كاتب الموضوع :
khulod
المنتدى :
الارشيف
السلام عليكم ياحلوين
ان شاء الله مانكون تأخرنا عليكم..اعذرونا والله هالاسبوع اللي راح كان كله ضغط علينا
بس ولايهمك هذا البارت بين ايدينكم ..واحنا في انتظار تعليقاتكم وتوقعاتكم
وتقبلو تحياتنا: khulod-ربى -البندري-ريوف
=====================
h اضغطو هنا علشان تعيشون جو العيد مع الابطال
الفصل الثاني:
الله اكبر..الله اكبر..الله اكبر..ولله الحمد..الله اكبركبيرا ..والحمدلله كثيرا..وسبحان الله بكرة واصيلا..
كان هذا صوت مؤذن المسجد الحرام في بيت بنات السكران وهو ينادي لصلاة العيد
صلاة العيد ..اللي الكل يتسابق على انه يحضرها
صلاة العيد..اللي الكل مايحس بطعم العيد الا اذا حضرها
:من العاااااااااااااااايدين..
البندري اللي كانت (لابسه ترنق وبوت رياضي..وكانت تتميز بعيونها السوداء الواسعه ورموشها الطويله وشعرها الاسود الطويل):من الفايزين ومشت وسلمت على ربى
البندري:اش اش هالجمال ..انتي جمالك مايطلع الا في المناسبات
ربى:شفتي كيف ..انا جمالي مايطلع الا في الضروره
(ربى كانت طويله وجسمها يشبه جسم عارضات الازياء شعرها بني مدرج وعيونها وساع وعدساتها عسليه ورثتها عن جدتها وكانت تتميز بفمها الصغير الكرزي)
البندري:طيب لا تصدقي نفسك ..تراني اجاملك بدال حلاوة العيد..ودفتها وقالت:ضفي وجهك خليني اشوف خواتك الخايسات وش يسون .. ودخلت غرفتهم
===============
دخلت البندري غرفتهم اللي كانت خاليه من الاسرة ومن كل وسائل الراحه..كان فيها اربعه فرش محطوطه على جنب ودولاب حديد مصدي ..وتسريحتهم كانت عباره عن مرايه صغيره يشيلونها معهم في كل مكان
ريوف وهي ماسكه المرايه لفتاين ومعصبه:ياربي..وجع ان شاء الله..خلصتي الكحل في عيونك
فتاين:عووووووووذه ...قولي ماشاء الله
(فتاين شعرها بوي صابغته احمر ناري كانت عيونها وسيعه ورموشها الكثيفه وكانت تتميز بخصرها الضغير وكانت في طول ربى تقريبا بس انحف منها)
ريوف:ماراح اقول الين ماتعطيني الكحل
البندري وهي تقرب عندهم:الحقققققي فتاين عيونك حمررررررررررررة
فتاين خافت وقربت من المرايه بس مامداها تشوف شي لان ريوف حطت المرايه على الارض وجلست عليها
ريوف:مافيه مرايه الين ماتعطيني الكحل
فتاين:مافي كحل الااذا رجعتي المرايه
البندري:استلموووووووو بدة حرب داحس والغبراء
ريوف وهي تضغط على المرايه:مافي مرايه...يالله جيبي الكحل
فتاين:ريوفوه قومي عن المرايه لاتنكسر تراء مره عندنا غيرها كثير
البندري تولعها بينهم:فتتاين الحقي عيونك بدة تزررررررررررررررررررق
فتاين وبدة تعصب:ريوفوووه بتقومين ولا شلون
ريوف تستهبل وتحرك راسها مثل الاطفال:لا شلون
فتاين:انا اوريك اشلوووون...وقربت منها وسحبتها من شعرها بكل قوتها
(ريوف كان شعرها بني طويل لايق على لون بشرتها اليضاء بخدودها الورديه وعيونها اللي كانت سوداء مثل عيون البندري واما انوفهم كلهم كانت صغيره واقف مثل انف ابوهم)
ريوف حاولت تمسك شعر فتاين بس ماقدرت ....فعضتها
فتاين وهي تصارخ:عسى اسنانك الكسر حشى مو اسنان دباسات..شوهتيني قبل مااعيد
وفي هالحظه سحبت البندري المرايه بخفتها المعهوده وحطتها في الدولاب وتركتهم يتضاربون ولاهم دارين عنها
======================
كان داخل البيت وهو مايدري عن نفسه يمشي بخطواته اللي كانت ماهي متوازنه وريحة دخانه اللي غطت على ريحة بخور البيت اللي تعبت ربى وهي تبخره..مشى مشى ووقف بنص الصاله وانتبه لربى
اللي كانت متكشخه ببساطه ناظرها وهو مصغر عيونه وحاط يده عليها:هي لوسمحتي الاخت مين
ربى :الله المستعان سكررران من الصباح لا مو اي صباح صباح العيد بعد
الاب(خالد):اي صباح استحي على وجهك احنا الليل ماتسمعين اذان الفجر ...يالله قومي صلي
ربى وهي تسلم على يدها وجهه وقفى وقالت بحسره مخلوطه بتريقه:اي فجر احنا الحين العصر وهذا اذان العشاء
ابو ربى وهو يتمايل بوقفته:اه وانا اقول الناس ليش الناس كاشخه
وفي هالحظه طلعت البندري من غرفتهم وعلى وجهها ابتسامه على شكل اخواتها وهبالتهم بس انها اختفت اول ماطاحت عيونها على ابوها السكران:اشوف ابو الشباب جا
ربى :لا مو صاحي بعد
الاب وهو يري نفسه على الكنب المتواضع جدا والمقطع من كل جهه: و يكلم البندري:لالا ابو اشباب صايم بيفطر معي ...هي في شوربه...وين الفطور الفجر بياذن
وكلها ثواني وانتبه لاصوات فتاين وريوف اللي كانو يتخاصمون...وفز من مكانه وهو يقول :اخ يابنات الداشر الفطور داخل يتضاربون عليه ومحد قالي علشان الحق عليه قبل مايخلصونه بنات الفقر..ودخل لغرفة البنات اللي بالقوه عرف طريقها..وتكى على الباب ووقف يناظر فتاين اللي كانت تشد شعر ريوف وريوف غارزه اسنانها في يد فتاين
ريوف اول مانتبهت لبوها دفت فتاين بكل قوتها وراحت تجري لبوها وتجر ثوبه:يبه شوف فتاين ضربتني وقطعت شعري لابعد عظتني
الاب وهو يناظره:انا شكلي مسخن...معاكي سجاير
ريوف انصدمت من ابوها كانت تتوقع منه كل شي الاانه يكون سكرررررررررران يوم العيد
فتاين كانت واقفه وتناظر ابوها باشمئزاز وكره وزاد كرهها له اكثر وهي تشوفه سكران ولاهامه شي ..قربت منه ودفته بكل قوتها لبراء الغرفه وقفلت الباب في وجهه..ولفت على ريوف اللي دمعتها كانت ماخذه على خدها مجراها
ريوف ناظرت فتاين ومسحت دمعتها بكف يدها الصغيره:ليه كذا...ليه ابوي يسوي كذا هو مايحبنا احنا مو بناته
ليه دايم
يسكررر
يسكررررررر
يسكرررررررررررر......وبدأت تبكي من قلبها
فتاين حنت على ريوف:وقربت منها وضمتها وعيونها مدمعه:عادي وين الجديد ...تدرين خلاص خذي الكحل ولا تسمي وخلينا نروح لبيت ام حبيب القلب مؤيد
ريوف اول ماسمعت طاري مؤيد فزت من محلها وتكحلت حتى بدون مرايه:والله مو مصبرني على عيشتي هذي الامؤعيد
فتاين:اقول الا يكثر بس...وخلصو والبسو عبايتهم وطلعو للصاله عند البندري وربى اللي كانو مخلصين ولابسين عباياتهم ويستنونهم وطلعو من البيت بس عند باب بيتهم قابلو..
ابوهم اللي كان جالس في الشارع وحاط رجل على رجل ويغني بكل صوته وماسك الجريده يقراها بالمقلوووووووووب
ناظر ببناته وهويأشربيده:تعالو تعالو من وين جايات يالصايعات..في اخر الليل ولا كأن في البيت رجال يملي عيونكم
البندري وهي تمر من جنبه:سلامتك بس بنصلي العشاء ونجي خذ راحتك البيت بيتك...وراحت
مرت ربى من بعدها:اسمع يالحبيب اذا دخلت سكر الباب وراك وترانا مطولين...ولحقت البندري
الاب :ليه بتصلون التراويح معها
ريوف وهي توقف عند ابوها قربت منه وسلمت على راسه:من العايدين
دفتها فتاين:تسلمين عليه كمان فشلنا الله ياخذه ويريحنا منه ومن فضايحه امشي امشي ..ولحقو البندري وربى
الاب وهو يصارخ على واحد كان توه نازل من سيارته:هي يا الاخ شفت هالعصابه وصلهم السوق يبون يصلون..والله الله فيهم ...وسلم على ابوك
ناظره الشاب باحتقار:استغفر الله الله يعينك على مابلاك...ودخل البيت اللي جنبه
================
كانو نازلين من الدرج ...
كل واحد يدف الثاني..
سلطان وهو يدف بندر :استح على وجهك انا اول انا الكبير
بندر وهو يرجع يدف سلطان:اصلا انا الكبير
سلطان:تخسي انا الكبير
بندر:يستهبل:لا ياحبيبي انا اكبر شوف قامتي اطول من قامتك
سلطان يكمل استهبال:لاياشيخ انا اكبر شوف كتوفي اعرض من كتوفك
بندر وهويطالعه بنص عين وهو مو مصدق:خلنا نقيس ونشوف
سلطان بخبث:طيب تعال اوقف جنبي
قرب بندر منه بثقه ووقف جنبه..سلطان بدون مقدمات دفه ..بس بندر سحبه من ثوبه وطاحو الاثنين كلهم في نهاية الدرج
ام عبدالله الي كانت تصب القهوه لبو عبدالله اللي كان يناظرهم بنص عين:بسم الله عليكم ماتشوفون شر
وقامو الاثنين بسرعه وعدلو ثيابهم وغترهم ..ووقفو كل واحد يستنى الثاني يمشي اول
بندر قرب من ابوه وبصوت جدي:كل عام وانت بخير يالغالي...وسلم عليه وعلى امه بعده
سلطان لحق بندر وسلم على ابوه:من العايدين يالغالي
وراح لمه :من الفايزين يالغاليه
ومايمديهم جلسو الا الباب يدق..سلطان اول ماسمع الباب فز من مكانه علشان يبتعد عن نظرات ابوه
بندر وهو يمسكه:لا والله مايصير تقوم انت الكبير ارتاح
وعلى طول قام علشان يهرب من نظرات ابوه وفتح الباب ..وكانت في جهه اخته منيره وزوجها محمد وبنتهم انهار
دخلو كلهم داخل وسلمو على بعض...وبعد فتره
محمد وهو يحط فنجان القهوه:الا عبدالله وينه
ام عبدالله:الله يعطيه العافيه عنده مناوبه في المستشفى
منيره:الله يعينه حتى يوم العيد ماارتاح
سلطان وهو يشد شعر انهار اللي كانت جالسه بينه وبين بندر:ويعينا معاه
انهار وهي تضرب سلطان على يده:فك شعري قطعته
بندر وهو يشد شعر انهار من جهته:والله انك صادق الله يعينا معاه
ابوعبدالله بطفش:بعدين معك انت وياه من الصباح وانتم قايمين بشركم
قامت انهار من عندهم وهم يغلون وجلست جنب جده وقالت بدلع:جدي خلنا ندق على خالي عبدالله نعيد عليه
===========================
غزل سعد((20 سنه))
سعود سلمان((28 سنه))
غرور متعب((21سنه))
كانت عيون عبدالله تنتقل بين اسماء ملفات المرضى النفسين اللي على مكتبه وكل اسم يوقف عنده ويشخص حالته لكنه ماطول على هالحاله لان جواله قطع عليه تفكيره..وكان المتصل ابوه يسلم عليه ويعيده وكلم بعده اهله كلهم وعيد عليهم
وفي هالوقت دخل طلال وهو شايل بيده شنطته اللي رماها على مكتبه:ياشيخ الناس براء تعيد وتنبسط وحنا هنا مكروفين حتى يوم العيد
عبدالله:ياشيخ احمد ربك انك تعالج هنا مو تعالج
طلال :والله شكل المرضى النفسين اللي عندك مأثرين على عقلك
عبدالله :لاوانت الصادق صحبتك هي اللي اثرة عليه
طلال:الشرهه مو عليك الشرهه علي اللي معطيك وجهه بس تدري اروح اقابل مرضاي اصرف لي
عبدالله:الله يستر عليك وعلى وجهك معك
وطلع طلال وترك عبدالله حايس بين اوراقه وملفاته
===========================
بصوت كله انوثه:هااااااي بابي كل عام انت بخير
ابو مشعل:هلا والله بحبيبة بابي وانتي بخير ياحبيبتي
جود بعد ماسلمت على ابوها سلمت على امها :كل عام وانتي بخير مام
ام مشعل: وانتي بصحه وسلامه
ابو مشعل :الا مشعل وميساء وينهم فيه
جود وهي تجلس جنب امها:الحين جايين
وفي هالحظه دخل مشعل ووراه ميساء
مشعل: كل عام وانتم بخير جميعا بدووووووووون استثناء
الكل : وانت بخير
ميساء بكل نعومه وهي تسلم على ابوها:عيد سعيد بابي
ابو مشعل: علينا وعليك ..وش هالحلا وش هالجمال
ميساء وهي تسلم على امها:اذا انا حلوه فاانا ماجبت هالحلا الا منك ومن هالقمر وأشرت على امها
مشعل يستهبل :لا يكون صدقتي بس تراه يمزح
ميساء : انت مالك دخل
مشعل وهو يرمي الخداديه عليها :استحي على وجهك انا اكبر منك
جود وهي تناظر مناكيرها الحمراء اللي محليتها اظافرها الطويله:ياربي من الصباح مضاربات
مشعل وميساء مع بعض:انتي مالك دخل
ابو مشعل:يالله انا رايح اعيد على امي احد يبي يروح معنا
مشعل وهو يسوي نفسه نعسان:والله انا تعبان من امس مانمت
ميساء: انا بروح معكم
ام مشعل:وانتي ياجود ماتبين تروحين معنا
جود بدلع:نو نو انا مواعدهى صاحباتي العصر وبطلع ارتاح الحين
ابو مشعل :مشعل كلم واحد من السواقين خله يجهز لنا وحده من السيارات
مشعل :ان شاء الله
وطلع ابو مشعل وام مشعل وميساء يعيدون ومشعل طلع يلفلف ام جود اطلعت ترتاح على قولتها
=================
: اهلا اهلا بالعيد مرحب مرحب بالعيد.. العيد فرحه هه هه
كانت هذي الي كانت واقفه بنص الصاله بفستانها الوردي المنفوش وتغني بصوتها الطفولي
وقفت شويه ..
سكتت..
حطت يدها على اذانيها
وصرخت بكل صوتها:عزززززززززززززززززززززززززززززيييييييييييييي ييييييييييييييييييييييييييزززززززززززززز
وييييينك ..وين العيديه..
مشاري وهو طالع من غرفة جده بعد ماسلم عليه :هلا والله بالنقطه(رهف كنت قصيره ونحيفه يعني صغنونه ) تعالي سلمي علي
رهف وهي تتخصر:نقطه في عينك ..المهم اخلص عليه وين العيديه
مشاري :اول شي تعالي سلمي واعطيك العيديه
رهف زهي تنفخ:آف..وقربت منه وسلمت عليه:اخلص يالله وين العيديه
مشاري:العيدي..ان شاء الله اذا كبرتي تزوجتك
رهف: اصلا موه برضاك غصبا عليك ..تخسي اعنس وانت حي
مشاري: اقول تريحي بس وانقلعي نادي ابوك وقولي له اني انتظره في سيارته براء...وطلع
اما رهف دخلت غرفة جدها اللي كان فيهاعبد العزيز وام مشاري وبشاير والدانه...وقالت لبوها انا مشاري يستناه
==================================
كان واقف ويناظر حمامه على شباك جيرانهم..
:والله هالحمامه تنفع عيديه لشعشبونة قلبي بعد عمرري
وطلع نبيلته اللي ماتفارقه ..واخذ اكبر حجره طاحت عينه عليها...ورفع اكمامه ورفع النبيله على الحمامه
مشاري:اييييوه...خليك كذا...ايوه بعدي شوي بس...ايوه تمام....ورمى الحجر
بس للاسف طارت الحمامه قبل ماتوصلها الحجره اللي صقعت قزاز الشباك وكسرته...
مشاري خبى النبيله على طول بجيبه ونزل اكمامه :وش هالبلشه الحين...صدق انها حمامه غبيه ماتشوف ...هبله
عبدالعزيز من وراه:منهالغبيه اللي ماتشوف
مشاري لف عليه:دقيقه بس
وراح لبيت جيرانهم اللي كسر قزاز شباكهم....ودق الجرس
وفتح الباب اجارهم ابوصالح:هلا...والله
مشاري: السلام عليكم ياعمي
ابو صالح:وعليكم السلام
مشاري:من العايدين
ابو صالح:من الفايزين
مشاري:امم كل عام وانت بخير
ابو صالح : وانت بخير ...حياك تفضل للقهوه
مشاري:لا والله مستعجل ..بس صراحه انا اسف ..توني عرفت اني مااعرف حقوق الجار
ابو صالح:ليه عسى ماشر ياولدي
مشاري:والله ماادري وش اقول..مستحي منك ياعم..
ابو صالح:خير يامشاري وش بلاك
مشاري:والله يابو صالح..ولدك صالح الله يصلحه...يلعب بالنبيله وكسر قزازكم الله يهديه بس
ابو صالح:اه لا ماصار الا الخير حسابي معه بعدين...تفضل انت القهوه
مشاري: زاد فضلك ياعم بس والله اني مستعجل
وبسرعه راح لسيارة عبدالعزيز ...وحركو سيارتهم وراحو يعيدون على اصحابهم
(ملاحظه:ابومشاري متوفي)
=====================
ربى:والله انها حرمه ملسوووووووووووونه..الحين نجي نعيد عليها وتعايرنا ببونا
البندري:بس ولا يهمكم عرفت اربيها
فتاين:وربيتي اهلها معها ..بس والله حلاوتهم حلوه
ريوف: الله يقطعكم ماشفت موعيد...كله منكم
ربى:انتي انطقي الاسم صح علشان تشوفينه مؤيد اسمه مؤيد
البندري:بنات جدتي وين اليوم كله ماشفتها
فتاين:اكيد عند ام صالح
ريوف:ههههه مفروض تروح لبيت ام مشاري علشان تشوف حبيب القلب جدهم
فتاين: تلقينها سوتها من زمان يعني بتستنانا
البندري:وانا اقول احنا طالعين لمين
ربى :بنات تصدقون اني الين الحين مقهوره من ام مؤيد
البندري:عادي مو اول وحده تقول عن ابونا هالكلام
فتاين:بعدين هي ماجابت شي جديد..هذا هو دايم مفشلنا
ريوف وهي تناظر الزباله:بنات اليوم مو عيد
البندري: امانه اليوم عيد من جد
فتاين:تصدقين البندري توني ادري
ريوف:هى هى سخيفات المهم الحين اكيد بيجون ناس يعيدون على ام موعيد
ربى:مافيها شك ياذكيه
ريوف : طيب يالله ورايه نسحب الزباله
البندري:وش تبين فيها
ريوف :انتم اسحبوها معي وبس
وسحبوها معها الين باب ام ومؤيد
ريوف:يالله الحين وحده ترفعها معي نكبها قبل مايجي احد
ربى وهي ترفع معها : تصدقين توني ادري انك خبيثه
فتاين:تربيتك..لازم تطلع لك
البندري:تستاهل هذا جزاة اللي مايعطينا وجه
فتاين: بي صراحه حلاوهم حلوووووووووو
البندري: اللي يسمعك مايقول انك اكلتي نص الصحن
فتاين وهي تفتح شنطتها:وازيدك من الشعر بيت عبيت شنطتي
ريوف :خبيثه
فتاين ببراءه: اختك
ربى : امشو...امشو بس
ومشو البنات وراحو لبيتهم بس قبل مايدخلونه وقفتهم السيارات الفخمه اللي كانت واقفه عند بابهم
=======================
ابومشعل: وش اخبارك يمه عساك بخير
الجده: حمدالله بخير..انت وش اخبارك وشلون عيالك
ام مشعل: اشلونك اش اخبارك ياخاله
الجده:الحمددالله بخير يامال الخير
ميساء: جده وين بنت عمتي مااشوفهم
الجده: والله يابنيت اني مااددري بس اكيد انهم يعيدون على الجيران
ابومشعل: الا على سيرتهم ابوهم السكير وينه
الجده:المسيكين توني وانا راجعه من عند حيرانا شفته نايمم بالحوش وصحيته ودخل بنام بالغرفه
ابومشعل: انا مدري ليه انتي تاركه بيت ولدك وقاعده في بيت طليق بنتك
الجده: يعني تبيني اترك بناته مثل ماسوة اختك وتركت بناتها عنده وهو بحالته هذي
ام مشعل : طيب تعالي ياخاله انتي والبنات زاسكنو عندنا
الجده: تكفون كانكم تبون رضاي قفلو على هالموضوع
======================
ريوف وهي تمسح بصبعها على السياره السوداء المغيمه:يابنات شوفو كيف نظيفه..والله انها انظف من مرايتنا
البندري: سيارات مين هذي لا نكون صرنا اغنياء واحنا مااندري
ربى:لا ياهبله صرنا اثرياء
فتاين:بنات لا تكون جدتي باعت مكينتها واشترت هالسياره
ريوف:والله لونبيعك انتي وجدتك ومكينتها ماجبتو كفرة هالسياره
فتاين:اقول ضفي وجهك بس
البندري: خلااااص هذي سيارتنا
ربى : وانا راييي من راي البندري
ريوف: لا اله الا الله
البنات : محمد رسول الله
ريوف: مبروك علينا هذي السياره
ودخلو بيتهم وهم يرقصون ويغنون ومصدقين السياره من جد لهم
ربى وهي تفتح باب الصاله وتغني: يامصلي الخمسين ...هذي عطايا الراحمين
ريوف وهي ترقص ومعها فتاين : عاشو ...عاشت فتاين...عاشت ريوف
البندري داخله عرض: مباركين عرس الاثنين
ربى:عاشووووو عاشووووووو خواتي
الجده: انتن وينكن فيه من اليوم
البنات بعد ماانتبهو لناس اللي في الصاله
فتاين وهي تناظر بخالها: كنا نعيد على جيرانا..ليه بغيتي شي جده
الجده: ايه تعان سلمن على خالكم وعطونا القهوه
وسلمو البنات على خالهم وزوجته وبنتهم ميساء اللي اصرة على البنات انهم يحضرون حفلتها الاسبوع الجاي...وجلسو نص ساعه وبعدها راحوووو
===============
الساعه 5:30 العصر
منتي نهاية دنيتي لو تغيبي روحي على ماتشتهي مرجعك لي
مهما وصلتي اعرفي من تكوني اناعلمتك شي وانتي و لا شي
مد يده يدور جواله اللي ازعجه من ساه ....واخيرا لقاه بعد ماطرح اللي على الكمدينه كله
مشعل بصوت كله نوم: الووو
: مرحبا حبيبي انت نايم
مشعل وكله نوم: وش رايك
:قوم صرنا العصر وش منومك لهاالحزه
مشعل وبداء يصحصح:ايش اسوي حياتي كنت احلم فيكي
:ياكذاااب قولي وش كنت تحلم فيه
مشعل يسوي نفسه رومانسي:وانا عندي غير نوف وعيون نوف واحلى نوف علشان احلم بها
رددت وهي مصدومه: نوف ميييين نوف
مشعل بصوت واطي ونبرة شك:انتي نوف
: لا يا استاذ انا اتهاني يالخاين ..قولي من نوف
مشعل وهو يضرب على جبهته ويردد بهباله:مين نوف
تهاني وهي تصارخ:انا اسألك مين نوف ..لاتقعدتضيعني زي كل مره..هذا وانا حبيتك ووفيت لك القاك خاين ..ياخساره ماتستاهل ايامي اللي صيعتها معاك وانا على بالي انك حبي ..بس انك طلعت واحد نذل حقير
مشعل طفش من محاظرتها:اقول عن الغلط وش فيها لو يعني عرفت غيرك
تهاني:انت من جد تتكلم صدق انك واحد...
مشعل قاطعها:اقول احدمي ربك اني متحملك ولا انتي مين يتحملك نازله فيني غراميات ..في الليل حب ..والنهار حب ..والعصر حب ماصارت خنقتيني خلي الواحد ياخذ راحته شوي ولا انتي على بالك انك بتسوين لي احتكار ..والله حرام انا اكون لوحده بس وش ذنب باقي البنات مايكون عندهم مشعل والله ماتوقعتها منك طلعتي وحده انانيه ولا يهموك بنات جيلك
تهاني:مشعل
مشعل يقاطعها: اص ولا كلمه انتي وحده انانيه خلاص كشفتك على حقيقتك
وقفل الخط في وجهها ورمى جواله فوق السرير وهو يقول:ناس ماتجي الابالعين الحمراء
..وقام غسل ولبس وطلع..
=====================
7:15
بعد صلاة المغرب مشاري وهو يوقف السياره لف على خاله عبدالعزيز اللي جنبه:دحدر يابو الشباب
عبدالعزيز وهو يعدل شكله في المرايه:دحدرت في وادي ماله قاع قول امين
مشاري وهو يفك باب السياره وينزل منها:اقول انزل بس لاطيرك بكف يلصقك في باب بقالة ابو صالح
عبدالعزبز وهو يناظر بشعشبونه اللي لافها مشاري على رقبته:مجرم تسويها ..الامااقول الا الله يخلف عليك يااختي..ونزل من السياره ووقف يناظر بكفرها:مشاري تعال شوف كفرك منسم
مشاري:لا ياشيخ من جد تكلم
عبدالعزيز بعد ماجلس وفحص الكفر:الامنسم ورايح فيها بعد
مشاري مشى لجهت عبدالعزيز ومايمديه جلس يفحص الكفر الا عبدالعزيز داخل البيت ومسكر الباب وراه
عبدالعزيز من وراء الباب:والله ان عقلك المنسم ماهو كفرك
مشاري بعد مافهم حركة عبدالعزيز وراح يدق الباب :عزيز فك الباب احسن لك
عبدالعزيز :عزيز في عينك ياقليل الادب والحياء والخاتمه
مشاري:ماعليك زود بس فك الباب
عبد العزيز:اسف ماني فاتح الين ماتقول اسف ياخالي ياتاج راسي
مشاري:تخسي الا انت مابقى الا هي
عبدالعزيز:طيب هي شف من يفتح لك..ومشى لداخل البيت وفي طريقه قابل بنته رهف
عبدالعزيز:رهيف روحي افتحي لولد عمتك الدلخ
رهف وهي تتخصر:موانت خاله كف ماتبيه يطلع دلخ..معليش بس هذا اللي انا اعرفه
عبدالعزيز وهو يمر من جنبها:اشبك تعرفين شي ماالومك دلخه مثل ولد عمتك
رهف:لاتروح بعيد مو انت ابوي يعني اكيد طالعه لك
عبدالعزيز رجع لها وهو يسوي نفسه بيضربها:ايش اش قلتي ماسمعت
رهف:لا سلامتك بروح افتح لولد عمتي الدلخ...وراخت
عبدالعزيز وهو ينفخ صدره:قلة ادب ..بزران اخر زمن
ودخل البيت وشاف ام مشاري جالسه وقدامها دلة القهوه وتصارخ على الدانه اللي كانت جالسه جنب بشاير وتشد شعرها....وبدون مقدمات طار عندها وشد شعر ها:يابنات ...خير وش فيكم..عسى ماشر ...تعوذو من ابليس ...الليله عيد ..تراكم خوات لا تخلون الشيطان يدخل بينكم
الدانه وهي تصارخ:عزيز فك شعري احسن لك
عبدالعزيز: يمه خوفتيني ...وناظر بشاير :بشايرتعورك
بشاير بعد ماعضت الدانه:اش رايك يعني ...الدانه يازفت فكي شعري تراه مستشور
عبدالعزيز وهو مازال شاد شعر الدانه: الدانه يازفت فكي شعرها تراه مستشور
الدانه وهي تشد شعر بشاير:آآآآآه فك شعري ...هذا بدال ماتوقف معي
عبدالعزيز فك شعرها وشد شعر بشاير:هاكذا تمام يا...ومامداه يكمل كلامه الا بالخداديه على وجهه الي رماها مشاري عليه بكل قوته
مشاري:هذا بس علشان ماتسكر الباب علي
عبدالعزيز:طيب حسابنابعدين المهم تعال فكني من هالثيران اللي تتناطح هنا
الدانه وبشاير اول ماشافو مشاري بعدو عن بعضهم موخوف منه بس خوف من شعشبونه اللي على رقبته
مشاري : والله مافي ثور غيرك يالثور
عبدالعزيز بعد عنهم وراح وجلس جنب ام مشاري اللي كانت جالسه وتتفرج على خبالهم:الله يعينك يااختي والله لو هذولي عيالي كان ارميهم بملجأباخر العالم والا اسأل عنهم
بشاير وهي تعدل شعرها:ايوه فتن بينا وبين امنا
مشاري :ايوه مو هذي هي شغلته
ام مشاري وهي تمد على عبدالعزيز فنجان القهوه :الله يهديكم كلكم ويصلحكم
عبدالعزيز وهويبتسم بخبث مع مزح:بس الصراحه عيالك ذولي مايبرونك
الدانه:الله ياكبرها عند ربي ..يعني علشان مضاربه صرنا مانبر امنا
عدالعزيز: ايوه اصلا المضاربه سبب في عدم بر الوالدين..ولام بالذات
بشاير بتريقه:لا من جد توني ادري
عبد العزيز:ولعلمك بعد تراها تسبب العنوسه في المجتمع
الدانه تتمسخر: لا من جد كيف
عبد العزيز: يعني انتي تطقين اختك واختك تطقك وتسبب لك عاهه تخوفين بها الحريم وبكذا مايخطبنكم لعيالهم علشان ماتخوفونهم ..وبكذا تطحين بكبد امك وتعنسين...شفتي كيف
وقطع عليه كلامه صوت ابوه وجد العيال:عزييييييييييز
عبد العزيز طاح فنجان القهوه من يده:هلا هلا يبه ..وقام وسلم على راسه
الجد وهو يضربه بعصاه:انت ماتستحي على وجهك يالهايت
عبدالعزيز ويفرك مكان الضربه:وش فيك يالغالي عسى ماشر
الجد:صدق ماعرفت اربيك
عبدالعزيز:ليه عسى ماشر
الجد:وين مرهم الركب اللي لي اسبوع وانا اطلبه
عبدالعزيز وهو يضرب على جبهته:يوه نسيته خلا...
بس قطع عليه كلامه ..صوت رهف اللي كانت تصارخ وتبكي من قلبها ..ودموعها مغرقه خدودها
:لااااااااا ماني رايحه معها.....مااحبهاااااااااااااااااااا
الكل سكت ...الكل كان عارف ان هالحظه بتجي زي كل سنه او كل عيد..الكل كان متعود ...الا عبدالعزيز اللي كان مستني هالحظه من الصبح ويتمناها تعدي على خير
رهف جرت ورمت نفسها بحظن ابوها:بابه الله يخليك ماابي اروح لها..اكرها عيدها معفن ..مو حلو زي عيدك بابه الله يخليك بعيد معك
عبد العزيز وهو يضم رهف لحظنه ويتمنى يدخلها داخل عظامه علشان محد ياخذها منه بس الظروف لازم تلعب دورها
(عبدالعزيز كان متزوج من ام رهف اللي كانت من عائله غنيه بس ماقدرت تتحمل وتتعود على حياة عبدالعزيز البسيطه فتطلقت وتركت رهف عنده وعمرها شهرين الين ماصارعمرها الحين 8 سنين)
عبد العزيز:لا يابابه هذي...مامه ولازم تعيدين عليها
رهف بصراخ: لا ما اروح لها ...ولفت على عمتها ام مشاري اللي كانت محزنه عليها:عمه الله يخليكي بجلس مابروح
ام مشاري: بس ياحبييبتي هذي امك زلازم تعيدين عليها
رهف لماحست انه مافي امل من عمتها لفت على جدها: جدي الله يخليك بجلس عندك
الجد اللي ماكان عاجبه حال ولده عبدالعزيز وبنته:والله ياجدك ماادري وش اقولك
رهف مافهمت شي من كلام جده وناظرت بعيون ابوها اللي اخذة منها الكثييير:يعني لازم اروح لها
عبدالعزيز وهو يمسح دموعها: ايوه لازم تروحين ..ولا تبينهم يقولون عزيز ماربى بنته..وغمز لها
رهف :اصلا خلهم يصيرون زي عزيز بعدين يتكلمون عنه...بس عندي شرط
عبد العزيز:آآآمري
رهف: ماابي اروح مع السواق اللي برااء انت توديني وترجعني
عبد العزيز:بس غالي والطلب رخيص
وفعلا وصل عبدالعزيز رهف لبيت امها على اساس بعد اسبوه ياخذها
ومشاري اخذ شعشبونة قلبه وراح للقهوه
اما الدانه وبشاير راحو يكملون السهره عند بنات السكرررررران جيرانهم
======================
وترقبونا في البارت القادم باذن الله....في انتظار تعليقاتكم وتوقعاتكم..
======================
اللهم ايك نعبد ولك نصلي ونسجد واليك نسعى ونحقد نرجو رحمتك ونخشى عذ ابك ان عذابك بالكافرين ملحق اللهم انا نستعينك ونستغفرك ونثني عليك الخير ولانكفرك ونؤمن بك ونخضع لك ونخلع من يكفرك
التعديل الأخير تم بواسطة اقدار ; 21-03-08 الساعة 06:19 AM
|
15-03-08, 01:52 PM
جديد مواضيع قسم الارشيف
العرض العادي
