أشــواك الحب

29-03-08, 01:02 AM

المشاركة رقم: 1

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

المنتدى : الارشيف

أشــواك الحب

أشــواك الحب

كيف ينمو الحب وسط الأشواك ؟؟

وكيف نستطيع أن نمحو آلامنا مع الأيام ، وأن نسامح ونعفو !

كيف تندثر معاني القسوة ، باللمسات الحانية المحبة !

كيف عنّتْ لنا مواقفٌ أو أناسٌ الكثير ، ونصدم بالحقيقة بعدها ...

كيف نحارب لنصل إلى غايتنا .. ونسترجع الحب الذي سلبه الزمن !!

كيف يغدو أعدائنا أحباباً ،

وكيف نحب من نعادي ؟؟!
.
.
,
معاني كثيرة حاولت احتوائها بقصتي

" أشـواك الحب "

أتمنى تنال على اعجابكم

وهذا الفصل الأول منها ..

التعديل الأخير تم بواسطة Malame7 ; 29-03-08 الساعة 01:35 AM

29-03-08, 01:07 AM

المشاركة رقم: 2

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

~~~~~~~~~~~~~~~~~~~~~~~~~~

حاسة إني رح أموت من الضيقة ،
ما في أحد جنبي يواسيني ، كرهت الناس !
الدنيا ظلام أمامي ، والطريق طويل وموحش !
ضربت على صدري بقوة ، وأنا أشهق من البكاء ، اخذت نفس عميق ورا بعض بطريقة هستيرية ،
أحس العالم كله موقف بوجهي ، ويمنعني من أي حياة أتمناها !
حياتي كلها دمار .. كلها خراب ! كلها يأس..
وكلها تحطيم .. في البيت جحيم لا يطاق ، في المدرسة ، جحيم من نوع آخر ..!!
حاسة الكل يكرهني ..الكل ما يطيقني .. كل الناس .. كرهت الناس ، كرهت العالم ، كرهت هالحياة !!!
ظليت على حالي جالسة بغرفتي الصغيرة وعلى السرير القديم الهلكان ..ِ
أتأمل بغرفتي ، كل ركن من أركانها،
غرفة قديمة بالية ، كل ما فيها كانت أحلام رسمتها بيدي ..
أما الحين ، أنا لحالي بهالغرفة الموحشة ..
حتى الأحلام تركتني ..
قمت بصعوبة طلعت برا الغرفة .. ورحت لحمام بيتنا الصغير ..
توضيت .. وشفت نفسي بالمراية وأنا فاتحة الصنبور و أغسل وجهي بالموية ..
عيوني انتفخت ، ودموعي مو قادرة اوقفها ، لأنها مثل هالصنبور ..ما أقدر اسكره لأني احتاجه..
وهي السبيل الوحيد اللي انفس فيه عن ضيقي ..
طلعت اجر رجولي جر ، ودخلت على غرفتي ، لبست جلال الصلاة ، وشميت أكمامه ، لأنه عزيز وغالي علي
فيه ريحة الوالدة ، وطيب من انفاسها العطرة ..
الله يرحمك يا يمه ، ليتك هنا ، كان ما عرفت طعم الحزن وانتي بجنبي .. الله يرحمك ويجمعني بك في الجنة .. صليت بخشوع وازداد بكائي في الصلاة ، وانا أدعي ربي يخفف عني كربتي ، ويشرح صدري ، ويعوضني خير ..
انتهيت من صلاتي ، ورميت نفسي على السرير بتعب ، ومسكت القرآن ..
وبديت أقرأ بصوت منخفض وبترتيل يشرح لي نفسي ..
وبعد ما قرأت حوالي جزء .. حسيت بدفا واطمئنان ، وبدون ما أحس ، رحت في النوم ..

~~~~~~~~~~~~~~~~~~~~~~~~

كنت راجع البيت وأنا شايل همّ دخوله مثل كل يوم .. أكيد الحين هو صاحي ورح أتهزأ وأسمع لي كلام يسم البدن .. وأكيد المسكينة جالسة تخدمهم مثل الشغّالة .. ياربي !!!
دخلت وأنا أسمّي بالله ، لاحظت الهدوء في البيت .. غريبة !
مشيت لين القبو اللي هو في الحقيقة – غرفتي - !
دخلت وبدلت ملابسي لأحد أثوابي العتيقة .. وطلعت بعدها على غرفتها ..
دقيت الباب ،و ما ردت ! خفت عليها..!!
اليوم في هدوء غريب في البيت .. يا خوفي يكون صاير شي !
رجعت دقيت ودقيت عالباب ، ما فتحت !
فتحت الباب ودخلت بسرعة ، وتنهدت براحة يوم شفتها نايمة على سريرها ..
كان منظرها .. ممم ما اقدر اوصفه ..!!
كانت لابسة جلال أمي ، وحاضنة المصحف على صدرها ونايمة ..
قربت منها وأنا ألمح آثار على وجهها البريء.. واللي ما كانت غير الدموع ..!!
عورني قلبي عليها .. جلست جنبها ، ومسحت دموعها بخفة ..
تحركت وفتحت عيونها ، وطالعت فيني على طول بابتسامة ، وقالت بلهفة :
" عبد الرحمن ؟؟ جيت ؟؟ كيفك ؟؟"
مسكت يدها وقلت بحنان :
" نور .. ليش كنتي تبكي ، ما أحب اشوفك بهالحالة .. "
نزلت راسها بحزن وقالت :
" بس كنت .. حاسة بضيقة .."
مسحت على راسها وانا اقول :
" حبيبتي ، انا جنبك ورح اساعدك تحققين كل أحلامك .. تفائلي ولا تخلين ظلم أبوي يدخّل اليأس لقلبك "
نزلت دموعها وقالت بقهر :
" انا ملّيـــت يا عبد الرحمن .. تدري شمعنى مليت !!.. ماعدت اتحمل كل هذا .. ليش يسوي فينا كذا
ليش الناس كلهم كذا ؟؟
ظلم أبوي ، كلام زميلاتي ومعايراتهن ..زوجة ابوي و اهلاكها لي
واحلامي وطموحاتي اللي صارت سرااب !!"
تفاجأت من هالكم الكبير من اليأس والقهر اللي قدر يتسلل لقلبها ، دايما كنت اشوف نور ، الانسانة المؤمنة الراضية ،لكن .. لا بد يجي يوم وتنفجر فيه .. لأنها من البداية تكتم بقلبها .. قلت لها :
" الناس يا نور ، مو كلهم بطيبة أمي الله يرحمها .. الناس فيهم الأقسى والأقسى من ابوي بعد .. لكن ، لا بد من الابتلاء ، ومن جهة ثانية ، لازم نصبر ونحتسب ، وان شاء الله يعوضك كل الخير .. وأنا معك ، ما أحد يقدر يمسك بسوء .. واذا في شي مزعلك احكي لي ، وانا رح اسمع لك و..."
قاطعتني بخوف :
" هذا صوت ابوي .. رجع .."
ما التفتت ، وكملت كلامي وانا اتنهد :
" نور .. لا تخافين !! ومهما كان هو أبوك .. وعلينا نحترمه ونطيعه إلى ما نفترق عنه ، ونكبر ونبني حياتنا الخاصة .."
كملت : " ما احب اشوفك يائسة .. انتي النور الوحيد الباقي في حياتي
يا اختي .. امسحي دموعك وخلي الامل يدخل قلبك دايما وأنا معك "
قالت نور بامتنان وبلهجة سريعة والخوف طاغي عليها :
" يكفيني انك جنبي يا عبد الرحمن ، انا الحين من جد حاسة براحة .. بس يللا روح عشان اكيد يبغاك ابوي الحين ، أخاف يعلق عليك ولا يقول لك شي .."
ابتسمت وأنا شايل بقلبي هموم الدنيا ، مسحت على راسها وطلعت استعد للمواجهة مثل كل يوم ..

~~~~~~~~~~~~~~~~~~~~~~~~~

كنت راجع البيت ، الوقت متأخر ، بس الشغل كان مكثف اليوم ،و كنت مرة تعبان ،
استقبلتني أميرة وهي مكشرة :
" كان نمت بالشركة أحسن !!"
ما كنت رايق لها أبدًا ، وهي كانت معصبة حدها ، وأدري انه مو عشاني ..
عشان كنت واعدها بطلعة للسوق ، وأكيد الحين فاتها آخر موديل ولا آخر صرعة ..
وما رح تتميز بين صديقاتها التافهات .. قلت لها بصوت راخي :
" أميرة ، الله يهديك مو ناقصك ترا .."
قالت بعصبية :
" ليش متأخر ان شاء الله ؟؟ كل هذا وما تباني أتكلم ؟؟"
قلت لها بعصبية وأنا أدخل غرفتنا ، وأبدل ثيابي :
" ايه ما أبيك تتكلمين لان راسي بينفجر .. ان شاء الله اعوضك بطلعة ثانية .."
قالت بصوت عالي وضحكة ساخرة :
" انت كلام وبس ..هيـــــــّّن يا خالد !!"
وطلعت برا الغرفة بانفعال .. أما أنا ، كنت فعلا مو متحمل ..هذي الانسانة يبغا لها طولة بال وفضاوة ، الله يهديك يمه ،
لو كنت أدري انها بهالاخلاق ، ما كنت اخذتها .. مرت علينا سنة من تزوجنا، واحنا على هالحال ..غطرسة وتكبر وطلبات وما تجي غير بالعين الحمرا .. تسبحت وطلعت حطيت جسمي بانهاك على السرير ، وما دريت بعمري إلا ثاني يوم الصباح ..فاتني الفجر .. أستغفرك ياربي .. !!
صحيت من النوم ،و قمت اتوضا وتجاهلت هالانسانة اللي نايمة .. طلعت من الحمام ، ولبست ثوبي وصليت ..، وأخذت محفظتي وأغراضي ..
ألقيت نظرة سخرية عليها ، وطلعت .. فعلاً انسانة مستفزة.. حتى بنومها ملامحها المتكبرة ما تختفي !
انا فعلاً مليت من حياتي معها ! بس مهما كان ، لازم أتحملها عشان أمي وعشان ربي.

~~~~~~~~~~~~~~~~~~~~~~~~~~~~~~~~~~~~~~~~

جلست بكافتيريا الجامعة وأنا بالي مو معي أبداً ..
وما انتبهت لزميلي سعود وهو يناديني :
" محمد .. محمد !!!!"
قلت فجأة :
" هاااااه شتقول ؟!"
" الله يهديك من ساعة وأنا أناديك .."
قلت :
" آسف كنت افكر بموضوع .."
قال وهو يبتسم بخبث :
" مين اللي ماخذة عقلك ؟؟"
قلت له بعصبية :
" تدري اني مو راعي هالسوالف.."
قال :
" خلاص خلاص ما قلت شي .. امزح وياك ياخي ليه معصب ..؟؟!!"
" خلك في حالك .. كنت تبغاني ؟؟"
قال باعتذار :
" يوووه لا تعصب بس .. ابغاك تشوف لي اللاب توب حقي من يومين وهو معلق
وعيّا يفتح الملفات .."
قلت بملل ، قلبته لمزح :
" وان شاء الله كل ما جتكم مشكلة جيتوا عندي ، توفرون فلوس الصيانة .."
ابتسم سعود وقال :
" انت الخير والبركة ، الحين الصيانة يقولون يبغا فورمات ومدري وشو ، وياخذون
لهم بالميات .. وانت ماشاء الله خطوتين وتكون المشكلة خالصة .."
قلت له وانا اقوم واضربه بخفة على راسه :
" عشانكم اذكياااء ، ما تعرفون حتى ابسط الاشياء .. مدري . في اسهل من الكمبيوتر
في العالم .. ولا صار بالنسبة لكم ماسنجر وشات وبس ؟!"
قال بعدم تصديق :
" يعني موافق تاخذه ويّاك ؟؟"
قلت له :
"وينه هو ؟"
قال وهو مستاانس :
" فوق باللوكر .."
" روح جيبه يللا ..
قال :
" ما صدق انك واافقت .. شكراااااااااااااااا مشكووووور "
قلت له بتريقة :
"كم سعود فيه ؟!"
شق الحلق بالابتسامة .. وراح طيران يجيبه من وين ما تركه ..
اما انا رجعت افكر مرة ثانية ..
من يومين وانا موقادر انام بسبب التفكير ، تذكرت الموقف اللي صار بكل تفاصيله
يوم ناداني ابوي وقال لي على الخبر ..
" أبيك تدرس برا ، هذا خالد اخوك درس سنتين ورجع وماسك قسم الحسابات كامل
بالشركة .. وانت بدراستك هذي مارح تطلع بالكثير .. ابغاك تدرس برا ، عشان
كلكم ترفعون راسي بين الناس .."
تذكرت محاولاتي في اقناعه واللي كلها بااءت بالفشل .. ليه ؟؟!
ليه يبغى يسيطر علينا بهالشكل ..
دايما آرائه مافيها اختيارات .. ودايما لصالحه ، يأمرنا متجاهل كل رغباتنا
ويضرب بها الجدار !!
شفيها دراستي الحين ؟؟ عاجبتني ومجموعي عالي ومستواي اكثر من ممتاز !!
والحمد لله توفر شغلة محترمة واكثر بعد ..
ليه اهم شي يحقق اللي فباله ؟؟
حرام عليه ، مو كفاية خالد اللي ضيع له كل طموحاته .. حتى الزواج !!
ليه يبيني ابعد عن اهلي ووطني واغترب !! وانا اللي ما اقدر اعيش من دونهم ..
آآآآآآآآه !! تنهدت تنهييدة طوييلة !!
وقمت من مكاني وانا اشوف سعود يقرب وهو مستاانس وبيده الكمبيوتر !
سعود من أعز زملائي ، صحيح اننا ما تعمقنا مع بعض لدرجة الصداقة ،
لكن يبقى عزيز وغالي علي ..
قال لي وهو يعطيني اللاب توب :
" الله يعطيك العافية .. ياخي من وين تجيب هالعبقرية .."
قلت له بمزح :
" قول ماشاء الله .."
قال :
"ماشاء الله .. طيب اخليه معاك تاخذه وتشوفه وبكرة تعطيني اياه .."
فتحت شنطة اللاب توب وانا اقول :
" سعود .. وين الشااحن حقه ؟؟|
قال بصدمة :
" اوه .. تصدق اني ناسيه بالبيت .."
خبط على راسه وقال :
" يووه خلاص اعطيني اياه ، بجيبه لك بكرة خلاص مع الشاحن .."
قلت له وانا اضحك من انفعالاته الزايدة :
" هون على نفسك .. ولا يهمك ، اروح معك الحين نمر على بيتكم وآخذه .."
سبل بعيونه :
" من جد ؟؟ والله ؟؟ احلللف؟؟!"
الرجال استانس من قلب .. ههههه!! استانست على حركاته وخفة دمه ..
قلت له :
" يللا عشان ما اتأخر .."
ركبت معه السيارة ورحنا لبيته ..
~~~~~~~~~~~~~~~~~~~~~~~~~~~

قمت بسرعة وأنا اسمع صوت عبد الرحمن يصحيني ويقول :
"نــــــور .. تأخرتي ، يللا لا يفوتك الباص !"
قمت بسرعة وأنا أتذكر ان اليوم علي اختبار واذا فاتني الباص بتكون
مشكلة !!
وقفت بسرعة وسألته :
" ليه كم الساعة ؟؟!"
قال وهو مستعجل :
" ستة ونص .. واخيرا قمتي ..! أنا بروح تأخرت على الشغل .."
قلت له وانا ابتسم :
" في امان الله .."
طلع و لبست بسرعة ملابس المدرسة ، يووه الباص باقي له ربع ساعة
ويجي ، ومالحقت اراجع امتحاني .. امس كانت ليلة عصيبة ، كان موعد
انفجار مشاعري المكبوتة .. نفضت عن نفسي الافكار والذكرى حقت
أمس .. ولبست عبايتي وطرحتي ونقابي وطلعت ،
لكن على عتبة الباب وقفت وانا اسمع صوت الخالة شيخة تناديني ..
رجعت وانا اقول بقلبي " الله يستر "
قلت :
" نعم يا خالة ؟"
قالت ببرود :
" اليوم ترجعين على البيت تسوين الغدا لأبوك .. أنا بكون مافي "
قلت لها بتساؤل :
" بس خالتي انا علي امتحانين بكرة ، "
قالت بعصبية :
" خلاص ولا يهمك .. خليه بدون غدا .. انتي حرة ، بس
انا ما بكون هنا .. وانتي منك لابوك ..."
قلت وانا اتحاشى عصبيتها :
" خلاص بسوي يا خالة مو مشكلة .."
وطلعت بسرعة ، لقيت الباص موقف ويستنى ،
اشوا الحمد لله لحقت عليه ، ركبت وانا اصبح على البنات
قلت : السلام عليكم
ردوا السلام ، ورحت اجلس بمكاني المعتاد ،
وفتحت كتابي اراجع للاختبار .. سمعت صوت من وراي ،بعده
حسيت بضربة خفيفة على ظهري ..
" يا هلا والله نوّر الباص بنور .. خخخخخ "
ابتسمت لمنى ، صديقتي الوحيدة ، وقلت لها :
" صباااح الخييييير "
قالت :
" صباح النور ، ايش تدرسين ؟"
قلت لها بدهشة :
" الاختبار .."
حطت يدها على قلبها بصدمة :
" اختبار ايش ؟؟ في اختبار اليوم ..؟؟"
قلت لها بهلع وانا مصدوومة .. المادة طوييلة ، تاريخ !!
معقولة ما تدري وما درست ؟؟!
" اليوم اختبار التاريخ ، ما تدرين ؟؟"
ضحكت فجأة وهي ترمي نفسها على المقعد جنبي :
" صدّقتي .. مسكينة .."
كفختها على راسها بالكتاب لين ما قالت بس .
تعشق المقالب ، وياحبي لها .. تنسيني همومي وتواسيني
جلسنا نسولف شوي ونراجع شوي للامتحان ..
وانا اعد الايام اللي تبقت على انتهاء السنة ، مع اني بفتقد المدرسة ومرافقتي
لمنى ، والفترة الوحيدة اللي أقدر اضحك فيها ...
لكن ، بعدها رح اتحرك بطموحي للأعلى ، اذا الله أراد ..
وعلى حسب ابوي الله يستر منه ومن خالتي ..
مضى اليوم مثل كل يوم ، والاختبار عدى على خير ..
ورجعت للبيت مهدود حيلي ، لكن ، لسا باقي لي شغل طويل وكثيير ..
~~~~~~~~~~~~~~~~~

" أستاذ خالد .. الوالد .. قصدي المدير يبغاك بمكتبه "
التفت اشوف عادل السكرتير ، وهو يبلغني برغبة ابوي بشوفتي ..
قمت وانا احط اوراق من يدي ، ورحت وانا اتمنى من كل قلبي يكون مزاج الوالد
متحسن ، وبعد سالفة محمد اخوي ، اللي مايعرف عنها غير انا وهو وابوي ،
حسيت بنفور من مزاجه وقراراته ..
رحت له المكتب .. ودخلت بعد ما دقيت ،
قلت : صباح الخير يبا ..
قال بجمود : صباح الخير .. تعال اجلس
جلست وانا ابتسم ، مهما كنت ضايق منه ، احاول أليّن قلبه القاسي علينا
ولو بابتسامه .. قلت :
" خير يا بوخالد .. ؟؟ انا تحت امرك .."
اعرفه ابوي يحب الرسميات ! احس من كثر ما اعتاد عليها ، صار يريحه هالاسلوب حتى مع عياله ..
قال لي :
" اشوف الشغل راكد هاليومين .. "
قلت :
" والله يا ابوي ، يومين يركد ويومين ينشط .."
قال ابوي بضيق :
" ما ينفع كذا .. يبغالنا نشوف قطعة ارض مناسبة ونحط لنا فرع فيها
خلي شغلنا يتحرك اكثر .."
قلت :
" مثل ما تشوف يا بوخالد .. خلاص عطني كم شهر وانا اخلص
الاجراءات واختار الارض وابدء التأسيس للفرع .."
قال بتساؤل :
" واي ارض بتاخذ ؟؟"
قلت :
" والله يا بوي .. اشوف لو ناخذ بحي ... بمنطقة ....
لان هالمنطقة ما فيها أي فروع لنا .."
قال وهو يبتسم :
" ايه والله .. معاك حق .. والله وصرت ناجح يا خالد ..
زين اباك تشوف لي هناك ارض .. خلاص يعني اعتمد اليوم ذيك المنطقة
بملف الشركة ..؟؟"
قلت وانا مستانس بداخلي على مدحه ، وكل أملي يلين شوي :
"زين .. تم ان شاء الله .."
قال :
" يللا ما اعطلك عن شغلك .."
قمت وطلعت بعد ما قلت :
" في امان الله ."

29-03-08, 01:12 AM

المشاركة رقم: 3

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

يتبع ،

لكن قبل ما أكمّل

اخلّــيكم مع :

أبطال القصة :

"رح اتناول الشخصيات الاساسية"

نــور
طالبة في ثالث ثانوي ، قلبها طيب ، وظلم أبوها وزوجته
الدايم لها يجرحها دايما ، لكنها مع كل هذا مثابرة ومكافحة
وتحاول تكون ناجحة بدراستها وحياتها ..

عبد الرحمن
أخو نور الوحيد ، واقرب الناس لها ، شخصيته حنونة جدا
وهو مكافح مثل اخته ، ويحاول يحميها دايما ويبث فيها
الأمل

خالد
الابن الاكبر لمدير الشركات (فايز/ابو خالد)
عمره 26
ويشتغل عنده بالشركة كنائب للمدير ومدير للحسابات
يحب يرضي ابوه بشتى الطرق ولو تعارضت مع مصلحته
متزوج من سنة اميرة ، المتكبرة والمغرورة ،
واللي ضاق خلقه بها ، لكنه متحمل عشان امه اللي اختارتها
له بسبب صداقتها القوية مع عائلة اميرة

محمد
اخو خالد الاوسط ، عمره 24
شاب ناجح ومتفوق في دراسته ، يكره سيطرة ابوه
ويحب يتصرف بمزاجه ويرتب حياته بدون تدخل أحد
حنون وطيب ، ومحبوب جدا بين أصدقائه

منيرة
أخت خالد ومحمد ، والابنة الوحيدة لعائلة فايز ، ابو خالد
تدرس في الجامعة عمرها 22 سنة
طيبة ، وتعتبر ملجأ لاخوانها دائما ،
يجونها ويطلبون مشورتها ومواساتها
واحيانا تتوسط لهم عند ابوها ، وتنجح
وتعتبر مسؤولة عن اخوهم الصغير احمد
مخطوبة لشاب اسمه طارق ، وامورهم متيسرة
ومستانسين ببعض

سعود
صديق محمد بالجامعة أو زميله ، رح تشوفون
كيف رح تتوطد علاقتهم ببعض بعدين !

عهد
خطيرة الكمبيوتر ، واخت سعود
عمرها 18 خلصت مدرسة وما سمح لها ابوها تكمل
كان طموحها تدرس وتتخصص في الحاسب
لكن عادات عيلتهم القديمة اجبرتها على هذا الشي
دائما في عداوة بينها وبين سعود ، وهذا الللي يخليه بلجأ لمحمد في مشاكل
جهازه ، وبنشوف بعدين ايش نصيبها من الاحداث اللي راح تصير

مريم
ابنة خالة عهد ، عمرها 17
وقفت دراسة مثل عهد ، لكن الفرق انها طيبة وعلى نياتها اكثر من اللازم
وينضحك عليها بسهولة
وبنشوف كيف نتيجة طيبتها رح تكون !

وائل
الشاب الوسيم ولكن للأسف ، الطائش
عمره 23
قريب مريم وعهد ، واللي رح يكون له دور فعال
ما رح اتكلم عنه كثير
انتو رح تشوفون وتحكمون بأنفسكم
وتكتشفون شخصيته
وشخصية البقية

امممممم في شخصيات ثانية لسا ما ذكرتها ، لكن مع القصة رح تتضح..
واللي ذكرت نبذة عنهم هم أهم الشخصيات اللي رح يكون لها اكبر
ادوار بالقصة

القصة رومانسية ، درامية ، وجريئة

ان شاء الله تعجبكم الاحداث ،
واتمنى لكم قراءة ممتعة أحبائي
رح انتظر آرائكم في الاسلوب ، اما القصة
ما دخلنا كثير بالاحداث ، واعدكم بأحداث شيقة وغير متوقعه ..
ورجاءً حاولوا تحددون موعد لنزول الاجزاء
كل اسبوع ولا .... ؟؟

التعديل الأخير تم بواسطة Malame7 ; 26-04-08 الساعة 03:17 PM

29-03-08, 01:46 AM

المشاركة رقم: 4

المعلومات
الكاتب:	Lara_300
اللقب:

البيانات
التسجيل:	Apr 2007
العضوية:	26942
المشاركات:	136
الجنس	أنثى
معدل التقييم:
نقاط التقييم:	19

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

أختي العزيزة malame7 ،

هل غيرت المقدمة ؟؟! >> ^^

اممم ، أعدك بإذن الله أن أقرأ روايتك ، فيبدو لي أنها رائــعة ، منذ حدثتني عنها

انتظري رأيي في أسلوبك وقصتك ..

في أمان الله

29-03-08, 01:57 AM

المشاركة رقم: 5

المعلومات
الكاتب:	اقدار
اللقب:	أميرة الرومنسية

البيانات
التسجيل:	May 2007
العضوية:	29213
المشاركات:	2,295
الجنس	أنثى
معدل التقييم:
نقاط التقييم:	250

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

هلا بك ياملامح

حياك الله كاتبة جديده معانا

واتمنى لك التوفيق والنجاح

اسلوبك ماشاء الله عليه

شيق وسلس وجميل جداً ..

القصه بها ابتدأت بمأساة نورة البنت اليتيمه وقسوة اب وزوجة اب ..

لاحول ولاقوة الا بالله ..

كثرت القصص التي تحكي قسوة الأب .. وهذا للأسف مستمد من الواقع لبعض الأسر ..

عبدالرحمن الأخ الطيب الحنون ..

احب الأخ اذا كان سند وعزوه ..

بصراحه بداية هادية وقوية بنفس الوقت

واشعر ان القادم ممتليء بالأحداث الشيقه ..

كل الأمنيات لكِ بالتوفيق

وثقي ان الابداع في ليلاس لايكبحه شي طالما ان الجرأة لم تتجازوز العرف والتقليد

فقط اكتبي بحرية وبدون قيود في اطارات الدين والعرف والمتعه حتماً سنجدها هنا ..

كل الود لقلبك

كيف ينمو الحب وسط الأشواك ؟؟ وكيف نستطيع أن نمحو آلامنا مع الأيام ، وأن نسامح ونعفو ! كيف تندثر معاني القسوة ، باللمسات الحانية المحبة !