المنتدى :
الشعر والشعراء
الجمهرة
الجمهرة
اي بالله اخطو والخطاء الي الجابهم عين الصواب
مبطي وانا اشوف الطمع يكشف رداهم واستره
مايملي عيون الحسود في به الزمن غير التراب
ومن لايتوب من الخطاء تحرم عليه المعذره
الي من اولها خراب اكيد تاليه خراب
والبندق الي ماتنور في هذفها تذعره
ودك لامن جاتك الغلطه من الناس لقراب
الصاحب الي ما كسبت محبته ماتخسره
مشكلتي أني ماعرفت احسب لصدتهم احساب
قلطتهم صدري على ذكري قصيد وحنجره
صوتا" يصول في منظره وخطاب مابعده اخطاب
والطيبه الي زعزعت صوت الخطيب ومنظره
مافي دمعا صوبوه أحبابي بـــ وجهي وخاب
ولازرق حزني على غالي ولافج انحره
كل الزهاب الي معي ذكره من اصحاب الزهاب
والي بقالي من عذاب اشرس طريقي واخطره
لاني تجنبت الغرق عديت من فوق السحاب
لان اكثر اصحابي ورق ماشفت لطيبه مره
والله ماحطيت بين الحقد والأخوه احجاب
حتى غدو ربعي يحدوني على الضيق اشكره
البارحه ثارت علي ارقاب و أوتني ارقاب
البارحه ياثقل دم البارحه ويامحقره
اهب ياوجه الحسد وشلون جمعهم وغاب
كيف السنين الي عطتن بعثرتهم بعثره
اثر المصايب ماتجيك الا من الناس لقراب
وبه الزمن حتى الخوي الي تثق فيه احذره
لابارك الله في رفيجا تزعله كلمة اعتاب
ولاجمع الله ارجال إلا تفرقهم مره
عودت نفسي كل ماشدت لليمه اركاب
ماصد وجهي عن طريق إلا لاجبت اخبره
الصاحب الي مايجي من مصحبته غير العذاب
نذرا علي ان ماهجرني ولا انا الي بهجره
من يفتح لفرقاي باب افك له عشرين باب
واذا خوييٍٍ مايقدر خوتي مايقدره
ان روحو فـ انا بريئ منهم ليوم الحساب
وان جرحو قلولهم ماحركو في اشعره
شفهم لهم حول السنه ولاخذو مني جواب
احسن دوء للي يحاول يستفزك تحقره
انا جمعت اوراقهم بـ كتاب واغلقة لكتاب
ياوقت لم الي تلمه وانثر الي تنثره
ماكنت احاتيهم اصغير عاد احاتيهم شباب
اما دخرني صاحبي لليوم الأسود ماذخره
عقب اكتئاب البارحه ماعد انا حمل اكتئاب
الطيب جرجرني وانا ماني بناقص جرجره
الي يخاف من الضمئ يترك لنا طرد السراب
والي مهو بقد الظلام وحشته لايسهره
انا تجرعت الضمئ لين احترق وجهي وذاب
انا كسرت بخاطري قبل الصداقه تكسره
انا خسرت الي غيابه غير عن كل لغياب
انا غفرت لعالم ماتستحق المغفره
انا اكثر انسان تعلم من كثر مخطئ وصاب
انا آخر انسان يتكلم في زمان الثرثه
انا القصيد الي نزع من دفتره مليون نار
وانا الوحيد الي جمع مليون نار بــ دفتره
جفني وجرحه السهر حيلي وهدتها الصعاب
دمعي هدر ظحكي نذر عمري وضيعت اكثره
شيبت بعقول العرب هيبت روسا" ماتهاب
جمهرت ناس عمرهم مايعرفون الجمهره
ماصرت ذيب إلا لان الي حوالي ذياب
ماكنت اغيب إلا لان العفو عند المقدره
ترى حلاتك لاحملت لصاحبك كلمت اعتاب
إما نطقت بها بوجها ماذمه بظهره
في هـ الزمن مايملي عيون الحسود إلا لتراب
ولاالحظيظ الطلقه الي ماتصبه تذعره
ودك لامن جتك الغلطه من الناس لقراب
الصاحب الي ماكسبت محبته ماتخسره
من قصائد
حامد زيد
|
29-02-08, 11:07 PM
جديد مواضيع قسم الشعر والشعراء
العرض العادي
