كاتب الموضوع :
زيم الروم
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
كيف حالكم انشالله بخير اكيد تعبتو وانتم تنتظروني >مغرورة
هاها > ف ــــديتني حبايبي اتمنى يعجبكم هالجزء قراءة ممتعة تمسووون على خير
عندماتتوه خط ــواتك بهذا العالم وتتشابة الطرق والمسالك وتضيع الاماني وتصبح الاحلام هباء
الى اين ياقلبي ** والوجوة جميعها اقنعه ** تحمل نفس الملامح ** والحياة هي قصص مكررة باسماء منوعة ** كيف اجـــــــــــــدك وانت انت قد تكون مثلها لانك بينها **
الخوف من وجودك وعدمة ** الهي ارشدني الية وارشدة الي وان لم يكن كما هو وليس هنا
فخذني الـــــيك **
الجزء الثالـــــــــــــــث
مر اسبوع وكل شي روتيني على ما هو قبل العزومة راحت تفكر وهي بالمكتب بالاحداث الاخير ه الي صارت اولا 00العزومه وسماح ونظراتها الناريه وثانيا اخوها عبدالله في اخر زياره كانت تتوقع جابةالشوق لها ولامة لما سمعت صوته قالت يمكن قلبة حن علينا **** بس االامل شي والواقع شي اخر
وصلها صوته المرتفع كان معصب خرجت له ونظرة عتب وشوق في عيونها
هلا باخوي اخيرا مابغينا نشوفك
هلا فيك ** بكل برود
عيونه اخذت تفحص البيت
يمة مو البيت كانه واسع عليك انتي واحلام
ماتفكرون تنتقلون لمكان اصغر
- بس ياوليدي انا مارتاح الا بيتي ولايمكن افكر بهالشي \
- بس يمة مصاريفة واجد
- احلام ماتقصر
- بس انا انا
فهمت احلام انه قصدة شي من كل هالكلام
انت وشو ياعبدالله
انا متضايق هايومين ومحتاج
كان يلمح انه محتاج ووده بنصيبه من البيت يعني يبقاهم يبيعون البيت ورد امها المرتاعه
-: وين نروح انا واختك
- اجرو لكم شقه صغيره انتو ثنتين ومشاء الله على احلام هذه تستلم راتب بالاضافه ألي راح يجيكم من بيعة البيت مش شوي
- خاف الله فينا انا واختك
بعصبية ردت ومكتفة ادينها
عطت احلام ظهرها
احلام- بيع احنا مش بايعين
- سكت دهر ونطق كفراانتي لا تكلمين الي كبرك متزوجين وعندهم عيال في بيوت رجالهم 0
- ذا شي شي يخصني مايخصك
*********
-ااااحلام حـــــــــلومه 00
-هم م!ردينه
-لا00امها وش فيك سرحانه الي واخذ عقللك يتهنا بو و اعترفي ياجميل مين وشو **
- ولاشي
- شكلك تعبان فيه شي شاغلك قولي لي انا صديقتك الصدوقه ردونه
-لا ابد بس اشوي مشاكل في البيت اخوي عبدالله يبقى يبيع البيت وانا وامي رافضين
- حرام عليه وين تروحون انتي وخالتي
- يقول اجرو لكم شقه ورفضنا وطلع من البيت معصب ويقول انه بيكلم جاسم وانا ما عتقد جاسم بيرضى رغم انه بعيد عنا وقاطع لكنه يحب امي ولا يحب يزعلها
- خليها على الله هذا الدنيا ماتصفى لابن ادم
-لاتقولي الدنيا قولي الناس وقلوبهم القاسيه الم تسمعي يابنيه بقول الشاعر وهي تبتسم :
نهجو ذا لزمان بغير ذنب ولو نطق ذا الزمان لنا هجانا
-:ايوهه على الشاعره حلوم بنت شداد00
-:هاهاها تتمسخرين ياردينه شيبوب
-:بس ابقى اعرف كيف يجيك نفس تحفظين هالاشعار القديمه اشياء اكل عليها الزمن وشرب واجد علينا نحفظ الدنيا حظوظ ومن الامثال حظ الشلقا والبلقا
- اولا لاتنسي اني خريجة تربيه قسم لغة عربيه وهالاشعار هي الاصاله والقوه في التعبير عن الواقع والحال والدليل انه بقت لها الوقت الحاضروقلتها لك يعني لها جمهور ومعظم اشعار هالوقت هي الي تنسي لان معناها سطحي وعارض
المهم قرب الدوام ينتهي خلنا نستعد ونطلع
-ايه والله ذكرتيني خلنانستعد قبل لا ينط لسواق عرق في حلقه ونبتلش0
-: ها ها ابي اعرف
يالملسونه متى جوزين عن هالكلام
000000
- احلام يمه
- نعم يمة دخلي انا صاحيه
واعتدلت في جلستها على السرير وحطت الكتاب على الكمدينو الزرقاء الي بجانب سريرها
انفتح باب الغرفه ودخلت والدتها
-ابغى اكلمك في موضوع
-:خير انشالله صاير شي بالنسبه لبيعة البيت
-:لا ابد بس الموضوع يخصك انتي واتمنى انك تسمعيني للاخر
-امري يمه وهي تبتسم كلي اذانا صاغيه وتعالي ارتاحي جنبي
جلست والدتها بصعوبه بسب الم المفاصل
-: تعرفين يابنتي الدنيا مادوم لحد وانا الحين عايشه معك وبكره الله العالم
-:بعد الشر وبطلي كلام الافلام الي تقولينه
-: بس هذه الحقيقه وانتي عارفه ان صحتي ماهي مثل اول وانا خايفه عليك من بكره بعدي وش يصير لك 00 واخوانك لاباعو البيت وين بترو حين 00عند حريمهم ماظنهم يبونك
- يمه في شي انتي ماتقلبين الا اذا في معرس اعترفي ومن يكون
-: بصراحه ماخبي عليك كلمتني اليوم حرمه عن ولدها وهو شيخ الشباب مثل مايقول اخوك جاسم
-: طابخينها بعد جاسم يدري و انا المخطوبه ه اخر من يعلم الله يسامحك بس
-: لاتزعلين يابنتي من حقي اخاف عليك وخصوصا ان
الرجال ماهو غريب عنا وانتي تعرفين امه
-: من قصدك لاني ماعرف ناس كثير
قطبت حواجبها بحيره
-: ولد ام عبد العزيز اهي كلمتني اليوم الصباح وانتي في البنك وخطبتك مني لولدها عبدالعزيز ونتي شفتي بنفسك كيف انه مودب يوم وصلنا ويوم قلت حق اخوك جاسم امدحه وقال انه كان يسمع عنه وعن اخلاقه ثانيا انتي تعرفين امه وطيبتها
نهضت من السرير بعصبيه ومشت الى ان وصلت الى مرايتها
-: على عيني وراسي امه بس يايمه ذا زواج يعني حياه عمر ماهي سنه ولاسنتين ماهي لعبه
واخذت تضغط اصابعها في باطن يديها بقوه
- : واحنا ماقلنا شي بس اتمنى انك تفكرين عدل لا نك مانتي صغيره الحين والفرص تقل وماظن يتقدم لك احد مثل عبدالعزيز
-: حاظر راح افكر عشانك بس
-: ماهو عشاني بس عشان عيالك الي اتمنى اشوفهم قبل اموت
مشت الى ان وصلت الى والدتها
حضنت والدتها بقوه
-: يمه اميمه يماي بكل لهجات العالم لاتقولين هالكلم مره ثانيه ترا راح بصيح الحين وشوفي الي يسكتني
-: لاتصيحن ولاشي وان مافكرتي باعيد هالكلام ليل ونهار
افلتت امها وضعت يديه حول خصرها بتحدي
-: تهددين يالعجوز
-: بدينا بالغلط انا شباب اكثرمنك لوما ها هاالسكروالمفاصل ايي وهي تنهض من السريرراح اتر كك وانتي فكري بالكلام الي قلته ويبقون الرد بعد ثلا ث ايام
طلعت واغلغت الباب وراها
-:اوففف شاسوي ب هالورطه
جلست فوق السرير وهي تفكر – لو هالرجاجيل ينقرضون ويفكون الحريم كان الدنيا بخير
00 وقضت ذيك اليله بلا نوم تفكر بكلام امها صحيح ليش ماتواجه مخاوفها وتحطم الخوف الي بداخلها لمتى راح تظل اسيره له والرجال مايتعيب على رايهم هي ماتعرفه صحيح لكن اخوها مدحه والرجاجيل ابخص بعضهم ماهو الكل مثل ابوها والدليل اخوانها يحبون اعيالهم اكثر من روحهم وملتزمين فيهم التزام شامل
بس شي في داخلها متاكد ان جاسم ماسال عنه مثل مايقول يمكن سمع فيه لكن مايعرفه شخصيا
00000
البنك000
-: تكوننين اكبر بقره بالشرق الاوسط لو ترفضينه **
-:والله مادري ياردينه احس اني مرتاحه بس في نفس الوقت خايفه مرة مرة مرة
قامت من الكرسي وراحت تطالع المنظر بعيون ماتشوف
مرة مرة مرة ردينة بحركة تقليد لا احلام وبتوتـــر
-: انتي عاجبك حالنا جالسين لا زوج ولااعيال كفايه الوحشه الي تحسين فيها لاجاء اليل والناس نامت ولا طفل يقولك ماما كفايه الغصه الي في حلقك تحسينها لما تشوفي الي اصغر منك مع اعيالهم ونظرات الناس المشفقة وهعيونهم تنطق ياحرام بعد ما تسالك اذا كنتي متزوجه اولا كان فيك مرض
-:: صايره حكيمه ردينه اليوم
-:انا ماضحك وانتي عارفه ان هذه الحقيقه عن نفسي ** يوم عيد فيه الي انخطب واعرس وارتاح من البيت وتحكم الهتلر رويشد
بتنهيدة حارة من احلام
-: الله يرزقك يـــارب وعن قريب
رد : ها شقلتي نجهز الفستان للخطوبه ولالا
-: الي الله كاتبه راح يصير وبس0
00000
اليوم تنتهي مهلة التفكير يعني يبون الرد
وهي لسه محتاره ماتدري وش تقول رغم انها صلت صلا ة الاستخاره كذا مره لكن مارست على بر
وخذت اليوم اجازه خصوصي من البنك حتى تفكر برواق
بس لازم تاخذ قرار لان مابقى وقت ساعه وتتصل ام عبدالعزيز تاخذ الجواب
يالله ساعدني وهي ترفع بصرها لسماء
- يمه احلام ادخل
-أي يمه دخلي
-ها بنتي شقلتتي
-والله مادري يايمه محتاره
-الرجل مايتعيب وفرصه
-العيب ماهو فيه العيب فيني
-بسم الله عليك كامله والكامل الله
-ماهو قصدي كذا
- انا فاهمه قصدك انتي خايفه انه يكون مثل ابوك مستهتر وبلا احساس ولامسئوليه
- يمه الميت مجوز عليه الا الرحمه
- الله يرحمه ويغفرله انا ماقلت شي بس يابنتي الرجال ماهم مثل بعضهم مثل مافي الشين في الزين
توكلي على الله
مانبقى نتاخر على الناس كوني صادقه مع نفسك وعطيني خبر
انشالله يمه
ورمت نفسها على السرير تناظر السقف
اه اه اه يارب
**********
كللللوليشششششششش - اخيرا يابنتي راح افرح فيك
- يمه خلاص تراني استحي
- هههههههه فديتك يلي تستحين
- راح اتصل الحين بام عبدالعزيز وابلغها
- ماما حرمه تبي انتي بالتليفون
- ااكيد ذي ام عبدالعزيز االطيب عند ذكره وبالمره راح اتصل باخوانك وابلغهم
وراحت الام
حست احلام انها راح راح تختنق وتبكي كانت تتمنى لو عندها ابو طيب وعايش مثل معظم البنات يفرح لها وتنخطب منه ويزفها بيده لعريسها الله يغفرلك ويسامحك يايبه
0000
يوم الزواج
- الف الف مبروك ياحلومه وهي تنحني وين ركبتك كنها دور شي في الفستان
وش تبين بركبتي
- مسمعتي بالمثل الي يقول اقرص العروس في ركبتها تلحقها يوم دخلتها
- اييي عورتيني
- ماعليه تفداني ركبتك عشان اعرس
- ها ها ها احين بيخترب مكياجي من الضحك
وانفتح باب الغرفه الخاص بالعروس وطلت امها
- ياله ياحلام ياعروس الزفه جاهزه والمعرس ينتظرك في الكوشه انا رايحه اجيب البخور للزفه
- انشالله يايمه
- ردينه مسكي الورد عشان اقدر اقوم حشا مش فستان سمنت مسكت ردينه الورد بيد وساعدتها باليد الثانيه على الوقوف وصارت تضبظ الفستان
يالله ياحلام والله انك جنان
- تبالغين انا عاديه
- بالعكس انتي مانتي مقدرا مقدار جمالك
مسكين المعرس اشك بتجيه سكته اليوم
- بسم عليه لاتفولين
- بدينا بالحب من اولها
- ررردينه عن السخافه
- ماعليه قوي الله احنا صرنا سخافه وروميو بسم الله عليه
- هاهاه ضحكتيني وانا بموت خوف
-احسن انتي الي لرفضتي الخطوبه وفضلتي الزواج والملكه في يوم واحد على الاقل تعرفتي عليه وماحستي بالخوف منه
- انا انسانه تقيلديه ومااعترف في هالاشياء
- يالله ياحلام تعالي وانتي ياردينه ساعديها
- حاضر ياخالتي بس البس عبايتي
ماااري يالله شيلي الطرحه النازله وامشي شوي شوي مع احلام حتى متتاثر التسريحه
وكانت ماري واقفه بالزاويه مع خدامه ثانيه يتكلمون
- ززززين
مشت احلام متجه نحو القاعه وردينه بجنبها
- شوفي اول ماوصل للقاعه راح تمشين لحالك حتى توصلي لروميو قصدي عبد العزيز
- اشك اني راح امشي احس رجولي ماتشيلني
وقلبي ينبض بقوه
- احلام عن الدلع انت اقوى من كذا
وهي تقترب من القاعه شافت الانوار تطفي
استعداد لقدومها
- ماري خلاص حطيها ووفرشيها
يالله احلام وصلنا الله يوفقك
-امين
وقفت فتره عند بداية القاعه تنتظر الموسيقى
وبدت00 تحس قلبها ينبض بقوه صارت تمشي والانوار الخفيفه مركزه عليها والدخان صار يرتفع مع كل خطوه وهي تمشي الى ان غطا اقدامها واشياء بيضاء تتساقط بنعومه عليها حست انها بحلم ماقدرت ترفع بصرها خافت تلتقي نظراتها مع زوجها المعرس ويغمى عليها صارت تتسال ياترى شكله وسيم مثل صورته الي وصلتها امه يوم الموافقه ولا غيركانت تمشي والناس تطالعها كانت انوثه وجمال متفجر بفستان باكمام عريضه شفافه وصدر واسع تقريبا من الامام والخلف مزين بكرستا ل ملون متناثر بكثافه اعلى الفستان ويقل بالتدريج كل مانزل اسفل وتعكس الوانه الانوار البيضاء الدافئه المرافقه لها اثنا مشيها كانت بجمالها مناغضه لصورة احلام ذات للجمال الهادى الوقور ابدعت الي عملت المكياج لها ابرزت لون عيناها العسلي الدافى وماكان يميز احلام لون عيونها فقط وانما السحر والمشاعرألي تسكن فيهم وشعرها كان مرفوع بتسريحة شنيون ناعمه تقطيها طرحه فرنسيه طولها خمس امتار تمشي وتسحب وراها كانت احلام روعه بجمالها اقتربت من المسرح وقفت ماتدري وش تنتظر وشافت يد رجوليه سمراء تنمد اليها في البدايه خافت لكنهاا ا ا داركت نفسها مدت يدها بدون ان ترفع نظرها فيه مسكها في البدايه حست برجفه ونفس السرعه اختفت الرجفه وحل مكانها شعور كبير بالامان والنجاه غريب هالاحساس ولقت القوه ورفعت نظرها فيه
نفس اليد القويه تشبه ملامح صاحبها الاسمر القوي
ذكرها بالصقر فيه شبه غريب منه ع رجل انيق بالبس السعودي التقليدي بلبشت الاسود واثوب ولشماغ الابيض واكيد العقال طالت الوقفه ونظراتهم متشابكه قطع الصمت صوت والدته وهي تقول يالله يحبايبي وقفو يم بعض خلو الناس تشوف احلى عروسين
وقربت البخور منهم والمصوره تلتقط االصور وتطلب من احلام انها تبتسم ومن عبدالعزيز ان يقرب منها اكثر كانت ابتسامتها مثل وحده تبكي من الحياء
وانتهى التقاط الصور
كللللوليش قربت امها منها واحتضنتها وصارت تبكي اخير ياحلام جاء اليوم الي شفتك فيه عروس
- يمه اتفقنا نبطل كلام الافلام هذا ترى بصيح الحين وبفشلكم قدام الناس وشوفي الي يسكتني
بطرف عينها لمحت ابتسامة عبدالعزيزيعني سمعها استحت ونزلت عيونها
- الف مبروك يبنتي وهي تحبها في خدها
- الله يبارك فيك يامي نوره
- ترا عبدالعزيز روحي وسلمتك اياه امانه
- سمعي الكلام ياحلام انا امانه في يدك
صار قلبها ينبض بقوه يوم سمعت صوته الجش الرجولي
بتسمت بخجل ونزلت راسها
ككككلوليش
تردددت الزغاريد من المدعوات وا مها وام ع شاركوهم
وطبعا ام محمد كلللللوليش
قربت منهم بجلالها وحبت احلام وشمت ريح المشموم ودهن العود الصادره منها
- مبرووك يابنيتي عسالله يهنيك في حياتك
وانت يالمعرس منك المال ومنها العيال
وششددت على المال
-الله يبارك فيك ياخالتي
-الله يبارك فيك يام محمد
وقربت ام عبدالعزيز
-يالله يعبد العزيز ياولدي خذ زوجتك ورح البيت الله يهنيكم
لمامسك ايدها وساعدها على المشي في الجسر في القاعه وركوب السياره حسست ان صار لها سند في الحياة ماهو في الزفه بس 00
0000
فتح لها باب غرفة النوم
- تفضلي يالعروس
-دخلت بكل هدوء ماعدا صوت حفيف الفستان الصادر عن احتكاكه بالارض اثنا مشيها
اغلق الباب وراها مسك ايدها وجلسها على الكنبه وجلس بجانبها
- ها يالعروس وش رايك
بغرفتك
بخجل رفعت نظرها وكانت تحاول انها متلتقي عيونها مع عيونه وصارت تتفحص الغرفه
الغرفه رائعه جدا وواسعه جدا واحدجدرانها كان عباره عن نافذه تطل على الحديقه رغم ان الستائر مغلقه لكنها خمنت
ولون الجدران معتق بالون الوردي والفوشي مدموج مع ابيض ام السرير كسرير الملوك كبير جدا ومذهب الحواف ولون المفرش تتوافق الوانه مع لون الجدران وتتوسط الغرفه طاوله متوسطة الحجم ممليه باشهى الماكولات موزعه عليها بضعة شموع ورديه في قاعده من الجزاز
- ها ياحلام ماقلتيلي
وش رايك
ردت بصوت خافت شكت انه سمعه
- حلوه
- حلوه بس بعد كل هالتعب حلوه بس
وضحك برقه
-احلام0000 ومسك يدها وبايده الثانيه طلع من جيبه علبه مخمليه خضراء فاخره فتحه بنفس اليد كان بوسطها خاتم براق فصه ابيض مع الوان قوس قزح باهته خمنت احلام انه الماس رغم انها لم ترا الماس في حياتها الا في التلفزيون
مسك الخاتم باصابعه وبنعومه رفع ايدها ودخل الخاتم في بنصريدها الايسر
-اتمنى تعجبك الهديه
- حلوه
- كل شي بس حلوه عندك
ماردت ا
-احلام طالعيني رفع ذقنها بايده
لكنها مارفعت عيونها من الحيا تحس انها ماتقدر لكن نبرة صوته كانت قويه
- اقولك طالعيني شككتيني في نفسي لاكون مرعب وانا مدري ببس
ابتسمت
- اخير اا
بتردد رفعت عيونها وناظرته
- احلام انتي زووجتي الحين يعني شريكة حياتي وانا اخترتك بدون ذكر حنة امي لاني سمعت كثير عن اخلاقك واحساس المسوليه الي عندك واحترامك لذاتك والناس
ابقى هالشي يستمر فيك واتمنى حياتنا الي ابتدت اليله تكون مبنيه على الاحترام والحب واسرار حياتنا ماتطلع بره الغرفه
ها وش قلتي كلامي مفهموم ولا
- ردت بدون خجل وبلهجه مشاغبه
- حاضرياسي السيد بقت اوامر ثانيه
ونظرة تحدي
تجمد ونظرته نظرت انسان مش مصدق وانفجر ضاحك
كانه يقول معقوله هذي الي من شوي بتموت من الحيا سبحان مغير اللاحوال
عيب
الباقـــــــــــــــــــــــي مشفـــــر 
التعديل الأخير تم بواسطة زيم الروم ; 31-03-08 الساعة 02:49 PM
|
31-03-08, 01:33 PM
جديد مواضيع قسم القصص المكتمله من وحي قلم الاعضاء
العرض العادي
