سلام صبايا


وردة عزيزتي رواية ديبي ما كومبر أنا شخصياً ما قريتها لسه بس نزلتها لما ذكرتها ضوء الحب .


كوكو قريت رواية روين وشبه متأكدة أني سبق وقريتها بالعربي من سلسلة النحاس بس للأسف مالي متذكرة العنوان الآن .

بكل الأحوال الرواية لطيفة وااه على البطل لما بيكون قاسي وبيدوب متل نقطة تلج تحت النار وقت البطلة بتمرض أو بتنزعج من شي مع إني انقهرت لأني ما عرفت المقاطع يلي قلتي البطلة بدها كف فيها لأن عندي كره للبطلات حالياً ومحتاجة لكل الكفوف والبازوكات حتى اروح عن حالي شوي

سلام صبايا


بنات حبيت احكي عن رواية قريتها من زمان Sara Craven - [Wedlocked!] - The Forced Bride ومن البداية خلوني أقول إن الرواية مالها مثالية بالمرة يعني وخصوصاً اوهو ما تظني فيها مفاجآت أو شي غير متوقع لأن فكرتها الأساسية نمطية كعادة هارلكوين بس أنا حبيت الرواية وبذكر وقت نصحتني فيها صديقتي الحبيبة وبعتتلي ياها كانت الساعة 12 بليل ووقتها بديت فيها وما لقيت وقت خلصتها الا الساعة 6 الصبح وصار وقت الدوام وأنا لسه ما نمت ولا ثانية .

الرواية أثارت عدة نقاط تفكير عميق فيني مثلاً قريت كتير نقاشات عن الرواية وخاصة بالامازون وحكوا عن إن البطل برأيهم اغتصب البطلة هالنقطة ما بدي ناقشها بس وجهة نظري الشخصية إن البطلة اغتصبته نفسياً مرات لا تحصى يعني حرق قلبي كل ما قرب منها خطوة بتحتار كيف تنكد عليه وتسكر بوجهه الأبواب كمثل إذا قريتو الرواية موقف لما بيدعوها للتزلج رايحين تعرفوا قصدي لأن البطل بيكون عارف دائماً إنها عم تكذب عليه لأنها ما بتريد تكون معه .
ومن غير استفاضة في وصف لصباح معين ذكرني بقوله تعالى : { هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ } (187) سورة البقرة يعني وصف الكاتبة حسيت فيه كأن البطلة ملصوقة على العمود الفقري للبطل فسبحان الله الإعجاز في التعبير بالقرآن شي يفوق الوصف .

وموقف تاني بالرواية لقيت سبحان الله يلي خلقنا وبيعرف علاجنا حتى لو مستحيل نعترف بالشي هاد قال تعالى :{وَاهْجُرُوهُنَّ فِي الْمَضَاجِعِ } (34) سورة النساء

وبالنهاية كلمة قالها البطل بالأخير ومالي متذكرة تعبيره بالضبط بس متل انه كان بفكر مستحيل قوة حبه ما تلمسها وتوصلها وتخليها تحبه بالمقابل .. وللأسف هالشي صحيح مهما كنت منيحة مع شخص وعملت أشيا جيدة له وكنت بتحبيه وبتريدي رضاه هالشي لا يعني بالمرة إن شعورك ودرجة الولاء والالتزام الصادر عنك رايح يكون اله مقابل بنفس الدرجة هي إذا كان الشعور متبادل من أساسه ، لأن بشوف إن الحب مو مرتبط بأفعالك دائماً يعني وقت بتكوني كتير جيدة لشخص ممكن يحبك بعقله بتعرفوا هالحب ؟ هالشعور إن فلان منيح معي لذا أنا بحبه بس هالحب إطلاقاً لا يماثل الشعور الحقيقي يلي للأسف ممكن يكون موجه لشخص إنت مو على باله من الأساس ومو مهتم برضاك من عدمه .

الكاتبة كان المفروض تغطي بعض النقاط يلي تركتها من غير تبرير متل ليه البطل كان موافق على الطلاق بالبداية وليه تغير رأيه 180 درجة هيك .

بس بالنهاية رواية نمطية جيدة وعلى تصنيف رومانس العزيزة بتاخد 5 نجوم مني .

تحياتي للجميع

سلام صبايا

اوهو أنهيت رواية Susan Napier - The Mistress Deception وانطباعي عنها كان مختلف شوي عنك .

بالنسبة لبنت البطلة أنا فهمت أنها رفضت تخليها تبقى معها لأسباب تربوية نفسية متعلقة بمفهومهم عن التبني ومو قصة إن البطلة ما عندها وقت لبنتها والدليل الحديث يلي تلا الموقف بين البطلة والأخت المتبنية للبنت .

معك إن الكاتبة زادتها وخلت صفات البطلة سوبرومن تقريباً مع إن شخصياً موضوع العمر ما عاد كتير يزعجني بس قصة الطول عندي عقدة فيها للأسف يعني قولي البطل بشع ما بزعل المهم الطول والاكتاف العريضة _أذواق بعيد عنك_ بس كمان الكاتبة اوحت بأن البطل جذاب رغم موضوع النظارة و على فكرة كتير وأنا منهم بيعتبروها جذابة

بيجوز انحزت لطرف الرواية شوي لأن فكرة البطل العذري_مرسي الزناتي يا كوكوووو_ لساها جديدة والها بريقها يلي بيشدني وخصوصاً إن الكاتبة ما بتظهره كأقل من رجل نتيجة عدم تطوره الجنسي مع إن بالرواتين الها عوضت عن قلة البطل بوفرة البطلة

الرواية ككل لطيفة ولولا موضوع البطل البتول كانت عادية جداً بس مكتوبة بطريقة مقبولة وغير مملة .

وهي الرواية للي بحب يقراها مع الشكر لست الكل يلي نزلتها الأول بالمنتدى .


تحياتي للجميع