أشــواك الحب - الصفحة 19

13-05-08, 04:27 AM

المشاركة رقم: 91

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

فروووحة ، بووسي ، ارادة الحياة

غاليااااتي العزيزاااااات ، اعتذر لكم على تأخري بالرد عليكم وتأخري بالأجزاء ،،، طبعا كله من الامتحانات !!

رح احط الجزء الجديد الحين وان شاء الله أرد عليكم اليوم بعد الدوام

جزاكم الله كل خييييير ^^

مع خالص حبي ومودتي

13-05-08, 04:28 AM

المشاركة رقم: 92

المعلومات
الكاتب:	Malame7
اللقب:	ليلاس متألق

البيانات
التسجيل:	Mar 2008
العضوية:	68975
المشاركات:	253
الجنس	أنثى
معدل التقييم:
نقاط التقييم:	11

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

(الفصل التــاسع )

~~~~~~~~~~~~~~~~~~~~~~

~ مريم ~

بعد اللي صار بليلة أمس وأنا عندي أرق ما خلاني أنام ،
قمت الصباح على اتصال عهد المزعجة ..و نزلت لعمي عشان أكلمه بالموضوع
كان جالس يتقهوى وهو يتكلم بالتليفون ..
رحت لعنده وجلست قدامه ، سكر من التليفون وقال : مين ؟
قلت : أهلاً عمي أنا مريم
قال : اهلين بنتي شخبارك .. عساك مرتاحة
قلت : الحمد لله بخير ، انت كيفك وكيف صحتك ؟
قال : تعالي قربي مني ، اليوم بتروحين لخالتك ؟
قلت وأنا أجلس بجنبه : ان شاء الله ، كنت جاية أكلمك بهالموضوع
قال : زين متى ما بغيتي أنا فاضي للعصر ..
قلت : عمي .. ينفع توديني الحين لو كنت فاضي
قال : خلاص تمام ، مجهزة أغراضك ؟؟
قلت : إيه جاهزة ما يبغالها شي
قال : خلاص يللا اجهزي وأنا أوديك
قلت : الله يحزيك الخير ، آسفة تعبتك معاي
قال : لا تقولين هالكلام يا مريم ، عيب عليك
ابتسمت وقلت : الله يخليك يا عمي ويطول بعمرك
قمت اتجهز ونزلت بعد ما طليت على الغرفة طلة اخيرة
شفت الزهور اللي كنت مجمعتها بالكاسة ، تركتها مثل ما هي، الشغالات بيشيلونها.
ركبت مع عمي وتوجهنا لبيت خالتي ام سعود ..
.....
ركضت عند عهد بحب وحضنتها ، بعد ما ودعت عمي بالسيارة ،
باستني على خدي وقالت : وأخيرااا مريووم ماصدق !!
قلت : هههههه تصدقين كأني ما شفتك من سنوات ..
قالت بحماس وهي تضحك : تعالي بسرعة سلمي على ماما
رحت معها وأنا مشتاقة لخالتي وفرحانة برجعتي واحساس الأمان والحب اللي غمرني فجأة ..
استقبلتني خالتي فحضنها وقالت : هلا مريم حبيبتي كيفك اشتقنالك والله ؟
هاه انبسطتي عند عمك؟
قلت : الحمد لله خالتي ، بس مليت من القعدة هناك .. وحشتوني
قالت : اخيرا جيتي ، عهد كل يوم ناشبتلي فالموضوع ويوم بتجي مريم بسوي كذا
وكذا !! الله يعينك عليها
عهد بمزح : ههههه مجهزة مخططات لنا عشان نسويها..
خالتي : اشك انها راسمتلك خرايط بعد ..
قلت وانا بالي مع أمي : لازم اول شي اروح لأمي ..
قالت خالتي بتأثر : مريم حبيبتي، انا اشوف ماله داعي تروحين كل شوي
رح تضيقين صدرك ، ادعي لها الله يقومها بالسلامة ، روحتك لعندها الحين مارح تفيدك بشي ولا رح تفيدها .. احنا ما يمر يومين غير ما نطمن عليها من الدكتور المسؤول ..
قلت بإصرار : لا خالتي الله يخليك ، اذا بتروحين الله يخليك بروح معك
لازم اشوفها عشان قلبي يطمن ..
قالت:.. بس .. مابغيتك تظلين مكتئبة طول الوقت..
قلت : ماني مكتئبة .. انا واثقة انها بتقوم ان شاء الله والله مارح يخذلني!
قالت وهي تحضنني بحب : ان شاء الله حبيبتي ،، يللا روحي افصخي عبايتك وغيري ملابسك وحطي اغراضك فوق فغرفة عهد ، مجهزتها لك من سنة !
ضحكت وانا اطالع عهد اللي جلست تستنانا نخلص كلام ، عهد ما تحب
الحزن والكآبة ، مع إنها كثير تواسيني بس ما تحب هالحال يظل طول الوقت مخيم
على الجو ، أحسها أكثر شي تحب الوناسة والطلعات ومن هالاشياء ، واحيانا
اخاف عليها من كذا .. مع إنها عاقلة وتعرف الصح من الغلط .. بس مافي
انسان ما يغلط ، وخصوصاً لو كان يميل لهالطريق .، ممكن يطيح بأي لحظة..
اهم شي اني أنا وعهد مع بعض مثل الكتاب المفتوح ، نقرأ بعض قرااية ونفهم
بعض لدرجة كبيرة ..
بعد شوي كنت مبدلة ملابسي ونازلة مع عهد عشان نتغدى مع خالتي ،
كنت لابسة طرحتي الطويلة على الجلابية البيتي البسيطة ،
قلت لعهد : اخوك هنا ؟
عهد : لا ، طالع من الصباح وكلمنا قال بيقضّي اليوم عند اعمامي مارح
يجي غير بالليل فكي الطرحة لو تبين ..
قلت : لا ، اخاف يجي ابوك ولا سعود ..
قالت : يااشيخة اطمني ما في احد جااي قلت لك
قلت : لااا عهووودي خلاص ..
قالت : تبين نطلع الأكل فوق ؟
قلت : لا ابغى اتغدى مع خالتي ..
ضحكت قالت : مافي فايدة معاك ، طيب تعالي نروح المطبخ نجيب الصحون
رحت معها اساعدها نجيب الاكل ، وحطيناه على الطاولة
جلست انا وعهد وخالتي نتغدى ، ونتكلم عن اشياء كثيرة وعن عهد وخبالها وضراباتها مع سعود.. ضحكت وسولفت بانفتاح ..
ليت أمي معانا الحين .. !!~~~~~~~~~~~~~~~~~~~~~~~~~
~ وائــل ~

قمت من النوم بتثاقل ، وحمدت ربي إن الآلام كلها كانت مختفية ..
أمس كان يوم عصيــــب !
شفت الضو داخل من الشباك ، طالعت ساعتي بسرعة ، الساعة 11 !!!
كل هذاا نووم ؟!!! قمت بسرعة وأنا أتوضا عشان أصلي الفجر ، ما أبغى
صلوات تفوتني ، كفاية اللي راح !!
صليت وطلعت ادور سيف ، ااخ صح راح الشركة ، وشو اللي بيجلسه في البيت
للحين .. !
اتصلت عليه ، المفروض اليوم أكون معاه بالشركة ،، ما أبغى أخذله !
سيف : هلا وائل ؟
وائل : سيف انت بالشركة ؟
سيف : ايه .. انت كيفك الحين ؟
وائل : ليش ما صحيتني اجي وياك ؟ حتى الفجر فاتني
سيف : شفتك تعبان ما بغيت اصحيك .. لو تحسنت روح سوي تحاليلك
وائل : لا انا بجيك الحين ..
سيف : لا لا روح لتحاليلك اهم ، لاحق على الشركة بعدين
وائل : انزين ، لو خلصت بدري أجي لك ..
دخلت المجلس عند أبوي ، مالقيته موجود ، تقهويت على السريع وأخذت مفتاح
سيارتي وطلعت وبنيتي اروح للمستشفى ، لقيت السواق جايب أبوي ويساعده
ينزل من السيارة ،، قربت وسلمت عليه ومديت له عصاه
قال : وراك ما رحت الشركة اليوم مع سيف ؟
قلت : امس تعبت شوي وسيف الله يهديه ما صحاني
قال : رايح مكان ؟
قلت : أأأه بروح مشوار صغير وبعدين اروح لسيف ،
عسى ماشر طلعك من الصباح ؟
قلت الجملة الاخيرة باصطناع عشان اقلب الموضوع ، ما ابغاه يعرف بسالفةالتحاليل ولا بينشب فيها وعلى الطالع والنازل بيسألني عنها ، وما ابغى اكذب عليه!
قال : هذي بنت عمك وصلتها لخالتها ، واعدها من قبل اوديها بنفسي ..
وقفت لحظة ساكت ،...يعني خلاص رااحت ؟!!!
.. انا .. فعلاً غبي !
ليه امس ما اعتذرت لها وطلعت اللي فبالي !!
خلاص ما عادت موجودة ...و انتهى كل شي !
قال ابوي : يللا روح مشوارك ما بعطلك
قلت : اه .. يللا فمان الله
تركني وانا مهموم ، ليه بغيتها ما تروح ، بالعكس المفروض أتوقع
تروح من اول ما استوى ذاك الموقف !
وشو اللي بيجلسها هنا ..؟
صريت بأسناني بقهر وبكل قوة ، ندم وألم و... !!
ركبت السيارة وانا ما بعقلي غير هالافكار ..
ساعتين تقريبا وكنت مخلص من المستشفى و التحاليل
ومشيت بطريقي للشركة،
من اليوم رح أبدأ شغل جدّي وحياة طبيعية مستقيمة
والله يعينني ويثبتني !!

طلعت من الشركة وركبت سيارتي ، اليوم حسيت بحماس كبير للشغل ،
يمكن عشان حسنت من أموري كلها ، فصار الشغل متضح قدامي وما في
اشياء كثيرة تشغلني عنه ،،
رجعت البيت وانا ارجع بعقلي وافكاري لمريم واعيد تفكير في الموضوع ،
يالله كيف هالبنت لزقت بعقلي وما تبغى تطلع منه بشتى الطرق !
لازم أصلح أموري معاها بأي وسيلة .. ولا بظل طول عمري كذا
تذكرت ان سيف رايح مشاوير مع ربعه
طلعت فوق وقبل لا أدخل غرفتي ، طالعت بالغرفة اللي بآخر الممر ،
مشيت لها بتوتر .. مدري ليه ؟ بس من هذاك اليوم وأنا أخاف
ولو مجرد اطالع فيها من بعيد ولو بنظرة أو التفاتة!
فتحتها بحذر وكأني اتسلل لمنطقة محظورة ،
كانت مرتبة وفاضية ... شميت ريحة عطر رقيقة تتسلل لأنفاسي
وشفت كاسة فيها زهور على حافة الشباك ،
هذي اكيد الزهور اللي كانت تجمعها هذاك اليوم ، ما ذبلت للحين !!
جلست على السرير وانا احس بمشاعر الندم تختلط معاها مشاعر ثانية
ولمحت شي تحت السرير ، كأنها ورقة معفسة
رفعتها من على الأرض وقريت اللي كان مكتوب فيها

"عبثاً أحاول استجلاب الكلمات،
فتنزوي خلف ستائر أفكاري مختبئةً من فيض حبري
تخشى مجهولاً قد يقع بها حين تخرجُ من زاوية أفكاري الحنونة
لتلتقي ورقتي البيضاء ..
وربما ، تخشى الاختناق مع غصات الألم
أو ربما الغرق في سيل الدموع الجارف ..
و ........""

اكيد مني ، كيف نسيت آلامها من فراق أمها ؟؟
كيف ما رق قلبي لانكسارها واستغاثتها بي ؟؟
كيف ما قدرت اتذكر كل هذا غير الحين ؟؟
ليه مو بذيك اللحظة قدرت اشوف طهرها وبراءتها ؟؟
ولمتى بظل أعاتب بنفسي !!
لمتى !؟

جتني فكرة ، غريبة ،
وقلب أيّدهــا .. يمكن أرتاح شوية ..
يمكن ، تكون محاولة إني أقرب منها أكثر .. مدري شلون بس .. قمت.. وانا عازم اسويها ..
نزلت الدرج بسرعة ، وانا ادخل لمجلس ابوي ،
قلت له بسرعة : يبا تبي شي ؟؟ انا طالع مشوار وراجع
قال : تسلم يالغالي الحين جاي ابو سالم وولده عبد الكريم ، اذا خلصت من مشوارك تعال اجلس ويانا ..
قلت : ان شاء الله ما رح أتأخر
توجهت للمكتبة اللي دخلت المجلس عشانها ، واخذت اوراق كنت لمحتها من قبل
فيها معلومات مستشفى معيّن ، قريت بسرعة المعلومات اللي فيها وطلعت
لسيارتي وتوجهت للمستشفى ..
مدري ليه جتني رغبة كبيرة في إني ازور أمها ،
حسيت هالشي بيريحني كثير ..
لاحت المستشفى من بعيد ،،
وقفت عند مواقف السيارات ونزلت ،،
مشيت بخطوات كلها إصرار !
رحت للاستقبال وسألتهم عن غرفة المريضة في قسم العناية ..
قالت الممرضة : هذي المريضة اللي طايحة بغيبوبة ؟
قلت بدهشة : غيبوبة ؟؟َ!
قالت : انتظر لحظة من فضلك ..
استنيت وانا مستغرب من كلامها ،
قالوا لي طايحة بالمستشفى بس محد قال لي انها بغيبوبة !!

~~~~~~~~~~~~~~~~~~~~~~~~~~

~ خالد ~

جلست مقابلها بعد ما محمد راح ، أشوف عيونها اللي تذرف دموع من ساعة تقريبا ،، قربت منها بمحاولة قلت : يما .. استهدي بالله ،،
ما طالعت فيني وركزت انظارها على اتجاه واحد ،، جلست جنبا وعدت : يما ؟؟ انا آسف ..
دارت بقوة وطالعت فيني قالت : ما كفاك اللي سويته ؟؟ شتبي بعد !! تتأسف على وشو يا خالد ؟؟
قلت وأنا أسمع كلامها المتلخبط : يما اسمعيني الحين ، والله العظيم يما اذا محمد ما ارتاح هناك ولا ما عجبك الوضع ، أوعدك أخليه يرجع ، وأنا بكون المسؤوول عن كل شي !
كنت عارف انها مو مقتنعة بسالفة السفر وأبوي ما شاورها فيها ، يمكن هالسبب اللي زعلها مني إني ما شاورتها ومشيت على طريقة أبوي ..، بغيت اقول لها شي يطمنها لمدى طويل، وفعلاً كنت مستعد للي قلته !
قالت : وعمايلك اللي تسود الوجه !؟
قلت وانا اتنهد واترجاها : يما اسمعيني ..
قالت بزعل : وشو رح اسمع اكثر من امس ؟
قلت : يما امس انا ما لحقت اقول لك شي ..
صدت بوجهها ، قلت : انا ما خطبت البنت غير لسببين ، اول سبب اني مليت يما من حياتي اللي اعيشها ، يما ما تشوفين اميرة مافيها ذرة سنع ولا اخلاق ، يما كيف تبيني اعيش باقي حياتي معها ؟؟ وصلت بي لمرحلة ماصرت اطيقها .. و..
ناظرتني بنظرات استنكار ، قالت : اذا هذي المشكلة ، تروح تخطب بدون علم احد ؟ ليه ما تجيني تسألني وتقولي عن مشكلتك ؟؟
خالد : يما كم مرة ألمح لك ولا يصير مواقف قدامك وتقولين معليش خلها تعيش حياتها ، ومن هالكلام ، و...
قاطعتني : وين تبيني اودي وجهي من الناس ؟ وانت تدري بأمها وخالاتها كلهن يعرفوننا من زمان ؟؟ عالاقل نعطيهم خبر ونشاورهم ؟؟
قلت : ماظنيتك بترضين بهالشي يما
قالت : وشدراك وش اللي بسويه ساعتها ؟؟
قلت : يما واذا قلتيلهم بيقولون طلقها وبيزعلون مننا ويقاطعوننا
قالت بعصبية : والحين يعني ما بيزعلون
قلت بهدوء على قد كما اقدر : الحين يما اذا احد طلب الطلاق فهي اللي رح تطلبه بنفسها مو اهلها ..
قالت : ومن هذي اللي ميت عليها ورحت خطبتها ..
اسلوبها كان مثل الاسهم تضرب بقلبي ، قلت : ماقلت لك السبب الثاني
طالعتني منتظرة بقية كلامي ، قلت : هذي البنت ابوها متوفي ، عرفته من قبل ، ناس اخلاقهم عالية ومتواضعين
قالت : مهما كانت ما شي يشفع اللي سويته
قلت بكل الامل اللي تبقى لي : يعني ما بتجين تخطبينها لي ؟
طالعتني بنظرات مصدومة ، وصدت مرة ثانية بحزن وقالت :لا تكلمني بهالموضوع مو رايقة له ، خلني استوعب سفر اخوك اللي مدري متىبشوفه مرة ثانية !
قمت من عندها وانا اقول بصوت مرتفع وبرجاا: الله يسخر لي قلبك يماا ..
قمت لغرفة منيرة اشوفها قبل لا اروح ،،
دقيت الباب : منيرة ؟
فتحت الباب ومادريت الا وهي طيحة بحظني ومقطعة روحها بكا
قالت : خــالد ..
قلت : بسم الله !! كل هذا .. منيرة خلاص اعقلي !!
قالت : ماقدر ..
قلت : اثري الحب يطلع فوقت الشداايد كله !!
رفعت راسها وقالت : ااااخ
قلت : يللا جهزي عمرك عشان اليوم بالعصر باخذك معي
قالت : على وين ؟؟ مابغى اروح مكان !!
قلت وانا اتصنع الزعل : ما تبين تخطبين لي ؟؟؟
فتحت عيونها بدهشة وقالت : خالد !! اليوم ؟
قلت : وليه لأ ؟
قالت : طيب أبوي ؟؟ وأمي ؟؟؟
قلت : أمي كلمتها بالموضوع مرة ثانية وصدت عني ! وأبوي بكلمه الحين !
قالت :طيب خالد شلون اجي بروحي ما اقدر ، انا مو قد هالمواقف !!
قلت : مارح تسوين شي بس تشوفين البنت وتقولين كم كلمة طيبة وخلاص
قالت : طيب عطيني وقت !!
قلت : طيب على ماقول لهم وأقول لأبوي .. خلاص بالمغرب نروح !
قالت بتردد : طيب .. ان شاء الله
تركتها وانا اقول لها : وياااك تصيحين ، بقي شوية دموع لعرسك !
قالت وهي تبتسم بعناد : مارح اصيح بعرسي!
قلت : بنشووف !
تركتها وانا اشوف ابتسامتها رجعت لها ، بس فعلاً روحة محمد تركت فينا فراغ كبير .. الله يعينه على غربته بس!
بغيت اروح لأبوي ، وقبلها حاولت مع أمي محاولة أخيرة اخليها تلتفت لي ! وبلا فايدة!
كانت زعلانة مني وضايق خلقها من سفر محمد .. يمكن مع الوقت تتقبل السالفة وتحس فيني ! وهذا كل اللي ابغااه!~~~~~~~~~~~~~~~~~~~~~~~~~~~~~~~~~~~

~عبد الرحمنِ~

وقفت عند مدرسة نور انتظرها ، بعد ما صارت السيارة معي وانا اجيبها ارحم من الباص اللي يهلك ، ورغبة مني اني اعوضها بشتى الطرق !
رحت ناديت عليها من الميكروفون .. وشفتها بعد شوي طالعة وماسكة شنطتها واكياسها ..
ركبت وهي تقول بمرح : السلااااام عليكم..
رديت : وعليكم السللااام ، وش الاكياس هذي كلها ؟!!
قالت : اااه هذي لوحات واغراض الفنية ،، والله وناسة تجيني كل يوم احسن عن زحمة الباص والحر
قالت وهي توجه المكيف عليها وتعليه ..
قلت : خلاص لا عاد تروحين بالباص ، بس الصباح عشان شغلي اروح له بدري
قالت : طيب ..
قلت : تبين ايس كريم ؟
قالت : اللللله ايه ياااريت من زماان ما رحنا لذاك المحل حق الآيس كريم
قلت : أي محل ؟
قالت : باسكن روبنز ..
قلت : في فرع قريب من هنا .. بناخذ من عنده
قالت : عبد الرحمن .. تمنيت والله لو ابوي كان ..
قطعت كلامها وهي تتنهد ..
قلت : الله يرحمه ، نور لا عاد تفكرين بهالطريقة ، المفروض ما نفكر غير بالخير اللي تركه فينا ، وندعي له بالرحمة وبس
قالت : أدري ، بس والله ليته كان اقرب لنا شوية ، وحسينا فيه كنت رح اكون من اسعد الناس !
قلت بتكرار : الله يرحمه ..
ووقفت عند محل الايس كريم وانا اقول : بتنزلين وياي؟
نزلت : ايوة ..
حسيت نفسها انسدت ومرحها انطفى .. ياربييي لازم يعني تعيدين بالموضوع بعد ما حاولت انسيك !!
لمت نفسي على تأففي من الذكرى ، بس ما ابغا اذكر مساوىء ابوي وفعايله بالماضي، كل ما اذكرها احس بقلبي ينقبض وبعتااب عليه ، ما ابغى اذكره بالشر ، عشان كذا اتجنب ذكرااه ، وكل ما افكر فيه اقطع تفكيري بالدعاء له بالرحمة!
دخلنا المحل ومسكت بالقاايمة وانا اختار نوعي المفضل ، الفانيليا مع التوت بصلصة الشوكولا .. وقلت لنور : يللا اختاري !
جلست تفكر وقالت : خلاص خذ لي مثلك !!
اخذت لها مثلي وانا اتنهد ، كيف ارجع لها مزاجها الحين ؟!!
طلعنا من المحل وانا اقول لها : نووور .. شفيك زعلتي ؟! ،
قالت : لا والله مو زعلانة
قلت : وين حماسك قبل شوي!!
ركبت وقالت : هههه موجود
قلت وانا اركب واحرك السيارة : تدرين ان خالد جاي اليوم !
مادريت بها الا وهي شرقاانة وتكح ..
قلت : بسم الله عليك!!
طلعت بسرعة الموي اللي كانت بالسيارة ومديتها لها
قالت وهي تكح : لا لا هذي الماي حارة
وقفت بسرعة عند البقالة وسمعتها تقول : خ خلاص موو لازم
شريت لها ماي ومديته لها قلت : بسم الله شفيك !!
قالت بعد ما شربت : لا بس شرقت !!
قلت وانا اضحك عليها : هههههه طيب استوعبتي الحين اللي قلته لك ؟
قالت باحراج : ايه !
قلت : نور ترا سألت عنه اطمني ، بصراحة انا مرة حبيت خالد وهوما ينقصه شي ، بس انا اشوفك صغيرة على الزواج !
قالت : انا قلت لك يا عبد الرحمن اللي تشوفه !!
قلت لها بعناد : وشو اللي على كيفي انا اللي بتزوج ولا انتي ؟؟ وعلى العموم مافي شي رح يصير إلا بعد ما تخلصين دراستك ، باقي اقل من شهرين على السنة ..
قالت : اكيد
قلت : طيب اهم شي فكر زين ولا تتسرعين !
قالت : ان شاء الله
قلت : طيب .. مممم اليوم ، عادي تدخلين عنده ؟
قالت بصدمة : اييش؟!!!
قلت : هههه انتبهي لا تشرقين .. ترا بس أسأل !!
قالت بخجل شديد : هو طلب؟!
قلت : لا .. بس اهله جايين اليوم معه ..
قالت : اهله !
قلت : قرري وقولي لي
قالت : مممم اللي تشوفه
قلت بتهديد :نوووور !
قالت : ههههه ما ادري شتبيني اقول يعني !!
قلت : قولي رايك بصراحة وفكري زين لا تستحين !
قالت : مااا ادري
قلت : عدلي الكيس اللي قدام لا يطيح
مسكت كيس الايس كريم بدهشة : هذا ايش ؟
قلت : هذا حق خالتي
قالت : هههههه اتحدى تااخذه !
قلت : الله يصلحها ويهديها .. انا خايف منها عليك !
قالت : ليش ؟؟ صح طلباتها مني كثير ، بس انا لو ما قدرت اعتذر منها
قلت : ما ادري احسها مب عاجبها الوضع كله !!
قالت : لا عادي ما رح تعترض .. الارض ورح تاخذ حقها منها وخلااص
قلت وانا احاول اطمن نفسي : ان شاء الله خير !
وصلنا البيت ونزلنا انا ونور ، لقينا خالتي بالصالة كالعادة تتكلم بالتليفون ،،
حطيت كيس الايس كريم جنبها واشرت لها عليه ، صدت بوجهها باستنكار وحطت السماعة على جنب ، قالت : ايش هذا ؟
لفيت عليها وقلت بابتسامة : ايس كريم ..
قالت ببرود : مابيه !
قلت : والله طعمه حلو ..
ومشيت وانا اتجاهل استنكارها ..
تبي تقنع نفسها وتقنعنا غصب اننا ما نتقبل وجودها بحياتنا ! مع اني لا انا ولا نور سوينا شي يدل على هالمعنى !
~~~~~~~~~~~~~~~~~~~~~~~~~

~ نور ~

عطست مرة ومرتين وثلاث ، وتأوّهت بألم وأنا أفرك خشمي الأحمر ،
لا أكون زكمت!!! كله من هالآيس كريم اللي بلعته بلع مو اكل !!
، والمكيّف حق السيارة العالي مع الحر والعرق ،
توقيت ابدااااا مومعقول !!
سكرت المكيف حق الحجرة وانا احس بالبرد ، وتلحفت وانا ارقد على الفراش ،
حاولت انام واريح عقلي من التفكير ، بس رجعت بأفكاري لكلام عبد الرحمن وخالد اللي جاي اليوم .. اليوم يمكن اشوفه ويشوفني ، يااربيي احس بتوتر فظيع !!
رفعت اللحاف فجأة بزهق ، وخبطت على راسي بقوة ، مو عارفة اوقف تفكير !!
فجأة ضحكت على نفسي واللي قاعدة اسويه .. صدق اني خبلة !!
رحت للمراية اطالع بنفسي ، ولا مرة سألت نفسي ، انا حلوة ولا لأ ؟
كل يوم اجهز نفسي للمدرسة بتسريحتي المعهودة ، ارفع شعري اللي يوصل لكتفي فوق بربطة واشبك غرتي بمشبك صغير على فوق واحط كحل خفيف وبس !
تأملت نفسي أكثر وبعدت شوية عن المراية ، احس لما اقرب منها يطلع شكلي غلط ! كنت دايما من اطول البنات في المدرسة ، صحيح الطول ميزة ، لكني أحياناً أتمنى أكون أقصر عشان ما أبين أكبر من عمري !! وكم من مرة استحيت وانا اطالع الاستاذات من فوووق وانا اكلمهم !!
مسكت الملمع حق الشفايف وحطيت منه على خفيف ، ومسكت علبة مكياج قديمة ما كنت استخدمها بالمرة ، كان فيها بس روج وقلم تحديد وبودرة مدري وش هي، وجربت احوس بوجهي واحط ..
ياربي مااااعرف بالمرة !! كيف ما فكرت من قبل بالزواج ؟؟ صحيح كنت اشوفه حلم بعيد ، بس ما توقعت انه فجأة يقرب بهالشكل !!
رحت للحمام بسرعة وغسلت وجهي من الخرابيط اللي سويتها فيه ،، ورجعت انسدح على فراشي .. تعبانة بس مافيني نوووم !!
غصبن عني التفكير ودااني لبعييييييد بعييد ، لعالم الاحلام والتخيلات
وما قدرت امنع نفسي ، لين ما جاني النوم اخييرا !!

~~~~~~~~~~~~~~~~~~~~~~~~~~

~ وائـل ~

قالت الممرضة : ما ينفع الزيارة بدون إذن من الدكتور وتأكيد لصلة القرابة .
قلت : لا لا مو مشكلة بس ممكن أشوف الدكتور لو سمحتي؟
قالت : بس أوّل وقع هنا لو سمحت
ترددت وانا اكتب اسمي ، ووقعت على الزيارة
قالت : تفضل معي ..
مشيت معها ووصلنا لمكتب الدكتور ، قال وهو يصافحني : ايش تقرب للمريضة ؟
قلت وانا اتجاهل سؤاله: كيف حالتها الحين؟
قال : والله يا اخوي انا توني كنت رح اتصل على اهلها ، لانو الوضع في تطورات
بس مين حضرتك ؟
قلت : انا مثل ولدها ..!
رفع حواجبه متعجب من اجابتي ، وقال : طيب على العموم المريضة اليوم كان لها ردة فعل ملحوظة وحركة بس للحين ما ندري وشو وضعها بالظبط ، لأنكم معلميننا اذا صار أي تطور نخبركم ..
قلت : اهاا .. طيب واحتمال تتحسن قريب او تقوم ؟
قال : والله اذا استمرت ردة الفعل هذي وزادت خلال يومين ، احتمال تفوق من الغيبوبة ، وابشروا خير ان شاء الله
قلت : الله يبشرك بالخير
قال : بس ما اقدر ادخلك على المريضة
قلت : اكيد مارح ادخل انا مو ولدها .. بس حبيت اسأل عنها ، وان شاء الله اذا فاقت تعلموننا ..
قال : اكيد ..
قلت وانا اتصافح معه : طيب دكتور ، مشكوور الله يعطيك العافية ..
قال : الله يعافيك ، بأي وقت انا موجود
وطلعت من الغرفة بدهشة ، يعني كل هالوقت وخالتي بغيبوبة !
لو جلطة او سكتة لا قدر الله كان الوضع طبيعي ، بس غيبوبة مصطلح يمكن ثقيل على النفس ونادر.. بس المهم الحين ، يعرفون بهالتطورات ؟؟ومريم تعرف؟!
كيف اقول لأبوي؟؟ واعلمه اني رحت لخالتي ازورها ؟ وبأي صفة ؟؟
فضلت إني أسكت دام إني ممكن اثيير الشبهة ..
وايكد عاجلاً أو آجلاً بيعرفون ،
بس لما تقوم ، لي زيارة خااااصة جداً لها ..

~~~~~~~~~~~~~~~~~~~~~~~~~~~~~~

~ عهد ~

مسكت مريم من يدها وسحبتها معي عالغرفة ،
قالت : آآآآي يالخاايسة عورتيني
قلت وانا اضحك : ايش اسوي ؟؟ سرحانة في السقف وانا اناديك من ساعة
اقول مريووم تعالي سوي لي ميك اب
قالت باستنكار : وشو ميك اب بنص الليل ؟؟ عهههد اعقلي يما خلينا ننام والله تعبت فيني نوم من امس وعندي أرق
عهد : وليش الأرق ؟؟ لا لا نبغى نسهر ، عندي افلااام تجنن على لاب توبي
مريم : زين فيلم ايه ، بس ميك اب .. بنص الليل ههههههه من جد خباال
عهد : عااادي والله ونااسة تدرين هذي موهبة جديدة ما لحقتي عليها ، صرت اموووت بشي اسمه مكياج
مريم : هههه والله اخاف يطلع شي ثاني مو موهبة
قلت باصطناع : وش قصدك ؟؟ هاااه ؟
ضحكت وقالت : اقول يالله جيبي افلامك بس اختاري شي حلو يستاهل .
عهد : فلم واحد بس ؟؟
مريم : ايه والله تعبانة ، لاحقين عالباقي بعدين
عهد : لا اوعدك تشوفين اول دقيقتين ويطير النوم على طول
مريم : ههههه لا يكون فلم رعب .. !
عهد : هههههه جبااانة .. عندي افلام رعب لو تبين ..هههههه
مريم : لا لا والله ياعهد يا ويلك اذا شغلتي فلم رعب !! ما احب ذي الافلام ، مدري كيف تعجبكم قررررف ودم !!
قلت : ههههه انتي اللي خواافة
قالت: طيب ايش اخترتي يالشجاعة؟
قلت : شرايك اوريك مسلسل اجنبي مررررة جنااااااان ؟؟ في مسلسل مرة حلو
اتابعه من اجازة الصيف اسمه بريزون بريك .. تعرفينه ؟
قالت : لا ايش نوعه ؟
قلت : اكشششششن .. واحد بيدخل السجن ويحاول يهرب مع اخوه اتهموهم بجريمة ظلم و....
قاطعتني : عهههد ووووووع ماحب الاكشن !!
قلت : اااخ والله انه رهيب بيفوتك ..
قالت : في فيلم وريتيني اياه من زمان عن هذيك البنت اللي يضايقونها بالمدرسة
بعدين يجي صديقها ويدافع عنها وتمرض وبعدين بيتزوجها ولما تموت ..ايش كان ؟
قلت : هههههه ياويلي عالرومانسية !!هذاك a walk to remember
فلم قديم ما يعجبني كثيير،، احلى شي فيه لما تموت البنت..

قلت كذا عشان اقهرها ، اتذكر كيف صاحت لما ماتت البطلة
قالت : يالشرييييييرة انتي ما بينفعك غير الاكشن والرعب حقك ،، خلاص غيرت رااايي مابغى اشوف شي
قلت : ههههههه خلاص خلاص عندي لك شي رح يعجبك يالرومانسية انتي
مسلسل كوري اسمه goong مرة حلو
قالت : ايش قصته ؟؟
قلت : هذي بنت بيطلع في بين جدها وجد الأمير حق بلادهم اتفاقية انه يزوج حفيدته لحفيده لما يكبرون ، وبتنغصب على الزواج وبتروح للقصر وتعيش فيه وبيدربونها عشان تصير الملكة وبعدين شوي شوي بتتأقلم وبيحبون بعض ..
قالت : ااااااه ما أدري .. اقول عهد يللا اختاااري أي شي مافيه عنف وخلاص
اصلا بنام بنص الفيلم ..
قلت : هههه اقول وش رايك نسولف وبكرة نطالع هالاشياء .. ؟؟
مريم : هههههههه يعني مو كان اصرف لك تقولين كذا من الاول
قلت : لا بس فكرت بأشياء أبغى أقولك اياها ..
مريم : ايش هياا ؟
قلت : طيب ثواني البس بيجامتي واجي
قمت البس وانا افكر كيف اقول لها عن سالفة محمد ؟
اكيد بتعاتبني بقووة ، بس انا ... لا لا ماينفع اقول لها ابدااا ...!!
طلعت وانا ابتسم لها ،انسدحت على الفراش الطويل بالارض ،
كنت مغيرة نظام غرفتي ومحركة السرير على جنب وحاطة مراتب بالارض عشان انام عليها مع مريم ..
قالت : هاااه ؟ قولي اللي عندك يللا .. ترا انا بعد بقولك شي ..
قلت وانا اضحك بتصنع :ههههه انتي قولي ، انا ما عندي شي ،،،
قالت : يللا عهد ..قلتي في اشياء بتقولينها..
قلت : اممممم مدري ..ااه ... مريم لو ..
سكت .. وترددت
قالت : لو ايش ؟؟ عهووودي قولي يللا ..
قلت : لو .. تكلمت مع أحد بالماسنجر .. مزح يعني و سوالف وكذا.. فيها شي ؟
قالت بقلق : قصدك احد يعني كيف؟ شباب يعني ؟
قلت : ممم بس شخص واحد .. اه قصدي .. ممم
قالت بصدمة : عهد ! تكلمين أحد ؟
قلت : ممم مو بالظبط مثل ما انتي فاهمة بس ..
قالت : بس وشو ؟
قلت : اعرف هالشخص مين هو ..
قالت : عهد !! قولي لي السالفة بالظبط ترا مو فاهمة شي !!
قلت : هو انا كلمته على إني ولد .. بس بغيت منه شي وبس !

انا ما ابغى منه شي . انا ......
قالت مريم : عهد ! كيف تكلمين احد مهو محرم لك ؟؟
قلت : اقولك على اني ولد .. ما يعرف عني شي..
قالت : طيب هو ما يعرف بس انتي تعرفين .. وبعدين ما تدرين لوين بيوصلك هذا الطريق !
قلت : ....... ما ادري ،، ماني بقادرة ا...
قطعت كلامي ، صعب انك تتكلم وتدافع عن خطأ انت مو مقتنع فيه !
قالت وهي تمسك يدي : عهد .. أنا ما أدري انتي وش تسوين بالظبط .. بس كل اللي بقولك اياه ، الله يخليك لا تستمرين بهالشي !
ما تدرين وش ممكن يصير ! يليز عهد لا تخوفيني عليك .. غلط كذا !
قلت بتأثر : أدري .. ان شاء الله بحااول..
قالت : عهد وش اللي بتحاولين ؟ يعني انتي لهالدرجة ... تعلقتي فيه ؟
قلت وانا اتنهد بيأس : ما أدري يا مريم ما أدري !!
قالت : عهههد اصحي !! انتي كلمتيه عن طريق النت ! مهما كان ما في أي وسيلة تقدرين توصلين فيها لمرادك !! وقفي قبل لا توصلين لمرحلة عميقة تجرحين فيها نفسك وتتعذبين !! وبعدين أهم شي ان اللي تسوينه ما يرضي ربك ّ!!
قلت : ما ادري ليش سويت كذا ، بس رح احاول اخلص هالموضوع معاه..
وابتسمت لها عشان اطمنها ..
قالت : وقولي لي بعدين وش صار معك !
قلت : أن شاء الله
سكتنا لحظة ، رجعت قالت : تبين أقولك شي أنا بعد ؟
قلت باستغراب : طبعا قولي ؟؟
قالت : بس أمااانة برقبتك ياا عهد لا تقولين لأحد ..
قلت بانزعاج وضيق : مريم لا تزعليني منك بكلامك هذا .. تدرين إني مستحيل اطلع كلامنا لأحد !!
قالت وهي تتشبث بيدي بشكل غريب : مو قصدي حبيبتي بس .. بس اللي بقولك اياه مب هين.!
قلت : ايش صار ؟ ؟؟
سكتت تستجمع انفاسها ، وبدأت تحكي بتردد ،
وأنا احس بيدها ترتجف وتترك يدي..

~~~~~~~~~~~~~~~~~~~~~~~~~~
~ مريم ~

في الوقت اللي صارحتني عهد فيه باللي بقلبها ، حسيت انها فرصة مناسبة لي أقولها عن اللي صار ، من ايام وأنا ودي اطلع اللي بقلبي عسى ارتاح شوي..
سكت وأنا أفكر كيف أبدأ بالسالفة ؟؟ بدأت أتردد وأتراجع عن فكرتي في إني أقول لها ..
قالت عهد بخوف : مريم شفيك؟؟ السالفة مرة قوية؟
عيوني دمعت وأنا أتذكر السالفة وألمح بصوتها الاهتمام ..
قلت : يعني ..
قالت بحزن: قولي الله يخليك .. مريم ما رح احن عليك عشان تقولين ..!!
قلت وانا امسح عيوني وابتسم :مافيني شي يا عهد خلاص ، اوعدك بعدين اقولك
قالت فجأة بانفعال :والله تقولين الحين!! مريم شفيك ما تثقين فيني انا توأم روحك واسرارك كلها معي واسراري معك كلها وما في شي نخبيه على بعض!!
حضنتها فجأة متأثرة بكلامها وقلت لها وأنا أبكي : عارفة !!
حسيتها تأثرت بحالتي كثير ، ما توقعت ردة الفعل هذي من عهد .. حسيت بحبي لها يزيد كثييير ، عيونها دمعت وهي تحضنني ..
قالت : قولي يا مريم الله يخليك قولي يا قلبي وافتحي لي صدرك
قلت بصوت متقطع وأنا أأشر برأسي بـ (طيب ) :فبيت عمي .. أنا
عدلت عهد جلستها وطالعت فيني عشان اكمل ..
كملت : ولد عمي ..حاول... تحرش فيني..
شهقت عهد بقوووة : أيــــــش؟؟؟؟؟؟
طالعتها بذعر : عهد وطي صوتك !!
قالت بانفعال : مريم كيف وشو صار ؟؟
قلت ببكا : ما صار شي .. بس شكله ما كان بوعيه
قالت عهد : أذاك ؟؟
قلت بسرعة : لا لا انا ..صارخت عليه وجا اخوه وضربه ..
عهد بصدمة : اثريك صوتك داايما ضايق ومنتي على بعضك ، ياقلبي يا مريم وهالحقيييير النذل ما قلتي لعمك عنه ؟؟ واخوه ما سوا شي ؟؟
مريم : وشلون تبيني اقول لعمي عنه ؟؟ مااقدر !!
عهد : حرام عليك لازم ياخذ عقابه لازم يتأدب..
مريم : الله بيعاقبه مثل امس
قالت :امس ؟
مريم : مرض و طاح علينا بالطريق
عهد : والله ؟؟
قلت بتأثر وانا امسح دموعي : والله يا عهد لو شفتي شكله امس كان مررة تعبان ورحنا به عالمستشفى والغريب اني كنت موجودة وكأن الله كان مقدر لي اني اشوفه يتعذب عقاباً على اللي سواه فيني واستجابة لدعائي عليه..
عهد : والله ودي اقتله هالحيوان كيف تجرأ وانتي بنت عمه والمفروض
يصون عرضك وشرفك ويخاف عليه !!
سكتت وانا امسح عيوني ،،
عهد : الحمد لله انك بخير وماصار شي وخلاص انتي الحين معانا وبيننا ومارح يصير لك شي وتووووبة تروحين لعمك ثاني مرة ، احنا الغلطانين خليناك تروحين وانتي ما تعرفينهم !!
قلت : لا يا عهد ، هذاك عمي ما يدري عن شي مسكين ، كل اللي وده انه يشوفني ويحس اني جزء من اولاده واسرته .. ماله ذنب..بس ما كان لازم اجلس هناك كل هالمدة !
عهد وهي تمسك كتفي : ان شاء الله مع الايام رح تنسين اللي صار بس لا تعلقين حياتك على هالشي .. انسان حقييير ما يستاهل انك تفكرين فيه !
قلت فجأة : اشتقت لأمي عهوودي! مررة اشتقت لها!! خايفة ما تقوم .. هالافكار تذبحني !!
عهد :لا تقولين كذا تفاائلي وان شاء الله تقوم بالسلاامة وتصير بخير
جلست عهد تحاول فيني تهديني ..
بس انا ما تحملت ، وبكيت من كثر الضغوط اللي براسي ..رجعت ابكي بزيادة
لين ما نمت بدون ما احس بنفسي ،قمت بعد شوي على أذان الفجر ، فتحت عيوني فجأة ولقيت عهد جالسة ومتسندة بظهرها على الجدار ..
قلت : عهد ؟؟
قالت وهي تبتسم : كيفك ؟؟
قلت : ما حسيت بعمري ونمت !!
قالت وهي تضحك : لا اصلا ما نمتي غير من نص ساعة ، طولنا بالسهر !!
قلت : عليك صلاة ؟ بقوم اصلي الفجر
قالت : الحين بقوم اتوضا ، اقول بس شوفي عيونك كيف منتفخة قومي احط لك فيها كحل ..
قلت :ماحب الكحل ،، اااه والله يا عهد ارتحت لما طلعت اللي بقلبي ..
قالت: الله يريحك دووم يارب ، يلا خلنا نصلي عشان نلحق ننام ، عاد بكرة
عندي لك جدول جناااااان مارح تلحقين على انفااسك !َ
قلت : هههههههه ان شاء الله ..
توضينا وصلينا الفجر ، ونمنا بعمـــق وكل وحدة مننا شالت عن قلبها وعقلها حمل ثقييل !

~~~~~~~~~~~~~~~~~~~~~~~~

التعديل الأخير تم بواسطة Malame7 ; 13-05-08 الساعة 04:34 AM

13-05-08, 01:37 PM

المشاركة رقم: 93

المعلومات
الكاتب:	باسكن روبنز
اللقب:	ليلاس متالق

البيانات
التسجيل:	Apr 2008
العضوية:	70654
المشاركات:	1,997
الجنس	أنثى
معدل التقييم:
نقاط التقييم:	12

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

اهلين اختي ...صراحه قصتك روعه وحلوه واعجبتني واعتبرني من متابعينك....

نجي للشخصيات .. عبدالرحمن ..نعم الاخو والسند لاخته طيب وحبوب ...
نور..شكلها طيوبه وبتتزوج خالد لكن بتعاني من مشاكل وخلافات في بدايةزواجها خاصه من اميره وام خالد
منيره ..اتوقع بتحب نور وتكون صداقه هي واياها لان منيره ماتحب اميره من تصرفاتها مع خالد
خالد ..انسان جاد وخلوق وان شاءالله يتزوج نور ويلقى السعاده معها اللي افتقدها مع اميره
اميره ..ماحبيتها وكرهتها وما اتوقع اني احبها من خلال تصرفاتها <خخخخخخ
وان شاء الله يطلقها خالد ويفتك منها ......
اما مرة ابو عبد الرحمن ونور..بعد هذي ماحبيتها ويمكن تتفق هي واميره بتدمير نور <ان شاءالله يطلع توقعي غلط
هذا اللي اقدر اقوله عن الشخصيات اللي اعجبتني..الا اميره
مشكوره اختي على القصه الرائعه واتمنى لك التوفيق ......................

13-05-08, 10:35 PM

المشاركة رقم: 94

المعلومات
الكاتب:	فروحه
اللقب:	ملكة الرومانسية

البيانات
التسجيل:	Dec 2007
العضوية:	58271
المشاركات:	3,072
الجنس	أنثى
معدل التقييم:
نقاط التقييم:	25

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

الســــــــــــلام عليكــــــم ورحمة الله وبركاته

مــــــريم
بعد انتقلها من بيت عمها ... وظهورها منه بسب الخوف من وائل وانه ممكن يأذيها ... هل راح تسامح وائل في يوم من الايام ...؟؟ وهل راح تعرف ان وائل زار امها في المستشفى وشو راح تكون ردة فعلها منه ...؟؟

وائـــــل
احساسه تجاه مريم هل هو مجرد احساس بالذنب فقط ... وتفكيره طول الوقت فيها وانها موب قادر ينسها ... هل هذا مجرد احساسه انه غلط في حقها فقط ...؟؟ لا اظن .. وزيارته لام مريم ومحاولة فعل شي يفيد مريم عشان تسامحه كل هذا هل راح يساعده على ان مريم تصفح عنه وتسامحه...؟؟

عـــهـــد
وين راح توصل علاقتها مع محمد ... بعد ما قالت لمريم عنها ... وبعد ما مريم نصحتها بأن هذا الشي غلط وموب في صالحها ولا يجوز لانه موب محرم لها ... هل راح تترك هذه العلاقة الي انبنت على الغلط او راح تستمر فيها ...؟؟

خالـــد
محاولته اقناع امه بتقبل زواجه ... وانه محتاج يدور على زوجة توفر له السعادة ويجد فيها الشريكة الي يتمنها ... هل راح ينجح في اقناعها ... او راح يلقى الرفض منها الى الابد ... ؟؟

نـــورة
اقتقادها للاب الذي رحل عنها وترك ذكرى اليمة لها ولعبد الرحمن ... والي كانت تتمنى ان يكون موجود معاهم ويشاركم السعادة الي هم افتقدوها وهو حي ... وقبولها بالزواج من خالد .. هل هي تعرف انه متزوج ام لا واذا ما تعرف هل راح تبقى على موافقتها بعد ما تعرف ام لا ..؟؟

مــلامـــح ... جزء رائع يالغلا ... سلمتي وسلمت اناملك عليه ... لك مني خالص موتي وتقديري

انتظر الجزء القادم بكل شوق لمعرفة المزيد ... عن ... ابطال .. اشواك الحب .

(فرووحه)

13-05-08, 11:51 PM

المشاركة رقم: 95

المعلومات
الكاتب:	ميثان
اللقب:	ليلاس متألق

البيانات
التسجيل:	Feb 2008
العضوية:	63902
المشاركات:	1,376
الجنس	أنثى
معدل التقييم:
نقاط التقييم:	19

االدولة

مدونتي

الإتصالات
الحالة:
وسائل الإتصال:

كاتب الموضوع : Malame7 المنتدى : الارشيف

السلام عليكم ورحمة الله وبركاته

حيا الله الحب واشواكه , , , , بارت اعتبرته تمهيد للعاصفة البارت القادم

خالد

ومحاولاته المستميته للاقناع والدته ورضاها على زواجه , , وبحثه عن الاستقرار والموده في خطوته

القادمه

وائل

بدء للمشوار الجديه في الحياه من خلال اثبات وجوده في الشركه وعدم خذل اخيه و والده

اصراره وعزيمته للتبرير غلطته مع مريم واصلاح ما كسره في نفسها باي وسيلة كانت ......

ذهابه لزوجة عمه واستشفاف معلومات وتطورات مرضها في اعتقاده وسيله (لِ) تعديل صورته ولكنه

تراجع حتى لا يثير الشبهات حوله

اقتباس :-
بس لما تقوم ، لي زيارة خااااصة جداً لها ..

هل سيتقدم للخطبتها ؟؟ وان كان كذلك هل تعتبر مريم مبادرته تكفير للذنبهِ معها ؟؟

مريم

بعد ان كانت مبعثره الاحاسيس عاد لها احساس الامان في بيت خالتها

رؤيتها للوائل يتطوى من الوجع قد اشفى غليل صدرها فهل ستندم على هذا الشعور يوماً ما ؟؟

نور & عبد الرحمن
اخوان رائعان كلا منهما سند للاخر ,,,, صحيح ان الحياه سلبت من نور ابيها وسلبت منه حنانه في حياته

ولكن منحتها اخٌُُ معطاء يشعر بما تشعر ,,,, ويتالم لحزنها ويسعد للفرحها

نور & خالد ما الذي ينتظرهما ؟؟ وكيف ترضى نور برجل متزوج ؟؟

عهد

فتاه تعيش عمرها وتعيش الحياه بطولها وعرضها

اقتباس :-
قلت : شرايك اوريك مسلسل اجنبي مررررة جنااااااان ؟؟ في مسلسل مرة حلو اتابعه من اجازة الصيف اسمه بريزون بريك .. تعرفينه ؟

يااااااادي البريزن بريك,, ,,,, ملامح تراااااااه جابلي العقده في حياتي محاصرني في كل مكان وكانه

يقول لي الا تشوفيني بلقوه

(في بيتي بريزن بريك ),,,,,,,(عند اهلي بريزن بريك ),,,,,,( عند صحباتي بريزن بريك)

اخر شئ اتوقعه يطلعلي في الروايات هههههههه مو قادره ابلععععععه.............

سلمت يداك ملامح ولك مني خالص الود

وننتظرررررررررك بكل شووووق