المنتدى :
من عيون الشعر العربي والعالمي
يمكن .. جايز .. احتمال (علي سلامة )
مش دى .. بطاقتى
وده .. رقمى القومى
ودى .. الحقيقة ..
وده الخيال ....
ومش دي الخريطة ..
ودي المدينة ..
وده المحور ..
وده المترو ..
وكده يمين .. وكده شمال ..
مش ده ظابط .. وده عسكرى ..
وده طبيب .. وده كمسرى ..
وده منجد .. وده بقال ..
مش ده جامع .. ودى مدرسة
وده كباريه ..
وده سمسار ..
وده شيال .....
مش ده فستان .. ودى جلابيه
وده شورت .. وده مفيش ..
وده شال ....
مش ده اتوبيس .. ودى عجلة
ودول حمير ....
ودولا جمال .....
مش ده عمى .. ودى أختى
و دول صحابى ..
وده كمال ....
مش ده شارعنا .. وده بيتنا ..
ودى مراتى ..
ودولا العيال ...
مش ده الوطن .. وده المواطن ...
وده التاريخ .. اللى إتقال ...
أمال ليه .. كل ما اروح فى حته
و أسأل سوأل ....
يقولولي .. جايز ... يمكن .... إحتمال
|
06-03-08, 12:47 PM
جديد مواضيع قسم من عيون الشعر العربي والعالمي
العرض العادي
