مرحبا أنا دخلت الموضوع صدفه ولما قريته تضايقت وقلت لازم أرد بالنسبه لمشكلتك الأولى مثل ما قيل لك أنها غيره لا أكثر وأنا أقول لو تكسبي أختك وخالاتك أحسن بالكلام الحلو والمدح الغير مبالغ فيه عشان يكون صادق وتبين مقدار محبتهم في قلبك وبالأخص أختك لأن مالك غنى عنها وبالنسبه للمشكله الثانيه أولا لا تظلمين زوجه أبوك حتى لوكان صحيح لاتدخلي نفسك في مشكله أنتي في غنى عنها ولا تثقي بها أبدا ولا تعطيها سرك وحاولي تكسبي أبوك وتكسبي ثقته أنتي وأختك بالكلام الحلو السلس ترا الأب دائما حنون خصوصا في وضعك بما أن والديك منفصلين وأخدمي أبوك برمش عينك ودائما بيني له أنه أغلى الناس عندك وهو سندك في الدنيا ومصدر قوتك ومع الوقت ماراح يصدق فيكي شئ وتكوني عنده زي الملاك وأنتي أحتسبي الأجر وأنه بر بأبوك وربي راح يوفقك وأبنائك أن شاء الله راح يبرونك مثل مابريتي بوالديك وموفقه أختي وأدعيلي أن الله يلم شملي أنا وأبو بنتي وشكراااااااااااااااااااا

اختي نبع الحنان انا ماظلمتها انا متأكده بس اقول مالي دخل فيها تسوي اللي تبي ابوي مصيره راح يدري ........ واختي اذا كنا في البيت وش زينها معاي حتى مانتهاوش بس نسولف مع بعض ونضحك وحتى زوجه ابوي تقول لعيالها شوفو هنوف ومرام ماعمرهم تهاوشوا يحبون بعض مو مثلكم بس اذا رحنا بيت جدتي تتغير حتى تطالعني من طرف عينها وامي كذا مره تهاوش اختي بس اشوا بدت تحترمني قدام خالاتي ....... واذا كان على ابوي اقولك ابوي يجي من الدوام يتغدا نكون احنا نايمين
ويقوم يروح لبيت عمتي واحنا لسى نايمين
ونقوم الساعه 5 وهو مو موجود ونرجع ننام 12 عشان المدرسه وهو لسى ماجاء
واذا يوم قعد معنا مايخلينا نقعد عنده يقولنا روحوا للصاله وهو يقعد في المجلس

الله يكون في العون

مشكوره نبع الحنان والله يلم شملك ياااااااارب
وربي اني دعيت لك من كل قلللللللللللللللبي
وان شاء الله كل يوم بدعي لك يااارب

أهلا حبيبتي مشكوره على دعواتك والله أحسك مثل أختي وأبي أنفعك وش رايك لا رحتي لخالتك مره تفاجئها هي وأختك بهديه بسطه تكسبي فيها ودها أو تسوين لك حلا وتقولي هذا عشان خالتي حبيبتي وأختي روح قلبي ومن هالأشياء عاد وأنتي وشطارتك مل ماكسبتي خوالك وحبوكي خلي خالتك وأختك يحبونك ولا يرضون أن أحد يكلم عنك ألا بالزين وبالنسبه لأبوكي أذا قال روحو عني داعبيه بخفه ودلع مثل ليش نروح والغالي ماصدقت أشوفه وحبيه على راسه وضميه وسويله مساج على رجوله وراسه كذا راح تتحرك عاطفته ويحن عليك وخلي أختك تشاركك وأنت أبونا ومالنا غناة عنك وأنت عزنا الي نرفع روسنا بك والله لا يحرمنا منك ويطول في عمرك ومن هالكلام وأنتي أفرضي نفسك عليه أنتي وأختك لكن بحب وبر وحنان حتى لو صدك أستمري ومع الوقت راح يلين حتى لو مابين لك أنتي أكسبي ثقته وحبه ولا تنسين تشاركين أختك معك ودعواتك لي وبالتوفيق لك أنتي وأختك

نبع يا قلبي ابشركِ امس رحنا لبيت جدتي وكانت خالتي الكبيره مو موجوده بس فيه الصغيره
المهم اول ماشافتني ابتسمت وقلت لها هي واختي
انتم ليه تعاملوني كذا .... الخ
قالت لي لا بس شوق هي اللي تقعد تحرشني .....الخ
المهم انا وياها اتفقنا اننا نبدأ صفحه جديده ....وانتهت مشكله خالتي الصغيره ..
بس باقي الكبيره الله يستر انا مااحب اكلمها احسها متكبره وشايفه نفسها مدري على شو
وان شاء الله احاول اجلس مع ابوي واتقرب له

مشكوره نبع حبيبتي يارب يوفقك ويرزقك وينجحك دنيا واخره يا قلبي
ويجمع شملكم

دلع

أهلا حبيبتي بشارة خير أن شاء الله لكن أحب أقولك خالتك الكبيره لا تعملين معها مثل الصغيره تعالي لها بطريقه غير لأنها كبيره مو مثل الصغيره حولك بالعمر أكسبي خالتك بالكلام الحلو والسلس والحب و لا تبينين لها أنك كاشفتها ولا تراددينها مع الأيام راح تحس أنها منتصره عليك بس ماعليه خليكي على الأسلوب الي قلتلك الكلام الحلو والحب والتقدير مع الوقت راح تفشل و تقول الصغيره أعقل مني حتى لو ماصار هاشئ خليكي أكبر من هالتفاهات وخلي مخك كبير بعدين الناس راح تعرف وخوالك وخالاتك وكل الي يعرفونك راح يقولون الهنوف أعقل البنات حتى أعقل من الكبار وراح يكون لك المدح خليكي كبيره شامخه عزيزه والبنت العاقله وعاد علمينا علومك وموفقه يارب