كاتب الموضوع :
شمس السديري
المنتدى :
الارشيف
*& ..الفصل السادس ..*&
*& .. الجــ الثــاني ـــزء .. &*&
×.. ضيــاعـ الكــرامهـ ..×
الكرامــهًـ مّنهانهـ ..
الضعٌفـ متملكـ ..
الخُــوًفـ موجُ ـود ..
القُــوهـ منًـ الانهيــار ..
وبالأخً ـــــــــــر .. " الاستًســــــــــلاًمـ .."
.
.
×.. عـــروس بكفــــــن ..×
واقفه عند المرايه بفستانهــا الابيض الثلجـــي لونــه صافــي .. هــادي ..
دلال ترتب لهــا الطرحــه .. المثبته ورى التسريحه البسيطــه ..: ياااربي بشاير مرره روعه شكلك .. اذا كنــت عروس يااارب اطلع اشبه لك ..
بشاير ناظرت شكلهــا بالفستــان ..ماهي اول مره تلبسه واللي متاكده منه ..مو اخر مره ..
برود ..
لامبالاه ..
هــدوء ..
هذاا مشاعرها .. بعكس اي وحــده ممكــن تلبس فستانهــا هذا .. او تمسك الماسكه الكرستاليــه هــذي ..
.
.
ماشترت فستـان لزواج ..اخذت فستان عادي ذهبــي .. واستغربت لما ارسل لها رعد الفجــر هذا الفستان الابيض ..
ومعه كرت صغير مكتوب فيه .. (( البسيــه لي الليلـه )) ..
ابتسمت لدلال المتحمسـه مــره ..وتحكي عن حلمها بفستـان زواجهــا ..
مثل كل مره تتعلق فيها دلال باللحضات الاخيره وتحس انها ماتبغاها تطلـــع ..
بتشتاق لدلع دلال و تصرفاتها الطفوليه ..لكن متاكده انهـا بترجع لها قريــب ...
التفتت لصوت موزه اللي واقفه عنــد الباب والابتسامـــه ماليتها : يلــه جاء رعــد ..البسي عبايتك وطلعي هو بالسياره مستعجــل ..
ماحكت شي اخذت عبايتها بكل برود من الشماعــه البستهـــا على الفستان .. ولكبــره ماقدرت تسكـر العبائيه ..
ساعدتها دلال حطــوا الغطاء عليها باهمــال لان الباف اللي عاملتــه ..مانعها تحط البرقــع ..
حست بالضيقه ..وهي تتخيل تركب معه وماترجع لهالبيت .. معاناه جديده بتعيشهــا ..
رجال غريب بيدخل لحياتها .. وبيختفــي ..
نزلت راسهــا لان عيونها غرقــه .. ماكانت تبغى حد يلاحظ وبذات ان غطائها شفاف كثيـــر ..
مدت لهــا دلال العكـــاز ..قبل ماتضمهـا على خفيف : مبررروك ..عقبالي ههههه ..
مبـــروك ..
اول مره تسمعها اليوم ..
وش هالزوج من غرفتهــا لسياره للفندق ..ماتدري ليه خســر نفسه بهالفستان ..
ابتسمت لدلال.. ابتسامه صفراء : الله يبارك فيــك ..
.
\\
.
بداخــل سيارة الفراري الحمــراء ..
فتح علبه المويه وشرب منهـــا ..
ثاني علبه يفتحهــا .. ريقه جااف ..واعصابه مشدوده ..
ناظر بشكله بالمرايه وجهه على بياضه مصفـــر ...رتب للحيه البسيطه للي بذقنه بعد محلق شنبه وترك هذي اللحيه البسيطه اخر ذقنه ..
انتهى من حلقه و تنظيف بشـرته متاخر. ..لانه طلع مع ابوه للقصر يشيك على كل شي لحفله وليــد ..
تصرف بطبيعتـــه ..وهدوء بعيد عن حقــده وقلبـه الهايج ..
سكر علبه المويه ورتب مرزم غتــرته البيضاء المرتبه باتقــان ..وهو يناظر ببشاير بعبايتهـــا وعكازهــا واقفه عند الباب واختها دلال بدون عبايه واقفه تعدلها لهـــا ..
ناظر بعصائتها وشكلـــها وشي واحد ببالـــــه ..
يكــــــــــرهـــا ..
يكـــــــــــــرهــــا ..
كل شي فيها ينرفزه ...
فتح النافذه وهو بمكانه ماتحــرك قال بطرف انفــه وهو ياشر على الساعه الجلديه اللي بيده : يلــه بنتاخر ..
ناظــرته بشاير ..بسياره الفراري السبــور وهو متشخص بداخلها .. وش هالمعرس الغلط ..
تنهدت .. ماتبي تروح معـــه ..
ماتبي تطلع من البيت ..راضيه تخدمهــم ... لان حياتها بتكون صعبه مررره معه ..
اصعب من حياتها مع فواز اللي ماكان متقبلها بالبدايه لانها مطلقه اربـــــــــع مرات ..
كيف هاللحين .. ومطلقه خمـســـــه..
مشت لحد السياره ..لوحدها بدون محد يساعدها .. تحرك رجلينها .. بصعوبه كبيره ..
ثقل الفستان مع العكـــاز.. حكــت مع الدكتوره اذا تقدر تمشي بدونه وضحـت لها الدكتــوره صعوبة مشيها بدون عكاز واحتمال تطيح ..
ماصدقت وصلت للباب .. فتحــته ودخلت .. بدون ماتلف لاهلها الوهميـــن او تودعهــم ..
عارفه مكانتها عندهـــم ..وهي ايش بالنسبــه لهــم ..
بصعوبه دخلت كل الفستـــــــان لداخل السياره وسكــرت الباب .. وهي معصبــه (( الوح هـــذا .. مايفكـر يساعد ))
رعد ماصدق سكرت الباب .. حرك بسيارته السبــور بسرعه ..
الصمـــت ..
السكـــــــــوت يعم المكـــان ..
كــل واحــد منهم سارح بعالمــه ..
رعــد يسوق بسرعه جنونيه وعصبيه .. وهي ناسي وجود بشايـــر معه ..
كل تفكيره باللي ممكن يحصل بعد دقايق ..
امـــه ..
ابـــــــــوه ..
صفــــاء ..
بـــــــــــــدور ..
وليـــــــــــــد ..
طـلال ..
وش ردت فعلهم بعــد اللي ناوي عليه .. بيتربــوا والا لا ..
بيعطيهم الدرس اللي يستاهلــوه ..
بشاير لامه كل الفستان المرتقع مرره من الجبون .. لامته بايدها البارده .. مثل بروده قلبهــا ومشاعرهـــا ..
قلبهــا مغطيتــه السكينــــه والهدوء ..
عروس ..
اليوم زواجها ..
مايفرق معها نهــائي .. لان مابيدها شــي ..
تحسست مناكير اظفارها القصيره .. بلون الزهري الرايق .. مندمج بجمال مع لون بشرتهــا البيضاء ..
التفتت لصوته وملامحهــا تزيد حده : نعــم حكيـت معــي ..
سمع صوتها .. صوتها الهادي اللي يريح الاعصاب .. لكن هاللحين يحسه نشـاز ..
قال بحده وبــان الضجر بصــوته والتوتر ..: ايــوه .. هاللحين بنوصل للقاعه .. بننزف انا وانتي اهلي يحترونــا ..
قالت بهدوء: اهلــك ..؟؟!!!
رعــد بعصبيه وحده لكن بصوت واطي : ايوا اهلــي .. لاتنحيــن احكي عربــي انــا ..ماني بفايق لمخاخ مضيعــه ..
التفتت عليه ببرود اكبر وصوت جامد وقربت منــه خدهــا : لااا وش رايك خذ لك كفيـــــن ..
التفتت عليها وهو رافع حاجبه : نعم وش حكيتـــــــي ..
التوتر كان مالي السياره الصغيــره .. مكتوميـــــن هم الاثنين من الجــو ..
بشاير خانقتها العبره ..وتبغى تحط له حدوده من هاللحيــن ..
رعـد معصب وشوي ينفجر ..
بشاير ردت عليه بدون نفس : مثل ماسمعــت ..اذا تبغاني احترمــك احتــرمنـي .. ماني بعبده عندك ..
التفتت عليها واعطاها نظـــره قاتله .. ماهزت جفنــها ولا شعره من راسهــا ..
اشرت له قدام : انتبه لطريق .. لاتدخل بعــامود ..
ظل على نظرته لثواني طويله قبل لايلتفت ويقول باستهزاء : مشاء الله ايوا كـذا اوضحي اكثر .. ارفعي قناع البرود هــذا عنــك ..الطيبه ماكــانت لابقه لك ..
بشاير بنفس صوتها الهادي .. قالت بطريقه تنبيـه : انا هادئه لكـــــــن ماني سلبيه يامسيو رعــد ..
رعد ابتسم باستهزاء ..
كملــــت ..هــذا اللي كان ناقصــه هــذي ..
مثل ماتوقـــع .. كانت مكســوره عند اهلها وهاللحيــن طلع صيتها...
قال باخلاااق مقفلــه : انكتمــي اذ ماكنتي تبغي الكفيـن اللي تحكين عنهم من شوي.. موصله معـي ..
بشاير أستغربت من الوضع اللي هـم فيه .. هذا حكي عريس وعروسته أول يوم ..
هي عارفه انها مو اي عروس .. بس طوال الايام اللي فاتت .. وحكيها مع رعد بالتلفون متوقعت يكون الاسلوب كـذا..
قالت بجديه يلفها التوتر : ليــه تزوجتنـــي ..؟!
طنشهـــا و مارد عليهــا ..
لانه يتمنى يضربها باقرب شي عنــده ..
اعصابه مشدود ويخاف تفلت وتخرب عليه كــل خططــه ..
وصــل لعند القاعــه .. وهو ينهــد ..
جاءت لحضـــه الصفـــر ..
ناظرت بشاير من حولها .. وهم يدخلــوا بممر طويل نسبيا .. النخــيل عن يمينهم وشمالهــم ..
وبوابه القـــاعه قدامهم .....
سمعت رعد يحكي بالتلفون ومالفت عليـــه ..
: ايـــوا هلااا صفيناز .. وليد هاللحين بيدخل جهزوا الزفــه ..
هــاااه .. لااا مايحتاج .. يله بسرعه ..
سكــر وهو يفتح باب السياره ..: يله انزلي ..
ناظــرته ماهي بفاهمه شي .. من وليد .. ومو هي زفتهم هــم ..
\\
بداخـــــــل قاعــه اشبيليــه .. شمال الريـاض ..
قمـه الفخامــه ..والرقــي ..
كـــان الاحتفـــال بمعنــــــــى لكلمــه ..
الورد الجوري متوزعه بكل مكــان ..
الاقمشـه المخمليه مرتبه بعنايـــــه ..
الديجيــه ... مع صـــوت " أحلام " المطرب .. مالي المكــان ...
.. الاضاءه اعطت جو فــرح ..مع ازدحام الناس ..
ام وليـــــد ..
مابقت حد بالرياض والمملكــه كلهــا .. تعرفـه ماعزمتــه ..
كل جماعتهــم وجماعــه جماعتهـــم اعزمتهم ..
جيرانهم .. معارف جيرانهــم ..
صديقاتها .. واهل صديقاتهـــا ..
اصدقاء زوجها ومعارفه المسئوليـــن ..
اصدقاء وليد واهلهم ..
صديقات صفاء ومعارفهم وصديقاتهــم اللي هنا واللي برى السعــوديـه ..
رعـــد واصدقائه واهلهــم ..
كل من له صله بسيطه فيهــم موجود وحضـــر ..
الرقـــص ..
الضحــك ..
الابتســامــه ..
بهالقاعـــه الكبيره ..
عالجوني يحسبون اني مريض
مادروا عن علتي كلها افتراض
قلت يا أهل الخير بالخط العريض
علّتي ودواي عند أهل الرياض
اشهد اني بالهوى ماني حظيظ
ساكن الدمام وقلبي بالرياض
علقونا اللي لهم طرفن غضيض
راح قلبي عندهم مايستعاض
لا ذكرت صويحبي قلبي يهيض
واستهل الدمع من عيني وفاض
افترقنا يا أهلي والناس قيض
ياأهلي مالي على الوقت اعتراض
انهوا البنات رقصتهــم على صوت احلام بالكلمـــات الاخيره لاغنيتها ..
قلت يا أهل الخير بالخط العريض
علّتي ودواي عند أهل الريااااااااااااااااااااااااااااااااااااااااااااض
عاااااااااااشووووووووو .. .. يعطيكم العافيــه ..
اشروا لها البنات وهم مبتسمــات : الله يعافيــك ..
رفعت فستانها الاصفــر بطرف اصابيعها وهي تطلع لدرجات المسرح ..
وراسهــا مرفوع لفوق بغرور .. وأنظار اللكل لهـــا ..
لانها اخت العريــس الوحيده والمخطــوبه .. و كلهــا كم يــوم وتكــون العروس ..
كانت مقهوره لان الفستان ماهو فستانها اللي خططت له .. لكن مو مشكله ترفع رأسها بغرور ..
وقفت عند احلام وهــي تهمـس لهــا : هاللحيــن زفــة العرسـان ..
نزلــت من المسرح بنفس الغــرور ..ومشت لعنــد البوابــه تتفاهــم مع المصوارت اللي جهزوا كميــراتهم استعداد ..
بنفس القاعه وبين الصخب والونــاسه ..
كانت جالسه ومكتفه ايدها لصدرها وماده بـــوزها ..ماهي بمبسوطــه وهموم الارض على راسهــا ..
[color=#3300FF]
تـذكـرت شكــل سديم ..وهـــي داخله للبيت ...عبايتها مفتوحه و الشنطه البيج بعلامـه كواتش المتوزعه عليها .. مايله على جسمها ..
والغطاء رابطته على رقبتهــا وكانه ايشارب .. وعيونهــا محمــره ..
وقفت وهي تسالهـــا باهتمــام : سوسو ايش فيـه ماما طلعت لك الجـ
سكتت وهي تشوف امها داخلـه بعبايتها المزحرفه بالذهبــي ..
ومثبته نظارتها الشمسيه على غطاها الملفوف باهمــال ..
وجـه امها كــان احمــر و باهــت والقسـوه بعيونها..: ماما ايش فيه ايش اللي حصل .. – التفتت لسديم - سوسو مـاما اجئــ ..
قاطعتها امها وهي تسحبها من ايدهــا : تعالي و لاتحكـين مع سديم .. والله اذا حكيتي معها بعد اليـوم ماتلومــي الا نفسك ..
سديم ابتسمت باستهــزء وايدها تمسـك خصــرهـا .. وانفها يرتفع بغرور لفوق ..
رهف ناظرت بامها : ماما ايش فيــه .. ماما تالمني يدك ..
ام عبدالله سحبت رهف اكثر وجبرتها تطلع معها لدرج .. : قلتلك لاتحكين معها .. ويله اطلعي معي تجهزي لصالون ..
رهف حاولت تسحب ايدها من امهــا ونظراتها لسديم اللي واقفه بنفس النظـره ..ونفس الشموخ المصطنــع ..
ليــه ..
وش للي حصل ..؟!
ايش المشكله اللي حصلت مع سديم وامهــا والجامعه..
ليه مايحكون لها ويعتبروهــا طفله ..
بعد فتــره طويله ..
قبل لايطلعوا لسياره .. سرقت لحضات من سهو امهــا..
وطلعت بسرعه لجناح سديم ..دخلت بدون استاذن .. وبدون تفكير لغرفه سديم .. ناظرتها خاليــه ..قالت باعلى صوت ممكن يطلع معهـا : ســوسو .. ســوسـو ..
سمعـــت صوتها بالحمام وهي تستفرغ .. كان صوت شهقاتها واستفرغها عالي
دقت الباب بخـوف : سوسو .. سوسو ايش فيه رد علي ..
جاء لها صوت سديم الخشن باصطناع : مافيه شي .. وش تبين رازه وجهك عنـدي ..؟!
رهف ارتاحت صوتها طبيعي : ليه تستفرغي يالمك بطنك ..
سديم ببرود بصوتها : لاااا ..بس مثقله بالاكــل اليـوم ..
قبل لاترد كانت جوالها يدق طلعته بسرعه وردت على امها بخوف : ايوا ماما هــذا انا نازلـه ..
.
هـذا سبب كائبتها حال سديم موعاجبهــا .. وماهي فاهمه ليه حكوا الجامعه مع امها ..
واللي زاد كائبتها ماتبغى تحضر لهالزواج ..
امها ماتطيق ام العريس و تحضــر مجامله ..هي وش ذنبهــا ..
رفعــت راسها للي ماده لهــا عصير افيكــادوا .. : لاشكـ
سكتت وهي تناظــر بوجه اسيل بفستانهــا الفضي القصير .. وشعرها الاسود بقصه بوش ..: اوووه اسوله ..
وقفت بسرعــه ..تسلم عليهــا ..
اسيل ابتسمت لها : هلااا رهوف كيفك ياحلوه ..
رهف اشرت على ايدها مكان الدبله : كويســه ...ههههههه
اسيل حطت ايدها على فمها بعد تصديق : ملكتــي ..من جد ههههههه .. – ضمتها بخفه – على البركه .. ومن سعيد الحظ سلطووون والا بندوري .. شكله بندوري صح ..
رهف ابتسمت بخجل: ايوا بندوري .. – تغير الموضوع وتضيع حيائها - وينك يالقاطعه ماعد بينتي بالمدرسه صحيح نقلتي لحكومه.. واحولكم يعني ..
اسيل ابتسمت ابتسامه صفراء : تقدري تقولي كــذا بشرك مساعد رجع من أمريكــا ..
رهف مدت بوزها باصطناع : لااا راحت علي مارجع الا بعد ماملكت ..
اسيل ضحكت عليها : ههههههه ..هارد لك .. وش ري بزواج ولد خالتك .. بيرفكت صح ..
رهف ناظرت حولها : مرررره .. ومشاء الله اللكل هنــا ..
اسيل : ايوا عارفه انتي خالتي بسم الله عليها معارفهم كثير ..
تطفت اغلب أنـــوار القاعــه .. بالترتيب .. واشتغلت انــوار زرقاء رايقــه .. اعطت المكان بروده .. وجمال ..
وامتلــــى المكــان بموسيقــى رومنسيــه كثيــر ..
رهف لاسيل : وااااوو الزفــه ..
اسيل : متحمســــه اناظر بدور ..
رهف : وانا بعد .. اكيد بتطلع رووووعــه ههههههه ..
التفتوا لصوت صفــاء : اسوووله واللي يعافيك اطلعي للمصوره اللي برى بســرعه .. لابيدخلون الرجال قولي لهم العروسه بتنزل من الدرج وكاميرت ثانيه على وليد اذا يدخل من الباب ..
اسيل بسرعه : ان شاء الله .. سي يو رهوفــه ..
رهف ابتسمت لها وهي تنتظر الوقت اللي تكون فيه عروس واللكل يركض لها : سي يو ..
.
\\
.
الموسيقـــي ..
الاضــاءه الزرقاء البارده ..
ريحــه المسك اللي تفوح من التحف الصغيره على الطاولات ..
اثنى رعد المشلح تحت ايــده وأمسك بايده الثانيه بشاير ..
تعمــد ما يسندها عليه علشان ماتتخلى عن عكـــازهــا ..يبغى اللكـل يناظرهــا بالعكـــاز ..
بشايــر ناظرت بالبوابــه الكبيره وهي تفتح ..
واشكــال البنتين بعمــر المراهقه بالفساتين .. البيضاء والشرايط الزرقاء والسماويه وهــم ممسكــات بالباب يبتسمــوا ..
والمصورات قبالهم يصورون ..
أخذت انفاسهـــا وهي تناظر بالقاعه الكبيره الفخمــه والاعداد الضخمــه الموجوده فيهــا ..
تعــودت بزواجاتها الاخيره اللي فاتت مايكون الضيوف او المعازيــم عددهم بهالكــم ..
ارعبتهــا العيون اللي تناظرها .. التفتت لرعــد ..
كانت ابتسامتــــه عريضه ماليه كل وجهه ..
همس له : يله امشي ليه وقفتي ..
مشــت معه وهي تسمــع صوت احلام باغنيه الجسمـــي ..
اسمعت اللكلمات اللي تطلع بكل شاعريه مع صـــوت الموسيق ..الرومنســـي ..
يالغزال الشمـــالي ..
زيد حلــو التمنــي ..
كــم واحد تمنــى ..
وكم مثلــك عرفنـــا ..
وانت قلبك تعنى ..
اعشقــه وعاشقنــي ..
حبست انفاسهــا وهي تمشي معه لقدام بين الناس والاضواء مسلطـــه عليهـــم ..
تتمنـــى تهرب .. ترجع من هنـــا ..
حاولت تتجاهل العكاز اللي بيدهـــا ..و ماتناظر بعيون حـد علشان ماتناظر الشفقه فيهم ..
ابتسمت ..
ماهقت انهم مبسوطين فيها وعاملين لهــا زواج بهذي الفخــامه ..
.
\\
.
ام رعد ناظرت باختها ام مساعد وهي مصدومــه .. وش القصه .. قالت بصدمه : ايش هــذا ..
جاءت لها بنتها صفاء وهي رافعه الفستان وتركض بكعبها العالي : ماما ايش فيـــه ..؟! .. من هــذي اللي مع رعــد ..؟ وش دخل رعــد ..؟!
ام رعد قالت ببلاهه وهي تناظر بولدها وهو بشكــل المعرس ..
ابيض بابيض وبشت اســود .. وجهه منور مع الشعر الاسود الطويل لعند رقبته .. ويناظرها بعيون قاسيه والابتسامــه ماليتــه ..قالت بعصبيه : اذا كان يمزح مزحته بايخه ..ومراح اعديها له ..
ام مساعــد فهمت الوضع اللي ماقدروا يستوعبوه اختها وبنت اختها : مايمزح .. ياشعاع .. شكله عمل بتهديده ..
ناظرت باختهــا ماهي مصدقــه ..
التفتت ونظرات الناس عليها وعلى ولدهــا ..
حست انهــا مكتومــه تنخنق ..
مسكت ايد اختها ام مساعد وهي تهز راسها : مستحيل.. مستحيل ..
و.. اغمــى عليهــــــــــا ..
.
\\
.
فجاءه اختفت منها الاضاءه وتسلطــت على رعــد واللي دخلت معه ..
واقفه باعلى القاعه بنص الدرج .. والماسكه بايدها بلون الازرق .. مع فستانها الفضي بإلكرستلات زرقــاء ..
ناظرت ببشاير ورعد مستنكــره وهي تحاول تستوعب .. مفروض زوجها وليد هو اللي يدخل وتكون هي العروس ..
مو هــذي ..العرجاء ..
احتقرت بشاير وجمالها الحاد البارز ..
بنت نحيفــه ..طــويله بوضوح ..
عظام نحرها بارز مع فستانها الابيض الثلجي ...بياقته المرتفعــه بفخامه .. فتحه صدرها طويله لنص بطنهـــا ..
و ضيق مع الصدر يوسع بالتدرج لاخره ..
ومن ايدها تنزل الماسكــه الطويلــه .. المخلوطه بين الورد الابيض والورد الكريستالي البراق ..
نازله منها شرايط بيضاء طويله ..تجر معها بالارض ..
وشعرها العباني اللي تتخلله خصل ثلجيه راكب مع بياضها..
وتسريحتها البسيطه ...
عامله باف لكل شعرها اللي قدام .. ومن ورى ملفلفه شعرهــا الطويل نسبي بحيويه ..
نازل على الطرحه المثبته تحت الشعــر .. ..
والاهم قسمات وجهها الفتنان من فكها اللي قريب للمربــع .. وانفها الحاد مع عيون واسعـــه محدده بالكحل الاسود الفحمــي ..
ومزين فمها الصغير بروج لحمــي رايق ..
ج
ـم
ـي
ـل
ـه
هذي الكلمــه الوحيده اللي ممكـــن توصفهــا ..
مــن هذي اللي مع رعد ..
وش تبي بزواجهــا هي ..
وليه رعــد مبسوط ..؟!
اسائله كثيره ببالها وحارقه صدرها ..
.
\\
.
رهف باستغراب وهي تناظر رعد وبشايـر : اسيل ايش القصه ..؟!
اسيل فاتحه فمها فاهيه : مادرررري علمي علمــك ...!؟
رهف ابتسمت برومنسيه : شكل ولد خالتك عملها وتزوج .. هو حلف يخرب عليهم الزواج تذكرين لما حكيتي لي ..
اسيل بذهن شارد : مااادري .. يمكـــن .. يافشيلتنا عند الناس ..
.
\\
.
بشاير وهي ماسكه بايده .. وصلــوا لعند الكــوشه ..
جلست على الكرسي المخصص لها ..
ورعــد جلس على الكرسي الثانــي وابتسامتــه زادت اضعاف وهو يناظر بصفاء تطلع الدرج بســرعه ..
وقفت عنــده وهي تناظره وعيونها مفتوحــه على وسعها ..وقالت بصوت سمعته بشاير : انت انهبلت صدق من سماك مجنون .. كيف تدخل كذا ومع هذي اللي مادري من وين مستاجرها ..؟!
مستاجرها ..
ناظرت بصفاء بحــده .. وتمنت ترد عليها لكن الوقت مو مناسب ...لانها حست ان فيه لبس .. ومكانها هنــا غلط ..
رعد لهاللحين ابتسامته بوجهه : وش فيك نسيتــي وعدي لك يالغاليــه ..- التفت لبشاير واشر عليها - هذي بشاير زوجتــي .. أنا قلت بدل الخساير ونعمل زواجين .. اعمل زواجي مع وليد ايش رايك مو قمــر واحلى من بدور .. صدق انهــا عرجاء بس جمالها يغطي موووو ..
اتسعت نظرات صفاء وبشاير عليـــه ..
بشاير جرحها بحكيه .. احتقرته ونفسها تقتله ..
فهمــت شوي من القصه ..
اهله مايعرفون عن زواجه .. واليوم زواج اخــوه .. وهو دخل مكان اخــوه ..
وصفاء ماهي مصدقه الجنــــون اللي يحصل .. اشرت له انه غبي : مــاما طاحت علينا بسببك .. والاسعاف بالطريق انت كيف تفكر يالبزر ..
تركته ونزلت بسرعه من الدرج ...
التفتوا رعد وبشاير للمكان المزحوم بالحريم .. وتجمعهم الواضــح ..
مانتبهـــوا فيه قبــل
..
رعد وقف بسرعه .. امــه طاحــت .. بسببه ..
نزل بسرعــه من الدرج لعند الزحمه وهو يقول : ابعــدوا تكتموها كذا بعــدوا ..
بشاير .. جامــده بمكــــــــــانهــا ..
تناظــرهم بعيون ماهي مستوعــبه ..
امـــه أغمى عليها بيوم زواجـــه .. ماتدري ..زواج أخــوه والا زوجهـــم ..
بس اللي تعــرفه انها بموقف لاتحســد عليــه وتتمنى ان الارض تنشق وتبلعهــــا ..
رفعت راسها عن ايدها بعد ماشتغلت كل انوار القاعه من جــديد ..
اول شي طاحت عيونها عليه .. نظرات رعد لفوق .. راســه مرتفع فوق وهي يمشي مسند مرأه كبيره بفستــان اســود ..
ناظرت وين مايناظر وهي ناسيه انها عروس وفي كاميرات تصورها وناس تناظرها باستفهــام ..
بلعت ريقهــا وفتحت فمها .. وهي تناظر بالعروسه الوقفه عند الدرج .. وتناظر حولها بوجه خالــي من التعابيــر ..
اكيـــد هــذي زوجه اخوه اللي هي اخــذت مكــانها ...
ناظرت باللي شكلهــا من جد عروس ..بفخامتهـــا ..هزت راسها وهي ماهي قادره تفهم شي ..
دورت بعيونها على رعد ماتعرف بهالمكان حد غيــره ..
تركهــا بالكوشه ونزل لامـــه ..
كل شي خرابيط ..وملخبــط بهالزواج .. من يوم الملكه الا هاللحيــن ..
شافته يطلع من البوابه الرئيسيه و لهاللحين ايده تشد هالمرأه الكبيره ويبوس راسهـــا بخوف ..
وضح صــوت الاسعـــاف ..
طلــع وتسكـــر الباب الضخــم .. اختفى وراه رعد وامـــه وثنتين لابسين عبايات عاديه ..
التفتت لناس من حولهــا اللـكــل ينظــرها ويناظــر بدور باستغراب ..
حتى المطرب احــلام مالها اي صوت هي وفرغتهـــا ..
بس همهات الناس واسالتهم اللي واضحـــه ..
: انتي لهاللحيــن جالســـه ..يله قومــي من هنـــا .. ارتحتي بعد ماخربتــي كل شي ..
التفتت لاخت رعد اللي لابسه اصفر واضح قوه شخصيتها وكبر سنها من شكلها وصوتها ...
اشرت لها صفاء بصوت شبه عالي : يله تحركي من هنا بسرعه ..
وش ترد وش تحكـــي ..؟!
وهي ماتدري وين موقعهــا من الاعراب ..
قالت بهدوء: ماني متحركـــه من هنــا لحد مايرجع رعــد ..
صفاء تغيرت ملامحها لشمئزاز : حسبي الله عليك انت وهو .. مثل ماخربتوا ليلتنا ..
ومشت لعند احلام تدارك الوضع .. تلم اللي تقدر عليه من الاحراج بعد ماركضت بدور لغرفة العروس ..وهي منهاره تقريبــا ..
: الله يعافيك قولي لناس يروحوا للقاعه الثانيه للعشـــاء ..خلاااص وش بقى بعد يسود الوجه اكثــر ..
بشــــاير ..
نظراتها للي حولهـــا خايفــه ..
ماقد نحطت بموقف مثل كــذا من حياتها ..
حطت ايدها على راسهــا ..ونزلته وهي تغمض عيونها ..
ليــه عمل معها رعد كــذا .. ليه يكرها لهالدرجــه ..
هي ماتعرفــه حتى علشان يعاملهـــا بهالطريقـــــــه ..
ايش اللي بينهــا وبينه ..يجرحهــا كذا ..
ماقد تصورت تكون بمثل هالموقف ..
الضيقّــه ملتهـــا ..والحزن سكنهـــا ..
تتمنــى تبكـــي بس مافيه دمــوع جففتهــا الايـــام ..
كــم وحده موجوده هنـــا .. شهــدت على طريقه اذلاله لهـــا ..
بعدت ايدها عن وجهها ورفعت راسها على حم حمـ ـات صوت مراهق مابعد خشن صــوته ..: انا طلال يقولك رعد تعــالي معــي ..
بشاير ابتسمت باستهزاء ..
لااا وفيه الخيــر والله .. تذكــرها ..
وقفت بدون كلمه ونظرات المدعوات القليل اللي بقواا .. تحتويها ..
طلعت بدون زفــه .. تحس انها طالعه للموت ..
وفستانها الابيــض كفنهــا ..
&@^%$#&%*$#)#(@!#)
ورود في مزبله الواقع..
رومانسيه .. واقعيه ..جريئــه ..
&@^%$#&%*$#)#(@!#)
<< .. وسقطـت اجـزاء الورده .. ..>>
جالســه قبال بسطتهــا البسيطــه وبايدها الملزمــه .. من نص ساعه تقريبـا وهي تناظــر فيهــا ..
ماهــي بندامانه على مستقبلهــا كثر ندمهــا على سديــم ..
ليه سديم كــذا ..؟!
ليــه تكــون من هـذي الاشكــال ..؟!
كانت غيــر..
غيــر كذا ..
كانت اخلاقها ماتسمح لهـا حد يغلط على حــد ..
احترقت رجلها علشان مارضــت تسرق لانها تقول حرام ..
حـــرام ..
وهي هاللحين كلهــا حرام ..
متشبهاء بالرجــال .. وتوابع التشبــه وقذارتــه ..
مسحت دمعتها باصبعهــا .. تبكـــيها ..
تبكــي سديم ..
اللي ضنت انها لو قابلتها بيوم .. بتتخلص من هالمكــان ..
رفعت راسها لسمــاء .. لفوق ... لليل الاســود والغيــوم الرماديــه ..
جاء الشتــاء .. وراح الصيف ..
وبتعدي الايام مثل غيرهــا .. ولهاللحيــن الحياه تطعــن فيهــا ..
ايـام قليله..
اسبــوع بالضبط .. بايامــه السبعــه ..
وتخون ام حمـــزه .. وتدفــن نفسهــا بزواج مجهول .. تضــن ان فيه الامــان ..
تضــن انهــا بتقدر ترمــي همومها لهذا اللي بتسلمــه نفسها بالحلال ..
: لوسمحتــي بكــم هــذا ..
نزلت راسهــا من السماء لرجال اللي سالها ..كـان مثنـي ثوبه ..وجالس على رجليه قبالهــا .. ابيضاني ... دبدوب شوي .. طويل ... خدوده محمره ..عيونه وانفه وفمه صغار بالنسبه لخدوده المليانه..
انتبهت ان رقبتها كنت واضحــه وعبايتها نازله على كتفهــا ..
رفعت عبايتها بســرعه على راسهــا وناظرت بالسجاده اللي بايد الرجــال : بـ35 ريال .. ومافيه تنزيل ريل واحد هــذي خامتهــا أصليه ..
الرجال بتركيز عليها : لااا كثير عليها 35 ..
رحاب وكانها مبرمجه حكت بطريقه عاديه ..ولاكان الهــم متعبهــا : عندك هذولاء بـ15 ريال صناعه سعوديه ..
الرجال بهدوء : ليـه اللي قبل كــانوا من وين ..؟!
رحاب بسرعه وهي ترفع السجاد اللي بـ 35 .. : هــذولاء ايراني وتركــي ..مـ
سكتت لانه اشر لها بايده وهو يرد على لجوال .. قال بلهجه قويـه عكـس لهجته لهاديه معها : ايــوه ياسر .. هـا حصلتــوها ..
: لااا طال عمــرك استاذ صقـر .. بس مشتبهيــن بمكانهــا ..
صقر مانزل عيونه عن رحــاب ..
كان يتامل بايدها النحيفه وهـي تصفط السجـاد ..ونعومتهــا الواضحــه ..
وعيــونها البحـريه على خضراء ..وهي تتحرك بسرعــه بين الناس بالسوق ..
ورموشها اللي فيها بقايــا دمــوع ..
رد على ياسر وذهنه شارد مع رحاب بعــد مابانت رقبتهــا وقف يدور صيده جديده : خلاااص اعمل اللي تقدر عليــه ..
سكــر السماعـه ..وابتسم لرحـاب : ايــوه يالغاليه وش كنا نحكي فيه ..؟!
ناظرته رحاب باحتقار ..
(( خير الغاليه مايعرف حدوده هـذا ..))
قالت بجديه : قلتلك هـذا بـ35 ..وهــذ بـ 15 ..ايهم تبغــي ..
صقر ابتسم اكثــر .. (( يخرب بيتهــا وش هالعيــون )) : اعطيني الاثنين كل النوعين اللي عندك اعطيني اياهــم ..ابتشتري كل بسطتـك..
رحاب استغربت : كل للي عندي ..
صقر ببساطه وابتسامة الخبث تملاه .. : ايـوه كل بسطتك ..
رحاب كتمت ضحكتها وبانت الفرحـه بصوتها : من جد كلهــا كلهــا ..
صقر يصطنع الاستغراب : ليـه ممنوع اشتريها كلها اعتبريني كل زباينك اليوم ومـ
قاطعته رحاب بســرعه وهي تضحك ضحكه صغيــره : ههه لااا مو كذا لكن مستعجبه .. اقصد مستغربه
صقر ضحك بهدوء واسلوب جذاب : هههههه .. لاتستغربي ولا تستعجبي .. قماشه سجادتك ممتازه ..
رحاب وفضولهـا للي ماينتهي .. قالت بفضول ..: ليه وش تعمل فيها ..؟! انت امام مسجـد ..؟!
امام مسجــد ..
مسكـ ضحكه طويلـه عاليه .. لو ضحكها ماسكــت .. : تقريبا ..
رحاب جاءت بتساله اكثر لكـن قاطعها تـركي وهو ياشر لها : مساء الخيـر رحــاب ..
رحاب اشرت له بلامبالاه وهي مشغوله البال .. بباب الرزق اللي انفتح لهـا : مساء النـور ..
(( رحـاب ..
اسمــك رحاب ..
كيف اوصــل لك يارحاب وانا ولد أبـوي ..
وش المدخل اللي اجــرك فيه لـي ..؟! .. ))
قال بنفس الهدوء وبصوت جذاب : هــا وش قلتي تبيعينـي ..؟!
رحاب لمـت السجادات بسرعه وبحمــاس : ابيعــك وابيع السوق كلــه .. اكيد ابيع ..
واشرت على الاغراض تحسبهــم باصابـع إيدها وتجمعهم سـوا ..
عيــون صقــر تراقبهــا بتمعــن ..
صيـده ماخطـرت على القلب والبال .. نــوع جديـد مختلــف .. عيون ملونـه وبيضـاء .. ينتظـر بشوق يناظـر باقي ملامحهـا .. وشكلـها ..
جاءت بباله فجــر وحس بدم يثـور .. وينها اللعيـ؟؟؟؟ هذي ..
وين هربت فيه بعيـد عنــه ..؟!
كانت مخططه لهالهرب من زمان ومرتبه لكل شي علشان كـذا ماهو قادر يوصل لهــا ..
يحس انها مليون بالمئه بشقه واحد غيره يدفع اكثــر..
دق بجواله على ياسر ولهاللحين نظراته تلتهم رحـاب : ايـوه اسمع ياسر ارسل لي عرواي لسوق لشعبـي ..
سكــر السماعه بدون لايسمع رد ..متعود يامــر واللكل ينفذ له ..
رحاب سمعته وهي مبسوطه من جد بياخذها كلهــا ..
رحاب انتهت من حسابها وقالت بهدوء لان المبلغ كبيــر بنظرها هي .. ماتدري انه مايجي نقطه ببحر اموال صقــر ولد الوزيـر ..: اممم ..هــو طلع كــله بـ ..بـ ..2800 ريال ..والله العظيم انـه كله يطلع كـذا ..مع الشوكلاتات والشيبس – انكمشت على نفسها وهي تحس بنظراتـه تشملها .. يناظرها نظـره تشبه نظرات بوحمزه .. قالت بســرعه وهي تبغى تتخلص منـه - ولمسليات اكيــد ..حسبتهم معهـا ..
صقـر طلع من جيبه محفظــته وطلع منهـا 3000 ..: ماعندي الا هــذي خذي المئيتين حلال عليـك ..
رحاب طنشته ورفعت شنطتهــا لحضنها وطلعت منها مئيتين : تفضل هـذا اللي بقاء لك ..
نظراته ترعبهــا .دورت الامن بتركـي قالت بصوت مرتفع : شرطي تركي شررطـي تركـي ..
تركي التفت لها بعد ماكان يتفهم مع حصه : ايوه رحاب ..
رحاب وقفت وهي تحاول ماتناظر بصقـر : الله يعافيك بس تتفاهـم مع الرجـال انا مضطره اطلع للحمام ضرووووري ..
تركي توه بيرد قاطعته وهي تمشي بسرعه لعنده وتلبس شنطتها على كتفها : انا اتفاهمت معه ياخذ البسطه كلها ..وهو دفع لي 3000 ورجعت له الـ 200 لانها بـ 2800 .. الله يعافيك بس بقي يخذها كلهـا .. تفاهم معه انا مضطرها روح للحمام الله يكرمك ..
صقر ناظر برحـاب مقهور ..هذا وقت حمامها ..
تركـي ناظر بصقر واستغرب ان واحد بمستواه.. يكون بالسوق ويشتري هالبضاعــه ..: والله بـ
قاطعته بهمس وهي واقفه قباله .. ماسمع صوتها المترجـي الا تركـي : نظراته تضايق الله يخليك اخلص معـه أنت ..
تركي ناظـرها مستغـرب .. اول مره تشتكـي من حـد كـذا ..
عقد حواجبه وقال بجديه : ضايقك بشي قالك كلمه من هنا والا من هنــاك ..
رحاب بسرعه : لاااا يخسـي .. بس والله مالي خلق هالاشكال ..
كل مـره تستحمـل .. وتدافـع عن نفسها ..وتصبـر..
مهي باول مررره تتعرض لمضايقات من احـد ..او من نظرات ..
ياما مروا عليها اشكال اللعن من هـذا .. ويعرضو عليها اشياء تستحي تفكر فيه او تحكي عنهــا ..
لكــت هي اليوم مكســوره ..ومجروحــه ..
الهم مثقلهـا ..
صدمتهــا اليوم كانت ورى بعـض ..
صدمتهـا باللي كانت اختهــا ..وتمنت انها ضلت محتفظه بالصوره الحلـوه عنهــا ..
ولاالتقت فيها وهي هذيك الانسانه اللي ياما اعراض ناس وبيوت انخربت بسببها ..
وصدمتها الثانيه ان مستقبلها على المحك ..بعد التفوق ..والنجاح ..
الاولــى على دفعتهــا ..
دخلت للجامعه اللي تختارها بسبب تفوقهــا .. ولو تبغى بعثـه يبعثوها لكـن مارضت .. بالسعوديه استر لها .. هذا اللي متاكده منه ..
تحفظ هي حافظه اربع اجزاء من القرآآن وبتكمل حفظ العشره لان حلمهـ تحفظ القرآن كله ..
لكــن اللي قهرها سمعتها ..
اسمها اللي وان كان مجهول .. تدنس ..
هي يوقفوهـا ضبط حاله ..
مايكفي انها بتتزوج واحد كبر جدهـا .. علشان سمعتهــا وشرفهـا ..
تركي قال لها يطمنها : خلاااص نتي ارجعي للبيت وانا اتفاهم معـك ..
رحاب : اوكـيه ..
كملت طريقها للبيــت تستعد نفسيا لمواجهه ام حمزه بعد ماقالت لبو حمزه يجكي لها عن توقيفها سنه من الجامعه يعني فيه مكافاه السنه هذي السنه الجائيه ..مافيـه ..
.
.
دخلت للبيت المظلم الهادي .. كعادته ..
ناظرت بالصاله واشكال البزارين النايميـن .. والمطبخ مافيه اي صـوت ..
اكيـد ام حمزه وابو حمزه نايميــن ..
حسـت بالغيره ..
ايوا الغيره ..لمجرد وجود عائض مع زوجته ..
هي تجهز نفسها له وهو مبسوط مع غيرها .. تعوذت من الشيطــان لان ام حمزه زوجتـه ..
وصلت لغرفتها تبغى تنام وقبل لاتحط ايدها على كالـون الباب .. سمعت صرخات ام حمزه : طــردوتس يامال البلاء .. وش مصيبته اللي مسويتها يطردوتس عليها ...تفكرين حنا فاضين لتس ولدلعتس يطردوتـس ..
اخذ ت نفس طويل قبل لاتلف وتناظر بام حمزه اللي واقفه بنص الصاله وتصرخ ..وابو حمزه اللي مرعوب من صراخها واقف ورى عند باب غرفتهم .. وين الظهر والسند .. والامان من واحد مثل كـذا ..
: لاتخافي هذي السنه فيه مكافات وع السنه الجديده بتنقطع .. بدبر حالي اذا الله احياني لهذاك الوقت ..
ام حمزه بصراخ اهدء : يعني لتس راتب مادري مكافأه هالسنه ..
رحاب بدون نفس : ايــوا .. وترى اليوم بعت البسطه كلها – فتحت شنطتها – وهذا 2800 ريال ..
ام حمزه بسرعه مشت عبدها بسمنها المفرط مع قميصها السماوي .: كلهــا ..؟!!
رحاب : ايـوا ..
سحبت ام حمزه منها الفلوس بقوه وعيونه بتطلع : الله يرضى عليتس يارحاب ويحفظتس لنـا ..
رحاب دخلت لغرفتها وسكرت الباب ..بدون ماتناظر بوحمزه الدجاجه .. يخف من زوجته لدرجه غبيه ..
سندت جسمها وراسهـــا على الباب وضلت واقفه ونظراتها للفرغ ..
ضمت ايدها على جسمها لان الجو برد وماعندها شي تدفـي فيـه جسمهــا ..وغرفتها المخزن تكــون فريز بالشتاء ..
لاااا يادنيــا خلاااص تعبــت ..والتعب ملنـي ..
ارحــم ضعفــي ياقدر وافرجها علــي ..
انا انسقي الهــم مع انفاسـي ..
.
.
مشـــاري ..
ناصـــــر ..
صقــــر..
عائــض ..
تركـــي ..
رجــالـ بحياهـ رحابـ منـ بيكــونـ فيهمـ لهـ التاثير فيهـا ..
والأ هُـما مـ ج ـرد صفحــاتـ وتنطـويـ بحياتهـا ..
&@^%$#&%*$#)#(@!#)
ورود في مزبله الواقع..
رومانسيه .. واقعيه ..جريئــه ..
&@^%$#&%*$#)#(@!#)
× .. لكـــل فعــل ردة فعــل ..×
ارتاحت اخير من الالم اللي كان مقطع جسمها .. ومن الاستفراغ اللي تطلع روحها معــه ..
تمددت على السرير بتعــب وهي هلكـــانه ..
راميه ايدها بجنبها ورجلها .. مسترخيـــــــــــه بسريرها ..
تاخذ انفاسها من التعــب .. وماتبغى تسمع صوت شي .. تبغــى الهدوء وبس..
حركت شفايفهــا ببطء وهي تردد ابيات طرت ببالها :البشر يشكون من ظلم الزمـان ..
والصحيح الظلم من اهل الزمن
صدق بعض الناس ما فيهم حنان
منهم احلـى المشاعـر اختفـن
وناس نشريها ولا نبغي ضمـان
طيبهم ما يحتوي شبهـه وظـن
لكـن الدنيـا عجيبـه للعيـان
يافهيم القول والخلـق الحسـن
عندها راعي الخيانه له مكـان
والوفي تهدي له الوان المحـن
قلت قولي واطلب الله المستعان
يحرسك من شر واشرار الزمن
سكتت وهي مخنوقـــه .. ومافي شي يوصف مشاعرها بهاليــوم ...
اندق جوالها .. ناظرته بدون نفس .. رفعته ..(( ديومه تتصل بك ))...
اوووه ديما قديــــــمه ..
من زمـــان عنهــا .. من اخر هوشه بينهم ماعاد درت عنها ..
ردت وهي مستلعنــه : خير وش تبين ..؟!
ديما بسرعه : سعووووو حياتي رديتي علي مانـــي مصدقه ..
سديم تاففت ووهي مبسوطه بلهفت ديما : هااا وش عندك ..!؟
بصوت شبه باكـي : جد طردوك .. خلاااص سديم ماعاد تجــي للجامعــه ..
سديم وصلت لنقطــه معينـــه ..
كانت مجرد ستايل واللكل يناظرها باحتقار ..
هللحين جد بتكــون مثل ستايلهــا ..
خلااااص..
اعلنتها وماعاد للاحترام مكــان بقلبهــا .. باعت الشعارات اللي صارت بنظرها كــذاب ..
ومن اليوم بتكـــون مثل احمـد و بدر...
ديما بكت : لااا سعووود ماقدر مناظرك انا بدونك اموووت ..الايام اللي فاتت كانت ثقيلـــه عالــي ..
سديم بدت تدخل العالم اللي حاولت تبعد عنه وكانت قريبه منه بستايلها المقزز : يااابعدي بسم الله عليك من المــوت ..
• البقيـــــــــــــــــه انتـــــــــمـ .. ارقى منـ قرايتهــ ...
وأنا أتعفف عن كتابتــه .. دامه مايخدم الروايه بشي ...
&@^%$#&%*$#)#(@!#)
ورود في مزبله الواقع..
رومانسيه .. واقعيه ..جريئــه ..
&@^%$#&%*$#)#(@!#)
|
09-05-08, 10:30 AM
جديد مواضيع قسم الارشيف
العرض العادي
