كاتب الموضوع :
زيم الروم
المنتدى :
القصص المكتمله من وحي قلم الاعضاء
 هاقد ابتسمت الحياة وبدءت ارى شعاع الشمس واتمتع برائحة الزهور وابتسم بالنوم واضحك بالصحو
والاهم وجــــدته هو روحــــــــــي نعم وجدته عيناه شفتاه يداه هو من اردته احببته لكن خائفه ***ممن لا اعلــم
الجزء الرابـــــــــــــع
بعد اسبوع من العزومات اليوميه عند اهالي عبدالعزيز القت ب بنفسها على الكنبه وتنفست الصعداءفي غرفة الجلوس بالجناح المخصص لهم قالت
- اخيرا خلصت العزايم
مع تقطيبه لانها ماكانت راضيه عن اخر عزومه عند خالت عبدالعزيز لان سماح كانت تضايقها بتعليقاتها الجارحه عن العرس والزواج وخاصة الفستان
بالنسبه لها موضه قديمه حيل وسوالها الدايم لخالتها عن عبدالعزيز وتحسسها بكلامها عن طفولتهم انه ملكها بدون احترام لمشاعرها
-أيه اخير ياحبيبتي ليه احسك متضايقه وجلس مقابلها 00انتبهت على صوت زوجها
-لا ابد كيف اتضايق وابو عيالي وروحي معي
-غريبه عندنا اعيال متى جبناهم؟ مع تقطيبه مزح
-اقول اعقل تراني عطيتك وجه بزياده
وضحك
-هاهاهاها
-هــــــــــــــه وهي تققطب وجها بعدين صار صارو يضحكون مع بعض
حست برعشه تسري في جسمها كل مكان يضحك لانها تحب ضحكته القويه
-عبدالعزيز بجد ممكن اسئلك ؟
-سئلي واتمنى ان يكون يخص الشي الي مضايقك
-تقريبا بصراحه دايم احس ان سماح تحسسني اني سارقتك منها ابي اعرف انت قبل تتزوجني بينكم شي
-من سماح؟
-سماح بنت خالتك عائشه
-بعصبيه فزمن الكنبه الي جالسين عليها
-اكيد لا هي مجرد بنت خالتي واخت ولو ابيها كان من زمان خذتها
-0 طيب ليه العصبيه انا اسفه كان مجرد سوال
00تخلل صوتها نبرة ندم
-لا حبيبتي انا الي اسف المفروض اني ماعصب كذا00مسك يدها بحنان وقبلها
00لكن شي في داخلها يقول انه فيه شي ماهو معقول وحده مثل سماح جذابه وجميله ماتلفت انتباه وعصبيته شبه دليل
00نستيني المفجاءه
بحير ه ردت
- أي مفاجاه
-المفاجاءه ان انا وانتي راح نسافر بعد كم يوم لشهر العسل
-على وين انشالله
-لمدينة العطور باغيس يعني باريس
-امممممم شي جميل
-ماشوفك فرحانه بهالمفاجاه
-لا ابد بس كنت اتوقع نروح لمكه على الاقل نشكر الله انه جمعنا مع بعض
-ولايهمك ياعمري مكه مكه
-صحيح قل والله
-والله يازوجتي وام عيالي وهو يتنهد
-عّزيز اعقل لاتنسى ان توني عروس واستحي
-لا قولي والله انا اصغر عيالك تسميني عّزيز ياحليمه
اما سالفة الحيا قوليها لامك تصدقها اكثر مني 00
ضحكت
00عبدالعزيز ذكرتني بامي الله يذكرك بالشهاده ودي اروح لها من يومين ماشفتها واتصلت بالبيت تقول مااري ان امي تعبانه 00
-سلامتها خلاص انا اوديك وبالمره نوديها المستشفى
-ماتقصر عسى يومي قبل يومك
-وش هالكلام ياحلام انا ماني غريب وامك هي بمثابة امي وعلى فكره راح نجيبها تسكن معانا على الاقل يتسلون مع بعضهم امي وامك ويصفى لنا الجو وابتسم بخبث00
قالت وهي تضحك
-هذا الي هامك وانا اقول غريبه صاير طيب
-ليــــه شايفتني وحش
-ههههههها طالع المرايه وهي تقولك
امزح يالخبل
-هاهاها
انا عبدالعزيز رجل الاعمال المشهور من ساعه ينقالي عّزيز واحين خبل صحيح الي قال الي يعيش ياما يشوف 000
جلست تضحك بقوه ومن الضحك بدون ماتحس اضربته بيدها على كتفه كمزح
مسك عبد العزيز كتفة ومبتسم وعلامة تعجب مرسومه بوجه
-لا وانضرب بعد 00
وصارويضحكون وكذا ايامهم كانت كلها سعاده وضحك ومزوح
000
-قوه يمه و هي تحب راسها
-هلا والله بنتي نور المكان بوجودك
-النور نورك يمه اشتقتلك حيل
-تشتاقلك العافيه البيت اظلم من بعدك ياحلام
-يمه انا وعبدالعزيز نبقاك تنتقلين عندنا وهو جاي الحين يكلمك بالموضوع بس يوقف السياره
-لا يابنتي مااتقصرون لكن انا ماقدر انام في بيت غير بيتي
-لكن يمه انا احاتيك على الاقل لما تكوني يمي اطمن اكثر واقدر اعطيك ابرة السكر بموعدها
لاتحاتين يابنتي هذانا بخير وصحه و ماني بالحالي -معي مااري وجبريل وام محمد ماتقصر كل تجي عندي ونتسلى مع بعض وان كان على ابرة السكر
ام محمد اتفقت مع
بنت الجيران سلوى هي ماتقصر تجي وتعطيني اياه صبح ومساء وتاخذ اجرة تعبها000
نزلت احلام راسها بزعل
- شكلك تبقي تحرميني اجرك وشوفك
- ليه ياخالتي تزعلين احلام00 دخل عبدالعزيز وماحست بوجوده الا يوم تكلم
ورفعت راسها لزوجها حبيبها
- قلها ياعبدالعزيز ماهي راضيه تسكن معانا
- هلا والله بولدي عبدالعزيز قبل راسها وجلس جنبها
ينظر لوالدتهاا بحنان 00
-انا قلت لامي ياخالتي وفرحت كثير والحين تلقينها جالسه تجهزالجناح لك وللخادمه اكيد راح تزعل ان رجعنا بدونك
- خلوني على راحتي و الوالده على عيني وراسي - - ماهي غريبه على انسانه طيبه مثلها وانتو الله يهنيكم بصراحه انا ماقدر اترك بيتي الي قضيت عمري فيه عالحلوه والمره ارجوكم لاتغصبون علي
- خلاص ياخالتي على راحتك بس بشرط تقومي الحين معنا نوديك المستشفى
- ليه ياولدي مافيني شي والحمدلله
- لاتخبي يايمه تقول مارري انك تعبانه وذا شي واضح حيل بوجهك
- تعب خفيف بس يابنتي
- قومي نوديك و لا والله راح ازعل منك بجد
- الي تشوفونه ياعيالي
- قامت احلام وحضنت امها
- الله يخليك يايمه لنا ويطول عمرك
وفي هذا الوقت عبدالعزيز يطالع في احلام ويحمد الله في خاطره انه عطاه هالانسانه الحنونه
0000000
في فجر السبت انتبه عبدالعزيز من النوم وانقلب على جنبه الايسر ومد يده يتحسس مكان احلام ولقاه فاضي وبارد وذا دليل انها قامت من فتره طويله
نهض من السرير وخذ يتطلع للغرفه الي كان يملا ه نورالفجرالباهت ونسيم الصباح يتلاعب بالستائر الشفافه بنعومه الغرفه خاليه
نهض من السرير و هو يتسئال بنفسه وين تروح في هالوقت
لبس روب النوم و
خرج من الغرفه ومشى في الممر وكان قلبه ينبض بشده حس بالخوف عليهاو مع كل خطوه يزيد النبض واثبت له هذا الاحساس وش قد هي هانسانه غاليه ومهمه في حياته
انتبه ان باب غرفة الجلوس عن يمينه مفتوحه وكان يصدر منها نور خفيف
اقترب منها وسمع صوت خافت ودخل بهدوء هذه احلام جالسه على سجادة الصلاه وتدعي بصوتها الناعم حس براحه كبير تغمره وقرب منها بدون ماتحس فيه وكل ماقرب اكثر وضحت الكلمات اكثر(( اللهم استر عنه عيوبي واستر عني عيوبه واظهر له محاسني واظهر لي محاسنه ورضني بما رزقتني وبارك لي فيه اللهم امين ))
وونهضت وهي تخلع جلالا الصلاه بهدووء تسفط السجاده وترتبها
- جمعا ياحلام
- ها عبد العزيز روعتني وهي تحط يدها على قلبها
- بسم الله عليك ياعمري وجلس فوق الكنبه
- جمعا انشالله ثانيا لاتعيد هالحركه مره ثانيه لاني - بجد تروعت ثالثا قم توضى وصل وهذه اخر مره تصلي بالبيت انازوجي ابو عيالي يصلي بالمسجد مثل ماتفقنا بمكه تذكر00
- ابتسم لما قالت ابو عيالي يحب هالكلكمه لما تقولها
وكانت تذكره بااول سبوع زواجهم يوم قالتها والحين مضى شهر يالله الايام تمشي بسرعه امس كان اخر يوم العسل بالنسبه له ولاحلام
- ها وشفيك مارديت لايكون كلامي ماهو عاجبك 00وجلست جنبه انتبه من ذكرياته على سوالها
-لاابد بس انتي عارفه ان المسجد بعيد عن البيت
-عارفه هالشي بس ماتدري ياعبد العزيز ان كل ماكان المسجد بعيد كان افضل فيهافكر فيها زياده حسنات ماسمعت عن فضلل الصلاة في المسجدخاصة صلاة الفجر قال رسول الله صلى الله عليه وسلم (بشرالمشائين بالظلم الى المساجد بنور من الله يوم القيامه)
عليه افضل الصلاة والسلام
000000
- احلام تدري اني احب فيك هذا الشي الي هو حبك لله وتدينك00 قال كلماته وهو يتذكر بكائها لما وصلو مكه ووقوفهم امام الكعبه المشرفه واحساسه بالخوف عليه واعتقاده انها يمكن تكون مريضه واكتشف انهاتبكي بسسب خشوع قلبها لله لاغير
- حب الله ياعبدالعزيز شي عظيم لانك لما تحبه ترضى بكل شي قسمه لك والله يجازيك ان يحبك ويحبب خلقه فيك
- والنعم بالله ياحلام من اليوم راح اصلي بالمسجد باذن الله
- طيب يابو عيالي انا راح اسبقك تحت عند امي نوره وانت صل وتعال
عشان نفطر معاها قبل لانطلع لاعمالنا 00
--------
في البنك
-اخير العروس شرفت صدقيني لما خوفي من الساحره تخصم علي كان فزعت البنك من الزغاريد 00
ردت احلام وهي تجلس على كرسي المكتب وتواجه لوحتها ا المفضله
-ماتقصرين ياردينه
يالله ياردينه اشتقت
لكل شي لك ولمكتب حتى الساحره على قولتك اشتقت لها
- اقول فكينا من طاريها وقوليلي نبذه وش سويتي في شهر العسل وشخبارك مع الدبدوب
- سواة الله ابرك الحمدلله متهنيه وعبد العزيز ماهو مخليني محتاجه شي ثلنيا ماهو دبدوب
- الله الله على الحب عقبالي يارب00
-ها هاها
-احلام وش اخبار اهل زوجك معك اتعرفتي عليهم ولا لسى
- ايه تعرفت عليهم ماقصرت امي نوره زرتهم معاها ووهم ناس طيبين استقبلوني احسن استقبال
احلام بقولك شي ومتردده 00
جلست في الكرسي المواجه لاحلام
- قولي ياردينه 00
ارتسمت في عيونها نظرة حيره
- بصراحه في وحده من اهل زوجك كانت في الزواج ماعجبتني بطريقه كلامها عنك في وقت الزفه كنت واقفه قريبه منها و كانت تستهزء مع صديقاتها عليك وتقول انك انسانه متواضعه من الناحيه الماديه وماعندك ذوق في الملابس وفستانك يفشل كنت راح اوقفها عند حدها بس ماحبيت اسوي مشاكل واخرب زواجك قلت اقولك عشان احذرك منها 00
- مشكوره ياردينه على احساسك وغيرتك علي
انا شاكه في شخصيتها اتوقع انها تكون سماح بنت خالة عبداعزيز00
-أيه اسمها سماح كيف عرفتي 00
خذت قطعة كاكاو من السله ألي احضرتها احلام والتهمتها
- تذكري ليلة العزومه لما ام عبدالعزيز عزمتنا بمناسبة رجوع عبدالعزيز لسعوديه اذا ذكرتي راح تذكرين كيف سلام سماح البارد لي
- ايه اذكر واذكر كيف كانت تطالعك بحقد شكلها كرهتك من ذيك ليله
-الله يسامحها مدري ليه لاني قابلتها بعد كذا واحس ان موقفها تجاهي متغيرغريب 0
احلام الحمدلله على السلامه والف مبرروووك
فاجئتهم المديره بدخولها هلا والله وقامت تحيها وحيوا بعضهم
-الله يبارك فيك
- نور البنك اليوم
- منور بوجودك والله 00
اول مره تشوف المديره مبتسمه بفرح ياترى فرحانه لها او لان زوجها رجل اعمال وتحاول تكسبها لصالح البنك
00ردينه ليه تاركه مكتبك
ردت ردينه متعلثمه وكادت تغص بالحلاوه وبيد ترتجف
مد ت السله للمديره
- باروح الحين بس قلت ابارك لاحلام اول واطمن عليها
- خذة المديره قطعة شكولاة وابتسمت الاحلام الف مبرووك مره ثانيه استاذن انا الحين وردينه ابغى اشوفك في مكتبك بعد نص دقيقيه 00 وخرجت
- ييييييييييييي سمعي شتقول مفرقة الجمعات هذي
- هاهاها عليك سوالف ياردينه يالله روحي المكتب - بسرعه قالتلك نص دقيقه بس واحين دققتين مرت
- ياله باي 00
طلعت ردينه ورجعت احلام تجلس على كرسيها
ورن جوالها موضوع على سطح المكتب وكان يصدر نغمه خاصه مع قلوب حب تتطاير رفعته وردت بابتسامه
00الووووومين
- يعني ماتعرفين مين خوش جوال الي مافيه كاشف
- لو سمحت قول من تكون ولا راح اقفل حاولت تكون جديه
- قلبي الي في الكاشف يقولك مين انا00
ضحكت برقه
-القلوب كثيره في الجوال أي واحد فيهم انت
-شففتي القلب الكبير هذا انازوجك المصون و الصغار الي يطيرون اعيالنا تاكدتتي
وضحكت بقوه 00
- ايه اتاكدت الحين اقولك نعم يابو عيالي
- شخبارك مع العمل
- الحمدلله ماجاء احد من العملا للحين وهذا انا قاعده اربي شحوم بمعنى اخر اشرب قهوه وقربت اخلص على سلة الحلويات
وانت وش تسوي
- جالس مالي خلق لشغل قاعد افكر
- تفكر في مين اعترف
- افكر في عصفوره سميننننه تشتغل في بنك
وانا خايف عليها تتعب ويخف وزنها ودايم اقول لها
استقيلي وهي رافضه 000
ضحكت
- عبدالعزيز بجد انت عارف رايي بالنسبه لهذا الموضوع اولا انا احب اني اكون انسانه مستغله بنفسي
لكنك مانتي محتاجه للعمل تعرفين اني غني واقدر احقق لك ألي تتمنينه
- يازوجي وحبيبي ادري والله انك ماتقصر لكن العمل ماهو ماده بس العمل بالنسبه لي شي معنوي يعني تحقيق لذات واثبات وجود
- لكني انسان احب اشوف زوجتى في البيت لاجيت من العمل
- ليه لا سمح الله انا مقصره في حقوقك هذا انا تركت مركز التحفيظ حتى اتفرقلك
- غلبتيني اتركك الحين حبيبتي عندي مقابله هالوقت وانا تاخرت
- مع السلامه عمري وخلي بالك على نفسك 00
وقفلت االجوال
00وراحت تفكر بالحياه الجديده الي عايشتها قبل شهرين لو احد قالها انها راح تتزوج راح تقول عنه مجنون سبحانه مغير الاحوال اول تكره شي اسمه زواج بسب كرها للرجال والحين تحب وتشجع على الزواج لعيون رجل دنيا غريبه
اسرت لنفسها بهذه الكلمه وهي ترتشف القهوه بهدوء
00000000000
تردد اصداء المنبه في الغرفه نبه احلام من نومها في وقت الفجر فتحت عيناها تتطلع الى سقف الغرفه تحاول تتذكر وين هي فكرت بعد ماوضحت الرويا وتعودت على الظلام غرفة نومها القديمه في بيت والدتها اخذت تفكر انها اول مره تبتعد عن عبدالعزيز من تزوجو وهم مع بعض اليوم له اسبوع من سافر ياالله بقت اسبوع غير الي مضى ويرجع راحت االدموع تتساقط من عيونها وحشها كثير وغم انه يحاول يكلمها كل يومين وصوته كان تعبان من العمل فهمت منه ان المشكله كبيره راحت الذكريات تمر امام عيونها وكلماته تترد صداها في اذانها
احلام خلي بالك من نفسك كلها اسبوعين احل المشكله في الشركه االرئسيه في كندا وراجع0
خلي بالك من امي تعالي لها او اتصلي عليها كل يوم شوفيها اذا كانت محتاجه شي
- بدون ماتوصي امي نوره في عيوني لولا امي ماهي محتاجه لي وسفرك فرصه اجلس معاها كم يوم كان جلست مع امي نوره في البيت 0
الله يردك بسلامه ياعبدالعزيز ومسحت دموعها وصوت الامام في المسجد القريب من منزلهم يقيم الصلاه
0000
-احلام يكفي يابنتي الي طبختيه تعبتي نفسك في المطبخ خلي الخدم يكملونه عنك واختي وبنتها سماح ماهم غريبين
لا يايمه لازم ابيض وجهك قدامهم وارويهم ان عندك بنت شاطره في الطبخ
الي تشوفينه والله انتي بنتي الي ماجبتها
قربت احلام منها وناظرتها بحنان وابتسمت
- انتي روحي صلي العشاء وجهزي نفسك وانا طالعه وراك بس ادخل الحلى في الثلاجه وطالعه - -الي تشوفينه يابنتي ليت عبدالعزيز معنا 00وبكت
- يمه خلاص راح تبكيني عبدالعزيز كلمني امس يقول راجع بكره ترا بقوله انك كل تبكين وراح يزعل 00
- الشكوى الله يابنتي قلب الام
واحضنتها احلام وهي تقول
- يالله روحي صلي يايمه وادعي لنا دعوتين حلوين معاك
طلعت المراه العجوز من المطبخ وانفجرت احلام تبكي ماقدرت تمسك نفسها اكثر 000
نوره ياوخيتي لذيذهاالعشااء من أي مكتب جايبه الطباخه
حتى نجيب منه لان الطباخه ألي عندنا ماينوكل طباخها
- الي عامل الاكل ماهي طباخه هذه ابنيتي احلام
جلست احلام تراقب ردات الفعل ام سماح ابتسمت وسماح ألي كانت تاكل بشراهه وضعت المعلقه من يدها وقطبت
- ايه خالتي نسيت اقولك الرز ماااالح
- بالعكس انا كلت منه ماهو مالح
- يعني انا اكذب ياخالتي الله يسامحك
ردت احلام وهي تناضر هالانسانه الحقوده
-يمكن يايمه كاني زودت الملح شوي
- انا خلصت وراح اسبقكم على الحديقه رودددا هاتي لي الشاي
قامت سماح من طاولة الاكل وهي تتمايل بجسدها النحيل كانت مرتديه بنطولون ابيض ضيق واحلام تتسال في نفسها كيف دخل فيها وبلوزه فوشيه تظهر اكثر مما تخفي وشعر طويل مصبوغ باشقر يتمايل معاها رغم استنكار احلام لملابس سماح الا انها00 ماتنكر انها جميله جدا
وفي الواقع احلام اجمل من سماح وسماح عارفه هالشي وهذا الي زاد كرها
-وانا بعد الحمد لله
قامت ام سماح ولحقت بنتها بدون أي كلمه حتى لو كانت مجامله
- تسلم يدك على العشاء ياحلام
- الله يسلمك يايمه انتي روحي عند ضيوفك وانا راح اشيل السفره مع الخدم
ومضت اليله في توتر الى ان قادرو وكانت سماح تستفز احلام بكلامها عن عبدالعزيز
وذكرياتهم
في غرفة الجلوس جلست احلام مع العجوز
-احلام لاتزعلين من سماح تراها انسانه طيبه لكنها متهوره
-ابقى اعرف يايمه ليش تكرهني من عرفتها وهي تعاملني كعدو وانا ساكته عشانك وعشان عبدالعزيز الاانا قادره اوقفها عند حدها بصراحه بسئلك في شي بينها وبين عبدالعزيز قبل مانتزوج
سكتت العجوز واحلام تدعي الله في داخلها ان يكون جوابها لا
- بصراحه ايه
غمضت احلام عيونها بالم ليش عبدالعزيز كذب عليها تماسكت وقالت
-ممكن اعرف ايش هو
-كان مخطوبين لبعض لما سافر عبدالعزيز تعرفت سماح لشخص عن طريق الانترنت ولما عرف انها غنيه خدعها وقالها انه غني جدا وخطبها وتزوجو وبعد فتره اكتشفت انه نصاب وكان يكذب عليه واشترط عشان يطلقها تدفع له مبلغ كبير وطلقو طبعا عرف عبدالعزيز وكانت تفتكر انه راح يسامحها والسنين ألي قضاها في الغربه راح تنسيه رجع وحاولت ترجع العلاقه ماقدرت وطلب مني عبد العزيز اني اخطبله حتى يوقفها عند حدها ومالقيت وحده احسن منك وتستاهل عبدالعزيز غيرك 00
ساد الصمت فتره واحلام كانت تحاول تستوعب الكلام والصدمه ان عبدالعزيز كذب عليها 00
- اشكرك يايمه على صراحتك
انا رايحه انام الحين
- ماراح تروحي بيتكم للوالده
- لا انا قلت لها اني راح انام هنا اليله لاتنسي ان عبدالعزيز جاااي بكره
-احلام اتمنى ان كلامي ماياثر على سعادتكم
-لاتخافي يايمه على الاقل عرفت ليه سماح تكرهني تصبحين على خير
- وانتي من اهله
00ظلت احلام تتقلب في السرير فتره طويله جفاها النوم كانت تحس بركان من الغيره يتفجر في صدرها
ليه ياعبدالعزيز خبيت علي وصوت يرد عليها من حقه انه يخبي لان سماح ماضي وهو حر ومالك حق تحاسبينه انتي الحاضر وهذا اهم شي اه ياقلبي اسكت
واستمر الصوت في داخلها واجهي هالانسانه وقفيها عند حدها عبدالعزيز زوجك ملكك انتي ماهو ملك لسماح ولااي امراه ثانيه ونامت على هالخاطر000
انتبهت من النوم على صوت حركه الباب الخارجي للجناح تفتح
قامت من السرير مفزوعه
وكلمــــة حرامي في بالها كبيره ؟؟؟؟
مني خذوه
الجزء الثاني
انتبهت من النوم على صوت حركه الباب الخارجي للجناح
تفتح قامت من السرير مفزوعه
وكلمــــة حرامي في بالها كبيره
يارب الطف كيف ادافع عن نفسي وانا الحالي صارت تبحث في الظلام عن شي تدافع فيه عن نفسها مايقتل بس يفقد الوعي مافيها شدة شرطه وسجن مره كان عقلها يفكر بسرعه سمعت ان الضربه خلف الراس تفقد الوعي طاحت عينها على وعاء الزهور الزجاجي قالت لنفسها يمكن ينفع واذا مانفع مالها الانصير المراة الصراخ حملته بهدوء وقلبها يخفق بشده تخبت في دولاب عبدالعزيز بدون وعي يمكن لانه يمثل الامان له حتى ولو شي من ريحته يقويها
قالت يمكن يطلع و يروح لامي نوره بدون ماضربه لازم اضربه اطلعت مالي الاوراء الباب لان ماراح يشوفني الا اذا وصل لوسط الغرفه وصوت الاقدام يقترب من غرفتها
انفتح الباب بقوه وثقه وتقول في نفسها حرامي اخر زمن يمشي كنه في بيته ومن خلال النور المنبعث من الصاله ارنسم ظلال الحرامي بشكل طولي واستعدت اول مايدخل راح تضربه من وراه وسطع النور وهي خايفه اكثرهذا الي ماحسبت حسابه حرامي يسرق والنور مولع غمضت من قوة النورفتحت عيونها وتقول في نفسها الحين اللحظه الحاسمه تشجيعا لها سمعت خطوات الحرامي وهو يدخل الى ان اصبح في وسط الغرفه وبدون تفكيروبحركه مسرعه
مشت تجاه الرجل من وراه وطررراخ وتناثر الزجاج
طاح الرجل على وجه مغمي عليه واحلام تجمدت من الخوف ماقدرت تمشي وظلت ثواني تناظره راحت تفكر حرامي يسرق وهو متشيك بدله غريبه لحظه هالشكل ر ماهو غريب عليها
عبد العزيز وهي تصرخ باسمه جلست جنبه ودموعها تسابق حاولت تقلبه عشان تشوف وجه - - عبدالعزيز
لاتموت لاتموت وهي تصارخ
غلبته وجه كان متجمد عيونها تلتهم وجه تدور اشارة حياه
فجاة نطق
-لا وانفلع بعد
ماعرفت تضحك ولا تبكي
- عبدالعزيز انت حي حي
فتح عيونه بالم وراح يتحسس راسه
- أيه حي لحسن حظي ان الي ظربتيني فيه ماهو ثقيل
وبحيره كمل كلامه
- غريبه سمعت الي يرجع من السفر تستقبله زوجته بالورد والابتسامه ماحد قالي انه البعض ينظربون
ضحكت
-00انا اسفه
- فكرتك حرامي وانت ماقلت لي انك راح ترجع اليله تستاهل
- بعد استاهل ابي اعرف وش الي كان حادني على الزواج
استفزها وفكرت اكيد يبقى يرجع لسماح وبعصبيه ردت
- خلاص
طلقني وهي تقف بتحدي
حاول انه يقوم حس بالم فظيع براسه اييييي
صدرت عنه تاوه وتراجع
جلست بخوف وهي تمسكه
- عبدالعزيز وش فيك صارت تبكي قوم نروح المستشفى 00
رد
- مايحتاج مستشفى بس نوم وينتهي كل الوجع وكان يطالع فيها بحنان
- ليه تبكين
- من يقول اني ابكي
- لا اكيد غبار دخل في عيونك
ونزل الدموع
وضحك وضكت معه من خلال دموعها
- ساعديني اقوم امسكت يده وهي تشده ونهض بصعوبه ماتركت يده الى ان جلس على الكنبه وجلست جنبه
- غريبه انتي قايله انك راح تنامي بيت امك وش جايبك
- ابد امي نوره جاينها ضيوف اليله وحبيت اساعدها وقلت بالمره انام هنا مادامك راح ترجع بكره
- وليتني رجعت بكره يمكن حصلت استقبال افضل
- عن جد عبدالعزيز انا اسفه ماكنت افكرك انت
- لاتاسفين 00 على الاقل ذا يطمني ان عندي زوجه قويه وماتهاب
- ألي ماتهاب على قولتك كانت تنتفض مثل العش وراء الباب
- اشتقتلك ياحلام
يناظرها بحنان وشوق وهي بالمثل
- ماتدري كيف مضت الايام من دونك ياعبدالعزيز ونزلت دمعه على خدها
- احلام
- ها نعم
- دخل اغبار في عيونك
وهو يبتسم وابتسمت احلام بدورها 0
******
الو ماري
- نعم مين
- انا احلام ماري كيف حال ماما االيوم
- مافي كويس كله اليوم صيح
- ليه هي مريضه
- لا بس خلاص تجي عبدالله اليوم الصباح مع واحد نفر شوف بيت بعدين كلام قوي مع ماما بعدين ماما صيح مافي اسكت ومافي غدا 00!
- خلاص ماري انا جايه الحين
واغفلت السماعه وهي ترتجف من الغضب 00!
- عبدالعزيز عبدالعزييز
وهي تبحث عنه في الجناح
- نعم احلام انا في غرفة الجلوس
دخلت والعصبيه مرتسمه في معالم وجهها
- قم ودني بيت اهلي
وضع الجريده على الطاوله القريبه وبحيره
- خير انشالله صاير شي
- ليه لازم في شي عشان اروح بيت امي
بلهجه صارمه رد عبدالعزيز
- احلام انتبهي لنفسك وشوفي كيف تكلميني
بلهجة اسف وندم
- اسفه ياعبدالعزيز لكن
وسكتت
- وش صاير اتكلمي
- ابد شوي مشاكل وامي تعبانه
- انا لي احق اعرف لاني زوجك والي يهمك يهمني الااذا كان عندك راي ثاني
- ابد00 اخوي عبدالله من قبل مانتزوج وهو يبقى يبيع البيت
لكني وامي رافضين وصار زواجنا وسكت وفكرت ان الله هداه ونسى لكني اتصلت من شوي على البيت وقالت لي ماري ان عبدالله جاء البيت ومعه واحد وامي تبكي وانا متاكده ان هالواحد مشتري
اخذ عبدالعزيز يسمع بصمت ثم قال
- احلام عطيني رقم اخوانك اتفاهم معاهم
- انت ماتعرف اخوي مستحيل يسمع لاحد غير نفسه
- انتي ماعليك احنا رجال ونفهم لبعض
- انت عطيني رقم تليفونه ومالك شغل
0000000000
- يالله ياعبدالعزيز وماتدري وش اكثر اعشق البحر
واخذت نفس عميق وعبدالعزيز يضحك وصوت الامواج يتردد بانتظام
- شوف الشمس احب هالوقت لما الشمس تبدى تتلاشى
تعرف وش يخطر في بالي
رد وهو يفكرويناظرها بسعاده
- ايش ياحلام
عبدالعزيز سعيد وفرحان لسعادة احلام ماتوقع انها راح تكون سعيده لهذه الدرجه لما قال لها انهم رايحين الدمام
صارت تضحك مثل الاطفال وتنط وتفاجا
- لان الله يثبت لناس انه كبير وعظيم كل شي يزول الاهو حتى الشمس بحجمها وعظمتها زايله وميته لامحاله حالها حال الخلق والله جعل الغروب ايه
لاابن ادم وانها تكرر كل يوم يدل ان الله قادرانه يحي ويميت 00
- والنعم بالله ياحلام
اخذو يتمشون بهدوء على الشاطى المقابل لشليه الشمس اختفت عن الانظار كليا
- احلام وين تبقى نروح اليله
- الملاهي
ضحك متعجب
- كنت اتوقع انك تقولي مطعم فاخر مجمع لكن ملاهي
- انا وحدة تحب شي اسسمه ملاهي جرب العب تحس بمتعه مجنونه شعور غريب من الاثاره والضحك المجنون
اتوقع تفسير هالشي ان الانسان يحس بالمتعه المجرده لما يقترب من الموت بركوب الاخطار والدليل ادمان المغامرين بالاشياء والهويات الخطيره حتى لو كان الثمن حياتهم
- احلام ملاحظه شي
- ايش
- صايره بروفسوره اليوم هو البحر فتح شي في عقلك
- هاهاهاه ضحكتني بجد يالله خلنا ندخل تلقى امي وامك يحاتونا
- ياله 000
في االملاهي
- ها وش قلت
- عن جد استمتعت كثير كنت اقول اول انها هباله
خذو يتمشون على باقي الملاهي
- تصدق انااحب هذه الملااهي كثير لانها تذكرني بطفولتي لما كنت اجي مع امي وابوي
- ذكريات سعيده
- بالعكس
جا في بالها كيف ابوها مغطب حواجبه يجيبهم بعد هواش مع والدتها حتى يفرحو بالعيد وتنتهي الرحله بهواش اكبر
حست بالغصه بحلقها
- انسى خلنا نكمل على باقي الالعاب
امسكها من ايدها واجلسها عند كراسي بجانب السور االفاصل بين الملاهي و البحر وصوت محمد عبده يصلهم من مركب سياحي راسي في الملاهي
- احلام من تزوجتك ماقلتي لي عن ماضيك وطفولتك وانا احترمت صمتك
قالت في نفسها وانت بعد لكن ماتجرءات انه تقوله في وجه خاصة وحنان نظراته تدفعها للبكا وتشجعها انه تقوله عن عذابها الي تناسته من وجوده بحياتها
- وش تبي تعرف
- حياتك طفولتك و000
الشي الي معذبك
بدون ماتحس خرجت تنهيده معذبه من صدرها
- ابد حياتي عشتها مثل ملاين الناس
وحكت له عن حياتها لكن هالمره كانت تحس وهي تكلم ان الهموم تنزاح و غشاوة العذاب تختفي
احلام نطق اسمها بلهجة تعاطف كان يتمنى ان تكون عنده عصااا سحريه وبلمسه يبدل ماضيها الحزين بسعاده
ردت بثقه وابتسامه هادئه
- عبدالعزيز لاتحسب اني زعلانه بالعكس انا ماا انكر اني كنت احس بالحزن بعض الاوقات لاتذكرت الماضي لكني اعتقد ان الانسان الي يمر بتجارب وهو صغير تاثر على شخصه في المستفبل بانه تساهم بتحطيمه وتخليه انسان عاجز نفسيا يانسان قوى وتقسي عوده وتخليه انسان ناجح و متحدي في تحطيم الصعاب ولوما مريت بتجارب ماكنت انا احلام الحين ا واعوذ بالله من كلمت انا والدليل اني ناجحه في عملي وزواجي باذن الله كذلك اخواني رغم ان االظروف بعدتنا عن بعض وقست قلوبهم علينا انا وامي
الا انهم ناجحين في حياتهم والي سمعته انهم يحبون اطفالهم حب جنون سكتت وهي طالع بالقمر من خلال فتحات النقاب
- عبدالعزيز
- نعم وهو يطالع فيها
- وش اسم الاغنيه الي يوصلنا صوتها
- بنت النور لمحمد عبده
- ادري انها ل المغني محمد عبد ه هداه الله لاني سبق ان كنت من عشاقه لكني تبت والحمدلله بس شكلك اليله بتخربني مجلسني قريب من الاغاني وضحكت
ابتسم
- احلام انتي سعيده معاي
- بعد سنه جاي تسئلني هذا السوال
- عن جد ردي لاني محتاج اعرف
- اكيد كيف ماكون سعيده معك خاصة اليله وارخت صوتها وناظرته وهي تقول
- انا وانـــت والقــمر والســور
والبحر والــيل ومحـمد في بنـت الــنور
قلــي بالله كيـف باوصــف هذا الشــعور
باعجاب صادق رد
- لا شكلي متزوج بر فسوره وشاعره وهو يبتسم
ردت وكانت تناظره بحنان
- من عرفــتك00 سكــني الشــاعر
في بعـــدك00 اســئل ليــلي والمـشاعر
يشـــهد لك00 بالغــلا دمــعي النــاثر
- احلام ترا بموت من الكلام الحلو ألي تقولينه بجد يدل على احساس جميل
- بسم عليك من الموت جعل يومي قبل يومك ياعبودي
- احلام لاتقولين هالكلام بجد تخوفيني لاني ماتصور حياتي بدونك
- لاتخاف ولاشي الي كاتبه الله راح يصير
- المهم اعترفي لاتحسبيني نسيت من وين سارقه هاالشعر
- ابد ماهو شعر ولاشي هذا كلام بسيط احاول اعبر عن شعوري وعندي محاولات بسيطه سابقه
رد بلهجة مزح
- مصدقك خلاص يالخنساء لاتبكين علينا لكن ابقى اعرف كيف اصد حشود المعجبين لما تصدرين ديوانك
وضحكوا مع بعض وكانت ايامهم معظمها سعاده
000000
- احلام اصحي يابنتي الوقت تاخر وانتي مارحتي العمل
- امممم وراحت تتقلب بالسرير
- امي نوره الله يخليك اتركيني انام احس اني تعبانه
- غريبه هذا وانتي نايمه البارح مبكر
فتحت عيونها
- امي عبدالعزيز راح العمل؟
من الصباح والحين قرب الظهر وقبل لا يطلع وصاني اني اصحيك
- نهضت من السرير وارتدت روب النوم وامسكت راسها
- امي مدري وشفيني من كم يوم وانا احس بتعب ودوخه
ردت ام عبدالعزيز وابتسامة امل ترتسم على وجها
- انشاالله خير يابنتي
- كيف خير اقولك احس اني مريضه
تغيرت لهجتها
- قصدك
وابتسمت المراه العجوز
وفكرت بالفعل الدوره الشهريه اتاخرت كثير عن موعدها والاعراض الي تمر فيها الحامل تمر فيها الان تقريبا لكن ماكنت تبقى تقول للمراه العجوزوتعطيها امل كبير كانت تبقى تتاكد اول خاصة انها تاخرت وماحملت رغم مرور سنه ونص على زواجهم وعبد العزيز مافاتحها بالموضوع
انشالله خير يايمه 00000000
00000000
- الو مااري 0
- نعم مين
- انتي بعد كل هاالسنوات الخمس وانتي تشتغلي عندنا ماعرفتي صوتي
- احلام
- ايه احلام يالبارده
- بس صوت انتي في تلفون غير وانتي جنب انا
المهم خلي جبريل يجيني البيت الحين وسلمي على ماما 00
- انشالله احلام
- مع السلامه
واغفلت السماعه وهي تفكر ماراح اخسر شي اذا رحت
0000
في المستشفى
- االف مبروووك يامدام انتي حامل
- تجمدت ثواني من المفاجاة
- ايش تقولين
حبت تتاكد ان الي سمعته حقيقه
- بئول الف مبببروووك انتي حامل
بصوت متردد ومذهول
- الله يبارك فيك واخنقتهااا لعبره وبدون ماتحس صارت تبكي بشدة
ارتاعت الدكتوره المصريه وقامت من الكرسي وهي تهدي احلام
- في ايه يامدام ليه تبكي هو انتي زعلانه
من بين دموعها
- العكس صحيح ماسمعتي عن دموع الفرح
اذا ماسمعتي شوفيها فيني
000
- جبريل اسرع ر الاقرب محل مسلتزمات اطفال
- ليه احلام
-ودي اشتري هدايا
ماكانت تتضايق من اسئلت جبريل لانها متعوده عليه لانه يشتغل عندهم من سنين طويله ولا ترتاح الامعه رغم انزعاج ع لانها متستخدم سواق القصر
- تبي مجمع البستان ولا السويق
لم تردعليه لانها مسمعته اصلا كانت سرحانه كيف تقول لعبدالعزيز ياترى كيف راح تكون ردة فعله
مرت السياره فوق مطبه خفيفه وبطريقه لاشعوريه حطت ايدها على بطنها
00000
اليله عزومه عاملها زوجها بمناسبة حملهاراحت تتذكركيف خبرته بحملها بطريقه رومنسيه كتبت بطاقه تخبره فيها انها حامل وضعتها في باقة ورد مع رضاعه صغيره وحطت الوردفي دلاوبه قبل مايرجع من العمل
عملت نفسها تقرا الجريد اول مادخل القت التحيه بابتسامه كعادتها وراحت تراقب ردة فعله بطرف عينها اولا الاستغراب اول ماحمل باقة الورد بعدها ابتسامة حنان واندهاش وابتسامه غير مصدقه اول ماقرا البطاقه:
اللف مبرووك يابو عيالي انا حامل
رمى كل شي من يده الا البطاقه
ركض تجاها بضحكة جنونيه وقف وسالها باستعطاف مثل الانسان الي مايبقى يصحا من حلم
احلام صحيح صحيح الي مكتوب بالبطاقه
هزت راسها ودموع فرح تتسساقط ماقدرت تتكلم
منظر الفرحه في وجهه بالاضافه الى فرحتها ماخلت داعي للكلام
احلام
انتبهت على صوته يناديه
نعم ياعمري
قرب منها وفي ايده علبه مغلفه
الله وش هالزين والحلاه
ابتسمت له ابتسامه عريضه
تجاملني عشان اني حامل
اتكلم جد والله انتي اجمل انسانه يمكن ماهو للعالم لكن في عيوني انا
اتمنى اسمع منك هالكلام بعد خمس شهور لما اصير فيل
راح تسمعينه كل يوم وكل وقت مو بس وانتي حامل
حتى لما تطيح اسنونك راح تسمعينه
لو ادري انك بتصير رومانسي حملت من زماااان
اها يعني نسينا ماكلينا قوى الله قالوها عومه ماكوله ومذمومه
امزح معك يلخبل
نسيتيني المفاجاه
الله يستر من هالمفاجات قل ياروميو زمانك
قال وهو يقدم لها مغلف الهديه
افتحيها ياجوليت هانم
خذتها وبفرحت طفل مترقب راح تفتحها
كانت علبة مجوهرات
بهدؤء فتحت العلبة المستيطله ونظرة انبهار
وهي تتطلع اليها بذهول
يالله
ها وشرايك بالهديه
تجنن وراحت تناظره مشكوره
هذا احلى عقد فى سوق المجوهرات قدرت احصل عليه
ليه تكلف على نفسك شكله غالي بالحيل انا والله هديتي انك تكون بخير
ماشي في الدنيا يغلى على حبيبتي ام عيالي
خذا العلبه من ايدها ووضعها على الطاوله وحمل العقد والبسها اياه وكانت مقابله للمرايه وكان وراها ينظر اليها من خلال المرايه يبتسم وماسك اكتافها بحنان
والعقد يلتف على عنقا احلام بنعومه على شكل اوراق شجررقيقه مصصممه بابداع ومشغول عليها بحب الصانع وملحقه باقراط نفس التصميم كان العقدفريد بدقةتصميمه
سمعو طرقات على الباب
ردت نعم مين
انا رودا تقول ماما نوره انزل تحت لان ضيوف سوال عن انتي
خلاص رودا قولي لها انا نازله الحين ولاتنسي تجيبي البخور بسرعه
بلهجه حازمه
زيينن
احلام سمعتي كيف لهجتها معك من بكره راح اسفرها
لا ياعبدالعزيز لاتقطع رزق الفقيره الله اعلم اهي شكل لهجتها كذا خلقه
لا اهي عندنا من سنه و انا ماسمعتها تتكلم مع امي كذا من قبل
اقول انسى يالمعقد انا ماني زعلانه ذا شي راجع لها
خلاص يالطيبه انتي روحي لضيوفك واكيد ان خالتي وحريم خوانك ا وصلوا وانا تلقي ضيوفي شرفو الحين
تصدق انا فرحانه ان العنود وسوسن حريم اخواني راح يجون عندي
ضرب الباب مره ثانيه
مدام احلام البخور
مشت الي الباب وخذت البخور ومشت الى عبدالعزيز الي كان يظبط الشماغ على المرايه
تعال ابخرك ياالمعرس يابو عيالي وضحكو ا
0000
- مبرووك ياحلام اخير بتصيري ام
- الله يبارك فيك ياردينه عقبال مانفرح فيك
- يارب يسمع منك وين قبلتكم
- من هنا
اشرت لها احلام على القبله وهي تضحك
- يارب يارب يارب
وانتبهت ردينه لسماح تناضرهم وكانت جالسه بروحها على الكنبه
احلام شوفي الساحره نبر 2 كيف تطالع فيك يمه من عيونها شفتيها كيف تغير وجها يوم اعلنت خالتي عن خبر حملك
هذا شي راجع لها حاولت اني اكسبها لكنها دايم تصدني وكرها لي يكبر وانا وكلت امرها لله
والنعم بالله اقول وش ذا الزين
كانت تقصد العقد بنظراتها
هذا ابو صقر جايبه عساني اا فداه
من ابوطير هذا؟
ردت بضحكة عتاب
ردينه انا قصدي بابو صقر زوجي عبدالعزيز
ليه مالقيتو الااسم صقر
انا احب هالاسم لسسبب واتفقت مع زوجي عليه 0
- سسسبب علي انا صرنا الحين نخش اسرار عن بعض
-لاسر ولشي السالفه اني اول ماشفت عبدالعزيز ذكرتني ملامحه بالصقر وهذا ماكشفته لي الايام ان زوجي مثل الصقرعالي بشموخه وعزته وقوته واحمد الله على انه جمعني فيه
ردت ردينه بتنهيده
يارب ارزقني بواحد مثل الي تقول عليه
بابتسامه
يارب حقق لها ماتمنته
- وطيب واذا طلعت بنت اكيد مارح تحتارون ردينه على خالتها
ابشري ياردينه البنت الثالثه لان الاولى نوره واثانيه
هياء على امي والمركز الثالث حلال عليك
- قوى الله شي احسن من لاشي ننتظر واحنا ورانا شي
بابتسامه
شوفي ردينه انا رايحه المطبخ اشرف على الخدم بتجهيز العشاء وراجعه
دخلت المطبخ بهدوؤء الخدم يجهزون العشاء بهمه ونشاط
غريبه رودا ماهي موجوده وهي تفكر
مارري وين رودا
رودا اطلع الحين مع واحد حرمه
من الحرمه هذه
مافي معلوم
اقتربت احلام من نافذة المطبخ المطله على الحديقه
شافتهم في زاويه بعيده حرمتين وحده طويله ونحيله والثانيه قصيره ودبدوبه كانت رودا
كانوا يتكلمون وسماح اخرجت من حقبيتها شي غير واضح بالنسبه لاحلام لبعد المسافه ولما مشوا قاصدين المطبخ
انسحبت احلام ورجعت للصاله وبالها مشغول
غريبه رودا وسماح وش عندهم مع بعض
مشت وكانت محتاره في امرهم قالت في نفسها يمكن تبقاها تعمل لها حاجه وتنظف لها شي استقرت على هالراي وخاصة لما دخلت المطبخ مره ثانيه وشافت رودا تشتغل مع بقيه الخدم بشكل عادي وطبيعي ونست السالفه مع الجواا لسائد ودموع امها وام محمد وامها نوره000
بعد ماقدمو العشاء جلس الجميع في الحديقه
وسماح معهم منشغله بتلفونها ابو كامير انزعجت احلام والبقيه لان سماح نازعه الغطاء للكامير
كلمتها احلام
- ممكن ياسماح تغطي الكاميرا
- ردت ردينه بسخريه
- ليه خايفه اصورك
- وي وي شتـــتصويره
ضحك الجميع على ام محمد خاصه لما نزلت غطاها
- لا يام محمد مافيه تصوير ولا حاجه
بس انا اقول لسماح ان ترجع الغطاء يمكن لاسمح الله بدون ماتحس تضغط على زر بدون ماتحس ويصورنا
- على طاري الموضوع سمعتوا اخر خبر
اتجهت انظار الجميع الى العنود مرت اخوها عبدالله
ردت احلام
- خير انشالله
- لاخير ولاشي بسب هالجوالات ام كاميرالمنتشره
بفضول ردينه المعتاد شاركتهم مستفهمه
- ليه وش صاير
- يقولون فيه حرمه زوجها طلقها بعد ماضربها لان صورتها منشوره في الانترنت
- ليه هي الي ناشرتها
اكملت مرت عبدالله الموضوع
- اابد في البدايه اول ماسمع زوجها باالخبر تاكد بنفسه انها منشوره فشك انها على علاقه مشبوهه باحد
أي رجل ثاني وسو فعلته فيهامن ضرب وسب وطلاق وفي النهايه اكتشف انها متاهوشه مع حرمه من الجير ان بسسب اطفالهم متضاربين حبت تنتقم الجاره وصورت جارتهم وهي بزواج بدون ماتحس وتعرفون البقيه
ردت احلام
- انا لله وانا اليه واجعون هذا والرسول عليه افضل الصلاه والتسليم موصي على سابع جار
رد الجميع بالصلاه على الرسول
- طيب ليه يالعنود زوجها ميرجعها ويجمع الشمل
- من الي سمعته انه حاول ياسوسن لكنها رفضت لان الي سواه فيها ماهو سهل
قالت ردينه
- معقوله يدمر بيت سعيد عشان هواشة بزران
- معقوله واكثر لوتسمعين البلاوي الي تصيرفي هالوقت يشيب راسك وانتي شباب يااا
- ردينه اسمي ردينه يالعنود
- ايه عارفه اسمك بس نسيته
بعد فتره انتهت السهره ودعتهم احلام مع وعد
لحريم اخوانها برد الزياره
طلعت غرفتها وهي فرحانه بالعلاقه الي توثقت بينها وبين العنود وسوسن
دخلت الجناح فكرت ان عبدالعزيز اكيد في الغرفه لانه ضيوفه مشو ابكر
مسكت المقبض بتفتح الباب وتناهى لمسعها صوت عبدالعزيز يتكلم بعصبيه وقفت الفضول دفعها تتصننت
- انتي وش تبين ومن وين جبتي الرقم
- 000
سكت ثواني خمنت انه يستمع للمتحث الاخروتعالى صوته بصراخ هالمراه
- ايش تبيني اطلق احلام وارجعلك
- 000
انقبض قلبها بغضب
- انتي مخرفه ولاتستخفين ددمك افهمي انتي انتهيتي بالنسبه لي من زمان قبل اتزوج
- 000
- تحبيني شي راجعلك انا احب زوجتي احلام واموت فيها ولايمكن ابدلها باي انسانه فاهمه
- 0000
- لوسمحتي هذا اخر تحذير انا سكت عنك عشان خالتي وافهمي ان كررتي اتصالك راح تشوفي شي مايسرك
افهمت احلام من خالتي قصده خالته الوحيده عائشه واكيد هذه سماح فكرت انه وش هالجراه الجراه عندها تكلم شخص عشان تاخذه من زوجته لكن شعور بفرح غمر قلبها من رد عبدالعزيز وتاكدت من صدق حبه لها لاسماح ولاغيرها راح تاخذه منها
شدت مقببض االباب للاسفال ودخلت لزوجها وحبيبها بثقه حتا تعيش معه حياتهابالحب الحلال الي امثال سماح ماتقدره00
مضى على حملها اربع شهور وفكرت انها تاخذ اجازه بدون مرتب وايدها عبد العزيز على الفكره وبالفعل نفذتها واتمت اجراءت الاجازه
والحين ماعندها شغل الاانها ترتاح وتكمل التجهيز للمولود واقترح عبدالعزيز انهم يجهزون له من الخارج لكنها رفضت وفضلت تجهز له من الوطن
ومضت الايام على الزوجين مابين سعاده وسوء تفاهم احيانا كما يحصل في أي بيت زوجي
ودخلت احلام الشهر السابع وانشغلت بتجهيز الغرفة للمولود وعبدالعزيز مشغول بالشركه وزادت اعبائها بعد استغلاله عن شريكه وصار يقضي معضم وقته
في احد ايام الصيف بينما كان يوقع على الاوراق العقد مع شركه بريطانيه لتصددير السلع السعوديه لها طرق الباب 0000
- تفضل
- مستر عبدالعزيز
- نعم ياعادل
عادل السكرتير المصري
- في مظروف وصل النهارده عشانك
رد وهو مشغول بتوقيع الاوراق بين يده
- فيه ايش هالمظروف ماهي وظيفتك تفتحه
- طلب السواق الي وصله اني اعطيك اياه بالايد
رفع عيونه متعجب
- عطني ااشوف ايش فيه
خذ المظروف اخذ بحث عن كتابه او حاجه تدل على هوية المرسل كان المظروف بدون عنوان
فتحه وكان فيها ورقه وظرف اخراصغر
فتح الورقه بهدؤء
"ياخ عبدالعزيز شوف المدام المحترمه وش قاعده تسوي من وراك ياغفلين لكم الله"
مكتوب بخط عريض واضح
وقلبه ينبض بشده
فتح الظرف وطلع الصورونظره مرتاعه وغير مصدقه ارتسمت على وجه اخذ يقلب فيهم
غمض عيونه والصور في ايده
- خير انشالله يا يامسترعبدالعزيز في حاقه
-لا ابد خلاص روح شوف شغللك ياعادل
- لكن
- رح شوف شغللك
خرج عادل وساد الصمت في المكتب
وكمش الصور بايده
ظل فتره من الزمن حس انه فقد الاحساس بالعالم حواليه
وحمل سماعة الانتر فون الموصله بمكتب السكرتير
- عادل احجز لي على اول طياره لكنده والعوده غير محددة
ونهض ورجع الصور للمظروف وملامح وجه مشمئزه
00000000000
فالوقت نفسه كانت احلام تضع اللمسه النهائيه لغرفة
الطفل رتبت المفرش على السرير ووضعت وسائد زرقاء صغيره ابتعدت عن السرير تتطلع لعمله والنظره النهائيه للغرفه الولاديه باعجاب
00الحين متاكده انه صقر خاصه لما بشرتهم الدكتوره بعد الكشف بالسونارانها حامل بولد باذن الله
راعت في تصميم انه يطغى على الديكور والاثاث طابع طفولي ذكوري
سمعت باب الجناح يفتح اكيد عبدالعزيز جاء
- عبدالعزيز تعال انا هنا في غرفة صقر
ظلت دقائق وماسمعت رد
غريبه ماهي عادته مايرد
عبدالعزيز عبدالعزيز
قطبت حواجبها باستغراب
راحت تفكر انه يمكن يكون تعبان ونام طلعت من الغرفه ودخلت غرفة النوم
حقيبه السفر مفتوحه والدولاب مفتوح وعبدالعزيز ياخذ اغراضه ويرميها بالشنطه بعشوائيه
مشت تجاهه
- عبدالعزيز وش قاعد تسوي
مارد 00
قربت منه كان وجه محتقن
- عبدالعزيز رد انت مسافر
اغلق شنطة السفر بعصبيه
تكلم اخير لكن بلهجة استهزاء
- انتظري راح ارد عليك ليش مستعجله
اخذ يناظرها باشمئزاز
-أيـــــــه مسافر حتى يصفالك الجو مع حبيب القلب
تصدقي مالك حق المفروض تقوليلي من زمان كنت ريحتك مني 00!
-عبدالعزيز انت وش قاعد تقول انت صاحي
- ايه صاحي يالمحترمه يالعفيفيه كنت نايم والحين صحيت 00
- ليه تكلمني بهذه الطريقه انا ماني فاهمه
رد بحقد وغضب مكبوت
- راح افهمك يالمحترمه اولا تعرفي انتي وش كنتي كنتي تحت وانا جبتك فوق قلت اكسب اجرك
واخليك مثل باقي الناس عيشتك في هالعز الي عمرك ماحلمتي فيه انتي واهلك
حست احلام انه طعنها
- لاانا انا اكيد في حلم ومسكت راسها بايدها
- راح اصحيك الحين لسه ماكملت كلامي
لاايش وصلنا اه انتي واهلك وكنت انا الغبي الي افتكر انه حصل اخير على سندريلا احلامه
الين ماجاءاليوم الي اااكتشف فيه ان السندرلا مجرد انسانه حقيره وخاينه وتلعب من ورا ظهره وهو المسكين الطرطورياغافلين لكم الله لوما ولد حلال حب ينبهني وارسلهم لي الا كنت ظليت على عماي
حمل الحقيبه
ورمى الصور عليها وتناثرو حوليها
- ايش هذا
- هذا دليل عفافك يامحترمه
**** وتمسووون على خير
التعديل الأخير تم بواسطة زيم الروم ; 15-04-08 الساعة 04:11 PM
|
15-04-08, 03:58 PM
جديد مواضيع قسم القصص المكتمله من وحي قلم الاعضاء
العرض العادي
