كاتب الموضوع :
Honey1900
المنتدى :
الارشيف
رسالة إلى دلوعة بكيفي
السماح هو الطريق الوحيد إلي راح يهدي البركان إلي بداخلك
فكري شوية
طالما إنتي شايلة في قلبك راح تحرقي في نفسك الشخص الآخر ما راح يخسر شي
طالما إنتي شايلة في قلبك كل ما أتذكرتي الشخص الآخر راح تعصبي وتزعلي وتضايقي
السجن لازم يكون فيه شخصين السجين والسجان وكلهم في الهوا سوا بس واحد داخل القضبان والتاني خارجها
ولو خرج السجين حتى السجان راح يخرج
مو شرط إنك تسامحي الشخص الآخر إنك تحبي وترجعي معاه زي زمان لأ بالعكس خلي تعاملك معاه سطحي أو مو ضروري تتعاملي معاه بس سلام الله وبس
صدقيني إنتي ما بتسامحي الشخص عشانه لأ إنتي بتسامحيه عشان نفسك عشان ترتاحي وتهدي
جربي معايا وصدقيني راح ترتاحي
قولي " أنا مسامحتك يا فلانة (قولي إسم إلي زعلانة منها) لوجه الله , الله يوفقك مكان ما تكوني وييسرلك طريقك وينورلك دربك"
قوليها كمان مرة قوليها مرتين تلاتة أربعة في البداية راح تكون شوية تقيلة على لسانك قوليها كم مرة راح تحسي قلبك بدأ يرتاح ونفسك بدأت تهدى راح تحسي إنك مبسوطة ومرتاحة
جربي وأعطيني رأيك ماراح تخسري شي
آآآآآآآآآآآآآآآآآآآآآآآآآآسف ع الإطالة
|
04-08-08, 08:17 PM
جديد مواضيع قسم الارشيف
العرض العادي
