كاتب الموضوع :
نغم أنثى
المنتدى :
الارشيف
%الــحــ عشر ـــادي%
......:هاا الوضع أوكية أجيء ولا لا
.......: لا ما مزبوط خرج مع ماما مرة ثاني
رجعت جوالها السري في صدرها وبدت تمسح لأرض وما أنتبهة للي سمعها وكشف سرها
&&&&&&&&&&&&&&&&&&&&&&
ألف مبروك يمة الله يوفقك ويسعدك ويسهل لك كل أمورك
لفت يدها حول رقبة أمها وحطت رأسها على كتف أمها وهي تحتاج للحضن الدافيء أللي يعوضها عن إحساسها بنقص فرحتها وما منعة دموعها وتركت لها مطلق الحرية في النزول والشيء هذا خوف أمها وخواتها وكل أللي حولها وفرحانين لأنها خلصت دراستها وحصلت على الدكتورها
بيادر بخوف على أختها : بدور وش بك ليش تبكين يوجعك شيء؟
رفعت رأسها عن كتف أمها وأبتسمت أبتسامة على وسعها إلا أنها وأضح فيها كم التعاسة أللي وراها : لا ما بي شيء بس من كثر
ماني فرحانة ما عرفة كيف أعبر عن فرحتي
الكل صدق كذبتها ما عدا أمها أللي حاسه بتغيرها من فتره والبندري أللي تعرف تقراء أللي قدامها من خلال عيونه , بداء الكل يبارك لها وهي ترد بحرارة مصطنعة لأن أحساسها بأنها قتلت أخر نفس في حياتها مع حب الطفولة والمراهقة والشباب وفي أثنا أنشغاله بسلام دق جوالها أللي في يد أمها :بدور هذا ريان متصل يا قلبي من أخذت الجوال وهو ما بطل أتصال خذي كلمية أكيد يبغا يعرف النتيجة منك
مدت بدور يدها تأخذ الجوال وهي تخفي كل أللي فيها عن أمها عشان ما تعرف وتتنكد قبل فرح باسم والبندري : ألو
ريان أللي ماصدق عمره يوم ردة عليه: هلا والله يا عمري هلا بها الصوت
بدور قاطعتة وهي تحاول تظهر طبيعية قدام الكل : إية الحمد لله أنتهية وأخذت ممتاز مع مرتبة الشرف التوصية بطبع الرسالة
ريان أللي فهم قصدها بأسلوبها في الرد عليه :مبروك يا عمري من نجاح في نجاح أن شاء الله
بدور تبغاء تنهي المكالمة وفي نفس الوقت توصل رسالة لريان :أية باروح مع أمي وبمر أخذ البنات وباسل من البيت وما برجع لأن الزواج قرب وبغى أكون قريبة من أهلي
ريان :طيب بدور خلينا نتغداء اليوم مع بعض تكفين بدور أعطيني هذي الفرصة صدقيني أن راح نتفاهم ومـ
قطعتة بدور : خلاص بقول لأمي أنك مشغول وما تقدر تجي مع
السلامة
وقفلت الخط بعد ما وصلت لريان بطريقة غير مباشرة عن رغبتها في غدم رؤيته اليوم ولفت تتقبل التهاني أللي تحسها زي الخناجر تضرب في صدرها
&&&&&&&&&&&&&&&&&&&&&&&&&&
دخل الأستديو أللي ساكن فية وهو محمل بأغراض ناقصة في البيت وأبتسم أبتسامة تعبر عن طيبة قلب و طيب أصل لمحمد أللي واقف يسوي له سندويش في المطبخ : صباح الخير محمد
محمد يرد لمهند الأبتسامة بأوسع منها :صباح النور والسرور حماتك تحبك تعال أفطر
ضحك مهند :تسلم وبعدين أنت ضيفي و أنا أللي بضيفك بس أنت أستريح وخل أللي في يدك
لف عليه محمد: بس أنا عازمك أول
مهند: بس أنت ضيفي وفي بيتي واجب علي أضيفك
محمد: طيب لا بيتي ولا بيتك وأترك أللي في يدك وتعال نروح الكوفي شوب أللي مقابل العمار نفطر وأنا عازمك وبكذا ما لك عذر
أبتسم وهز راسه بيلاه وقام من عند الخزانة أللي يرص فيها الأغرض أللي جابها و محمد جلس على كنبة عند الباب يبدل شحطة البيت بكندرة وبعد ما خلص وقف :لتس قو (بس أستغرب من شكل مهند المتنح فيه ) هـــــــــــــــــي وين وصلت أقولك يلاه
بس مهند فاجئه بسؤال : أنت تقرب لي صح؟
محمد صدمة السؤال وفي نفس الوقت ريحة لأنه حس أن مهند متقبل فكرة أنه يكون له أقارب بس ما أعطاة جواب واضح: أحين لو أنا أبوك بنكر لأني ميت جوع فتعال نفطر وبعد الفطور ودني أقرب مستشفى عشان يشوفوا أذا في بيننا قرابة
مهند حس على حالة وأنة الصراع أللي داخل ترجمة لسانة إلى سؤال من دون ما يحس فبتسم بحرج :أوكية يلاه لا تبطل الحين وترجع تأكل في الشقة
وطلعوا الأثنين مع بعض للكوفي وكل واحد يعيش صراع داخلي
&&&&&&&&&&&&&&&&&&&&&&&&&
كانت جالسة مع الأستاذة الهندية أللي تشرح لها رياضيات ونفسها راس خشمها من الطفش :خلاص يا أبلى طفشت خلية الباقي ليوم الإثنين لأن اليوم أخذت أكثر من نص المنهج ما بقي إلا كم درس فيصير الإثنين نختم ونراجع
الأبلى بلغة عربية ممتازة ناتجة عن مخالطتها السعوديين من ولادتها :أوكية رنيم وأنا ماراح أضغط عليك بذات أنك ماشية في المنهج تمام وفاهمة أغلبه بس أشياء بسيطة أللي تحتاجي أعيدلك الشرح فيها يلاه شوفي لي طرق عشان أروح البيت لأن أهلي ينظروني
رنيم بتأفف لأنه وقت غداء وما تبغى وتبغى تأكل ولو ملقت أللي يأكل معها ما راح تأكل :لا لا لا مارح تطلعين تغدي معايه وبعدين روحي
أبتسمت الأبلى بأسف وقالت: سوري ما أقدر لازم أروح في بيتنا ما أشوف أمي وأبوي و أخواني إلا على الغداء ونحن نحترم وجبت الغداء لأنها تربطنا ببعض
رنيم زاد عبوسها وتنمت أنها تكون عايشة مع أمها وأبوها ومو شرط تشوفهم أهم شيء تعيش بحسهم : أوكية مس أللي يريحك
طلعت الأبلى و دخلت رنيم تفتح دفاترها وكتبها لمجرد أنها طفشانة وتنتظر نفيسة ترجع لأنها راحت توصل الأبلى للباب وفعلً ما طولت ورجعت وبادرتها رنيم بالسؤال:نفيسة تغدتي ولا لسى ؟
ردت عليها نفيسة: نعم يا ستي تغديتو من البدرية
رنيم بصوتها الناعم والمتملل: يــــالله يعني اليوم برضو مافي غدا
نفسية بسرعة ردة: كيف بتحكي كزا يا ستي اليومو في غداء زات كول يومو يا ست رنيم
رنيم ودموع اليومية بدات دوامها :أي نفيسة في أكل بس ما في من ياكل أرسلي الأكل لبيت السواق على أقل لو ما فرحت فية أنا يفرحوا فية مختار و أهلوا
___:يكون أحسن خلينا بدل ما ينطش في الزبالة يروح للي يستحقة
رنيم وقفت مخشبة من المفاجاءة وبصوت يا لله يطلع: دكتور آآآى باسم أنت من متى هنا ؟
باسم وهو يحاول يمسك نفسة لا يضحك عشان ما يحرجها: من ساعة إلا ثلث بعدين وش ذا الأستقبال مافي يا هلا ولا نور البيت
وقرب منها ومد يده وهي قربت بتردد ومدة يدها بتصافحه بطرف أصابعها بس أنصدمت منه يوم مسك يدها بتملك وجرها باس خدها وجبينها وهي كأنها ورقة مو مستوعبة طريقة سلامه عليها بس ما طولت حتى تكلمت بطريقة تستنكر فيها حركتة : نحن مو قلنا نجلس سنة أخ وأخته ولا نسية
باسم : لا ما نسيت بعدين وش سويت عشان الهجوم المباغت ؟
رنيم بطريقة قوية وشوية كبر صدمة باسم وشككته إذا كان هذي أللي منكسرة وتبكي من شوي : أبد ما سويت شيء نحنا ما تفقنا نكون أخوان لمدة سنة
باسم عرف سبب حمقها عليه فما زعل عليها لأن ما لها علاقة بغير جدها : طيب حتى الأخ يسلم على أخته كذا
رنيم أستغربت فتحت عيونها على وسعها ورفعت حواجبها : قول والله
باسم وهويحاول ما يضحك : والله , بعدين وشفيك ما تبغي تتغدي يلاه بسرعة تجهزي
رنيم وهي فاهمة خطاء: يعني تأكل معايه _هز رأسه بأية _
خلاص ثواني والسفرة جاهزة
باسم :لحظة لحظة يا حلوة سفرة أيش أقول أنتي نسيتي أن الأكل راح لسواق و أهله
حطت يده على راسها بأستياء : يالله ..أش أسوي _وجتها فكره_ خلاص تعال نجلس وبطلب من براء
باسم أبتسم : أنتي دوم عجلة ما تعطين أحد مجال يكلمك؟
رنيم أللي حست بعمرها وكيف أنها كانت ملهوفة وفرحانة بجود أحد معها في البيت:أم سو سوري وغوشتك بس فرحت بأن أحد بيأكل معاي زعلت ؟
باسم أللي حس أنها طفلة بشكل أنثى : لا ما زعلت بس أبغى أقولك أمي مسوية جمعة صغير عشان بدور اليوم ناقشة رسالة الدكتورها وأخذت أمتياز و قالت مر جيب زوجتك وأنا جيت أخذك تتغدي وتنبسطي عندنا
:بس أنا مأخذت لها هدية
: بس كذا أنا أخذت لها هدية والأبلى عندك ورجعت أخذك وكتبت عليها أسمك وأسمي يعني هدية واحدة محترمه مني ومنك
:خلاص دقايق وأرجع
وراحت للغرفة بس قبل ما توصل تذكرت شيء ورجعت لفة :دكتور باسم روح وأنا بجي معا السواق
باسم تضايق : ولية أنشاء الله مو عاجبك ولا سيارتي مو قد المقام
رنيم أللي عرفت أنها رمت الكلام بطريق أمر ونست أن باسم مو موظف عند جدها تعطيه الأوامر وينفذ بدون نقاش:أسفة دكتور ما قصدت أللي أنت فهمته أسمع _هز راسه بمعنا وبعدين _أنا العصر لأزم أروح الأسطبلات وأقابل الطبيب البيطري عشان الخيول أللي وصلت قبل كم يوم اليوم أنهاء فحصها وبيسلمني التقرير وبعد بمر أشوف مزرعة النعام وبعدين الأبل مكلمني الراعي اليوم الصباح وقالي أن فية ناقة تعبانه من كم يوم ولأزم أخذ لها الطبيب البيطري
وأعاين حالتها وبعدين لازم أمر المحاسبة في الفرع الرئسي وأخذ شويت أوراق وملافات وأراجع شوية حسابات تعرف المال السايب يعلم السرقة وأنا ما أحب أحد يسرقني ولا أسرق أحد لسى زعلان؟
باسم أللي وجعه رأسه من كثرالشغل أللي محطوط لها :لا موزعلان إذا عرف السبب بطل العجب بس أبغى منك كم شغلة أولها تناديني بأسمي بدون دكتور وتاليها لما تتكلمي معاية بطلي صفت الأمر لأني ما أحبها وأحب لغة التشاور وبعدين روحي ألبسي وأنا بشتغل لك سواق اليوم يلاة من حظك ما عندي مسائي
هزت رأسها وراحت لغرفتها تبدل ملابسها
&&&&&&&&&&&&&&&&&&&&&&&&&&&&&
توها راجعة من المدرسة وكارهه عمرها من طول المشوار ولقت أهلها مجتمعين أمها تجهز الغداء وأبوها وجدها وخوانها جالسين يطالعون سوق الأسهم فراحت عندهم وسلمت على راس أبوها وجدها وبعدين جلست على جنب أخوها سعد بعفاشه :هيييييي وين ناطة بمسبح مو جالسة على كنب
طالعة ورد في سعد بنظرة واحدة متملل :سعد ماني فايقة لهبلك و تعليقاتك
سألها جدها عن إذا مرتاحة في مهنتها و ردة رد البائس الفقير :آآه
يا جدو يرفعون ضغطي ما تتصور قديش بقر أظلني أشرح لهم و أبسط لهم وفي الأخير يقولوا ما فهمنا يا أبلى الرياضيات صعيبة وأنا موتي ولا كلمت صعبة لا والهوانم ما يقولون صعبة مثلنا يقولن صعيبة وناهيك عن الريحة والمرايل الوسخه
ممداها تكمل جملتها إلا وأمها هابة فيها : ورد وعمى يعمي العدو أنا كم مرة قلت لك تبطلي أسلوب الناس الجاهلة وبدل ما تنقدين وتتريقين علميهم كيف يتنظفون وتكسبي فيهم أجر بدل الأرقام وحساب المثلثات وقطر الدائرة إللي غاثتهم به
ورد حاست ثمها بطريقة أللي ما عاجبه شيء وبعدين قامت تغني عشان جدها يدافع عنها
وبعد ما خلصت قامت واقفة وبكل طفش قالت لأمها: أنا شبعانة موية ما أبغى أتغدا ..وشالت أغراضها بطريقة الجحات لما يشيلوا بقشهم.... جدو لا تكثر أكل إذا تبغاني أزوجك أحلى بنت أما إذا تبغى عجوز فلا وصيك لوغ (الأكل بطريقة مقرفة)بيمينك ويسارك مشت لغرفتها والكل ميت ضحك على شكلها
تكلمت أمها :والله عا البنت بتموتني ناقصة عمر مدري متى تكبر
&&&&&&&&&&&&&&&&&&&&&&&&&&
اليوم أشتغلت سواق للأنسة رنيم مو لأني فاضي لا بس لأن عندي عدة أسباب أولها لازم أفهم ها الأنسانة أللي يقول عنها محمد لو أقدر أزكي من أهل الأرض مخلوق فأنا بزكي رنيم ودايم يقولي أنه يلجاء لها في الأمور التجارية لأنها أحسن منه بعدين في سبب أهم أني لازم أقنع نفسي بأني تزوجتها صح ما هي الأنسانة أللي كنت أحلم بها بس لازم الحين أتعود عليها وتتعود علي بذات أن أيام العم متعب قربت تنتهي ونعمة أنة مازال عائش على وجة الأرض لأن عضلة القلب عنده ضعيفة جداً وحالته ما تسمح بأي عملية المهم نحن رايحين المزرعة طبعاً بعد ما رحنا للغداء في بيتنا أللي كان
جنة من الضحك والوناسة أللي عملتها أمي للكل والله الجمعات زينة طبعاً دخلت اليوم وضطريت أوصل رسالة لا مباشرة للأنسة رنيم بتقول كيف ؟ أقولكم أول ما دخل لقيت أمي في وجهي وأخذتها بالأحضان منها سلام عادي ومنها مباركة على نجاح بدور ورسالة عشان تشوف رنيم أنو طريقة سلامي عليها عادية المهم دخلنا داخل للبنات و فتحت يديني لبدور أللي حات تجري وتعلقة في رقبتي وكأنها حزينة وتدور من يواسيها المهم بوسة خدها ورأسها و تقدمت أسلم على بيادر أللي كانت جالسة مو قادرة تتحرك وأنا خام بدور بيدي اليسار وسلمت على يدها وراسها وأول ما أنتهيت من السلام وجلست وجلست الأنسة رنيم في مكان بحيث أللي يدخل من الباب ما ينتبه لها وجلست أنا بجنبها وبدور جلست ملاصقة فيني وشوي ألا وتدخل أغناء أنثى في البيت طبعاً عرفتوها البندري أللي سلمت على رنيم قبلي وبعدين جات وسلمت علي وجلست على فخذي عشان تغايض بيادر وبدور أنها أنحف وأخف منهم مو دباء مثلهم وأنا لفت أشوف رنيم أللي كانت فاتحة ثمها على الأخر وعرفت الحين أن الرسالة وصلت بذات بعد ما أكتملت اللمة و وصل باسل وشال بدور وقام بدور بها من فرحته فيها و بعد شافت أننا كلنا بنجلس مع بعض ومع كذا البنات محافظين على حجابهم وما في واحدة تكشف وجهها بأستثناء بدور لأنها أخت سارة راضعة من خالتي أم عصام فشباب أخوانها وكمان شافت كيف الزوج يتعامل مع زوجته في تعامل عصام وخوفة على بيادر و الأدهاء أنها شافت الغزل الجريء وأكيد عرفتوا من هذا السيد رائد أللي يحاول يا يكسب البندري يا يحرجها المهم بعد ما تغدينا طلعنا صلينا العصر ورجعنا البيت ووشربنا الشاهي وبعدين أخذت رنيم عشان تكمل أشغالها
&&&&&&&&&&&&&&&&&&&&&&&&&&
بما أنو ما عاد لنا في كندا غير يومين فأنا حاب أمشيك و أعوضك عن قطار الموت أللي في الشلال عشان كذا أجهزي اليوم بعد صلاة الظهر راح أرجع أخذك ونروح الملاهي أوكي
ردت عليه وهي تفرك عينها أللي مورمة من النوم :خلاص روح ودق لي تلفون الساعة عشر ونص
نادر : أوكي يلاة سلام
*
*
*
*
وفي نفس الدولة في شقة مهند أللي ما نام من يوم عرف من محمد كل شيء يخص أهل أبوه وأمه وأللي عجز يختار بين الشخص أللي كان يدور علية من سنين وهو يهرب منه و أختة أللي مالها في الدنيا غير بعد موت جدة وبين حياة الغربة و الحرية والهروب من شوفت أبوه أو الاحتكاك فيه بذات بعد ما عرف أخلاق أمه وأبوه طمعهم المفرط وبعد نا أكد له محمد حاجة أختة لحمايتة من أبوه وأمه بس قطع علية صوت الجرس سلسلة أفكارهفقام يفتح الباب ولقاه نادر :ويلكم نادر
نادر :يا أخي بتروح السعودية وأنت ما عندك علوم قبايل مشكلة لا وزواج أختك على طول بعد رجعتك
مهند : نادر أفكر ما أرجع أنا أنسان ما تعود أتعامل مع البنات وأنت تعرف الشيء هذا و أخاف أرجع السعودية وبدال ما أداوي أجرح
نادر أللي مو عارف كيف يقنع صديقه بضرورة رجعتة لسعودية :أسمعني لو بدون ما تزعل لو ما سافرت ووقفت مع أختك وجدك ما فيك خير أنت تتوقع العم متعب أنسان سيء لا والله أنا أعرفه أنسان ما يشبع الجوعان غير على سفرته وما يروئ الظمأن غير من دلته رجال لأعطاء ما سأل ولأخذ رده بدل تدري أنة ضحك على أمك وسجل نص حلالة بأسمها و أوهمها أنة الحلال كلة ويوم حطت يدها على الحلال أللي أعطاها ياه جدك وجدتك عشان تتنازل عن بنتها عشان يربونها وما تكسر ظهورهم مثل ما كسرتها بك وترميها لأبوك ربي ولا أرمي ما فرقت معاية تدري أمك أش سوت ....هز مهند رأسه بلا....طردت جدك وجدتك من البيت والعم متعب عشان ما تعرف أنه ما عطها كل الحلال سكن في شقة في عمارة شاريها بأسم جدتك ويوم تزوجت أمك وأختفت رجعوا وأشتروا لهم بيت وعاشوا يربون أختك وبعد فتره ماتت جدتك ورجعت أمك تدر ليش؟
مهند : عشان تأخذ عزا جدتي
نادر هز رأسه بلا وكمل: عشان تأخذ فلوسها وعقارتها وذهبها بس رجعت خايبة يوم لقيت أن جدتك تركت كل ما تملك بأسمك وأسم أختك لكن حاولت تشوه رنيم بشيرة مغلية لما حاولت تصبها على رأسها ولولا ستر الله وجيت وحدة من الخدم أللي أنقذة أختك من التشوه ومن يومها وهي عايشة حرب مع جدك عشان الفلوس ومحد وقف مع جدك أللى محمد ولد أخوة أللي رباه و طبعاً خالي سعد لما دخل معاه شراكة ولا والشعره أللي قسمة ظهر البعير يوم رفعة علية قضية خطف لبنتها وكبرة السالفة والقضية صارت قضايا ودخل أبوك في السالفة وطلب مبلغ عشان يسكت رغم إن أبوك موناقصة فلوس وبعد أمك بس طمع في الدنيا والعم متعب مو
محاربهم عشان يبغى المشاكل لا عشانه يبغا يأمن مستقبلك ومستقبل أختك ومحمد وعياله على العوم منت مجبور على شيء زي ما قالك أبو متعب وهذا هو بعيد ما يسمع واليوم بيروح يأخذ زوجتة وأولاده ويروح لجدك في السعودية وأنا بسافر يوم الأثنين لوتبغى تجيء معاي صدقني بكون مبسوط لأنك بتساعد على تحقيق أمنية لشخص ينتظرك تسبق قابض الأرواح عشان يطمن عليك وتأزر ورده على حافة الخطر وأنا ما قلت أللي قلته عن أمك وأبوك عشان أكرهك فيهم لا بس عشان تعرف أنك ما عنية ربع معانات أختك وجدك الحين أنا بتركم وأروح أقضي شوية مشاروير قبل أرجع السعودية
وخرج نادر وترك خلف ظهره كتاب مزقتة الرياح ينتظر من يلمل شتاته ويعيد ترتيب أوراقة ليعود ذاك المفيد
&&&&&&&&&&&&&&&&&&&&&&&&
كان باسل جالس في المكتبة مع أمه ورائد ينتظرون رجوع باسم عشان يعرفون الموضوع المهم إللي يبغاهم فيه باسل
باسم بعد مارجع رنيم لبيتهم ورجع البيت دخل وهويغني ويرقص من فرحته بأن الأنسانة أللي بيرتبط بها لها شخصية قيادة وتقدر تحكم رجال وتمشي مصالح رغم صغر سنها : أجيك يسلم راسك وشلون ماجيك
بس قطع علية صوت باسل من المكتب : طيب لف يمين عشان تجيني
أبتسم باسم ولف رأسه لغرفة المكتب وبعدين دخل وسلم عليهم وجلس:هاا أبو منيرة وش السالفة أللي جامعنا عليه اليوم
وبداء باسل يحكيهم عن أللي سمعه وتأكد منه وكيف أنه لصالح هم
لكن أمه ما كانت مقتنعة كيف يكون لصالحهم ويمكن يرجع يحرمها من بنتها بس باسل فهمها : يا إمي الله يعافيك إهي ما بتكون في البيت لا بتكون مع رائد ونحن نوهم الخدم كلهم أنها نائمة في الغرفة وإن البيت فاضي عشان تأخذ راحتها وتنفذ الخطة وبكذ يصير في أحتمال أن أبوي يوصل البيت عشان يأخذها وهنا يجي دورك وتبلغي الشرطة أن في بيتك حرامي وأنا بكون مرتب الموضوع من هناك وبكذا يسحبون أبوي لتوقيف وما راح أحد يحقق معاه إلا بعد زواج البندري ها يمة أرتحتي
أبتسمت أم باسل بفرح أن صار عندها رجال تحميها وتحمي بناتها
وقضت ليلتهم يخططون للعرس وتحضيراته
لحد هنا وقضينا الحين والبارت الجاي ما أدري متى أنزلة لأن الظروف تحكمك كثير و أتمنى يكون بارت مقبول لكم ولا تحرموني تعليقكم .
|
12-05-08, 11:50 AM
جديد مواضيع قسم الارشيف
العرض العادي
