"10"
∫∫ॐ∫∫احببتك ولكن ∫∫ॐ∫∫

حبيبي اتمنى ان اعرف عنك شيء..
فانا احببتك ..
احببتك عندما سمعت صوتك..
احببتك من سماع خطواتك المبتعدة عني..
احببتك من نظراتك المليئة بالحب والحنان..
احببتك من رائحة عطرك السارقة للعقول..
احببتك من براءة وجهك الطفولي..
انا احببتك..
لكن .,للاسف لااعرف شيئا عنك..
فانت مجرد شخصا القاه احياناً ..
فانت تعتبرني شيئا عابر لاقيمة له..
احببتك وساظل احبك..
ساعرف عنك كل شيء شاء القدر اولم يشاء..
:
:
كان جالس في سيارت صديقه اللي مستحيل يفارقه..لانهم مثل الاخوان..مهما صار بينهم ..مايفترقون ..مع ان شخصياتهم عير عن بعض وحتى حركاته لاكنهم قد بعض..
"فهد"
"25"
لما رجعت الشقه مالقيت حد اتصلت لـ سطام بس كان مطفي جواله..استغربت وين راح وسيارته هنا.. لما ركبت السياره لقيت ورقه صغيره صفره..قريت اللي فيها:: انا في الشرقيه ويمكن ماجي الليله لان عندي شغل كثير هناك::
رميت الورقه من يدي وركبت السياره وانا فرحان حدي لاني لو رحت اقدر اشوفها..
:
:
:
رحت بيت خالد صديقي عشان اخذ سيارته.. وعطيته سيارت سطام..
:
:
توجهت بطريقي لـ شرقيه والفرحه مو واسعت لي.. شغل المسجل على شريط كاظم اللي سرقته من سيارت سطام لانه يحسسني بشيء غريب..
قولي احبك
كي تزيد وسامتي
فبغير حبك لا أكون جميلا
قولي احبك كي تصير أصابعي
ذهب و تصبح جبهتي قنديلا
ألان قوليها ولا تترددي بعض الهوى
لا يقبل التأجيلاتذكرت اليوم اللي شفتها فيه..
كانت لابسه بيجامه ورديه وطالعه جووووونان على قولت سناءووه الهبله.. لما سألتني من انت خفت اقول لها اسمي خفت تقول لـ ابوها وبعدها يفنشني قلت اقول لها نايف احسن ولد عمها..بس وش سالفت ادوات الرسم ..كذبت عليها وقلت لها انا اللي جايبهم هه بس والله تهبل بعد قلبي .. بس من اللي يجيب لها الادوات؟!؟!
صرت افكر في هالشخص من ميييييين ؟؟ معقوله يكون سطام بس ماتوقع انا دايم اكون في السياره اذا جيت بيت العم عبد العزيز متى يوديهم لالالالا ماتوقع هو يمكن نايف لانه احياناً مايروح معنا على طول اكيد هو اجل ليه لما قلت لها نايف سكتت!!
:
صار تفكيري منحصر بينها مره وين نايف مراااااات..
:
وصلت الشرقيه بسلامه لانه كان راح يصيبني حادث من القهررررررر..

دقيت على سطام: ان الرقم الذي طلبـ ـــ سكرته وتوجهت لـ شركه وصلت هناك وو قفت السياره ودخلت لما سألت عنه السكرتير قال لي انه ماجى اصلاً استغربت وين الشغل الكثير!!
قلت اكيد الحين موجود في بيت عمه خل اروح منها اشوفه واشوفها..
:
وصلت بيت العم عبد العزيز..
دخلت المزرعه بعد ما فتحلي البوابه الحارس..وصلت عند الفله..
لقيت سطام واقف عند باب المجلس ويدخن رحت مواقف اسيارت ووقفت السياره..
:
:
لما تقربت لـ سطام بان على وجهه انه متضايق من شيء سلمت عليه وهو يقول:ليه جاي
قلت له:عندي كم شغله هنا..
هز هراسه يعني اها ودخلنا المجلس لقيت هناك العم وهو مبتسم سلمت عليه وهو يهلي فيني:ياهلا والله وينك انت ماتنشاف
قلت :هلا فيك عمي اشغال الدنيا..
قال :ايه والله العمر يخلص وهالشغل مايخلص..لف وجهه لـ سطام وقال:قوم يولدي جيب اقهوى قهويه..
قال سطام: ان شاء الله
جاب القهوه:سم
ابتسمت له:وقلت سم الله عدوك
ابتسم هو بعد لان مسويين روحنا رجال هيييييي عمرنا 25 ترا
المهم قمنا نتكلم عن الشغل وووو مر الوقت وجات الساعه 9:00 ترخصت وطلعت جيت بركب السياره بس جاني شعور غريب وعلى طول رحت ورا البيت وشفت الانوار مشغله مشيت ليما وصلت عند الباب
احترت الحين ادق الباب والا ادخل على طول بس مامداني افكر لان الباب انفتح...
اشششششششش هدؤ..
تعلقلوا عواينا في بعض يمكن لحضه يمكن اكثر المهم وفي نفس الهدؤ تحركت هي تبغي تمشي لااااااااااااااااكن وين مسكتها على طول انا جاي عشانها وفي النهايه تهرب دخلتها المرسم وقفلت الباب كانت..مسكت وجهها وكنت ملصقنها في الجدار ومايبين منها الا وجهها ناظرت في عيونها كانت خايفه مني قربت وجهي من شعرها باشمه ونزلت راسها وخلته ملامس كتفي استغربت منها انها ضاله ساكته بعد كم ثانيه كنت مابغيها تنتهي تكلمت وقالت وكان صوتها متهدج :تكفى نايف لاتسويلي شي
رفعت راسها بيدي وانا ابتعد ابتسمت شبه ابتسامه على نايف وشلت يدي منها وقلت: طيب انتِ شسمك؟؟
قالت:توعدني اذا قلت لك اسمي ماتلمسني..
قلت لها:اوعدك اللحين اش اسمك؟؟
قالت:لامار..
جلست على كرسيها قلت لها وانا منعجب في الاسم:واش معناه؟؟
قالت:ماء الذهب..
قلت:انتِ مو الما انتِ الذهب كله..
قالت وشكلها منحرجه:لا عاد..
قلت:اصلاً انتِ احلا منه..طيب شوفي لامار انا لازم ارجع الرياض الحين مسكت فرشتها وحطيت لون احمر وكتبت رقمي .. وقلت..دقي علي اذا فضيتي ابغي اكلمك اوكي..
قالت :عاااااااادي!!؟
قلت لها وانا ابتسم: ايه عادي بأي وقت..
قال وهي تبتسم:طيب..
مسكت خدها شوي وقلت:يالله مع السلامه..
سكتت وطلعت شوي لاوطلعت لي برا وقالت:بتجي يوم الاربعاء؟؟
قلت لها :اكيد..
رحت لـ سيارتي ومشيت....................




انتهى الجزئ

تحياتي

"11"
ॐ عد اليها سيدي تحتاج لكॐ
الفصل 1
:
:
الساعه 9:05م
\لامار\
بعد ماوقعت على الورقه اللي جابها ابوي اللي مادري وش مكتوب فيها لان كان راسي مصدع ..رحت المرسم وجلست يمكن ربع ساعه ومن كثر الالم اللي فيني قلت خل اروح البت ارتاح احسن.. بس وانا طالعه لقيت نايف قدامي استغربت هو مو عادته يجي اليوم.. بس نظراته لي خلتني اوقف حسيت باحساس غريب..بعد ماستوعبت نه قدامي استحيت وقررت اني امشي بس مسكني ودخلني داخل وقفل الباب..سندني عالجدار وتسند علي خلاص ماقدرت اتنفس ماكان مبين مني الا وجهي ولا قدرت انطق بحرف.. كنت خايفه منه وش راح يسوي ذا..فجأه رفع يده وقام يلمس وجهي وبعدها نزل وجهه وخلاه جنب وجههي بس انا على طول نزلت راسي وصدمة في كتفه..بعد كم ثانيه وعلى نفس الحركه.. تكلمت وانا شوي وببكي:نايف لا تسوي لي شي..
رفع راسي بيده وسألني:طيب انتِ شسمك؟؟
قلت بسرعه:توعدني اذا قلت لك اسمي ماتلمسني..
قال:اوعدك بس الحين اش اسمك..
كنت بكذب بس بعدين قلت الحقيقه يعني ايش فيها لو قلت اسمي:لامار..
ابتعد عني وراح جلس على كرسي الرسم وقال:ايش معناه..
قلت وانا مستانسه انه شكله انعجب في اسمي (ترا انا مغروره):ماء الذهب..
قال وهو يناظرني بنظرات غريبه:انتِ مو الماء انتي الذهب كله..
قلت وانا منحرجه من :لا عااااااد..
قال:اصلاً انتِ احلا منه..طيب شوفي لامار انا لازم ارجع الرياض الحين..
مسك فرشتي وحط لون احمر وكتب رقمه .. وقال:..دقي علي اذا فضيتي ابغي اكلمك اوكي..
قلت وانا مستغربه:عاااااااادي!!؟
قال لي وهو يبتسم: ايه عادي بأي وقت..
قلت وانا ابتسم:طيب..
مسك خدي بشويش وقال:يالله مع السلامه..
سكت ولما انتبهت انه طلع طلعت له برا وقلت له:بتجي يوم الاربعاء؟؟
قال:اكييد..
ومشى.......
دخلت المرسم ورحت عند الوحه اللي كتب فيها رقمه ومسكت القلم وقمت ارسم في نفس الوحه وجهه.. مر الوقت وانا ارسم وبتدقيق.. جات الساعه 11:30م..
تعبت وزاد الصداااااااع وقررت اني اروح اسأل مي عن اللي خلاني ابوي اوقع عليه.. رحت البيت مالقيت امي في الصاله قلت انها اكيد في المجلس مع ابوي.. رحت المجلس لقيت ابوي نايام على الكنب..استغربت معقوله ابوي ينام هنا!!!!!!!!!!!!!!!!!!!!!!!!!!!!!!!!!!!!!!!
رحت لمه بصحيه يروح ينام في غرفته..قلت بصوت خفيف عشان لا يتخرع:بابا..
ماتحرك قلت وانا اهزه:بابا اصحى.. قوم روح غرفتك..طاحت يده من الكنبه!! مسكته وعلى طووول تركتها!! كانت باااااااااااااااااااااارده مووووووووووووت!! حطيت يدي على عيني وبعدها صفعت وجهي في الارض وانا اصرخ..بااااااااااااااااااااااااااااااااااااابااااااااااااااا اا
:
:
:
\سطام\
بعد ماطلعت من من بيت عمي وقفت في محطه باعبي بانزين عشان برجع الرياض وشريت لي كوفي وباكيت سجاير لبانه الي عندي خلص من التوتر بس خلاص ذا اليوم عندي اسعد يوم في حياتي اللي احبها صارت لي حتى لو هي ماتدري رميت على فمي سجاره وانا اركب السياره وسكرت الباب شعلتها وشغلت المسجل على لاذاعه لان الشريط مادري وين هو وماشفت شي..وطفيته رن جوالي وشفت الرقم كان بيت عمي عبد العزيز.. استغربت وش فيه عمي توني طالع من عنده.. رديت عليه قبل لا يسكر:الوو..
سمعت صوت زوجة عمي وشكلها تبكي:سطام الحق علينا عمك راااااااااااااااااح رااااااح..
انفجعت وش تقول ذي صاحيه:ايش تقولين!!؟
قالت: تعال انت وشوف.. وسكرت السماعه..
لفيت عشان ارجع..
ووصلت يمكن في خمس دقايق..
دخلت البيت من دون لا ادق جرس ولاهم يحزنون..
رحت للمجلس ولقيت زوجة عمي وبناتها يبكون حول عمي.. شلته ووديته السياره وتوجهت للمستشفى.. وفي الطريق اتصل علي نايف ورديت عليه وانا مو عارف ايش اقول له:هلا نايف..
قال:سطام ايش فيك!!!
قلت له:ابد ولا شي بس عمي طاح عليـ
قاطعني وهو مفجوع:ايش صار فيه!!!!!!!؟؟
قلت وانا متردد:مادري يمكن سكتــ ـــه..
سكر في وجهي.. ووصلنا المستشفى.. جابو السرير وحطوا عمي فيه وخذوه..
كانت زوجت عمي وبناتها لاحقيني مع السواق..
:
:
:
\لامار\
وصلنا المستشفى وتوجهنا الى غرفة العمليات اللي موجود فيها بابا..لقينا واقف هناك واقف سطام.. سألته ماما: ها وش صار..
قال:ماردو هلي للحين ماطلع حد..
فتحت ماما فمها بترد بس قطعها خروج الدكتور من الغرفة.. راح سطام وماما له.. وماسمعت وش قال لهم لان فجعتني صرخت ماما..
:
:
بسم الله الرحمن الرحيم
((يا أيتها النفس المطمئنة * ارجعي إلى ربك راضية مرضية * فادخلي في عبادي وأدخلي جنتي))
صدق الله العظيم:
: يا دمعت اليتيم ،،، يا أحرُف الأليمة
مات أبي فقولي ،،، للأنفُسِ الرحيمة
يا دمعتي اليتيمة ... يا دمعتي اليتيمة
مات أبي فمن لي ،،، يُلقي الحنان حولي
قولـي لهـم لعلّـي ،,, ألقـــى يداً كريمــة
:
:
صباح يوم الجمعه الساعه 5:00ص دفن عبد العزيز بن يوسف الـ ـ ـي.. وانتشر الخبر في صحف الجرائد..
:
:
\سطام\

طلعت من المقبرى الساعه خمس وشوي بعد ماصلينا صلات الميت ودفنا عمي... ماكنت متوقع ان عمامي واولاد عمامي راح يجون..ورحت بيت عمي..صار العزى في بيت عمي.. والعصر جاو الحريم وجدتي من الريض ..وثلاث ايام على ذا الحال..
:
:
\لامار\
من اول مارجعنا من المستشفى وسمعنا الخبر.. صار مأواي المرسم ولا اكلت ولا شي غير الماي حتى النوم مانمت.. ماكنت مصدقه الخبر.. ابوي تركنا لوحدنا لا اهل ولا اخوا.. ولا حد جاني المرسم غير الخدم اللي يجيبون الاكل والماي ويردون يرجعونه.. ولا حد واساني حتى اختي تؤمي ماجات لي وسألت عني..قمت اناظر في الصور اللي فيها انا وماما ورينال وبابا الله يرحمه.. لفتت نظري الرسمه اللي جنبهم..*رقم نايف* حتى نايف مافكر يجي يطل علي .. اخذت جوالي ودقيت الرقم.. ةانا مو قادره حتى احمل الجهاز من التعب..
:
:
:
\فهد\
كنت جالس مع نايف وسطام في السياره.. كنا في الكورنيش وولا واحد مننا تكلم من اول ما ركبنا السياره الى الحين ولا صوت.. حسيت بشي يهز في مخباي..لمسته لقيته الجوال كنت حاطه على السايلنت عشان لازعجهم بس خليته هزاز عشان لو دقت احس.. نزلت من السياره لما شفت انه رقم غريب قلت يمكن هي.. رديت بصوت خافت مادري ليه:الوو..
سمعت صوت بس ماينسمع الا هم همه !!:نايف؟؟
قلت:مين معي؟؟
قالت وهي تغلي صوتها :انت نايف؟؟
قلت:ايه.. وسكت لاني مو عارف وش اقول لها وبعد ثواني من اسكوت قلت:عظم الله اجركك.. وسكت.. كانت تبكي..
قلت لها: لامار انتي وين الحين؟؟..
قالت وهي تبكي:في المرسم.. ارجوك نايف تعال لي محتاجه لك..
قلت: طيب دقايق واجيك..
وسكرت السماعه لما سمعت ردها وهي تقول:زين انتظرك..
رحت السياره وقلت لسطام ونايف السرحانين..
:انا رايح عندي شغل..
ماحد رد ومشيت الى سيارتي..
:
:
وصلت البيت ووقفت سيارتي بعيد عن المزرعه ودخلت واشوى كان الحارس مو موجود.. لفيت ورا البيت ورحت للمرسم..وقفت عند الباب وانا محتار ادقه والا ادخل على طول قلت ادخل على طول احسن مسكت اليده حقت الباب وانفتح بس مو مني.. ناظرت فيها وجيت بتكلم..لاكن فاجأتني لما ضمتنــــــــــــــــــي.. دخلتها داخل عشان ماحد يشوفنا..وجلسنا على الارض ومسحت على شعرها ورجعت ضمتني اقوى من الاولى.. حطيت يدي على راسها وقمت امسح على شعرها.. وقلت:الله يرحمه يا لامار البكي مابفيده قومي ادعي ان الله يغفر له
.. زادت الضم وهي تقول:..نايف انا محتاجه لك ليه تركتني.. عارف ان ما حد فكر يسال عني..
ضغطت عليه وانا اضمها اكثر.. واقول: ولايهمك انا عندك في أي وقت تحتاجيني فيه.. ولا تلومينهم هم بعد متأثرين ومحتاجين اللي يواسيهم.. رفعت وجهها وكان قريب من وجهي وقالت:بتتركني؟؟
مسحت ادموعها بيدي ورديت:لا ان شاء الله..
:
:
:
:
الفصل2
:
ॐ عد اليها سيدي تحتاج لكॐ
:
"سطام"
بعد سبوع من وفاة العم (الخال)عبد العزيز..
قررنا انا ونايف وفهد ننتقل لـ شرقيه عشان الشركه.. كانت في فله في المزرعه اللي فيها بيت عمي مادري ليه مسويينها..
وصلنا خبر من امي ان خالتي جوزال انها تبينا نكون معهم لان ما معهم حد امي رفضة اني اجلس عندهم
(تقول بدل ماتجلس عند اللي ماتتسمى تعال لي تاركني مع ابوك المريض وتحرس ذي)
تفاجئ الكل لما قلت لهم ان عمي كتب الحلال بأسمي الى حد ميكبرون البنات ويتصرفون فيه..
هم مايعرفون ان حنى مع عمي من صار عمرنا 15 سنه..
:
سكنا معهم شهر ولا دخلنا عندهم بس كنت اتصل لهم اتطمن عليهم واسألهم اذا محتاجين شيء..
وطلعنا بعد ماحصلنا شقه قريبه من المزرعه..
:
طيحت جسمي على السرير من التعب..
جد جد كان تعب..
كان الشغل كثير تركناه يمكن سبوعين..
دخل علي فهد اللي كان متغير مرره..
واللي يشوفه يقول عمره 30 مو25سنه..
هو من توفى عمي الله يرحمه وهو منقلب حاله..
لهذرجه كان متعلق فيه..
هو كان عمي يحبه ويعتبره مثل ولده..
لان فهد ماعنده لا ام ولا اب..
صرخ علي فهد وهو يرفسني برجله..
:هيييييييي يالحبيب وين سارح..صار يسوي كانه بنت مستحيه..عارف اني حلو بس لاتحرجني..ههه
رفسته وانا اقوم:اقولقم بس جهز الغدى..
لف يده على خصري وهو ضابط الدور: حبيبي تعبان؟؟ تبيني احممك؟؟
دزيته وانا اضحك على هباله:ههههه نايف مارجع؟؟
قال وهو يمشط شعره:رجع واللحين يتحمم..
قلت:اهاا اجل انت سخن الغدى باخذ لي شور سريع وباجي..
قال وهو يركض مثل البنات:من عيوني بس اتتأخر عشان مايبرد..
ههه اخذت لي تشيرت وشورت ورحت اتحمم..
:
:
:
\لامار\
جالسه على السرير وانا احس نفسي لامار new..
من عرفت نايف وانا غير حياتي غير..
قمت ورحت الى المرايه وناظرت في وجهي..
معقوله يحبني!!
تذكرت ذاك اليوم اللي كان يوم غريب ..
قبل سبوعين كنت انتظره في المرسم..
الساعه11:2م وهو ماجى غريبه وش صار فيه ..
صرت اتصل له وو:ان ارقم الذي طلبــ ..
صرت ابكي وابكي حسيت نفسي بموت..
معقوله صار لهه شي لا لا ..
سمعت صوت وراي !!
لفيت وجهي بخوف وشوق..
لقيته واقف وبيده كيس وورود..
ويبتسم استغربت ليه لورود..
تكلم لانه وقف فتره وانا اطالع فيه ولا تكلمت:مافيه ياهلا ولا يامرحبا ولا حتى(غمز)
قمت وانا اعدل اشيله ووقفت قباله..
ولاتكلمت وصرت اناظر في الورود والكيس ابي يفسر لي وش المناسبه عشان يجيب الوردد..
مد الورد لي وقال:مالت عليك توقعتك تضميني تبكين تفرحين أي رة فعل وطلعتي طرمه..
سألته:ليه الورد؟؟
قال وهو مبتسم :بس كذا عجبني وجبته لك..
سكت شوي لاني كنت مبلمه اول مره حد يهديني ورد..
وبعدها قال:عجبتك؟؟
امتلت عيوني دمع ماكنت عارفه كيف ارد له الجميل..
كان يناظر فيني مستغرب..
شوي وطيحت جسمي عليه وضميته ماكنت عارفه كيف اشكره..
ضمني هو ازيد ومادري كم ضلينا وحنا ضامين بعض يمكن اكثر من ربع ساعه..
بعدها حسيت اني طولت..
استحيت على وجهي ورفعت راسي لقيته مغمض عينه بس فتح لما حس..
وناظرني وكأنه يسأل..
حاولت ابتعدد عنه بس رجعني وهو يقول:ليه يلامار كل ما اقول خلاص تبتعدين؟؟
قلت وانا خايفه من نبرت صوته:كيف يعني؟؟
قال وهو يقوي ضغط يده على جسمي:انا احبك..
:
:
ابتعدت عن المرايه وانا فرحانه وحيرانه من ذاك اليوم ماشفته ولا كلمته..
فكرة اني اتصل له بس ايش اقول له!!!
اروح المرسم احسن لي..
:
:
:
\فهد\
بعد ماتغذينا او تعشينا نام سطام هو نايف وصرت لوحدي..
طرت على بالي لامار(وهي متى راحت)
وحشتنـــــــــــــــــــــــــــــــــــــــي..
رفعت جوالي بدق عليها..
بس شلت هالفكه من بالي وقمت الغرفه..
لبست ثوب وتكشخت بشماغ ومسكت مفتاح السياره بعد ماتعطرت..
وطلعت
:
:
رحت بيت العم عبد العزيز الله يرحمه..
دخلت من الباب الخلفي حق المزرعه عطني لامار مفتاح له..
هو صدق المسافه طويله بس لجل عين تكرم مدينه..
وانا امشي لفت انتباهي شي على الارض كان بعيد نوعاً ما..
تفربت له لقيتها لامار جالسه تكتب جيت بتكلم الاوجوالي يرن..
في نفس الوقت اللي رن فيه الجوال كانت لامار واقفه عند النافذه ولامار معي منبطحه على الارض!!!!
:
:
:
انتهى الفصل الثاني
من الجزئ الحادي عشر


تحياتي