الجزء الخامس


أستاذة ساره بعصبية :يا نوره سولفي انتي وفطوم بعد الحصه
كانت اول مره استاذه سارة تعصب علي كنت اعلم فطوم وش سوينا في البر سكت وماعاد بعدها تكلمت
"وحنا في الساحه "
فطوم :ليش زعلانه عشان استاذة ساره عصبت
نوره : أي اول مره تعصب علي
جتنا منور وهي تاكل سندوتش حقتها : بنات بنات تدرون غاده وش تقول عنكم
فطوم : وش تقول
منور : تقول انتو كسلانات مو شاطرات
فطوم وهي تحط يدينها على خصرها : حنا اشطر منها اصلن اهي ام شعر منفوش
النوري : ههههههههههههههههههههههههههههههههههه
ضحكت هذاك اليوم ومت ضحك على فطوم تتكلم وتعاير البنت ولو تشوف البنت قدامها بتهج وما تقدر تنطق بحرف واحد
رجعنا وجلسنا بزاوية الي نتفسح فيها وكنا مستعجلين عشان نقعد نلعب كنا بنات فصلنا نسوي دائره كبيييييييييييره الحين نسيت طريقة اللعبه بس الي اتذكره من العبه كنا لازم ندوس رجل الي بجنبي عشان تطلع خارج اللعبة
سمعنا صوت الجرس وصفينا طابور ومشينا لفصولنا يوم وصلنا لفصلنا الا استاذة ساره واقفة اصبرو لا تدخلون يالله ننزل تحت ومشت ومشينا مستغربين وراها مع اني كنت شوي زعلانه وابين لها اني متضايقة مشينا وستغربنا يوم وصلت الله يعزكم لدورات المياه مو داخل الحمامات لا للمغاسل الي برى قعدنا نشوفها وبعدين خلتنا مجموعات وقالت اليوم درسنا بيكون عن
صفة الوضوء
ترى مو زين ذكر الله في الحمام نفسه الله يكرمكم بس حنا كنا بمغاسل للاغتسال
بدت تشرح وتقول آيات وأحاديث
قال الله تعالى : { يَا أَيُّهَا الَّذِينَ آمَنُواْ إِذَا قُمْتُمْ إِلَى الصَّلاةِ فاغْسِلُواْ وُجُوهَكُمْ وَ أَيْدِيَكُمْ إِلَى الْمَرَافِقِ وَ امْسَحُواْ بِرُؤُوسِكُمْ وَ أَرْجُلَكُمْ إِلَى الْكَعْبَينِ }
عن أبي هريرة رضي الله عنه أن رسول الله صلى الله عليه و سلم قال : " إذا استيقظ أحدكم من نومه فليغسل يديه قبل أن يدخلهما في الإناء ثلاثاً ، فإن أحدكم لا يدري أين باتت يده " متفق عليه (.

عن حمران أن عثمان رضي الله عنه : " دعا بوضوء فغسل كفيه ثلاث مرات ، ثم تمضمض و استنشق و استنثر ، ثم غسل وجهه ثلاث مرات ، ثم غسل يده اليمنى إلى المرفق ثلاث مرات ، ثم اليسرى مثل ذلك ، ثم مسح برأسه ، ثم غسل رجله اليمنى إلى الكعبين، ثلاث مرات ، ثم اليسرى مثل ذلك " ، ثم قال: " رأيت رسول الله توضأ نحو وضوئي هذا " متفق عليه (.

عن عبد الله بن زيد أنه : " توضأ وضوء النبي صلى الله عليه و سلم فأكفأ على يديه من التور فغسل يديه ثلاثاً ، ثم أدخل يده في التور فمضمض و استنشق و استنثر ثلاث غرفات ، ثم أدخل يده فغسل وجهه ثلاثاً ، ثم غسل يديه مرتين إلى المرفقين ، ثم أدخل يده فمسح رأسه فأقبل بهما وأدبر مرة واحدة ، ثم غسل رجليه إلى الكعبين " متفق عليه

(والتور: شبه الطست).
اليوم وحصتنا عن صفة الوضوء الحصه الجايه عن نواقض الوضوء وبعدين جابت بنت وخلتها تتوضى قدامنا وتشرح لنا وكل شوي تطلع ثنتين ثنتين منا و نتوضى كنا نضحك ومستغربين هذا بدرس الفقه وقالت اول شي بعلمكم كيف تتوضون وبعدها كيف تصلون
رجعنا لفصلنا وحنا نضحك ونسولف ونركض كل وحده تبي توصل قبل لكرسيها كنا مستمتعين بشرحها وطريقتها نسيت اني زعلانه فرحت يوم قعدنا نطبق ونسيت كل شي وحان وقت الطلعة
طلعنا ندور على ابوي لكن ما شفناه بس سمعنا احد ينادينا التفتنا شفنا رشود وسلوم مع خالد وهم الي مرونا يبون يوصلونا رحنا ركض انا ومنور نبي نسبق من توصل قبل ويكون لها مكان مميز بالسياره لكن منور سبقتني وجت على الدريشه وانا جلست جنبها بجنبها لداخل
خالد وهو يبتسم : بباشر عليكم وش تبون تشربون
منور حركتها كثيرة وما تجلس بمكان واحد اقلقتني
منور : انا انا ابي ميرندا
النوري : وانا ابي بيبسي عشقي الأبدي
راشد : وانا ابي مثل منور ميرندا
وقف خالد عند المحطه ونزل وكل العيال نزلو معه ما خذينا الا الي يطل علينا مع الدريشة كان سعد وهو يبتسم
النوري : سعععععععد وين سارونه
سعد وهو يضحك : معي في السيارة
قلت بروح معكم وعلى طول منور تحب نقلدني
منور : وانا وانا سعد الله يسعدك بروح معكم
سعد وهو مبتسم : حياك الله
نزلت منور لأنها اقرب وانا قعدت اربط خيوط جزمتي لأنها نفسخت وجيت بنزل
الا سلوم ماسك يدي
سلوم : على وين
كنت بطنشه خالد معنا ومستحيل يخليه يمد يده علي ناظرته : بروح مع سعد
سلوم : مافيه ادخلي بسرعه
النوري : وانت وش دخلك فيني
بعدين اهو اخذ اصبعه وحطها على راسه وقال : كيفي
سمعت سعد يناديني يبيني الحق عليهم وقعدت اطالع سلوم ابيه يفك ايدي وكل شوي التفت على سيارتهم خايفه يروحون ويخلوني
جا خالد يمشي ومعه كيسه : النوري كلكم ترحون وتخلوني
طالعت بخالد اموت فيه : خلاص بجلس معكم
اشرت لسعد اني بقعد مع خالد هنا فك سلوم يدي وراح ورى على الدريشة وانا فرحت لاني بعد بصير جنب الدريشه وبطلع راسي منها وبتفرج على كيفي
سبقنا سعد ومنور مدري وش صار في سيارتهم لكن انا ويا الي معي صرنا ناكل
فش فاش ابو شمس ونشرب بيبسي ونسولف سوالف كثيره بس يوم طلعنا على البر وخلاص صرنا نمشي في البر شفنا الغدران قعدنا نصايح على خالد يوقف عشان نلعب
وفعلا وقف خالد ونطينا وقعدنا نلعب وقتها حتى سلوم ما قالي شي قعدنا نرش على بعض ونضحك بصوت عالي اصوات ضحكنا كأنها تنعاد براسي الحين ونسمات الهوا وصوت الشجر كان فيه نسمة هوا وكان فيه طيور اصواتها غريبة كان لها صدى على الماء على اصوات الشجر كأنها لوحة فنيه طبيعيه كلنا انا وراشد وسلوم اتفقنا على خالد وقعدنا نرشه وهو يتوعد فينا ويقول شوفوا من بيوقفكم مره ثانيه عند الغدران
رحت ركض له وقعدت الف يديني على خصره واعتذر منه : خلاص خلاص توبه مراح نسويها مره ثانية
وركبنا ومشينا وقربنا صوب اهلنا شفناهم من بعيد الخيام وحوش الغنم الحديدي والوايت والجبل الي جنبنا
نزلنا وشفنا جداتي كانوا فارشين برى الجو روعه حلو يغيم شوي وشوي يروح الغيم جينا ركض لمهم شفنا سعد جالس ويتقهوى معهم وسارونه ومنور يلعبون على الجبل رحت لم الخيمه اغير مريولي وجبت شنطتي وفرشت دروسي وقعدت احلم المطالعه = القراءة وقعدت اكتب حرف الباء واكررة واحل واجب الرياضيات ابي اخلص دروسي عشان اروح العب معهم يوم خلصت وكتبت دروسي دخلتهم الشنطه وجبت كتاب الاناشيد وقعدت اكرر
مليكنا مليكنا مسكنه قلوبنا نحبه لانه إلى العلى يقودنا "ههههههههههههه نسيت باقيها الي تعرفها تكملها "
جتنا سارونه ومنور : وش تسوين
النوري : اذاكر عشان اروح العب معكم
منور : يوووه بعدين خلينا نلعب اول
النوري : لا اول شي بذاكر وبعدين بروح
جت منور وفتحت شنطتها وقعدت تبرا اقلامها وكل شوي تبرا وينكسر وترجع تبرا القلم لدرجه انها وسخت الخيمه
سارونه : يوه النوري حنا الحين مابعد جينا مليكنا تونا
النوري : لا حنا اليوم خذينا مليكنا
سارونه : بوريكم النجمه الي حطتها لي المدرسه في دفتري

مضى على وجودنا بالبر تقريبا اسبوعين وكلكم عرفتو كيف طريقتنا اذا رحنا لمدرسه وإذا جينا هذاك اليوم كنا مسوين عزيمه كبيره صح نسيت اعلمكم جانا خالي فهد وعياله فهد ونجود ونجلا وكانت عزيمتنا كبيرة مره كل الي في حارتنا جونا من ربعنا وعيالهم وجيرانا وجتنا فطوم كنا مجتمعين البزران حول غدير بعيد شوي يعني مثل دايم نتسلل ونتفق ونروح يمه وكنا نلعب لعب فيه لدرجه لو تشوفون شعورنا تخترعون كانت مصبغه به تصبيغ اتحدى أي صبغة امريكية تجي مثل لونه الطبيعي هههههههههه
المهم ارجع لقصتي ايوى كنت انا وسارونه ومنور وفطوم نلعب ونضحك وكان معنا رشود وسلوم وحمد ولد خالي فهد كان حمد انسان غريب مره يختلف عن سلوم ورشود صح يلعب معاهم بس كان يتفرج علينا وحنا نرش بعض ونلعب بالطين خذيت رشه من المويه ورشيتها عليها اتذكر وقتها انه تأفف وسبني بكذا سبة وراح بعيد ينظف ثوبه كأنه يتقزز منا وقعد يلعب بكورته بعيد عنا حز الموقف في قلبي ولا بغيت ابين بس الي زاد الطين بله ضحك سلوم يا ناس اكره واكره اكثر يوم جلس يضحك علي يعني هو من بد هالبزران انتبه لسب حمد لي مع ان البقيه ما عطوني خبر شفنا سياره جتنا من بعيد كلنا وقفنا لعب وقعدنا نطالع وش نبرر الحين وش نقول لو بنكذب اشكالنا برهان على فعلتنا
كان سيارة جدي ويسوق فيه سواقنا ابراهيم جى يمشي وقف كان جدي يطالعنا وساكت ما درينا وش بيقول لنا مع اني اعرف جدي زين وما اتوقع راح يضربنا بس مدري ليش حسيت بخوف حسيت ان فعلن سوينا شي غلط روحتنا للغدير بلحالنا ولعبنا فيه غلط ابراهيم هو الي تكلم
ابراهيم : انتوا ايش سوي
راشد رد عليه : شدخلك انت
جدي بعصبيه : عيب ياراشد حتى لونه سواق تحترم الشخص الي اكبر عنك
" اعتذر منكم اذا قلت الحين ما اشوف تربية مثل اول لكن اول حياتهم مدرسة لكن حنا الآن اكتفينا بالمدرسه تعلم عيالنا وخلينا التلفاز يكمل تربيتهم لكن قبل كانت الام تربي الاب يربي الجدان يربون كان الطفل منهو صغير يضيف ويرحب كان يعرف العيب والزين والشين الحين مع احترامي لاطفالنا نقدر نقول دلوخ ومابي احد يزعل من كلامي وما راح اقول الكل لكن اقول الاغلبيه "
نرجع لحوارات القصة
راشد وهو منزل راسه : جدي جدي انا اعتذر منك
جدي : اذا تبي تعتذر اعتذر من ابراهيم
وفعلا اعتذر راشد من ابراهيم
جدي بحزم : يالله امشو واذا بغيتو تبعدون بلغو اهلكم لو احد فيكم غرق او كان في الغدير زاروط =" حفره غميقه تبلع او تزرط الشخص "وش بتسون ومن بينقذه
فعلا كلام جدي في محله لو غرق فينا احد محد راح يقدر يساعده ما انتبهنا لغلطتنا بزران ما همنا الا اللعب رجعنا وكلنا ركبا فوق وسياقة ابراهيم يسرع وجدي مثل العاده يصارخ عليه يهدي وكلنا نضحك على جدي وعلى ابراهيم لانه شايب بعد وكأنهم يعاندون بعض
نزلنا وكل واحد اخذ علقه من امه عشان اشكالنا حتى رموشنا ما سلمت من الطين 
بعد ما اغتسلنا رحنا لم الخيمه وكان فيه حريم كثار حريم عماني وحريم جيرانا وطلعنا بزران ما نحب جو الجمعات نبي نلعب بلحالنا شفت نجلا ونجود بلحالهم وكانوا على الجبل الي قلت لكم عنه رحت لمهم سارونه والبنات الباقين راحو يلعبون عند حوش الغنم رحت ركض لمهم ولقيت نجلا معها عصا وتخطط على الرمل الي كان في عرض الجبل وتسولف مع نجود
نجلا : هلا والله هلا وغلا بالنور كله هلا بالنوري
جيت وانا اتشقق من الوناسه بزر ولقى مثل هالترحيب بيوصل للسقف كانت نجلا اكبر من نجود بس فيها نعومه وجمال غير طبيعي حتى نجود نفسها بس نجود تحسون فيها قوه الا نجلا تحسون ان نسمة الهوا تجرحها فيها رقة غير طبيعيه كانت رافعه برقعها من على راسها وبسمتها جذابه
نجلا : تعالي النوري جنبي قولي لنا وش سويتي بالمدرسه
النوري :استاذة ساره تحبني صح عصبت علي مره بس دوم تحط لي نجمه وعطونا انشودة الله وعطونا مليكنا وطلع البدر علينا وبديت اعلمها عن ادروسنا وهنا حكت نجود
نجود : نوره انتي تحبين الدراسه
كان في سؤالها قوه غريبة الحين لما اشوفها واتذكر هذيك الايام اقول سبحان الله اثاري الانسان الي قوي شخصيته ينبان حتى لو كان صغير يمكن تعجبون سؤالها عادي تحبين المدرسه بس طريقتها في طرح سؤالها شكلها وهي تناظرني خلاني ادري ان نجود قويه
النوري : اممممم أي احبها واحب استاذة ساره واحب خوياتي غاده وحنان وسعاد وبديت اعد بنات فصلي
نجود : يعني انتي تحبين صديقاتك مو المدرسه
نوره : يوووه لالا انتي ماتعرفين وش ابي اقولك انا اقول احب صديقاتي واحب استاذه ساره واحب دروسي كل شي كل شي
ضحكت نجود ونجلا على كلامي وقتها ناظرتهم وبتسمت مسكت نجلا خدودي وصارت تقرصهم وانا ازيد في الضحك
سمعنا صوت رجال يتحنحن نزلوا البنات براقهم وتغطوا بالاجله وانا التفت لقيته
النوري : خااااااااااالد
خالد : السلام عليكم
البنات : وعليكم السلام
خالد : كيف حالكم يا بنات
تفاوت اصواتهم وهن يردن عليه
خالد : المعذره يا بنات بس انتو رافعين براقعكم وحنا نشوفكم من بعيد والشباب كلهم مجتمعين
شفت نجلا ونجود كل وحده تقول لثانيه ردي عليه قولي ليه اخير نطقت نجود
نجود : اسمحلنا يا خالد ما درينا انكم تشوفونا
ابتسم اخوي خالد : ماصار شي
ونزل راجع وبعد ما راح شفت الخجل في نجلا اكيد بتخجل ولا كيف صارت زوجة اخوي خالد اقولكم الحين سالفة زواجهم وكيف خطبها خاص شكلي مراح اقول مابي تتهون ابي امشي معكم خطوه خطوه نرجع يوم نزل خالد
نجلا : يووه الله ياخذ الشيطان شافونا
نجود : طيب حنا ما نقصد
نجلا : ولو الحين وش بيقول خالد عنا
نجود وهي تضحك : وانتي وش همك وش بيقول خالد طيب ليش ما هتميتي بالباقين
التفتت لي نجلا وانا كنت اشوفهم وفهمت نجود انها ما لازم انها تتسرع وتتكلم
نجلا وقفت : اقولي نجيد قومي واقفة خلينا ننزل
نزلت نجلا ونجود وكنت امشي معهم واسمع سواليفهم مع بعض وكانت نجلا تغني بصوت حلو بس ما اتذكر وش اغنيتها لكن اتذكر نجود يوم تقولها : يا عيني يا عيني
دفت نجلا نجود وهم ينزلون : الله يا خذ ذا الوجه انطمي بتفضحينا
ما فهمت ولا هتميت اني افهم نزلوا هم وراحو للحريم وانا رحت للبنات عند حوش الغنم لكن سمعت صوت خالد يناديني
خالد بصوت واطي : النوري النوري تعالي
النوري : وش تبي
خالد : البنات زعلو يوم قلت لهم
اه يا خالد مالقيت الا بزر تسئلها مثل هالسؤال وقتها اقول والله ان الحب يخبل الواحد اجل فيه عاقل يسئل بزر هالسؤال
النوري : وشو لا نجلا قالت الله ياخذ الشيطان وش بيقول خالد عنا
خالد : هي قالت كذا
النوري : أي قالته وقالت نجود ليش وش يهمك في خالد ماكل العيال بعد شافونا
" والله وقربت بينكم يا نجيل انتي وخلود وانا مدري "
شفت الفرحه على خالد صار انسان غير مسكني وصار يلف فيني وهو يضحك وضمني له
خالد :ياحياة خالد انتي تدرين انك ريحتي قلبي
سالفه عرس خالد على نجلا راح تعرفونها بعدين وبعد نجود من تتوقعون بتاخذ يالله حزرو فزرو ابي اشوف توقعاتكم ويالله يمكن البارت الجاي ابدى اكبرهم ونبدى القصه من جد

الجزء السادس


" بعد مضي 3 سنوات "


الأحداث وفاة جدي و رحيلنا



فراق ... وداع ... قسوة ... حزن ..
نعم رحلنا تركنا بيتنا كتمت عبرتي وانا اركض بالحوش تحت النخل ادخل لصندقة الارانب وحتى وهي خاليه من الارانب السدرة شجرة العنب شارعنا الدكان البوفيه ويوم نعسكر فيها برمضان أي برمضان كان كل يوم على واحد بالحاره كان يخلص رمضان يمكن ما جا الواحد الا مره او مرتين كل يوم عند احد كان جو إيماني رهيب كنا نشوف الفوازير بعد المغرب كنا نلعب بالشارع اذا صلينا المغرب عند بيت الي عنده الدول او الي عنده العزيمه اتذكر اكثر لعبة نلعبها شبرا امرا خمس نجوم صرت اركض بشوارع حارتنا كنت اشوف بيوت الطين كنت اشوف الشوارع العامه اشوف المسجد اشوف جيرانا اسمع الأصوات الي اموت فيها صوت الديك لا تضحكون انا اعشق صوته يذكرني بايام طفولتي لأنه مقترن بقومتنا الصباح اسمع اصوات الحافلات الكبار اسمع اصوات غريبه علي اصوت الطيور طير غريب عجيب تدرون وش كنا نتوقع يوم كنا صغار يقول كأنه يقول جديتي احس بحنين لذيك الأيام احس بوله


"يأخذني الحنين من خواطر غيوم الشوق "

يـأخذني الحنين لأشياء أجهلها ....

اسمع صوت ذكرني بماضي بعيد ..

بذكرى مازالت عالقة في ذهني ....

أحاول ترجمت الرؤيا الغريبة التي تراودن.. ..

لا زلت تائهة

لا اعرف أي درب أسلك ...


جدار الصمت أشرف على الانهيار .

ولغات البوح قاربت الانفجار .


وسيل التسأولات انصب انهار .


فكيف السبيل ..

لا أعلم هل هذا سر من أسرار الكون ...

هل هي قوة خارقة ... لا يحس بها....

إلا صفوة من البشر...

شيء عجيب !!.. أمر رهيب..!!
لا احد يستطيع أن يتنبأ به ؟

عثرات أو مجرد ذكريات......

لا استطيع أن أدرجها تحت أي مسمى...

لكن ما أنا متأكدة منه

أنها ورقات طويتها ولن استطيع ان ارجعها كما كانت ....



ابحث في دجى الليل ....على نبراس الهدى ...

مازالت الرؤيا معتمة ....لا تظهر أي ملامح!!

فعلا اشياء غريبة تحصل لي ساعدوني انجدوني انتو مثلي احد يا بنات الم الامارات مثلي احد مثل نوره يحس بالي تحس فيه تحن حتى لأصوات السيارات تحن لأصوات الطيور اذا سمعتها بكت تحس بأحاسيس غريبة بشي فريد شي الي حولها ما تكلموا عنه شوارع من يحن لشوارع مغبرة من يحن لأرض لكوم رمل هل الذكرى او هل أيام السعاده هي سر تعلقنا بتلك الأصوات رجعنا من البر وسارت حياتنا عاديه من المدرسه إلى البيت ومن البيت إلى المدرسه وكما تعودنا نلعب في وقت العصر بالشارع ونجحت ورسبت منور باولى وتفرقنا واخذت الأيام بالسير وانتقلنا من مرحله لمرحله لحد ما سمعنا بحادث جدي المرعب يوم لن أنساه صحيح وقتها كنت صغيره بس كنا مثل عادتنا بالشارع نلعب شفنا شخص متلثم بشماغه وجا يمنا وين ابو خالد

وقف راشد : ابوي في الدوام
الرجال : وين يشتغل ابوك ما تعرف رقمه
راح راشد يمش معه وعطاه رقم ابوي كنا نلعب بس سمعنا صراخ وبكي جينا ندخل شفنا جدتي تبكي وتقول لا اله الا الله يارب صبرك يارب صبرك يارب ثبتنا يارب ثبتنا صوت بكي امي يخرع

النوري : يمه يمه وش فيكم صرت اجر امي واهزها ابي تعلمنا وش فيهم يصيحون
لكن محد رد علينا شفت عمتي صيته داخله علينا وماعليها الا جلال

عمتي صيته : يمه ابوي ما مات يكذب من قاله ابوي ما مات

هنا شهقت جدي مات دمعت عيوني جلست جنب امي امسح دموعي وتنزل مو راضيه توقف شفت بكيهم يقطع قلبي اصوات شهقاتهم تروع كانت جدتي مغطيه وجهها بشيلتها وجسمها يهتز هز كانت تقول لا حول ولاقوة الا بالله يارب سترك يارب يارب
بس عمتي صيته تفرك صدرها : راح خلاص راح مراح اشوفه مره ثانيه خلاص اسمحولي مراح اكمل ما عاد اقدر اكمل كل ما اتذكر الأيام هذيك ابكي
\
/
\
/
\
/
\
/
\
/
\






مضت الأيام والشهور وجا يوم ابوي يتكلم اهو وأمي وجدتي كان كلامهم كثير واصوات تعلى وتوطى كان الجو برد وكنا مجتمعين بغرفة التلفزيون ونلعب بورقة لكن مثل عادتي انا ملول وقفت وجيت امشي لقيت جدتي تقول مراح نبيعه بأجره وشو الي يأجرونه بزر ما اهتميت
جا الصباح وراحت امي بدرري مع ابوي وكنا نطالعهم بالشارع ورحنا ركض نبي نروح معهم بس رفضوا يودونا وقعدنا بنص الشارع نطالع بعض كنا في إجازة وقعدنا نسولف

لكن المفاجأة الي درينا بها إن أبوي راح مع أمي عشان يشترون أثاث بيتنا الجديد ما كان احد منا يدري سمعنا ابوي بالصدفه وهو يعلم جدتي ويسولف مع زوج عمتي صيته ويقولها عن بيتنا
احس نفسي بحلم كيف وشلون كيف بنروح ونخلي بيتنا بخلي النخل والطين بخلي ذكرياتي وطفولتي لا مو معقولة بس فعلا بدى كل شي بسرعة شفت فطوم تساعدنا وحنا نعبي سيارتنا من اغراضنا ما خذينا من بيتنا إلا ملابسنا جت امي لنا وقالت يالله امشو ومشينا معهم والتفت شفت فطوم وهي تفرك عيونها مشهد ما راح من بالي كانت تدمع عيونها ركبنا السيارة ومن ركبناها ومشينا شوي انهارت فطوم وجلست على الارض وجلست تصيح بصوت عالي وكنا نسمعه وكنا بحالة صمت كانت عيوني تدمع ومسح دمعاتي بدون صوت و كانت امي تسولف مع ابوي وكان خالد اخوي معه جدتي بسيارة الثانية كان راشد ومنور يتناقرون مع بعض ويتهاوشون بينهم وانا كل شوي اتلفت على حارتنا كنا نمشي ونمشي مع الشارع الرئيسي بين النخيل كنا نمشي ونمر على مزرعه ونتعداها لمزرعه ثانية ونمشي وكأنا نطلع من المزارع ودخلنا شارع ثانوي ومنه شارع رئيسي وتعدينا شوارعنا الي انا متعوده نروح ونرد معها مشينا ومشينا وبدينا ندخل على شوارع وعماير وبيوت وفلل شفنا بيت من دورين ثنين له حوش كبيييييييييييييييييييير بس خالي من أي شجره كله بلاط كان صح ابيض مره وكانت بوابة البيت قدامنا بس غريب علي هذا الي بعيش فيه مافيه نخل مافيه طين حتى شارع ما نقدر نجلس فيه اغلب جيرانا ما شفناهم برى كل واحد بيته حسيت كأني غريبة وانا وسط اهلي ليش انا غير ليش انا مو مثل منور اركض واكتشف البيت ليش بس اشوف بيتنا القديم قدام عيوني وكأني فاقدة شخص مو بيت ليش ما عرفت ارد على نفسي ولا على الأسئلة الي داخلي
مشينا كنا نسمع كلام جدتي وامي وكانوا يقولون كلام ويذكرون الله
الدعاء عند دخول المنزل
عن أبي مالك الأشعري - رضى الله عنه - قال: قال رسول الله - صلى الله عليه وسلم: إذا ولج الرجل بيته فليقل "اللهم إني أسألك خير المولج وخير المخرج بسم الله ولجنا وبسم الله خرجنا وعلى ربنا توكلنا ثم يسلم على أهله"
رواه أبو داود
شفنا القسم الي بالحوش كان الملحق المجلس والمقلط والمغاسل
دخلنا داخل العماره مع البوابه الرئيسة لقينا قدامنا سيب طويل و على اليمين صالة كبييييرة وكان فيها كنب دائري لونه فستقي فاتح والفرش موج بين زيتي وفستقي وستاير نفس الشي بعدين غرفه فيها على اليسار فيها فرشه بني وسجده بني وبيج ومساند نفس التمويجه بني وبيج ومكتبه بسيطه فيها تلفزيون وبعدها الله يكرمكم دورة مياه ومغسلة برى لغسل اليدين وبعدها غرفة فيها سرير كبير ودولاب بس السرير والدولاب نفس اللون كان عودي غامق كان هذا غرفة جدتي ولقينا الدرج جدتي رجلينا ما تساعدها ترقى فوق جلست على سريرها وحنا كملنا نستطلع البيت كان فيه على طول غرفه وبدورة مياه قالت امي لنا انها لخالد اخوي وان شاءلله اذا اعرس لعروسته معه وبعدها غرفه ثانيه لرشود وعزوز ياحبي لعزوز ما اتكلم كثير عنه يمكن اغلبكم نسى ان لي اخو اسمه عزوز ولا يهمكم ان شاءلله راح اسلط عليه الضوء بعدين ايوى نجي لغرفتي انا ومنور كانت عاديه دولاب وسريرين لي واحد ومنور واحد اخيرا بنرقد على اسرة قبل ما نعرفها كانت بس دواشق الله شكلنا الحين عز وبعدها غرفة امي وابوي وكان فيه بلكونه احسن شي بيتنا ان فيه بلكونه صح امي تطردنا نطل معها لأنها مكشوفه والي برى يشوفنا اذا طلينا بس كانت تخاف علينا نطيح مو قصدها يعني احد يشوفنا لأنا تونا صغار انا برابع ومنور بثالث يعني تونا ما تغطينا

ابد ابد ما حبيت بيتنا سوا ابوي عزيمه وعزم جيرانا الي جنبنا وعزم اكيد عماني وعماتي وخالي فهد وجداني

الحين وين نلعب اجتمعوا البزران الشارع ممنوع نلعب فيه يعني مافيه إلا الحوش نلعب فيه كان صوت اصراخنا واصل اخر الحي كل شوي نلعب وشوي نجتمع دائرة ونقعد نسولف
بعكس راشد وسالم وخالد كانوا ياخذون القهوة ويقهون الرجاجيل خف سلوم عن اول ماعاد صار يهاوشني احسه صار يتجاهلني يمكن لأنه صار الحين كبير وبمتوسط يمكن ليش لا وكانت نجلا ونجود بالمطبخ مع امي يساعدونها بتزيين القهوه وتقديمها لرجاجيل والحريم وانا ومنور كتفينا بالعب او اذا بغت امي انظف أي شي توسخ نجي ونقعد انا ومنور نظفه تغيرت الحياه عن اول صار مطبخ كبير اكثر عن مطبخنا الأول ولون ادراجه بيضا مره وكان دائري وجاب ابوي فرن عزت انا ومنور نطوله اذا جينا نسوي اكل وصرنا نجيب قدر صغير ونحطه بالارض ونطلع عليها عشان نحرك الكشنه او البصل او اذا سوينا اكل وكان بوسط المطبخ بعد مغسلة الي نغسل فيها المواعين كان غير عن مطبخنا القديم ياربي بيتنا غير صار غير كل شي تغير حتى انا ومنور صرنا نغسل ملابسنا وننشرها بالسطح يالله تذكرت النخل تذكرت يوم اصعد عليها واطل على بيوت كل حارتنا واقعد اقطف الرطب وعبي سلتي ونزل بها لهلي يتقهون عليه خلاص خلاص يالنوري خلاص مراح تشوفين النخل مره ثانيه او مراح ترقين عليه مره ثانية

تعبت لحد ما تعودت على حياتي في حارتنا الجديده حتى بمدرستنا صح كنت متفوقة بس كنت احاول اثبت وجودي لأني تونا جدد ولازم يعرفون اني ممتازة وهذا شي صعب علي
مرت الأيام وبديت اتعود شوي شوي صح نسيت اعلمكم المدرسه قريبة من بيتنا كنا نمشي مشي وسواقنا سفرناه بعد وفاة جدي لأنه اكثر شي يحبه وجدتي باعت غنمها مع الارانب أي اقولكم ومرت الايام وصلت لمتوسط كان اخوي خالد مخلص كلية العسكرية وله سنه من توظف مريت ولقيته يسولف مع امي ما كنت قاصده اتسمع بس سمعته يقول ابيها كان يبي نجلا
امي :هذولي بنات اخوي يمه بس ودي تاخذ نجود
خالد : يمه وانا مابي الا نجلا وبعدين نجلا اكبر من نجود
امي : بس نجود قويه سنعه ولا نجلا ياولدي ما تحمل الغربة انت تبي احد يروح معك لكل ديرة تنتدب لها شوي بخميس مشيط شوي بالشرقية شوي بالحفر شوي بتبوك شوي بجده ونجلا يا ولدي ما تحب تبعد
خالد : تكفين يمه لا تحرميني منها انا ابيها اغليه يمه
امي : والله يا ولدي بخطب وبشوف الله يستر لا يرفضون
خالد وهو يحب راس امي : قولي ان شاءلله يوافقون

فرحت يوم سمعت موافقة خالي وزوجته على زواج خالد حتى ولو انه ابتعد عنا واخذ نجلا وراحوا بس كل ما تجي لهم اجازة يجون يمنا
بقى راشد اخوي الي متسلط علي انا ومنور ومخلينا عنده مثل الشغالات انا اسوي له بطاطس مقليه وعصير سان كويك ومنور تغسل ملابسه وتكويها وحيانا يتأمر علينا لا كله كوم واذا جانا سالم الحين من قدهم هو وسالم صاروا بالثانوي واكبر صح سالم تغطينا منه وصرنا ما نطلع عليه بس بعد يزهقونا وهم يلعبون سوني وقدام التفزيون وكل شوي نسوي لهم شاهي وسندوتش وشوي يلعبون سوني وشوي يتفرجون على المباريات كان فيه دوري واحد متعصب هلال والثاني نصر وصياح وحنا المستفيدين كان أي فريق يفوز الي فايز فريقه يعشي من المطعم عرفنا المطاعم صح كان دجاج مشوي شي فضيع وقتها ما يساوي كنتاكي بس عندنا يسواه ويستوي
هذاك اليوم الي غير حياتي كلها كانوا طالع راشد وسالم للمطعم مثل دايم يجيبون عشا وبيسهرون مع بعض وانا ومنور بنسهر بغرفتنا على فلم اجنبي على القناه الثانيه صح نصه مقطع بس العوض ولا القطيعه نزلت بسرعه للمطبخ اجيب لنا بيبسي كنت مخليته بالفريزر يجمد وخذيته وشفت انوار غرفت التلفزيون مشغله جيت ركض ابي اسكرها دايم ابوي يعصب علينا لازم نقفل الانوار رحت بسرعه ومديت يدي على الانوار ابي اطفيها بس لقيت واحد متمدد ومتمركي على المركى صرت اطالع فيع ويطالع فيني شعره طويل ونحيف وخشمه حاد مره وعيونه لا تسئلوني عن عيونه عذاب وربي يابنات لو اوصف مقدر اوصل المعنى المطلوب تدرون اذا صارت العين كبيره وجتها بنيه عيونه كانت ناعسة كنت لابسه جلبيه ولافه شعري أي كلام كان شكلي مبهذل مره جلابية بيت ولولد الي قدامي ملاك ما تحركت كنت اقول في خاطري معقولة هذا سالم معقولة صار حلو كان شماغه جنبه وماعليه الا طاقية ويمكن مخليه شعره يطلع بشكل جنان حسيت بنفسي وهزيت راسي ورتجفت شفتي كنت بتكلم بس لمحت ابتسامة منه بينت اجمل ابتسامة بحياتي رحت ركض وانا ارتجف رميت اغراضنا على سريري ورحت ركض للمغسله اشوف شكلي على طول ليش ابتسم اكيد يضحك على شكلي المبهذل ياربي ليش انا مو مثل منور دايم تحب تتكشخ بالبيت ليش انا ما اهتم بنفسي بالبيت دايم بس انظف والم شعري معقولة ابتسامته ابتسامة سخريه اكيد هو من يومه بزر وهو يكرهني وكل شوي اخذ من المويه وغسل وجهي ابي ابرد حرارة وجهي رحت وجلست على سريري ونسيت بيبسي وصار حار وانا عايشه بعالم ثاني سارحه بعيونه وابتسامته
كانت بداية حبي أي لا تستغربون حبيت سالم تعلقت فيه صرت افرح اذا جا بيتنا وجتمع مع راشد بس انقهر اذا جا ولد شريك ابوي عامر الي جيرانا والي جا ابوي الحي هذا عشان يسكن جنبه وبدى ابوي مشاريعه معه كنت انقهر لاني ما اسمع سواليفهم كان عامر هو الي يسولف وكان يحب يتفلسف شفت عزوز جاي ويشيل شنطته
عبد العزيز : نوره وش تسوين هنا
كنت جالسه على اخر درجه بالدرج واسمع حكيهم
نوره : ابي انتظر ابوي ابي اطلب منه طلب
عبد العزيز : طيب الحين لو يطلع احد من العيال راح يشوفك
نوره : لا محد راح يشوفني بسمع صوته اذا تنحنح
عبد العزيز : نوره ارقي فوق عيب وش بيقولون عنا
نوره : لاحول راح راشد جان عزوز
عبد العزيز : عزوز بعينك يالله طسي
نوره انقهرت كنت ابي اسمع وش يقولون لاني سمعت سالم يضحك مره كنت متحمسه وشو الموضوع الي خلاه يضحك

"صدمـــــــة "


كنت جايه من المدرسة وكانت منور غايبه كنت بثاني متوسط ومنور باولى كانت مريضه مزكومه شوي والي وداهم للطبيب سعد انصدمت من الي شفته كان سعد يحكي لولد جيرانا عامر الي معطيني ظهره كلام صدمني كانوا مو منتبهين لي بس صدمتي ان اسم اعز مخلوقة على قلبي واختي بينهم كان سعد يتعرف بحبه لمنيره اختي لكن الي صدمني انه راح يتزوج نجود كيف يتزوج نجود وهو يحب منيره وكيف سعد يحب منيره وحنا نعتبره اخو كبير مثل خالد مشيت وحاولت ما ابين لهم نفسي ماحبيت اعلم منور عن الكلام الي سمعته يكفي مرضها الله يعينك يا نجود كيف تاخذين واحد يحب غيرك شفت شي صقع برجولي وانا كنت فاتحه باب البيت وبدخل دنقت شفته شريط = كست دنقت عليه والتفت شفته سالم كان ياشر لي بحركه باي وباس يده وارسلها لي دخلت وبسرعه لغرفتي ونسيت سالفه منور وسعد ونجود وقعدت شوي اضحك وشوي ارتجف من حركه سالم سبحان مغير الأحوال من كره لحب

رحت بيدين ترتجف وفتحت مسجل وحطيت الشريط وبدت تنهل الكلمات منه

الشاهد الله بدونك ضايق صدري يفز قلبي الى من جابك الطاري انا ذبحني غيابك وانت ماتدري قلبك بعيد وعيونك تسكن افكاري اسوق عمري غلا يوم الغلا مشري وابيع كل البشر واصير لك شاري

كانت اغاني متنوعه كلها شوق وله معقولة معقولة يحبني انتو معي تتوقعون يحبني ولا لا فكروا معي

الجزء السابع



انطلاقة ونمو ذاتي وتحرر بسيط للعادات


منور : يووووه النوري صدعتي راسي قفلي المسجل ترى راسي تصدع تعرفيني اكره الرياضيات والحين انا احل واجب الرياضيات وابلا حصه معقدة لو اجي ما حليته صح هزئتني قدام البنات يووووه ارحميني انتي كل شوي مشغله ذا الشريط
جيت امشي يمها واطيح على سريرها وهي كانت فارشه دروسها على السجاده الي عند سريرها بالأرض
النوري : هذاني طفيته تصدقين منور فطوم من زمان ما كلمتها دايم اذا التهيت وما كلمتها تكلمني
منور : يمكن طفشت منك
النوري : كش عليك فطوم صديقتي مراح تطفش مني مستحيل
منور : ياربي طيب روحي كلميها وشوله مزعجتني
النوري : مالت عليك ابي اسولف معك واعلمك بخباري
منور : مستغنيه عن اخبارك مابيها
النوري : أي حبيبتي بعدين راح تترجيني وتقولين تكفين نواره عمري نوره علميني وانا اتشرط وقتها
منور : اذا جيتك ذيك الحزه تعالي ناقشيني
وبدينا مثل العاده نتناقر لكن قطعت علينا أمي يوم دخلت وجلست على سريري لا تستغربون امي دايم اذا دخلت غرفتنا تحب تجلس على سريري وتقعد تسولف معنا جيت ركض وجلست جنبها
امي بضحكة : صديقتكم بتعرس
صديقتنا صديقتنا كلمه قعدت ترن بأذني نجود بنت خالي مو صديقتنا ساره لا ساره مثلنا توها صغيره طيب امي تقول صديقتكم
النوري بتردد : من هي يمه
امي : فاطمة بنت جيرانا
منور بصرخه : مو معقووووووووووووووله ليه يمه حرام توها صغيره
نوره : عشان كذا ما ترد علي
امي : مسيكينه مقطعه نفسها من الصياح بس بيدخلونها عليه الخميس هذا وبتروح معه لجيزان
نوره بصرخه : حرام عليهم ليش يمه ليش
امي : وشو الي ليش جاها نصيبها وهم طبعهم كذا
نوره : بس توها يمه بثاني متوسط و توها صغيره
امي : يابنت حنا نتزوج تو عمارنا تسع عشر الحين تحمد ربها عمرها 14 سنه كبيره ما عليها خلاف الله يوفقها
رحت ركض لتلفون البيت امسك سماعه التلفون وتطيح من يدي وارجع امسكها مره ثانيه ايديني ترجف وانا ادق رقم حافظته عن ظهر قلب حتى لو اغمض عيوني ادل ارقامه رن وجلس يرن مو على العاده دايم فطوم ترد من ثاني دقه بس الحين انقطع ورجع يدق مره ثانيه جاني صوت صفيه
نوره : السلام عليكم
صفيه : وعليكم السلام اهلين نوره كيفك
نوره : بخير فطوم فيه
كنت معصبه ابي اقولها لا تخلين احد يتحكم فيك ارفضي ما عليك من أي احد بس من سمعت صوتها المميز غصب ابتسمت
فطوم : النوري كيفك
نوره ببتسامه : بخير يا قلبي شلونك انتي
فطوم : بخير
قعدنا شوي ساكتين
نوره : فطوم انتي راضيه تتزوجين
فطوم وهي تتنهد : ولد عمي كبر خالد اخوك
نوره : بس مو كبير عليك
فطوم : نوره حنا غيركم حنا البنت اذا تغطت خلاص زوجوها يقولون ستر لها
نوره : اهم شي ما تتضايقين
فطوم ضحكت : اهم شي افتك من المدرسة
نوره : فطوم يعني خلاص بتروحين وتخلينا
فطوم : يا عمري يانوره هذا احنا تفرقنا وما صرنا نشوف بعض مثل اول بس بينا مكالمات وهذا نفس الي بيصير اذا رحت للجنوب
سكت ماعاد عرفت اكمل تعذرت من فطوم ودعيتلها وقفلت وقلت يمكن ان شاءلله يكون ولد عمها حبوب ويحبها وقعدت افكر لو اتزوج سالم وش بيصير وتخيل حياتي معاه لكن قطع حلمي صوت راشد
راشد : نوره اليوم سوي لنا عشا فيه مباره بين الهلال والشباب وبيجون الشباب يحضرونها عندي
نوره : وش تبي بالضبط
راشد : عادي أي شي خفيف تعرفين انا والشباب مابينا رسميه
نوره : ابشر من عيوني
كنت فرحانه صح سالم نصراوي بس اكيد جاي اليوم عشاني
رحت للمطبخ وفتحت الثلاجه وشوف وش فيها عشان استعد وافكر وش بسوي لهم
رجعت لغرفتي لقيت امي نايمه الضحى على سريري ومنيره نفس مكانها تحل
نوره : هههههههههههههههههههههه اخيرا يا منور لقيتي مدرسه تخرشك وتخليك تعرفين السنع
منيره : اسكتي بس الله ياخذها بهذلتني ياربي ودي افتك من المدرسه
نوره : تعرفين راشد عازم العيال يسهرون ويتعشون عندنا وش رايك نقول لساره تجي
منيره : تعرفين ساره من بعد الموقف الي صار لها مع راشد اخوي وهي حالفه ما تطب بيتنا
نوره : الله يقلع عدوه يارب لازم اقنعها تجينا نبي نسهر ونسوي لنا قعدة بالسطح
منيره : كلميها وشوفي بترضى او لا او يمكن مشغوله عشان عرس اخوها سعد
انصدمت منور عارفه ان سعد بيعرس اشوى يعني عادي عندها
نوره بتردد : منيره لو سعد متقدم لك بتوافقين عليه
منيره : يووه نوره شوفي تفكيرك وين وداك يعني شفتي فطوم بتعرس تبين تزوجيني بعد والله انك خبله انتي وسارونه
نوره : وش دخل سارونه
منور : أي قالت لي ياليتك تعرسين على سعد وتجين بيتنا قلت لها خبله انتي سعد كبر اخوي خالد او اكبر عنه وتبيني اخذه وبعدين مثل اخوي
نوره بصدمة : وش قالت لك
منور : قالت بس انا الي اقولك اصلن سعد مراح يفكر فيك يبي واحده كبره او اصغر عنه بسنه او اقل
نوره : مالت عليك ورافضه سعد مشاءلله جمال وشخصيه لا وبعد معيد بالجامعة ان شاءلله تاخذين المعقد
منوره : قصدك حمد يا حليلك مو امه دايم تقول نوره زوجة حمد
نوره : بسم الله علي لا نشاءلله
منيره : وقت الجد ما تقدرين تقولين شي ها بتقولين لساره عشان نفلها ونجتمع بالسطح
نوره : بقولها يعني معقولة عقلها صغير ترد على راشد تعطيه ابو لباس وتسفهه وربي راح ينقهر
منيره : طيب اتصلي عليها وشوفي
رحت بسرعه ابي اقنع ساره عشان تجينا ودقيت ورد علي سعد
نوره : السلام عليكم
سعد : وعليكم السلام
نوره : هلا سعد شلونك
سعد وعرف انها نوره : الحمدلله بخير الله يسلمك انتي اخبارك واخبار الأهل
نوره : الحمدلله بخير الا مبروك سمعت انك خطبت
تنهيدة سعد كانت واضحه : الله يبارك فيك وعقبالك
نوره : تسلم بس ليش متضايق
سعد : ولا شي لان الدنيا ما تجي على الي يبي الواحد
نوره : هونها وتهون وعسى ان تكرهوا شي ويكن فيه خيرا كثيرا
وبمزح رد علي : والله وصرتي يانوره تنصحين
نوره : على بالك يعني شايفني بزر
سعد : ههههههههههههههههههه حشاك بس نوره الي بالشوارع تفرفر صارت حرمه وقاعده تنصح
نوره : اقول عطيتك وجه يا ولد خالي نادي بس سوسو خلها تكلمني
سعد : أي الحين هذي نوره الي تكلمني
ولا سمع ردي لانه راح يناديها خذتني الأفكار حرام سعد شكله يحب منيره والخبله بزر ما تستاهل حبه جاني صوت فوقني من تفكيري
سارونه : هلااااااااااااااااااااا وغلاااااااااااا بالنوري
نوره : هلابك اكثر وسلام عليكم قبل كل شي
ساره : وعليكم السلام ورحمة الله وبركاته شرفتينا ونورتينا يانور العين
نوره : لاحول على الاستهبال
ساره : وش فيك هذا من زود فرحتي بسماع صوتك
نوره : اسمعي سوسو حبيبة قلبي وصديقتي عرفتي باخر خبر
ساره : الصرصور في خطر
نوره : هههههههههههههههههههههههه كش عليك لا مو هذا الخبر فطوم بتعرس
انخرعت من شهقت ساره
ساره : نصااااااااااااااااااااااااابه قولي انك تكذبين
نوره : والله العظيم اني صادقة
ساره : ياقلبي توها صغيره
نوره : نصيبها وش تسوي
ساره : نصيبها اقول انوري وش التفكير هذا احس انك صرتي كبيرة وعجوز مو صديقتي الي نفس عمري كأني اكلم امي مو صديقتي
نوره : ههههههههههههههه مالت عليك هذا وانا داقه عليك ومعبرتك وابي اعزمك عزيمه ما حصلتش وابي نسوي لنا جمعه حلوه بالسطح ونعزم فطوم قبل تروح وتخلينا وهذا ردك
ساره قاطعتني : لالالالا تحاولين بيتكم مراح اطبه لحد ما يفارق اخوك هو وخشته
نوره : ههههههههههههههههه خشته ازين منك
ساره : مالت عليك عشانه يشبهك شكلي بقاطعك بعد انتي اذا قاطعت الاصل بقاطع النسخه
نوره : هههههههههههههههههههههههه صراحه انك خبله تقاطعين بيتنا عشان راشد طيب هذا مو بيته بلحاله
ساره : بليز نوره ما ترضينها لي موقفه معي ما ينسكت عنه
نوره : يعني بطولين وربي ما درى عنك تعالي وقهريه وخلينا نفلها مع فطوم تكفين طلبتك عاد
ساره : يالله يالنوره صراحه تقهرين انتي ياختي انا عندي كرامه
نوره : اقول تعالي ولا يهمك بنتظرك عند الباب لحد ما تجين ومراح اخلي لحد فرصه انه يكلمك ها وش تبين بعد بس انتي علميني اذا طلعتوا من بيتكم
ساره : خلاص الله يعيني يارب
بعد ما قفلت من ساره اتصلت على فطوم وقلت لها تجينا ورحت للبيت انا ومنور وقسمته بينا وصارت كل وحده تنظفه واخيرا خلصنا من التنظيف وبخرت البيت ورتبته ودخلت على المطبخ وبديت اسوي الغدى لان الغدا علي ويوم ركبت الغدا خذيت روايتي ورحت للحوش وقعدت اقرا وندمجت بعالمها الرومنسي ولا فقت الا على خبطه جتني في وجهي جلست شوي وانا حاطه يديني على وجهي استوعب الي جا على وجهي وافرك خشمي الي شوي وبينكسر رفعت وجهي وخلاص دخنت اذوني من القهر واحس ان ضغطي تش لقيتها منور وعزوز يبون يخربون علي
منيره وعزوز : هههههههههههههههههههههههههههههههههههههه
عزوز : مسويه لنا رومنسيه جايه بروحك وتقرين وفي عالم ثاني
يعني وش بسوي الحين خذيت الله يكرمكم جزمتي ورميتها عليه ولأنه ما تفادها صكته براسه الي ورم على طول
عزوز : الله ياخذ شكلك يارب
من جد خفت وبسرعة البرق انحشت للمطبخ لانه اقرب شي لي ودخلت وقفلت علي الباب
اسمع صوت منور تضحك وعزوز يسب
عزوز : افتحي قسم بالله ما اسكت لك
نوره : انت الي بديت وش سويت لكم قاعده بروحي واقرا لا اذيتكم ولا جيت يمكم
عزوز : والله ثم والله ما خليك بتطلعين يعني بتمين هنا
قعدت انادي امي
نوره : يمه يممممممممممممممممممممه يممممه
منور : نوري تبين فزعه
نوره : مالت على ذا الخشه الحين من بيفكني هاه
سمعت صوت من احب الأصوات لقلبي لا طالعوني من جد اذا سمعت صوته استانس احس براحه احس ان لي سند على طول فتحت الباب وجيت يمه اركض
نوره : الفزعه الفزعه تكفى ياخالد افزعلي
خالد : هههههههههههههههههههههههههههههههه وانتوا لحد الحين تتطاقون
نوره وهي متوزيه وراه وماتبي تبين لعزوز : خالد هم الي بدوا وخربو علي
لفني خالد يمه وباس خمشي : اول سلمي وبعدين كملي هواشك
الظاهر عبد العزيز استحى من نجلا الي مانتبهت لها لأنها كانت متغطيه عشان عبد العزيز
نوره : آآآآآآآسفه نجلا عزوز طير عقلي ما نتبهت لك
نجلا : ههههههههههههه غريبة يانوره اول مره اشوفك تهاوشين اعرف منور اربعه وعشرين ساعه مع رشود هواش طق وطقيق
منور : الله يسامحك يا نجلا ماهقيتها والله منك
نجلا : ههههههههههههههه يالله بتزعل منور مني
نوره : ماعليك منها تزعل وترضى
وقعدت ادف منور ومنور تدفني وناظرت عزوز وشفت جبهته مورمه وحمرا
نوره : هههههههههههههههههههههههه ضحكت غصب عني شكله يضحك
هنا شب ضو عزوز وفعلا ما خذيت الا الزبيريه جايتني بس اشوى جت في رجلي لأني جيت بنحاش وتعثرت بالمركى وجت على رجلي الحين مراح يهدى عزوز الا لما امثل عليهم
صرت امسك رجلي
نوره : آآآآآآآآآآآآآآآآي أي تكفون الحقو علي أي أي يا رجلي آآآآآآآآآآآآآي يمه تكفين وينك أي ياربي يارجلي انكسرت
كنت ماسكه ضحكتي لاني شفت الخوف في عيون عزوز وجتني منور وشوي عيونها بتدمع
منور : بسم الله عليك عورتك وريني وريني
جا خالد يمشي بسرعه ومسك رجلي وقربت من اذنه وشوشت له هنا خالد ما قدر يمسك نفسه
خالد : هههههههههههههههههههههههههههههههههههههههههههههههههههههههههههه ه

الكل استغرب ضحك خالد الا انا وعشان اكمل الكذبة
نوره : حرام عليك ياخالد تضحك تضحك وانا انكسرت رجلي آآآآآآآي ياربي ارحمني
جا عزوز وملامحه وجه مره مبين عليها التأثر وصاير وجه اسود وقعد يطالعني ويطالع رجلي لكن ربي يبي يبين كذبتي يوم قال خالد
خالد : ترى بروح لبيتنا القديم المستأجر طلع وبروح اشوفه بعده
هنا نسيت التعب والالم ونسيت كل شي ونطيت
نوره : انا انا بروح معك تكفي ياخالد مشتاقه لبيتنا
عزوز : الله يا خذ شكلك تكذبين طول وقتك
نجلا وخالد : ههههههههههههههههههههههه جاك الموت يا تارك الصلاه
نوره : الا تعور بس راح العوار يعني تبيني طول عمري اقعد ما امشي
منور : والله اعرفها حسيت انها تكذب تبي تتخلص من عزوز وما يضربها مره ثانيه
هنا قعدنا انا ومنور نرمي على بعض الخداديات حقت الكنب
خالد : اجل تبون تكملون لعب خلاص بروح بلحالي
نوره : لاااااااااااااااا تكفى علي الغدا اصبر لحد ما نتغدى واغرف الغدى لهم ونروح مع بعض
خالد : خلاص الله يعين وين جدتي وامي
منور : بقولكم بالتفصيل وينهم جدتي سلمك الله وامي كل يوم الصبح عند بيت من بيوت جيرانا يروحون يفطرون ويتقهون وما يجون الا اذا اذن الظهر وابوي مثل العاده مع ابو عامر ومشغول وما يجينا حتى على الغدا وراشد اربعه وعشرين ساعه مع سالم او يروح لعامر
نجلا بضحكه :وانتو وش تسون
نوره : انا ومنور يا نذاكر يا نظف يا نشوف التلفزيون يا نتهاوش مع عزوز
الكل : ههههههههههههههههههههههههههه
عزوز : نصابه انا العب مع العيال كوره وما اجيكم الا وقت الغدا
نوره : طيب وليش اليوم تجي بدرري وخربت علي قصتي
عزوز : لان اغلب العيال كاشتين مع اهلهم للبر
منور : ياربي خاطري نكشت ما صرنا مثل اول ايام جدي الله يرحمه الحين ماعاد رحنا للبر وابوي طول وقته منشغل بالتجاره وانت يا خالد رحت وسافرت وراشد اربعه وعشرين ساعه مع اخوياه
راشد : وانا كل ما ادخل البيت القاك تتكلمين فيني
الكل : ههههههههههههههههههههههههههههه
قام خالد وسلم على راشد وسلم راشد على نجلا الي لبست برقع بحكم انها تقعد معنا ولازم تتستر من اخواني
نوره : صادقه منور ما صرنا نكشت مثل اول
خالد : ولا يهمكم الخميس الجاي كشتتكم علي
فزينا كلنا انا ومنور وعزوز نحب خشم خالد وهو يضحك ويدفنا شوي شوي لا تكسرون خشمي كل هذا عشان كشته

راشد : ماشافو خير
عزوز : أي لانك كل يوم وانت مخيم مع العيال
راشد : اذا كبرت خذيتك معنا
زعل عزوز: اصلن انا رجال وارجل منك
منور : لاحول الحين خلص عزوز من النوري قلب على راشد
راشد يحب يطيح وجه منور : وانتي وش دخلك احد شكى لك الحال
كلنا الا منور : هههههههههههههههههههههههههه
النوري : تستاهلين وشوله تفزعين له
منور ونظراتها تضحك : مالت عليه ما فزعت له انا مره تقول كلمة الحق مو يعني فزعه
الكل :هههههههههههههههههههههههههههههههههه
التفت راشد على خالد كانه يطنشنا وقعد يسولف معه عن اوضاعه بالعمل والمنطقه الي اهو فيها وحنا رحنا وقعدنا جنب نجلا وتعلمنا باخبارها كان اخوي خالد مستانس على غير العاده وفعلا جاينا بدري وما علمنا قبل حسيت ان في الموضوع شي
منور تسئل نجلا : جايين عشان نجود
نجلا : مو بس عشان نجود عشان فيه موضوع ثاني
منور بلقافه : وشو
نوره : منور وش دخلك ما يصير يابنت عيب
نجلا : ههههههههههههههه اسمحيلي يا منور مقدر اقولك
منور تفشلت ورديت عليها : تستاهلين لا تعودين تطفلين على احد عشان ما يطيح وجهك
منور : يالله والله غصب عني
نجلا : اسفه منور بقولك بس مو الحين
سمعنا صوت جدتي
كلمتها المشهوره اذا دخلت حوش بيتنا : لا اله الا الله
كانت تمشي بالعصى ومعها امي ويسولفون ويضحكون
جدتي : أي شفت سيارة خالد ما صدقت ياهلا والله ومرحبا
خالد فز وراح يحب خشم جدتي وامي
جدتي : اكيد جايين عشان ملكة سعد ونجود
خالد : أي وعشان شي ثاني
امي : عسى خير ان شاءلله
خالد : كل خير ان شاءلله انا ما حبيت ابلغكم بالتلفون لكن قلت لازم اقولكم وجه لوجه نجلا حامل
مع كلمه حامل الكل صرخ طبعا حنا يالاخوان لكن امي وجدتي قعدوا يكررون الحمدلله الحمدلله الله يجعله قبول خير عليكم الحمدلله لان لهم فتره من تزوجو وتوها تحمل
شفت الفرحه بعيون خالد ونجلا هنا حسيت بشعور غريب اتمنى فعلا اكون اسره لا تضحكون صح اني عند بعضكم بزر بس هذا احساس كل مره بالعالم اتحدى كل انثى ما تتمنى يكون لها بيت وزوج وعيال الي تقول غير كذا هذي مريضه ولازم تتعالج
خالد : بتروحون معي يمه يقصد جدتي
جدتي : وين نروح معكم له
خالد : بروح انا والبنات اشوف البيت بعد ما طلع منه المستأجر
جدتي : تروح يمه وانت توك جاي من السفر
خالد : يمه متعود على التعب والبيت لازم احد يشوفه ويهتم فيه
جدتي : بروح ان شاءلله معكم
راشد : على وين ان شاءلله نسيتو اني عازم اخوياي
هنا تذكرت يالله لازم اروح معهم لازم اشوف بيتنا وانقذني خالد ويلوموني ليش احبه
خالد : مراح نتأخر والعشى بجيبه من برى خلهم يستانسون
نوره : الله لا يخليني منك يارب
خالد وبضحكه : ولا منكم يارب
لا تضحكون علي رحت يوم سمعت اذان الظهر وكبست غداي وسويت القهوه والشاهي أي والله سويت قهوه وشاهي كنا ناويين نتقهوى هناك نبي نسترجع الماضي

الجزء القادم دخلونا لبيتنا القديم بعد غيبة خمس او اربع سنوات

الجزء الثامن


كان الجو بالسياره ازعاج وضحك كنا نحس بفرحه مالها مثيل صوت ضحكنا يمكن السيارات الي حولنا يسمعونه من فرحتنا حل صمت أي صمت يوم دخلنا المزارع كل شوي نتلفت وندور بعيونا بدينا نمر على مزرعه مزرعه على طول فتحت الدريشه بدى الهوا يدخل داخل سياراتنا بدى كل جزء من جسمي ينبض احس كل الي حولي سمعوا دقات قلبي خلاص ماعاد شفت الطريق عيوني لمعت بالدموع بدى يتضح شارعنا شفته أي والله شفته بدت الذكريات تنهل علي بدى شكلي شكل اخواني يجي قدام عيوني يوم نركض بهالشارع الي اغلبكم الحين مستغرب ليش انا اوصفه وبحراره ما درى اني اشتقت له شفت اول شي حوش الغنم الي من البلوك وقف خالد السياره نزلوا كل واحد راح يتفقد المكان بنفسه مشيت لحد ما دخلت الحوش لقيته خآآآآآآآآآلي بس باقي فيه بقايا علف لقيت الصندقه الصغيره الي يحطون فيها الصغار اذا ولدت منكسره والهوا يلعب بها يمين ويسار حسيت بحرقه طلعت والتفت لقيت كومنا الرمل مثل ماهو ما تغير يمكن ماطولنا من غبنا عنه فيه شي بس شي واحد تغير اني مقدر مثل اول اناظر بحرية صار فيه قيود تمنعني لو يشوفني رجال بعبايتي اتلفت على الشارع على الارض الي نلعب فيها بيقول مو صاحيه اكيد تدور شي على طول والعبره خانقتني دخلت داخل البيت كيف اوصف كيف اقولكم شفت على طول السيب الطويل الي فيه دورة المياه الله يكرمكم ثم وراه المطبخ والصاله الي سقفها من قش او عريش كانت اشعة الشمس متسلله للبيت صارت دموعي تنزل وانا ادخل كل غرفة واتذكر كل ذكرى مرت علينا اتذكر نومنا اتذكر هواشنا اتذكر يوم ناكل يوم نلعب كل شي كل شي كل ركن كل جدار كل قرنه بالبيت لها ذكرى مشيت وطلعت للحوش شفت الشجر شفت النخل ذابل القلب اخضر لكن الاطراف ذابلة وباديه تصفر ماكانوا الناس الي فيها مهتمين بها كان فيه بقايا العابنا الي نصنعها بنفسنا شفت رمل النخل الي بالارض فيه شويه قشاش من اثار العج مجتمعه عجيب يمكن الي عاش بمزارع يعرف وش اقصد كل شي متغير صاير الحوش قشاشه مره كثير شجرة العنب ميته السدره مليانه ومحد اهتم يقطف الي فيها شفتوا البيت المهجور صار بيتنا مهجور من طبعي وانا صغيره ما احب احد يشوفني ابكي رحت لم الصندقه استغليت فرصه اخواني يتلفتون وبكيت بكيت ليش صار كذا ليش تغيرت سمعت صوت وما توقعت ابد اني اسمعه
...: نوره وش فيك ليش تصيحين
انفشلت مابيه يشوف الدموع بعيوني لكن فرحت بشوفته فيه شي يجذب يخليني غصب ابتسم سبحان مغير الاحوال سبحان الله هذا الشخص الي فيه ابتسامة لؤم الحين اشوفها جذابة ابتسامة غيييير يمكن حب مراهقه سموه الي تسمونه لكن هالشخص احب اشوفه واذا ماشفته اقعد افكر فيييييييييييييييييييييه واتخيله
بتررد: مافيني شي
سالم : اجل ليش تصيحين احد مزعلك
وقفت ماحبيت اكون انا وياه بروحنا ما يجوز وجيت بطلع
سالم : نوره اسمعي بقولك شي قبل لا تطلعين
خفت وش يبي يقول ترددت اسمعه او لا بس قلبي يقول اسمعي وش يبي يقولك التفت عليه
لقيته مبتسم وجه صاير احمر ومنحرج مره
سالم : نوره انا .. انا آسف
بستغراب ناضرته : آسف على وش
سالم يضحك ويحك راسه ومنحرج ما يدري وش يقول : على حركات الخبال يوم كنا صغار
نوره :هههههههههههههههههههههههههههه يعني معترف انك خبل
سالم بضحكه : لا والله ترى فيها قبايل تبيني الحين اعلمك الحين انا خبل او لا
ستفزيته : وش بتسوي يعني بتطقني
سالم وهو يوطي صوته ويقول بصوت عذب : مقدر امد يدي عليك احس اعذب عمري
كلامه احرجني وطلعت وانا اركض صح حب مراهقين يمكن تقولون خبال يمكن تقول مجنن بس حب عفوي طاهر عفيف نظرات ابتسامات هذا كان كل شي لا رسايل لا مكالمات ماغير هذاك الشريط الي احتفظ فيه الى الحين
رحت لقيت كل اهلي فارشين بمقدمة الحوش في نفس مكانا المعتاد
خالد : تعالي يا نوره ربي جابك
نوره : سم تدلل يا عيون نوره
خالد : بقولك شي وانتي احكمي
منور : يا سلام وش معنى نوره
خالد : لانها اكبر منك ولانه يعجبني تفكيرها
نوره : خلود قول حمستني للموضوع
خالد : شوفي سلمك الله حنا متحاقين على سالفه وكل واحد يقول الحق معي و نبي تحكمين بينا
في نفس الوقت الي يقولي خالد كلامه جا سالم وجلس معنا جلسته معنا وترتني وصرت اضيع كلام خالد وما ركزت وش يقولي
نوره : ماعليش خالد وش تقول ما نتبهت
خالد : افا وانا اعيد وزيد واحسبك منتبه اثاري منور صادقه
ياربي تكفى ياخالد ارحمني وربي اني مو على بعضي كان هذا كلامي لنفسي
نوره : ماعليش يا خالد اعذرني راسي يعورني لنا زمان عن جو المزارع وصدعت من الهوا
خالد : بسم الله عليك ماتشوفين شر
نوره : الشر مايجيك
رفعت عيوني لشخص كان واضح كيف يطالعني شفته يناظرني وابتسم يوم جت عيني بعينه على طول نزلت عيوني وصرت افرك يديني بتوتر بترحمون حالتي ماقدرت اسيطر على نفسي قمت وقفت ابي اروح مابيه يراقبني
جاني عزوز
عزوز : نوره وين كنتوا تنامون
نوره : انت كنت تنام مع امي بغرفتها وشوف وين كنا نام فيه وصرت اشر على اماكنا بغرفتنا واعلق شوف كنا نتطاق دايم كل واحد يبي يجي يم الجدار عشان الباقين يجون جنبه كانه يحتمي بالجدار كنا نخاف
عزوز : ههههههههههههههههه والله لو اشوف اشكالكم فله
نوره : يالله يا عزوز قسم بالله وناسه تعال اوريك وين كومنا الرمل وبوريك وين حديقتنا حقت الحيوانات وين كنا نسوي عرايس ووريك المخبز تدري قبل يوم يكون السواق مشغول وش نسوي
عزوز : وش تسووون
نوره وانا اتذكر : هههههههههههههههههه ناخذ فوطه ونروح للمخبز ونصف مع الرجال انا ومنور ما كان احد يطردنا ونشتري خبز ونحطه بالفوطه ونرجع للبيت كانت اشكالنا تحفه ههههههههههههههههههههههههههه استغرب وقتها كيف رشود ما طردنا
عزوز : ههههههههههههههههههه الله ياخذ شكله ما اهتم اخوياه يشوفونكم وانتو تشترون خبز
نوره : اصبر بعلمك بعد شفت البقاله نشرتي ببيبسي اغراش وفش فاش شمس وريكو ونجي على عتبة البقاله وناكل ونتفرج على العيال وهم يلعبون كوره او النادي الفلاني يوم يسوي تدريباته بالشارع وربي فله
عزوز : ياحظكم ياليتني مثلكم
سرحت بفكاري نوره حياتك بدت تتغير وش بيصير قعدت اطالع غروب الشمس كانت المزرعه المهجوره قدام عيوني شفتها وابتسمت يالله راحت روح المغامرات ليش نتغير ليش الزمن يغيرنا ليش احداثنا الي حولنا تبدلنا سمعت اصوات اهلي ينادوني يبون يرحون للبيت يالله دايم الأوقات الحلوه تروح بسرعة سبحان الله
نوره : خالد بعد عمري اصبر نسيت شي مهم
رحت ركض للبيت ام احمد طقيت على بابهم شفت الباب ابتسمت كان اخضر وفيه خط من فوق لتحت بني في عيني يهبل الا روعه عشانه مرتبط بذكرى حلوه يوم نطق الباب كل شوي على فطوم
سمعت صوتها ياناس تجنن هالانسانه
فطوم : مييييييييين عند الباب
نوره : انا الحرامي
فطوم : النوووووووووووووري
فتحت الباب على طول ضميتها وصرنا ندور وصوت ضحكنا شايل البيت انا اتكلم وهي تتكلم ومحد فاهم الثانيه وش تقول
نوره : تعالي معنا بروح الحين
فطوم بدهشه : وين اجي
نوره : تعالي بيتنا اليوم مسوين جمعه
فطوم : مدري بقول لامي
نوره : قولي لها ابصم بالعشرة مراح ترفض حنا عشرة عمر
فطوم ببتسامة : اكيييد طيب شوي بستاذن
راحت فطوم تستأذن يالله هذي فطوم ما تغيرت بس كبرت نفس الشكل نفس البراءه يابختك يا قاسم لا تضحكون اسم زوج فطوم قاسم أي والله يابختك ياقاسم بتاخذ كتلة براءه وطهر مالقيت مثلها بالكون الله يسعدها يارب
جتني البطبوطه بعبايتها وهي تمشي بسرعه : يالله يالله
نوره ببتسامه : مشينا
رحنا ركض كانا نعيد طفولتنا لقيناهم بالسياره كلهم وينتظرونا
عزوز : عمى والله تركضين بالشارع كنك مهبوله
نوره : يوه وش فيك انت خلني اعيد ذكريات الطفوله
الكل : هههههههههههههههههههههههههههههههههههههه
جدتي : هلا وغلا بفطوم اسمحيلنا يابنتي ودنا نمر امك بس ما طولنا يالله لفينا البيت ما قعدنا ان شاءلله اجي يوم مخصص لها واسلم
فطوم : ان شاءلله وحياكم الخميس الجاي
جدتي : أي نسيت اثاريه يوم زواجك
نوره : ااااااااااااي
كانت فطوم من احراجها ومثل عادتها دايم تقبصني اذا انحرجت
منور : هههههههههههههههههههههههه اكيد منور مثل العاده انحرجت وقبصتك
الكل : ههههههههههههههههههههههههههههههههههه
امي ما راحت معنا اهي ونجلا لانها تعبانه من مشوار الطريق بس كان خالد ومنور وعزوز وجدتي وانا عشان كذا مابغينا نطول وعشان بعد خالد توه جاي من السفر
دخلنا بيتنا واصواتنا جيرانا الي حولنا يسمعونها من فرحتنا بشوفة فطوم ولأنها معنا على طول قطيت العبايه والبرقع على الكنب وسمعت صرخه
...: وجــــــــع أن شاءلله
نوره بخلعه: يمــــــــه ويوم شفت وجه سارونه هههههههههههههههههههههههه جيتي
سارونه : جيت جعل الموت يجيك
نوره :ههههههههههههههههههههههه ستغفر الله استغفري حرام عليك
سارونه : هاذي الي بتحتريني عند الباب
نوره : والله جانا اخوي خالد والتهينا
سارونه : تعالي رحتو لبيتكم الطين
جيت وجلست جنبها وتنهدت : أي والله رحنا وشفت بيتنا يالله يا سارونه لو تشوفين البيت كيف تغير
سارونه : بالله تغير مره طيب والشوارع والبيوت نفسها
نوره : مره تغيرت صارت الشوارع في عيني ضييييييييقه مره بس هذا بيتنا الطين نفسه يمكن اشياء خارجيه اثرت فيه بس تعالي انتي ليش معصبه
سارونه : اخوك السخيف
نوره وهي كاتمه ضحكتها : وش فيه
سارونه : مو كافيه الموقف الي سواه معاي ذاك اليوم جاي اليوم يستهبل
نوره : ساره وربي انتي مكبره الموضوع موقفه عادي
سارونه : الا بايخ يعني دخل وشافني قاعده العب في سونيهم يقعد يهزئني واني قاصده اقعد بدون غطا قدامه يرضيك كذا يانوره يعني انا متعمده يشوفني بدون برقع او غطا
نوره : تعرفين تفكير راشد وشوله تنقهرين
سارونه : أي ما دريتي وش قالي اليوم يقول ليش مشرفتنا وش انا مسويه له
نوره : عطيه ابو لباس يعني طاااااااااااااااااف وتشوفين اذا ما انقهر ترى اهو يحب الي يعانده
سارونه : مابي اكلمه خير شر
نوره : اليوم انا عازمتكم عشان نفلها خلينا ننبسط وفطوم حبيبة قلبي بتروح مانبي نكدرها
وفعلا رحت للسطح وفرشت فرشة وفي البداية سوينا شاهي وشرينا من البقاله كاكاوات وبطاطس ومشروبات يعني لزوم السهر والفله وقبل كل شي ضبطنا صينية الرجاجيل والقهوه والشاهي وجينا كلنا ركض للسطح ولقينا مكانا وجينا وجلسنا وكل وحده تسولف بسالفه وانا اشوف السما فوقنا والبيوت الي حولنا ومن بعيييييييييد مره اشجار كان الجو حلو
منور : بنات ياليت مافيه شي اسمه مدرسه
البنات : هههههههههههههههههههههههههههههههههههه
نوره : وربي انك فاشله
منور : لا ياقلبي انا على كيفي لو بمزاجي صرت الاولى
نوره : أي هين
فطوم : تتوقعون يا بنات بشوفكم بعد كذا
كلنا سكتنا وناظرنا بعض ونطينا عليها وقعدنا نصيح
فطوم وهي تصيح وتبي تغير الجو : قوموا قومو ذبحتووووووووووني
كانت انا ضامتها وسارونه مرميه علينا وضامتنا كلنا ومنور جت تبي تشارك معنا
نوره : منور قومي كسرتوني
منور : لالا انا وزني ريشه
كلنا قعدنا نضحك بين دموعنا شفتوا شلون تختلط الدمعه بالضحكه كانت سوالف فطوم تجبرنا نضحك هي ومنور وبنفس الوقت فراقها وفكرة ان مراح نشفها تخلينا نبكي فعلا لك فقده يا فطوم الله يعينا يارب على فراقك
\
/
\
/
\
/
\
/
\
/
\
/
مضت الايام وراح خالد ونجلا للحفر كلكم عارفين نظام الضباط ما يمدي الواحد يجي مع اهله الا منادينه وعشان كذا وعدنا خالد اذا جانا مره ثانية يكشتنا ويخلينا نخيم بعد لو يومين مثل قبل و راحت فطوم مع زوجها للجنوب وبدت اختباراتنا كنت ولله مرتاحه لاني اذاكر كل يوم بيومه واحضر وكانت منور مشتطه ومنقهره وتذاكر من تجي من الاختبارات لحد اخر الليل وانا ولله الحمد انام اذا جيت من الاختبار واذا جا العصر بديت اذاكر واذا صارت الساعه عشر في الليل اخلص واذا خلصت بدى المسلسل على القناه الاولى كل ما اتذكر سالفة اخوي عزوز مره يوم كنا صغار اول ما سكنا بيتنا هذا ما خذينا الا عزوز جاينا طاير
عزوز : بنات ببشركم
منور ونوره : وشو
عزوز : الاخبار خلاص الحلقه الاخيره
نوره ومنيره : ههههههههههههههههههههههههههههههههههههههههههههههههههههههههه
عزوز : وش فيكم
نوره : ليش تقول الاخيره
عزوز : الي يعد البرامج يقول الاخبار الاخيره
نوره : لا يا قلب امك هذا يقصد الاخبار الي تجي اخر الليل
صدق موقف يضحك كنا نزهق من الاخبار ويوم ننتظرها تخلص عشان يبدى مسلسلنا ايام ما كان فيه دشوش او ستالايت ما كنا نسافر اذا خلصنا كان كل وقتنا نقضيه ببيتنا يا نلعب ورقه يا نسهر لحد ما يطلع الفجر الله يرحم ايام بيت الطين كنا النام من المغرب انقلب الحال صرنا النام اذا صلينا الفجر حتى يوم طلعت النتايج ونجحت وانتقلت لثالث متوسط ومنور لثاني متوسط انا ولله الحمد مثل العاده بتفوق ومنور ينكتب في تاريخها التعليمي جيد جدا محد سوى لنا حفله ولا شي بس ابوي وزع علينا فلوس وقضيناها بالبقاله نشتري ونسهر انا ومنور وعزوز عكس راشد الي دايم برى البيت ماخذ راحته على طول يا مع سالم يا مع عامر ولد جيرانا يا مع حمد
نجي لحمد اكيد ما كلمتكم عنه وش صار عليه هذا انسان متفوق عقله كمبيوتر كلمة حلو شوي عليه يدرس بالجامعه تدرون وش تخصصه طب مدري ليش عيال الطب جديين مره المهم ستغربت يوم طرى راشد انه معهم اكيد عطل مثل دايم متفوق شي اكيد يبي يرفه عن نفسه ما راح انسى هذاك اليوم الي بكيت انا ومنور فيه بكى من جد صح انا ما ابكي قدام احد بس غصب عني تخيلوا امي وجدتي مثل العاده يرحون لجيرانا او يقعدون بالحوش وقت الصباح ويتقهون وحنا بس سهر على التلفزيون وياليت فيه شي يفتح النفس الا برامج تطفش المهم جانا راشد كان مستعجل مره
راشد : نوره نوووووووووره بسرعه تعالي
نوره : وش بغيت
راشد : بسرعه كوي شماغي
راشد: اصبري امي وينها
رحت وناديت امي وكويت شماغه وجيت لقيت منور جالسه بينهم
امي : طيب ياولدي انتبه على نفسك
راشد : ابشري
مدري وش يتكلمون عنه
نوره : وين بيروح راشد
امي : بيروح لابها
نوره : نبي نروح معه
راشد : بروح مع اخوياي وش ابي فيكم
نوره بصوت مخنوق : ليش وحنا وش ذنبنا نعطل وننجح ومافيه سفر نبي نروح نبي نشوف العالم
منور بصياح : اهييييييييي يييييييييييييييييييي مابي نبي نسافر
امي : لاحول ولا قوة الا بالله هذاك ابوكم روحو وقلوله
نوره : انتي عارفه انه راح يرفض ونه طول الوقت مشغول
تركنا راشد وراح مع اخوياه وضلينا انا ومنور نصيح ومنقهرين ما قدرن نسافر ولا رحنا ولا جينا رحت انا وهي لغرفتنا ومن القهر شغلنا مسجل وقعدنا نرقص عمركم شفتوا خبال مثل كذا من الطفش قعدنا نرقص ونستهبل فكيت شعري وجلست انفح فيه واستهبل ومنور مثلي ونقلب صياحنا ضحك
راح راشد وخوياه وعرفت منه انه وسالم وحمد وعامر كلهم ومعهم ثنين من اخوياهم للبها كنا نسمع في ابها ونتمنى نروح نشوفها كل العالم تروح لها الا حنا وكان امنيتنا نشوفها
منور :وش رايك بما ان راشد راح انادي ساره ونفلها
نوره : ساره مشغوله اخوها توه متزوج وزوجته عندهم
منور : طيب نعزمها ونعزم نجود تجي معها
وفعلا واتصلت فيهم وجونا بس الشي الغريب الي شفته في نجود كانت صامته مرره وتناظر منور وتسرحه وكلم نفسي معقوله تعرف نجود ان سعد يحب منور الا ولا ليش تناظرها كذا
سامحوني على القصور وان شاءلله اعوضكم ببارت طويل ودسم وتتحرك الاحداث بعد

الجزء التاسع
يعني بعيش كذا عايشه على الروايات وعلى إنسان رحل وتركني سنين ومدري وش انطباعه عني إذا شافني ... بس مجرد اسم زوجه بالاسم ...

الله يهديك يبه بالله عليكم عمركم شفتو زوج يترك زوجته خمس سنين ولا حتى يسئل عنها حتى مصروفي اهله الي يرسلونه لي ولا عمره اتصل وطلبني اتذكر هذاك اليوم يوم زرت امة وتصل وقتها انحرجت يوم عطتني السماعة عشان اكلمه شلون اكلم انسان بارد خالي من المشاعر احس نفسي مفروضة عليه فرض

المشكله ما هي مسافه أو سفر

المشكله بعد القلوب عن القلوب

ما مل منهو ينتظر طول السهر

بس البلا من ينتظر رجعت كذوب

اكيد مستغربين ومتفاجأين أي انا متزوجة وآآآآآآآآهـ ليتني ما تزوجت بقولكم سالفة زواجي وكيف صارت كنت بثالث متوسط وعامر أي عامر ولد جيرانا الي علمتكم عنه بثالث ثانوي وحيد امه وابوه كان ابوه شريك ابوي وسبحان الله ما راح فيها إلا أنا بس المشكلة كنت صغيرة بكيت وترجيت امي لكن أمي وأبوي يشوفون الموضوع بنظرة ثانية
حتى عامر نفسه مايبيني كان يبي يكمل دراسته بس تزوجني عشان يوافقون اهله يكمل دراسته برى اسمعوا وانتو احكمو كيف بدت معاناتي من أول حوار دار بيني وبين ابوي
كنت جايها وأغني بأغاني شريط الي أهداني أياه سالم
بحبك لو تكون حاضر بحبك لو تكون هاجر ومهما الهجر يحرقني

راح امشي معااك للاخر....

سنين وسنين وانا صابر وراح اصبر كمان وكمان وبحر الشوق

يلعب بي الين اوصل لشط امااان ....
كنت شايله شنطتي وفرحانه هذا اخر يوم لي بالمتوسط صح ما بعد طلعت نتيجتي بس كنت فرحانة أني خلصت اختبارات
ابوي : نوره تعالي
ابتسمت لابوي وجيته وحبيت راسه قعدت وكنت كلي فرح حلو مقدر اوصفه شعور نفسي يعني لم تكونين فرحانه وتحسين بطعم الفرح بضحكتك بنظرتك بمشيتك حتى شي تعشينه وتتمنين كل الي تحبينهم يعيشونه جلست وانا اضحك واناظر ابوي فرحانه
النوري : هلا يبه امر لو تبي عيوني هديه مجانا لك 
ابوي بجديه: تسلمين والله يابنتي انا ابي شي واحد منك موافقتك
قلت بفرح وضحكه ملت المكان : اكيد يبه بوافق ما انت ابوي الأمر الناهي بحياتي كلي لك وحياتي لك امر امر
ابوي : عامر خطبك وانا وافقت



صدمه

ما صرخت مع ان صوتي يوصل لحد حلقي بس مدري ليش يرجع على ورى يرجع ابيه يطلع ابي ابوي يسمعه ابي يحس فيه عيوني تعلقت بالفضا دموعي ملت عيني كيف كيف لا شلون مستحيل هذي الكلمات الي تدوور في راسي طلع ابوي تدرون طلع ما انتظر اقول ايه او لا هو حكم هو اطلق حكمه علي بس ينتظر التنفيذ وانا فعلا قلت انا تحت امرك طفله لا تضحكون أي انا طفله عمري 15 ياناس طفله حتى لو كنت في نظر بعضكم لا كانت لي احلام كانت لي خطط كانت لي حياة ابي ارسمها ابي الونها على كيفي ابي احط الوانها بنفسي ابي ابدع فيها

بس ابوي كسر بروازي قبل ما ارسم لوحتي كسر الواني قبل ما اخذها حكمو علي حكمو علي بالأعدام ومن منه من عامر عامر اكثر شخص انا ما اتمنى قربة انسان فيه غرور غير طبيعي لا واكثر شي يكرهني ما يدانيني يحتقرني لا تستغربون نظراته لي احتقار مع اني ما سويت له شي وما سويت شي يستدعي هالاحتقار الي بعيونه بس مدري ليش احسه مو زوج لي مو الأنسان الي بشارك معه حياتي بفرحها بحزنها وينك يا سالم وينك معقولة بترضى اروح من بين ايديك شلون هذي حرب انا الي اعلنت خسارتها وهي توها تبدى انا الي قبلت لالا بروح لبوي بقولة مابيه جلست على الأرض ايديني صارت بارده من براد السراميك من كثر ما افرك ايديني فيه بس ابو عامر شريك ابوي ليش يبه ليش والله ان عامر مايبيني ليش قبل اروح له اقوله وش تبي فيني بس اخاف راشد يذبحني ياربي ساعدني ياربي الهمني
صح نسيت خالد بقوله بس خالد مابي اورطه بمشكلة مع ابوي سكت وكأني بحلم اشوف وش مصيري
ركضت لغرفتي اكتم شهقتي الي طلعت وانا داخله الغرفة
منور : وش فيك نوره بسم الله عليك
نوره : آآآآآآآآآآآآآآآهـ تكفييييييييين يا منيره الحقي علي
منور : بسم الله عليك علميني وش فيك
نوره : ذبحوني ذبحوني خلاص
منور صارت تبكي من بكاي
منور : نوره الله يخليك روعتيني وش فيك
تهز فيني وتصارخ وش فيك
نوره : منور ابوي يبي يجوزني عآآآآآآآآمر
ارتخت ايدين منور مني وجلست على السرير وصارت تطالع فيني هدت ماعاد سمعت بكاها بس ما قالت الا
منور : ليش
نوره : ليش مدري ليش انا نفسي مدري ليش
منور : بس انا سمعت انه بيسافر
نوره وانا امسح دموعي بكفي : مدري عنه يعني توقعين يبيني اسافر معه
منور : مدري
ورجعت ابكي ودموع غصب عني تطلع وكل ما تذكرت سالم ارجع اصيح زياده
صرت اكرر اسم سالم
نوره : خلاص سالم مراح يكون لي
ومن هنا عرفت منور قصة حبي لسالم والغريبة ما ناقشتني ولا خلتني اقول شي بس انا الي قعدت اكرر مراح يكون لي خلاص احرموني منه


بدى الخبر يتسرب بدى الكل يدري وكيف دريت انهم دروا يوم شفت عمتي صيته يوم جتنا ودخلت اهي وابوي وامي لغرفة وسمعت اصواتهم عاليه ويصارخ ابوي على طول رحت انا ومنور فوق وما تمينا معهم لكن حسيت ان عمتي تبيني ما اعرس على عامر واتوقع ابوي رفض لان عمتي ما حضرت زواجي حتى سالم مدري وش سوا يوم عرف
نفسي ادري وش سوى صرت احس ببرود امي وجدتي يرحون ويشترون لي اغراض ومقاضي لا وياليت شفتو شكلي يوم الزواج وكيف تزينت بنت صغيره صح حلوه بس توني صغيره ما بعد عرفت للمكياج وما اهتم كثير بالكشخه وكنت نحييييييفه مره وقستاني بيج الحين كل ما اشوفه تخنقني العبره شلون لبسته مدري بس شكلي اقل من العادي لبسوني وروني اغراضي يبوني افرح وانا بس اطالعهم وساكته شفت ساره ومنيره متكشخين ويضحكون وانا اطالعهم وبالي لبعيييييييييد كنت جالسه وشايله مسكتي وتسريحه شعري ما رفعته منزلته كله وكان طوويل مره يعني بختصار شكلي مو حلو مره صح انا جميله لكن ما عرفت اتكشخ جابوا لي وحده خبصت فيني وطفله صغيره المفروض يكون مكياجها ناعم بس هذي كثرته شوي المهم قعدوا البنات يرقصون قدامي كان زواجانا زمان يجيبون كرسي ويحطون عليه العروسه والباقين يجلسون على زوالي حمر ويجون الناس يسلمون عليها ويعطونها هداياها كان كل واحد يجي يسلم علي ويحط هديته والبنات يمشون عليهم بالقهوه والشاهي والعصيرات والبخور كان زواجنا بالبيت واعلنوا اني خلاص لازم اطلع مع رجلي يحتريني برى بالسياره ما اعرف شي ولا امي علمتني عن شي بس دخلوني عليه كان بالسياره ولابس بشت اسود وغتره سكريه هذا الي لمحت منه ركبت السيارة وجلست جنبه وانا ارتجف مثل الورقة كان الجو هدوء بالسيارة وصلنا ونزلت بمساعدته ودخلت غرفتنا او جناحنا ويدي ترجف احاول اوقف رجفتها وقفت ابي يقولي اجلسي هنا بس هو راح للشماعه وعلق بشته وغترته وانا بس اطالعه واطالع حركاته شفت يوم علق غترته شفت شعره الطويل تحت الطاقيه كان حلوو مره بس مو احلى من سالم في عيني
جفلت من صوته وناظرته كنت ساهيه
عامر : بتمين واقفه وتبحلقين فيني
لو تدرون كلمته هذي وش سوت فيني العبره اخنقتني ليش معصب علي اذا انت بعد مغصوب علي فانا بعد مغصوبه وما ابيك وين يبيني اقعد مافيه كراسي عسى يبيني اجلس على السرير تدرون وش سوا بدل قدامي وانا شهقت أي شهقت حتى اخواني ما يبدولن قدامي
عامر : اذا ما تبين تشوفيني التفتي وراك
بالله عليكم هذا اسلوب ليش يعاملني كذا وبسافر معه وش بيكون مصيري
التفت ابي يخلص لبس
عامر : خلاص لا تنكسر رقبتك ترا خلصت
شال الحاف ونام ولا عبرني ما اهتميت وقتها لكن الحين احترق من تصرفه بس هو مو بزر أي مبرر اخذ له 18 عمره وانا 15 يعني يمكن هو افهم مني المهم شفته نام رحت وخذيت جلابيتي ورحت للحمام عزكم الله وشهقت يوم شفت وجهي
نوره : الله يا خذها شوهتني هي وها الكحل على طول غسلت وجهي وساح الكحل وصار وجهي كله اسود وبدلت ولبست جلابيتي العنابية ورحت لتسريحه شفت مناديل و خذيتهاو شامبو ورجعت للحمام وجلست ساعه اغسل وامسح لحد ما حمرت عيوني ناظرت وجهي وربي اني ارحم كذا المهم رجعت شفته نايم على السرير وين انام انا يووه رحت للارض ونسدحت وتكورت على نفسي ولا قمت الا على صوته
عامر : قومي الله يفشلك امي تطق الباب وانتي راقدة بالارض
فزيت واقفه وطالعته ببلاهه
نوره : وشو
جلس شوي يطالعني وتعرفوني انا وقلت لكم من قبل اذا استحيت ولعت خدودي
عامر : امي تطق الباب ما تسمعين
طيب بالله عليكم مو المفروض هو ينقلع ويروح يفتح لها يبيني اروح انا
رحت امشي وانا فيني نوم وفتحت الباب
ام عامر وهي مستانسه وتضحك : على البركه وشلونك يمه عسى ما ازعجتكم
نوره : الله يبارك فيك
ام عامر : وين عامر خله يصلي الفجر
نوره : صاحي قام من زمان
قعدت تناظرني وتضحك وقالت لي كلام وانا اطالعها بستغراب مافهمت وش تقصد بالله وش قصدها بكلمة قضيتوا انتو خلصتوا او لا قسم بالله اني فاهيه وغبيه وقتها يالله يا فشلتي منك يا خالتي
نوره : وش خلصنا منه
ام عامر وهي مستحيه : خلاص يا بنيتي فهمت
اكيد فهمت وعرفت الله يهديك يمه ليه ما علمتيني دفيتوني وزوجتوني وبس وهذا بعد يقهر شوفوا كيف يعاملني ما هتميت له
راح عامر للصلاه وقالت لي خالتي اذا صليت البس ازين ثوب عندي والبس الذهب والله اني قعدت اضحك احسن شي كان بزواجي الذهب لبست ثوب ازرق مرره وفيه مديل ذهبي ولبست الذهب وفليت شعري وتكحلت من جوا بس وما اعرف احط روج مسكت الروج الاحمر الي علبته سودا القديم ما يروح بسهوله المهم خفت ما اعرف له وخليته سمعت حسها ياحبي لها ولزوجها ولدهم الصغير تركي جات نجلا تساعدني باللبس وهي شايله تروك بين ايديها
نجلا : مشاءلله ولا حول ولا قوة الا بالله وش اخبارك يا عروسه بشري خلصتي
نوره : ياربي كل من يدخل علي يقول خلصتي اخلص من وشو
مسكت نجلا راسها: قصري صوتك لحد يسمعك
وشوشت لي وقالت لي كلام وانا شهقت وربي شهقت يالله شوفوا البراءة
جلست على السرير وانا احس برجفه بكل جسمي معقولة كذا كنت اعتقد الزواج بس ضم يضمها يبوسها وبس ما اعرف شي وما عمرنا سئلنا
حطت لي نجلا الروج الاحمر وطلعت يوم سمعت صوت عامر
دخل وقف فجأة وقعد يطالعني من فوق لتحت وانا زدت رجفه وكلام نجلا خوفني زيادة وشوي بصيح المهم سوا نفس الحركه بدل قدامي ولا اهتم وانا شهقت مره ثانيه وما تبت اول مره اشوفه يضحك ضحك بصوت عالي يوم شافني مستحيه وانا شوي بصيح لبس وطلع وانا طلعت وجيت امشي لقيت امي وابوي واخواني كلهم ونجلا وعمي ابو عامر وخالتي ام عامر وجداتي كلهم كل العالم الي يبارك المهم غصبوني اجلس جنبه وانا كل ما اتذكر الكلام الي ينقالي ارتجف ومدنقه الله يهديك يا نجلا لازم تقولين لي خليتني استحي ولا ارفع راسي مدري وقتها وش ضنوا فيني بس خلاص ما قدرت ارفع راسي
خالد : الله الله على الزين كل هذا لعامر
ما قدرت حتى ابتسم ويمكن حفظت عدد النقش الي بالزوليه
راشد : زين اخيرا استحت نوره
كنت منقهره بخاطري هين يا ريشد
رفعت راسي شفت منور وضحكتها لي تمنيت ارمي كل الوزن الي شايلته من الذهب واركض لها ونطلع نلعب الشارع وننسى انا كبار
حطو الغدا وراحو اهلي وجداني وتميت جالسه بمكاني ما تعديته لحد ما قالت لي خالتي ام زوجي روحي لغرفتك قيلي
ياربي مابي مابي اروح له شوي وصيح مابي ادخل عليه بس وش اسوي جالسه على راسي لحد ما دخلت الغرفة دخلت وشفته متمدد على السرير وقعدت مثل الهبلا واقفة وهو اهبل مني بعد ما يعرف يتصرف اجل فيه معرس يخلي عروسته واقفه ما يجي ويمسك يدها ويجلسها وربي يا عامر انك ما تعرف الرومنسيه هذا كلامي الحين بس زمان حتى انا ما اعرف الرومنسية المهم ما عرفت وش اسوي
بس شفته يوم نام فرحت ورحت ونزلت الذهب الي علي ولاني ما تعودت انام الظهر جلست بالارض بس ما غير اخطط في الارضيه باصبعي ارسم مربعات دوائر لحد ما سمعت صوت اذان العصر ياربي اصحيه او لا قلعته خله اذا يبي يصلي يقوم بنفسه بس يمكن خالتي تزعل رحت وانا خايفه ومابي امسكه وصوتي لحد الحين ما سمعه الا الشهقه بس
كل شوي افتح فمي ابي اناديه وارجع اقفل افتح وارجع اقفل ما قدرت الا انا فزيت من الخرعه على صوت الطق
خالتي :من ورى الباب قوموا قوموا صلوا
تقلب عامر وتأفف مزاجه معكر جلس شوي على السرير وقعد يفرك عيونه ويرد شعره على ورى وانا بس اطالع فيه مشى وقرب مني صرخت بصوت عالي
عامر : عمى بعينك وش فيك
كان يبي فوطته وراي وانا ما دريت وش الطبخة احسب مثل ما قالت لي نجلا تفشلت مره
راح وتروش ولبس وطلع وانا رحت وتوضيت وحسيت براحه مافي الغرفة الا انا وغيرت ثوبي ولبست ثوب ثاني دولابي مليان فرحانه كل يوم بلبس ثوب بس الوان حدث ولا حرج كل الالوان ههههههههههههههههههههههههههه كل ما اتذكر جهازي اموت ضحك المهم بدلت وصليت وحسيت براحه وطلعت عليهم لقيتهم فارشين بالحوش كان عامر وحيدهم ومستحيل احد يجيهم جيت جنب خالتي وجلست وانا مدنقه ومستحيه وهي ترحب فيني
جا عامر وابوه من الصلاه وجلسوا وقعدوا يتقهون
عامر : يبه ترى بسافر الخميس الجاي
ابو عامر : تسافر وانت توك معرس
عامر : يبه الله يهداك انا وافقت اعرس واخذ بنت ابو خالد عشان تخليني اكمل دراستي
خلاص بصيح العبره تخنقني يعني متزوجني عشان يرضي اهله ويخلونه يسافر
فهمت من كلامه انه يبي يسافر بلحاله ويكمل دراسته وسافر عامر وخلاني اسم زوجه له
رحت لبيتنا بعد ما سافر وكل يومين اروح لخالتي ام عامر حبيتها لكن الي حرق قلبي اكثر سالم ما شفته ما صار يجينا اسمع راشد يتكلم عنه بس ما عاد شفته
ابي رايكم وانتقادكم من جد بليييييييييييز


الجزء العاشر

حسبي الله عليه من سواق مرسلته لي ساعه يجيب الجريده وإلى الحين ما جا
منور : لاحول وانتي كل يوم على هالحاله مزعجتني حتى بأيام اجازتنا ومقومتني من اعز نومه
نوره : ابي اشوف مقالتي انزلت او لا وانتي ما تشبعين نوم حشى كيس نوم
منور : وانتي الحين متحمسه عشان موضوع منزلته بالجرايد لا وبعد باسم مستعار بروق نجد يعني على بالتس اقول انخمدي وخليني انخمد معك
نوره : يا ماما وش فهمك انتي بس
منور : اقول والله لو يجي عويمر ويقول اجلسي لا جامعه ولا خرابيط مجلات وجرايد
نوره : ضحكتيني ماله علي كلمه
منور : بالله نسيتي انك متزوجه
نوره : لا ما نسيت وانتي لازم تذكريني وبعدين ما قلتي وش رايك الحين
منور: راي في وشو
نوره : في قصة شعري مالت عليك رحت البارح وجيت ولقيتك نايمه وصحيت قبلك وماشبعتي نوم الله يعين الي راح تاخذينه
منور وهي تفرك عيونها: صراحه روووووعه القصه شي
نوره : اشوا خفت من تهوري يالله امي قبلت اقص شعري رفضت اصبغه
منور : لا تصبغينه حرام لونه كذا حلو والله انا ودي بعد اقصه
نوره : لا حرام لا تقصينه
منور : يا سلام يعني انتي تقصين شعرك وانا لا
نوره : بس انا ابي اغير من شكلي
منور : قولي عشان عويمر راح يجي من السفر وتبين تطلعين حلوه
نوره : بالله من لعب عليك وقال عشانه او انه يهمني اسكتي تكفين انا اتزين لنفسي
منور : الا صدق نوره وش بتسوين الله يعينك
نوره : وشلون وش تقصدين
منور : يعني اذا جا بتروحين للبيت وهو يوم تركك عمرك 15 والحين 20
نوره : ومن قالك برجع له او بخليه يشوف رقعة وجهي لا حبيبتي
منور : مجنونه
نوره : لا يا حبيبتي المجنونه انتي يعني تبيني اقوله شبيك لبيك عبدتك بين يديك تسمين هذا زوج تزوجني بسبوع وسافر وتركني مربوطه له حتى سؤال ما سئل عني ولا اهتم وانا متاكدة انه مغصوب علي مثل ما انا مغصوبة عليه
منور بتردد : قولي انك ما تخلصتي من حبك لسالم
نوره : سالم من يوم ما تزوجت ما شفته حتى يوم يجي بيتنا ما يدخله واكذب عليك اذا قلت لك ان حبه زال من قلبي انا من يوم ما اسمع صوته وقلبي يدق وانسى كل الي حولي وحب سالم يمكن نمى معي من يوم ما كنت بزر
منور : وعامر وزواجك
نوره : زواجي او تجربتي خلتني اجتهد بدراستي وادخل الجامعه يمكن لو ما سافر ما اكمل دراستي وزواجي من بدايته غلط ومراح اخلي الغلط يستمر
منور : طيب وش تتوقعين اذا شافك
نوره بتنهيده : مراح اخليه يشوفني اصلن ومراح ادخل عليه
منور : طيب ابوي راح بيرضى
نوره : سمعت راي ابوي ونفذته عشان ما يصير بينه وبين شريكه مشاكل لكن الحين خلاص حياتي وانا حرة فيها
منور : والحين يعني مراح يصير مشاكل
نوره : الحين محد راح يقدر يعارض الي بسويه اصلن من يقدر يعترض وهو شاف اسلوبه وطريقته معي زواج بالاسم بس يطلقني ويشوف نفسه وشوف نفسي
منور : قسم بالله ما يلقى احلى منك
نوره : اسكتي الله يعافيك الشكل ماله شغل الحين قاهرني خلاني على الرف احد يسوي سواته ربط بنت فيه وراح والمفروض احلم بالشخص الي ارتبط فيه لكن حطموا احلامي
منور : حرام عليك يا نوره لا تظلمين ابوي انتي اكثر وحده عارفه ان ابوي يحبنا
نوره : طيب ليش زوجني من عامر ليش
منور : ابوي قالها لك الف مره ام عامر وابو عامر كل يوم صاجينه ويبونك يحسونك تناسبين ولدهم ويبونك بنت لهم وتشيلين بيتهم انتي فيك ميزه عن بنات الوقت هذا انك راعية بيت وزود على كذا جمال يعني لا تحكمين على ابوي واحمدي ربك الحين بيجيك زوجك متعلم وبيتوظف وظيفة كل يتمناها
نوره : قلعته هو وشهادته
منور : طيب هو صغير نفسك اجبروه اهله على شي هو مايبيه
نوره : جعل نصيبك عند الدكتور حمد
منور : مالت على ذا الوجه وش فيه الدكتور حمد صحيح انسان جدي ودكتور ما عنده مشاعر بس مخليها للمرضى هو ونظاراته بس بعد يجنن نسيتي شكله يوم نروح للبر
نوره : بس مو احلى من سالم
منور بشهقه : نوره الله ياخذ شيطانك لا تجبين طاري سالم انتي خلاص متزوجه
نوره : وانا وش قلت انتي تمدحين حمد وانا امدح سالم
منور : لا حبيبتي يختلف انا مره ماني معرسه واتنقى على كيفي وامدح الي ابي بس انتي مره متزوجه
نوره : ياربي وحطي عند متزوجه علامة تعجب تسمين زواجي زواج مع وقف التنفيذ
منور : اقولي انخمدي كل يوم ومن سافر ومن درستي اولى ثانوي لحد ما وصلتي ثاني جامعه وانا وانتي ما غير نحش بهالعامر عزالله اخذ كل حسناتنا
وجلست منور على سريرها وقفلت الانوار ونادتني
منور : نوره
نوره : لبيه
منور : نوره توقعين شكل عامر تغير
نوره : مدري والله خلاص انتي تقولين من راح وحنا نحش فيه طيب انطمي وارقدي خليني بروحي

كنت كل يوم اكذب على منور احط نفسي بنام وانا افكر بحياتي مع هالعامر يوم راح للسفر ورحت لبيتنا ودخلت اولى ثانوي تخيلوا بنت متزوجه باولى ثانوي وشلون البنات يناظرونها المهم انقهرت منهم وماهتميت وقعدت أذاكر واجتهد أبي ابني نفسي وذاتي واطلع احسن منه صح هو ما يهمني بس ابي اذا رجع ما يشوفني متخلفه او اقل منه بعد انا ذكية صح امي ما علمتني اشياء تفيدني بس انا بعلم نفسي بنفسي كان شعري يلعوزني بالمدرسه ودايم الفه لفه كبيره عشانه طويل كانوا الأستاذات يحبوني كانت لي شلة كبيرة يمكن اغلبهم صديقات مصلحة لأني الأولى على المدرسة تعلمت اجتهدت تفوقت واخذت نسبة عاليه تمنيت ادخل اعلام واروح ادرس بمصر بس محد عطاني وجه ولا اهتموا بطموحي بس ما حبط عزيمتي دخلت قسم آداب انجليزي بجامعة الملك سعود وقعدت اكتب واعبر عن كل شي بكتاباتي صح ما كتبت بسمي الحقيقي بس اهم شي اني اعبر عن الي بخاطري صرت اكتب واكتب وكل موضوع اكتب فيه عن الحب عن السعاده حتى عن السياسية والاقتصاد ومواضيع اجتماعية كنت انتقد واصحح ويمكن احل مشاكل مع ان لي مشكلة ولازم الحين استعد عشان احلها واصححها وكانت تجيني تشجيعات من القراء
حقد دفين "بقلم غيوم الشوق "
سأحاربك!!
سوف تكون قصة الماضي؟!
سيرويها الكبار لصغار سأجعل منك أضحوكة المجتمع.
سأترك سيرتك وماضيك اسود كسواد الليل العتيم .....
سأحطمك !!
تدري من أنت ؟! ومن تكون ؟!
أنت حجرة تعثرت بها في الطريق..
انتشلتها بيدي ..ورميتها في قعر ألبير
لكي لا تعرف لي سبيل!!..
ولا ينفعك النحيب...
وتموت ذليل ... وتنهانا عند القريب ...
كفاك تصنع !! كفاك تمثيل!!
ألا تحس بتأنيب الضمير؟؟
أم تراه أصبح قتيل في عالمك السد يم !!!
أنت شعله لن يدوم نورها سوف تطفئها الأيام .....
أعجبك غرورك !!..
أتراك لا تشاهد نفسك في المرآة !! ..
فلو حضيت بدقيقة لتشاهد أعماق قلبك لعقيت نفسك!!...
أنا من سوف تحرمك نعمة الحياة!!..
ستصبح رماد يذروه الرياح..
ليعلن ولادتي من جديد!!
فهانا رجعت لأمحوك من ماضيي ...
وارسم بيدي مستقبلي واحدد زواياه وأبعاده وابني أسوار من حديد!!
لكي لا يتخطاها أحد.. و أشعل شعلة..
لتنير دربي الطويل لأسير عالية الهمة لأقطف ثماري ...

********************
لازم أتحرك من تغديت وانا اتمشى رايحة جايه بهالسور ولا بعد قررت لازم احدد موقفي راح اقول لعمي ابو عامر بس صعبة شلون اقولة اقوله مابي ولدك ما يصلح ياربي وش اسوي من اروح له من اتوجه له عشان يعلمني بقوله والي يصير يصير
********************
فعلا موقف ما راح من بالي لبست عبايتي ومشيت بسرعة لبيتهم كنت اجمع الكلمات والكلام ابي يكون كلامي مرتب ومنمق ولا يجرح نسيت كل الي حولي بس ابي اتحرر من عويمر نسيت ابوي اخواني وش راح يقولون كنت ابي ارسم حياتي الحين توني صغيره وماعليه لو كنت مطلقة اهم شي اتخلص منه وافتك مو خسارة ياناس بنت توها بأول العشرينات تكون مطلقة ماعليه ما انتهت الدنيا مو انا اول مره تتطلق ولا اخر مره لكن الله ينتقم منك يا عويمر هدمت حياتي انتبهت على نفسي اني تعديت بيت عمي ابو عامر من كثرة التفكير دخلت ومثل كل مره ادخل القى صوت القرآن بالبيت وريحة البيت تبعث الراحه بالنفس احس نفسي تخدرت وان هم عن قلبي زال مشيت ولقيت خالتي ام عامر تتفرج على قناة المجد القرآنية ومندمجه حسيت بنغزة بقلبي ماعندها بنات ما عندها غير عامر وراح يكمل دراسته وما اهتم في امه صدق قليل خاتمة ياربي الطف وش بتقول الحين اذا علمتها
نوره بتردد : السلام عليكم
التفتت علي وابتسمت ابتسامة احس بالراحة اذا شفتها ابتسامة طالعة من قلب مو مصتنعه
ام عامر : وعليكم السلام والرحمه هلا هلا وغلا بنوره نور البيت يمه
نوره : منور بهله شلونتس يمه
ام عامر : بخير ولله الحمد بس مليت يمه من القعده بروحي
وكملت ببتسامة الحمدلله هانت عامر راح يجي بعد اسبوع
خلاص الكلام الي جمعته تبخر وش بقول الحين شلون اكسر قلبها بس قلبي انا وش مصيرة
قلت بتردد : يمه
ام عامر : لبيه
نوره : يمه انا انا
لحظة صمت يالله يا نوره تشجعي قولي
ام عامر : قولي يمه وش عندتس
نوره وهي مغمضه عيونها : يمه انا ابي اتطلق من عامر
صمت رهيب كنت منزلة عيوني مابي اطالعها بس خفت عليها ورفعت عيوني لقيتها تبكي بصمت كرهت نفسي كرهت انانيتي وحب ذاتي كيف خليت هالطيبة تصيح بس مو بأيدي مقدر مقدر اكمل مع ولدها مقدر اعيش مع انسان ما احمل وما أكن له أي حب
بتردد واضح : يمه تكفين لا تصيحين
ام عامر : يمه انتي مالك ذنب انا اصيح اني راح اخسر بنت لو جبت بنت ما لقيت احن علي منها ظلمناك وظلمنا عامر وهذا من محبتنا لكم وابشري بالي يسرك
نوره : تسلمين يا خالتي واتمنى ما تزعلين مني
طلعت وانا احس بداخلي الم مو عشانه عشان امة وابوه عشان محبتهم لي حسيت اني راح افقدهم وافقد وجودهم بحياتي ناس طبيتهم تسوى الدنيا وما فيها معقولة يا نوره حضك زفت رحت لبيتنا سمعت صجة بالصاله واكيد الشله راشد وعبد العزيز ومنيره يلعبون اونو او يشوفون التلفزيون الحين اقول لهلي او اسكت فضلت ما اقولهم شي خلهم يتفاجأون بنفسهم اذا جا من اهل عامر دخلت ومالي خلق ارقى فوق رميت عبايتي وشنطتي على الكنب مع البرقع والتفت عليهم وطبعا مثل العادة المخروش عزوز يصفر
عزوز : اووووووووش وش هالزين نونو هانم
نوره : انا زينه من ربي خلقني وبعدين كم مره قلت لك لا تناديني نونو نونو بعينك
عزوز : ههههههههههههههههههههه والله شكلك بذا القصة الجديدة طالعة نونو من جد
نوره : أي لك حق تشوف نفسك علينا
عزوز : الحمدلله والشكر وانا وش قلت عشان يدل على اني شايف نفسي اختي نوره العزيزه والملقبة بنونو الشهيرة مع الاسف ومع انك تكتبين في المجلات ومشهورة وجامعية الا انك للأسف دلخه
راشد ومنيره : هههههههههههههههههههههههههههههههههههههههههه
نوره : وانتو اعجبتكم السالفه
راشد : والله كلام عزيز درر هو يكلمك عن نفسك وشوله تقولين شايف نفسك
نوره : لان خوياتي راحو وطي عنده يوم جا يطلعني من الجامعة وعلمته وهو بعدها شاف نفسه
عزوز : ههههههههههههههههههههههه مو مبرر لدلاختك نوره هانم
نوره بضحكة: اقول انثبر عطيتك وجه زيادة
راشد : قاهرني انا والله يوم اروح بلحالي للسوق البنات كوم وراي لكن يوم يجي هو معي محد يعبرني
عبد العزيز : هههههههههههههههههههههههههههههههههههههههه
راشد وهو يضحك : المشكله ما يعبرهن وتلقينه عند اشرطة بليستشين البنت وراه هي الي ترمي الرقم والاخو يدور اشرطة كنه بزر
عبد العزيز : ههههههههههههههه قسم بالله بنات موب صاحيات وبعدين انا يابابا ما احب خرابيط الحريم واستحي مره
منور : ياي يا السحى الي مقطعك
نوره : على طاري السحى ذكرتوني برغد بنت نجود وربي هي الي تستحي
عبد العزيز : آه يا قلبي لا تقولين لي ياليت عمرها مو ست سنين وربي لا املك عليها
نوره : ههههههههههههههه مالت عليك خلها ان شاءلله تكون من نصيب تروك
عزوز : الله يقطع تروك من وين طلع لي لالا رغد ابيها
نوره : اقول اعقل تراها بزر
عزوز : يابنت وربي فيها حيا غير طبيعي مدري على منو طالعه
منور بطفاقة : اكيد طالعة على سارونه
راشد : وع مالقيتي غير ساره
نوره : ههههههههههههه ابي افهم وش جاك من ساره
راشد :شايفه نفسها مدري وش علية
منور : يابعد عمري مزيونه ويحق لها
راشد : اقول غيرو السالفة وش رايكم نلعب اونو والي يفوز يشترط أي شي يبية
نوره وتغمز لمنور : يالله
كانوا البنات متعودين يغشون ياخذون التسحيبات ويوزعونها بينهن وصار راشد وعزوز فريق ونوره ومنيرة فريق
راشد بتحمس: يالله وزعوا الورق
منور : الله يستر وش ناوي عليه
راشد وهو يضحك ضحكة شريرة : بوريكم
وغمزت نوره لمنور وضحكو
عزوز وهو مندمج باللعب : وش يضحكم
نوره : ولا شي
وفعلا فازوا البنات بالغش ومحد درى انه غش
منور : يالله يالله نوره وش نطلب
نوره وهي تنط وتحرك شعرها يمين ويسار : أكيد ستار ستي
راشد يصرخة : وشوووو
منور : تعجبيني
عزوز : طبخن طبختيه يالرفلا اكلية انت الي ودهم
راشد وهو يحك شعرة : مافيه مجال تغيرون
نوره : لالا مافيه
منور : ونمر سارونه اليوم نساء ياحلوك يانورة
نوره وهي تضحك : الي يشوفك يقول تلعب ماغير تتفرج واذا لعبت كل الي بالملاهي يسمع صياحها
عزوز يبي يقهر منور : ههههههههههههههههههههههههههههه الله يفشلك يارب خلاص من اليوم اعلن انتي منتي اختي ولا اعرفك
نوره : هههههههههههههههههههه حرام عليكم
راشد يبي يقهرهم : يالله اذا مراح تجهزون بعشر دقايق مافيه
منور : حرام عليكم لازم نلبس ونتكشخ
راشد : بالله يعني بتشيلون براقعكم
نوره : اكيد كله حريم
راشد : اجل مافيه طلعة
نوره : ياربي منك ياراشد ليش انت كذا العالم كلهم نفسنا يشيلون نقاباتهم ليش انت عكس العالم وربي مافيه الا بنات
راشد : اووف خلاص يالله عجلوا
منور : يالله طيران بسرعه نوره اتصلي على سارونه
راشد : لحظة وش دخل سارونه
نوره : سوسو تؤمنا ما نقدر نستغني عنها
منور : لا تقولين لها ان راشد راح يودينا
راشد : بالله عليك واذا درت اني راح اوديكم وش بتسوي
جريت منور عشان ما تجيب العيد : مراح تقول شي بس منور كلامها واجد
كلمنا سارونه وقلنا عزوز الي راح يودينا يكفي بيتنا ماتجيه إلا اذا درت ان راشد مهوب فيه بسرعة لبسنا ولبسنا عبينا واكيد عبينا ساتره مو خوف من راشد بس بعد حنا ما نحب العبايات المخصرة او الفرنسية مثل ما يقولون طلعنا وانا شوي اغني وشوي منور حتى راشد مروق ويغني معنا ومن اغنية لأغنية لحد ما غنى راشد بصوته العذب الي رحت معاه رحت لعالمي الخاص محد حس فيني نزلت دمعه تلتها دمعات

ماني على فرقاك ياشوق ناوي
مير الزمن له وقفة بين الاحباب

يشهد على مااقول قلب شقاوي
دمع نثرته بان من بين الاهـداب

كانك على ذبح الوفا فيني قاوي
إذبح خفوق اللي يحبك ولاتاب

واللي بقى من وقتنا مايساوي
لحظه نعانيها من البعد أغراب

لا يانجوم الليل ماني بهاوي
فرقا مناة الروح ولوطالت أسباب

ياناصحين القلب ماله مداوي
غير الحبيب اللي له القلب طلاب
ما حسيت الا بصوت راشد يعني لازم تلطعنا ساعة عند الباب وبما ان ساره ما تدري ان راشد هو الي راح يجيبنا ومتعوده على عبد العزيز وما تستحي منه مره جتنا وهي شوي وتركض وبسرعة دخلت السيارة
ساره : سوري سوري تأخرت عليكم وش اسوي ساعه الف شعري ما علمتوني من قبل وساعه مكياج
راشد : بالله عليك رايحه عرس انتي
هنا سمعو صرختي مثل العادة ساره هي وفطوم آهـ تذكرت فطوم بعدين اعلمكم وش صار عليها المهم البنات اذا نحرجو انقهرو قرصوني الله يعيني
اصغت علي سارونه وطنشت راشد : وش حارق رزة بالله وبعدين ليش ماعلمتوني انه هو الي بيجيبكم وربي مراح اخاويكم
راشد : علي صوتك وش تساسرين نوره به
وبعد طنشته وسكتت
هنا شاش راشد ورحنا حنا فيها وبسرعة صار يمشي وكلنا درينا انه معصب ومابغينا نقول شي بس شوي ونروح فيها هو وسرعته نزلنا وراح
نزلنا حنا ويا البنات وقصينا تذاكر ودخلنا ورحنا الله يعزكم لدورات المياه وقعدنا نعدل اشكالنا وبدينا نتمشى قبل ما نبدى نلعب ونشوف اشكال البنات الي حاضرين وتعرفون عاد بنات اكيد ما نسلم من التعليق عليهم وضحك وبدينا نلعب ومنور معها فشار وجالسه تتفرج عليها
ساره : ههههههههههههههههههههه وانتي الحين ما قضيتي على خوفك
منور : انا والله ماني عايفه نفسي وبعدين احب اتفرج واكل وروح اتسوق بس
نوره : هههههههههههههههههه خليها راح يجي يوم وتندم
منور : لا يا حبيبتي ليش اندم
رحت انا وساره نلعب في اللعبة
ساره : صراحه اخوك بايخ مره
نوره : ههههههههههههههههههه مدري وش بينك وبينه والله
ساره : مالت عليه مدري وش فيه علي
نوره : يقول انك شايفه نفسك
بصرخه : انا شايفه نفسي بالله وش سويت عشان يحكم علي بهالحكم
نوره : ياليتني ما قلت لك بزيد النار حطب الحين
ساره وهي تأفف : لا زين انك قلتيلي
نوره وهي تغير السالفة : اقول ليتك جبتي رغد معك
ساره وهي تتنهد : رغد راحت مع امها لخوالها
نوره بتردد : نجود مرتاحة مع اخوك سعد
ساره :صراحة في البداية كنت احس بينهم تفكك من اشياء انا اشوفها بس الحين اشوفهم يرحون ويجون مع بعض وضحكهم واصلنا
حسيت ان سعد تغلب على حبة واكيد بنى حب صافي مع نجود كنت اتمنى اعرف اشياء كثيرة بس مستحيل اسئلها
حياتي الحين بدت تبتنى وبديت انقشها هل فعلاُ سوف اكملها ام سوف تهب عواصف وتهدم ما تعبت عليه

اتمنى اشوف توقعاتكم