سلام صبايا
انتهيت من قراءة Jane Porter - [Galvan Brides4] - The Spaniard's Passion والرواية ما شدتني كتير .
أكثر ما عجبني هو شخصية بطلنا الونسو ، عجبني أنه بيحب البطلة من البداية وأنه بيعرف عيوب شخصيتها ومع هيك بيحبها ، عجبني كمان إبرازه بصورة إنسانية لأني بحب التعليقات يلي بتجي من البطل بيجوز لان بالروايات القديمة ما تعودنا على إبراز شخصية البطل فعندي دائماً تشوق لأي لمحة إنسانية عنه . يلي ضايقني إني حسيت أنه سلمها ببساطة بالبداية ..ما حسنت افهم ليش ما حارب لأجلها يعني لو كان الصديق ما بيعرف بحبو الها وقت خطبها كان ممكن أفهم بس إن بعد ما اخذ رأيه بخاتم الخطوبة _يلي ما عرفت ليه اشتراه قبل ما يراودها على حد تعبيره_ يعني هالصديق يلي غدر فيك وخطف حبيبة قلبك وأنت مسافر ما بيستاهل انك تغفر لخيانته بل كان لازم يناضل لأجل البطلة بعرف أنها جبانة بس حسيت انه ما فرض عليها تواجه حقيقة مشاعره وتتخذ قرار صريح ولو بالهروب .
البطلة من الناحية الثانية زعجتني .. مع أن المؤلفة حاولت تبرر أن سبب جبنها هو تحطيم أمها لأبيها وقت تخلت عنه فهي تقوقعت على نفسها لحماية قلبها من العواطف الحقيقة يلي ممكن تكون مدمرة بشدتها ، وبحس أن شيء مؤسف جداً أن الإنسان ممكن يخسر فرص عظيمة بالحياة بسبب الجبن فقط لا غير ، شخصياً ما بتصور أي امرأة ممكن تخاف من فكرة وجود رجل بحبها بالقوة هي يعني حرق قلبي وقت قال " لو ذهبت إلى الجحيم لتبعتها " أي وحدة ما بتريد رجل بيكون موجود لأجلها بكل فرصة بتحتاجه فيها ؟؟
جزئية أن الصديق كان عاشق للبطل وتزوج البطلة لأجل يحتفظ فيه بحياته ما أقنعتني كمان ، يعني شو هالحب هاد يلي يخليك تغدر بصديق عمرك والأبشع يلي بتقول عن نفسك بتحبه .

بالنهاية ما ندمت على قراءة الرواية والونسو أكيد يلي حلّى الرواية بالنسبة إلي .

بتمنى وردة القمر تكون انهت قراءة الرواية لأني حاولت أتأخر بالرد منشان ما احرق النهاية الها وبانتظار توصياتكم القادمة بنات علماً إني الآن بديت برواية كوكو Jane Porter - [Princess Brides3] - The Italian's Virgin Princess .

سلام صبايا
أحببت أن أتكلم عن رواية لولا الغالية Judith McNaught - Whitney, My Love رواية وصفت برواية القرن وهو تعبير فضفاض نوعاً ما برأي ولكن دون أن ينقص ذرة من مدى استمتاعي بالرواية .
شو بحسن أحكي عن الرواية من غير ما أكشفها بحسب طلب العزيزة وردة ..
ببساطة حبيتها ..حبيت ويتني الجريئة وكلايتن الذي اكتشف الحب والغيرة باكراً وليس على عادة الأبطال في آخر صفحة حبيت تسلسل الأحداث والتفسيرات المنطقية ، مراقبة تطور الحب لحين ما أصبح حقيقة ملموسة كان مثير لأن شخصياً ما بقتنع ببقية الروايات عن كيفية اكتشاف الحب ..بعرف أن الحب نبتة ممكن تنولد بأصعب المناخات وبظروف مستحيلة بس كمان عقلي ما بيستوعب أن شخص ما بيعجبك ولا بتحترمي فيه شي وكمان بيمرمط فيك الأرض وبيحتار شو يعمل فيك وفجأة واااه عجباه بتكتشفي انك دايبه بغرامه .. أنا ما كتير بعجب بالنقطة هي بالروايات .
أيضاً الكاتبة ما حاولت تصور البطل على أنه سوبر يعني كان انسان بكل عيوبه وزلاته صحيح حب البطلة بس وقت وقعوا بمشاكل.. الغيرة خلته يفكر بالانتقام كردة فعل طبيعية نوعاً ما .
آخر تصعيد بالأحداث حسيته زيادة عن اللزوم يعني ما كان راح ينقص الرواية شي بلاه برأي .
والشيء الوحيد يلي كرهته إني بكل صفحة كنت متوقعه يصير مصيبة تكرهني بالرواية بس الحمد لله عدت على خير وسلامة . وأكيد تشوقت اقرأ رواية تانية للكاتبة .
وبنات بعتذر بس ما عندي الصبر الكافي للبحث عن الرواية بالمنتدى لذا رايح أنزلها هون وبعتذر منكم .