~ محمد ~

ناظرت المكان بتأمل ، وأنا أستكشف الشقة الصغيرة اللي أبوي موصيهم يجهزونها لي ،ديكورها بسيط جدا ، فيها غرفة نوم بحمام ، ومطبخ صغير وصالة فيها مكتب كبير !
من أول ما نزلت من الطيارة وأنا أتأمل العالم اللي دخلت له ، وأتخيل أربع سنوات من حياتي رح اقضيها فيه .. عالم مختلف تماماً ، ويحتاج أتأقلم فيه !
انتبهت لصوت الرجال اللي وصّلني من المطار واللي جهز لي الشقة
كان لبناني على ماظن أو من بلاد الشام ،
قال : مستر محمد عجبك المكان ؟
قلت له : آه شكراً ، مرة مرتبة ..
تركني وهو يقول :يللا تصبح على خير وبكرة رح آجي وصلك ..
قفلت الباب وأنا أطالع ساعتي ، لازم أظبط أوقات الصلاة وأوقات الحياة هنا !
مشيت لأغراضي وقضيت الليل في ترتيبهم وتجهيز نفسي لبكرة وأول أيام الدوام ..
................................................
قمت من النوم على صوت جرس الباب ، فتحته بسرعة وأنا أشوف نفس الرجال اللي أمس ، نسيت اسمه!!
ابتسمت له وقلت :اهلاا .. انتظرني شوي بس!!
قال بابتسامة عريضة : خود راحتك ..
دخلت الغرفة ولبست بنطلون جينز أسود ، عليه جاكيت بني خفيف وطويــل، و تحته قميص أبيض ، ما ثقلت ملابس نظراً لأن البرد عادي ما في ثلوج ..
صليت ركعتين الفجر ، وطلعت له أخيراً بوقت قياسي ،، قال : جاهز ؟؟
قلت بابتسامة : إيــه يللا ..
ركبت معه بالسيارة الرياضية الصغيرة ،و ركزت على الطريق عشان احفظه ، وحفظت أماكن بقالات شفتها واحنا ماشيين ، رح احتاجها بعدين ..
قلت له : ممكن توفر لي تليفون ؟
أشر لي براسه وهو يطلعّ من الدرج اللي قدامي كيس صغير ناولني اياه وهو يقول : سوري ، اليوم الصباح جهزته ، كنت رح أعطيه إلك هلأ !
قلت وأنا أفتح الكيس : مو مشكلة ..شكراً كثيير
قال : ولو مستر ، سجلت كم من رقم احتياطاً ورقمي كمان حتلاقيه موجود عندك ..
أخذته واتصلت على رقم أبوي .. وشكرت الرجال على خدماته ..
رد أبوي: السلام عليكم
قلت : وعليكم السلااام يبا
قال : اه محمد حمد لله على السلامة هااا وش الاخبار عندك ؟
قلت : تمام الحمد لله الشقة مرة حلوة ومريحة والحين رايح للجامعة ،
قال : اها الله يوفقك ، زين بلغني بعدين باخبارك ولوفي أي شي على طول كلمني
قلت له : ان شاء الله ..
قال : ولا تنسى تكلم امك ، أهيا الحين بعيد عني..
قلت : ان شاء الله اكيد يبا
قال : و(داني) معاك ؟
قلت وأنا أتذكر انه اسم الرجال كان داني : اه اييه هذا هو ، ساعدني كثير ..
قال : خلاص السيارة تاخذها منه بأي وقت اهيا لك ..
قلت : ايو مشكوور يبا
قال : يللا انتبه لحالك ودراستك ولا تشيل هم أي شي ثاني
قلت : ان شاااء الله .. مشكوور يبا .. في امان الله
سكرت منه وأنا مستغرب اهتمامه والتحسن في كلامه واسلوبه!
دقيت على رقم خالد ،،، الساعة سبع الصباح يعني عندهم سبع الليل تقريبا..
رد عليّ : السلام عليكم ؟
قلت : وعليكم السلاااام
قال : هلااااا والله محمد ، حمد لله على السلاامة كيفك ؟
قلت : الحمد لله بخير .. حبيت اطمنك بس
قال : ههههه شخبار بريطانيا ؟
قلت : الحمد لله تمام ، ياخي احس الجو غريب هنا ، الشوارع والناس ،، خخ مثل الافلام ، يحتاج وقت اتأقلم .. بس والله تحمست ..
قال : أكيد ، بس أشوا انك متحمس الله يوفقك ان شاء الله
قلت : صحيح شسوت أمي بعد ما رحت ؟؟
قال : يووه صاحت كثير بس آخرتها تكلمت معها ..
قلت : ما هدت ؟؟ زين وش بتسوي بموضوعك ؟
قال : انت خلك في حالك ولا تشغل بالك ، ان شاء الله بقولك بعدين اش بيصير ،،
ادعي لي بس .. دعيت لي بالطيارة اكيد صح ..
قلت : لا من جدك قول لي شراح تسوي؟؟
قال : اليوم بشوف شراح يصير ، وبعلمك بعدين
قلت له باستسلام : ان شاء الله خير ،، الله يعينك
قال : يللا ما طول عليك ،، شد حيلك وانتبه لنفسك
قلت : ان شااء الله ، يللا مع السلامة وسلم على منيرة
قال : وعليكم السلام
سكرت الجوال وسجلت ارقامهم فيه ، وشفت رقم داني مسجل ورقم الجامعة وحارس البناية اللي انا فيها والشرطة والاسعاف .. ماشاء الله ، داني مأمّن كل الاحتياطات !
سمعته يقول : هيدا الطريق بيوصلك عالجامعة طوالي ، بس إزا بدك ممكن تروح من طرق تانية كتير لانه المبنى اللي رح تداوم فيه هو المبنى الرئيسي ..
قلت وأنا أأشر برأسي بفهم : أهـااا
وقف عند مبنى الجامعة الكبير ، وشفت الزحمة عند المدخل والطلاب يدخلون ، نزلت وأنا أشيل شنطة اللاب توب العريضة ولفيت على داني اقول له : مشكور داني انا بدخل الحين الادارة واكمل الاوراق و كل شي ، انت روح وإذا خلصت بدق لك عشان تجيني ..
قال بابتسامته : اوكي مستر محمد ، بعد إزنك
حطيت شنطة اللاب توب على كتفي ووقفت أطالع بالمبنى ... وين أروح الحين ؟
وقفت واحد من الطلاب وقلت له بالانجليش : execuse me ?
(لو سمحت ؟؟)
قال : yes?
(نعم؟)
قلت : where is the main building here ? im a new student
( وين مبنى الإدراة الرئيسي.. أنا طالب جديد )
قال : oh ! that’s strange ! its over there , can you see that small building near to the big one ?
( أوه ! غريب ! شايف هناك هالمبنى الصغير الملحق بالكبير ؟)
قلت : yes ?
(ايه ..؟)
قال: yeah it’s the hospital and the admin building
(هذا المستوصف والمبنى الرئيسي )
قلت له بامتنان : thanks a lot
(شكرا جزيلاً )
قال : you're welcome.. whats your name ?
(العفو ، ايش اسمك ؟)
قلت له وانا ابتسم بمجاملة : mohammad Fayez, im saudi
(محمد فايز )
قال : oh nice ..and im stefen ,ok nice to meet you my friend
, I really wish to see you again later
(اووه حلو .. وانا ستيفن ، اوك ، فرصة سعيدة اني قابلتك
، واتمنى اشوفك مرة ثانية بعدين ..)
قلت له باستعجال : thanks , mee too
(شكراً ، وأنا بعد )
ما عهدت الاجانب ملاقيف..^^
تركته ورحت للمبنى باستعجال ، وما لفيت على ستيفن اللي ظل يراقبني لين دخلت للمبنى ..

~~~~~~~~~~~~~~~~~~~~~~~~~~~~~~~


~ خالد ~
دقيت باب المكتب ودخلت عند أبوي ، شفته جالس على مكتبه ويراجع باوراق وملفات مثل العادة ، رفع عينه وشال نظارات القراءة اللي لابسها ،
قال : اهلاً خالد .. ؟؟
قلت : يبا ابغاك بموضوع
قال وهو يرجع يطالع بأوراقه : أي موضوع ؟
جلست على الكرسي المقابل لمكتبه وناديته عشان ينتبه : يباااا ؟؟
ترك الأوراق وقال : طيب .. قول ؟
قلت على طول : يبا بغيت أخطب
قال بدهشة : تخطب كيف ؟
قلت : بنت أبو عبد الرحمن ، صاحب الأرض ..
طالع فيني للحظة وهو يفكر ، قال : تتزوج على زوجتك يعني؟؟!
قلت : ايه
قال بشك : وليش ان شاء الله ؟ وليه بنته بالذات ؟
قلت : ابوعبد الرحمن كان موصي ان الأرض تنكتب في حال موته لبنته ، وانها ما تنباع غير لما تتزوج ويضمن مستقبلها.. ولما مات الله يرحمه ما كان موقع اوراق البيع ،...وعشان كذا تأخرت عليك بموضوع الأرض
قال ابوي بتركيز : وانت تبا تقولي انك تبي تتزوجها عشان هالسبب ؟؟
قلت بتفاهم : لا يبا ، مو بس عشان هالسبب ..
قال : وش السبب ؟وش ذنبها زوجتك ؟
قلت : يبا الله حلل للرجل اربعة .. وزوجتي أنا مو مرتاح معاها
قال : وهم راضيين يزوجون بنتهم واحد متزوج ؟؟
قلت : توني ما قلت لهم ، بعدين ان شاء الله
قال : وبعدين اذا رفضوك تتفشل ؟
قلت : لا ان شاء الله ما بيرفضون .. انت خلي كل شي علي يبا ولا تشيل هم
قال ببرود بعد تفكير : شوف يا خالد ، بهالموضوع انا ماقدر اقولك شي
، انت حر ، بس انتبه للعواقب اللي رح تطيح على راسك ..!
عرفت انه يقصد "انا شلت يديني من الموضوع " !
قلت : داري يبا ..ان شاء الله ما يصير غير الخير ..بس طلبتك تجي معي اليوم للخطبة ..
قال فجأة : هذا الموضوع اللي ضايق أمك ؟
قلت : ان شاء الله بحاول معها أراضيها
قال بعد لحظة تفكير : متى رايح ؟
قلت بابتسامة : بعد المغرب ان شاء الله
قال : بتلاقيني هنا ، بس نبهني عن أنسى ، وبروح معك بس ما نطوّل ..
قلت : ان شاء الله ، مشكور يبا الله يعطيك العافية ..
التفت لأوراقه ورجّع النظارة على عيونه ، لفيت ومشيت وانا احمد ربي ان الموضوع عدّى على خير ، واللي بغيت اغيّره بأمي وأبوي ، بدأ يتغير ،
حسيته حس اني رجال ولي رغبة ولازم يعترف بها ، ومو كل اللي اسويه مبني على اوامر !
وأمي .. مهما تألمت ، رح ترضى ان شاء الله ، لأن كل هذا الزعل عشان الناس وموقفها منهم بعد كذا ، لكني اعرفها قلبها طيّب وأنا شبه واثق انها راح ترضى
بس لازم أصبر ، وما أستعجل النتائج !
مشكلتي الوحيدة وصراعي الباقي رح يكون مع أميرة ! خصوصاً هالأيام مطنشها ولاهي دارية عني ، من يوم ما جبت لها سواق وانا ابي اختبرها وساكت عنها ،
طبعا تحقق حلمها فما في داعي تتلاطف معي وتتمصلح ..
مو من عادتي إني اعصب على البنات ! مهما كانوا ، صحيح تعديت حدي معها كثيير ، لكن عادةً تعرف اني صبور عشان كذا تتساهل في اللي تسويه !
بس من اليوم كل شي رح يتغيـــّــــر ، وخلها تنصدم مثل ما تنصدم !
فجأة ، حسيت بشعور بارد يعتصرني ، وأنا أتذكر كلام ابوي واعيده
" هم رضوا يزوجون بنتهم واحد متزوج ؟؟"
أهم نقطة بالموضوع .. كيف نسيتها ..؟؟
صحيح تخلصت من كلام ابوي برد مناسب ، لكنه ما اقنعني..!!
تسرعت !! تسرعت يا خالد !!!! .. لمت نفسي بقوة وعاتبتها ..
كنت راكب السيارة وأنا رايح للبيت ، آآخ لازم أفكر بهالموضوع !!
عبد الرحمن ، وابو عبد الرحمن ،، ما اقدر اخون ثقتهم فيني وأكذب عليهم !
على العموم أنا اليوم بشوف البنت وبسأل منيرة عنها ، إن كانت طيبة مثل ما سمعت ، رح أقول لهم الحقيقة .. وإن كانت غير كذا ، فالله يسهل عليها ..
مو ناقص أحد يزيدني همن على همومي ..وبعدها يصير خير ..
طمنت قلبي بهالافكار ، وصار كل شي جاهز .. بطلع البيت ارتاح ، والمغرب ان شاء الله أمر على منيرة وأبوي وأحاول مع أمي للمرة الأخيرة ..


~~~~~~~~~~~~~~~~~~~~~~~~~~~~~~~~~~~~~

~ منيرة ~

خلصت من صلاة المغرب وركضت لجوالي اللي كان يدق باستمرار ،اكيد خالد !
رفعته بسرعة لأذني : هلا خالد
سمعت صوت حصة : اهلين منووي انا مو خالد
قلت :ااه هلااا حصييييص حبيبتي شخبارك ؟؟ سوري حسبتك خالد لاني انتظره يكلمني
قالت : هههههه..ما عليه ،، اشتقتلك وينك ما تتصلين ؟؟
قلت : والله هاليومين مخي مقفل عالاخير ، تدرين اليوم الصباح سافر محمد والامور ملخبطة وحاسة اني مهموومة !!
قالت : ليــه ؟؟ وش اللي ملخبطك كذا ..؟؟
قلت : ههههه لا بس مرتبكة.. تخيلي اليوم بروح اخطب لخالد .. وامي عيت تروح معنا..
قالت : صــدق ؟ شلون طيب ما تروح تخطب لولدها ؟؟.... لححححظة . الحين مو خالد متزوج ؟؟
قلت وانا اتنهد : اييه ، قلت لك عن حرمته السخيفة هذيك ، بس من جد أنا فرحاانة لأن اخوي رح يخطي هالخطوة . امي معصبة وزعلانة منه وصادة عنه من يوم ما فاجأها بالموضوع ..
قالت : يووه ، طيب ما حاولتوا معاها تقنعونها بالسبب ؟؟
قلت : ما تقبلت منا أي كلام ..عشان كذا لازم اليوم أحل محلها ، حصوووه قولي لي ايش اسوي مو عارفة مرة مرتبكة !!
قالت : انتي تعرفين البنت من قبل ؟
قلت : لا ماعرف عنها شي ، بس كل اللي اعرفه انه ابوها مات من فترة بسيطة وبس !
قالت : انا اقولك ...اسمعيني .. خلك هاادية وعادية مرة ، سلمي عليها وعلى امها واخواتها وكذا يعني كل اللي رح تشوفينهم ، واجلسي معاهم واسأليها أسئلة وحاولي تتكلمين معاها بس لا تصيرين رسمية مرة عشان ما تحس انها بتحقيق ..
قلت : طيب ؟؟
قالت : وبس يعني كلميها كأنك صديقتها وقريبة منها ، واتركي لها مجال تتكلم .. ورح تلاحظين أخلاقها من أسلوبها وكلامها عن نفسها ..
قلت : هذا اللي بسويه ، بس مدري ... مدري..
قالت : هههههه ايش اللي مدري .. لازم توقفين مع اخوك بهاليوم .. وان شاء الله يهدي الوالدة ويرضيها ، معلش اكيد اخرتها رح ترضى اذا مشت الامور زين
قلت : ان شاء الله .. والله طمنتيني حصووه الله يطمن قلبك ..
قالت : هههه الله يعافيك حبيبتي،، انا رح اخليك الحين لان زوجي جا ، بس حبيت اسأل عنك ..
قلت : خلاص رح اكلمك بعدين ان شاء الله واقول لك شصار معي ..
قالت : اكيد .. يللا سلام مووني ..
قلت : وعليكم السلااام ..
سكرت منها وتوني بقوم ولا خالد متصل ، رديت : السلاام عليكم
قال : وعليكم السلاام ،، وينك من ربع ساعة وانا ادق
قلت : لا ابد كنت اكلم صديقتي ، جاي الحين ؟؟
قال: شوي وجاي ،، ها جهزتي ؟؟
قلت : بجهز الحين بسرعة
قال : ممم منيرة ، حاولي تتكلمين مع أمي ؟؟
قلت : اااه مدري اليوم كله معصبة علي ، حتى عالغدا ما تكلمت ..
تنهد وقال : معليه منيرة كلميها أوحاولي بس ليما أجي يصير خير ، يمكن تتقبل منك الكلام ..
قلت : طيب ، بحاول معها
قال : صحيح ، محمد يسلم عليك
قلت بدهشة وقهر: السخيييييف كلمك ؟؟ وليه ما يكلمني ؟؟؟؟؟؟؟؟؟
قال : ههههههه كان مستعجل وقال لي اسلم عليك
قلت : ااااااه الخااايس انا اوريه !!
قال : طيب شذنبي انا الحين اسمع هالسب؟؟؟
قلت : هههههه خلاص بروح اشوف ماما ، بس لا تتأخر ..
قال : توني طالع من الصلااة ،، يلا على طول جااي ..
قلت بشك : وأميرة ما تدري عن شي صح ؟
قال : ايه ، اصلا اليوم كله تقريبا ما شفتها ، ساكت لها الحين ،
بس بعدين حسابي معاها عسير ..
قلت : تستاهل والله ، لو اني مكانك كان ارتكبت فيها جرااايم بعد !!
قال : ههههههه الحمد لله انك مو مكاني
قلت : ههههه اهيا المفروض تحمد ربي
قال : ههههه زين يلا مع السلامة عطلتيني ، ترا دقايق وواصل عند الباب
قلت : الى اللقاء
سكرت التليفون ونزلت ادور على أمي ، ما كانت بغرفتها !
لقيت أبوي بالصالة وفاتح عالاخبار ، أظن خالد كلمه ورح يجي معانا ..
قلت له : يبا وين أمي ؟
قال : راحت المستشفى
قلت بخوف: ليييه ؟؟
قال : لا .. تزور ربيعتها
قلت : آآه ، طيب ..ممم
سكتت ، بغيت اسأله إذا جاي ولا لأ ، بس اعرفه ما يحب يتكلم كثير خصوصاً
لو كان مشغول بالاخبار ، والموضوع دقيق مثل هذا ، وانا مدري شي عن موقفه مع خالد !!
والحين أمي طالعة ! يعني ما في أمل تجي معنا !!
طلعت ألبس ، ودقايق وكان خالد واصل .. نزلت اشوفه يركب مع أبوي في سيارته
رحت له قبل لا يركب وأنا أقول :خالد ..ترا أمي طالعة ..
قال : ايه مومشكلة ، اذا سألوك هناك عنها ، قولي لهم تعبانة وماقدرت تجي .. انتي مستعدة ؟؟
قلت بابتسامة اطمنه : ايه ان شاء الله ..
قال : تراهم ناس مرة بسيطين وأمها حرمة طيبة ومتواضعة ، لا تخاافين ..
قلت : ان شاء الله
قال بتحذير : منيرة ، ترا ما قلت لهم إني متزوج لا يزل لسانك ..
قلت بدهشة : خااالد ؟ شلون ما قلت لهم للحين ؟ لازم اول شي تقوله !! يمكن يخترب كل شي !!
قال : اسمعيني .. اذا شفنا البنت زينة وما عليها كلام ، وتأكدت الخطوبة بقول لهم وساعتها إذا رفضوا كيفهم .. بس الحين ما ينفع اقولهم بهالخطوة ؟؟
قلت : بس ...
بغيت اعارضه بس شفت أبوي يأشر لنا بـ" يللا .."
قال بتأكيد : خلاص ؟؟
قلت باستسلام : طيب ..
وركبت ورا ، وأنا أذكر الله ، يااارب تسهل عليّ المهمة ..
لو قلنا لهم ان خالد متزوج يمكن يرفضون بسرعة ونتفشل خصوصا أبوي اللي جاي معنا وشكله جااي بالياالله ..!
افضل خالد يقول لهم بعدين ،، لو رفضوا فذيك الحالة بيكون بهدوء وبدون احراج.. !
بس برضو ..غلطان يا خالد غلطااان! كان لازم أول شي يعرفونه ..!! حتى لو ناوي تطلق أميرة بعدين مو معناه انك تخبي عليهم !
حسيت بإحباط ، يعني يمكن الحين كل شي نسويه عالفاضي !
، ياترى يا خالد هالخطوة بس اشباع لرغبتك في الانتصار على أميرة وابوي وامي ، وممكن بعدين تتخلى عن البنت بسهولة ؟!!!
حسيت بالخوف من خالد ، ممكن فعلا القهر يدفعه لهالشي ؟؟
يااارب قدر لنا الخير ، واحسن عاقبتنا في كل الامور ..!!
اختفى الفضول اللي كان فبالي عن هوية البنت .. وحل مكانه خوف غريب ،
وانا افكر بخالد وممكن فعلاً يكون تسرع بهالشكل المخيف ؟؟
ان شاء الله ظنوني تطلع غلط ،، وإلا والله لأعارضه أشد معارضة !
~~~~~~~~~~~~~~~~~~~~~~~~~~~~~~~~~~~~~~~~~~~~

~ عبد الرحمن ~

دخلت المجلس بتوتر ، وأنا أطوف بعيوني بنظرة أخيرة على المكان ،
خالد الحين جاي مع أبوه ، ولأول مرة أكون في موقف مثل هذا ، حسيت بمسؤولية كبيرة ، برغم إني ما تضايقت منها ، بس ما قدرت امنع التوتر والخوف من إني أفشل في تحملها ! أخاف أخون ثقة نور وأبوي فيني .. من أول ما كلمني خالد للحين وقلبي يقول لي ارفض ، لكن عقلي يقول لي لااا ..
"نور توها صغيرة ، خليها تكمل دراستها "
"لا ، ما يصير أضيع عليها فرصة مثل هذي .."
"نور اختك الوحيدة ، مو اول من يجيك تسلمها له بسهولة"
"نور عااقلة وتعرف مصلحتها ، خليها تقرر بنفسها"
تناقضات ورا بعضها تهاجمني اذا فكرت بالموضوع ،،
ما لحقت أسأل عن خالد كثير ، بس الأيام جاية وقدامنا وقت طويل ،، رغم إني أشوفه إنسان مثالي ، لكن الحذر واجب ..
طلعت من المجلس بعد ما تأكدت انه مرتب ونظيف ، ورحت لغرفة خالتي أكلمها ،،
شفت الباب مفتوح ، ناديتها : خالتي خلود ؟؟
ردت ببرود : نعم؟
طلعت وهي ماسكة سماعة التليفون ، قلت لها : ترا الناس جايين الحين ؟
قالت : طيب عارفة .. أي أوامر ثانية؟؟
تنهدت ، قلت : خالتي الله يخليك .. عشان خاطري ،لا .. عشان نور بس هالمرة ..
قالت : قلنا طيب !! شتبي اكثر من كذا ..؟؟
تضايقت منها ، وقلت بالرغم من برودها واسلوبها : مشكور والله يعطيك العافية !
لفيت ورحت لنور اللي جلست بالصالة بشرود ،
ناديتها : نووور؟!
انتبهت على صوتي وناظرتني قالت : آه نعم .؟؟
قلت : شفيك روحي اتجهزي ؟؟
قالت بتردد : طـ طيب .. الحين رايحة ... امممم ،...
قلت لها باستغراب : شفيك ؟؟
قالت : ااه .. رح يطلب يشوفني ؟
قلت بحيرة : ما أدري ، يمكن ... كأنه قالي لي من قبل ..
قالت : لازم ؟
قلت استعجلها : والله ما أدري يانور ، انتي استعدي عشان لو طلب
قلت : مممم وأهله كلهم جايين ؟
قلت : يمكن أمه وأخواته ما أدري .. نور روحي بدلي ترا يمكن يوصلون بأي وقت،
خالتي رح تكون معك ،اتحمليها مهما كانت باردة او مهما كان اسلوبها ، أهم شي انها رضت توقف معك ،طيب؟
قالت : ايوة عارفة .. طيب ذا جوا ناديني أول عشان استعد لاستقبالهم ..
قلت : طيب ، يللا روحي ، أنا باخذ القهوة من المطبخ ..
قامت وراحت غرفتها ، وأنا أخذت القهوة والتمر وحطيتهم بالمجلس ،
وما في دقايق ولا لقيت الجوال يدق ،
رديت على خالد : السلام عليكم ..
قال : هلا عبد الرحمن ، وعليكم السلاام
قلت : ان شاء الله على وصول ؟
قال : حبيت أعلمك بس معي الوالد وأختي ، خلاص قربنا على البيت ..
قلت له بترحيب : حياكم الله ، حنا في انتظاركم
قال : الله يحييك يالغالي ، يللا في امان الله
رحت أشوف نور مرة ثانية ، أدري بها متوترة وخايفة ،
قلت لها : نور ترا اخته وابوه بس اللي جوا معه ..
قالت بابتسامة مصطنعة : والله ؟ طيب..
قلت : نور انتي خايفة ؟
قالت : لااا ..
قلت : نور إذا في أي شي مو عاجبك قولي لي .. انتي استخرتي ؟
قالت : ايه طبعا
قلت أطمنها : حتى أنا استخرت كثير ،عشان كذا اطمني يانور لأن الله مارح يخذلك أبداً ومارح يقدر لك غير الخير .. طيب؟
قالت بابتسامة حقيقية : ان شاء الله ..
شفت خالتي داخلة الصالة وتكلم نور بلهجة سريعة : جهزتي العصير و الحلا والقهوة والتمر ؟؟
قالت نور بابتسامة : ايه كلها جاهزة بالمطبخ ...
حسيتها فرحت لما شافت خالتي رح توقف معاها، آآه لو يلين قلبها على نور شوي !!
تركتهم وبالي بدا يرتاح ،..
دقايق وسمعت صوت سيارة خالد اللي وصلت ..
وطلعت أستقبلهم وأنا أأشر لنور تروح للباب الثاني عشان تستقبل أخته ..

~~~~~~~~~~~~~~~~~~~~~~~~~~~

~ نـــــــور ~

حسيت برجفة تسري بجسمي وأنا أشوف عبد الرحمن يأشر لي انهم وصلوا ..
طالعت نفسي بالمراية الصغيرة اللي بالصالة أتأكد من شكلي ، ومشيت ورا خالتي اللي تقدمتني من الباب .
كم يعني لي موقفها الكثير .. ما صدق انها رضت توقف معي ..
فتحت الباب ، وشفت بنت طويلة متغطية تدخل ، سلمت على خالتي
اللي قالت لها : ياهلا فيك .. اتفضلي اتفضلي ..
وتقدمت مني تسلم علي ..
قالت : اهلين حبيبتي شخبارك ؟
قلت : يا هلا فيك.. الحمد لله بخير عساك طيبة ..
دخلنا للمجلس ، جلست بعفوية و قالت بابتسامة مريحة بعد ما شالت غطاها : انتي نور صحيح؟
قلت وأنا أبادلها الابتسامة : ايه ..
لفت على خالتي تسألها : وشخبارك يا خالة ؟؟
خالتي : الحمد لله ،انتي كيفك ؟وكيف الوالدة والأهل؟
قالت : الحمد لله كلنا بخير يا خالة ، الوالدة اعذروها تعبانة شوي ما جت ،
ان شاء الله مرة ثانية ..
خالتي : عذرها معاها ..
قلت لها بصدق : الله يعافيها ان شاء الله..
قالت :الله يجزيكم الخير .. أنا منيرة أخت خالد
خالتي : حياك الله بنتي
قالت : الله يحييك يا خالة ..
ولفت علي قالت :ما عندك خوات يا نور ؟
قلت لها : لا بس أنا وعبد الرحمن ..
قالت : ايوة ، الله يخليكم لبعض ..
قلت : تسلمين ..
قالت : الله يسلمك .. وشلون دراستك ؟
قلت : الحمد لله تمام
كانت تتكلم بشكل عادي وتسأل أسئلة عادية ، كأنها تتعرف علينا بس ، لكني حسيت اني ارتحت معاها ،
ولولا خجلي من الخطوبة كلها كان تكلمت معها وبادلتها الأسئلة ..
تمنيت خالتي تقوم ، بس أنا اللي قمت واعتذرت منها : بعد إذنك شوي ..
قالت : خذي راحتك حبيبتي ..
قمت أصب العصير وأحط الحلا بالصحون ،
وقفت شوي أتحسس جبهتي وأنا أتذكر الحرارة اللي جتني العصر ،، الحمد لله اختفت وما تطور الزكام مثل ما توقعت ..
رجعت للمجلس ، لقيت منيرة تتكلم مع خالتي ، ما سمعت كلامهم لأنهم سكتوا أول ما وصلت ..
الله يستر ، خالتي للحين امية بالمية ، يااارب اصلح حالها ..
دخلت وأنا أحط الصينية على الطاولة اللي قدامها ،
قالت : ليش تعبتوا اعماركم .. ؟
قلت : لازم نضيفك ، لا تعب ولا شي ..
جلست بمكاني وأنا أناول خالتي صحن من الحلا ..
خذته مني بدون ما تطالع فيني ..
قالت منيرة : تعالي نور اجلسي جنبي خليني اتكلم معاك اكثر ..
قمت جلست جنبها وأنا أبتسم بخجل ، ما كانت كبيرة مرة، يمكن أكبر مني بسنتين ثلاثة ، بس ماشاء الله عليها جريئة وتتصرف كأنها حرمة كبيرة وواثقة من نفسها،
حسيت اني لازم اتكلم أقول شي ، بس ما دريت وش أقول ، ظليت ساكتة
لين ما قالت : سمعت من خالد عن الوالد الله يرحمه
تفاجأت بكلامها ، وقلت بتأثر : الله يرحمه
قالت : أدري إن الفترة اللي مرت على وفاته مو كثيرة ، أتمنى هالشي ما يكون ضايقكم ..
قلت بصدق : لا أبداً ..
خالتي ناظرتني بنظرات غريبة .. تجاهلتها وأنا أقول : صح مضت فترة صعبة علينا بعد وفاته .. بس الحياة رح تمشي وما رح توقف لنا ..
قالت : صح كلامك .. الله يأجركم ،، الله المستعان
قلت : ونعم بالله
حسيت بارتباكي خف شوي ، وأنا أبادلها الرد ،، انتبهت لخالتي اللي قامت ،
خالتي :عن اذنك ،، بروح اشوف جوالي وجاية
منيرة : اذنك معااك ..اتفضلي خذي راحتك
انتبهت لصوت جوالها من داخل ، ولفيت على منيرة اشوفها تاكل الحلا و تبتسم لي وكأنها عرفت إني كنت منحرجة من وجود خالتي ..
قالت : ليه كل هالخجل مني؟
قلت : ههههه لا عادي ..
قالت : اعتبريني مثل صديقتك ، لا ، مثل أختك ..
قلت : الله يعطيك العافية ..
قالت : وايش تدرسين يا نور ؟
تهيأ لي إني ما فهمت سؤالها، قلت : باقي لي شهرين وأخلص ..
قالت بدهشة : شلون انتي أي قسم ؟
قلت : لا أنا ثالث ثانوي ..
قالت بدهشة : والله ؟؟؟؟؟!!
ابتسمت بحرج ، شكلها ما كانت تدري !!
سألت : يعني كم عمرك ؟
قلت : 18 ، قريب بكمل 19
قالت : ماشاء الله حسبتك اكبر عن كذا
ضحكت بصوت راخي ، كل ما أحد شافني قال نفس الكلام ،
لدرجة حسيت إني عملاقة !!
كرهت طولي بزياادة ..!!
سألتني عن صديقاتي ، ومعارفي ..وبدأت أتكلم معها بأريحية أكثر،
قالت :بس أمك شكلها متأثرة بوفاة الوالد كثير ..
قلت بدهشة : أمي ؟ .. آآه قصدك خالتي ؟؟
قالت : هذي مو أمك ؟
قلت : لا .. هذي زوجة أبوي الله يرحمه..
قالت : يا الله .. تدرين ما كنت أدري أي شي عنك .. طيب وأمك وينها ؟؟
قلت : أمي توفت من زماان ..
قالت : آآه الله يرحمها .. آسفة ما كنت أدري ..
قلت : لا عادي ولا يهمك ..
قالت : يالله الحمد لله عوضك بأم ثانية ..
قلت وأنا أبلع ريقي : الحمد لله .. الله كريم
ليتها من جد اعتبرتني بنتها بيوم !
قالت وجوالها يرن : لحظة يا نور
ردت على جوالها : أيوة خالد ..
حسيت بقلبي يتحرك وأنا أسمع اسمه وصدى الصوت اللي ظاهر من الجوال..
قالت : ايه خلاص ، طيب ، ايه ... وأبوي ؟ ..طيب لحظة .. ،
لفت علي وقالت : نور ؟ ممم.. تبين تشوفين أخوي ؟
فتحت عيوني بدهشة ووجهي احترق ،
ضحكت وقالت :هههههههه .. أقصد أخوي يبي يشوفك ..
وطالعتني تنتظر جوابي ..
حسيت باضطراب وتلعثمت : أأ..مـ.. مدري
ضحكت وقالت تطمنني : رح أكون معاك لا تخافين ..
نزلت عيوني باحراج وابتسمت ..
رفعت التليفون وقالت :ههههه نور موافقة .. طيب ، سلاام
ناظرتها بخجل وترجي ، ليه عبد الرحمن ما ناداني ولا اتصل و قال لي ، مو مستعدة أبداا ..
منيرة : نور وين رحتي ؟؟
قلت : معاك ..
قالت : هههههههه مقدرة وضعك .. ا ...
قاطعها صوت خالتي تناديني فجأة من برا وأنا أحس بصوتها معصب ، أدري هذا كله فوق احتمالها ، عمرها ما سوت لنا شي ، صعب عليها مررة اللي تسويه الحين!!
مشيت لعندها ، قالت : عبد الرحمن يبيك برة ..
طلعت لعبد الرحمن من ناحية باب مجلس الرجال اللي داخل البيت ،
طالعته بخجل وانا عارفة السبب اللي يبيني فيه ,
قال : رح تدخلين نور ؟؟ من جدك موافقة ؟؟ عادي ؟؟ متأكدة ؟؟
تذكرت كلام منيرة لخالد وانها قالت له اني موافقة ..
قلت : مـ ..
قطعت كلامي بعطسة قوية ، ياربي !
مو الحين .. !!
عبد الرحمن : شفيك ؟؟ شقلتي ؟؟
قلت وأنا ألحظ تردده : اللي تشوفه يا عبد الرحمن ، أنا عادي عندي
تنهد وقال : طيب .. ممممم
طاف بعيونه على الجلابية اللي كنت لابستها وقال : بس حطي طرحتك ، وترا أبوه
راح للسيارة ،بس تدخلين دقيقتين وبيروحون ..
أشرت براسي : طيب، بس أخته رح تدخل معي ..
قال : تبين أخته ولا تبيني
طالعته بحرج ، وقلت له : ااه ، لا أخته ..
ضحك عبد الرحمن وقال : آآخ يالنذالة ، طيب يللا أنا رح أطلع وخليها تدخل معك، نور أنا متفق معه 10 دقايق بس ..
قلت : 10 ؟؟ كثيير ..
قال : حرام عليك هذي اقل مدة ممكن يشوفك بها ..
قلت : طيب ..
حسيت بتوتر قوي ، مو مصدقة ان لحظة مثل هذي لأول مرة رح تحصل بحياتي ..
لبست طرحتي ورجعت لمنيرة ، قلت بتوتر : انا جاهزة ..
قالت وهي تقوم وتعدل طرحتها وملابسها :يللا .. من وين المجلس ؟؟
مشينا لباب المجلس ، وتركتها تفتحه بعد ما قلت : أخوي طلع برا مافي غير ... أخوك ..
فتحت المجلس ودخلت قالت : السلام عليكم ..
سمعت صوته الرجولي من داخل وتصلبت مكاني : وعليكم السلاام ..
اشارت لي منيرة : ادخلي يا نور ..
تقدمت لخطوات وأنا أدخل بخجل وعيوني في الأرض ، جسمي كله يرتجف ،
حسيت بمنيرة تمسك يدي وتسحبني عشان أجلس معها على المجلس اللي بالارض ، ما قدرت ارفع عيوني ولا احركها من مكانها ،
قامت منيرة من جنبي وقالت : نور ؟ إذا خلصتي تعالي ناديني ..
قامت وطلعت من نفس الباب ، رفعت عيوني أطالعها بخوف وهي تسكر الباب وراها ..
.. وديت لو إني أصارخ عليها لاااا لا تسوين فيني هالحركة لااا !!!
لكني رجعت أنزل عيوني لما حسيت إن شكلي غلط .. احراااج فظيع وتوتر ، رح يغمى علي أكيييد !!
تفاجأت بصوت خالد يضحك :الله يهديك يا منيرة ..
صوته لعب بقلبي لعب ... حسيت به يدق بقوة اكبر ، و...
قال بصوت شل كل أفكاري : كيفك يا نور ؟!!
بغيت أرد ، لكن لساني ما تحرك ...!! موقف لا أحسد عليه !!
تلعثمت وأنا أحاول أنطق : بـ .. بخيـ ر
قال : ارفعي راسك ..
من بين الكلام كله مالقى غير هالأمر .. لاااااااا مقدر !!
حاولت ارفع راسي وانا أتخيل شراح يصير لي لما اشوفه !!
رفعتها ببطىء و .... التقيت بعيونه اللي تناظرني بقوة،،
وجهت أنظاري للباب البعيد وتحاشيت أطالع فيه مرة ثانية ..
لولا العطسة القوية اللي اجتاحتني ، وما قدرت امنعها ، حسيت براسي اهتز ورجعت اطالع فيه لاشعورياً ..
حسيت بخشمي يحكني ، حكيته بطرف أصبعي من فوق ، وأنا أمنع نفسي من عطسة ثانية ..
قال : سلامااات .. مزكمة؟
سكتت باحراج وأنا أنزل عيوني لتحت أكثر بمعنى "ايه " ..
قال : ..مارح احرجك بالكلام ، رح اخذ العلوم كلها من منيرة ..
كمّــل : يللا أشوفك على خير ان شاء الله ..
قلت بصعوبة : ان شـ ـ ـاء اللـّ ـه
وانطلقت عطسة ثالثة !!
قام وهو يقول : رح أطلع ، بس نادي لي منيرة رح استناها برة
قلت بصوت راخي وأنا جالسة بمكاني : طيب
ما قدرت أقوم وهو واقف ، خفت أطيح من التوتر ،،
وانتظرته يطلع ، وأنا أحس بنظراته تطالعني للمرة الأخيرة ،،
ركضت اول ما طلع للباب ، بغيت أصارخ على منيرة بسب الموقف السخيف اللي حطتني به ، ليتني قلت لعبد الرحمن يدخل معي ، يعني لأني فضلتها عشان هي بنت ، وتفهمت حرجي تسوي فيني كذا !!
تلمست وجهي الحار وأنا أدخل لمجلس الحريم مرة ثانية ، لقيتها جالسة مع خالتي ، قلت لها بهدوء : الله يساامحك
ضحكت وقامت حضنتني فجأة : هههههه لا تزعلين يا قلبي ، أدري إنك انحرجتي .. بس ما يصير اجلس بينكم كذا مثل الملاقيف .. ها شلون شفتي اخوي ؟؟
قلت لها وهي تفكني : من جد كنت رح اموت من التوتر والاحراج
قالت : بسم الله عليك .. عادي حتى انا يوم خطوبتي صار لي نفس الشي ..
قلت : انتي مخطوبة ؟
قالت : ايه من اربع شهور بس خطيبي مسافر ..
قلت :أيوة ، الله يسعدك ان شاء الله
قالت : ويسعدك حبيبتي ، تسلمين
قلت : أوه صحيح ، ترا يستنونك برا ..
قالت : أدري ، بس لحظة اعطيني رقمك يا نور ، عشان اصير اتصل عليك
نقلتها رقم الجوال اللي اشتراه عبد الرحمن لي قريب ،
قالت وهي تروح لخالتي وتسلم عليها : يللا خالتي تامرين على شي ؟
خالتي : الله يعطيك العافية ، تسلمين
وسلمت علي قالت : مع السلامة نور ، ربي يحفظك ويتمم عليك انتي وخالد بخير ..
قلت : ان شاء الله ويااك ..
وصلتها للباب ، وتنهدت تنهيدة طويلة بعد ما طلعت .. ماصدقت ان اليوم عدا على خير ..
جلست بالصالة ، وأنا أسترجع ذكرى صورة خالد اللي نشبت في عقلي ، بوجهه الحنطي الطويل اللي توسط كتوفه العريضة ورقبته الطويلة... وجلسته النظامية ، وصوته العميق ..
، ما صدقت ان هذا خالد ؟؟ هذا اللي خطبني انا..!!؟
صحيح ما كان في وقت أتأمله وأناظر فيه بهالشكل ، بس نظرة وحدة كافية انها
تسجل كل الملامح بعقلي ..!!
شفت عبد الرحمن اللي دخل الصالة بابتسامة قال : ههههههه نور وجهك طماطم ..شصار معك ؟
قلت : ما صار شي .. هذا الزكام رجع لي ..
ما حبيت اقول له على الموقف اللي صار ، مدري ليه حسيته ما حب شوفة خالد لي ولا ارتاح لها ..
قال : شفتي خالد ؟ وكيف اخته ؟ ارتحتي لهم ؟
قلت : ايوة كثيير ..
قال : الحمد لله .. عاد قدامك من هنا لاسبوعين تقررين فيهم قرارك النهائي ،،عشان بعدها ان شاء الله الملكة وبعدها تنتظرين لين تخلصين دراستك ويصير تحديد موعد العرس ان شااااء الله ..
قلت وانا منزلة عيوني : ايوة
قال : نور استخيري زين .. أبغاك بهالفترة تستخيرين زين وتفكرين على مهلك ، فاهمة ؟؟
قلت : ايوة ، ان شاء الله
عطست فجأة مرتين ورا بعض ، قال : يووه شكلك اخذتي دوور زكام قوي ، اخذي لك بنادول ولا أدول ..
دخلت خالتي الصالة فجأة وقالت بصرامة : انا مو موافقة !!
رفعت عيوني بدهشة لها ، وعبد الرحمن قال : كيف يعني ؟
قالت بعصبية : مو بغيتني اوقف معها واشوف اذا يصلحون لأختك ولا لأ ؟؟..وأنا ما ارتحت لهم ، شكلهم ناس متكبرين وما يناسبونا !!وابوك لو عايش ما سواها ..
قلت لها بدون ماحس بنفسي : حرام يا خالتي والله ان منيرة مرة طيبة واخلاقها عالية ومحترمة ، حتى شفتي غطاها وحجابها يوم دخلت .. شلون صارت متكبرة ؟
قالت : ايه الدليل جاية بروحها مع اخوها ؟؟ وين الاحترام ؟؟ لو كانوا من جد اخلاق كان جات امه وخالاته وعماته كلهم يخطبون ، و ما دخلوا فاضيين اليد !!
قال عبد الرحمن : هذي المظاهر ما تهم احد يا خالة ، احنا الحمد لله ما ننتظر مقابل من الناس ولا عطاا ، ابووووي ربانا على البساطة ، واذا الناس عاملونا بهالبساطة والراحة فما يعني انهم محتقريننا ولا ماكانوا خطبوا نور !!
قالت بانفعال : اكيد كله طمع في ارض ابوك وامواله ، الشرهة مو بعليك على اللي كتب لكم كل شي !!
قال لها عبد الرحمن بعصبية : والله يا خالتي اللي اعرفه انه ابو خالد مليونير وما يحتاج لأحد ولا يطمع بأحد ، اذا كان احتاج الأرض ، فيكون بعلمك خالد كان مستعد يتخلى عنها قبل لا يخطب نور، وما اشتراها غير برضى مني بعد ما خطبها !
قالت : ايه اصلا المفروض اختك تحمد ربها لأنه لولاي ماكانت انخطبت ولا التفت لها ولد الهوامير !
قلت لها بضيق من احتقارها لي وتلاعبها باسمي بكلامها: ايش قصدك يا خالتي ؟
قالت بسخرية : بكرة تعرفين ، ماني بطايقة كلمة منكم .. حلوا عني
راحت لغرفتها بدون ولا كلمة ، وظليت انا وعبد الرحمن نطالع ببعض بصدمة من كلامها وانفجارها المفاجىء ، أبداً ما كانت افعالها تدل على ان كل هالحقد رح يطلع... تونا كنا بخير وسلام !!
الفلوس ورح نعطيها لها ، والبيت ومشاركتنا فيه .. كلنا اسرة وحدة ، نحبها ونهتم فيها .. ايش تبغى اكثر من كذا ؟؟
قال عبد الرحمن بأسف : نور لا تهتمي بكلامها ، هي دومها كذا ولا رح تتغير .. كتلة من السواد والغيظ ..!!... روحي ارتاحي عشان تدرسين لامتحاناتك وتفكرين زين بقرارك ..
قلت :زين تبي عشا ؟؟
قال : لا لا شبعاان من الغدا..
قلت : طيب
ومشيت لغرفتي والدهشة تلفني .. شتقصد بكلامها ؟؟
سبحانك ياربي .. أكيد كله تألف علينا عشان تشبع حقدها الاعمى!!
ولأول مرة أحس بنفور قوي منها ، رغم إني كنت بادية أحبها وأعذر كل اقوالها وافعالها !!
رجت لغرفتي وأنا أبدل وألبس بيجامة قطنية ثقيلة ..سكرت المكيف وأنا أحس
الجو باارد وجسمي كله يرتجف من البرد ، والأفكار تحووم فيه ..
دخلت بفراشي وتلحفت وأنا أحس بجسمي يتمدد وكل التعب يظهر منه ..

~~~~~~~~~~~~~~~~~~~~~~~~~~~~~~~

~ مريــم ~

قمت من النوم على صوت عهد وهي تنادي فيني وتنغزني وانا احس بخيوط تطلع وتدخل بخشمي واذني ، صارخت عليها : عهههههههههههد خلاص بقووم بس بس !!
قالت :ما شفت أحد نومه أثقل من نومك !!! كل الوسائل ما تنفع معك !!
مريم قومي اقول لك المستشفى اتصلوا علينا !!
قمت فجأة بفزع وصارخت عليها : ليـــه ؟؟ وايش قالوا ؟؟
قالت : بسم الله عليك ما يصير كذا تقومين فجأة ، خطر !
قلت : عهد موقته قولي شقالوا ؟؟ فيها شي امي ؟
عهد تبتسم : لا ما فيها إلا العافية ، يقولون انها بدت تستجيب للعناية ، وبدت تتحرك ووضعها متحسن ،،
ماصدقت .. قلت : واللــه ؟!
قالت : ايه الحمد لله ، يللا تعالي عشان نفطر ..
حسيت بالأمل يتجدد بقلبي وفرحة عامرة ونشاط يدب فيني ..
تغسلت ولبست جلابية طويلة مطرزة وأنا أحء اليوم غير عن كل يوم .. يوم فيه أمل جديد !!
طلعت لقيت عهد جالسة على اللابتوب ، قلت : عهد ، الحين خلينا نفطر هنا احسن ، اكيد عمي واخوك موجودين ..
قالت : لا لا أبوي بالشركة وسعود بالدوام .. يعني البيت فااضي ، غيري هالجلابية والبسي شي مريح ،،
طالعت فيها ، كانت لابسة برمودا ضيق وتي شيرت احمر بكم قصير ، ما تعودت ألبس كذا أبدا حتى فبيتنا ، قلت وأنا أفتح خزانتها : طيب رح آخذ ملابس من عندك.
قالت وهي تراقبني بعيونها : هههههه خذي اللي تبيه ، ترا معظمها ضايقة عليّ ، ابغى اسوي ريجيم حاسة اني مرة متنت !!
لفيت باستغراب وانا ماسكة بنطلون واسع شوية : ريجيم وشو يابنت الحلال ؟؟ مافيك شي عشان الريجيم ؟؟ انتي احلى كذا..!!
عهد اطول مني شوي ، ووجهها مليان ودائري وأبيض ، أما أنا كنت قصيرة عنها بشكل ملحوظ ، ووجهي نحيف و وبياضه حنطي ..
اخترت بلوزة بيضا بأكمام طويلة، وعليها تيشيرت أزرق غامق مع البنطلون اللي ينزل على واسع ، خليت عهد تكمل شغلها على النت ، ودخلت اغيّر ..
عهد : هههههه أحلى تنسيق !
قالت وهي تناظرني بعد ما غيرت ، قربت مني ومسكت شعري اللي كنت تاركته مفرود وواصل لين فخذي ، رفعته لفووق وشالت مشبك صغير مسكته فيه..
قالت :كذا احلى عليك ، عن الحر والزحمة ..
قلت :هههههه عادي .. يالله ننزل ..
سكرت اللاب ونزلت معي وهي تركض على الدرج ،حسيت بنشاط خصوصاً وأنا لابسة البنطلون وحاسة بالأمان ومعي عهد!!
ركضت بسرعة عشان اسبقها ، مثل الحركة اللي كنا نسويها زمان دايما على الدرج ،،
قلت وأنا أنزل من الدرجة الأخيرة وأرفع خصلات شعري المزعجة اللي طاحت : سبقتك يا كسلانة ..
قالت : ههههه طيب ! المرة الجاية بـتشوفين !!
قلت : شرايك نطلع نلعب بالموية في الحوش مثل زمان ؟؟
قالت : هههههه عشان الخدامات يعصبون علينا َ!! تـ ...
قطعت كلامها وهي تطالع بالباب بصدمة ، لفيت بسرعة أشوفها شتطالع ،
وانصدمت بسعود اللي واقف !!
نزل عيونه ولف بسرعة ورجع طلع من الصالة ..
ركضت بسرعة ابي اطلع للغرفة وأنا احس بوجهي احترق من الموقف،
راحت عهد وسكرت الباب اللي كان واقف عنده ، وجت وراي ..
قالت : مريم ؟؟
لفيت لها باحراج وأنا أعيد كلامها بصوت راخي : "اخوك في الدوام هااه ؟؟"
قالت : والله ما كنت أدري انه موجود ...صار خير يا مريم عادي هالمواقف تصير كثير .. اسمعي بروح انادي الشغالات اخليهم يجيبون لنا الاكل هنا ، تبين نسكافيه ولا شاي ؟؟
ادري انها كانت تغير الموضوع ، بسبب الاحراااج ..
قلت : لا ماحب النسكافيه ولا الشاي.. فيه كاكاو ؟
قالت : اممم تبين كبتشينو ؟
قلت : أيييوة ..
راحت وأنا حطيت يدي على وجهي ورحت أطالع نفسي بالمراية ... ياويلي !!
ليش دايما حظي مع العيال كذا .. !!! صح ملابسي محتشمة بس كلها مقسمة ..
وهو وش اللي موقفه هناك ؟؟ كان مصدوم أكيد ..!!
بس حسيت باحترام لسعود لما شفته نزل عيونه ولف بسرعة .. يالله فررررررق !!
جلست وأنا أحاول أنسى الذكرى القريبة اللي انعادت ، يالله متى بنسى ؟؟!!!
متى يجي يوم وأتذكر اللي صار بضبابية و قلبي ما يتحرك للذكرى ؟؟
يمكن لما امي تقوم .. رح انسى كل الألم ..
يارب تمم عليّ النعمة .......!!

~~~~~~~~~~~~~~~~~~~~~~~~

~ عهــد ~

فطرنا أنا ومريم وأنا أحس بآثار الانحراج على عيونها ونظراتها اللي تتهرب مني ، قلت لها : مريم .. تعالي اليوم نطلع شرايك ؟؟
قالت بدهشة : على وين ؟؟
قلت : امممم نروح أي مول نتسوق ونتغدا برا ،،
قالت : خلينا مع خالتي اخاف تزعل لو ما تغديت معها
قلت : لا لا اصلا ماما اليوم معزومة عند صاحباتها ، رح نتغدى لحالنا على أي حال من الاحوال ..
قالت : طيب ، متى بنروح ؟
قلت وانا اطالع ساعتي : لسا بدري على العصر ، خليني الحين اعلمك على الميك اب ..
قالت : لااااا ما احبه
قلت لها : ههههه انتي كل شي ما تحبينه ، صدقيني هذا من اساسيات أي بنت لازم يكون عندك عالاقل خلفية !!
قالت : عهههد فكيني من هالميك اب ..
قلت لها : طيب بس خليني اجرب فيك شرايك ؟؟؟
قالت : طيب .. بس يا ويلك ان حولتيني لمهرج ، ادري بك تزيدين الجرعة !!
قلت : هههههه والله ما تدرين عني ، والدورة اللي اخذتها من شهر؟؟؟؟؟
، لازم اطلع موهبتي في أحد !!
قالت : ههههه الله يستر ..
جلستها على كرسي قصير قدام المراية الطويلة ، وخليت ظهرها للمراية ،
وبدأت أحط لها كريم الأساس ومن بعده البودرة والكحل والماسكارا .. وو.... اشتغلت على وجهها بإتقان ، مريم وجهها ضعيف وبياضه مو صافي ، يحتاج ألوان تظهره !
حطيت لها وردي خفيف على شفايفها وظللته بجلوس من فوقه ، والشدو خليته زهري غامق ، وأخيراً رفعت لها نص شعرها لفوق بمشبك صغير وخليت الباقي ينساب على كتوفها ، وشكلها كاان تحفففة !!
آخر شي لفيت الكرسي وأنا أقول بمسرحية: ترآآآآآآآ
طالعت نفسها بالمراية بدهشة وقالت : أمــّاا انك ... هههههههه والله انك خطيرة
قلت لها : هههههه لا تقولين معجبة بنفسك
قالت : ههههه تصدقين والله انه طالع حلو ، احس شكلي غريب .. بس حلو
قلت بمزح : هههههه انفع صح ؟
قالت : هههه أي والله تنفعين ونص.. ما كنت اتوقع ان الزهري رح يليق علي ّ
قلت : الا مررة يليق عليك بس لازم تفتحين بشرتك شوية قبل ..
قالت : تصدقين حمستيني اتعلم
قلت : هههههههه شفتي اخرتها شلون ، بس عاد انا طيبة رح اخليك تجربين علي
قالت: عاد مو صعب لهالدرجة .. رح احاول انسق بين الالوان يعني وكذا
كملنا سوالف وخليتها تجرب علي ، وابدعنا بالاخييير ... لين ما اذن العصر ، رحت اشوف امي واقول لها اننا رح نطلع وناخذ السواق ..
قالت : لا عهد السواق لا تشغلينه رح اخذه و اروح لبيت صديقتي واخذلها بطريقي هدايا .. شوفي اخوك يوصلكم ولا خلوها يوم ثاني
قلت : يمممه لااا الله يخليك سعود مستحيل يوصلنا !! لو ابوس رجوله ما رح يرضى !!
قالت : انتي خلي عنك غرورك واتنازلي واطلبي منه اول وجربي
قلت : رح يذل انفااسي لين ما يرضى
قالت : شتبيني اسوي ؟؟ هذا الحل الوحيد ولا خلاص خليكم بالبيت
لفيت على ابوي اللي جالس على طرف الفراش يقرا بالجريدة ،،
قلت : يبااا ؟؟
لف علي وقال : هلااا ؟؟
قلت : يبا وصلنا انت
قال : انا الحين طالع وراي مشاوير مب فاضي لك
طلعت من عندهم بيأس ورحت لغرفة سعود اللي جالس على لابتوبه،،
قلت : سعود .. ينفع توصلنا ؟؟
قال مباشرةً : لا
قلت : سعود لف علي اسمعني شقول اصلااا
لف بملل : قلت لاا
قلت : عشان خاطر مريم
عاد وقال: لاااااا
قلت : حرام عليك من يوم ما خالتي راحت المستشفى ومريم ما طلعت ولا غيرت جو ... الله يخليك!
طلع كلمتي الاخيرة بصعوبة ، بس كان ودي من كل قلبي اني أطلع و مريم معي ..
قال : اذا جت وطلبت مني رح ارضى ، انتي لاا
قلت بتذمر : سعوووود بلا نذااالة !!
قال : لازم مقاابل !!
قلت : والله انك سخيييف
قال : هههه شكله ما في غير هالسخيف اللي رح يوصلكم
قلت : خلاص ما نبي منك شي
قلت له جملتي بغضب ورجعت للغرفة وانا اشرح لمريم اللي صار ،
قالت : خلاص عهد مو لازم اليوم ، بكرة
قلت : كان ودي اليوم مررة مناسب
قالت : عاادي عهد عاادي
قلت : تعالي قولي له
قالت : لاا مستحيل !! يستهبل عليك تراه
قلت \: لا يتكلم جد انتي ما تعرفين سعود يحب يحرج ويذل الواحد !!
قالت : طيب تعالي ننزل تحت للحوش نشم هوا ، وانسي الموضوع ..
قلت باستسلام : طيب خلاص .. بس خذي جلال ثاني وانا بلبس جلالي
نزلنا تحت للحوش نتمشى فيه .. فجأة لقيت سعود جاي علينا ،
مريم تغطت بطرف الطرحة حقت الجلال ، وهو بعد شوي ..
قال : شخبارك مريم ؟؟
قالت : الحمد لله بخير .. انت شخبارك ؟؟
قال : تمام الحمد لله .. هااا تبين تطلعين الحين ؟
قلت له : نذااااااااالة ! ان....
قاطعني بسخرية : حد كلمك ؟؟ انا اكلم بنت خالتي ..
مريم قالت دفاعا عني : مثل ما عهد تبي
مرررة انبسطت على حركتها ، وضحكت بشماته
قال وهو يتجاهل حركتي : لا مثل ما انتي تبين
قالت : ابي اطلع ..
قال : خلاص يللا اجهزوا بصلي العصر واجيكم ..
قالت : مشكور يا ولد خالتي
راح سعود وانا نقزت من الفرحة وانا ابوسها على خدها بقوة ،
قالت : آآآي عهد خنقتيني ، داعسة على جلالي ياابنت
قلت وانا ابعد عنها: شكررررا حبيبتي ، احسه من جد تفشـــل !!
قالت : ههههههه والله انكم بزاارين ، ترا الكلمة الطيبة تنفع جربيها !!
قلت : هههههه تنفع في الناس مو في الـ ........
قالت : استغفر الله ، حرام عليك والله انه طيب
قالت : طيب ؟؟ هاااه ؟؟ لا يكون الاخت معجبة وانا ما ادري ... لا حبيبتي سعود والطيبة كل واحد في اتجاه ما يعرفون بعض مثل الغرب والشرق !!
قالت : طيب طيب خلاص لا يسمعك الحين ويغير رايه
قلت : ههههههههه لو تبين اتكلم لك عن اخوي وشره ما رح اخلص لين السنة الجاية ..
طلعنا للغرفة واحنا نتكلم ونضحك ، صلينا ونزلنا لسعود اللي ينتظرنا تحت ..

~~~~~~~~~~~~~~~~~~~~~~~~~