ههههههههههههههههههههههههه
حوار جاد ومفيد ومفرفش
انا ضد الا صطياد بكل أنواعه
لأنه يخدش حياء الفتاة
وأحلى مافي الفتاة الخجل
^_^

طرح مميز يا هاني بحييك علية

بس غريبة مفيش ولا شب رد في الموضوع خايفيين ولا اية هههه

أولاً وقبل أي حاجة براحة عليا واضح أن فيه فريقين فأنا أكيد ردي هيميل لفريق .

فالفريق المغلوب اللي ضدي طبعاًً رده يبقي خفيف عليا وبلاش هجمات هه <<< احنا في ماتش ولا اية ههههه

المهم

هل يجوز للبنت اصطياد عريس ؟؟؟؟؟
لو بصينا الاول لمعني اصطياد يعني البنت ترمي بلاها علي الواد أو زي ما قال هاني تسوق لنفسها

فمن المعني ده لأ طبعا مينفعش هي شقة ولا عربية بنعرض المميزات اللي فيها أو بنحاول نخلي اللي قدامنا يشتريها وبيتهيألي كمان مش من شيم الاسلام خالص
والطريقة ذات نفسها كأجتماعياً الحتي مش ظريفة
النقطة اللي لازم كلنا ننتبهلها أن الجواز بالظبط عامل زي الرزق مقسوم للبنأدم (بنت أو ولد) قبل ما يتولد الحتي لية الاستعجال بقي وطلبة بطرق في نظري مش شرعية هتققل من قيمتك كبنت
مش معني كده أننا نقعد حاطين أدينا علي خدنا ونقول رزقي وهيجيني لأ مش معني كلامي كده

بس لازم البادرة تيجي من الولد الاول
لأنها لو جت من البنت هتفقدها حيائها ومش هتبقي ظريفة بالمرة لأن المرأة دائما هي المرغوب فيها فلية احنا نغير القاعدة

في كتاب الفقة للشبخ سيد سابق مش فاكر بالظبط النص بس المعني بيقول ان البنت لما يتقدم لها عريس وتستأمر أو يطلب منها ردها فيه مش بيكون بالكلام مثلاً لفظ (موافقة) لأ لا يجوز لها التصريح أنما موافقتها بتكون عن طريق أبداء ابتسامة أو حمرة خجل علي خدها مثلاً

أنا مش فاكر النص بالظبط بس هو ده المعني

المعارضين للفكرة هيقولوا بس ده كان زمان أقول لأ المبدأ مبيتجزأش
يعني مثلاً فرضا البنات المحجبات مش بيجيلهم عرسان ولا هيجيلهم أبداً فيقلعوا الحجاب عشان يتجوزوا ؟؟

وكمان هيقولوا لو أنا مجرتش علية ورميت بلايا ههههه هيسيبني ويروح لواحدة تانية تبتسملة وتجارية في اللي بيقولة وتفوز بية هيا زي مثلا قصة زميلة الاخت علا

أقول لأ يبقي هو من الاول مش ناصيبك عشان يروح لغيرك صح ولا كلامي غلط
ولا هو نصيبك وقدر مكتوبلك بس جه حد خده منك عشان بيعرف يسوق لنفسة !!

فلازم البادرة تيجي من الولد الاول لأن ميصحش أنها تعرض نفسها

ممكن أه الشب يطلب بنت للجواز أو الاب يكون عارف ان الولد ده عايز يتجوز فيقوله أنا عندي بنات للجواز مثلا أنما البنت تروح تعرض نفسها كده أو مثلاً تصداده وتنصب شباكها هي ممكن تنجح بس معتقدش هي الطريقة الصح

ميرسي علي الطرح تاني مرة يا هاني
تحياتي