كاتب الموضوع :
عذراء الثلج
المنتدى :
القصص المكتمله
التكمله///
في الحفله الماجنه الراقصه الي كأنك بكازينو مو بيت
بيت كبير من بيوت روسيا ومعروفه بيوت روسيا انها كبيره وفخمه تحتوي على صاله كبيره جدا وفيها عدد كبير
من الطاولات والكراسي الملبسه بالون الاحمر وفي الطاوله مجموعه كبيره من الخمر المذهب للعقول
ام عبدالله تصادقت مع وحده خليجيه ومستانسه معها ساره راحت لدورات المياه ورجعت
ساره تناظر مستغربه من الناس الموجودين عددهم تقريبا 30 من البشر وأغلبهم من الجنسيات العربيه وبالاصح الخليجيه
البنات للابسين وكأنهم مو لابسين شئ الظهر كله طالع ولا الفساتين الامو مكلفين المصممين بخياطتها لانها قصيره بالمره
والصدر مفتوح ومابقى شئ وحدث ولاحرج وفيه عدد كبير بعد من الروس
ساره ماستغربت من لبسهم لان ذا اللبس طبعي بذي الايام بس قدام بنات مو رجال>>بتكحلها اعمتها خخخخخخ
استغربت ساره انهم مو مايحسون بالبرد القارس المرعب واستغربت من ابوها وامها الي جالسين مع ناس ووو
وبيدهم كؤؤس زجاجيه من الويسكي
ساره:ابوي ممكن يشرب بس امي لييييييييه (بصوت خفيف)يماه لاتشربين هذا ويسكي بعدين تدمنينه يماه لاتشربين
ام عبدالله وهي تتكلم بطريقه هيستيريه:والله ياساره طعمه ويييع بس تراه يجنن
ساره عرفت ان التاثير وصل راس امها من الخمر ومن زوجها الي هو ابوها
بعد ساعه كامله من الإقناع
خالد:صدقني والله العظيم اني ماعرفت ان مها بنت خالتك الا الحين سامحني تكفىىىىىى
عبدالله:ياعيني عليكم كل واحد مسوي حاله طيب وسامحني وسامحني
خالد:ليه مين غيري
عبدالله:مالك شغل
خالد:انا اسف والله انت تدري عني راعي بنات كل يوم متعرف لي على وحده وخلااااص اللحين حرمت
عبدالله:ايه احسن
خالد:وصدقني بنت خالتك اني اكلمها ليل نهار ماترد على واللخين باحذف رقمها قدامك(يطلع جواله ويمسح رقمها
عبدالله:لاخاف تكلمها اصلا لعلمك تراي عفتها
خالد بحزن:ماعليش والله فرقت بينك وبين خطيبتك
عبدالله:خلاص لاتجدد الجروح ولاتكلمني بذا الموضوع مره ثانيه
خالد:وانا
عبدالله:انت وش
خالد:انا مابي اخسر صداقتك
عبدالله مبتسم:وخلاص ماراح نخسر بعض علشان حريم
خالد مبتسم ومبسوط:كذا الرجال والله انا اموت فيك
عبدالله:بس هاه لاتعيدها ترا اذبحك
خالد:يعني صافيه لبن
عبدالله مبتسم:حليب ياقشطه
خلود فتحت عيونها بتثاقل تناظر لكل شئ حولها السرير الابيض الي عايشه هي فيه من مده طويله وشافت الساعه الحائط
التي تأشر للساعه 1 بقلبها تقول ليل ولا نهار))تناظر الستائر وتشوف الدنيا ليل من بعيد وهي بسريرها تلمس حلقها ورقبتها
تحس بالام بس مو عنيف مو شديد وتشوف الي عند سريرها ممرضه لاهيه تقرا كتاب معها تحاول خلود تتكلم ماتقدر تأشر
بيدها للمرضه علشان تنتبه لها
رفعت بصرها الممرضه:يألف الحمدلله عسلامتك ياجميييييييل
خلود فتحت فمها تبي تتكلم ماتقدر
الممرضه حست فيها وبذات انها تعرف حالتها:ماتحاوليش تتكلمي كلها كم يوم وتكوني زي الفل
خلود تنزل دمعتها وتناظرر لها بنظرة حزن كأنها تبي الممرضه تفهم كلام العيون علشان تسألها عن ماجد ووش صار عليه
الممرضه كأنها عرفت لان خلود المره الماضيه اول ماتكلمت سالت عن ماجد:ماجد صح
خلود ابتسمت بلهفه وتناظر بحماس وتأشر براسها للايجاب
الممرضه ابتسمت:ان شاء الله هو بخير((تروح تجيب الصحيفه الي انتشرت فيه مقابلة ماجد
خلود تاخذها وتناظر صورة ماجد فتحت عيونها بقوه وتقرا بلهفه
تقرا مقابلة ماجد
الصحافي:لو اللحين حكموا عليك بالافراج راح تقتل اوتذبح احد
ماجد:ايه راح اقتل واشرب دم واحد
الصحافي خاف:طيب تقدر تقولنا مين
ماجد:سعود الخائن سعود
الصحافي:وش قصدك بكلمة خائن يعني خان بلده او خان عمله او ايش خان بالضبط
ماجد:خان صديقه ورفيق عمره
خلود نزلت دموعها حزن علييه وعرفت انه يدري انها بالمستشفى
الصحافي:ممكن تحدثنا عن جرائمك يعني مين قتلت وكيف وابشع جريمه واحد مقتول حزنت عليه وواحد فرحت انك قتلته
ماجد:علي فرحت بقتله كثيرررر
الصحافي:تقدر تقولنا ليييييه
ماجد:لاني تعرفت على اجمل انسانه بالوجود تعرفت على خلود
خلود تنفجر بالصياح بطريقه مأساويه تخلي كل الي قدامها يحزن ويتقطع قلبه عليها
الممرضه ماحاولت تهدئها لانها هي بعد بحاجه لاحد يهديها بعد بكاء خلود المجروحه
في روسيا//
كل الي في الحفله معجبين بساره لانها جميله جمال عربي مو زي الاوروبيات بيض بس مافيهن ملوحه ولاجاذبيه
رغم ان ساره ماتكشخت الا انها طالعه جذاااابه شعرها ناعم وشوي طويل لونه اسود مكياجها جدا خفيف
ولبسها غلط في غلط مو كشخه ابدآ بس طالعه نعومه
يجي رجال روسي اسمه جورج متوجه للطاوله الي موجودين فيها اهل ساره وساره الي تناظر اهلها بكل اشمئزاز وبكل قرف
جورج مبتسم ويكلم ساره:Здравствуйте, привет /مرحبا ممكن ترقصين معي؟؟
ساره وهي تدفئ بزياده بالجاكيت الي من الفرو تناظر له وتحرك كتفها يعني مو فاهمه عليه ومنزله راسها خجلانه منه
ابو عبدالله وهو سكران:قومي ارقصي معه يبيك ترقصين يالغبيه
سمر متزوجه وبعد من شلتهم تضحك بقوه:ههههههههههههههههههه حلوه غبيه
ساره:والله مارقص معه
ابو عبدالله يناظر لها بحقد:قومي لاكسر راسك
ام عبدالله:قووووووووومي سارونه ارقصي وش بيضرك عااااااااادي خليك مثل مهاوي
ساره بكل حزم:لااااااااا
جورج يناظر لهم وهو مو فاهم بس قاعد يوزع ابتسامات
ابو عبدالله وهو صاك على سنونه:قووووومي
ساره خافت وقامت:اووووف بس ماعرف ارقص
ابو عبدالله وهو يضحك:كيف بتعرفين وانتي لابسه كذا نزلي الجاكيت جاكيت حشى مو جاكيت بطانيه
سمر وهي منتهيه ضحك:هههههههههههههههههههههههه حلوه بطانيه
ساره:يبااه مو لابسه الا بدي
ابو عبدالله:يعني كيف بدي ماعرفه
سمر وهي تضحك:يعني زي بلوزتي هههههههههههههههههه
ابوعبدالله:طيب حلووووو ههههههههه
ام عبدالله:وش ذا الستر الي نزل عليك مره وحده ياساروه
ساره تناظر اهلها وهي مو مصدقه ابدا والاكثر امها الي تاثرت من اول يوم والي كأنها مراهقه مو عجوز بالاربعينات عمرها
جورج يمسك يد ساره ويبوسها بطريقتهم
ساره تبعد يدها بسرعه وتناظر اهلها تبيهم يتكلمون لكن الاهل يناظرون والمنظر جدا عااااااااااادي والغريب حتى امها بس باين ان الخمر اثر عليهم واعمى قلبها وعقلها بزياده
بعدها يقرب جورج بينزل جاكيت مها الطويل (ومها تبعده بقوه
ابو عبدالله بعصبيه:مهاااااااااوي
مها ببرائه:انا بردانه الدنيا برد
ابو عبدالله:اشربي وراح وبتدفين ((يعني تشعرين بالدفئ
مها نزلت الجاكيت وهي كارهه عمرها وتتمنى انها تموت ولاتوصل لمستوى الدنائه الي عاشتها خلال ساعات
عبدالله وخالد بالمقهى
عبدالله:لاقلت لك والله مافيه اي وحده ببالي
خالد:طيب وش رايك ادلك على بنيه حليوه
عبدالله بنظرات حقد:تعرفني مستحيل اخذ لي وحده تكلم شباب
خالد يبتسم:افااااااا عليك وانا ارضاها لك
عبدالله:طيب مين؟؟؟
خالد:اختي اختي سوسن هاه وش رايك
عبدالله انحرج وصعبه يقول لأ بذات انها اخته:خلاص ان شاء الله بخلي اهلي يشوفون اختك ونتفاهم
خالد:اهلك ماسافروا
عبدالله رفع عيونه:بقول لبنت خالتي
خالد عرف مين:ايه خلاص وصدقني اختي بتعجبك وانا بجد ماضاء لاختي الا بواحد مثلك وماارضى لك الابمثلها
عبدالله ابتسم:تسلم والله بجد انك صديق مخلص
خالد بنظرات خبيثه:افاا عليك بس مابينا ذي الرسميات
مسكين عبدالله مايدري ان خالد متعمد انه يتعرف على مها بنت خالته علشان يفرق بينه وبينها وماعزمها عنده بالشقه
الا علشان يشوفها عبدالله عنده ماعرف ان ساره هي الي بتشوفه وانفضح بس ماهمته ساره قد ماهمه عبدالله يتمنى انه يغير كل شئ بحياته للاسوأ
تدرون لييييه لا بتعرفون بعدين مع الاحداث كل شئ راح يبين!!!
ادري ان الكل مستغرب كيف عرف انها بنت خالته؟؟
ساره ماقصرت معه بالماسنجر قالت كل شئ وهو طبعا يحب يحفظ المحادثه بينه وبين البنات زي اغلب الشباب
وقالت ان مها موجوده في نفس المنتدى الي هي فيه وقالت ان مها هي الي ملصقه عمرها باخوها عبدالله
ماخلت شئ عن العائله كلهم مو بس مها
في الساعه 3 ونص ليلا في شمال روسيا
ترقص ساره وجورج وهي تحس ان الدنيا بتتزلزل من صوت الاغاني العاليه ومن الازعاج ومن اشياء تنقال واشياء ماتنقال
يتمادى جورج ويقرب لها بيضمها تبعد ساره عنه وتصارخ بوجه
ساره بصرااااااخ:صحيييييييييييح سخييييييف ماتستحي على وجهك
الموسيقى توقف لان فيه صراخ وازعاج والكل يناظر حولها بس مايدرون وش السالفه
جورج مو فاهمها بس يدري انها زعلانه:Простите, извините //آسف بس انا وش سويت؟؟
ساره:اسكت ولاكلمه تتكلم وكلامك مو مفهوم يالحيوان
يقوم ابو عبدالله وهو معصب يقرب من ساره:انتي وش تقولين يالخبله
سمر وهي شاربه الكاس الثامن وطايحه على الطاوله:هههههههههههههههه حلوه خبله
ساره بصراخ:انتي الخبله يالتافه
اابو عبدالله يضربها كف على وجهها باقوى ماعندها والكل يناظر ومتفاجئ من الحدث الغريب الي صاير
ساره وهي تحرك شفايفها استعداد للبكاء:انا غلطانه اني جيت عندك (تنفجر بالصياح وتركض برا البيت الضخم في عز الليل
وفي عز البرد والارض مو باينه لان الثلوج مغطيتها تركض وتروح ماتدري وين تروح تمشئ وتمشئ وهي مو لابسه الجاكيت
وتحتمي بيدها تتدفئ فيها لكن لافائده البرد مرررررررعب وتركض الى طلعت بعييد عن المكان تقريبا 3كيلو بعيد بالنسبه للمشئ
وفجاءه تطيح بحفره عميقه ويغمى عليها
عبدالله يفتح باب البيت ومها تاخذ جلبابها وغطوتها بسرعه وتتغطى بالمقلوب من العجله
عبدالله منزل راسه:السلام عليكم
مها وهي جالسه:وعليكم السلام
عبدالله:اخبارك مها
مها:الحمدلله وانت شلونك
عبدالله:انا زين غريبه الساعه 1 ونص وانتي مانمتي
مها مبتسمه:لااليوم مافيني نوم بنام بعد شوي
عبدالله:طيب اقدر اكلمك بموضوع واتمنى ماترفضين لي ذا الطلب
مها بكل جديه:انت تامر امر
عبدالله:مايامر عليك عدو انا بغيت تشوفين لي ااخت جارنا اسمها سوسن
مها من غير تفكير وبغيره زايده:لييييه وش تبي فيها
عبدالله استغرب منها لانها تغيرت الفتره ذي بس هذا اسلوبها الواحد مايقدر يغيره بسرعه:علشاني ابي اتزوجها انا خطبتها وخلصت
مها وقلبها ينطعن:وانا
عبدالله مستغرب:وانتي انتي وش
مها تبلع ريقه وبسرعة بديهه:انا وش مطلوب مني
عبدالله:زي ماقلت لك ابيك تشوفينها وتقولين لي رايك فيها وبرسل لهم كم هديه
مها وصوتها يتغير وجسمها يرتجف بقوه كانها في شتاء مو بصيف لا وبالشرقيه بعد:انشالله بس متى
عبدالله:بكره او بعده انا كلمتة
مها تقوم من غير شعور:اجل الله يوفقك ويسعدك معها يارب
عبدالله ابتسم:والله يوفقك حتى انتي (بقلبه يقول مع غيري
مها:اجل عن اذنك بطلع للغرفه بس ماتبي اسويلك شئ قبل مانام
عبدالله:لا سلامتك
مها:اجل تصبح على خير
عبدالله:وانتي من اهله
تطلع مها فوق
عبدالله:مها
مها:نعم ناديتني
عبدالله:ايه ناديتك انتي محتاجه شئ تبين شئ يعني من السوق او اي
مها تقاطعه:لامشكور انا مو محتاجه اي شئ الا رضاك
عبدالله استغرب من اسلوبها وكلمتها الاخيره هزته وحس انها قد ايش محتاجه له
يمشئ بعربه سريعه شاب وسيم عمره تقريبا 26 سنه ويمر من عند الحفره الي دايمآ يطيحون فيها كلابه طبعا بروسيا يستخدمون الكلاب
لطريقة التنقل من مكان لمكان ثاني لان الثلوج ماتساعدهم على المرور بالسياره الا بالايسفيلت
يشوف فيه وحده طايحه بالحفره ينزل وينزل بشوي شوي ويطيح فجئه بس دايمآ تصير له مو شئ غريب عليه
شاف الملاك الي طايحه وناظر لها يدها زرقا ووجهها باين انها مريضه ومنتهيه حاول يقومها مافيها فايده
شالها وطلعها من ذي الحفر بصعوبه وركبها بالعربه وبدوا الكلاب يمشون بسررعه
مها تدخل غرفتها وتنفجر بالصياح من قلب:كيييييييف يتزوج مو حرام بس انا ابيه الله ياخذني لو مارحت ذاك اليوم كان ماصار الي صار
ياليتني مت كيف بعيش اللحين ابموووووووت من دونه ماقدر ماقدر يااااااااارب لاااا (تقوم بسررعه وتمسح دموعها )
استغفر الله انا وش قاعده اقول لا انا ماستاهل عبدالله انا ماستاهله ابدا لو اني كنت احبه كان غيرت طريقة حياتي
لكني غبيه استاهل الله يوفقه مع سوسن ويصبرني يااااارب (يزيد صياحها من قلب
الساعه عشره الصبح في الرياض في المحكمه
محمد:ايه ماجد هو الي قتل اخوي قتله قدام عين ابوي وامي ابوي اللحين بالامراض النفسيه وهو السبب
القاضي:طيب انت ماراح تسامحه
محمد بكل اصرار:لااااااااا ماراح اسامح واحد ضيع عايلتي كلهم ابوي بالامراض النفسيه واخوي مات وامي حالتها يرثى لها
ماجد منزل رسه وينتظر الحكم
مافيه محامي لان ماجد ماعارض ولاقال شئ
القاضي:وانت ياماجد وش رايك انت قتلت مهند ولا لأ
ماجد منزل راسه وياشر بالايجاب
القاضي بصوت عالي:رد قتلته او لأ
ماجد رفع راسه وبعصبيه لانه فاقد اعصابه يبي يعرف الحكم بسرعه:ايه قتلته
القاضي تشاور مع بقية الاعضاء بالمحكمه:حكمت المحكمه حضوريا الحكم على ماجد بالاعدام(انقهر من ماجد لانه رفع صوته عليه كان ناوي يخليه سجن مؤبد )
ماجد يطيح من غير شعور يمكن من كثر تفكيره وين تروح خلود وين تعيش تتحمل الصدمه او لأ والف سؤال وسؤال احرمه طعم النوم والراحه
في روسيا//
الرجال يقرب لساره كالونيا ساره تشم تفتح عيونها وتحرك يديها تمددها وترفع شعرها
الرجال انجن عليها
ساره تفتح عيونها وتناظر تقوم بسرعه
الرجال:Простите, извините اعذريني
ساره:انت وش تقول
الرجال:Excuse me اعذريني انتي عربيه
ساره تقوم وتبكي:انت وش سويت
الرجال:والله ماسويت لج شئ انتي كنتي طايحه بحفره وطلعتج
ساره تذكرت انها طايحه بالحفره وتذكرت الاحداث الي امس:مين انتي عربي
الرجال:ايه انا خليجي
ساره حست بالامان والراحه:اجل اعتبرني مثل اختك
الرجال:افا عليج ولا يهمج يالغاليه
ساره تجلس وتشوف حالها من غير جاكيت ولبسها عاري تاخذ الشرشف(غطاء النوم)وتتستر فيه
الرجال:اسمي ثامر
ساره:وانا ساره من السعوديه
ثامر:ياهلا باهل السعوديه يرانا
ساره:هلا فيك انت من وين
ثامر:ابوي كويتي وامي بحرينيه
ساره اول ماقال بحرين تذكرت خالد وكشرت عبست
ثامر:افااااااااا وش فيج ماتحبين البحرين والكويت
ساره:لا بالعكس اموت فيهم
ثامر:ماشوفج فديتينا
ساره:فديت الكويت واهلها والبحرين واهلها بس مو فديت الي يزورون البحرين
ثامر يضحك عليها:هههههههههههه ليه تغارين من بنات والبحرين
ساره:امممم لا بس انت ساكن لوحدك بذا البيت
ثامر:ايه ساكن لحالي اهلي ساكنين بموسكو ودايما يجون هنا
ساره:واللحين هم هنا
ثامر:ايه بس في بيت بعيد
ساره:اها
ثامر:وانتي وين اهلك
ساره:بصراحه بصراحه اهلي انا زعلانه منهم تصدق ولا خلاص ماراح اقولك
ثامر:لييييييييه
ساره:لانك رجال غريب مافروض ماتكلم معك حتى
ثامر:ههههههههههههه قلنا اخوان خلاص انتي مثل اختي بس تحجي
ساره:طيب ابقولك اوووووف اهلي بجد غريبين تصدق قالوا ليي ارقص مع رجال
ثامر:هههههههههههه وطيب وش فيها
ساره:انت عايش طول عمرك هنا
ثامر:لا مو طول عمري عشت في البحرين الى وصلت عشر سنين وبعدها رحنا للكويت 5 سنين وبعدها عشت هنا بس ازور اهلي هناك
ساره بحقد:اها حلو بس لاتقطع باهلك يمكن يصيرون ابرك من اهلي
ثامر:اموووووووت وشوف اهلج
ساره:ماقلت لك السالفه
ثامر:طيب قوووووووولي
عبدالله يحس بتأنيب ضمير:يالله انا وش اسوي بجد مسكينه مها والله ماتستاهل بجد تغيرت ياحرام والله اوووووف بس هذا خطبني وانتهيت
وفشيله ارفض اووووه ولو ماخطبني ماراح اخذ مها (((هذا غلط كثر من الشباب يخطبون رجال لخواتهم لدرجة ان الكثير من المخطوبين يفكرون ان البنت فيها بلاء علشان كذا خااطبينها بجد زمانا غريب وعجيب
مها لبست لبس محتشم وشرأت من السوق عباءه على الراس وغطوه كامله وشرت هديه لسوسن علشان عبدالله بس
والا هي محروقه غيره وقهر وحتى حقد على سوسن لانها سلبت اغلى ماتملك مها
تتكلم خلود وهي نايمه الممرضه مو عندها
خلود:ماجد ماجد ابي اشوف حبيبي ماجد
بعد صلاة المغرب
مها:والله نتشرف ياسوسن انك تكونين من نصيب عبدالله
سوسن نزلت راسها وابتسمت
مها:بلا دلع عاد والله ماراح تلقين احسن منه وافقي له بس
سوسن:انتي اخته
مها انحرجت:لا انا بنت خالته
سوسن حركت حوجبها مستغربه
مها:لاااااااااااا رب اخي لم تلده امك
سوسن:طيب وين اخته ساره وامه
مها:ساره مسافره قصدي مهاجره هي وامه بيجلسون سنتين في روسيا
سوسن:طيب وخالد
مها ناظرت وفتحت عيونها بقوه:مين خالد
سوسن:خالد اخوي خطيب ساره
مها تقوم واقفه تفاجئت ان ذا البيت هو بيت خالد نفس الي قابلته ونفس الي حطم حياتها وفرق بينها وبين عبدالله ونفس الي فرق بينها وبين ساره اغلى صديقه وبنت خالتها الوحيده
سوسن:وش فيك
مها تلخبطت بالكلام وارتبكت:لامافيه شئ
سوسن:طيب وش فيك واقفه اجلسي
مها تمشئ:لاعن اذنك انا بروح وزي ماقلت لك ترا عبدالله ماينعوض مع السلامه
سوسن استغربت:مع السلامه
ثامر يشرب زجائره وبيده كاس ويسكي
ساره:تشرب خمر
ثامر وهو مو صاحي:اسمه ويسكي حبيب قلبي انا
ساره:حرااااااااااااااااام عليييييييييييييك
ثامر يقوم ويمشئ يقرب لساره:وليييه حرام جربيه تراه حلوو
ساره بخوف:لاااا
ثامر يمشئ لها
ساره تطلع من البيت وهي تصارخ بس بيته بعيييييد عن العالم بيوت روسيا متفرقه مو بجنب بعض وبذات بذا الاقليم
ثامر يقرب لها
امممممم وش تتوقعون يصير لساره؟؟؟ معقول بيأذيها ثامر ولا هو صاحب مقالب؟؟
وش الاحداث الي بتصير لمها وعبدالله بما انهم في بيت واحد؟؟؟
تتوقعون ملكة عبدالله وسوسن تتم ولا فيه شئ بيمنعها؟؟
ام عبدالله معقول تتندم ولا ماراح يهمها؟؟
ماجد وش بيصير له ينحاش؟؟
|
01-08-10, 05:52 AM
جديد مواضيع قسم القصص المكتمله
العرض العادي
