ورود في مزبلة الواقع - الصفحة 73

14-05-08, 08:14 PM

المشاركة رقم: 361

المعلومات
الكاتب:	شمس السديري
اللقب:	ليلاس متألق

البيانات
التسجيل:	Feb 2008
العضوية:	63115
المشاركات:	273
الجنس	أنثى
معدل التقييم:
نقاط التقييم:	63

االدولة

مدونتي

الإتصالات
الحالة:
وسائل الإتصال:

كاتب الموضوع : شمس السديري المنتدى : الارشيف

مساااء الخيرات ..والبركـــات والحركـــات ..

كيفكون حبايب البي ...

البارت باذن الله بيكون جاهز ياليوم الساعه عشره .. او بكــــره الظهـــر ..

يعني شيكوا ع المنتدى الساعه 10 اذا مانزلته بيكون الخميس الظهـــر باذن الله...

لاتستعجلونــي بالردود علشان ماخربط بالبارت ..

‏المهاجر, ‏نووون22, ‏daneeh, ‏Senioreta-R, ‏رنة مطر

فديتكـــــــــــــم والله ..

وسلامة راسكـــــــــــم ..يالغالين ..عضو وضيف ..

الله لايحرمنــي من طلتكــم هونــي *_^ ...

14-05-08, 08:52 PM

المشاركة رقم: 362

المعلومات
الكاتب:	اسـيـرة الفراق
اللقب:

البيانات
التسجيل:	Oct 2007
العضوية:	50567
المشاركات:	4
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : شمس السديري المنتدى : الارشيف

متابعه خلف الكواليس

لفت نظري مره قلتي ان الفلبينيات هم اللى عذبوهم وو

وربي وربي ياشمس قبل سنتين كانت بنت خالتى تشتغل في دار الايتام
وكانت تجي تتفاخر انها قويه عليهم وتضربهم ووو
كل مانصحناها وقلنا حراااااام قالت ماعليهم عيال الحرام

وجدتي ديام تردد وش ذنبهم حلال بين حرامين

وهي تقول الكل كذا وش اجي انا حنون وحبوبه

كفايه على مسؤوليتي 26 طفل

يعني بس حبيت اقولك مو بس الفلبينيات حتى بنات البلد

احساسي يقول البارت بكره

عموما تسلم يدينك مقدما

طلبتك تكفيييييييييييين ماتكون القصه محزنه
ندخل النت نتونس ونبعد شوي من مشاكل الدنيا
وحزنها

انشاء الله ورود تكون سعيده بما ان بدايتها شوي تكسر الخاطر

مو مثل عشاق بدايه سعيده والنص محزن صحيح النهايه سعيده

بس وربي وربي ماصرت افضل غير روايات شمس

>>كاني طولت شوي

التعديل الأخير تم بواسطة اسـيـرة الفراق ; 14-05-08 الساعة 09:21 PM

14-05-08, 09:25 PM

المشاركة رقم: 363

المعلومات
الكاتب:	أميرة بدلالي
اللقب:

البيانات
التسجيل:	Feb 2008
العضوية:	63727
المشاركات:	1
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : شمس السديري المنتدى : الارشيف

شموووووووووسه

انا متاعبعتك من اول ماكتبتي سعوديات في بريطانيا

وقلمك نضج في عشاق من احفا الشيطان

والاكيد ان الاروع راح يكون في ورود في مزبلة الواقع

احييك من كل قلبي على ابدااع قلمك

اتمنى تنزلي البار ت اليوم

شموووسه موضوع الروايه جدا رااااااااااائع ومميز

ورساله اتمنى توصل لكل النااس ويستفيدو منها

شمس السديري لك كل الاحتراااااااااااام

متابعتك للابد

أميرة بدلالي

14-05-08, 11:27 PM

المشاركة رقم: 364

المعلومات
الكاتب:	شمس السديري
اللقب:	ليلاس متألق

البيانات
التسجيل:	Feb 2008
العضوية:	63115
المشاركات:	273
الجنس	أنثى
معدل التقييم:
نقاط التقييم:	63

االدولة

مدونتي

الإتصالات
الحالة:
وسائل الإتصال:

كاتب الموضوع : شمس السديري المنتدى : الارشيف

*& ..الفَصلـ السَابِـــعَــ ..*&
*& .. الجُـــــزَء الأولـَــ.. &*&

× .. سقـــوط الاقنعــــــه ..×

وضـ ع ـتَ علَى المسَاميرِ أقَنِعــه ..

قِناعُ مهَزلة وبسَـ م ــه ..

و

قِناعُ مأساهـ وحُـــزنَ ..

.
.

وفَـ ج ــاءه..سَقطـــــتَـ ..

هــوتـ منـ علوهــا الى الارضـ ..

فهـــي مُـ ج ـرد أقنِعهـ ..
تتساقط اما م ـك كقطع الزجاجـ ..

تُشطر الى انصافـ صغيــرهـ ..

فيظهر ماهو خلفهـــا ..
من بشــاعه لواقع مــر ..

هــي كالزجاج تستر لتـ ج ـمــل ..
وتخفي اكثر ماتظهــر ..

.
.- 1 -

× سامـ ح ــني يبـه .. وطيت راســك .. ×

حرك رســـه لليمين .. وسلم بصــوته الجهوري...: الســــــــلام عليكـم ورحمه الله ...
لف لجهه اليسار وجهه السمح بلحيته الطويل منــور : السلام عليكم ورحمه الله ..

سلمــو ا المصلين ورائه ..

ربع ركبتينه وهو يمسح على وجهه ولحيته يستغفـــر ..بعد صلاه الظهـر ..

واقف يناظر امام الحــي وجهه مسود .. ماهو عارف كيف يوصــل له الخبــر ..
كيف يقولــه الطامــه والفاجعه ..
تردد قبل مايحط ايده على كتف الامام : ياشيخ محمد ..

رفع راسه لصوت الرجال واستغرب لما ناظر بدله الشرطه .. ابتسم بسماح : نعــم..

بلع ريقه وهو يحسه اثقل موقف يحصل معه من اول مادخل كليه الشرطه لهاللحين : ممكن تتفضل معنا شـوي ..

وقف وهو يضبط شماغه اللي كان بيطيح منه لان مافيه عقال يثبته :خير ياولدي فيه شي ..

ناظر للمسجد اللي بدء شبه يفضى ..وبلع ريقه الجاف : خير ان شاء الله ياشيخ تفضل معنا وبالطريق نفهمك كل شــي ..

مشى ورى الشرطي وهو يفصخ بشته الاسود القصير مع قصر ثوبه ويصفطه بهدوء ..
ويردد بانفاس منتظمه : خير الله يجعله خيــر .. الله يجعله خيــر .. الله يجعله خير ..

حبس انفاسه وهو يسمع دعوات الشيخ .. وكانه يدري باللي حاصل ..
فتح باب السياره وهو يقول بكل احترام لهالانسان اللي نادر وجوده بالزمــن : تفضل ياشيخنا ..

وهو يدخل لسياره : تسلم ياولدي ..

دخل الشرطي لسياره وقبل مايحركها او يشغلها التفتت على يمينه وناظر الشيخ للي وجهه حيران ..
اخذ نفس طويل قبل لايقول بشجاعه : الله اذا احب عبد ياشيخنا ابتلاه ..وانت صايم مصلي عارف رب العباد مهما ابتلانا فهو ارحم علينا من امهاتنا ..

التفتت الشيخ لشرطي وهو خايف من بقيت حكيه بعد هالمقدمه ..:ونعم بالله ياولدي .. خير وش اللي حاصل ..

الشرطي : بنتك دانه الله ختارها البقى براسك ..

ناظر بالشرطي قبل لايرفع راسه ويردد بصوت مختنق : لاحول ولاقوه الا بالله .. لاحول ولاقوووة الا بالله .. حسبنا الله ونعم الوكيل .. متى وينها هــي ..؟!ليه انت تخبرنــي ... وينها بنتــي ..؟!

الشرطي رحم الشيخ من الاسئله الكثير بعد ماحس بالدموع تملى عيونه وهو ماسكها :ماتت بالجامعه ..و .. وكانت موتتها مو طبيعيه ..

رجع ناظر الشرطي وهو موفاهم قصده ..

الشرطي رحم الشيخ ..وابعد عيونه عنه : حصلوها ميته وهي مع وحده من البنات ..

لبراءة تفكير الشيخ .. وبعده عن ان ممكن وحده من بناته هو ..
تربيته الطاهر يكون فيها شي ..قال بضيقه : يعني ماتت معها صديقتها ..

الشرطي حس بصعوبه الموقف عليه .. وتمنى لو ان حد غيره يبلغ هالشيخ بالخبر..
: لااا..كانت تــمارس الــ##### مع وحده من البنات ..

رفع راسه وناظر بالشرطي وعيونه مفتوحه لاخرها .. جسمه كله ارتجف
: أيـــــــــش ..؟! – ارتفع صوته بالسياره الصغيره – لاحــول ولاقوه الا بالله ..
لااااحـــول ولاقوه الا بالله .. – شهق ودموعه ملت خده - يارب رحمتك ياااارب .. يااارب رحمتك ..
- ضرب صدره بقوه ودموعهاتعلق ببلحيته .. - بنتـــي .. بنتـــي انا .. دانتـــي .. صغيرتــي .. تعملهـــا .. تعملهــــــــــــا .. لاحـــول ولاقوه الا بالله ..
- فتح باب السياره وهو على وضعه يرتجف والدموع ماليته - مالي بنات استلمهم مالي بنت .. ماعندي بنات الله يغضب عليها الله يعضب عليها ..

حزن الاهل بموت ولدهم او بنتهم وهم ميتين موتــه حسنــه ..
كيف وخاتماتهم سيئه ..

ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

× لـ مِ ـنـــــــــي بشـــويش ..
ترى الـ عِ ـظــام متكســره .. ×

اخذت من تهاني البيبسي وشربت منه : انقلعي ..والله ماأسامحك عليه ..

تهاني تحاول تسحب منها البيبسي : يالمقرفــه شربت منه هههههه..

رحاب رجعته ورى ظهرها : والله ارميه وماتشربيــه ..

تهاني شهقت: يالبخيـــله .. النذلـــه .. ههههه ..

ابتسمت لهــم حصه وهم يتهاوشون على بيبسي ..: اجلسوا فضحتونا بالســوق ..

التفتوا حولهــم نسوا اعمارهم على بالهم انهم بالجامعه ..

رحاب ناظرت ساعتها .. تاخرت على موعد الغداء .. : يوووه تاخرت على البيت اشوفك العصر اوكــيه ..

تهاني اشرت لهــا : اوكــي ..

هرولت بكــل سرعتهــا .. لحد ماوصلــــت للبيت .. ناظــرت بالارض ..
واغراضها المرميه برى .. شنطها القليل وملابسهــا المتناثره ..

.
.

ناظـرت بجهازها .. ملابسها الجديده الي كل قطعه فيها بنيت عليها احلامهــا ..

شهقــت .. اغراضها الجديده مرميـه كـذا ..

عيونها على باب البيت المفتوح .. والاصوات اللي بداخــله ..

قلبها انقباض ..وش اللي حاصــل ..
اكيـد درت ام حمزه عن زواجها مع عائض ..

حطت ايدهــا على راسهـا (( لاااا مو وقته بتزوجه بعد كــم يوم .. لااا يارب لااا .. يااارب لاااا .. يارب ماتكــون اكتشفتنــي .. يارب لاااا ..))

مافكـرت كثير ومشت بتدخل البيت ...اللي صـوت الصراخ طالع منــه ..
طلع بوجهها اثنين لابسين ثياب بيض وماسكيــن ام حمزه بيدينهـا ويدفوها بقوه .. صرخ فيها واحد منهــم : أبعدي عن وجهنا ..

ناظرته رحاب وقبل لاتنطق .. شافت اثنين غيرهم ماسكــين بوحمزه وهم يصرخــوا عليه : قدامــي انت معه يالمتسوليين ..كم مره نبهناكم وماينفع معكم الحكــي ..

رحاب استغرب من هذولاء وش يبــون وقفت بمكانها ماتحركت منعتهم يطلعوا : انتم هـيه اتركوهــم ..وش تبــون ..؟!

: ابعدي عن الباب اتركــيهم يكملوا شغلهـم ..
التفـت لصوت تعرفـه كويس ..صوت خشن حرك قلبها كثيـر ..
ناظرت فيه بوجهه الاسمر وعرضه الواضح ..طنشته ..
وقالت وعيونها على ام حمزه وبو حمزه وهم يحاولون يخلصون انفسهم من مسكت الرجال لهـم ..: ايش فيـه .. ام حمزه وش يبون هذولاء ..؟!

مشاري ناظرها معطله شغلهم .. دفهــا بخفه لبره ..معروفه باللقافه ومراح يخلص معها ..: ابعدي عن هنــا لاتحشري نفسك .. يله شباب دخلوهم للجمـس ..

نظرته رحاب بقهر من طريقته لدفتها وكانها حشره ..
يحكي معها بجديه وهو عاقد حواجبه بوجهه الاسمــر ..ومايلتفت عليها كالعاده ..

بعدت عيونه عنهــا.. ودقات قلبهــا تخونهـا من جديد .. ضنت انها ارتاحـت منه وماعاد له تاثير بحياتهـا ..
ليــه قريب منهــا كـذا مايدري ان قلبها ضعيف ..

نست حكايه الاغراض وام حمزه .. وضل تفكيــرها كله محصور باللي واقف قبالها .. ومعطيها ظهره .. وكانــه يحميها من اللي حولهم ..

هـذا مين ..؟!
وش قصتــه ..؟!
ومن هو له السلطه يطلع ام حمزه وابو حمزه بهالطريقه ..

ام حمزه .. بو حمزه ..
رفعت راسها بسرعه من سرحانها على باب البيت واشكال البزارين وهم واقفين مرعوبين يناظــرون بامهم وبوهم ..

ضامين بعض والدموع بعيونهم مع صوت أم حمزه المقهــوره وصراخها .. : حسبي الله عليكم حسبي الله عليكم .. يعني لاننا ندور رزقنا تسوون فينا تسـذا ..يعني نسرررق ..

بوحمزه يكمـل على حكي زوجته وبنفس نبرة القهــر.. : تاركين اللي يسرقوا بنوك ويهربوا بالدراهم ومتشطرين على بسطتنا الصغيره..

رحاب ناظرتهم وهي موقادره تفهم شي من حكيهم ..واشارات مشاري و الأوامر اللي يقولها لرجال وهم ينفذوا بطاعــه وانصيــاع ..

مشت بسرعه تبغى تروح لعنــد السياره تفهم من ام حمزه وش فيه ..؟!
وقفتها أيد مشاري الكبيره وهي تمسك أيدها: قلتلك اجلسي هنــا ..- بحركه بسيطه منه رجعها لوراه ..ولف عليها وهو يقول بجديه – اتركــي اللقافه عنـك وجلسي ها سامعــه

اختل توازنها من قوه ترجيعه لها.. ناظرته بقهر وهو يلف وجهــه ويعطيها ظهــره ..
ماوقفت مكانها تحركت بسرعه وقفت قباله .. وهي تقول بعصبيه : وجعه شوي شوي كسرت ايدي .. وانت اللي لاتحشر نفسك .. هــذولاء مثل اهلـي .. ليه تاخـذوهم بهالطريق ..- اشرت على عيال ام حمزه الثلاثه - على الاقـل مو قدام البزارين ..

حرك فمـه لليسار.. باستهزاء .. قبل لايحكي بكل قسوه : اهلك ..؟! اتركي عنك الاحلام .. – اشر على واحد من الرجال .. - .. يا ابراهم تعال خـذ البزارين لسيــاره ..واقفل باب البيت وألحقني بلمفتاح .. ..

رحاب ناظرته .. وطيف ابتسامه على شفايفها ..
ابتسامــه الم ..
اهلها .. وهو صادق .. وش هالخيلات اللي توهــم نفسها فيهــا ..؟!

اعطته ظهرها وهي تمشي عند البزارين ..
تبوسهم وتضمهـم ..
جاءت اللحضـــه ..
جاء الوداع الاخيــر ..

سنتين حلوين ومرين عاشتهــم بهالبيت ..
كانوا هـذولاء البزارين مثل اخوانهــا .. وتمنت تشوفهم اذ كبروا ..

ضمــت عصـام وهي تودع امنياتها معــه .. تمنــت تزوجه لبنت وحده من الجيرنا تلعب معه دايم .. وتحب تناظرهم مع بعض ..
قالت له باذنه وصوتها مرتجف : ماوصيك على سيوره اذا قدرت تاخذها خـذها ..

مافهم عليها ناظرها وهو يبكــي : وين امـي وابوي بيروحون ..؟!

ماردت عليه ..
حضنت حمزه باقوى ماتملك .. حضنتـــه وقلبها ينعصـــر من جوا ..
تمنــت تجهز ثوبه اذا طلع للجامعه بالمستقبــل .. وتشوفه يحقق حلمــه يكون شرطــي مثل تركي ..
قالت بنفس الصــوت المرتجف :تمنيت ياحمزه تمنيـــت لكن مو بيدي ..

كــانت تحلم تنتظرهم وهم يكبروا وتشركهم احلامهـم اللي ياما حكوا لها عنهــا ..
هي اقرب لهم من امهـــم ..

هم اللي حسسوها بمشاعر الاخــوه والامومــه ..
هذولاء الأطفال كانــوا سعادتها إذا ابتسمــوا ..
وحزنهـا اذ بكــوا ..

كان عندها امل انها ممكــن ماتطلع من هنـــاا ..

ضمتهم .. بوداع .. وقلب محروق ..

مشاري كان واقف ينظرها بعد ماعطى لابراهيم اشره بايده .. يوقف ويتركها تسلم عليهــم ..

انسانه غريبــه كثير ..
ممزوجه بشخصيه مركبـــه صعبه..

قـــويه .. وضعيفــه ..
حنـــونه .. وعملـــيه واقعيــه ..
مزاجيــه ..
مايدري وش ردت فعلهـا ..
وش اللي ممكن تعمله بعد ثواني .. حالها يتغير بسرعـه ..

ابتسمت عيونه لشكلها وهي تبكيههم وكانهـم اهلها من جـد ..
هيا طيبه وبلاهه منها .. والا خبث ومكــر ..

عقد يدينه ايده لصدره وهو يناظرها توقف واضح انها تحاول تتمالك نفسها ...

زفر بضيقــه ...هيا بالنسبه له شي خطــر ممنوع الاقتراب ..
مــايسمح لنفسه يقرب منها ..باي شكل من الاشكـــال ..
علشان مايتمدى بمشاعره او قلبه .. بعد يوم الثمامه .. يبعـد عنها قد مايقدر ..

لكـن هـي تقرب منــه ..
هي اللي تفرض وجودها عنـده ..

بضحكاتهــا مع تهاني ..
بحركاتها المرتبكه اذا شافته ..

بحزنهــا وهي تمسك ملزمتها قبال لبسطه ..

ضغط على صدره بايده بقوه .. وهو ينظـرها تقرب منه وتمسح دموعها بطرف اصابيعها المرتجفه ..

رحاب وقفت قباله معصبــه ..تبغى تعرف كل شي : وين بتاخذوا البزارين طيب ..

قال ببرود : للمكان اللي طلعتـي منــه ..

رحاب شهقت وتحولت نظرتها لخوف وانكسار : لـــدار.. لااا .. حرام عليكم وش ذنبهم امهم وابوهـم عائيشين ..

مشاري تاكد انها مراح تتركه الا لمـا تعرف : بوحمزه وزوجته يسرقو الاطفال ويستخدموهم لتسول .. وعيالهم بناخـذهم لرعايه لحد مانحصل حد يعرفهــم ياخذهم ..

تحول صـوتها لرجاء ..
ولمعت بدموع عيونها البحريه المخضره : مافيه مكان ثاني تاخذوهم له .. لاتودوهم لدار .. حراام عليكم .. والله الموت ارحم من هالمكـان ...

انفتتحت عقده حواجبه وهو يناظرها ..
ليه كل هالخوف من الدار ..
كيف عاشت هنــاك ..

كيف كانت حياته ..
لااب ..
ولاام ..
ولااخت ..
ولااخ ..
ولااي صدر حنـــون ..
بدار كبيره بارده بالمشاعر قبل بروده المكــان ..
مكان يوفر الاكل والنوم .. بعيد عن حد يربيها .. او يعلمهــا ..
هي تربي نفسها بنفسهــا ..

رحاب لما ماحصلت أي ردة فعل منه واقف جامد .. كانه جدار ماتحرك ..
بعدت لعند البيت اللي تقفل .. وناظرت باغراضهـا المرميه على الارض ..

نزلت على ركبتهــا ..
رفعتهم بســـرعه من الارض ولمتهم داخل شنطه من القماش المهتري .. قديمـه عندها من زمــان ..

ارفعت الملابس بســرعه وانتبهت بجلابيه قديمـه لام حمزه مع اغراضها .. التفتت من حولها مو بس غــراضها .. اغراض الكل مرميــه ..

ثوب حمـزه المدرسه الوحيـد مرمي .. رفعته من الارض بسرعه ..وهي تحول تخفي دموعها عــن اللكل ..

امــل زواجها .. والستـر على نفسها ..
لما حصلت السنــد ضاع منهــا ..

ضل واقف يناظرها .. السيارات تحركت وهو ضل واقف يناظره امع الناس المتجمهره عل المكــان ..

فرجــه للي رايح و جائــي ..
واللكل ببالـه سوال .. وين بتروح فيــه ..

تهاني جاءت تركـض بعد ماحكالها علي ولد الجيران كل اللي حصل ..
دورت رحاب .. وشافت الناس وهم يناظــروها ..

وش المشاعر الانسانيه وهم واقفين مكتفين ايدهم يناظروا وحده ذليله تلم اغراضها من الارض ..

مشاري لما انتبه ان تهاني وصلت .. اخذ انفاسه ومشى ..اذ جاءت لها تهانــي ..يعنـــي بتنحل مشكلتهـا ..

تهاني جلست عند رحاب : رحوبه وش صار ..؟!

رحــاب ضمتها بسرعه وهي تبكــي ..

ــــــــــــــــــــــــــــــــــــــــــــ
ـــــــــــــــــــــــــــــــــــــــــــــ

× ياليتني صاحي ×

يناظـرها وهي تاشر باندماج وحماس .. تحكـي له عن تجربتهـا بمـركز الصم والبكم ..والترحيب اللي استقبلتها فيه مديرة المركـز ..

ينبسط اذا اختـه سعيـده ومرتاحــه .. مايبغـي شي ثانـي من الدنيا دامها بخيـر ..

ناظر بزوجته وهــي لابسه عبايتهـا الضيقـه وريحه عطـرها سابقتها ..
شد على اسنانه وهي تناظر شكلها بالمرايه وترتب شعـرها بلامبالاه .. وماكانـه موجود او جالس بالمكـان ..
قال بدون نفس : على وين ان شاء اللــه بهالصباح ..؟!

بدون ماتناظره قالت بلامبالاه : لبيت اهلي ..

وداد ناظرت بزوجه أخوها وهي تكتم قهــرها .. المكالمه اللي سمعتها الخدامه وجاءت حكت لها ..
لهللحين هازتها وماهي قادره تستوعبها ..؟!
كل هـذا يطلع من وصايف اخوها طيب وحنون .. مايستاهل ..
تخاف تسكت وتظلمه .. وتخاف تحكي له وتظلم بعد ..
ماتعرف وش اللي تعملـه ..؟! بس اللي يهمها نايف ماينجرح ..
ماتهتز ثقته باللي حوله ..

نايف على نفس جلسته مسترخي بالكنبه وبايده قطعه الكروسان ..
تثاوب بكسل وهو يناظرها .. البرود اكثر كلمه تعبر عن علاقتهم : عند اهلك من الصباح كـذا .. ياليتك تجلسي ببيتك مثل ماتجلسي عند اهلك ..

لفت عليه مبتسمه وهي تحط الغطاء على شعرها وتلبس النقاب ..: انت ناسي ان اختي والد ..ولازم اروح لها كل يوم .. صح نسيت انت ماتستوعب يعني يش والد ..

احتدت نظرته وهو فاهـم قصدها .. ولوين تبغى توصـل .. قال بجديه : لك ساعتين ...ماترجعي بعدها انا اعرف اتصـرف معك ..

ضبطت شكل النقاب بالمرايه وهي مبتسمه بداخلها استفزته .. يستاهل بعد ماجرحها ..: طيب ..

طلعت وسكرت الباب .. ونظرات وداد تحتقرها .. ماسمعت وش يحكون لكن توقعت عن ايش.. بعد مانتبهــت بضيقه نايف ..

حطت ايدها على كتفه وهي تاشر له (( لاتهتم ))

ابتسم لها بدون مايرد

ـــــــــــــــــــــــــــــــــــــــــ
ـــــــــــــــــــــــــــــــــــــــــــــ

×.. بَضــــــــلً ذِكرَى ..×

الجــو بارد ..نسمات الهواء تدخل بالعظام ..
وبالذات داخل بيتهم البارد ..مافيه نظام تدفاء شامل بس بغرف النوم ..

واقفه بالمطبخ قبالها القلايـه الممتوسطه .. وفجـر جالسه على الطاوله تقع البصـل والطماطم ..وتضحك على ريوف ..: هههههههه .. الحمدلله انك مو اختـي والا كـان وش يريحنـي من لسانـك ..

ريوف نفخت صدرها بغرور : ياحبيبة البي انا ريررو والاقر على الله ..وانا مقهووووووره من يعقوبوه من زمان وجئت الفرصه اتشمت ..

فجر علاضحكها على هبال ريوف.. هبلت في يعقوب لانها رفضتــه ..: ههههههههه .. ليكـون مقهوره مني والا شي ..

ناظرتها ريوف بغرور وهي تسحب منها البصل والطماطم اللي قطعته : ابعد ايدك اناظر وجهك .. اتركيني اتذكر .. قهرتيني والا لا ...

فجر بخوف مصطنع : لااا واللي يرحم والديك ماقهرتك بشي .. احب عل راسك اذا قهـرتك ..

ريوف مدت ايدها لفجر : لااا يكفي تحبي يدي بس ..

فجر ضربت ايد ريوف بخفه : طيري هناااااك هههههه .. احب ايدك بعـد ..

ريوف وهي تخلط البصل مع الطماطم على النار : المره الجائيه ان شاء الله تحبي رجلي بعد ..

فجر ابتسمت لها بخبث : أيـوا قابلينـي ..

: ويــن البنات ..؟!

فجر زادت ابتسامتها : هنــوده وصلت ..

ريوف : خلااااص روحي جلسي معهم كل شي تجهزه الخدامه مالك داعي هنـا ..

فجر ماتبغى تنفرد بام يعقوب .. تخاف من شي ماتدري ايش هـو ..: لااا جالسه على قلبك ..احكي لي ليه مقهوره من يعقوب .. لانه مايطلعك اكيـد ..

ريوف لفت عليها وهي تحرك البيض وجهها احمر من الفرن : يااابعد دلب دلبي تفهمينها وهي طائير .. اجل سيارته الجديده ماركبتها ولا مره ..

فجر : حراام عليك ماشتراها الا امـس ..وتلوميه انتي مـ..

قاطعها صوت هنــد وهي داخله للمطبخ ببلوزه كحليه ثقيله وبنطلون اسود شموائه : فجووره تعالي بسرعـه ..

فجر ابتسمت لحماس هنـد .. وقفت ببطلون البيج والبلوزه الورديه باكمامها الطويلــه.. والشال الفوشي الثقيل .. : طيب ..

ريوف لفت بسرعه : وش تبين فيها ايش عندكم ..

هنـد وهي تسحب فجر وتبوسها بخدها : صباح الخير نتي يالقمله تبغي تعالي شـوفي ..

فجـرمشت ورى هند وهي تجاري سرعته : صباح النــور ..وش عندك حمستيني ..؟!

ريوف تلحقهم ..ونست البيض للي ع النــار ..

فجر شخصيتها تغيرت بشكـل كبير .. صارت قريبه من حيويه ريوف ..
تضحك وتحكي وتركض ..
مع اللمــه وحب اللي حولها لها .. رجعت ثقتها بنفسها ..
و تحاول تنسـى وتتناسى ماضيها العــار ..

وقفت هنــد عند امها : يمه ويــنها ..؟!

ام يعقوب ناظـرت بفجر : ها فجوره وش تتوقعين هند مشتريتلك ...؟!

فجر بتفكير : مشتريتلي انــا .. ايش ..؟!

ام يعقوب طلعت من ورى الكنبه قطــوه صغيره لونها بيج ..وشكلها نظيف ومرتب كثيـر ..

فجر وريوف شهقوا مع بعض .. وكل وحده منهم ركضت ترفع القطوه من ايد ام يعقوب ..

فجر : انت وش تبين حقتــي ..؟!

ريوف باوسع ابتساماتها تتميلح : المسهاانا قبل علشان تتبارك ..

ام يعقوب تدف ريوف بخفه : يالحشريه عطي البنت قطوتها ..

رفعتها فجر وغرقت ايدها داخل الفرو : بياااااي تجنن تجنن .. مررره روعــه ..- رفعتها لاعلى وهي تناظرها بانبهار- تاااخذ العقــل مررره روعه .. من زمان نفسي بوحده مثل كـذا ..

ريوف قفزت وهي تحاول تسحبها منها : اعطيني اجربها .. شكلها دلوعه مثلك ..

هنـد ابتسمت لشكل فجر المبسوط وناظـرت بامها اللي غرقه عيونها بالدموع ..
عارفه امها بايش تفكــر .. وايش تتمنــى ..؟!
تعلقهــا بلينا .. للي رحـت منهم .. خلاها تتوهم ان فجـر ممكن تكون بنتهــا ..

فجر ابتسمت بحب لهنــد .. وباستها بخدها بعد ماعطت ريوف القطوه : مشكــوره ياقلبي ..والله ماني عارفه ايش اقولك .. مررره نايس مفجاءتك ..

هند اشرت على امها : لاتشكريني اشكري الولد هي اللي قالت لي فجـر تحب القطاوه ..

فجر التفتت على ام يعقوب ..اللي اخفت حزنها بابتسامه بشوشه ..: تستاهلينها ياحبيبتي ..

فجر باست راس ام يعقوب وعيونها مغرقــه ..
(( يانــــــاس في بشر بهالطيبه .. ارفض ولدهم يشتروا لي هــديه واللي احب ..
ياااارب كثير علي كـذا كثيــر ..انا ماستاهله ..))
ضمتها بدلع وكانها ريوف او هنــد .. علاقتها مع ام يعقوب وكانها امهــا : تسلمين يالغاليه .. بس وش يدريك اني امنيتي بسـه ..

ريوف : هع هع هع بسه .. يالمخكره قولي قطوه ..والله ان حكيكم دلع يالغربيه ..

ام يعقوب : مادري والله حسيت كـذا انك مثلي تحبي القطـاوه – كملت بجديه فيه الم – مادري يافجر تشبهيني باشياء كثيـر ..

فجر غرقـه عيونها ماتدري ليه .. وتمنت تضم ام يعقوب وتبكـي بحضنها .. تحس انها حضن كانت متعوده عليه وفقدتــه ..
تحس بفخر ان وحده بنظافه واخلاق ام يعقوب تشبهــا فيها ..: ياليت والله اطلع مثلك يا – يمــــه .. تمنت تقولها لهـا بس مسكت لسنها وقالت بسرعه – يا خالتي ..

ريوف : انتم تغزلوا ببعض واتركـوا القطوه لي ..- بتريقه – اووه قصدي البسه ..

فجر سحبتها منها : ايوا تتريقي علي .. من القهر ماعندك مثلها ..

هند وام يعقوب شهقوا ..
ناظرتهم فجر بخوف : ايش فيــه ..؟!

ريوف : هههههههه لوعندي مثلها .. كان عندي ياماما بالزمن الغابر .. وكان مصيرها المــوت .. علقتها فوق بالثريا ..ههههههههه

هنـد : بدل ماتضحكي استغفري ربك .. في مرأه دخلت لنار بسبب قطوه عذبتها .. وانتي قتلتيها ..

ام يعقوب: يااربي والله اني خائيفه اتذب بسببها لاني انا اللي جبتها لك ..

فجر ضحكت على تعابير وجه ريوف وهم يهزئوها ..وماتت ضحك من قلب لما طلعت الخدامـه بقلايه البيض وهي معصبه : ريوووف هـزا كان في هررريق .. انت ليه مايسوي كوويس ..

ريوف : اكملت حتى الشغالات يهزئوني هههههههههه ..

اللكل : هههههههههههههههههههههههههه ..

ام يعقوب : يله نطلع لبرى نفطر الجـو حلو ..

ريوف : عند المسبح علشان تغرق قطوه فجر وتموت ..

فجر : اقول يامجرمه اتركي بستـي بحالها ..

هند : صحيح وش بتسميها ..؟!

فجر بتفكيـر ..محتاره بالاســم .. وطول ماهو يمشوا لبرى تفكــر فيــه ..
من لما كانت بالدار كانت امنيتها قطـوه .. لانها متعوده عليهم بعد ماكانت تطـر بجده وفقدتهم بالرياض ..

طلعوا لبرى الجـو حلو وبارد ..
المسبح مليان وعليه اورق صفراء من الشجـــر اللي تساقط اغلبــه واختفت خضــرته..
مشوا على الارضيه الخشب واصوات جزمهم واضحــه ..
: ساعدوني اختار اسم .. عــجـزت اختــار ..

ريوف : سميها الشامخه .. الريح .. الـهـ..

ام ريوف وهي تجلس على الطاوله الصغيره بكراسيها القليل .. ويغطيها من فوق غش مثبت على اعمــده .. يمنع قوه الشمس بالصيف ..
: وش هالاسماء ياريوف صقر هي .. كلها قطوه ..

ريوف : وضنك يمــه ان قطاوة هالايام مثل ايامكم .. لااا حنا قطاوتنا بسس ههههه ..

احتقرتها فجر وهي تجلس بجنبها : فاهمه عليك ترى ..ههههههههههههههه..

ريوف ببراءه كذابه : ليه .. أنا وش حكيـت ..؟!

فجر وه منزله راسها تلعب بالقطوه اللي بحضنها : لااا مره ماتحكين بشي انتي نسمــه ..

ريوف : قصدك ورده ..هههههههه ..

فجر : ها وش رايكم وش اسميهــا ..؟!

وصلت الخدامه بالعربه وعليها الفطور .. وزعتــه بالطاوله وهم يرقبوها وكل تفكيرهم على اسم للقطوه ..

هند بتفكير وهي تناظـر بامها كيف تتامل فجــر والالم بعيونهــا .. : يمه وش رايك وش نسميهــا ..؟!

ريوف بسرعه وبملل : اكيد لينا امي لاتساليها عن اسم حد كل اللي عندها لينا علشـ

سكتت وناظرت امهــا بســرعه ..
ممنوع تحكي عن هالموضوع .. ممنوع تطري هالاسم .. بالبيت .. وبالذت قدام امها وابوها ..

هند ناظرت بريوف بعين قويه .. وهي تتمنى تطلع لسانها المفلوت من فمهــا ..

اما ام يعقوب ناظرت بفجر وعيونها مغرقــه ..
حاسه بلينا قدامها بس ماتقدر توصــل لها .. تحس باللي فقدتها بفجــر لكن ماتقدر تتاكد ..
لانها ماتبغى تكتشف انها مو بنتها ويضيع الامل اللي جددته فجر ..
يقولوا قلب الام يحس .. وهــي حست ..
حتى زوجها الاب حس ان هـذي بنتــه ..هذي اللي فقدوهــا ..

اخترعت حكيه زواج يعقوب منها .. اوهمت اللكل ..
تبغى تتاكد ..
تبغى تعرف ..اذا لينا لهالحين عائشهاو لااا ..
اذا بكــرها قدام عيونها او مجـرد وهـم ..

فجر استغربت من سكوتهم ونظراتهم .. حست بقلبها ينقبض .. في شي بيحصل ..
قالت وهي خائيفه عل ام يعقوب من الهم اللي طغى وجهها فجاءه : من هــذي لينــا ..؟!

هند وريوف سكتــوا .. ونظراتهم لامهــم ..
ريوف كارهه نفسها ولسانها المفلوت ..

ام يعقوب مسحت دموعها اللي بدت تنزل ..وقالت بصوت مرتجف : لينا بنتــي ..ضائعت منــي . . هــي بكرنا وأحلامنا فيه.. – ناظرت بايدها المجعده والخشن من الزمن -اخذوها من بين يدينــي.. حروني منها الله يحرمهم الجنـــه ..ويحرق قلبهـم .. كـانت بيديني طفت فيها وسعيت .. اخذوها مني وانا حاجه .. يم قالوا لي صغيره ماتنفع تاخـذيها للحج ..حرام عليك بتضيع ماصدقتهم عنـ

شهقت بالبكـي .. وهند وريوف وقفوا لعندها يسكتوها ويضمونها ..
ريوف ودموعها على خدها : والله أسفه يمه ماقصدت اذكرك ..

هنـد : يمه تعوذي من الشيطان لينا لو هي عائشه ادعي الليه يحفظه من الشر ولو هـي ميته ترحمـي عليها ..

بعدتهم وهي تمسح دموعها وتقول بعصبيه ونظراتها تحتوي فجر بحنان : بنتي ماماتت بنتي عائشه ..لينا ماماتت وبيجي اليوم اللي بشوفها فيــه وبتقولوا امي قالت ..

فجر غاص قلبها ببطنها وارتجفت ايدها ..
اللي سمعتـه من جد والا يمزحوا معها ..اكيد عرفوا بحكايتها ويعملو تمثيليه بايخه قبالها ..

نزلت القطوه من ايدها بدون ماتحس .. نظراتها مفتوحه لوسعها وهي تناظرهم ..
نزلت عيونها بسرعه قبل لاحد ينتبه فيهــا ..
مثل ماكانت حاســه .. مثل ماتوقعت ..
ام يعقوب اللي حســت انها مثل امهـــا طلعـت امها ..
هند وريوف وسهام اخــــــــواتها ..
يعقوب وعبدالمحسن اخـــوانها ..
ابوهم الطيب امهــــــــــــا ..
جدتهم الحنونه .. جــدتها ..

أهلها وهـــــــــــــي بوسطهم ..

سكــــــــــــتت .. وسكــــــــنت رجفتها .. والصدمــه شاله حركتها ..
اكلت من الفطـور اللي قبالها بحركه اليه وكان شي حصــل ..
ماكانها عرفــت انها بالبيت اللي ياما حلمت تكون فيــه او حتى تناظــره من بعيــد ..
نزلت الشال الثقيله وهي تحس بالجو حار يخنق وبالحراره بجسمها ..
مخنـــــــــــــــــــــــــــــــــــوقه .. انفاسها ثقيله ..

مارفعت راسها ولا ناظرت احد منهــــم ..
ماتبغى وماتقدر ..

ام يعقوب خاب ضنها .. وضاع امــــلها ..
تركـــت المكان ودخلت لداخل .. تكمل بكيها للي فقدتها داخل غرفتها ..

هند وريوف بعد مادخلت ام فجــر ..
هند بعصبيه : انتي وبعدين معك كم مره قلنالك لاتذكري لينا قدام امــي وابوي ..غبيه ..

دخلت وتركتهم هي الثانيه ..

ريوف مدت بوزها وناظرت بفجر : ياااربي كل مره لساني يزل ..

فجر وقفت بصعوبه : الحمدلله ..

تركت ريوف ودخلت للحمام بســرعه .. قفلت عليها الباب ..

سكرت المرحاض " انتم بكرامه " وجلست عليه.. رجلها ماهي برافعتها ..
لينـــــــــــــــــــــــــــــــــــــا ..

اسمها لينـــــــــا .. بنت امها وابوها ..
ام ..
اب ..

هند وسهام ويعقوب وعبدالمحسن وريوف ..
اخوانهــــا واخواتها ..
عزوتها وسندهــــا ..

لينا هــي ..
هي البنت النظيفه اللي ببيت اهلها ..

غيـــــــــــر فجر ..
المومس .. الصايعه .. بنت الليل ...
000رفيقه السكارى..
غمضـــت عيونها ودموعها تحرق خدها الناعــم ..تحس بلمسات صقر وغيره تحرق جسمهــا هاللحيــن ..
انفاسهم اللي شاركـت انفاسها بالحرام .. حضنهم الدافي .. الدافي بالحرام ..

نزلت راسها وهـــي تشهق وتلم نفسها بايدها ..
ماتتشرف بنفسها .. ماتتقدر تقولهم " انـــــــــا بنتكـــــــــــــــــــــــــم لينـــــــــــــــــا "..

انا اللي عشت على الرصيف امد يدي لفلان وعلان .. اتمسك برجل اللي يسوى واللي مايسوى علشان يعطيني ريال واحد ..
انــا اللي علموني وانا مافهم شي .. كيف احصل الريال وباي طريقه ..
نظيفه .. غذره ..
حرم والا حلال ..
المهم اجمع دراهــم .. واكنزهم ..

انا بنتكــم اللي مسكت ايدي الشرطــي ودخلت المركز بالوقت اللي كانوا بنات بعمـري ممسكين ايادي اهلهم يلعبوهم ..

يمـــــه دخلت لدار وذقت الحرمــان اكثر من لما كنت بالشارع ..
الذل تنفسته وتربيــت عليـــه .. هنــاك ..
قسوه ..
معامله واستعباد ..

ماتربيت .. ايوا يمــه ماتربيت .. ربيت نفسي بنفسي ..
علمت نفسي كيف اكل بهدوء وماحكي واللقمه بفمي ..
علمت نفسي مااقاطع حد بحكيه ..
علمت نفسي ماتدخل بخصوصيه احد او احشر نفسي ..

لكن نسيت اعلم نفسي احافظ عليها .. نسيت اعلم نفسي حدود الصح والخطاء ..

كبرت وانا من حضن رجال لرجال ..
يمـــه عدد مايتصوره عقلك نامــت معهم بنتك وسلمتهم نفسها ..

حلاوه مكشوفـــه لمسها مليون شخص لحد ماذابت وماعاد لها طعم او لذه ..

ضحكت مع هذا وذاك.. جاملت هـذا .. وزعلت من هــذاك ..
بس علشان القاء مكان انام فيــه .. سقف يغطيني بعيد عن الجوع اللي ذقته بصغــري ..

لو حكيت لك ولا لزوجك اللي هو ابــوي .. عن انا وين كنت وش وضعي بتسمعوا لي .. بتقدروا ضروفي ..
ولا بتنزلوا راسكم للارض وبسمع كلمه (( ياليتك متــي قبل لاترجعي لنــا ..
ياليتنا فاقدينك لهاللحين ..))

انا اتمنى ادفن نفسي كل ماتذكـرت العار اللي انا كنت اعمله .. كيف انتم ..؟!
ومراح الومكـــم ..

مابغى اهدم بيت سهام وهند ..
مابغى احرم ريوف من حلمها بالزواج ..
مابغى انزل راس يعقوب للارض ..
مابغى اهدم مستقبل عبدالمحسن ..

مابغى انحرم من حضنك الدافي يمــه بعد ماتعرفي حقيقتي ..
مابغى اذل ابوي عل اخر عمــره وشيبتــه ..

ابغى اضل لينا النظيفه اللي تذكروها بالخيــر وتنتظـروا وجودها بحياتكــم .."

مسحت دموعها وقررت .. خلاااص قرار ماعاد فيه مجال لتراجع .. بتنفذه وهي مرتاحــه ..

ـــــــــــــــــــــــــــــــــــــــــــ
ــــــــــــــــــــــــــــــــــــــــ

14-05-08, 11:27 PM

المشاركة رقم: 365

المعلومات
الكاتب:	nnoor
اللقب:

البيانات
التسجيل:	Sep 2007
العضوية:	41799
المشاركات:	26
الجنس	أنثى
معدل التقييم:
نقاط التقييم:	21

االدولة

مدونتي

الإتصالات
الحالة:
وسائل الإتصال:

كاتب الموضوع : شمس السديري المنتدى : الارشيف

اقتباس :- المشاركة الأصلية كتبت بواسطة دقاقة ملام
[FONT="Arial Black"]السلام عليكم جميعا بارت جميل ويمس القلب الله يجزي الكاتبه خير ويوفقها[/FONT] بس سؤال ودي اساله وانشاء الله القى الجواب عندكم : البنت لما تطلع من الدار وتروح لبيت ناس مايكون في مسؤؤله او مشرفه من نفس الدار شهريا او كل فتره يعني تسأل عنحال البنت ووضعها بحيث تروح للبيت اللي فيه البنت وتتطقس عنها وشكرا للجميع

عيووني دقااقه

يمكن عزيزتي ما لكـ اي خلفيه عن كيفية التبني وكيفية العيش بالدور الاجتماعيه

قد تكون هذه القصه حقيقيه وقد تكون بعيده ايضا عن الحقيقه ببعض تفاصيلها

ولكن انا اكلمكـ عن شي لمسته وشفته بعيني وعشته ايضا في هذه الدور كموظفه تابعه لهذه الوزاره

هناكــ شروط للقبول التبني وايضا معظم الاسر التى تتبنى الاطفال يفضلون ان يرضعوهم من

ذوي اقاربهم اذا تم اخذهم من سن الميلاد او بضعة اشهر وهذا بهدف ايجاد قرابه وحرمة والمحافظه ع

اليتيم .... كثير من الاسر يمن الله عليها بالتوفيق والسداد بتربية هؤلاء الايتام فمنهم من اصبح قاضيا

ومنهم من له صيته واصبح وزيرا كل هذه الاشياء قد لا تعيها مع انها موجوده بييننا ومتعايشين معهم

اما عن كيفيه المتابعه فهناكــ فريق من الاخصائين متابعين للاسر المحتضه بالاضافة الى

لجان مخصصه لمتابعة اي مشاكل قد تصادف هؤلاء الايتام فيتم تحويلهم عليها

وايضا اهتمام الوزاره بهؤلاء الايتام كبير جدا عزيزتي فلا تدعي السلبياتـ تغلبـ ع الايجابياتـــ

هناكـ تكفل باليتيم حتىا وان كان عايش باسره محتضه فالوزاره تصرف عليه شهريا

علاوة ع ما تحتويه الدور من خدماتــ اجتماعيه تربويه نفسيه طبيه كلها مكلفه لخدمة اليتيم

وتوفير المناخ المناسب للعيش بها فلو رئيتي عزيزيتي ان الكاتبه لم تطرح مشكله اعتداء الحاضنة

الفلبينيه ع الطفله سديم وحرقها لم تعطينا اضواء ع ما تم من تحقيق من قبل الاخصائين

والاداره ... وبالاخير يتم استبعاد الحاضنه مهما كان اجرامها سواء كبير او صغير .. لم تسلط الضوء

ع كيفية العيش في هذه الدار ولم تعطينا معاملاتـــ الموظفين مع الايتام فقط كان الحدث هو

العيش بالدار والظلم من قبل الحاضنه ع الايتام .........

عزيزتي اذكر ان بعض الايتام من كبر واصبح دكتور لم يعرف الحنان ولا الامومه الا من الحاضنه

التي ربته بهذه الدار وللان يذكرها كام له لا يقدر ان يستغني عنها فهو بايام الاعياد يزورها ويسلم

عليها كا بسط حق لها عليه فهي من ربته 12 سنه

القصه مركزه ع ببناتــ تم تبنيهم من قبل بعض الاسر التي لم تخف الله فيهم ولم تركز ع دور

العاملين تحت هذه المؤسساتــ في متابعة هؤلاء المحتضنيين ولم تعطينا حتىا فكره عنهم

بالاخير اقول ان العاملين مع هؤلاء الايتام يقومون بعمل انساني عظيم وجزائهم ع الله وحده

وايضا من يقوم بتربية يتيم من قبل الاسر المحتضنه يكفيه فخر انه يكون بجوار الرسول صلىا

الله عليه وسلم بدار الخلد

فدعواتنا لهم بالموفقيه والسداد وان يصلح امورهم

ولكل قاعده شواذ << هذا هوراي بالاخير

سلمتم ودمتم بالف خير

نوور