سالم زعل وايد لانه كلامه ماياب نتيجه وهو واقف ويا فهد بس بنفس الوقت كلام ساره صح هي شو ذنبها وخالد شو ذنبه بس هو الحين ما يعرف شو يرد على فهد اللي ينتظر اتصال سالم عشان يقوله السالفه .

ساره بعد ما بندت التلفون كانت زعلانه ومتضايقه هي قلبها يعورها على فهد بس بعد هي تحب خالد وما تقدر على فرقاه ويلست ساره على الكرسي وهي زعلانه وسمعت الجرس راحت فتحت الباب وشافت نوره .

ساره تحضن نوره وبحزن : نوره نوره والله انا منهاره .
نوره خافت على ساره : شو فيج يا ساره شو فيج .
راحت نوره ويا ساره عشان ييلسون وتعرف شو السالفه .
ساره والحزن بعيونها : فهد يا نوره لين الحين يلاحقني .
نوره انصدمت : شوووووووووووو هذا ما يمل
ساره : لا ما يمل هو يباني ويحاول لين الحين ماعرف كيف افتك منه ماعرف احس (ادمعت ) ان حياتي ماراح تكون سعيده
نوره : لا حبيبتي لا تقولين جذي .
ساره : والله اذا تزوجت خالد هو راح يلعوزنا وما بيخلينا بحالنا وحرام خالد ما يستاهل انه يتبهدل بحياته .
نوره : اصلا فهد ما يقدر يسوي شي هو يوم بيشوفج انج ما تبينه ومطنشتنه بينساج المهم انتي يا ساره لا تحاتين ولا تسوين في عمرج جذي.ساره ساكته وحزينه .
نوره بابتسمامه : اقول ترى الخطيب الولهان يسلم عليج .
ساره اول ما سمعت الخطيب رفعت راسها وابتسمت بخجل: الله يسلمه ويلسلم غاليه .
نوره : والله انتي صدق غريبه توج متضاجه اول ما سمعتي طاري خالد على طول الهم راح
ساره بخجل : اكيد هذا خالد اللي هو اغلى ما عندي
ساره : ولا تعالي شو اخبار عبد الله شو وافقتي عليه
نوره تلعب بشعرها وبدلع :مممممممممممممم لا بعدني .
ساره : يا ويلي عالدلع يالله عاد وافقي خلا نشوف الفرحه .
نورة : الله كريم بس تصدقين اتخيل يطلع عبدالله الشاب اللي صلح سيارتنا والله رووووعه تقولين فلم هندي .
ساره تضحك :" ههههههههههههههه بلاج كل ماصار شي فليم هندي جنج وايد متاثره بالافلام.
نوره تبتسم : لا صدق والله اف سكتي عبد الله يسكت والله حلو وااايد ماشاء الله عليه وغاوي .
ساره بدلع : بس مب احلى عن خالد.
نوره تغايضها : يمكن صح خالد احلى من عبد الله بشوي بس ترى في شخص احلى عن خالد وعن عبد الله بعد.
ساره بتعجب :منو
نوره : فهد .
ساره : شووووووووو فهد.
نوره : هي والله ماشاء الله عليه غاوي غاوي غاااااوي يخبل اف خلي جماله بصوب ونظره عيونه بصوب .
ساره : زين خذيه وتزوجيه وفكي عمرج وفكيني منه .
نوره : ياريت هو يباني جان اول يوم وافقت عليه
ساره تمت تضحك على نوره

وساره بوجود نوره نست سالفة مروان صديق فهد وسالفة فهد وبلاويه
اما مروان فكان مايعرف كيف يواجه فهد بكلام ساره وبرفضها له

اتصل فيه فهد .ومروان خايف ومتوتر يعرف ان فهد اذا عصب بيكون انسان ثاني والعصبيه والتوتر مب زين عليه.بس هو قال في نفسه انه بيحاول ما يقوله كل شي صاربينه وبين ساره
ويررن موبايل مروان .

مروان : الو
فهد :ما بغييييييييييييييت تشل حشى من متى وانا اتصل
مروان متوتر : ممممممممممممم لا بس كنت شوي مشغول
فهد : شو اخاف نسيت سالفتي وما تصلت في ساره صح.
مروان يبلع ريجه: ها ..مممممممممم لا لا اتصلت فيها
فهد : شووووووووووو اتصلت ؟؟ ولا تقولي... انا ما قلت لك اذا اتصلت فيها على طول رد علي .
مروان : ساااااااكت .
فهد : مروان شو فيك اكيد ساره قالت موالها صح انها ما تباني صح
مروان يحاول يهدي السالفة: لا هي ما قالت جذي بس قالت انها مخطوبه من خالد وصعب تتركه بس جذي قالت
فهد بنبره غضب: ادريبك ما تبى تضايقني انا اعرف اسلوب ساره اعرف انها ردت بطريقه ثانيه عشان جذي ما بغيت ترد علي صح ؟
مروان توتر :ها لا مب جذي.
فهد بنبر حزن: يعني ما شي فايده
مروان : اسمحلي يا فهد والله اني حاولت بس بس ما قدرت .
فهد : لا ما عليك اصلا انت ما قصرت تسلم يا مروان .
مروان : شو بتسوي الحين يا فهد
فهد بنبره حزن والم وضيق: ماعرف يا مروان والله اني تعباااااااااااااااان تعبان ااااه ماعرف شو اسوي.
مروان خاف على حالة فهد : فهد هد اعصابك ترى الدنيا ما تسوى .
فهد : الله كريم اوكي يا مروان راح اخليك
مروان : شو وين بتروح .
فهد : الوقت متاخر بروح البيت
مروان : اوكي خلاص يالغالي مع السلامه
فهد : بحفظ الله.

وصكر فهد من عند مروان وهو حاس بالهزيمه وبفقد ساره اللي عنده اغلى ما يملك بعد وفاة والديه وحس انه منهار فراح البيت وعلى طول راح غرفته وصك على عمره الباب شافت ريم اخوها وهو منهار ومعصب وزعلان بس ماحاولت تروح عنده لانها تعرف اذا اخوها كانت متضايق فاكيد ما بيقول لها شي وخلت سالفة اخوها ليوم الثاني .

وفي يوم الثاني راح خالد لعند نوره وشافها راقده وراح يوعيها .
خالد يوعي نوره وماسك قميصها : نوروووه نوروووه قومي قومي .
نوره من غير نفس : خالد شو تبى ما تشوفني نايمه.
خالد : بسج نوم الساعه الحين 11 حشى ما شبعتي نوم .
نوره قامت واتساندت على المخده: خير شو بغيت .
خالد وهو يغمز لاخته: اول شي قومي غسلي ويهج ونزلي عشان اتكلم وياج يالله
نوره : والله انك متفيج تتكلم وياي الحين قول شو بغيت تراني مب متفيجه.
خالد: وحتى لو قلت لج ان السالفة تخص خطيبج المستقبلي
نوره فتحت عيونها : هااااا.. شووو... منوووو...
خالد يضحك على نوره: شو فيج تتكلمين بالاحرف.
نوره بخجل : شو السالفه
خالد قام من عندها : انتي روحي غسلي ويهج ونزلي تحت وبقولج السالفه يالله.
نوره : اوكي خلاص الحين بقوم .

نزل خالد تحت في الصاله ونوره راحت تغسل ويها ونزلت تحت عشان تشوف شو السالفه ويوم نزلت تشوف خالد يكلم امها وهند قاعده وياهم .
خالد شاف هند نازله تحت : حيالله بالعروس
نوره : استحت وسكتت.
هند : بعدها ماوافقت وتقولها عروس
خالد يصد لهند : ان شاء الله بتكون احلى عروس بعد
هند بدلع : بس مب احلى مني .
نوره : والله احلفي بس يالله عاد تراني احلاكم في البيت
خالد : هي احلى وحده في البيت بس بين البنات بس ما يخصكم في جمالي.
ام خالد :الحين انتو يايين عشان تسوون انتخاب الجمال ولا تتكلمون عن سالفه عبد الله .
نوره وهند وخالد : هههههههههههههههههههههه
خالد " هي والله نسيتوني (وصد صوب نوره ) اقول نوره شو كملنا اسبوعين عن السالفه وانتي مارديتي علينا خبر شو
نوره مستحيه وتلعب باصابعها : مممممممممممممم انا صليت استخاره ووو..............
ام خالد : وشو يا بنيتي شو ان شاء الله ارتحتي
نوره وهي منزله راسها : الصراحه ارتحت
خالد استانس : والله الحمد لله يعني الاخت موافقه صح
نوره ويها محمر وسااااكته.
خالد : السكوت علامة الرضى
ام خالد استانست بعد: يعني يا نوره موافقه خلاص تراهم بيون يخطبونج رسمي .
خالد : وراح تشوفينه طبعا بوجودنا يعني النظره الشرعيه ويشوفج بعدين راح نسويلج حفله صغيره بمناسبه خطبتج .
نوره بخجل : اللي تشوفونه.
ام خالد : عسى الله يسعدج يا نوره .
هند : وانا يا امايه ليش ما تدعيلي .
ام خالد :عاد نسيت ان عندي بنت واااايد تغار .
خالد: ههههههههههههه هي والله غيوره بشكل.
هند : ليش ما اغار من حقي
وراحت نوره غرفتها وهي بخاطرها بس تشوف عبد الله عشان تتاكد اذا عبد الله هو اللي في بالها وبحلمها او شخص ثاني .

واتصل خالد في عبد الله عشان يقوله ان نوره وافقت وعشان يختار يوم عشان ايي بيتهم ويشوف نوره .

وعبد الله يوم عرف ان نوره وافقت استانس وشوي بيتخبل لان من يوم البنك وهو متخبل على نوره لا بعد من سالفه السياره وهو خلاص ما يفكر الا فيها وراح بسرعه لامه عشان يفرحها.

عبد الله : امايه امايه وينج
ام عبد الله مستغربه من صريخ عبد الله : هني يا عبد الله في المطبخ .
عبد الله راح يبوس راس امه : امايه فديتج باركيلي .
ام عبد الله : ليش وعلى شو ؟
عبد الله والابتسامه ما تفارقه : نوره اللي قلتلج عنها وافقت يا امي وافقت علي .
ام عبد الله استانست وااايد وراحت حضنت ولدها : مبروك يا بعد عمري والله تستاهل كل خير عسى الله يهنيك .
عبد الله : الله يبارك فيج يا امي الغاليه
ام بعد الله : ومتى ان شاء الله بشوف اللي ماخذه عقلك
عبد الله :اممممممممممم ان شاء الله عن جريب.

طبعا عبد الله كان يتريه اليوم اللي يشوف نوره ويتريه نوره تكون ملكه وزوجته.

اما فهد من بعد ما كلم مروان ربيعه وهو زعلان ومتضايق وما يطلع من غرفته وحالته وايد انهارت والسبب طبعا من ساره ورفض ساره له.

أما هند فكانت متضايجه وايد لانها خافت ان سالم ما يتزوجها مثل ما وعدها يوكون كلام نوره صح وراحت هند تتصل في منى عشان تساعدها بالسالفه.

هند : الو منى
منى : هلا والله
هند : اشحالج يالغاليه
منى : بخير حبيبتي ووويييييييييينج من زمان ما اتصلتي
هند : شو اسوي تعرفين نوره مهددتني وما فيه على المشاكل ؟
منى : اها زين زين شو اخبارج بعد
هند بحزن : والله مب خير
منى : افا ليش ؟؟
هند : من يوم قلت حق سالم يتزوجني وهو ما رد علي ولا طرشلي حتى مسج .
منى : زين انتي قلتيله عشان ما يتصل .
هند : هي صح بس ابي اعرف اذا هو بيخطبني ؟
منى : اكيد بيخطبج
هند : والله خايفه انه ما يخطبني ويكون كلام نوره صح انه هو يقص علي .
منى : لا لا مستحيل اكيد بيخطبج بس انتي صبري عليه
هند : والله ماعرف شو اقولج
منى : زين اتصلي فيه واساليه مب احسن
هند : لاااااااااااااااا تبين اختي تذبحني
منى : شو فيج بس اساليه اذا هو بيتقدم ولا لاء وبندي عنه
هند :ماعرف
منى : يالله اساليه احسن .
هند : اوكي الحين راح اتصل فيه
منى : اوكي حبيبتي وقوليلي شو اللي بيصير زين
هند : اوكي

هند راحت تتصل في سالم.وسالم يوم شاف رقم هند استغرب لان هند قالت انها ما بتتصل فيه ورد عليها .
سالم : هلا والله باللي غايبه عني
هند بصوت واطي عشان محد يسمعها : هلا فيك اشحالك سالم
سالم : بخير الله يسلمج وينج من زمان ما اتصلتي
هند : تعرف ظروفي يا سالم .
سالم : ........
هند بتوتر : سالم
سالم : عيونه
هند : انت انت تحبني صدق
سالم استغرب من سؤالها وماعرف شو يرد اصلا هو ما يحبها بس مهتم فيها : ليش السؤال
هند : بس ابي اعرف
سالم : اكيد طبعا احبج
هند : يعني انت ما تقص علي وبتي تزوجني صح مب مثل باجي الشباب
سالم توتر مايعرف شو يرد عليها هو صح قال انه بيزوجها عشان امه بس لين الحين مب مقرر : ها ممممممممم اكيد بيي
هند : يعني بتي تخطبني .
سالم :اكيد حبيبتي وانا بكلم امي وان شاء الله يوم بيي اتقدم لج راح اخبرج.
هند بفرح : والله صدق
سالم : هي صدق بس انتي صبري علي شوي عشان ارتب السالفه اوكي
هند : اوكي ياسالم والحين عن اذنك عشان اختي اخاف تشوفني
سالم : اوكي غناتي مع السلامه

صكرت هند من عند سالم وهي مستانسه من كلام سالم وحست انه احلامها راح تتحقق .


عبد الله قرر ان بعد يومين ايي بيت خالد عشان يشوف نوره ويحدد وياهم يوم الخطوبه وطبعا راح اكيد اكيد ويا اهله


اما فهد فحالته كانت صعبه وااايد والريم راحت غرفه اخوها واللي تسمع اصوات تكسير خافت وايد حست كانها داخله على حرب من الاصوات والحشره ويوم دخلت على فهد شافت الاغراض كلها طايحه فهد مكسرالاغراض وكانت ادور على فهد شافته عند السريرقاعد على الارض وهو حاط ايده على راسه ويصيح بصوت واطي وكان صدق منهار شكله يكسر الخاطر
الريم والدمعه بعيونها على حالة اخوها وراحت عند فهد .

الريم مسكت جتف فهد وبحزن : فهد فهد شو فيك يا اخوي شو فيك
فهد يرفع راسه ويشوف الريم وهو يدمع : الريم انا منهاااار والله تعبان تعبان يالريم
الريم يلست عند فهد : باسم الله عليك يا اخوي شو فيك .
فهد :ليش يصير فيه جذي ليش بعد ما فقدت امي اللي هي اغلى ما عندي حاولت اني انسى واسافر واكمل دراستي وطبعا ما قدرت انسى حنانها وصورتها بعدها في خيالي بعد ما حاولت شوي ألهي عمري بهالدنيا يت ساره ودمرت كل شي كل شي
الريم تمسح دموعها : فهد ساره مالها ذنب.
فهد بصريخ : لا لها ذنب انا يوم شفتها قلت هي الوحيده اللي بتعوض حنان امي وهي الوحيده اللي بتنسيني همومي هي يا الريم هي الوحيده
الريم : بس يا اخوي لا تسوي في عمرك جذي
فهد : ليش ليش يصير معاي جذي لا ام ولا ابو ويوم اخترت الانسانه اللي بتكون شريكه حياتي طلعت هالانسانه ما تباني .
الريم ساكته .
فهد : ليش اعيش انا ليش خلا اموت احسن
الريم تمت تصيح وراحت تمسك قميص اخوها وبصريخ : لا تقول جذي يا فهد لا تقول شو تبى تخليني بروحي لا تنسى ترى انا بعد ما عندي لا ام ولا ابو بس ما سويت مثل ما تسويه ؟؟
فهد : بس ما حبيتي شخص وهالشخص تخلى عنج
الريم :اعرف ان هالشي صعب بس حاول تنسى يا اخوي
فهد قام من مكانه والدموع بعيونه : ماااااااااااااااااقدر يا ناس ما اقدر ساره بعروجي بدمي بقلبي ما اقدر اذا ساره ماصارت لي والله اني ما اقدر اعيش ما اقدر .
الريم : بس يا اخوي انت من البارحه في غرفتك تعال اطلع منها وروح كل أي شي
فهد : ما ابي اكل شي بس خليني بروحي ولا اتين فهمتي

الريم ما قدرت تستحمل تشوف اخوها جذي منهار خافت عليه وطلعت وقالت انه محد يقدر يساعد فهد الا ساره .
وراحت تتصل في ساره والدموع بعيونها
الريم : الو ساره
ساره خافت على ربيعتها : هلا الريم شو فيج تصيحين شو فيج
الريم : تعالي يا ساره تعالي بيتنا الحين
ساره : شو فيج يالريم خوفتيني
الريم : ساره انتي الوحيده اللي تقدرين تساعديني تعالي بيتنا وانا راح اقولج السالفه الله يخليج تعالي بسرعه
ساره : اوكي انا الحين يايه بيتكم بس انتي هدي اعصابج

راحت ساره استأذنت من امها وبسرعه راحت عند الريم لانها خافت على الريم .


وصلت ساره عند الريم وشافنت الريم في الصاله وهي قاعده تصيح
ساره راحت عندالريم : ريم ريم شو فيج ليش تصيحين
ريم: ساره اخوي فهد بيتينن وبيموت يا ساره
ساره يوم سمعت اسم فهد سكتت.
الريم مسكت ايد ساره : الله يخليج باسم المعزه اللي بينا ساعديني
ساره : شو اللي اقدر اسويه
الريم : روحي عند فهد قوليله يطلع ويشوف الناس حالته صعبه وااايد وما يطيع ياكل شي اخاف ( تمت تصيح بصوت عالي ) اخاف افقد اخوي .
ساره راحت تمسح دموع الريم وتهديها : لا ان شاء الله مارح يصير فيه شي ويالله قومي وديني عند فهد .
الريم : صدق بتروحين عنده
ساره : بسوي أي شي بس ما اشوفج يا الريم منهاره ترى دموعج غاليه يا الريم كافي اني اعتبرج اختي وربيعتي وحبيبتي بعد....


شو تتوقعون راح يكون ردت فهل ساره بعد ماتشوف حاله فهد ؟
وهل راح تتخلى عن خالد عشان فهد ؟
وشو اللي بيصير في خالد ؟؟
وهل نوره راح تزوج عبد الله وتسعد معاه؟


جزء اثــنــى عــشـــر:



راحت ساره غرفة فهد ويوم فتحت باب الغرفه استغربت شافت الاغراض طايحه والغرفه متبهدله وكانت خابفه بنفس الوقت وشافت فهد لاول مره ساره تشوف ريال هالطريقه فهد كان منهار وكان قاعد بالظلمه شافته من بعيديوهو يالبس على الارض ساره لاول مره فهد يكسر خاطرها .
ساره وقفت مكانها ماتعرف ش تسوي .الريم فتحت الضوء عشات الغرفه كانت ظلمه و سحبت ساره عند فهد.
فهد اول حس بالنور بغرفته عصب : نوره ليش فتحتي الليت قلت لج خليني بروحي.
الريم وهي تبتسم عشان تعرف ان فهد يوم بشوف ساره بيستانس: فهد شوفني؟
فهد : رفع راسه وشاف ساره واقفه عند الريم فتح عيونه واستانس وااااايد لان شاف حبيبته
فهد وهو منهار وبصوت واطي : ساره
ساره ماتعرف شو تقول بس هي زعلانه على حالة فهد نزلت راسها .
فهد وقف من مكانه : ساره حبيبتي انتي هني .
ساره تشوف فهد بس ما تقدر تحط عينها بعينه لانها تحس هي السبب في اللي يصير له .
فهد : ساره الله يخليج ساره لا تودريني الله يخيلج ساره
ساره بتوتر : فهد ليش تسوي في عمرك جذي يا فهد
فهد : بسوي أي شي بس المهم انج تكونين لي ساره لا تحرميني من السعاده ولو لحظه عمري ما شفت السعاده من بعد امي الله يخليج لا تحرميني منها
ساره دمعت عيونها : بس
قاطعها فهد : بس لا تكملين اعرف انج بتقولين انج مخطوبه انا ما يهمني ساره انا أباج لي ساره ما اقدر اعيش بدونج والله اني اتمنى الموت ولا اشوفج لغيري .
الريم صاحت على كلام اخوها خافت انها تفقده .
ساره محتاره ماتعرف شو تقول .
فهد : ساره أنا فقدت امي وما حسيت لا بالحب ولا بالحنان ولا بالاهتمام ويوم شفتج حسيت انتي الوحيده اللي بتعوضني كل شي ساره عطيني الفرحه والسعاده ترى محد غيرج يقدر يعطيني الابتسامه الله يخليج يا ساره الله يخليج.
وراح فهد يراوي ساره أشعاره وكلماته اللي كاتبنه لها وشافت ساره الكلمات كلها باسمها وشافت على جدار الغرفه ديكور حلو باسمها وفي خاطرها تقول ( معقوله معقوله فهد يحبني لهالدرجه)
الريم : يالله يا فهد روح كل أي شي وخذ دواتك ترى حالتك صعبه
فهد : لا ما ابي شي ما باخذ أي شي لين ماساره توافق علي تراها هي الهواء اللي اتفس فيه واذا تركتني راح اموت

ساره ما قدرت تستحمل هالموقف اكثر طلعت برع الغرفه ولحقتها الريم
ساره ادمعت على فهد وعلى حالته
الريم والدمعه بعيونها وبحزن: ساره ترى هاي مب اول مره اللي اخوي يتعذب فيها
ساره تشوف الريم .: بس انا مب قصدي اعذبه
الريم : ادري والله ادري بس ترى اخوي وايد متعذب واخاف عليه واخاف يصير له نوبه عصبيه ساره اخوي انسان طيب وخلوق وقلبه كبير وهاي مره الثانيه اللي حالته تكون جذي اول مره صارت له عشان فقد امي الله يرحمها وهاي المره الثانيه لأنه حس انه بيققدج.
ساره :معقوله يعني يحبني لهالدرجه بمستوى امه
الريم تدمع : والله انا روحي مستغربه أول مره أشوف إنسان يحب بهالطريقه
الريم : ساره بقولج شي بس أتمنى إنج ما تزعلين مني
ساره : افا عليج يالريم وانا اقدر ازعل منج
الريم : ساره اذا انتي ماخذتي اخوي صح انج بتتهنين ويا خالد بس اخوي (تصيح ) اخوي يمكن ينهار وعادي والله يتينن ويموت وفهد كافي انه فقد امه وابوه واذا فقدج ماعرف شو بيصير فيه .
ساره : بس خالد
الريم : على الاقل خالد اذا فقدج بيكون عند ام وابو وخوات ماشاء الله يعني بيحس بفقد انسانه وحده واكيد حالته بتكون صعبه بس هو مب مريض نفسي مثل اخوي اما لو فهد فقدج راح يخسر كل شي لانج الامل الوحيد بحياته واذا صار له شي انا بعد بتعذب وبتخبل لأن اذا اخوي صار له شي بكون وحيده لا ام ولا ابو ولا اخو يعني كلنا راح ندمر
ساره شافت الدموع بعيون الريم ومسكت ايد الريم وبحزن: بس قلبي يالريم قلبي مع خالد
الريم : صدقيني حب فهد راح ينسيج كل شي فهد يموت فيج
ساره :بس كيف اعيش مع انسان ما احبه
الريم : يمكن بتحبينه مع الأيام

ساره ماتعرف شو تقول وراحت البيت وهي تفكر
معقوله تدوس على حبها لخالد وتزوج فهد عشان الشفقه وعشان حالة الريم بس كلام الريم منطقي لان اذا ما تزوجت فهد هو راح يدمر كافي انه يتيم يعني بتبني سعادتها على دمار وحزن عائله ثانيه وهالعايله هي عايله اعز انسانه عايله الريم صديقه طفولتها .

راحت ساره البيت وهي زعلانه ومتضايجه وتفكر في فهد وبنفس الوقت تفكيرها في خالد وماتعرف شو تسوي تختار منو ؟؟قلبها او عقلها راحت عند امها عشان تقولها السالفه وشافت امها قاعده تتكلم في التلفون مع ام خالد فانتظرت لين ما تخلص سوالفها ولين ما تصك وبعد ما بندت ام ساره التلفون شافت ساره سرحانه ومتضايجه .
ام ساره وهي تصد لساره : سار ه يمه شو فيج حبيبتي ؟
ساره كانت منزله راسها يوم سمعت امها تناديها رفعت راسها وبحزن: امايه عندي سالفه واااايد مهمه وماعرف شو اسوي ؟
الام : باسم الله عليج شو فيج يا بنتي قوليلي .
ساره قالت لامها السالفه كلها وبالذات سالفه فهد وحالته.
ام ساره تتنهد : ااااااااااه يا بنتي حالتج صعبه المهم انتي شو تبين .
ساره بنبره كلها حزن وضيق :امي انا احب خالد تعرفين هالشي وخالد بعد يحبني بس ( ساره دمعت ) بس فهد حالته اصعب والله يا امايه عمري ما شفت ريال حالته مثل حالة فهد والله يكسر الخاطر
ام ساره : يعني انتي تبينه عشان الشفقه.
ساره : امي انا اذا ما تزوجت فهد راح اخسر كل شي .
ام ساره بتعجب: كل شي ليش يعني ؟
ساره :اولا اذا ما تزوجت فهد راح يهدم حياتي مع خالد ويخلي حياتنا جحيم وحرام خالد ما يستاهل هالعيشه ثانيا فهد فيه نوبه عصبيه واخاف يصيره شي واكون انا السبب وبعدين الريم الريم يا امايه هي اعز ما املك بخسرها لانها ماراح تسامحني اذا صار في اخوها شي وكافي انها يتيمه .
ام ساره :والله يا بنتي كلامج منطقي بس كيف بتعيشين ويا انسان ما تحبينه .
ساره والدمعه بعيونها : اعرف اني ما احبه ولا بحبه في حياتي لان قلبي لخالد بس على الاقل افتك من هالمصايب .
ام ساره بتردد: وخالد شو راح يكون موقفه اذا عرف انج بتكونين لفهد.
ساره وهي تصيح وحاطه ايدها على خدها : ااااااااااااه يا امايه اعرف اعرف ان خالد بيكرهني بس انا شو اسوي والله اني خايفه على حياة خالد اكثر من كل شي واخاف اذا تزوجت خالد فهد عادي يذبحه وانا عندي اني ما اتزوج خالد ولا اني انحرم من شوفت خالد .
ام ساره راحت عند ساره وتمسح على جتفها : بس يا امايه بس لا تسوين في عمرج جذي الله بيكون وياج .
ساره : بس شو اقول حق خالد وخالتي ونوره كيف اواجهم يا امايه .
ام ساره : ان شاء الله بتفهمون
ساره : يمكن الكل يتفهم بس خالد .
ام ساره : خالد بيعرف انج تخافين عليه وعلى حياة فهد اللي هو اصلا محتاج للحنان والحب اكثر من خالد لان خالد الحمد لله عنده خوات ووالدين بس فهد يحليله يتيم .
ساره تشوف امها : يعني انتي موافقه اني اتزوج فهد
ام ساره : والله يا بنتي أي شي يسعدج موافقه بس ترى فهد يكسر خاطري وهو اكيد ما بيزعلج في شي لانه يموت فيج ثانيا حرام فقد امه وابوه وماعنده حد بالدنيا واذا فقدج يا بنتي راح يخسر كل شي لانه ما حب غيرج ومثل ما تقولين ان اليوم يتله نوبه عصبيه فمابالج اذا ماتزوجتيه .
ساره يعني يا امايه انتي من رايج اني اتخلى عن خالد واتزوج فهد
الام : والله ما عرف شو اقولج لان خالد بعد ولد اختي
ساره : والله ماعرف شو اسوي يا امايه بس أنا ما أحب فهد انا يا مايه أحب خالد .
الام : صلي استخاره يا بنتي وأي شي الله كاتبنه راح يصير

ساره ماقالت شي كل اللي سوته راحت غرفتها عشان تفكر بالسالفه وكيف تقول لخالد وهي كيف بتعيش ويا انسان تزوجته يمكن عشان خوفها على خالد او يمكن عشان الشفقه لا اكثر مع ان فهد الف بنت تتمناه جمال واخلاق وعلم .



اما نوره فعرفت من اخوها ان يوم الخميس خطبتها يعني بعد يومين وراحت تقول لساره عشان تروح وياها تشتري لها فستان لأن وايد ناس بيون حفلتها طبعا نصهم من أهلها والنص الآخر من أهل عبد الله نوره قاعده تتصل في ساره : الو سارونه
ساره تعبانه وبصوت واطي : هلا نوره
نوره : شو فيج ساره ؟
ساره : لا مافيني شي بس ممممممممم فيه نوم
نوره : اكيد ما فيج شي ترى صوتج ما يسر
ساره : مافيني شي
نوره :زين ساره مممممممممممم ( مستحيه )ترى بعد يومين خطوبتي ان شاء الله
ساره : والله ؟
نوره : هي والله
ساره : بس انتي ما شفتي خطيبج كيف بتاخذينه
نوره : اولا خالد وااايد يمدح أخلاقه وشخصيته وأنا صليت استخاره وارتحت الحمد لله.
ساره : بس لازم تشوفينه ترى هذا من الدين بعد تشوفينه طبعا النظره الشرعيه
نوره : هي ادري شوفي باجر عبد الله بيي وبشوفه وبيشوفني طبعا مع وجود ابويه واخويه وبعد باجر خطوبتي
ساره : والله يمكن تشوفينه وما يعجبج
نوره : ساره تعرفيني انا ما همني جمال الشخص كثر همي لاخلاقه ولدينه.
ساره : أونه انتي ما تهتمين بالجمال
نوره : ههههههههههههههههههههههه
ساره : نوروره تخيلي خطيبج عبد الله يطلع عبد الله فارس احلامج اللي صلح سيارتج
نوره : الله رووووووعه اتصديقين صدق بكون اسعد انسانه اذا تزوجت عبد الله اللي شفته ذيج المره ماشاء الله عليه غاااااااوي
ساره تضحك : ههههههههههههههههههههه
نوره : بلاج تضحكين شو قلت نكته
ساره : والله اضحك عليج .حشى توج تقولين ان ما يهمج جمال الشخص والحين قاعده تمدحين بجمال الريال
نوره طلعت لسانها : ههههههههههههههههههههههههه
نوره :زين ساره متى بنروح عشان اشتري فستان لخطوبتي
ساره : أي وقت تبين حبيبتي
نوره : شو رايج اليوم لان باجر عبد الله بيي واخاف اشوفه واتخبل عليه بعدين ما اطلع من البيت
ساره تضحك : هههههههههههه حشى فضحتينا شو ماشايفه خير
نوره : لا مب جذي بس يعني اخاف يكون غاوي واتخبل عليه
ساره : ممممممممممممم شوفي انا عادي اليوم بروح وياج المركز اللي تبينه بس خالد بيوافق انا نروح بروحنا
نوره : ليش ما يخلينا ترى نحن كذا مره سرنا المركز بروحنا ثانيا نحن نروح للضروره مب يعني للمغازله ونحن محترمات متحجبات ولانحط حتى كحل بعيونا .
ساره : هي ادري بس ذيج المره خالد وافق عشان ماكان بايام الاجازات يعني مب زحمه بس اليوم الاربعاء يعني زحمه
نوره : والله ما دري اذا هو بيي ويانا كيفه
ساره : شو ايي ويانا نحن بنشتري فساتين
نوره : تعرفين شو
ساره : شو
نوره : انا برمس خالد وبشوفه شو يقول اوكي وبرد عليج
ساره : اوكي اترياج

راحت نوره عند خالد عشان تستأذن منه اعشان تطلع مع ساره شافت خالد قاعد في الحديقه يشرب الشاي .
نوره راحت عنده : خلووووووووووووووود
خالد يشوف نوره من طرف عينه : اييييه احترمي عمرج شو خلود اصغر عيالج انا قولي خالد
نوره :اوووه سوري اخوي العزيز خالد
خالد : أيوه جذي أباج نعم يا نوره شو طلباتج اللي ما تخلص
نوره : افا انا طلباتي ماتخلص من كثر ما أطلب منك ألحين
خالد : يالله بسرعه خلصيني شو تبين
نوره (بتردد): مممممممممممممممم انا وساره بنورح ستي سنتر او أي مركز عشان اشتريلي فستان لخطوبتي
خالد : ويا منو
نوره : بس انا وهي
خالد : لا ما شي اليوم عطله وزحمة شباب
نوره : زين بتي ويانا
خالد : لا اليوم ربعي عازميني ما اقدر
نوره : زين شو أسوي يعني ما اتسوق عشان محد بيي ويانا
خالد : لو يوم ثاني يمكن بس اليوم زحمه
نوره تمسك ايد اخوها : تكفى خالد وافق شوف نحن بنروح العصر وبنيي الساعه 7 يعني ما بنتأخر يالله خالد
خالد : اممممممممممممممممم اذا بتروحون العصر اوكي ماعندي مانع بس لاتتأخرون
نوره : فديت اخويه والله ..ربي لا يحرمني منك
خالد يبتسم : ولا منج يا نوره
نوره قبل ماتروح خالد نادها
خالد : نوره
نوره تصد لخالد : نعم يا اخويه
خالد بابتسمامه : سلمي على الحبيبة
نوره ابتسمت : افا عليك يوصل ان شاء الله

راحت نوره واتصلت في ساره عشان تقولها انهم بيطلعون والعصر طلعت نوره ويا ساره عشان يشترون الفستان
نوره لاحظت ان ساره اليوم هاديه وسرحانه مب مثل عادتها
نوره وهي تشوف ساره صاده صوب جامه السياره : ساره شو فيج
ساره بحزن: مافيني شي
نوره : شو ما فيج شي وانتي ما تتكلمين وكله سرحانه وهاديه
ساره تصد لنوره : مافيني شي بس اليوم شوي تعبانه مصدعه
نوره : والله ليش ما قلتيلي جان خليتج ترتاحين وخذيت هند مع اني ما احب اطلع وياها
ساره : لا لا عادي حبيبتي احسن طلعت شوي اغير الجو

وراحو ساره ونوره عشان يتشرون وطبعا مثل ما قالت نوره لخالد الساعه تقريبا 7 ونص ردو البيت بعد ما اختارت نوره الفستان وساره بعد خذت فستان بس واااايد بسيط بس كان يجنن.

ساره كانت فرحانه وايد عشان نوره بنت خالتها بتنخطب بس بعد كانت متضايجه عشان سالفتها ويا فهد وكيف تواجه خالد واهله وهل ترفض فهد أو توافق عليه ..

اما هند فكانت زعلانه لأنها ماتعرف عن سالم شي من بعد ما طلبت منه الزواج والمشكله انها تحبه وااايد وما تقدر تتخلى عنه وهي متضايقه رغم خطوبت اختها راحت اتصلت في ربيعتها منى عشان تلقى وياها الحل ..
هند قاعده تتصل في منى
هند والحزن بنبرة صوتها : منى اشحالج
منى : بخير الله يعافيج . هند شو فيج ليش صوتج جذي
هند : كيف تبين يكون صوتي وانا من مده ماسمعت صوته
منى : قصدج منو ؟
هند ( تتدمع ) منو غيره سالم اكيد
منى : ليش بعده ما خطبج ولا كلمج
هند : لا ولا شي مطنشني اخاف يا منى ما يخطبني وكل الكلام اللي قالي يطلع جذب.
منى : شو فيج متشائمه لا ان شاء الله خير ...ثانيا اذا ماخذتيه عادي شي الف واحد غيره
هند : لالا لا ما ابي غيره يا منى انا عرفت إني مغرمه في سالم يوم ابتعد عني والله ما اقدر بدونه صدق حبيته
منى تضحك : ههههههههههههههههههه والله كبرتي يا هند وحبيتي
هند بغضب: ليش حرام الحب حقي وانا مب صغيره لاتنسين إني بالثانويه العامه
منى: ما قلت شي زين كلتيني
هند : شو اسوي الحين
منى : شوفي اذا هو صدق يحبج اكيد بيخطبج
هند : هو دوم يقولي انه يحبني
منى : خلاص عيل لاتخافين هو يمكن قاعد يكلم اهله عشان ايي يخطبج .
هند : والله يعني تتوقعين جذي السالفه
منى : ان شا ءالله تكون جذي السالفه بس انتي لاتحاتين ولازم تستانسين عشان خطبت اختج
هند : انا ما افكر الا بسالفتي ونوره على هواها
منى : افا يعني مب فرحانه لاختج
هند ( بغرور ) ليش أستانس عادي لاهي اول وحده اتزوجت ولا اخر وحده وانا اصلا ما احب جذي زواج.. انا أحب أتزوج عن قصة حب
منى : يالله عليج يالرومانسيه
هند : هي طبعا
منى : زين بخليج حبيبتي ألحين بطلع ويا امايه اوكي
هند : اوكي انا بعد بخليج عشان اشوف نوره واشوف فستانها
منى : اوكي مع السلامه
هند : بحفظ الله

هند كانت للأسف متيمه في حب سالم اللي ماغاب عن خيالها ابدا اما سالم فهو قاعد يلعب ويا كل بنت وما خلا وحده ما كلمها وهند تتحرى انها الاولى في حياته .

وراحت هند عند نوره عشان تشوف فستانها.
هند تدور في الأكياس ونوره تشوفها بتعجب
نوره : ايه سلمي عفان الله بعدين دوري
هند : الحين انا مب متفيجتلج وين الفستان ابي اشوفه
الام قاعده عند نوره : عفان الله ما شايفه خير
نوره : الفستان في الكيسه الحمراء
هند تفتح الكيسه وتشوف الفستان وهي ماسكه الفستان وتشوفه .
هند : وااااااااااااااااااااااااو الفسان وااايد حلو وموديله حلو بعد
نوره : اول مره يا هند تمدحين شي اشتريه
الام : ههههههههههههههههههههههه
هند : لا صدق هالمره وااايد حلو اقول ما شتريتي لي شي
نوره : تدور في الأكياس : ممممممممممممممممممم هي اشتريت عطر
هند بعصبيه: شو أبي في عطر خلي حقج
نوره تشوف هند : ليش شو تبين بعد . وبعدين انتي ما قلتيلي أشتريلج شي
هند بغضب: وليش ما اشتريتيلي فستان حقي ولا ناسيه اني اختج
الام انقهرت من كلام هند : هند بلا حركات نوره قالت لج تعالي اشتريلج فستان بس انتي قلتي انج مب متفيجه يعني غلطتج
هند : انزين ما تقدر تشتريلي شي بدوني يعني
نوره : لا حبيبتي اخاف اشتري شي وما يعيبج
هند وهي تهفهف : اففففففففففففففف خلا أسير فوق أحسلي بدل الهجوم اللي مسويلي اياه
نوره : هي احسن لاتخربين فرحتي يالله روحي
راحت هند وهي منقهره وااايد اما نوره وامها فكانو فرحانين ويتكلمون ويا بعض .

وفي يوم الثاني اللي هو احلى يوم عند نوره لانها بتشوف خطيبها عبد الله اللي عمرها ماشافته وكانت مستعيله تبى تشوفه بس عشان تبى تعرف هل هو عبد الله اللي كانت صدق معجبه بشخصيته ووسامته وكانت وااايد خايفه من هاليوم وهي متوتره بالغرفه وحاطه صبعها في فمها دخل عليها خالد .
خالد : هلا والله بالعروس
نوره متوتره وماردت على خالد
خالد ( يبتسم ) وراح قعد عند نوره عالسرير : شو فيج اختي خايفه تقولين نتايج الثانويه العامه
نوره : والله حتى في الثانويه العامة ماكنت جذي متوتره وخايفه
خالد : ههههههههههههههههههههههه انزين ليش هالتوتر كله .كل هذا بس عشان بتشوفين احم احم عبد الله
نوره استحت : بس خالد عاد لاتزيدني توتر ترى اللي فيني مكفيني
خالد يضحك : الله عليكم يالبنات والله انكم سوالف
نوره تطالع خالد : ليش تضحك وشو السوالف اللي علينا
خالد قام من عندها ووقف ويشوفها وهو مبتسم : لا بس اقول بعض البنات يعني أو أغلبيتهم في الخطوبه يالله كيف يستحون وأصواتهم ما تطلع من الحيا وفي الملجه يالله انواع الغزل والحب والطاعه كل أوامر الريال تنفذه الحرمه في الملجه وبرقه طبعا ..وفي العرس يالله عالعرس بس شهر أو شهرين بالكثير ومخالب المرأه كلهم يظهرون من طولت اللسان ومن العناد ومن حب التحكم اعوذ بالله .
نوره بقهر : هالكلام لكم انتو يالشباب اللي كل طلباتنا في الخطوبه أو الملجه اوامر والوعود وبعدين بعد ما تضمنون انا حقكم خلاص ما شي هالوعود ماتنفذون ولا وعد .
خالد يشوف فوق : اممممممممممممم مب كل الشباب نفس الشي
نوره : ولا كل الحريم نفس الشي
خالد : خلاص تعادلنا يا حلوه بس لا تبلعينا عاد.. والله يعين عبد الله عليج .
نوره : ليش ان شاءالله اصلا ما في احسن مني لا في الدلال
ولا ( بدلع) في الجمال .
خالد ياخذ المخده ويفر على ويه نوره : يالله عاد ادلعت الحين
نوره : ايه خربت شعري
خالد : تقولين الحين الريال بيشوف شعرج اصلا هو بيدخل بيشوفج النظره الشرعيه يعني بحجابج وطبعا اطلعين ويهج بدون مكياج
نوره : ادري أصلا متى طلعت انا جدام الرياييل بالمكياج.
خالد : هي جذي اباج يالغاليه .
( ورن موبايل خالد وكان المتصل عبد الله لانه الحين هو ياي ويا اهله عشان يشوفون نوره )
خالد :نوروره قولي منو المتصل
نوره: منو
خالد : خطيبج جنه الحين ياي
نوره أول ما سمعت ان عبد الله ياه على طول اتوترت ووقفت من مكانها وتمت تتحرك يمين ويسار .
وخالد أول ماشافنوره تم ميت من الضحك : ههههههههههههههههههههههههههههه
نوره : هي هي شو عليك اضحك علي (نوره وهي تدز خالد عشان يطلع برع غرفتها) خالد قوم اطلع روح عند الريال وخلني بحالي
خالد وهو يبتسم : زين زين بطلع بسير عند احم احم..
نوره بعد ما طلعت خالد كانت خايفه وااايد ومتوتره لان ياي هاليوم اللي تشوف عبد الله .

وراح خالد يستقبل عبد الله وأهله وشاف عبد الله ودخلاه في الميلس
وطبعا فرحة خالد كبيره لان عبد الله صديقه من الطفوله.
وبعد مادخل عبد الله واهله الميلس راح ام خالد تسلم عليهم وبعدين راحت فوق عند نوره عشان تقولها تنزل .
ام خالد: نوره يمه حبيبتي وينج
نوره وهي متوتره واقفه مكانها : هلا امي انا هني
ام خالد : يالله يا نوره ترى عبد الله واهله تحت وبالذات عبد الله ياي يشوفج
نوره بتردد: ها..ممممممممم .. يشوفني
الام : هي يا بنتي يشوفج يالله بلا دلع ونزلي طبعامع الشيله والعيايه اوكي
نوره : اكيد طبعا امايه
الام : يالله نترياج تحت

نوره راحت لبست وتغطت وما طلعت الا ويها وطبعا بدون أي مكياج وهي وااايد متوتره ونزلت تحت وانتظرت خالد عشان ياخذها للميلس لانها تحس ان ريولها ما تقدر تشيلها .
خالد ياي عند نوره وهو مبتسم : ها يالغاليه يالله ندخل
نوره ماسكه ايد خالد : والله خايفه
خالد : والله كأنج داخله الحرب
نوره : اصعب من الحرب
خالد يالله لا تتفلسفين وايد يالله ندخل .

خالد فتح الميلس ويا نوره.. عبد الله كان قاعد وأول ماشاف نوره وقف من مكانه وفي خاطره يقول ( واخيرا شفتج يا بعد عمري )
نوره كانت منزله راسها من الحياء وبعدها ماشافات عبد الله .
يت ام خالد وخذت نوره عشان تسلم على ام عبد الله وابوه .
ونوره طول الوقت منزله راسها وتبى تشوف عبد الله بس ما تقدر لانها مستحيه وبعد ما سلمت نوره على ام عبد الله وحبت راسها وتمت تشوف الام وهي مبتسمه ومستحيه .
وخالد شاف ان نوره مطنشه عبد الله ولا سلمت عليه ولا شافته وعبد الله بعده واقف مكانه .
خالد : نوره حبيبتي تعالي سلمي على اللي بيكون ان شاء الله ريلج المستقبلي
نوره كانت منزله راسها ويوم طلب منها خالد انها تشوف عبد الله نوره تمت ترفع راسها شوي شوي ويوم رفعت راسها وحطت عينها بعيين عبد الله فتحت عيونها من الصدمه وحست ان قلبها بيوقف من الصدمه وطبعا الصدمه لان عبد الله اللي ياي يخطبها هو نفسه اللي كانت تتمناه هو اللي شافته في البنك واللي صلح سيارتها هو نفسه اللي كانت معجبه فيه واول ماشافته استحت ويها احمر ونزلت راسها مره ثانيه بس في قلبها شي ثاني لانها صدق كانت ميته من الوناسه .
عبد الله وهو مبتسم يشوف نوره وتعجبها : اشحالج يا نوره
نوره منزله راسها وبصوت واطي وبرقه : تمام الله يعافيك
خالد : عبد الله اقعد يالغالي ليش واقف
عبد الله صد لخالد وابتسم وقعد عالغنفه وحتى نوره بعد قعدت وعبد الله كان مجابل نوره وهو يشوفها منزل راسه بس بس رافع عينه أما نوره فطول الوقت مستحيه ومنزله راسها وكل ما يكلمها عبد الله هي ترد بتوتر .
ابو عبد الله يكلم ابو خالد : خلاص عيل يا بوخالد ان شاء الله الخطبه باجر .
ابو خالد : ان شاء الله على بركة الله
ام عبد الله : اقول يا ام خالد متى تبون الملجه
ام خالد : والله لين الحين ما حددنا بشوف راي البنت
ام خالد تصد لنوره : ها يا نوره متى تبين الملجه
نوره منزله راسها وبرقه صوت : ما دري يا امايه اللي تشوفينه
عبد الله طول الوقت وهو يشوف نوره ويبتسم من حيائها ورقتها .
ام عبد الله تشوف ولدها عبد الله : يا عبد الله متى تبى الملجه ؟
عبد الله في خاطره ( ابي اليوم قبل باجر ): اممممممممممممممم تقريبا بعد شهرين زين
نوره اول ما سمعت شهرين صدت لأمها وراحت تصاصرها : امايه شو بعد شهرين لا توافقين اصلا 3 شهور ما تكفي حق التجهز والاستعاد .
ام خالد : اوكي
ام خالد : شوفي يا ام عبد الله شو رايج بعد 5 شهور

عبد الله فتح عيونه اوف يا عمتي وااايد 5 شهور
ام عبد الله تبتسم : تعرف يا ولدي البنت يوم تبي تعرس اقل شي يبالها 3 شهور لين تجهز
عبد الله : زين يا عمتي خليها 3 شهور
ام خالد تشوف نوره : ها يا بنتي موافقه على 3 شهور
نوره : 3 شهور احسن من شهرين خلاص اوكي
عبد الله استانس يوم نوره وافقت
والكل استانس وباركو لبعض عشان هم الحين خلاص راح يكونون أهل أما نوره فستأذنت وطلعت بعد ما سلمت على الكل وبالذات عبد الله اللي طول الوقت وهو مبحق فيها ومستانس وينتظر متى 3 شهور يمرون .
نوره بعد ما طلعت من الميلس حست عمرها شوي بطير من الفرحه لان هذا عبد الله اللي كان في احلامها ورقظت في غرفتها عشان تكلم ساره .
نوره وهي منسدحه على السريروبصريخ: الو سارووووووه
ساره : باسم الله شو فيج ينيتي
نوره : ساره باركيلي
ساره :الف مبروك شو عالخطبه صح
نوره : لا مب بس على الخطبه ساره تعرفين منو طلع عبد الله اللي ياي يخطبني اليوم
ساره : منو يعني
نوره : عبد الله اللي ذيج المره صلح سيارتي واللي كنت معجبه فيه تذكرينه
ساره : مممممممممممم هي فارس احلامج
نوره : هي هو الله يا فرحتي اليوم
ساره استانست : فديت عمرج والله واخيرا تحقق حلمج الف مبروك والله تستاهلين
نروه : الله يبارك فيج يالغاليه وعقبالج
اول ما سمعت ساره كلمه عقبالج حست بالحزن تذكرت بلاوي فهد واتذكرت حبها لخالد .وسكتت
نوره : بالاج سكتي يعني اونج استحيتي
ساره : نوره يوزي من سوالفج
نوره : اوكي ساره انا ألجين بنزل عند امايه زين
ساره : صبري ما قلتيلي شو اتفقتوا
نوره : ممممممم تعالي اليوم بقولج
ساره : لا اليوم ما أقدر امايه تباني اطلع وياها
نوره : خلاص باجر تعالي الظهر
ساره : باجر خطبتج ان شاء الله
نوره : زين شو يعني ترى الكوافيره بتي بيتنا بتسويلي شعري وبتمكيجني ومره وحده بتمكيجج
ساره : ما يحتاي انا
نوره : لا شو مايحتاي ترى وايد ناس يمكن ايون
ساره : ممممممممممم اوكي خلاص ان شاء الله باجر بيي بس لازم تخبريني شو صار اوكي يالعروس
نوره أول ما سمعت العروس ويها احمر : اوكي حبيبتي
نوره : هي صح ساره قبل ما ابند لاتنسين تعزمين الريم على خطبتي باجر
ساره : أصلا من غير ما تقولين اكيد بعزمها هاي الريم مب أي حد
نوره : يالله بدت ساره بالاسطوانه
ساره : ههههههههههههههه
نوره : خلاص يا بنت خالتي ألحين اسمحيلي بخليج اوكي
ساره : اوكي غناتي
نوره : سلمي على الريم واترياج باجر
ساره : الله يسلمج ويسلم غاليج ويالله روحي عند امج لا تتأخرين عليها.
نوره : اوكي حبيبتي مع السلامه
ساره : مع الف سلامه


راحت ساره واتصلت في الريم عشان تعزمها على خطوبة نوره
ساره : الو السلام عليكم
الريم : يا هلا والله وعليكم السلام
ساره : اشحالج يالغاليه
الريم : بخير يسرج حالي وينج يالقاطعه ؟
ساره : والله بالدنيا
الريم : قطعتي عني من بعد سالفة فهد
ساره : تعرفين بعد كنت مستحيه أتصل فيج
الريم : افا ليش
ساره : لاني أحس انا السبب في عذابج انتي واخوج فهد
الريم : لا يا ساره انتي مالج خص
ساره بتردد: زين شو اخباره الحين من بعد ذاك اليوم شو بعده يحبني ولانساني
الريم تتنهد : اااااااااااااااااااااااه أي نساج هو كل يوم اييب طاريج ويتكلم عنج ودايما يقولي اذا ساره ماتزوجتني أنا ما بعيش بهالدنيا والله ياساره قطع قلبي فهد
ساره اتضايقت يوم عرفت ان فهد بعده مصر عليها .
ساره : والله ماعرف شو اقولج
الريم : الحين خلينا من سالفة فهد شوي وخبريني متى خطبة نوره
ساره /: أصلا انا متصله عشان أعزمج على خطبة نوره باجر ان شاء الله
الريم : ماشاء الله باجر والله زين زين يالله بالبركه
ساره : الله يبارك فيج يالغاليه بس عاد لا تنسين تنورينا باجر واتين
الريم : افا عليج وانا أقدر ما ايي
ساره : هي فديتج تعالي باجر من وقت زين
الريم :خلاص يالغاليه باجر بيي عندكم تقريبا العصر بعد ما أتلبس بيي بيت خالتج اوكي
ساره : اوكي اترياج
الريم : ان شا ءالله ولا تعالي سارووه
ساره : نعم
الرمي : أي لون فستانج
ساره : مممممممممم ما بقولج تعالي باجر وشوفيه
الرمي : يالله عاد قوليلي
ساره : اسفه ما بقولج تعالي باجر وشوفيه
الريم : زين ساره والله براويج
ساره تضحك : والله بعد تعرفين تهددين يا الريم
الريم : هي طبعا
ساره : يالله عن إذنج بروح عند امايه عشانها تباني اطلع وياها
الريم : اوكي يا ساره يالله روحي عند امج
ساره : شز زعلتي يا الريم
الرمي : لا غناتي ما أزعل من اختي وربيعتي وعمري كلها
ساره : الله الله عالكلام
الريم : عشان تعرفين غلاتج عندي
ساره : فديت عمرج والله لايحرمنا من بعض
الريم : امين يارب العالمين
ساره : اوكي حبيبتي من رخصتج


طويللل الجزء

تتوقعون ساره بترضى على فهد وبتزوجه؟؟
وحياه نوره تتوقعون بتكون سعيده؟
وهند شو بيكون مصيرها ويا سالم ؟؟
والريم هل بيكون لها أحداث بعد؟؟

بعد حفلة نوره الكل كان مستانس لان صدق كانت الحفله روعه وأكثر وحده كانت طايره من الفرح هي أكيد نوره لانها انخطبت من الانسان اللي كانت معجبه فيه من أول يوم شافته ..


وفي يوم الثاني كانت الريم قاعده تقص أظافرها في الصاله ومعاها فهد اللي كان قاعد على الغنفه ومنزل راسه وماسك ايدينه وكان صدق حزين .شافته الريم وحست ان اخوها في شي وانه متضايق .

الريم وهي صاده لفهد : فهد اخوي شو فيك ؟
فهد اللي كان منزل راسه رفع راسه وشاف الريم وتنهد : ااااااااااااااااه يالريم .
الريم : بسم الله عليك من الآااااااااه يا اخوي ... شو فيك ليش زعلان .
فهد ونبرة صوته كلها حزن : اقول الريم شو أخبار ساره من مده ما أعرف عنها ؟
الريم : والله ساره الحمد لله تمام بخير
فهد : اقول الريم ساره ما قالت شي عن سالفتي
الريم : أي سالفه يا اخوي
فهد : أي سالفه بعدغير سالفتي.
الريم : قصدك يا اخوي سالفة طلبك لساره وطلب زواجك منها .
فهد : هيه طبعا
الريم : ما رمستني عن هالسالفه.
فهد راح عند الريم وقعد عندها: اقول يا الريم
الريم : هلا يا اخوي
فهد: اتصلي في ساره وقوليها اذا هي فكرت بالزواج مني.
الريم : ان شاء الله يا اخوي بتصل فيها بس ( بتردد) واذا رفضت ؟
فهد وقف من مكانه وعصب : اذا رفضت قوليلها والله وأنا على قد تهديدي اذا رفضت قوليلها انها راح تنحرم من اغلى ناسها اللي هم امها وخالد والله لأخلي حياتهم عذاب مثل ما حولت حياتي الى عذاب .
الريم شافت عصبية اخوها وخافت عليه : فهد شو فيك اخوي توك هادي ..أنا ما قلت هي بتقول جذي ..اقول اذا قالت .
فهد : اذا قالت قوليلها هالكلام .
الريم : يعني يا فهد حتى لو تزوجتها بيكون حب من طرف واحد .
فهد : ما يهمني اذا هي ما تحبني اهم شي انها تكون لي وملكي ويمكن يوم من الايام اخليها تحبني .
الريم : والله ماعرف شو اقولك يا فهد بس فالك طيب الحين بتصل فيها
فهد : اوكي يالريم اتصلي فيها الله يخيلج وانا الحين بروح غرفتي وردي علي اذا كلمتيها اوكي
الريم" ان شاء الله يا خوي انت روح ارتاح
فهد بنبرة ضيق: راحتي ويا ساره .. ما بشوف الراحه الا وياها
الريم : ساكته .
راح فهد غرفته ...أما الريم راحت اتصلت في ساره.

ساره كانت يالسه في الكرسي الهزاز وسرحانه ورن موبايلها وشلت الموبايل .
ساره : الو
الريم : هلا بربيعتي وحبيبتي ساره.
ساره ابتسمت ابتسامه رقيقه : هلا فيج يالريم يا الغاليه .
الريم : شو قاعده تسوين يا ساره؟
ساره : ما قاعده اسوي شي ...ملانه
الريم : أقول ساره بقولج شي بس لا تضايقين .
ساره : خير يالريم شو فيج
الريم : خير بويهج ..( بارتباك ) ابي اقولج شو سويتي عن سالفة فهد
ساره رفعت حاجبها وعصبت : أي سالفه ؟
الريم : طلب فهد الزواج منج
ساره : الريم فهد اللي طلب منج الاتصال صح ؟
الريم بتردد : هيه
ساره : شو قالج فهد يالريم ؟
الريم : فهد قالي اتصلي في ساره وقوليلها اذا هي موافقه انها تزوجني ولا لاء؟
ساره بغضب: والله هو يعرف اني ما اباه .
الريم : هي يعرف بس فهد يموت فيج ويعرف ان الحب من طرف واحد وهو راضي بهالشي
ساره : واذا قلت اني ما ابيه وما ابي اتزوجه ؟
الريم : الصراحه يا ساره هو قالي اذا ساره رفضت قوليلها اني راح أحول حياتها الي جحيم واللي بتأذون أكثر شي هم .(خافت الريم تقول وسكتت)
ساره بعصبيه : هم منو ؟
الريم تبلع ريجها : هم امج وخالد ..اغلى ناسج.
ساره يوم سمعت امها وخالد حست ان شوي وبيغمى عليها
ساره بعصبيه والدموع بعيونها: وليش يعذبهم هم مالهم خص ..هذا فهد ليش جذي يسوي فيه (صاحت ساره بالحيل )
الريم : ساره فديج لا تصيحين
ساره : كيف ما تبيني اصيح يالريم اخوج معذبني يباني اتزوجه بغصب .. واذا ما تزوجته يبى يعذب اغلى ما املك اللي هم امي وخالد.
الريم : يمكن هو قال هالكلام لانه معصب
ساره والدموع بعيونها : والله فهد يسويها ..لين الحين أتذكر يوم كان يبى يذبح خالد عند البحر ..
الريم ماتعرف كيف تهدي ساره : بس يا ساره لا تسوين في عمرج جذي
ساره بعصبيه شديده: والله يالريم اذا تزوجت فهد راح اخليه يتعذب اكثر والله لحول حياته الى جحيم راح يعرف ساره منو مثل ما هو بيحرمني من حب خالد راح اخليه يتعذب وبتشوفين وهو اللي بيطلب الانفصال بعدين
الريم مستغربه أول مره تشوف ساره تهدد لان ساره انسانه خلوقه وطيبه : ساره شو قصدج
ساره وهي تمسح دموعها : بتعرفين قصدي عدل مع الايام .. بس الحين كيف اواجه خالد وامه كيف كيف؟
الريم : شو رايج يا ساره نروح اليوم بيتهم وأول شي نتفاهم ويا نوره وبعدين ويا خالد
ساره : الله يعيني من خالد والله اذا عرف خالد اني بتزونج فهد واني رضيت فيه اكيد بيكرهني هو بيتوقع اني احب فهد وو مايعرف اني يمكن اتزوج من فهد بس بدافع الشفقه ولاني اخاف على خالد وعلى امي .
الريم : الله كريم ..والله بيسهل علينا ..الحين يا ساره بخليج والمغرب تقريبا بنروح بيت خالتج اوكي
ساره والدموع بعيونها : الله يعيني على هاليوم
الريم: توكلي على الله
ساره بحقد : عمري ماراح اسامح فهد .
الريم زعلانه من كلام ساره لان مهما كان هذا اخوها الوحيد بس تعرف ان ساره من حقها تعصب : اوكي ساره يالله مع السلامه
ساره بحزن: مع السلامه

صكت ساره من عند الريم وهي منهاره وحزينه لان اليوم آخر يوم بقصتها وحبها مع خالد والسبب طبعا فهد.

أما سالم فكان محتار هل يتزوج من هند لان يبى يفتك من حشرة امه ولأن سالم يبى يلعب ويستانس ويغازل على كيف كيفه وكان وياه ربيعه جاسم وهم كانو بالمطعم قاعدين يتغدون وجاسم مندمج بالأكل ..أما سالم كان يفكر بسالفته ..
شاف جاسم سالم واستغرب من سكوته: بلاك سالم .. شو تفكر فيه .
سالم رفع راسه وتم يشوف جاسم : ما بلاي شي .. بس قاعد أفكر .
جاسم : شو تفكر فيه ؟
سالم : عن سالفتي ويا هند ..
جاسم : ليش شو صار
سالم : تعرف ان امي تباني اتزوج لاني البكر يعني اكبر عيالها وانا اعترف اني مب صغير عمري الحين 26 فهي دوم تلح علي بالزواج والاستقرار .
جاسم : زين وشو المشكله
سالم : المشكله اني ما ابي اتزوج عشان ابي العب واستانس .
جاسم وهو يفكر: ممممممممممممممممم ..زين اتزوج مثل ما قلت لك قبل (يفكر) شو اسمها ..
سالم : قصدك هند
جاسم : هيه هيه هند اتزوجها واستانس مثل ما تقول انها على نياتها وينقص عليها بسرعه ما شي يا سالم الا هالطريقه..
سالم : هيه تراني افكر من الصبح بهالحل ..وافكر اني اتصل في هند عشان احدد اليوم االلي ايي واخطبها
جاسم وهو يضحك : يا سلام ..بتطلع معرس يعني
سالم : أي معرس .. هالزواج ما اعتبره زواج صدقي .. لاني ما اخترت الانسانه اللي حبيتها .. يعني لعب
جاسم : يالله الله كريم .. عيل اتصل فيها ..واكيد البنت بطير من الفرحه مسكينه بتتوقع انك تحبها ما تعرف ان هالزواج لعبه بالنسبه لك .
سالم بخبث: ههههههههههههههههه طبعا لعبه.

سالم كان تفكيره كله باللعب وياالبنات مب الزواج عشان جذي فكر بالساذجه هند .. وهند طبعا ساذجه لانها صغيره وبعدها بسن المراهقه.
في بتكم نوره .كان الكل متيمع عشان الغده
كانت الام تجهز الاكل ونوره وياها .. اما هند قاعده تنتظر الغدى ومعاها خالد ... بعد ما الكل اتيمع على الطاوله الطعام .
الام : يالله سمو باسم الله وكلو
هند وخالد ونوره : باسم الله
هند : اقول يمه
الام : خير يمه
هند : وين ابوي ابد ما نشوفه ولا تقولون عندي ابو
الام : ابوج تعرفينه كله مسافر ..لانه رجل اعمال ومصدر رزقه بهالسفر .
نوره : بس ملل والله كله مسافر ..انتي ما تملين يا امي ان ريلج ما يكون عندج .
الام : لا يا امي لاني اعرف ان هذا شغله وما اقدر اسوي شي . وبعدين ابوكم ايي كل شهرين مره .
خالد : وين يا امي يتم بس اسبوع ويروح
الام : بعد احسن من ولا شي
خالد : ولا اخاف ( يبتسم ) متزوج من هناك وانتي خبر خير
الام ترفع حاجبها : وي باسم الله على ريلي .. لا تفاول يا خالد
نوره وخالد وهند : ههههههههههههههههههههههه
نوره : وي خافت على ريلها
الام : طبعا اخاف عليه .. وانتي يا بنتي يوم بتزوجين بعد بتخافين على ريلج .
نوره ويها احمر وسكتت.
هند : ويييييييييييييييييييي شوفو ويهه نوره استوى احمر
خالد (يضحك) ههههههههههههههه بلا ويهج تقولون عصير طماطه؟
هند : ههههههههههههههههههههههه
نوره معصبه : ايه عاد بسكم لا تحطون علي ..
خالد : زين زين خلاص ما بنزعلج مب عشان شي ..بس لانج بعد 3 اشهر ان شاء الله بتزوجين يا احلى اخت
هند تشوف اخوها من طرف عينها : ايه لو سمحت بلا غلط
خالد يصد لهند :ليش في شو غلطت يا انسه هند
هند تلعب في شعرها : لانك قلت انها احلى اخت .. وهالكلام غلط .لاني انا احلى وحده فيكم ..وجمالي ورقتي محد يقدر ينافسهم
خالد : يالله يالله ..منو انتي احلانا .. لا غلطانه انتي صدق حليوه بس مب احلى من نوره
نوره مغمضه عيونها وبدلع : احم احم ..عندي محامي
هند انقهرت : لا حبيبي انا احلاكم اصلا زين .
خالد : والله اتمنى يا هند ايي واحد ويخلصج من هالغرورو والكبرياء اللي عندج
هند : بالعكس بيزيدني حلا وغرور..لانه فخور انه اتزوج وحده مثلي.
خالد : بنشوف
الام : بسكم ..انتو داشين حرب .
نوره : هي والله اكثر اثنين يتضاربون هم هند وخالد
خالد : هاي اختج شايفه عمرها على فاضي
الام : زين يمكن تاكلون وانتو ساكتين
هند : انا بسكت عنك يا خالد لاني يوعانه
خالد : هئ هئ قصدج ما عندج رمسه
هند صاده صوب ثاني ومنقهره وساكته
نوره : خالد بسك عاد .. اسكت عنها
خالد : بسكت خلاص



fahad605
مشـ© المنقولات الآدبية ©ـرف

الصورة الشخصية لـ fahad605

إحصائية العضو




fahad605 غير متصل
إحصائيات الترشيح

عدد النقاط : 26111195
fahad605 has a reputation beyond reputefahad605 has a reputation beyond reputefahad605 has a reputation beyond reputefahad605 has a reputation beyond reputefahad605 has a reputation beyond reputefahad605 has a reputation beyond reputefahad605 has a reputation beyond reputefahad605 has a reputation beyond reputefahad605 has a reputation beyond reputefahad605 has a reputation beyond reputefahad605 has a reputation beyond repute





الافتراضي رد : مجنون ساره

والعصر كانت هند تبى تنام ومسانده على السرير سمعت صوت موبايلها يرن .. وهند يوم شافت الرقم .فتحت عيونها على آخر حد
هند وهي مستغربه وبتردد: الو
سالم بابتسمامه :يا احلى الو
هند : ما اصدق سالم
سالم : هي سالم وليش مستغربه يا هند
هند : لاني قلت اكيد انت نسيتني
سالم : افا وانا اقدر انساج بس الظروف يا هند..ليش اشتقتيلي يا هن
هند استحت وسكتت
سالم : ليش ساكته .. شو تستحين تقولين انج اشتقتيلي
هند : انت تعرف ردي ومب لازم تحرجني
سالم : خلاص ما بحرجج .. بس عندي لج الدليل اني ما نسيتج واني بعدني احبج
هند : وشو الدليل ؟
سالم بخبث : الدليل على حبي لج هو اني بيي أخطبج من اهلج
هند قامت من عالسريروبفرح وبتعجب :شوووووووووو
سالم : شو فيج مستغربه .
هند : ما توقعت
سالم : ليش ما توقعتي قلت لج اني احبج واباج.
هند وهي فرحانه وطايره من الفرح : والله احس كاني احلم
سالم : والحلم راح يتحقق بس انتي عطيني يوم عشان اكلم ابوج
هند : ممممممممممممم شوف ابوي الحين مسافر اتريه يرجع من السفر
سالم : ومتى ان شاء الله بيرجع؟
هند : تقريبا بعد اسبوع ان شاء الله
سالم : خلاص على خير ..
هند بخجل : ان شاء الله
سالم : اوكي يا حبيبتي اخليج الحين واشوفج على خير
هند : مع السلامه يا سالم
سالم : بحفظ الله

هند كانت طايره من الفرح ..واخيرا حلمها تحقق .. وكانت تناقز على السرير وتغني وتصارخ . توقعت ان سالم يحبها وان حلمها تحقق وقصتها راح تكون مثل المسلسلات
دخلت عليها نوره يوم سمعت صريخها .
نوره تشوف هند تناقز على السرير : ايه انتي شو فيج ينيتي
هند وهي تناقز : هي ينيت .. ومن حقي
نوره مستغربه : زين شو فيج يالخبله
هند نزلت من عالسرير وراحت عند نوره : حلمي راح يتحقق
نوره رافعه حاجبها : أي حلم .. ترى احلامج ما تخلص
هند بدلع وبغرور: سالم اللي قلتي عنه انه يقص علي وما يحبني بس يبى يلعب علي
نوره : شو فيه
هند : اتصل فيه الحين عشان بيي يخطبني
نوره استغربت وااايد : صدق هو قالج جذي
هند : هيه طبعا .. شفتي ان كلامج ما طلع صح
نوره : شوفي يا هند بقولج شي
هند : بدت الفيلسوفه ..تفضلي قولي
نوره: الواحد يوم يكلم الوحده عن طريق المغازله .الاغلبيه منهم يقصون عليهم وما يتزوجوهم بالعكس ياخذون اللي يبونه ويروحون ويفرونها مثل الجلاب
هند : بس هو غير
نوره : هيه غير عن هالنوع .. بس شي النوع الثاني اللي الشخص ياخذ الوحده عن طريق المغازله يعني عن طريق حراااااااام ويوم يتزوجها حياتهم ما تسمر .لان حياتهم كلها راح تكون بشك وبمشكال وواحد بالميه من هالنوع اللي حياتهم بتستمر عادي
هند : لا لا انا غير
نوره : على راحتج بس اقولج المغازله كيف .. لان هم اتزوجو عن طريق حرام وشي يغضب الله وانتي راح تشوفين هالشي
هند : بس سالم يحبني ويموت فيه
نوره : حتى الشباب اللي تزوجو عن طريق المغازله كانو يحبون بس حياتهم ما استمرت لانهم بيتمون يشكون في كل شي .. لانهم يقولون مدام الوحده خانت اهلها اكيد راح تخون زوجها فهمتي علي
هندبعصبيه : ما ابي افهم شي.. كل اللي أفهمه ان سالم يحبني ويباني وانا احبه اوكي

راح هند عن نوره وهي مصره بحب سالم لها
..اما نوره فكانت خايفه على حياة اختها..
بعد مكالمة سالم ويا هند وتحديده موعد خطوبتهم .. هند كانت فرحانه وااااايد وحست ان حلمها تحقق .. وانها بتعيش أروع قصص الحب والغرام..

وفي المغرب راحت ساره بيت الريم عشان كلهم يروحون بيت نوره .. لان ساره راح تنهي آخر حلمها وعلاقتها مع خالد .. واول وحده راح تقولها عن انفاصلها عن خالد بسبب فهد هي نوره بنت خالتهم عشان تساعدهم شوي وتفهم اكثر وبعدين .. بتخبر خالد ..

في السياره ساره متوتره وخايفه والريم تشوفها.
الريم : ساره شو فيج ؟؟ ليش هالتوتر كله
ساره بضيق : أفكر يالريم كيف أواجه خالد اليوم
الريم : هو اكيد بيفهمج .
ساره : لا لا لا ما بيفهمني ..اعرفه خالد .. (بحزن شديد) هو بيتوقع اني اخترت فهد لاني احبه ولاني ما ابي خالد.
الريم : لا ما اتوقع هو يفكر جذي.
ساره : ماعرف احس جذي .. الله يعيني على هاليوم .. صدق اصعب يوم بيمر بحياتي
الريم : الله يسهل علينا كل شي. ويسعدج يا ساره
ساره باستهزاء : كيف أسعد وأنا مب مع اللي احبه.
الريم : سكتت ماعرفت شو تقول .

وبعد ما وصلو بيتكم نوره ..ساره نزلت من السياره أما الريم بعدها في السياره .
ساره وهي صاده للريم : الريم شو ما تبين تنزلين
الريم : لا بنزل بس بعد دقايق.
ساره : ليش
الريم : بتصل في عفاف .متصله فيه الاف المرات وتوني اشوف رقمها .
ساره : ليش مساعه ماسمعتي يوم اتصلت
الريم : لا ما سمعت لاني كنت حاطه موبايلي على السايلنت
ساره : خلاص اوكي انا الحين بدخل بيتهم .. وانتي يوم تخلصين مكالمتج تعالي اوكي
الريم : اكيد بيي .. لا تخافين ماباخذ سيارتج.
ساره بابتسامه رقيقه: مممممممممممم يمكن بعد تاخذينها وتخربينها واخر شي تردين علي
الريم : افا لهالدرجه انا نذله يعني
ساره : ههههههههههههههه من زمااااااااااااااان
الريم : هههههههههههههههههههه زين ساروه براويج
ساره : اقول بلانا مثل الهنود واقفين برع نتكلم .
الريم : هههههههههههههههههه
ساره : اوكي يالريم انا بدخل اوكي اترياج
الريم : خلاص بعد شوي بدخل

راحت ساره داخل البيت ..اما الريم فتصلت في ربيعتها عفاف .

ومقابل بيتكم خالة ساره اللي هو بيتكم نوره .. كانت سيارة خالد .. وخالد كان طالع من سيارته ومتساند على السياره .. وربيعه محـــمد مجابلنه وكانو يرمسون ويضحكون ..
خالد : اقولك يا محمد تصدق افكر اغير سيارتي
مــحمد مجابل بيتكم نوره .يعني يشوف الداخل والخارج : افا ليش
خالد : بس جذي مليت من سيارتي
محمد : حشى عليك . من سنه مغير سيارتك .
خالد : هي صح بس تعرفني بسرعه امل
محمد: يا خوفي بعد تزوج أربعه
خالد فتح عيونه: بلللللللللللل ..ليش شو تشوفني الحاج متولي
محمد يضحك : ههههههههههههه .. لا بس لانك بسرعه تمل عشان جذي قلت يمكن تمل من زوجتك بعد
خالد باروع ابتساماته وتنهد: اااااااااااااااااااه مستحيل أمل واضيج من الروح اللي سكنت روحي .. أصلا انا بدونها جسد بلا روح .
محمد : يا سلام هالكلام كله حق خطيبتك يعني
خالد : يعني حق ويهك اكيد حق خطيبتي
محمد يضحك : هههههههههههههه والله صرت رقيق مع اللي تحبهم وصرت دفش ونذل معاي
خالد : هههههههههههههه انا ما اقول الكلام الحلو اللي حق ساره بس حقها
محمد : ونحن
خالد : الكلام العادي
محمد : الله يعينا
خالد : انزين خلك بسالفتي الحين والحين شو رايك
محمد بتعجب : رايي في شو
خالد : يا كثر من تنسه. اقولك ابي اشتري سياره يديده شو رايك
محمد : والله لو قلتلك لاء بتاخذ اللي في راسك .
خالد :طبعا باخذ اللي في راسي
محمد : عيل ليش تسالني
خالد : ابيك تختارلي سياره عشان اشتريها
محمد (يفكر ): مممممممممممممم
خالد بعد تفكير: شو رايك بسيارة (بورش) رووعه صح
محمد وهو يفكر كان صاد لبيتكم خالد وفجأه شاف ..شاف اللي سلبت عقله وطيرت النوم من باله .. شاف الريم وهي نازله من سيارة ساره عشان تدخل بيتكم خالد .
محمد ما قدرت يتكلم غير انه سرح فيها وفي قلبه يقول( ااااااااااااااااااه يالريم من زمان ما شفتج والله هاليومين اللي شفتج فيهم .. خليتيني عاشق ولهان ..
خالد يشوف محمد ومستغرب لان شافه ما يرد عليه .
خالد وهو يضرب ويهه محمد : اييييه بلاك
محمد : هاااا... م .. م ..مافيني شي
خالد : أي مافيك شي الله يهداك .. اشوفك طاير بعالم ثاني
محمد : اااااااااااااااااااااه يا خالد لو تعرف اللي بقلبي
خالد : مدامك تنهد اكيد في شي
محمد : تعرف يا خالد الريم ربيعة ساره اللي مره شفناها في المركز ومره تعشينا وياهم في البستان
خالد بابتسامه : اكيد بعرفها .. كافي انها ربيعة اعز انسانه مرت في حياتي .
محمد : خالد والله تصدق من ذيج المره اللي شفتها وشفت نظره عيونها اللي تخلي العالم يذوب وجمالها ورقتها . والله اني ما افكر الا فيها..
خالد يشوف محمد من طرف عينه ويضرب على راسه : ويالدب ليش ما قلتلي انك عاشق.
محمد بخجل : احم احم .. قلت اخاف تعايب عليه
خالد : ليش
محمد : تقول هذا شاف الريم من يومين وانعجب فيها .. واخاف ماتصدقني
خالد : شوف يا محمد .. الحب مايعرف اليوم ولا الوقت ولا السنه .. ويمكن هذا يسمونه الحب من اول نظره
محمد بابتسمامه : يمكن
خالد : زين ليش ماتخطبها
محمد نزل راسه وتضايق وحزن
خالد : شو فيك يا محمد شو قلت انا
محمد : ما اقدر اخطبها لانه .......
خالد : لان شو
محمد صد لخالد: شوف يا خالد انا بقولك السالفه بس مب الحين اوكي ..خالد : متى بتقولي عيل
محمد :بيوم ثاني .. وان شاء الله تلقى معايه الحل
خالد : افا عليك .. ولا تعال
محمد : خير
خالد : شو اللي ذكرك في الريم الحين
محمد يبتسم : لاني شفتها توها نازله من السياره وراحت بيتكم
خالد كان مجابل محمد ويوم سمع ان الريم نزلت من الساره راح صد صوب بيتهم وشاف سيارة ساره : يا سلام القلب موجوده
محمد فاتح عيونه : أي القب ومنو تقصد
خالد يصد لمحمد : ساره خطيبتي .. لان هاي سيارتها
محمد : زين عيل بتدخل داخل
خالد يفكر: ممممممممممممممم شوف نحن بنتعشى برع الحين بعدين بروح البيت
محمد : يا ويلي عالحب
خالد يضحك: هههههههههههههههه هي طبعا ما صدقت هي يت بيتنا عشان اشوفها

محمد : زين يالله نطلع عشان تلحق عليها
خالد : اوكي يالله نروح.

طلع خالد ويا محمد .. وهو مايعرف شو اللي ينتظره داخل ..
اما محمد فمن أول ما شاف الريم وهو صدق حبها بالذات يوم عرف صفاتها وطيبتها من خالد .. لان خالد يعرف اليم من مده لانها ربية ساره من الطفوله..بس محمد كان يخفي شي وهو عنده شي يمنعه من التقدم للريم . وهالشي راح تعرفونه مع الايام.

أما ساره قالت لنوره انها بتفسخ خطوبتها من خالد والسبب طبعا فهد .. الريم كانت يالسه وياهم اما نوره فاستغربت وااايد من كلام ساره لانها تعرف حب ساره لخالد.
نوره وهي متضايقه وقاعده على الغنفه ومنزله راسها.
ساره بحزن: ها يا نوره كيف اكلم خالد بهالسالفه.
نوره رفعت راسها : والله شوفي ياساره أنا من ناحيتي عاذرتنج .. لان اعرف ان اللي بتسوينه عشانج خايفه على حياة خالد وامج .
بس؟
ساره : بس شو ؟
نوره : بس خالد ما اعتقد انه بيفهم هالشي
الريم : ليش يعني؟
نوره : لان خالد يموت على ساره من هو صغير وكان يحلم انه يتزوجها وبعد هالانتظار كله اتي ساره وتقوله انها بتزوج غيره . والله صعبه
ساره والدمعه بعيونها : بس ما عندي حل ثاني . وهو يعرف اني بعد احبه بس الظروف
نوره : والله ماعرف .. يمكن بيفهمج .
ساره بعبيه: هالتعاسه والمشاكل اللي صارت لي كله من فهد .. والله اني اكره اكره.
الريم تضايقت من كلام ساره وسكتت.
نوره لاحظت ان الريم تضايقت وراحت عند ساره وكلمتها بصوت واطي : ساره عاد مب جدام اخته .
ساره لاحظت زعل الريم وراحت عند الريم ومسكت ايدها : الريم سامحيني والله مب قصدي اضايقج .. بس غصبا عني ..
الريم : لا حبيبتي عادي .. انا حاسه فيج . وانا اللي اعتذر بدل فهد .
ساره : انتي مالج خص يالريم.
الريم : ادري .. بس مستحيه منج .. لان كل اللي يصير لج بسبب فهد.
ساره رفعت راسها : الله يسامحك يا فهد .. بتحرمني من الانسان اللي حبه قلبي.

وكان الكل قاعد في الصاله وساره كانت تتنتظر خالد عشان تقوله السالفه ..

الريم : اقول نوره ؟
نوره صدت للريم : خير يالغاليه
الريم : وينها اختج هند..أبد ماتنشاف
نوره : هاي هند والله ولا تقولون انها اختي
ساره : افا ليش
نوره : هي تفكيرها غير عني وكلامها وكل شي .. وكله بينا ضرابه
الريم : الخوات اغلبيتهم جذي
نوره : لا بس هاي غير ضربت الرقم القياسي ..واااايد مغروره
ساره : يمكن لانها بعدها بسن المراهقه .. عشان جذي تحسين تفكيرها غير .
نوره :والله يمكن
الريم: اقول نوره .متى ملجتج .
نوره بخجل : ممممممممممم بعد شهرين ونص ان شاء الله
ساره : وعرسج..
نوره : والله ام عبد الله قالتلي ان عبد الله يبى الملجه والعرس بيوم واحد .
الريم فتحت عيونها : لا جذي صعب .
ساره هي صح صعب جذي تحسين ما بيكون بينكم تفاهم
نوره : هي اكيد ..لان على الاقل في الملجه نقدر نتفاهم اكثر .. ويوم في العرس ما بيصير بينا وايد مشاكل لاني بكون اعرف عنه زاعرف هو شو يحب واعرف اخلاقه .
الريم : صح عشان جذي الملجه لها دور كبير .. ثاني الله حلل انج تشوفين ريلج في الملجه.
ساره : هي والله ..انزين يا نوره شو بتسوين الحين ؟.
نوره : لا انا قلت حق ام عبد الله ( بدلع) قصدي عمتي
ساره والريم : هههههههههههههههه
نوره : قلت لها اني على الاقل ابي بعد الملجه شهرين
ساره : بل مب وايد
نوره : لا وايد ولا شي ..
الريم: يعني أي شهر
نوره : شهر سبعه
الريم: ها زين وامتحانات هند بالثانويه العامه شهر 5
ساره : هي صح ناسيته ان هند بالثانويه العامه الله يعينها
نوره : والله ولا هي مهتمه .. زين منها اذا نجحت.

وهم قاعدين يرمسون ويسولفون
دخل عليهم خالد ..
خالد : السلام عليكم
الريم ونوره وساره : وعليكم السلام
خالد دخل وابتسم وشاف ساره : اشحالج يا ساره
ساره بخجل : الحمد لله يسرك حالي وانت شو اخبارك
خالد : بخير الله يسلمج
خالد صد للريم : اشحالج يالرييم .
الريم : الحمد لله بخير
خالد قعد عالنغنفه وكان قاعد عند نوره .

الريم طبعا تستحي تقعد مع خالد وبالذات هاليوم اكثر لان السالفه راح تكون عن اخوها فهد .
الريم قامت من مكانها: عن اذنكم

نوره تصد للريم : وين بتروحين
الريم: بروح عند هند .. من زمان ما قعدت وياها
نوره : خلاص حبيبتي روحي ونسيها.
الريم صعدت وراحت غرفة هند ..



اما ساره فكانت متوتره وايد لانها ماتعرف كيف اتفاتح خالد بهالسالفه.

خالد لاحظ توتر ساره : شو فيج ساره ..
ساره بارتباك : ها ...مم....ما فيني شي
خالد : احسج متوتره .
ساره تبلع ريجها : خ..خ.خالد
خالد : خير يا ساره
ساره : بقولك شي
نوره صدت لساره: ساره مب الحين عاد ..
ساره : خلا اقوله وارتاح .
خالد اتسغرب: شو فيكم .. عن شو تبون تكلموني
ساره وقفت من عالغنفه وبتوتر : خالد بقولك شي بس الله يخليك افهمني
خالد رافع حواجبه : خير شو في
ساره تلعب باصابعها : انا ..انا ..
خالد : شو فيج يا ساره.انتي شو
ساره بحزن : انا قررت اني افسخ خطوبتي منك.
خالد أول ما سمع هالكلمه قام من مكانها وراح عندها وبغضب: شوووووووووووو انتي شو تقولين يا ساره ..
نوره : الله يهديك يا خالد .. هد اعصابك
خالد : كيف اهدي اعصابي .. وساره ما تباني
ساره : لا يا خالد .. انا ما قلت جذي
خالد: عيل ليش تبين تفسخين خطوبتنا ليش ليش؟
ساره منزله راسها: لاني أبي اتزوج (بتردد) فهد
خالد وقف مكانه وكان يتمنى ان الارض تنشق وتبلعه : تبين تزوجين فهد
ساره : هيه ..
خالد بعصبيه وصريخ: ليش ليش يا ساره .. ليش تبين تزوجين فهد .. لا يكون عنده شي انا ما عندي ولا خلاص مليتي مني ..
ساره : لا والله يا خالد بس انت هد اعصابك عشان تعرف السالفه
خالد صد عن ساره : أي سالفه ؟؟ انا ما ابي اسمع شي كافي اللي قلتيه
نوره : خالد ساره ما بتزوج فهد لانها تحبه
خالد : لا والله عيل عشان شو
ساره : شوف يا خالد .. اذا تزوجنا ماراح نستانس بحياتنا
خالد : وليش ان شاء الله
ساره : لان فهد هددني اذا ماتزوجته راح يدمرني ويحرمني منك ومن امي ( والدمعه بعيونها ) وأنا ما ابي شي يصير لكم . وانت تعرف فهد عنده مرض نفسي وعادي والله بيسويها .
خالد راح عند ساره : ساره انا أفضل الموت ولا اشوفج عند غيري
ساره تصيح : بس انا اتمنى اني اتزوج أي حد غيرك ويصير لي أي شي ولا أنحرم منك يا خالد ما انحرم من شوفتك
خالد بحزن :يعني تبيني اتخلى عنج عشان تهديدات فهد
ساره : اقولك اذا ماتزوجته راح يخلي حياتنا جحيم .
خالد : وانا وانا ما خفتي علي ؟؟ كيف بعيش بدونج
ساره : انت على الاقل انسان عاقل .. واعرف ان صعب عليك .. بس على الاقل ماراح يصير لك شي واهم شي ان فهد ما بيأذيك ..
ثانيا يا خالد انت اذا فقدني عند امك وابوك وخواتك الله يخليهم لك ..بس فهد فاقد حنان والديه واذا خسرني راح ينهار
خالد بغضب: والله يعني تاخذينه عشان الشفقه
ساره : مب بس عشان الشفقه .. والله بعد عشانك انت وامي والله اني اخاف عليكم .. انت لو سمحت تهديداته
خالد : اه يا النذل بس انا والله أراويه
ساره وعيونها محمره من الدموع : الله يخليك يا خالد لاتروح عنده.
خالد : لا بروح الحين عنده عشان مره ثانيه ما يهدد بنات الناس
ساره وهي ماسكه ايدينها وقاعده ترجى خالد: خالد أترجاك لا تروح عنده ..أعرف اذا رحت راح تصير مشكله. وفهد ما يحس باللي يسويه واخاف يأذيك.
خالد : انا ما يهمني ولا اخاف منه
ساره وهي تترجاه : خالد باسم الحب اللي بينا الله يخليك لا تروح عنده.
خالد صد لساره وشافها صدق منهاره والدموع بعيونها ورفق عليها : خلاص مابروح عشانج يا ساره
ساره تمسح دموعها : تسلم يا خالد
خالد : ساره فكري مره ثانيه الله يخليج .. لا تتركيني ترى والله بنهار ..ساره انا احبج انتي واخترتج انتي من يوم كنت صغير
ساره بحزن وضيق : والله مب بايدي غصبا عني
خالد : لا تهتمين له ..ساره ما اقدر اعيش بدونج
ساره تصيح : ولا انا بس ما عندي حل ثاني افمني افهمني يا خالد .
خالد بعصبيه : ما ابي افهم شي .. (يأشر على ساره) شوفي يا ساره اذا اخترتي فهد .. لا أعرفج ولا تعرفيني وراح اعتبرج غريبه ..حتى السلام ما ابي منج
ساره : لهالدرجه يا خالد صرت قاسي علي
خالد : بس مب اقسى عنج مثل ما بعتي حبي لج .. انا بعد بعاملج نفس الشي
ساره : بس هالشي غصبا عني
خالد : ماعندي كلام ثاني .. مثل ما تخيلتي عني .. انا بعد راح اعاملج مثل الغريبه وراح احاول انساج مثل ما نسيتيني .
ساره : انا ما نسيتك
خالد : آخر كلام يا ساره تبيني انا ولا فهد
ساره تفكر اذا ماخذت خالد صح راح تفقده بس هو ما بيصيرله شي ولا بيتأذى .. بس اذا تزوجت خالد ..حياتهم بتدمر ويمكن فهد يقتله ..
ساره خذن تفس والدموع بعيونها : اسمحلي يا خالد بس هالشي غصبا عني .
خالد : يعني اخترتي منو
ساره بتردد وحزن : فهد
خالد : خلاص عيل اليوم آخر يوم اكلمج وآخر يوم تكون بينا علاقه .
خالد راح عن ساره وكان يبى يدخل غرفته .وسمع ساره تناديه ووقف مكانه.
ساره والدموع بعيونها : خالد والله اني ما احب فهد والله اني أباك انت ..والله..
خالد ما قدر يستحمل اكثروراح غرفته ..وصك على عرمه الباب
وخلى راسه على الباب وأول مره خالد الدمعه تنزل من عيونه.
خالد : ااااااااااااه يا ساره ااااه كيف اعيش بدونج يا ساره وانتي الهوى اللي اتنفسه كيف .
خالد كانت حالته صعبه ..
ساره ما قدرت تستحمل اكثر راحت حضنت نوره وهي تصيح .
ساره : راح عني خالد راح يا نوره .
نوره تمسح على شعر ساره: بس يا ساره لا تصيحين قطعتي قلبي
ساره : احلامنا تبخرت وراحت والسبب كله من فهد .. ربي لا يهنيه ولا يسعده مثل ما حرمني من السعاده.
الريم نزلت وشافت ساره حاضنه نوره وتصيح ..وعرفت ان ساره قالت لخالد ..
الريم نزلت عند ساره تحاول تهديها.
الريم : قومي يا ساره نروح البيت .
نوره تصد للريم : كف ساره تسوق وهي بهالحال
الريم : لا انا اللي بسوق وبوصلها بيتهم .
مسكت الريم ساره وحاولت تهديها لان ساره كانت منهاره لانها فقدت خالد وحست ان خالد كرها


نكمل بكره انشاء الله