أشــواك الحب - الصفحة 4

30-03-08, 11:10 PM

المشاركة رقم: 16

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

~منيرة~

كنت بالجامعة مع زميلاتي ، انتظر السواق يجيني ،
لكن مر الوقت وما أحد جا .. كل الناس راحوا ..
بعد فترة، لا لقيتهم ينادوني ..
خالد كان هو اللي جاي ياخذني .. ركبت معاه وانا مستانسة اني شفته
من حوالي اسبوع وهو ملهي بشغله ..
سألني عن أحوالي ،
ولاحظت استعجاله وصمته
قلت له :
" شفيك يا خالد ؟"
قال :
" لا ما فيني شي .. ليه ؟"
" مدري احسك مو معي ابداا .. كيف اميرة معك ؟؟"
ابتسم وقال :
" الله مصبّرنا عليها .."
قلت بضيق :
" الله يعينك..مدري يا خالد امي وش شافت فيها يعجبها ..
صحيح الجمال ، بس كله مفرّغ !! "
زادت اتساع ابتسامته .. قلت له بعصبية :
" يعني عاجبك الوضع؟؟ احسك ما صرت مثل قبل !
مو نفس شخصيتك ، ياخالد اذا مومرتاح معها ، ليش ما تنفصلون
قبل لا ترتبط معها برباط يصعب معاه تفرقكم.."
اختفت ابتسامة خالد ،وطالعني بدهشة ، أو بصدمة !
" ننفصل ؟؟ شفتي أمي كيف تعزها وتعز أهلها ..؟؟
ما اعتقد انه موضوع سهل ..وبعدين اصلا هي ما تبغى
تجيب عيال الحين .."
قلت :
" وليش ساكت عليها !! نفسي اعرف كيف تقدر تتفاهم مع هالانسانة
انا ما اقدر اكمل معها دقيقتين كلام ، إلا وأنا مهزأتها ومهزأتني .."
خالد قال يبغى ينهي السالفة:
" ربك يعين .. الله يهديها .."
وقف عند البيت ، ما بغيت اطول بالسالفة ، عشان ما اضيّق صدره
نزلت وقلت له :
" تعال سلم على أمي ، من اول الاسبوع وتبغى تشوفك ،
والله ياخوي ولاهي عنها وعننا .."
قال :
" يللا بجي وياك .."
ودخلنا للبيت .
أمي : هلا يا خالد هلا حبيبي
خالد باس راسها وحب يدينها ..
" اعذريني يالغالية بس الشغل هالاسبوع ثقيل وانشغلت فيه "
أمي : وشلونك انت وشلون مرتك ؟؟
خالد يبتسم :الحمد لله بخير وعافية
أمي : الله يهنيك ويرزقك الذرية الصالحة
تركتهم يتكلمون .. مسكين يا خالد، كل هذا وهو ساكت عن جروحه
ما يطلعها ، يبغى يراضيكم بكل شي ، وانتو ما جازيتوه بطاعته
إلا بفرض رغباتكم عليه .. وخالد .. لين متى بيترك مصلحته ومشاعره على جنب ؟؟
أحس بيوم ينفجر ويستنجدهم يخلونه بحاله !!
~~~~~~~~~~~~~~~~~~~~~~~~~~

~ محمد ~

وصلنا لبيت سعود ، ودخلني على مجلس الرجال ،
وراح يجيب الشاحن وهو مستانس ..
فتحت اللاب توب اشوف ايش المشكلة ،
وما شاء الله عليه معبّي الجهاز فايروسات ، ولا هو حاطط برنامج حماية
رجع معاه الشاحن ، شافني اشتغل على اللاب توب ،
قال :
" محمد ، بتاخذه معك ولا كيف ؟؟"
قلت وانا امسح له ملفات زايدة :
" اقول تقدر توصل لي النت الحين واخلص لك اياه بسرعة ؟؟"
قال :
" اخاف انك مشغول ولا شي .."
" لا مشغول ولا شي يلله ترا مشكلته بسيطة ما تحتاج لشي "
ابتسم بوناسة :
" الله يجزيك الجنة .. بس النت ترا ما يشتغل ، مو اقول لك هذي مشكلته ،
اوصّل السلك وما يشتغل ، والوايرليس نفس الشي "
قلت :
" أنا عدلته خلاص الحين بيشتغل ، بس يبغالك
برنامج حماية عشان يشيل هالفيروسات .."
وطالعته بغباء :
" في احد يشتغل على جهاز بدون برنامج حماية ؟؟"
ما سمعت منه رد غير ضحكه ..
صارخت عليه بمزح :
" وصل النت يللا ، روح روح "
بعد ربع ساعة كنت مخلص ومنزل له البرنامج
جيت ابغى اقوم ، حلف علي اني اجلس شوي ، بس انا
كنت مستعجل ، عندي اشغال وواجبات حقت الجامعة من كم يوم ما سويتها
تاركها عشان نفسيتي وتفكيري بهذاك الموضوع ..
اخر شي اقنعته اني لازم ارجع البيت ،
قال :
" زين عطيني ايميلك لو سمحت ؟؟"
" ماعندك ايميلي ؟؟"
" لا ما عندي "
كتبته بورقة صغيرة وحطيته على الكرسي ومشينا ..
الصراحة سعود ولد حلال وليت في وقت قبل ما أسافر
اننا نصير أصدقاء قريبين اكثر ..
هذا لو كنت بسافر فعلاً ؟؟!
~~~~~~~~~~~~~~~~~~~~~~~~~~~~~~~~~~~~~

~ عهــــد ~

هذا هو ؟؟ صديقه اللي دايما يتكلم عنه ؟؟
هذا اللي اذكى مني وانا قدامه ما اعرف شي بالكمبيوتر ؟؟
ياربي ، شكله رزين وعاقل .. غير عن سعود بالمرة !!
يعني ينفع نقول عنه شاب وسيم
لا لا .. لا يخدعونك يا عهد
ترا كلهم زي بعض ! وسيم ولا غيره
ما يندرى بطبايعه !!
وانا ايش اللي قاعدة اقوله ؟؟
يوووووه !
كنت جالسة بالصالة ، ودخل سعود ومعاه اللاب توب،
شفته يخبط على راسه ، ويكلم نفسه بصوت عالي :
" نست الشاحن ! مدري شفيني مع هالشاحن !!"
والتفت لمن شافني جالسة "
" قومي تحركي يا كسلانة وجيبي الشاحن من المجلس "
" وليه انا ان شاء الله ؟؟ خدامة جنابك ؟؟ "
قلت الاخيرة بالمصري ابغا انرفزه ..
صرخ علي :
" انتي ما تتوبين !! اطلب من اختي المحترمة فيها شي ؟؟"
قمت بدون ما اتكلم ، يمكن لما شفت صديقه قبل شوي ،
زاد احترامي له ^^ ..
ما أدري ، بس حسيت انه ما حب يضايقني زي كل مرة ..
دخلت المجلس عشان اجيب الشاحن اللي كان مرمي لى الكنبة ..
اخذته وقبل لا آخذه لمحت ورقة صغيرة على الكنبة ،
مسكتها ، كان فيها ايميل وفوقه مكتوب
Muhammad
هذا اكيد ايميل صديقه ..
حفظت الايميل وعدته مع نفسي ..
بس انا وش ابغى فيه ؟؟
طلعت السؤال من راسي بسرعة واحتفظت بخطتي في عقلي وانا احفظ الايميل ..
شلت الورقة ورحت عند سعود ..
" اتفضل ! ومدري هذي الورقة لقيتها معاه .."
سحب الورقة مني واخذ الشاحن وقال بصوت عالي وهو يمشي لغرفته :
" شكرا ً أختاااه "
ضحكت عليه ومشيت بسرعة لغرفتي وبالتحديد لكمبيوتري ..
فتحت الماسنجر بإيميل احتياطي غير ايميلي الاصلي
وسويت اضافة +
و........ ابتسمت وانا اكمل رسم الخطة ..
~~~~~~~~~~~~~~~~~~~~~~~~~~~~~~~

~ مريم ~

هلت دموعي وانا اناظر بوجهها الابيض الطاهر
قربت من فراشها الابيض
كل شي ابيض بأبيض
يعطي احساس بقوة نقاء هذه الروح المستكينة
مسكت يدها وانا اناديها بصوت مبحوح
" يمّــه متى بتقومين ؟؟
متى بترجعين !!
من لي غيرك؟؟
يمه الله يخليك
قومي !!
قومي !!!!"
زادت حدة نبراتي وبكائي
شفت يد تمسكني من كتفي ، ما وعيت احد جنبي
لفيت ورا ، كانت صالحة ..
اللي رافقت أمي من 15 سنة
وربتني معاها ..
وشهدت معنا الحلوة والمرة من يومها
صحيح انها كانت تعتبر خادمة
لكنها ، صارت بعد كل هالسنوات فرد مننا ومالها غيرنا ،
قلت لها :
" ها يا صالحة وش تبين ؟"
قالت لي بحزن ما يقل عني :
" خلاص حبيبتي .. احنا بنروح .."
قمت بثقل وانا اقول :
" وأمي ؟؟ شقال الدكتور ؟؟"
قالت :
" تعالي نشوفه في مكتبه.."
رحت معها وانا اعدل من طرحتي وامسح دموعي ،
وفي مكتب الدكتور ..
" يا آنسة ، توكلي على الله ، واصبروا عليها
هذي غيبوبة ما نقدر نحدد متى بالظبظ رح تقوم منها "
قلت بخوف :
" يعني ممكن ما تقوم منها ابد؟؟ "
قال الدكتور بصراحة :
" والله يا آنسة ، الغيبوبة ما يقوم منها المريض في حالات
نادرة منها ، اذا كان عنده مرض من قبل .. لكن الحمد لله
الوالدة ما بها أي أمراض ثانية .."
ما فهمت؟؟! هو يبغى يطمني ولا يخوفني ؟؟!
قلت بتساؤل :
" يعني يا دكتور ؟؟ ملخص حالتها كيف ؟؟ تطمن ولا ؟؟
في أمل تقوم ولا لا ؟؟"
قال :
" ان شاء الله ما دام عندك امل وصبر
لكن ما اوعدك بشي لأن في حالات الغيبوبة مثل ما قلت لك
ما نقدر نحدد موعد قومة المريض .. "
نكّست راسي بحزن ..
وقالت صالحة :
" خلاص حبيبتي احنا نروح ويجي بعدين طيب؟"
قمت معها وانا اشكر الدكتور :
" شكراً يا دكتور ، و رح اسألك عليها كل ما جيت .."
قال بابتسامة :
" العفو يا آنسة هذا واجبي ، واتفضلي ، مكتبي مفتوح بأي وقت "
طلعنا من المستشفى ، وكلي خوف ..
كنا مع السواق في الطريق للبيت
، دق جوالي :
" السلام عليكم ؟
هلا خالي ؟؟"
ابو سعود :
" شخبارك يا مريم ؟؟وشلون الوالدة وصحتها .."
قلت له وانا مختنقة :
" والله يا خالي تونا طالعين من ذي الكريهة المستشفى ..
والدكتور يقول ما يقدر يحدد موعد تصحى فيه من الغيبوبة
يقول ادعوا لها وما بيدهم شي.."
ابو سعود :
" اصبري يا مريم وان شاء الله ما يصير غير كل الخير ،
وتقوم وترجع لبيتها .. بس واظبي على الدعاء وكلنا معك
بقلوبنا ندعي للغالية .."
قلت :
" تسلم يا خالي .. انا بحاول اجيكم قريب ان شاء الله عشان اشوفك
من زمان ما قعدت وياك .."
قال لي بطيبة :
" والله يا مريم كان ودي تجلسين عندنا لين ما تقوم الوالدة ، بس
عشان اعمامك سبقوني .. ما لحّيت عليك "
" عمي اتصل علي امس ومصمم اني اروح لهم ، من شهور ما شفته
ويبغاني اجلس معه هالفترة ، مع أني ما ودي اخلي البيت .."
قال :
" افضل لك تجلسين مع احد مو لحالك يا مريم .."
قلت باعتراض :
" انا مو لحالي .. معي صالحة ."
قال :
" صالحة انسانة كبيرة وما تعرف الكثير وبعدين كفاية عليها
البيت وشغله ، لازم تجلسين بجو يونّسك ويخفف عنك "
قلت :
" ما في شي يخفف عني يا خالي ، امي وحالتها مثل ما هي
مارح انبسط ولا افرح غير لمن تقوم بالسلامة "
قال بحزن :
" مريم ، خليك عاقلة والجأي لربك يفرج هالكربة
ولا تتشائمين .. "
" ان شاء الله خالي"
" يللا اشوفك قريب لا تتأخرين علينا ..
الله يرعاك يا غالية ويحميك ياارب ويرجع
لنا الوالدة بالسلامة والعافية "
" ان شاء الله ..
مع السلامة .."

شردت بذهني ، وانا افكر في كل شي
وفي عمي اللي بروح عنده ..
عمي عبد الله
اكبر اخوان ابوي الله يرحمه
ضرير ، لكنه يدري بكل شي كأنه يبصر سبحان الله ..
طيب جداً ، ويحبني ويعز أمي ،
وقريب ، رجله انصابت بمرض ، ما اذكر ايش كان
بس ما يعرف يمشي عليها ..
اتصل علي ولمن عرف بحالة أمي حلف اني اجي عنده
وقال يبغى يشوفني قبل لا يصير له شي
بعيد عنه ان شاء الله
بس ما اعرف بيتهم زين ولا اولاده زين ..
دريت ان عنده ولدين وبنت ،
لكن ... ما قابلتهم من قبل ، غير لما كنت صغيرة ..
دايما يكونون طالعين ولا مسافرين لما ازوره ،
هل فعلا لازم اطلع من البيت واروح عند عمي ..؟
ما لي خلق اختلط مع الناس لولا انه أصرّ علي ..
رجعت اركز على الطريق ، ومن اعماااق قلبي طلعت
" آآآآآآآآه !
تنهيدة طويلة ..
~~~~~~~~~~~~~~~~~~~

30-03-08, 11:13 PM

المشاركة رقم: 17

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

اقتباس :- المشاركة الأصلية كتبت بواسطة Q8- Angel
أهلين حبوبه بدايه موفقه وأسلوب سلس وجميل نور وواضح انها بطلتنا الي تعاني من جبروت وظلم الأب وزوجة الأب بس أحس انه راح يكون لها دور بحياة خالد ليش ما ادري؟ عبدالرحمن الخ الطيب الي كله حنان اهوا السند الوحيد لخته وبنفس الوقت اخته سند له من ظلم الأب خالد انسان ناجح وطموح لكن رغم النجاح الي يصادفه في شغله الا انه يواجه الفشل في حياته مع زوجه ما بينه وبيها اي نوع من التواصل والتوافق محمد شلون راح يواجه سيطرة ابوه وتسلطه واتوقع اذا ما خضع لأوامر ابوه بيواجه مشاكل كثيره ننتظر البااااااارت اليااااي بكل شوووووق

أهلين بك عزيزتي

الصراحة نور مو لوحدها البطلة .. ^^ كل الي ذكرتهم واللي رح تكون القصة على لسانهم هم ابطالها ..

اشكرك على هذا التحليل الراائع .. ورح تشوفين نتيجة تساؤلاتك قريب ان شاء الله ..

وانا انتظر تواجدك دايما بكل شوق ^^

30-03-08, 11:16 PM

المشاركة رقم: 18

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

اقتباس :- المشاركة الأصلية كتبت بواسطة ارادة الحياة
السلام عليكم ملامح الجزء الاول من القصة جدا جميل ويحمل توضيح كبير لكل شخصية وممكن ينطي القارئ تصور لما سيحصل مستقبلا نور البنت الفاقدة لامها والتي تعاني من قسوة ابيهاقبل قسوة زوجة ابيها ياترى ماسبب هذه القسوة من قبل لاب ااهي القصة المتادة بسبب زوجته ام هناك لغز في الموضوع ,اجد نور انسانة طموحة ولكني اجد صعوبة في تحقيق الطموح والايام سوف تكشف ذلك خالد ناجح طموح وشاب عمره 26 ويعاني من تسلط اب ومن قلة فهم زوجة تجمعت به كل مقومات النجاح وكل وكل مقومات الفشل ولكنه مع ذلك نجده شخصية جذابة قدر يمتص تسلط ابيه بابتسامة وكلام يريح الاب ولكني اجده سلبيا مع زوجته اتمنى ان توضحي مستقبلا ظروف زاواجهم هناك توقع مبكر ربما هناك ارتباط سوف يحدث بين نور وخالد عبد الرحمن دائما الحياة تاخذ وتنطي حرمتها حنان الام وعطف الاب وهبتها اخ قمة بالحنان والعطف على رغم من معاناته هو ايضا ولكن طبيعة الرجل تجعله يتحمل مثل هذه الامور اكثر من المرأة محمد شاب طموح وهو يفضل الدراسة داخل الوطن ويجد في نفسه انه يستطيع ان يقدم الكثير الى وطنه وهو داخل الوطن بصراحة هناك قلة من الشباب يفضل البقاء في الوطن الكل يريد الدراسة في الخارج اعجبني طرحك لمثل هذا الموضوع ختما اتمنى لكي التوفيق في مجال القصة والتطور لانك تستاهلين اسلوبك جميل عزيزتي ممكن تحددين يوم لتنزيل البارت ويكون اليوم مناسب الك ومياثر على اعمال يومك سلمتي لنا

يا هلا والله ارادة الحياة...

اعجبني ردك كثير وتعليقك وتحليلك .. استانست عليه ^^ الله يجزيك الخير

ورح تشوفين تفاصيل اكثر قادمة ^^

قدرتي تستنبطين شخصياتهم مثل ما انا راسمة لها ، ماشاء الله عليكِ

اتمنى تظلين متابعة معي بهذا الحماس

الله يوفقك ويحفظك

30-03-08, 11:18 PM

المشاركة رقم: 19

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

اقتباس :- المشاركة الأصلية كتبت بواسطة بنت الرجاجيل
يعطيك العافية بداية موفقة تسلم يدينك

تسلمين اختي على مرورك الجميل

وان شاء الله تكونين متابعة ^^

في رعاية الرحمن

30-03-08, 11:20 PM

المشاركة رقم: 20

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

عزيزاتي هذي تكملة الفصل الأول ، اسفة اني تأخرت ، ان شاء الله ما تحبطون من أولها تأخير ^^

ان شاء الله الحين بعد بحط جزء تابع للسابق ، وانتظر تعليقاتكم عليهم

بالتوفيق لكم ولنا

سلاام