري انها فشلة ليه مُصر تطلع ؟؟؟
تركي : قلتلك خالد بيطلع وانا مافي شي أقعد عشانه
عبير ولعت وطالعته من فوق لتحت ونزلت واهي معصبة وتنادي بنبرة واضح فيها القهر : يمــه .. يمــه .. شوفي ترا خالد وتركي طالعين مو متعشين معانا ..
أم سعود : هَـوْ ! شهالكلام ؟؟
وطلعت شافت تركي قاعد و مبتسم وقالت : شعندكم ياتركي ؟
تركي: خالد طالع ويبيني اطلع معاه ..
أم سعود : ماعليك منه هذا خلي ينزل وأوريه .. شالي يطلع واحنا مسوين الجمعا عشانكم !
تركي : قوليله ولا انا بالعكس ودي أقعد ..(( وطالع بعبير وقال : ولا أحد يقوى يطلع ويترك هالملاك ؟؟
ولعت عبير هالمره بس ولع من نوع ثاني خاصة بوجود أمها الي ضحكت وقالت : عساها دوم ملاك بعينك يارب ..
عبير انحرجت حيل ومشت عنهم طالعة الدرج الا بنزلة خالد ..
أم سعود واهي تطالع ملابسه : عفية على ولدي العاقل يترك ضيوفه ويطلع !
خالد واهو يشمر أكمامه : ماتركت أحد .. تركي باخذه معاي وصالح بعد الظاهر !
أم سعود : وأنا مابيك تاخذ أحد معاك ! أبيكم تتعشون هنا ..
خالد بضيق : يمه فكينا والي يرحم والديك ..
أم سعود : استح على وجهك العشا عشان تركي وعبير وانت بتطلع وتاخذ الولد معاك !
خالد ببرود : متى العشا ؟؟
أم سعود : متى ماخلص احنا ناوين نقعد بالحديقة برا ونشوي سوا ونتعشى على مهل !
اتأفف خالد واهو بداخله ميت شوق لمرام وبنفس الوقت شاااايل هم يشوفها .. قال : زين بنطلع الحين وبعد ساعه نرجع .. (( وبرجاء : مابي أستقبلهم أول مايدخلون افهميني يمه !
هزت ام سعود راسها ويوم مشى خالد أشرت لتركي بإيدها انه يحكي على خالد ويعدل فيه..
هز تركي راسه بابتسامة .. ورجعت ام سعود للمطبخ ..
وتركي يوم التفت يشوف عبير لقاها مختفية ؟؟
شاف خالد يمشي للباب بس عجز لايقوم ويتحرك بدون مايشوف عبير ..
مسك جواله يبي يتصل فيها الا وصله مسج ..
فتحه بسرعه وقرا :
" لاعاد تحرجني قدام أحد .. !
اذا عندك كلام حلو قولي اياه بدون ماترفع ضغطي قبل ! "
ابتسم تركي ورد عليها :
"ماعاش من يرفع ضغطك حياتي ..
الحين تعالي خليني أشوفك قبل ماأطلع .."
أرسلها ووقف يطالع بالدرج ينتظرها الا وصله مسج .. فتح وقرا :
" يعني برضو بتطلع ؟؟ "
اتنهد تركي وأرسل :
حبي بارجع بعد ساعه واتعشى معاك ..
الحين انزلي .. مو طالع قبل ماشوفك "
أرسلها وقعد يستنى ..
شوي ونزلت عبير تمشي بدلع ..
ابتسم لها تركي ابتسامة تذوب الحجر .. واهي نست كل شي بعد هالابتسامة ..
مشى لعندها وباس خدها وقال : انا مادري شلون صدقتي استهبالي !
عبير : انت كنت تحكي بجد والله !
تركي : وانتي شعليك شلون أحكي المفروض تدرين بالي بقلبي وماتصدقين ولو اقول وش ماقول قولي كذاااااااااااب تحبني وتموت فيني ..
عبير : هههههههههههههه حلوة كذاب ..
تركي : يالله عاد لاتحلالك الحين !
عبير : هههههههههههههههههههههههه انت الي قلتلها انا مالي شغل ..
تركي بوله : قوليها ياعمري الف مره بس لاتحرميني من هالضحكة ..
دق جوال تركي باسم خالد .. وضحك تركي وقال : نسيتيني الرجال انا مادري وش الي باذكر على آخر عمري ..
عبير بدلع : احسن مابيك تذكر أحد غيري ..
تركي : بدون ماتوصين قيد قلبي رايح فيها ..
عبير : ههههه سلامة قلبك حياتي ..
تركي : الله يسلمك ياعمري .. اوكِ ساعه بالكثير وراجعين ..
عبير : اوكِ انتبه لنفسك ..
تركي : ان شاء الله .. (( ودار يبي يطلع بعدين لف وقال : مافي بوسه على الماشي؟؟
عبير التفتت بسرعه على المطبخ خافت امها تشوف ولا تسمع وقالت : تركي مو الحين حبيبي اذا رجعت لك الي تبي يالله لاتطلع امي بليز !
تركي : آه ياويل قلبك ياتركي .. في بيتنا لا تشوفنا اختي وهنا لاتشوفنا أمك ياناس وين أروح فيها هذي بتذبحني !
عبير : هههههههههههههههههههههههه أحسن أبيك طول عمرك مشتاااق
تركي : زين ياعبير .. إهي ساعه وبارجع !
عبير بابتسامتها العذبة : الله معك حبيبي
باسها تركي بوسة على الطاير وتركها وطلع واهو يضحك على شكلها المرتبك لاتطلع أمها وتشوفهم ..
ضحكت عبير وبخاطرها ميته عليه وتتمنى لو قعد معها أكثر .. مشت لامها بالمطبخ وابتسامتها تحلي وجهها ..
شافتها امها واهي مبتسمة طول الوقت وقالت : شهالابتسامة ياعيني الرجال راح خلاص !
عبير : ههههههههههه ايه رااااح بس روحه معاي بعد عمري
ام سعود : ياعيني عليكم الله يسعدكم والله كثر ماأتمنالك السعادة أتمنى لفتون بعد مثلك ..
عبير : والله فيصل يحب فتون ويموت فيها بس اهي الله يهديها ماتعطيه وجه ..
ام سعود : تصدقين قلبي قابضني عليهم .. كل ماكلمتهم ماحسهم يتمازحون ولا يضحكون .. لا كل واحد يكلمني بروحه واحس كلامهم ويا بعض حيل رسمي !
عبير : جد .. ؟ عاد لهم أكثر من شهر مع بعض معقولة للحين على هالحال !
ام سعود : والله مادري بس شوفي انتي اذا كلمتيها اسأليها وحاولي تجرينها بالكلام .. خلينا نعرف وش مهبعة هالبنت بحياتها
عبير : والله ان شاء الله بكلمها من راحت ماكلمتها وسولفنا زين ..
دق جرس البيت وراحت الخدامة تفتح
ام سعود قالت واهي تغسل ايدينها : جت خالتك .. روحي قلبي افتحي أنوار الحديقة
عبير : ابشري .. (( وطلعت للحوش من باب المطبخ
طلعت ام سعود الصالة وفتحت الباب الداخلي وشافت اختها وبناتها داخلين
ام سعود بابتسامتها العذبة : هلا والله حياكم .. اتفضلوا ..
دخلوا كلهم وسلموا .. وفصخوا عباياتهم ..
منى : خالتي وين ست الحسن لاتقولين مابعد جت !!
" بيكابووووووووووو "
التفتوا كلهم على المطبخ ومنى صرخت : هـللللللللللااااااااااااااااااااا ياحمارة وحششششششششششتيني
عبير : ههههههههههههههههههههههههه احترميني انا الحين متزوجة ..
ومشت لها وتحاضنوا بسلام حار يبين شكثر هالبنتين حبايب وصداقتهم قوية ..
وبعدها سلمت على خالتها وحنان ومرام وكلهم ضموها وعلقوا عليها بالتعليقات الي ماقدرت تسلم منها ..
قعدت عبير وقعدوا كلهم وعبير قالت بحنيـة : مرام حبيبتي مره نااااحفة شهذا انتي مو ناقصة تنحفين أكثر !
مرام بضحكة : عااااتبي اخووووووووك .. مو تعاتبيني أنا
عبير : والله لأوريه الحمار هذا شمسوي فيك ياقلبي ..
مرام : آآآآآآآه قولي شالي ماسواااه بس !
ام فيصل : والله كلكم ماقصرتوا بحق بعض ..
أم سعود : اي والله .. الله يعدي هالشهرين على خير لا ينهبل ولدي بس ..
مرام : شدعوة خالتي أحسك تلومويني أنا شذنبي !
أم سعود بابتسامة : لا ياعمري ماعاتبك .. شدعوة انتي تظنين فيه فرق بينك وبينه .. ترا اذا اهو ولدي انتي بنتي ..
مرام بغرور : ايه .. على بالي !
منى : ههههههههههه خبلة شهالثقة !
مرام : طبعا خالتي مثل امي اذا بشك بمحبتها بشك بمحبة أمي ..
مشعل : وانتي وش دراك ان أمي تحبك أصلا ؟؟؟؟
مرام : لا أجل تحبك انت ؟؟؟
مشعل : ايه ودايم تقول انت بكفـة وعيالي كلهم بكفة ..
مرام ومنى : هههههههههههههههههههههههههه ذي من راسك يالخراط ..
ساره : هههههههههههههههههه
عبير : ههههههههههههه شعندها الحلوة تضحك ..
ساره : ههههههههههه منى ومرام قالوا زي بعض ..
عبير : ههههههههههههههههه ياعمري عليك تعالي عندي سولفيلي اشتقتلك مرررررررره حبيبتي ..
مشت ساره لعبير وشالتها عبير حطتها على رجولها وسولفت معها وكل شوي تحضنها وتبوسها وماتدري ان كان اهي متعلقة ببنت خالتها بهالشكل أجل شلون أمها وخواتها ..؟؟ وأجل شلون حنان ؟؟؟
سبحان الي يزرع محبة بعض الأطفال بقلوب الكـل .. حكمة منه ماحد يدري شالي يخبيه بعلم الغيب !
بعد ساعه من السوالف .. انتقلوا كلهم للحديقة وقعدوا على الكراسي حولين طاوله كبيرة .. .. ومشعل الي جاب كورته معاه صار يلعب فيها بالحوش اهو وساره ..
وأثناء ماهم غاطسين بالسوالف والضحك .. ومرام ومنى مندمجين مع سوالف عبير عن فرنسا ..
انفتح الباب الجانبي ودخل خــــالد لحاله !
دارت عيونه بسرعه واستقرت على مرام واهي تضحك مع عبير .. وياكيف أوصفلكم شعوره؟؟
شفتوا الشخص لما يكون حيل تعبان وضـايع ومهدود .. ! ويشوف قدامه قطرات موية ممكن تروي ظمااه .. ممكن تداوي فيه جروح .. ممكن تنعش بقايا الروح ..
كان هذا شعور خالد واهو يطالع مرام ..!
مشى وانتبهوله كلهم يوم شافوا ساره تركض عليه وتضحك واهو ضحكلها وفتح إيدينه لين وصلتله وشالها وطيرها بالجوووو واهي ميته من الضحك ..
باسها واهو يمشي لهم ويقول : والله كبرتي سوسو كم صرتي الحين ؟؟
ساره : اربع ونث << ونص !
خالد : وشي هذي الساعه ؟؟
ساره : ههههههه لا عمري
خالد : ههههههههه العمر كله ياعسل ..
وصلهم ونزلها واهو يحاول يضبط مشاعره وانفعالاته تحت وجود مرام ..
مرام الي نست كل الي حولها وعيونها ضايعة فيه ..
ماتدري ليه رااااح عن بالها انها ممكن تشوفه ؟؟ ماتدري ليه اتوقعت الجمعا بتكون بس اهم .. وخالد والشباب بيكونون برا لسبب ما !
يمكن عشان فيصل مسافر ؟؟ زين وشدخل الباقين ؟؟
ماتدري عن شي .. بس الي تدري عنه ان دقات قلبها وصلت لمسامع الي حولها من قوتها ..
ايدينها عرقت فجأة وبردت وحست برعشتها !
شافت خالد واهو يسلم على أمها ويضحك واهي تضحك معاه وشكله كان جدا طبيعي .. كنه ابد مو مرتبك ولا متوتر وكن الوضع عادي بالنسبة له واهو يضحك ويعلق على كل الي يسلم عليهم ..
بس لحظة .. !! الحين بيجي دوري وبوقف ويسلم علي !!
ياويلي شلون بنسلم ؟؟؟ الكل سلم عليه عادي .. اي طبعا عادي وليه مايكون عادي اصلا شبينكم وبينه ؟؟
حتى منى اختي كانت تضحك عادي .. ماصافحته بس سألته عن أحواله واهو سأل عنها .. يوه هذا اهو ماشي لعندي يطالعني .. !!!
شفيني قاعدة ..؟؟ ليه مو قادرة أوقف ..؟؟ ياويلي شفيني تيبست ليه مو قادرة أتحرك .. ؟؟
كانت عيونها ضايعة بوجهه لين وصلها واهو مبتسم ابتسامة تذوب ..
مد ايده واهي ماتدري شلون رفعت ايدها .. !
سلم عليها وسحبها عشان توقف ..
وقفت وهو بكل تلقائية لمها من كتوفها بإيده الثانية وباس جبينها وهمس : شلونك حياتي ؟
مرام بهمس مشابه : بخير ..
حس خالد ببرودة إيدها وضغط عليها واهو يطالعها بنظرة صابت عمق قلبها .. !
وبعدها فلت إيدها ومشى عنها ..
اتمنت مرام لو اتوقف الزمن عند هاللحظة وظل خالد ماسك ايدها ويطالعها .. شكثر عصف فيها الشوق له ولقربه وللمساته وهمساته وحنانه !
رمت نفسها على الكرسي .. وخالد مشى واختار مكانه مقابلها بين خالته وأمه ..
عبير : خالد وين تركي وعمي ؟؟؟
خالد : نزلوني وراحوا الصيدلية صالح مادري شفيه مصدع .. الحين بيجون ..
ام سعود قامت تجيب طاولة وكراسي بالجمب عشان يقعدون عليها الشباب ياخذون راحتهم وقامت عبير وام فيصل معها ..
وبنفس الوقت قامت حنان وقعدت مكان ام سعود جمب خالد وقالت : خالد شفيه صالح ؟؟
خالد حب يناكفها وقال : تعباااااااااااااااااااااااان .. بيمووووووووووووووت !!
حنان : وجع ان شاء الله لاتفاول عليه ..
خالد : هههههههههه تخافين عليه انت ووجهك !
حنان واهي تضرب ايده : انطم بس اجل أخاف عليك انت ..؟
خالد بصوت اتعمد يرفعه : انا داااري ان ماحد يخاف علي .. ولو اموت من التعب محد درا عني !
حنان فهمت دقته لمرام وقالت بهمس : بس ياخالد تراها بروحها مو ناقصتك ..
التفت خالد يطالع مرام وأول مالتقت نظراتهم لفت مرام وجهها على الجهة الثانية ..
اتنهد خالد بضيق .. ياكيف بيمر هاليوم واهو وياها قبال بعض يفصل بينهم مليون حاجز مايشوف هالحواجز غيرهم اهم بس !
حنان طلعت جوالها واتصلت على صالح تبي تشوف شفيه ..
وخالد استغل التفاتت مرام عنه وصار يتأملها ويتأمل قوامها .. كانت لابسة بانطلون ماسك لنصف الساق لون عودي .. وعليه بلوزة طويلة مخصرة درجات البني والعودي .. لاحظ شكثر ضاعف جسمها عن قبل .. أكثر من شهرين من افترقوا كفيلة انها اتغير أشياء كثير فيها وفيه اهو بعد !
مرام حست بنظراته وهي لافه وجهها .. قامت من مكانها ومشت عند أمها وخالتها ..
وخالد عيونه مانزلت من عليها ولا لحظة ! تم يراقب حركاتها ومشيها وضحكها مع عبير ومنى .. حسها اتغيرت عليه حيييييييييييل .. مايدري ليه حسها تصطنع المرح والضحك .. ! ضاق صدره وحز بخاطره معقولة لهالدرجة حطم قلبها .. ؟
دق جواله يوم طالع لقى تركي المتصل ..
بنفس اللحظة دق جوال حنان لقت صالح المتصل
حنان : هلا والله ..
رد عليها : هلااا بحنان الكون كله ..
حنان : هلابك صالح شلونك ؟؟
صالح : طيب من سمعت صوتك !
حنان : لا والله صوتك مو طيب .. عسى ماشر صالح !
صالح : ابد والله بس صداع خفيف ..
حنان : سلامتك ياعمري .. تومي دقيت عليك ماترد
صالح : ايه كنت بالصيدلية وتوني طالع منها شريتلي مسكن ..
حنان : اوكي لاتاخذه لين تتعشى مايصير تاخذه بدون ماتاكل
صالح : ويني وووين العشا لا والله مافيني اتحمل هالصداع ..
حنان : اوكي تعال وانا بسويلك شي سريع !
صالح استانس وحب يتدلع وقال : وش بتسويلي طيب ؟
حنان بضحكة : آمر واتدلل .. شتبي ؟
صالح باستهبال : أبي ساندتش استكوزا وعصير كيوي
حنان : ههههههههههههه شهالتعجيز انا قلت اسويلك مو أخترعلك .. ! من وينلي كيوي وابو مقص !
صالح : انتي قلتي آمر واتدلل وانا ماصدقت عاد ..
حنان : هههههههههههه زين بخليها ببالي اسويها لك مره ثانية .. الحين اطلب شي معقول ..
صالح : آآخ مادري حنان والله مصدع ومافيني افكر سوي الي يجي على بالك
حنان قلقت عليه وقالت : أوكي خلاص بس عسى انت الي تسوق ؟
صالح : لالا تركي ..
حنان : زين .. اوكِ انتظرك .
صالح : اوكي حياتي سلام
سكرت حنان وقامت فورا على المطبخ تجهز لصالح شغلة سريعة ياكلها ..
بالحديقة .. بعد مارتبوا الطاولة .. قرب خالد منهم وقال : ترا تركي كلمني وقالي انهم قريبين .. شوي ويوصلون ..
منى كانت بحجابها لأنها اساسا لابسة تنورة طويلة وبلوزة طويلة ..
وخالد التفت على مرام يطالع لبسها .. !
مرام انتبهت لنظراته والتفتت لعبير وقالت : عبير عطيني بانطلون طويل حسبت قعدتنا بتكون لحالنا ..
عبير : عادي ياعمري الحين أجيبلك وحطي طرحتك وخلاص ..
مشت عبير ومشت مرام معها .. وقبل مايدخلون من الباب إلا خالد ينادي : مـرام !
وقفت مرام والتفتت عليه وعبير طالعتهم وابتسمت .. وتركتهم ومشت لداخل البيت ..
مشى خالد ومرام قلبها يدق طبول واهو تشوفه مقبل عليها بهيأته الي تسحر كيانها .. واهو لابس بانطلون جينز وبدي نص كُم بني غامق فيه كم زرار عند الصدر فاتحهم ..
مشى لين وصل قبال مرام وكان الباب مغطي عليهم ..
وقف خالد قبالها ومد ذراعه وسندها بكفه على الجدار .. وصار مايفصل بينهم غير خطوة صغيرة حتى مرام انحرجت وجت تبي ترجع على ورا بس صدمها الجدار الي كان خلفها ..
خالد : شفيك ؟ كنها اول مره اوقف قدامك !
مرام : لا مو أول مره .. بس زمااان عنها ..
اتنهد خالد واهو يقاوم مشاعره بصعوبة .. والتفت شوي على الجهة الثانية ورجع طالع فيها وقال : بغيت أقولك البسي عباتك !
مرام : ليه .. !
خالد : مابي صالح وتركي يشوفونك بهاللبس !! على بالك اذا لبستي بانطلون طويل وطرحة اتحشمتي ؟؟؟
مرام : بس ياخالد أنا دايم كذا !
خالد : ذاك أول ! الحين ماعاد يعجبني هالاسلوب ..
ان كان مرام المفروض تزعل من أسلوبه ولا تتضايق من تدخله ولا تعترض على أوامره .. فهي على العكس ماتت بداخلها عليه وولعت غيرته مشاعرها ..
هذا خالد الي أعرفه .. يغار وينجن علي .. بس خساره كننا أغراب بهالوقفة .. شالي صار بيننا ياخالد !
نزلت عيونها وقالت : اوكِ ..
وجت تبي تمشي بس عاقتها ذراعه الممدودة ..
خالد : نزليها !
طالعته مرام باستفهام !
خالد : نزلي ايدي وامشي ..
مرام : وليه ماتنزلها انت ؟؟
خالد : يالله لهالدرجة ماتبين تلمسيني .. ؟
مرام بحرج : مو كذا .. بس ..
خالد : بس ايش ؟؟ ترا ايدي ماتكهرب والله !
ابتسمت مرام .. وجودك قدامي بحد ذاته مكهرب كياني كله !
مدت ايدها ومسكت ايده ونزلتها .. الا مسك خالد ايدها وضغط عليها ..
مرام دق قلبها بقوة وحاولت تبعد عينها عنه لاتذوب بنظراته .. وقالت : يالله خالد بروح ألبس عباتي !
رفع خالد ايدها لفمه وباسها .. وتركها ومشى اهو عنها قبل ماهي تمشي ..
ظلت مرام واقفة تتبعه أثاره .. آآآآآآه خالد .. الحين فهمت وش معنى أبوس الأرض الي تمشي عليها ..
أخذت نفس عميق .. ودخلت البيت ..
لقت حنان بالمطبخ تحوس ماكلمتها ويمكن ماحست فيها وكملت طريقها للصالة !
طالعتها حنان باستغراب وهزت كتوفها حيث ان مرام صايرة عجيبه هالايام !
راحت مرام للصالة واهي تحس بوفضوية بمشاعرها .. لقت عبير قاعدة ومعها البنطلون ..
عبير : وينك ساعه ؟؟
مرام : هاه .. ليه شتبين ؟؟
عبير : نعم ؟؟؟ مو قايلتلي تبين بنطلون !
مرام : ايه ايه البنطلون .. لا خلاص مابي ..
عبير : هـــي انتي شفيك ؟؟ (( وبضحكة : شسوابك اخوي يوم ناداك !
مرام واهي ترمي نفسها على الكنب : ولا شي بس عيا أقعد بالبانطلون وقالي ألبس عباتي ..
عبير : اييييييييه ياحليله .. اوكِ براحتكم ! بس انتي شفيك مرام ماحسك مبسوطة !
مرام : عبير اخوك رابشني والله مطير مخي .. من شفته وانا احس الدنيا كلها تدور فيني
عبير : هههههههه ترا حتى اهو مثلك كان شايل هم شلون يشوفك ويكلمك ..
مرام : آآآآآه ياقلبي .. الله يعدي هالشهرين لا أنذبح فيها أكثر من ما أنا مذبوحة ..
عبير : معليه مرام انا مابي أتدخل .. بس مو كنك مزودتها شوي ؟؟
مرام : لا عبير .. صدقيني هالوضع أحسن .. خالد لازم يتعذب بعيد عني عشان يعرف قيمتي أكثر ولا يكرر الي سواه ..
عبير : وشالي سواه ليه محد راضي يقول لا انتي ولا اهو ..؟؟
مرام : سالفة وعدت الحمدلله .. ليه نوجع قلوبنا بذكرها .. بعدين ماودي أضيق صدروكم واحنا الحمدلله اتصافينا بس عاد لازم يتعلم من الي صار باني أبعد عنه ..
عبير : شكله مو بس اتعلم من الي صار الا انحفر حفر بقلبه وعقله ..
مرام : هههههههههههههههههههه قلعته ..
عبير : هههههههههههههههههه اص لا يسمعك ..
مرام : اي والله عاد هو مراقبني طول الوقت ..
عبير : ههههههههههه اجل رحتي فيها ..
دق جوال عبير باسم تركي .. وعلى طول نست مرام واهي ترد : هلا حبيبي
حاست مرام فمها وكشت عليها .. وقامت لبست عبايتها وطلعت ..
أول ماطلعت لقت خالد واقف عند باب الشارع اهو وصالح وتركي ..
طالعها وكنه ينتظرها تطلع .. أبعدت عيونها عنه ومشت وقعدت جمب منى وحاولت تركز بسوالف أمها وخالتها بعيد عن نظرات خالد ..
سمعت صوت يقترب ويقول : السلااااااام عليكم ..
التفتت مرام بتلقائية زي مالكل التفت .. وردوا السلام .. وشافت صالح واقف جمبهم ويقول : هلا أم سعود شلونكم وش أخباركم؟
أم سعود : بخير يامال الخير انت شلونك طمنا عنك ..
صالح : الحمدلله تمام .. شلونك أم فيصل عساكم طيبين ..
أم فيصل : بخير الله يسلمك انت شلونك شلون الوالد والوالدة ؟؟
صالح : بخير يسلمون عليكم والله .. شلون فيصل تدورن عنه ؟؟
أم فيصل : طيب الحمدلله يسأل عنكم كلكم ..
صالح : سألت عنه العافية ..
والتفت لمنى ومرام وقال : شلونكم يابنات ..؟
البنات : الحمدلله ..
صالح يطالع منى وقال : انتِ منى موو ؟؟
منى بابتسامة : ايه ..
صالح يطالع مرام : وانتِِ مرة خالد ..!
مرام ضحكت على " مرة خالد " وقالت : ايه مرة خالد ..
صالح بابتسامة بريئة : ماشاء الله .. الله يسعدكم يارب
خالد بنبرة غيرة حست فيها مرام : أشوف حلتلك السوالف انت وهالراس المصدع .. ليه ماتروح تقابل زوجتك بالمطبخ وتحكي معها مهو أحسن ..
صالح : لاتوصيني يبه هذاني رايح بدون ماتقول ..
ومشى واهو يضحك .. واهو دااااايم يضحك .. حتى لازعل .. ولا تعب .. يضحك !
دخل المطبخ لقى حنان معطيته ظهرها وواقفة تصب الشاهي بالكاس .. خاف لايخرعها ومعها الشاهي ويآذيها .. انتظرها لين حطت الابريق على الطاولة .. وبعدها مشى بخفة ووقف وراها وباسها من راسها ..
انتفضت حنان والتفتت بسرعه وشافته واقف وراها .. ضحكت وهي تقول : يمــــــه انت متى دخلت ؟؟
صالح : من زماااااااااان من يوم ما طيحتي الملعقة على الأرض !
حنان : ههههههههههههه ياخرطك انا طيحت السكينة مو الملعقة
صالح : هههههههههه ايه ايه قصدي السكينة !
حنان : تدري عاد .. شكلها الملعقة الي طاحت لأني ماحتجت السكين أبد !
صالح : هههههههههه هيا عاااد غلبتيني ..
ضحكت حنان وقالت : هاه شلونك الحين ؟؟
سحب صالح كرسي وقعد عليه واهو يقول : أحس راسي بينفجر !
حنان بحنيـة : ياعمري سلامتك والله .. ليه مانمت زين ؟؟
صالح واهو لام ايدينه حول راسه : الا والله امس عقب ماسكرت منك على طول نمت .. بس من صحيت وانا مصدع وأهملت نفسي لين زااااد الحين ..
حنان بنبرة طالعة من قلب : فيني ولا فيك ياعمري !
صالح بخرعة : اسم الله عليك حنان ! عاد شالفايدة اذا تعبتي باتعب انا ونروح كلنا فيها !
حنان : ههههههههههههههههههههههه ياحبيلك والله ..
صالح بهيام : اللاااااااااه هذا الدوا الي أبيه أنا مو البندول ..
حنان استحت واهي الي طلعت منها كلمتها عفوية .. وحطت الصحن قدامه وماعلقت ..
اتأمل صالح ملامحها الناعمة وحمرة وجهها وحياها .. واهي سحبت كرسي وقعدت جمبه وعيونها على الصحن ..
شوي الا قالت بضحكة : حبيبي إكِل عشان تاخذ دواك !
صالح انتبه : هاه شدواه ؟؟ ايه صح انا مصدع .. تصدقين نسيت !!
حنان هوستها خفة دمه وضحكت : هههههههههههههههههههههههههههههههههههههههههههه ياحلوك ههههههههههههههههههههههههههه
صالح ابتسم واهو يطالعها تضحك .. شيبي من هالدنيا أكثـر من شوفته لضحكة حنان !
" احم احم .. اعذورني على المقاطعة .. بس انا بعد احبك واشتقتلك عمي .. ! "
التفتوا لقوا عبير واقفة عند الباب وتطالعهم بابتسامة ..
صالح : هلااااااااااااااااا والله وغلااا
دف الكرسي ووقف وعبير ضحكتله واهي تمشي لعنده ومدت ايدها الا اهو صافحها بضربة قووووية على كفها ..
عبير بنعومة : آآآآآآآآه عمي عورتنيييي ..
باسها صالح وقال : اييييييه ناسي انك نعومة حدك .. على بالي مثل فتون الي اهي تعورني مو انا الي اعورها
عبير : هههههههههههههههههه بعد عمري فتون عاد كل شي منها حلووو ..
صالح : شلونك عبورة شمسويه ؟؟
عبير : بخير الحمدلله .. انت شلونك ..؟؟
صالح واهو يقعد على الكرسي : تمام والله ..
عبير واهي تمشي لبرا : اطلعولنا عاد لاتبلطون هنا ..
حنان : هههههههه مسوية مشتااقة ؟؟
عبير : حددددي ..ههههههههههه
طلعت عبير واهي الي ماخذه راحتها بلا حجاب ولا شي لأن الكل محارمها ..
مشت وقعدت على طاولة الحريم .. وفورا اندمجت بسوالفهم ..
وصل مسج ومرام وعبير انتبهو لجوالاتهم ..
عبير : ههههه شسالفتنا نحط رنات مثل بعض ..
منى باستهبال : من زود المحبة ياكافي ..
مرام واهي تضحك : مو محبة هذي الا سحر .. ! ((و فتحته وفورا اختفت ابتسامتها يوم لقت المسج من خالد ! قرت :
حياتي اعطي ظهرك لطاولتنا عشان تاخذين راحتك بالحكي والضحك ..!
رفعت مرام عيونها شافت خالد يطالعها والغريب ان حتى تركي كان يطالعها .. بس كل واحد ونظرته ..
خالد نظرة غيرة .. !!
تركي نظرة استغراب !! لأنها الوحيدة الي بالعباية .. وعرف انها أوامر خالد الجديدة !!
نزلت مرام عيونها واهي متضايقة .. اي نعم زوجي بس مو يحكرني بهالشكل بعدين احنا مو تمام ويا بعض عشان يتأمر !! بعدين شهالاسلوب الجديد.. لبسني عباية أوكِي بس حتى جلستي ومكاني يتحكم فيه !!
لمح خالد وجهها متغير وأرسلها رسالة ..
وصلتها وفتحت واهي شايلة هم أوامر جديدة بعد ! قرت :
من عيون الناس والله .. أغـــــار يا عمري عليك ..
وما اتطمن وانسى خوفي ..
^ إلا ويديني بيديك ^
بس تحمل كل جنوووووني .. لانك أغلى من عيوني !
لو تدور ما تلاقي ..
منهو غيري يموت فيك !!
ولع وجه مرام واهي زماااااااان عن كلامه الحلووو وهالمره أرسلها واهو قبالها ويطالعها !
وقفت واهي تحاول تخفي ارتباكها وسحبت كرسيها للجهة الثانية واعطت طاولتهم ظهرها ..
مع ان خالد كان مستمتع واهو يطالعها بس ماتحمل يشوفها تنكت وتضحك وممكن يشوفها تركي ولا صالح ! وارتااااح خاطره يوم غيرت مكانها وقدر يسولف مع تركي واهو مرتاح البال !
مرام أول ماقعدت قالت : وين حنان ؟؟
عبير : داخل مع حبيب القلب ..
منى : يه يه وحبيب القلب ماخذها عننا حتى هنا بعد ؟
عبير بضحكة : لا هالمره اهي ماخذته ..
منى بسخرية : ايه على بالها تبي تسويله شي ياكله يعني حجة وحاجة ..
مرام : وانتوا شحارق رزكم خلوا خالتي تستااانس ..
عبير : اي والله اذا وناستها معاه بكيفها بعد حنا شنبي غير راحتها ..
أم سعود الي كانت ماخذتها السوالف مع اختها طالعت بساعتها وقالت : شرايكم نبدا شوي الحين ؟؟
عبير : ايه يالله يمدي ..
أم سعود : زين نادي حبيبتي على الخدامات يصلحون الشوايات زي العادة
عبير واهي توقف : ان شاء الله ..
مشت وشافت صالح وحنان طالعين من المطبخ .. غمزت لحنان .. وحنان ضحكت لبنت أختها وصديقة عمرها ..
اتوجه كل واحد لمكانه وعبير دخلت المطبخ تكلم الخدامات ..
شالوا الخدامات الشواية وأغراضها وطلعوها برا ..
ومشت عبير للصالة تزين لبسها عند المراية .. شافت بالمراية ثوب أبيض داخل الصالة ..
التفتت بسرعه وألاهو تركي .. !
وقف تركي بنص الصالة وعقد ذراعينه على صدره واهو يقول : أشوفك ماعبرتي الي رجع عشانك ؟؟؟
عبير بدلع : شدعوة رجعت عشاني ..؟ والا عشان خالد وصالح !
تركي : ياسلام يعني انا ماكنت معاهم وشبعت منهم ؟؟ كنت أقدر أروح بيتنا واذا خلصتي جيت أخذتك !
عبير : امممممم صدقتك !
تركي واهو يمشي ناحيتها ويتفرسها بنظراته : و وين الوعد الي اذا رجعت ؟؟؟
عبير بضحكة : تركي انت فيك شي مووو ؟؟؟
تركي : اذا فيني شي فهو أشياااااء مو شي ! بس من وين الواحد يقدر يعبر عنها واهو قاعد مع حبيبته وسط الناس !
عبير : لاتقول عاد الي يسمعك يقول عمرنا مانفردنا ببعض وانبسطنا ! ماكننا تونا جايين من فرنسا !
تركي : تونا ؟؟؟ لنا اسبوووووووووع وتقولين تونا ؟؟؟ انا بعرف شلون قلبك يقدر يصبر عني ؟؟ شلون تقدرين تضحكين وتسولفين وانا مو معاك ؟؟
عبير : ياعمري من قالك أقدر بس غصب عني شسوي وبعدين كم مره قلتلك يوم لنا ويوم علينا !
تركي : وانتِ عادي بالنسبة لك ؟؟ والله صرت أشك فيك صراحة .. ماعاد أثق بحبك مثل أول !
عبير بزعل : تركييييييييي شهالكلام .. ؟؟ ماصار شي يسوى عشان تقول كذا !
تركي : الا والله كلامك الي تو .. أحسك مستهونة بقربي وماعاد يهمك حيل اننا ننفرد ببعض!
عبير : ........... أنا كذا ؟؟
تركي : ............ ايه كذا !
عبير : أنا مايهمني قربك ولايهمني ننفرد ببعض !
تركي : هذا الي صاير أشوفه !
نزلت عبير عيونها على الأرض وقالت : شكرا .. (( ومشت عنه طالعه من الصالة
التفت تركي عليها وقال : لحظــه ..
ماردت عليه عبير وطلعت برا الصالة وبرا المطبخ للحديقة .. دامك تشوفني ماهتم بقربك يالله شوف الحقران على أصوله !
مشت لقت أمها وخالتها وخالد واقفين خلف الأشجار يشوون .. مو ظاهرين لكن ريحة الشوي معبية المكان ..
وصالح يلعب كورة اهو ومشعل فريق وحنان وساره الفريق الثاني ويشوتون على بعض الكور .. ^ _ ^
مشت وقعدت على الكرسي واهي معصبة حيل من تركي ..
انتبهت لها منى وعقدت حواجبها باستغراب واهي تقول : شفيك ؟؟
عبير بضيق : ولا شي ..
مرام الي لاحظتها و كانت ترقب ردها بعد قالت : شلون ولا شي وجهك متغير شفيك ..؟
التفتت عبير بسرعه ولما شافت تركي مافيه قالت : بنات انا جد مادري شسوي مع تركي !
منى : ليه عسى ماشر !؟
عبير : وضعنا وحياتنا يفرض علينا نحاسب شوي بحركاتنا وكلامنا .. لأننا ساكنين مع أهله وفشلة ناخذ راحتنا مايهمنا أحد .. أهو لا وش يفهم ؟؟ اني ماصرت أحبه مثل قبل وانه ماهمني حيل أكون معاه لحالنا وماني ولهانة عليه مثله !!
مرام : ليه اهو اذا اتميلح عليك قدام أهله تصدينه ؟؟
عبير : مو أصده بس أتجاهل ولا أأشر على خواته يعني مايصير ناخذ راحتنا بكل شي واهم عيونهم علينا ! خاصة اخته منال غيورة بدون شي مو عاد نتميلح قدامها !
مرام : ترا مع الوقت بيمل انتبهي !
منى : شالي يمل انتي الثانية والله كلامها صح لازم يحاسب ولا يطلعها بيت لحالها !
عبير : مادري ياشيخة شسوي فيه والله مو مقصرة معاه بس عاد لازم نراعي الي حولنا .. اهو مايبيني اهتم بأحد أبد ويقول احنا مو مسوين شي غلط !
مرام : آه والله ذا مثل الي عندي كان مايهمه أحد كلش !
عبير : وانتِي شكان موقفك ؟؟
مرام : بصراحة أنا عكسك كنت متونسة وأجاريه ..
منى الي شهدت على بعض حركاتهم : عاد خالد هذا خليه على جمب .. ماعقب روحتكم البحر يوم تركبون الجت كي وترجعين بيته لا وتنامين بغرفته بعد !
مرام : هههههههههههههههههههههههه بس والله ماصار شي ياناس كنا صايمين انتوا ليه ماتصدقون !؟
منى : اقووووول العبي على غيري
ضحكت مرام وهزت راسها .. بس انتوا تذكرون بعد .. ماصار شي مووو ؟؟؟ * _ ^
عبير : والله مالوم أخوي أجل يوم انخبـل مخه بعدك !
منى واهي تضحك : بلاه فقد وحده ماكانت تمنعه من شي قدام الناس أجل شلون من وراهم !!
مرام صرخت بس بضحكـة : وجـــــــــــــع انطمي انتي وياها .. آآخ يامنى والله متمنية اشوف فيك يوم تتشرشحين من الحرج والفشلة ..
منى : هههههههههه لا حبيبتي تحسبيني مثلك .. خلق وفرق !
ضحكوا عليها وفجأة طاحت الكورة وسطهم .. وجت ساره تركض وشالتها ..
منى : مبسوطة سوسو ؟؟
ساره : ايه كل سوي نفوووز << " شوي "
عبير : هههههههههه يابعد الفوز انتي ..
ساره واهي تمسك إيدها : تعالي العبي معانا ..
عبير : ماعرف اخاف تفوزون علي !
ساره : لاخليك معاي أنا وماما حنان ..
عبير ماحبت تكسر خاطرها ... وليه أصلا ترفض طلبها .. عشان تبكي وتعض أصابع الندم بيوم من الأيام على رفضها .. ؟؟
وقفت واهي تقول : أوكي يالله ..
ومشت معها وساره تناقز بفرح وتقول : عبير تلعب معااااااااناااااا
مشعل : لا مايصير فريقكم ثلاثة واحنا اثنين .. !
" انا ادخل معاكم ونصير ثلاثة ! "
التفتوا لقوا تركي يمشي عليهم وبإيده بيبسي يشرب ويبتسم لهم ..!
مشعل بحماس : ايووووووا كذا صار اللعب أحلى وأحلى ..
عبير اتضايقت ماتبي تخلي اللعب يعدي الي صار واهي تبي تبين له انها زعلانة من كلامه .. بس خاطر ساره عندها بالدنيا ولا تبي تزعلها .. ضغطت على نفسها وتمت واقفة ..
كانوا واقفين صفين قبال بعض ..
صالح وتركي ومشعل ..
وحنان وعبير وساره ..
يشوت الفريق الأول عليهم واهم يحاولون يمسكونها ولو أبعدت عنهم انهزموا ..
اول من شات صالح .. وركضت ساره ومسكتها ..
صفقولها واهي اتونست .. ورجعت مكانها وشاتتها .. وقفها على طول تركي برجله .. ورفع عينه وطالع بعبير وشاتها عليها ..
وقفتها عبير برجلها بدون ماتطالع فيه وشاتتها على صالح ..
شاتها صالح على حنان وحنان بكل تلقائيه دفتها على ساره الي مسكتها واهي تضحك وتعتبر انها فازت !!
شاتت ساره الكورة وجت عند تركي ..
وقفت الكورة قدامه والكل يطالع بالكورة ويطالع بتركي الي ماتحرك وعيونه على عبير ..
مشعل : يالله ياتركي شفيك متنح ؟؟؟؟؟
كتمت عبير ضحكتها وصالح قال : هيا عاد ترا بنبدل أماكنكم انتوا الاثنين اذا بتخربون اللعب ..
تركي : لا لا خلاص .. بحاول أركـز ! يالله خذي سوسو .. ! (( وشات الكورة عليها ..
مسكتها ساره وشاتتها على صالح ومشعل عصب وقال : ساره ترا باضربك .. ليه ماتشوتين علي ؟؟؟
ساره بغرور : انت ماتعرف تمسك
مشعل : لا والله مصدقة عمرك الحين انك فنانة !!
ساره : اي انا فنانة كلهم يقولون عني كذا ..
مشعل : ماعليك منهم ذولا يــ .....
حنان : مشعـــــــــل ! خلاص الحين نشوتها عليك لا تقعد تصارخ عليها !
شات صالح الكورة على عبير وهالمره عبير الي مانتبهت لها ولا ركزت فيها وطلعت على برا ..
صالح : ياحييييييل الله .. أقول .. عبير وتركي اطلعوا برا .. !
تركي : هههههههههههه ليش ؟
صالح : بدون ليش لاتخليني اطلع كلام مو شي قدام البزران ..
تركي : هههههههههههههههههههه بس ترا خير ماسويت ..
مشت عبير عنهم رايحة لأمها وخالتها .. الا جا تركي جمبها ومشى واهو يقول : زعلانة؟
طنشته عبير وماردت واهي تمشي ..
تركي : عاد انا المفروض الي أزعل .. أناديك تطنشيني وتطلعين !!
عبير : ولا بعد تبيني أسمع كلام يضيق الصدر !
تركي ببرائـة : .... أنا كلامي يضيق الصدر ؟؟؟؟
عبير وقفت فجأة والتفتت عليه وقالت بعتاب : أشوف زعلتك الكلمة .. ؟ شدعوة أنا أرضى بكلامك الي قلته .. والله جرحتني ياتركي !
تركي بحنية : أمانة حبي لاتزعلين .. شسوي بقلبي الي مو قادر أتحكم فيه .. ؟
عبير : خلاص تركي مو وقته الحين نتكلم ! خلني بشوف أمي ..
تركي : وأنا ... متى ؟
عبير : بعدين ياتركي .. عندنا اوقات كثيرة غير هالوقت .. ! وان كان بتزعل فاعرف ان الحل تاخذني وتعيشني بكوكب لحالي .. لاننا دامنا عايشين وسط الناس لازم نحترمهم ..
اتنهد تركي وقال : اوكي .. يالله نروحلها ..
عبير : بتجي معاي ؟؟
تركي بابتسامة تسحر : عندك شك ؟
عبير واهي تحاول ماتضعف : لا انا مو بهالسهولة أشك بحبك !!
ابتسم تركي واهو درا انها تدقه بكلامه !
مشوا وأول ما وصلوا لأمهم مسك إيدها وضغطها بخفة وتركها وعلى طول أخذ من أم سعود الأسياخ وصار يشوي ..
رن جوال ام فيصل وقامت تكلم وأم سعود قامت واهي تقول : بروح أجيب أسياخ ثانية ..
وراحت ..
انتبهت عبير ان الحافظة مليانة ويبيلهم حافظة ثانية .. مشت تبي تجيب الا تركي يقول : وين رايحة !
عبير بدون ماتطالعه : بجيب حافظة ..
تركي : ...... اوكي لا تطولين ..
مشت عبير بدون ماترد عليه .. ودخلت المطبخ تجيب الحافظة الا وصلها مسج .. طلعت الجوال من جيبها واهي تدري انه من تركي ماغيره وقرت :
^ ^
هالعيون شلـــــــــون أملها .. ؟؟
* سحر ذوبني بغزلها *
" بوســة " من عندك حبيبي
تسوى عندي الدنيا كلـــــــها
^ ^
ابتسمت عبير .. أو بالأصح ضحكت .. ماتنكر شكثر يسحرها بحبه ويجننها .. بس اهي من النوع الي تراااعي الي حولها بكل شي .. تشيل هم لا أحد يزعل ولا يتضايق ولا يغار ولا ينقهر .. تحترم الي حولها بعلاقتها مع زوجها وبعلاقتها فيهم بعد .. بهالشكل الناس كلها تحترمها وتحطلها قدر ! أماالي مايحترمها .. أكو مشكلة بذاته !!
طلعت وبإيدها الحافظة وتحاول تمحي ابتسامتها .. هالمره تبي تتغلى عليه ولا قلبها رضى عليه بغضون دقاااائق !
مشت وهالمره شافت خالد يلعب مع مشعل .. وصالح قاعد على الكرسي مرجع راسه على ورى ومغمض عينه ..
ياعمري ياعمي شكلك حيل تعبان .. !
التفتت شافت حنان قاعدة مع منى ومرام وعلى رجولها ساره .. وعيونها مركزة على صالح ..
مشت للشواية واهي تحاول تتجنب نظرات تركي .. وعطت أمها الحافظة ..
أم سعود : شكرا الله يسعدك .. يالله جهزوا السفرة قربنا نخلص ..
عبير فرحت يوم لقت شي يشغلها عن تركي .. بتولعه أكثر .. * _ ^
مشت ونادت البنات معها وراحوا المطبخ يطلعون السفرة والصحون والملاعق ..
وخلال عشر دقايق كانوا الشباب على الطاولة ياكلون ..
والطاولة الثانية .. الحريم والبنات ..
حنان : خالتي شخبار فتون والله اشتقتلها حيييييييييييل هالبنت
ام سعود : بخير الحمدلله .. (( وشهقت وقالت : ياويلي منها !!!
عبير : ههههههههههه ياويلك منها ؟؟ ليش ؟
ام سعود : قالتلي اول ماتتجمعون خلي البنات يكلموني بسكايب ورااااح عن بالي مره !
منى : ياوييييييييلك ياخالتي الحين وش يفكك من لسانها ..
ام سعود : أنا دارية انها بتاكلني بلسانها يالله خلصوا وطلعوا لابتوبي وكلموها بس هاااه ! ياويلكم تقولون ان توني أقولكم !!
مرام : هاه أجل .. ؟؟
ام سعود : قولولها قالتلنا بس حنا انشغلنا بالشوي والحوسة ..
مرام باستهبال : يوه خالتي مانعرف للف والدوران !!
ام سعود : طالعوا هذي الي تمثل البرائة بس ! اجل شالي ولـّع قلب وليدي وطير مخه هاااه؟؟
مرام بحرج : خــــااااااااااالتي .. !!
الكل ضحك: ههههههههههههههههههههههههههههههههههههههه ,,
والشباب تلقائيا التفتوا يوم سمعوا ضحكهم الجماعي .. وخالد الي كان مركز بكل كلمة .. سمع أمه واهي تقول : ياروح خالتك انتي .. والله ماولعتي قلب الا الي يستاهلك ولو دار الدنيا كلها مالقى مثلك !
استحت مرام وحمر وجهها وقامت لخالتها وحضنتها واهي تقعد جمبها وتقول : وانا لو أدور الدنيا كلها بعد ما ألقى خالة وحماة مثلك !
ام فيصل وقلبها يغمر بالفرحة .. لمعت الدموع بعيونها وقالت : من هالحال وأحسن يارب .. والله يجيب سعود بالسلامة وياخذ بنت عمه ويصيرون ثنتينهم يتنافسون عليك ..
مرام لأنها كرهت منال من سوالف فتون عنها قالت : تخسى بعد ذي تنافسني ..
ام فيصل : تشب ولا كلمة .. هذي الي نمدح فيها تو كبر راسها الحين لا خلاص اسحبوا كلامكم !
ضحكوا وأم سعود قالت : يالله عاد لايروح الليل ماكلمتوا بنيتي ..
ام عبير واهي تاقف : وين لابتوبك يمه ؟؟
ام سعود : فوق الدولاب بالصالة ..
عبير : اوكي .. وراحت واهي تمشي بخطوات مسرعة .. ودخلت البيت وراحت الصالة ولقت اللاب توب ..
أخذته وقعدت على الكنب وفتحته . بعد شوي جاها :
ادخال كلمة المرور : ................... !!
ضحكت عبير هههههههههه ياحليل أمي حاطة رقم سري !!
شالت اللاب توب وطلعت .. وقالت واهي تمشي عليهم : يمه كم رقمك السري ؟؟؟
ام سعود : وشوله تفتحين لابتوبي .. هاتي انا بحط الرقم !
عبير : هههههههههههههههههههههههه شتبين انتي مسوية رقم سري بالله عن مين ؟؟؟
ام سعود واهي تقلب بعيونها : عن أبـوك !
ضحكوا كلهم وحنـان قالت : وليه اهو يفتح لابتوبك أصلا ؟؟
ام سعود : لا والله ولاعمره لمسه .. بس انا الملقوفة فتحت لابتوبه ألاهو حاط رقم سري !! زعلت وقمت حطيت انا بعد .. وأنتظر يوم يجرب يفتحه ويلقى الرقم السري عشان تنفتح السالفة وآآآخ للحين مافتحه !
البنات :هههههههههههههههههههههههههه (( ومنى : ياحلوك ياخالتي .. يمه صيري مثلها جيبيلك لابتوب وحركات .. مب بازة بهالجوال واذا جيتي ترسلين رسالة خليتينا نكتبها لك
ام فيصل : انا ثقافتي على التراث القديم .. دوريني بين الكتب والأوراق ..
ام سعود بغرور : ياقدمك ياختي ! لا حبيبتي الناس تطورت وصارت المعلومات بضغطة زر تحصلينها .. مب تتكسر أصابيعك بتقليب الأوراق !
مرام : هههههههههههههههههههههه طالعوا خالتي واهي تحكي كذا مب كنها فتون !!
منى : هههههههههههههههه اي والله أجل فتون ماجابت الغرور من بعيد !
ام سعود : ههههههههههههه لا هو غرور ولا شي أستهبل عليكم ..
عبير : ياحبي لأمي يانااااس ..
ضحكت ام سعود وعيونها على الشاشة وحطت الرقم السري الي كان أول حرف من اسامي عيالها ..
ودخلت واشتغل سكايب .. وعلى طول لقت فتون متصله بسكايب ..
دقت عليها وثواني وجاها الرد
فتون : الوووووووووووو بدري !!
الكل بصوت واحد : هلاااااااااااااااااااااااااااااااااااا
فتون : هههههههههههههههههههههههههه هلا فييييييييييكم وحشتووووووووني
أم سعود : هلا قلبي فتون .. الله يهديهم البنات انشغلوا شوي وماكلموك .. يالله خذيهم معاك ..
ضحكوا على أم سعود .. وعبير بدت تكلم : فتوني حبيبي عمري قلبي .. شلونك حياتي ؟
فتون : عبييييييييير ياقلبي انتي .. انا بخير الحمدلله .. انتي شلونك ؟؟؟
عبير : والله تمام .. شلون فيصل ان شاء الله طيب ..
فتون : بخير والله .. شلون جمعتكم (( وصرخت : أبـــــــــــي أجيــــــــــــــــــــكم !!!
مرام واهي تضحك : ياخبببببلة استغلي هالايام وانتي بامريكا لحالك مع فيصل ومصيرك بتردين هنا لزحمة الناس والحكـرة !
فتون : مراااااااام وحشتيني ياحمااااره .. اسكتي بس ماطيق هالكلام ..
مرام : خبلة انتي .. والله مادري وش مهببـة بعمرك انتي وفيصل هناك !!
فتون : يووووم علووووووووم شدراكم انتوا بس ..
منى : هههههههههه اقول لاتآذين اخوي ترا ينخاف منك انتي ..
فتون : منى وجيعة .. اشتقلتك انتي الثاااااانية ياحبيييييييييلكم
ساره وفمها عند المكروفون : فتوووون يالله تعاااااااالوا
فتون : سووووووووووسووووووو يابعد هالدنيا انتي .. يالله بطيرلك طيران الحين أجيك .. طالعي السماء بتلقيني طاااايرة جيتك ..
رفعت ساره راسها تلقائيا للسماء وقالت : بس ترا احنا ببيتكم ؟؟
فتون : ههههههههههههههههه تدليني على الطريق يعني ؟؟ ياحلوك وبس ..
وكملت سوالف معاهم وماطال الوقت يوم طالعت أم فيصل ساعتها وقالت : الله شوفوا الساعه كم !! مشى الوقت بسرعه ماحسينا .. دقي يامنى على السواق خلي يجي ..
طلعت منى جوالها الا ام سعود تقول : شوراكم مستعجلين ؟؟
ام فيصل : خلاص ياختي بتصير وحدة والله ان يفظحنا ابو فيصل ..
منى : تلقينه مادرا عنا كل يوم والثاني واهو رايح لابو وليد ولا ابو وليد عنده !
ام فيصل : عاد هذا الشغل الله يسهلهم مشروعهم على خير
وصل مسج لعبير يوم فتحت لقته من تركي يقول :
" حبي نمشي .. ؟ "
رفعت عيونها وشافته يطالع فيها .. ابتسمت بخفة ووقفت واهي تقول : يالله وانا بامشي الحين .. نشوفكم على خير ..
حنان : تعالينا عبورة عاد الحين لا وراك جامعة ولا بيت مالك الا ترووك فكي نفسك يوم منه وتعالينا..
عبير : ههههههه أكيد حبيبتي خلاص بشوف يوم مناسب وأكلمك ..
سلمت عليهم ومشت لداخل البيت ..
قاموا أم فيصل والبنات يجهزون ..
الا خالد يقول : خالتي مين بيوصلكم ؟؟؟
ام فيصل : السواق جاي بالطريق !
خالد بزعل حقيقي : أفااا ! تكلمون السواق وانا موجود .. والله ماهقيتها منك خالتي !
ام فيصل انحرجت وقالت : مانبي نكلف عليك ياعمري والسواق شعنده شغلة غير يودينا ويجيبنا ..
خالد : ولو خالتي الحين الوقت متأخر ! وبعدين لو فيصل كان مكاني مو كنتي بتخلينه يوصلكم ؟؟
ام فيصل : ايه عاد فيصل ولدي وغصب عليه ..
خالد بنظرة عتب : وانا مو حسبة ولدك ؟؟
ام فيصل : والله انت ولدي وعزي بعد .. يالله عاد لا تزعل وبكلم السواق اخليه يرجع وانت توصلنا ..
خالد : انتظركم برا ..
طلع وأهو حيل مقهور .. شالي قلب حياته فوق تحت .. لو هالموقف كان بزمن غير .. أو وضع غير .. كان مستحيل مرام ترضى أحد يوصلها غيره !!
تعب قلبه جفاهاااا واتنهد بقوة واهو يهمس : هانت يامرام .. هانت!
طلعت ساره تركض واهو ابتسملها وقعد يسولف معها لين يجون ..
ساره واهي تطالع بسيارته : ليه ثـيارتك صغيرة ؟؟ " سيارتك"
خالد : لأنها لي لحالي .. بس انتوا جيبكم لكل البيت لازم يكون كبير ..
ساره : بس ثـيارتنا أحلى .. تدوووور وتفححححـط !
خالد : ههههههههههههههههههه شعرفك انتي قد فحطتوا فيها ..؟؟
ساره :هههههههه لا مشعل يقول ..
خالد : اي بس مو زين التفحيط حبيبتي وخطر ممكن يقلب السيارة !
ساره : واش يصيـر ؟؟
خالد : تتكسر السيارة وتخرب ؟؟
ساره : ونموت صح .. ؟
خالد بحنية : لاااا ان شاء الله مانموت .. وان شاء الله محد يفحط فينا .. !
ساره : بس كلنا حنمووت ..
قعد خالد قبالها وقال : ايه كلنا بنموت اذا جا يومنا .. بس الواحد مايسوي شي خطر ممكن يموته ! ربي يزعل منه بعدين !
ساره واهي تهز راسها بالنفي : انا مح أسوي شي خطر .. وابي اموت اذا جا يومي ..
خالد كشر وماعجبه كلامها وقال : عسى يومي قبل يومك ياعمري !
طلعت أم فيصل والبنات .. ووقف خالد واهو يقول : يالله !
ام فيصل : ايه الحين يجي مشعل ..
مر من قدامهم وكانت مرام بوجهه .. طالعها واهو يمشي واهي نزلت عينها ودارت على الجهة الثانية .. على قد ما فرحتها شوفته .. وفرحها خبر انه بيوصلهم .. على كثر ماشالت هم وحست ان خالد مو معدي التوصيلة بسلام !
ركبت أم فيصل قدام والبنات ورى ومرام خلف خالد ..
شوي وجا مشعل وركب وشغل خالد السيارة ومشى الا اشتغلت على طول اغنية :
يالله نعيش بدنيا غير
مليانة حب مليانة خير
فيها الحبيب انتَ وبس
الأول انتَ والأخيــــــــــر
يارووووح الروووووووح
كفاية جروووح كفااااية جروح
قصر خالد على الصوت لأنه يدري ان خالته ماتسمع أغاني .. الا ساره تقول : لييييييييه صكيته؟؟
خالد : عشان ماما ماتحب تسمع أغاني ..
ساره : يووه أبي أسمعها هذه الأغنية داااايم مرام تشغلها وماتخليني أدخل أسمع ..
انبهت خالد ! هالأغنيه الي دايم على باله وعلى لسانه .. طلعت مرام مثله تسمعها ! طالعها من المراية ولمح عيونها تلمع بالدموع ! ضاق صدره واهو مايدري شالي تفكر فيه !
انتبه على هواش ساره ومشعل ..
مشعل : قااااااايلك خذيها بس انتي مادري وين مخك !
ساره : بس هي كورتك انت ليه ما أخذتها ..؟؟
حنان : والله انها صادقة يامشعل كورتك انت تاخذها مو هي !
مشعل : يووووه هذا انتم داااايم ..ساره الصح وانا الغلط الله يفكنا منها .. !!
الكل صرخ : مشعـــــــل !!
منى : عسى يومك قبل يومها ياحماار !
حنان : احترم نفسك ياسخيف انت ودعاويك ..
ام فيصل : يخسَ عليك يامشعل اختك وتدعي الله يفكك منها ؟؟ بكرا بتصيح وتبكي اذا صار فيها شي وتندم على كلامك ..
سكت مشعل وراجع كلامه .. صحيح هو يغار منها ومن حب الكل لها بس هو بعد يحبها ومايستغنى عنها وشريكته بلعبه وضحكه وهباله وكل شي ..
مسك يدها بدون ماحد ينتبه له .. والتفتت ساره عليه .. لقته يبتسملها
شقت الضحكة وجهها من اذنها اليمين واليسار .. مشعل وضحكلها شتبي من الدنيا أكثر ؟؟
وصلوا البيت وام فيصل تقول : كثر الله خيرا ياخالد
خالد : شدعوة خالتي ..
ام فيصل : ماتقصر والله ..
ونزلت ونزل الكل من السيارة وفتحت ام فيصل باب الشارع ودخلت .. وتركته مفتوح ليدخل الباقين ..
كان آخر من دخل مرام وساره ..
نزل خالد ومشى وراهم واهو الي مايدري متى بيشوف مرام مره ثانية وضاق صدره حيل خصوصا بعد مالمح دموعها بالسيارة !
حست مرام فيه ووقفت مكانها والتفتت بخفة ..
خالد واهو يأشر على داخل : ادخلي ..
مشت مرام ودخلت ودخل وراها وطرف الباب ..
خالد واهو ينقل بصره بين عيونها : متى اشوفك ثاني .. ؟
مرام : يوم الزواج ان شاء لله ..
خالد وكنه متوقع شي من هالرد قال بتنهيدة : كثير .. مرام انا والله تعبان !
مرام : وعلى بالك انا مستانسة .. ؟ ترا بُعدك يذبحني باليوم ألف مره ياخالد بس ...
خالد يكمل عليها : بس غلطتي وانا اتحملها ..
مرام : خالد انسى .. انا والله نسيت انت ليش ماتنسى !
خالد : شلون أنسى وأنا عايش عقوبة هالغلطة .. ؟؟
مرام وصوتها اتهدج بالدموع : خالد انا ماوافقت على تقديم الزواج الا عشان اختصر فترة عذابنا .. مو عشان نرجع زي قبل .. فكر بعقلك حبيبي مو بقلبك !
خالد سحرته كلمة " حبيبي " .. صارلهم زمااااااااان ماتبادلوا الكلام الحلوو ..
طالعها بنظرة شوق وقال : حبيبك ؟؟
انحرجت مرام وطالعت بساره الي كانت واقفة جمبهم وتلعب بمفاتيح خالد .. وقالت بصوت أقرب للهمس : لايكون عندك ذرة شك ان ممكن بيوم من الأيام تكون غير كذا ياخالد ..
ومسكت ايد ساره وقالت : يالله .. تصبح على خير ..
خالد : لحظـة ..
طالعته مرام باستفهام .. وخالد قال : ليه كنتِ تبكين بالسيارة ؟؟
ابتسمت مرام ابتسامتها الذباحة .. شكثر يسحر قلبها حرصه واهتمامه فيها وغيرته وجنونه عليها .. هذا اهو خالد حتى قبل مايخطبها .. يحس فيها ويسأل عنها ..
بس ليه الزمن وقف ضدهم .. ؟؟ ماطالت تفكيرها وقالت : ان كان حز بخاطرك انها آخر مره تشوفني .. تراني مثلك وأكثر خالد ..
خالد : ماخاب ظني فيك حياتي .. الله لايحرمني من هالقلب الطيب ..
وقبل ماترد بأي حرف .. مسكها وضمها لصدره .. مرام نفسها مشتاقة لحضنه وحنانه وحبه وكل مشاعره الي كان يغمرها فيهم ..
انتبهوا على ساره الي تضحك ..
أبعدت مرام عنه والتفتت لساره وضحكتلها واهي تقول : ليه تضحكين سوسو ؟
ساره طالعت بخالد وضحكت وقالت : تقدر تشيل مرام ؟؟؟
خالد بضحكة : ايه اقدر بس ليش ؟؟؟؟
ساره : لأنك خميتهـا زيي .. شيلها زيي ..
التفت خالد وطالع مرام بخبث الي هي رجعت على ورا بسرعه وقالت : حبيبي اتوكل على الله .. ذي تحسب حالي حالها ماعليك منها ..
خالد : وانتي حالك مو حالها صح .. انتي أقرب لي منها !
مرام : أدرييي بس كل شي بوقته حلو ..
خالد بانفعال : آآآآآآآآآه متي يجي هالوقت متى ؟؟؟
مرام بنفس الانفعال واهي تضحك : لاتسألني لأني أتحرااه مثلك وأكثـر !
خالد بخبث : زين يامرام .. ان ماطلعت من عيونك كل هالشهور الي حرمتيني فيهم منك ماكون خالد وتشوفين !
مرام ولع وجهها وقالت : ياويلي شبتسوي ؟
خالد : شبسوي ؟؟ قولي وش الي ماراح أسوي !
مرام بغمزة : عاد تدري خالد .. شوقتني لهاليوم !
خالد انهوس وماعاد اتحمل يسمع هالكلام ولايقدر يقرب منها وقال : مرام انقلعي داخل !
مرام +ساره : ههههههههههههههههههههههههههه
التفت خالد لساره وضحك وقال : تعالي ياحلوة انتي باعطيك حلاوة ..
ساره فرحت ومسكت ايده وقالت : يالله ..
مشى خالد لباب الشارع والتفت لمرام وقال : انتبهي على نفسك حياتي ..
مرام : ان شاء الله وانت بعد ..
هز خالد راسه واهو يطالعها بنظرات هوستها .. وماكان بينزل عينه الا يوم شدت ساره ايده وقالت : يااااالله ...
خالد : هاه !! يالله يالله ..
ورمى على مرام بوسة طايرة .. وطلع اهو وسارة الشارع وفتح باب سيارته وكان جمب كرسيه مجموعة شوكلات .. مسكها وعطاها اياها كلها ..
ساره بفرحة : كل هذا ؟؟؟؟
خالد : ايه ياقلبي كل هذا ..
ساره : هههههه شكرا ..
خالد : عفوا ياعسل ..
" خلصت من الكبيرة .. استلمت الصغيرة ؟؟ "
كان صوت رجولي ساااااخر..
التفت خالد بسرعه لقى طـلال الجار الكريه لبيت ابو فيصل .. واقف نص الشارع وعيونه حمر ومعاه عصا ..!!
طالعه خالد من فوق لتحت وقال : ظف وجهك لا تشوف شي ماشفته بحياتك يالمنحط ..
قرب طلال منهم واهو يلوح بعصايته ويقول : شقلت ؟؟؟
لصقت ساره بخالد واهي ماسكة ايده بقوة وتطالع طلال بخوف .. وخالد قال : نزل عصايتك لو سمحت معاي طفلة لاتخرعها انت وشكلك !
طلال باستهزاء : دامك داري انها طفلة .. ليه جاي تلعب عليها !!
خالد : انطم انت وافكارك المنحطة مثلك ! واحسلّك فارق عن وجهي لأني ما أنزّل مستواي لهالاشكال وأجادلهم!
طلال : لا والله .. ؟؟ ماتنزل مستواك أجل هاه .. زين كمل لعبك على هالصغيرة ويجي يوم تشوف مين الي ينزل مستواه للثاني ..
كان يتكلم بانفعال واهو يلوح بعصايته .. وساره مااتت من الخوف وصارت تقول بخرعة : خالد بيضربنا !
حس خالد ان هالولد مو طبيعي وممكن يسوي شي يخرع ساره .. مسك ساره وقال : تعالي حبيبتي ندخل .. (( وسكر باب السيارة ومشى لداخل البيت ويوم جا يسكر الباب سمع طلال يقول : قلعـة تقلع هالبيت وأهله .. !
ولع خالد منه بس بنفس الوقت استغرب شهالعداوة الي شايلها بقلبه تجاههم .. يذكر انه كان دايم يشوف مشعل يبكي منه وكم مره طلع فيصل واتهاوش معاه
بس كلامه الحين يخرع ويحسس ان هالولد مو طبيعي وبقلبه كم هائل من الحقد عليهم والغيرة منهم !
اتنهد وابتسم لساره وقال : لاتخافين حبيبتي ترا مايقدر يسوي شي .. !
بلعت ساره ريقها بصعوبة .. ومسك خالد ايدها ومشى للباب الداخلي وفتحه .. ودخلت ساره وخالد قال يبي ينسيها : يالله خبي الشوكلات لا ياخذها مشعل يالله بسرعه يالله يالله .. ضحكت ساره وركضت للدرج واهي تقول : بايباااااي ..
ابتسم خالد وطلع ,, ومشى وفتح باب الشارع وحمد ربه يوم مالقى طلال .. مافيه حيل يتناقر مع هالاشكال ..
ركب السيارة ومشى فيها واهو يتذكر شكل طلال بعيونه الحمرا وعصايته الي بايده كيف كان فعلا يخرع !!
ان كان أهو رجع يتذكره .. شلون أجل ساره الصغيرة ؟؟؟
::
|
02-04-08, 11:56 AM
جديد مواضيع قسم القصص المكتمله من وحي قلم الاعضاء
العرض العادي
