.
.
مــرت أيام ..
وأسابيع ..
شهـور ..
أكتملوا شهرين بالضبط ..
60 يـوم ..
8 أسابيع ..
الشتـاء ودع أراضي المملكه الحبيه ودخـل الصيف ..
بحرارته وجفافه ورطوبته ..
وحال الناس وأوضاعهـم تغيرت ..
اللي همومه قليله زادت ..
واللي همومه كثيره قلت ..
دوام الحال من المحــــــال ..
وحال البنات ؛بعد تغيـر ..؛
• بشاير ..
مازال البرود بينهـا وبين رعد مثل ماهو .. وزاد أكثر بعد مارجعت من اهلها ..
ماهتمـت ولا راح تهتم له .. ماتدري عن خيانته لها مع بدور ..ولاخطر ببالهـا ..
شاغله نفسها تتمتع بالخيرات وتعطي لاهلها قبل مايطلقها وتضل بدون شي ..
وكل همومها دراستهـا وشهادتها ..هاجسها الوحيد اللي تشتغل فيه ..
سجلها هاني زوج ثنوى بمدرسه عمته المديره ..مدرسه حكوميه مرتبه ..مازارتها لان موعدهـا بالاختبارات النهائيه حتى كتب ماخذت ..
• رعد..
مشغول مع بدور ومحاولاته ارضاءها باي طريقه ..
هدايا ..ورود ..مجوهرات ..
بغفله من كل اللي بالقصر عنهـم ..وكانهم مخدرين ..
يفكر يطلق بشاير لكن يبغاها غطى يوهم فيه اهله انه ناسي بدور..
• بدور..
تلعب على الحبلين .. الاثنين بيدها ..زوجها واللي تسميه عششيقها ..
تخون بس الخيانه لها حدود بنظرهـا ..
وبشاير بالنسبه لها غطاء مغفل تغطى فيه تصرفاتها مع رعد الغبي ..
ّـــــــــــــــــْــــــــــــــّ
• سديم ..
بمراحل العلاج ..
تعب نفسي وجسدي ..
لكن بعزم ومساعده من العنودوهاجر تتشجع ..
ماتختلط مع بندر كثير لانه يفرض رايه ويمشي كلمته بكل مره ..تكره البيت بسببه..وهو متواجد فيه طوال الوقت ..
صديقاتها .. ماتدري عنهم شي ..ولاتبغى تعرف ..
بندر..
وصل للي بيغاه .. صارت له كلمه على سديم .. والفضل لله ثم لعمه عبدالرزاق اللي عن طريق ذكر اسمه بس يرعبها ..
والعنود اللي تضغط عليها بدون ماتحس ..
ومقهور منها كل ماشافته بمكان طلعت منه .. لكن مبسوط انها تتعالج برضائها ..
ولحد هاللحين مايدري متى موعد زواجه ..؟؟؟!!
عبدالله
من خوف هناء عليه رسلته يدرس بـ بريطانيا ..ويبني مستقبله بعيد عن سديم وجنانها ..
رهف
فرحتها بالزواج وتجهيزها له ..وأحلامها الورديه ..مشغلينها عن سديم واي حد ثاني ..
محور حياتها انسان أسمه بأربع حروف .." بندر"..
نايف
صراعه مع زوجتـه واخته ..
زوجته " وصايف " اللي صارت اكثر رضوخ ..وهدوء ..
صوتها العالي ولسانها الطويل صارواا ماضي قديم .. ومايطلعوا الا على وداد ..
الاهم من هذا كله بنظره ..قرب ينسى شي اسمه سديم بعد ماعرف انوا شبه دمرها ..وارتااااااااح ..
,ـــــــــــــ,
شجن ..
ضل الحال على ماهو عليه هي رجعت لمدرستها وتداوم بجد للماجستير ..
الحياه بنظرها ابتسمت لها لان اللي مايتسمى مساعد يشتغل اغلب الوقت ومايجلس بالبيت الا نادر ..
وهي مع اسيل كل مال علاقتهم توتر اكثر ..
اسيل ..
جلوسها بالبيت لان نسبتها ماتدخل لمكان .. خلتها فاضيه وماعندها غير لانا وامها الكريهه شجن ومن المستحيلات يمر يوم بدون هوشه بينهم ..
وزعلانه من مساعد ليه يتركها عند هذي ويشنغل ..
مساعد ..ق
بل بالوظيفه وبعد عن شجن وخرابيطها ..
,ــــــــــ,
رحاب ..
الغـــربه .. توصف حالهـا ..
,ــــــــــــــــ,
فجر ..
رفضت بشر رفض قاااطع واعتذرت انها مشغوله بتجهيز ريوف اختها ..
وامها قالت انه بعد زواج ريوف ينتظروا الرد ..
ومراح يكون لفجر آآي حجه ..
بس المشكله ان زوجه عمهم " ام بشر " زعلت وكبرت الموضوع وحلفت يمين ماتدخل بيتهم بعد مارفضت الغريبه ولدها ..
سهام ..
تكره شي اسمه فجر .. وملاحضه تصرفاتها زايده مبالغه اهتمامها بابوهم ويعقوب وعبدالمحسن ..
.
.
*.. الـكـ "ن" ــز ..*
الرياض .. البنك الف###
بعد اجتماع الاداره معه ..
سكر باب مكتبه بقوه وجلس على كرسيه الاسود ..
وش ذااا المصيبه ..
وش ذي الكارثه ..
ضغط على اصبعه الابهام بفمه .. وهو يفكر بعصبيه ..
كيف مبلغ كبير مثل كـذا ينسحب من البنك بدون اي اوراق ..
كيييف ..؟؟!!
من قدر يوصل لدراهم ..
من اللي سرقه قدامه ومن دون حد مايحس ..
كيف وصلت ايدهم للخزنه بالنهار قدام اللكل ..
من الموظف الحقير هذا اللي لعب عليه ..
ليه هو يتحمل المسئوليه ..
ليه هو ملزوم يعوض الخساره .. لااا ويتحاكم بعد ..
سجله النظيف بيصير اسود .. او صار اسود ..
اسند ظهره لكرسيه وضرب الطاوله بقبضه ايده : ميييين ..؟!!
كيف بيحلها ..؟؟!!
المبلغ كبير ...؟؟؟!!
هو من وين له .. ؟؟!!
جماعته ماراح اتفزع له لانه بيطيح من عيونهم وهذا اللي مايرضاه ..
.
//
.
بنفس البنك ..
صدره يطلع وينزل .. ماهو من الجو الحار والجفاف الزايد ... من النار اللي بصدره تحرقـه ..
وقف بالممر الطويل .. ناظر بتصميم البنك الزجاجي مع الاضاءه البيضاء ولمعه النظافه فيـه ..
وين مكتبـه .. ؟!
وينــه فيــه ..؟!
لو يطيحح بيده هاللحين مايخلصه الا دمه ..؟!
عدل شماغه .. وهو يقول بصوت باااارد عكس اللي يحسه : لو سمحت ..انا جائي لنايف سعيد ..
الموظف المرسم .. اشر له بايده : اخر الممر مكتب عليه لافته المدير ..
المدير النجس ..
مشى بخطوات سريعه ..
محمل بالحقد والعصبيه ..
ناوي عليه وآآآي نيه .. نيه قشره ..
بيعلمه كيف يلعب ويستغفل بغيره ..
بيخليه يندم على اللي عمله بحبيته قد شعر راسه ..
فتح الباب بكـل قوه تملكهـــا .. لحد ماظرب الباب بالجدار للي وراه ..
وقف عند الباب وهو يناظر بالمدعو نايف ...
نايف بغمرة ضيقته وتفكيره .. رفع راسه بعصبيه ..
من يدخل مكته بهالطريقه ..
قال بعصبيه :نعممم ..
وش ذا الطريقه الللي انت فاتح فيها الباب ..
- وقف واخلاقه بطرف مناخيره -
انت من سمح لك تدخل لهنا ..
انقلع لبرى ..
بندر مشى لوسط المكتب وهو يناظره بقرف واشمئزاز : انت نايف ولدسعيد ..
نايف ناظره بنفس نظرته له .. نظره القرف والاشمئزواز ..
لحضه لحضه ..
كيف يطرده كذا ...
قيم بندر من ثوبه وجزمته وسبحته .." ولد شيوخ " ..
تحول اشمئزازه لابتسامه مرحبه ..
خاف ا انه العميل اللي انسرقت فلوسه ..وجائي يتفاهم معه ..
قال بنفس الابتسامه المرحبه ..والعيون الحاقده ..: : أيــوا معك بشحمــه ولحمــه ..تفضل اخوي في أي مشكلــه ..
بندر ناظرته بحقد وهو يتذكـر حكـي عبدالله واستغفاله لسديم
..مشى بخطوات مدروسه لعند جلسة الكنبات القليل .. وهو ماسك اعصابه ..
..جلس على الكنبه بهدوء..
مانزل عيونه عن عيون نايف ولا رمش له جفن ..
أحتار كيف يريح النار اللي بقلبه ..سديم ملكه هو وهذا اخذها منه ..
اخذها بانجس طريقه .. واستغفلها ..
يقتله ..
يقطعــه ..
ينهـش لحمــه ..
لكــن حط رجل على رجل بهدوء ..
هدوء غريب اعترى جسمهــ .. جائي وناوي يفرغ الفرد " لمسدس " اللي بجيبه داخل راســه ..
لكــن هــدوء غريب احتواءه ..
مايدري وش مصدره ..؟!
قال ببرود : أشرب عصير ليمون ...
نايف صرقع اصابع ايده بتوتر ..وجلس قبال بندر بعد ماطلب له ليمون ..
بندر طلع المسدس الصغير من جيبه وحطه على الطاوله قباله ومعه الجوال والمحفظه ...: أنا كنت ناوي اشرفك بزيارتي من زمان ..
بس ماحصل نصيب الا اليوم ..
نايف ناظر المسدس بجزع ..
هذا كيف يمشي فيه كذا بدون تصريح ..
ومن الاساس مايستاهل الموضوع مسدسات وطلق نار ..
بندر قال ببرود وهو يناظر تعابير وجهه نايف وعيونه اللي على المسدس ..
: تراه مصررح ..
- زادت حدة ملامحه وهو يكمل –
معك عمك وتاج راسك ..بندر بن محمد الـ.ـ؟؟؟؟؟؟..
ولد عم عبدالله بن عبدالرزاق الـ؟؟؟؟؟؟!..
و...
سديم ...
نايف ماخذ معه الوضع الا ثواني حتى يستوعب ..
ولد عم سديم ...؟؟؟!!
اول مره يدري ان عندها ولد عم ..
الثور عبدالله ماحكى له ..
وش ذااا الورطه والنشبه .. المصايب ماتجي الا وراء بعض ..
قال بهدوء وبرود : من سديم ومن عبدالله ...؟؟!!
انا ماعرف حد بهالاسماء ..
بندر رفع المسدس ولعب فيه بايده ..وهو يبتسم بخبث لنايف : لااا تعرفهم ..
بس شكلك ناااسي ..
ماتنلام ..
- ركز عيونه على عيون نايف -
الـ 8 ملاااين اللي انسرقت الظاهر نستك ..
نايف بلع ريقه بتوتر : وش قصدك ..؟!!
بندر ابتسم اكثر وقال ببرود : مثل ماتوقعتك ذكي ...
و واحد يخلي اخو يدخله عند اخته لازم يكون بذكاائك ..
بصررراحه ياخ ناايف ماكنت متوقع ان عندنا شباب بذكا ئك هذا ..
نايفشد على اسنانه واستخدم نفس اسلوب بندر .. : تصدق ولااا انا ماكنت متوقع ان في بنات فـ#### مثل بنت عمك ..
عالعموم انا ماعندي شي لبنت عمك ولالااا لها عندي شي ..
حس بالنشوه .. جزء من الانتصار ورد كرمه وداد وسمعتهم الضائيعــه رجع ..
حلف ينزل راس عبدالرزاق للارض ..
ويبكيها دم بدل الدمع ..
وهذا بداية الخير ولاد عمها جائي ..
بندر اي نيران وبراكين تشتغل بداخله ..
كيـف يتكلم عن سديم كذااا بهالبرود ..
..قال بكل هدوء وكانها انسان ثاني ..
غير اللي يتمنى يفرغ المسدس في الواطي اللي قباله ...: حكالي عبدالله كل شي عنـك .. وعنها ..
وهي قالت لي انها ماتدري عن شي لان بوقتها تكون مو بوعيها ..
ابتسامة نايف تحولت لضحكه طويله عاليــه.. :اووه بدري ههههههههههههههههه ..
توك دريت هههههههه ..
بند ر فلتت اعصاب .. قال بين اسنانه : كل تبــن .. مافيه شي يضحك ..
زاد صوت ضحكته ولنشوه ولانتصار يتملكــونه : ههههههههه
- رجع جسمه لورى باسترخاء –
آآه ذكرتني بايام ..آآه على جسم سديم وريحتها ..
ضغط بندر على المسدس بقوه والالم يطلع لحلقه ..
كل جسمه يرتجف من القهر والغضب ..
مايتطلب منه شي بس يحرك صبعه شوي وتفلت الرصاصه لقلب الحقير نايف ..
بس لاااا ..من بيلم فضيحه اغلى انسانه بعالمه ..
كور ايده لقبضه قويه وهو يسمع استهزاء نايف وتنهيداته : آآه ذكرتني لما كنا انا وهي لوحدنا ..
آآآه يوم كانت بحضني وبين ايدي ..وتـ
ماكمل جملته الا وقبضه بندر على وجهه ..
مايقدر يتحمل استفزازه اكثر .. حتى اللوح لو يسمع حكيه يتنرفز ..: كــــل تبن ..
نايف مسك فكه بايده وهو يتالم .. لكن ابتسامته وسعة ..: تتهجم علي بمكتبي ..
لااا هذي فيهـا قـ
قاطعه بندر وهو موجه عليه المسدس : أسممممممممممممممممع ..
انا عطيتك وجه كثير ..اسمعني كويس ..
تروووح لعمي الليله تخطب سديم وتلم سواد وجههك اللي انت عملته ..
والا ..
لك خيرين ماعندي لهم ثالث ..
نايف بلع ريقه وهو يناظر بالمسدس كيف موجهه له كويس ..
ماجاء بمسدسه وداخل المكتب الا مستبيع وعليه وعلى اعطائه ..
: تخسسسسى الا انت اتزوج هذي المزبه ..
بلاااويكم خلوها عندكم ..
بندر : اسممممعني لحد ماخلص ..
وبتتزوجها وراسك فوق رقبتك ..
.. الـ 8 مليووون بعد ماتملك عليها صباح اليوم الثاني تكون راجعه للبنك ..
او تنرمي بالسجن ..
نايف ناظره بقهر .. وبذكاءه المعهود قال استناجه : انت اللي مدبرها صح..؟!
بندر دخل المسدس بجيبه : وش رايك يعني العب معك انا ...
لك لبعد الساعه 8 ماجائيت لبيت عمي بيكون لي تصرف ثااني ..
نايف احتقره بقهر ..وقال باستهزاء : 8 ملاااين حطعها بجيبك ..
ودر حد غيري يلم فضايح بنتكم ..
بندر مشى لعند الباب وقبل لايطلع وقف ولف علىنايف وهو ياخذ نفس طويل وتنفسه زفراات ساخنه ..: شكلي نسيت اقولك انا دكتور ..
ولما سقطت بنت عمي اخذنا لها تحليل موجود عندنا بالمستشفى ..يسمونه تحليل DNA .. هذا يبين اهل الجنين ..
ابوه وامـه ..وناقصنا تحليلك ..تلفون واحد مني لـ شرطه تجرك من سجنك للمستشفى وكل شي نثبته ..
لك لبعد الساعه 8 .. عقلك براسك وتعـ....
طلع وسكر الباب وهو يرتجف اكثر من القهر ..
طعنه قويه بقلبه ..
يقول لواحد سافل مثل هذا يتزوج سديم ...
يتزوج روحه وحيــاته ..
.
.
نايف جلس على اقرب كرسي ورجله ماهي بحاملته ...
ناظر بكاسة عصير الليمون اللي قباله ..
متى دخل العصير ..؟؟!!
ومن دخله ..؟؟!!
شربه كله دفعه وحده يمكن يروي عطشه ..
ويساعده يفكــر..
ناظر لساعه ..
4..
له 4 ساعات ويقرر ..
فتح قلاب ثوبه من الضيقه وتمنى يفصخ ملابسه بعد ..
هو يتزوج وحده داخل وطالع عندها ..
وحده تحشش وماخذ الحياه بالطول والعرض ..
ابتسم فجاءه ..
وحده ابوها المليونير عبدالرزاق الـ###
بنت من قبيله الـ ####
وحده انولدت وبفمها وبايدها الذهب ..
وحده الورث اللي يجي لها مايتخيلها ..
وحده مصروفها الشهري راتبه سنه ..
وحده كنـــــــــــز ...
ايوا كنــــــــز ..
لها بيوت وعمارات وشقق وفلل وبتكون له ..
يجيب له بنووك اذا اخذها ..
بيسكن بقصر لو اخذها ..
وش ذاا الغباء اللي فيه ..
كيف يرفس نعمه واصله لعنده ..
اخذ مفتاح سيارته وطلع من البنك مستعجل بيحكي مع ابوه وعمامه يروحون معه يخطب ..
بياخذ كل قبيلته وبيخطب الكنز ..
ابتسم ..
اذا اخذها بينتقم منها صح ..؟؟!!
بيمص من دمها وفلوسها تعويض عن اللي عملته بوداد ..
بيخلي وداد تتنعم بفلوس سديم وتحط راسها براسها ..
ــــــ،،،،.ـــــــ,,,ــــــ,,
..و نـضل ضـ ح ـايـا ..
ــــــ،،،،.ـــــــ,,,ــــــ,,
*..ضغوط ..*
: يمه الله يهداك خلاااص موضوع وانتهى..
ليه كل مره اجلس معك تعيدي وتزيدي فيه ..؟؟!!
ردت على ولدها وهي تمرخ رجلها : لاااني مقهوره ..
وابغااها لك ..
آآآه أنت ماناظرت النسووان وهن يمدحن فيها بزواج ريوف امس ..
والله كان بودي اقولهم ذي مرت ولدي بشر ولأحد يقرب منها ..
بشر أخذ فنخان القهوه من امه وهويضحك ببساطه : ههههههههههه ..
يمممه الله يهديك بس ..
لاتنقهري ولاتضايقي صدرك ..
البنت ماتبي العرس لامني ولامن غيري ..
ام بشر عوجت فمها : مع انها حبيبه بس مادري وش الدلع ..
ماهي بصغيره ..
حتى انها ..اكبر منك وردتك ..
أخذ شماغـه من على ايد الكنبه وهو طفشان امه ماعندها غير هالطاري حتى لو انه بينسى البنت او يبعد نظر بيرجع يفكر فيها ..
: يمه لله يعافيك نادي لنوف ورؤى يطلعوا ..
انا احتريهم بالسياره تاخرنا على بيت عمي ..
ام بشر : ان شاء الله ..
انا قايله لهن ينامن مع ريم ورنا ببيت عمهن بس ذا النحيس نووويف لاعندت عندت ..
بشر ابتسم : يمممه ببيتها راحتها ..
تعرفين نوف ماتندمج مع فجر كثير ..وترمي عليها حكي ..
: من هذي اللي ترمي حكي ..
اتسعت ابتسامته اول ماشاف اخته الغاليه : وش ذاا الحركات والكشخه ..
والله ماعرفتك يانووف ..
نوف ضمت اخوها بدلع : انا من يوم حلوه وكشخه ..
- رمشت بعيونها – واحلى من فجر صح ...؟؟!!
ناظر بامه مستغرب وش الغيره القويه من فجر : آآآكيد ..
يله وين رؤى تاخرنـا ..
نوف بعدت عن اخوها وعدلت برقعها : يمممه ..
الا انتي من جدك مانتي برايحه لصبحيه ريوووف ..
الجماعه كلها هناك ..
ام بشر: لاااا والله مافيني يكفي امس واللي قبله رجيلااات مافيهن حمل ..
بشر ناظر امه وهز راسه ..
من شهرين تقريبا ..مادخلت بيت عمه ..
من اول مارفضته فجر وهي حالفه ماتدخله الا لما ترضى ..
داري ان هذا السبب بس مايبغى يتدخل هي وزوجه عمه يتفاهمووون ..
.
//
.
: ياافجر الله يعافيك حطي المدخن من ايدك ..
واطلعي ساعدي ريوف تجهز شنطها ..
حطت فجر المدخن بجنب صندق العطور على طاوله مقلط الحريم ..: خااالتي ..
شنط ريوف جاهزه ..
والبنات عندها فووق يساعدونها ..
ام يعقوب تنهدت بتعب : بنااات مين .؟؟!!
ريم ورنا يجهزون الضياافه ..
وسهام ياله تحرك جسمها وهند مابعد توووصل ..
وريووف ماتبي حد يرتب اغراضها بشقتها غيرك ..
فجر مدت بوزها : بس انا مابغى اروح معها ...
شكلي غلط هنااااك بيت اهل زوجهااا ...
لااا ياخالتي روحي انتي ..
ام يعقوب رفعت كتوفها : ماقدر ..
البيت كله على راسي والجماااعه ماهي بحلوه اتركهم ..
طلعت فجر لفوق وهي مبوزه ماتبغى تروح .. وش محلها من الاعراب ..
مايكفي الاحراجات اللي فاتت من اول يوم ملكة فيه ريوف لهالللحين ..اللكل بعيونه سؤال من هذي ..؟!
من بنته ..؟؟!!
وش مجلسهم معهم هنـا ..؟؟!!
مالها اهل ..؟؟!!
رجع لها احساس انها لقيطه بس بطريقه ثانيه وبين اهلهـا..
امس فارقت ريوف .. بدموع فرحه ..
صحيح انها بتفقدها بس بعد الزواج استر واحسن لهـا ..
تفرح لاي بنت تتزوج وتصون نفسها .. بعيد عن ذئياب البشر والفراغ ..
فتحت الباب وهي تضحك : لوووووووووووووووللللل ..
ياااااااهلا وغلااا بالعروووووس ..
ريوف فتحت فمها على وسعه والضحكه ماليتها : هههههههههههههههه ..
ياااهلااا فيك ..
وينك لي نص ساعه من جيت يالدوووبا ..
فجر ضمتها بخفه وهي حالفه ماتنزل اي دمعه بعد اللي نزلته امس ..
طوال الوقت بصاله الافراح وهي تبكي .. فرح وحزن ..
جلست قبالها على السرير وهي تتربع ..: والله مشغوله ترى من امس مواصله ...
كل هذا علشاانك ..
ريوف ظربت فجر على ظهرها : نررردها لك بالافراح ..
فجر تحسست ظهرها :آآآه وش ذا الدفاشه هذا وانتي عرووس ..
الله يعين يزن عليك ..
ريوف رفعت تعليقه فستانها الاحمر اللي نزلت من كتفها لايدها ..: آآه فديت يزن ..
وفديت العروس والعريس ..
والله ان العروس وناسه يافجوووره ..
فجر ضلت على ابتسامتها بدون ماترد ..
(( مسكييينه ريوف ماتدري وش ورى الرجال وش ورى العرس ..؟؟!!
بدايتها كذا وناسه وضحك بعدها ..كذب .. وخيانه ..واهمال ..
انا شايفه بعيوني ياريوف كم معرس جاء لعندي وكم اب عياله طوله تحت رجلي ))
ريوف بسرحان : تصدقين على كثر ماسمعت اسم يزن ويزن هقيته مزيوون ورزه ..طلع وجه فقمه ..
فجر رددت ورائها : فقمممممممممـه ..؟؟؟!!
ههههههههههههههههه .. وربي انك وحده مهبوله في مرررأه تقول عن زوجها فقمممه ..
ههههههههههههههههه
ريوف ابتسمت وكملت بجديه : والله من كثر عيابي على يعقوووبوه انه طولي جاء لي رجل اقصر مني ..؟؟!!
فجر تمددت على ظهرها وماهتمت لتسريحتها واكسسوارها ..: هذا لانك ماشفتيه الا أمس ..
لهاللحين احس اهله متخلفين ..
في رجال مايبغى نظره شرعيه ولا حفلة ملكه ..
ريوف : عاادات ياماما بكره ان شاء الله اذا خطبتي ولدي لبنتك ..
بتشوفيين ان العادات ضروريه ..
فجر عدلت جلستها وهي تضحك : وووولدك ..
لببببنتي ..
ههههههههههه ..
وربي انك وحده داجه..
أأنتي قبل صيري مرأه بعدين فكري بعيالك ..
ريوف تنهدت : والله احسني كبرت سبع سنوات ..
فجر ضحكت اكثر اختها مجنونه ومهبوله : ههههههههههه ..
ريوف : اتركي عنك الضحك وتعالي قولي لي ..
امس كاني لمحة محيييسن المغضوب عليه يسلم علي ..
هو جاااء من لبنان ..؟؟!!
فجر بفرحه : صحيح ماقلتك قرر يترك البرنامج ..ويرجع لهنا ..
يقووول ان هناك بلاااوي ..
ريوف وقفت تناظر زينتها بالمراءيه : كلنا ندري انه بلااااوي ليه يستهبل ...؟؟!!
فجر وقفت بجنب ريوف وبان طولها ونحفها بالنسبه لاختها : مااافهمتي قصدي ..
يقول ان اذا البنت هناك تتنازل حتى الرجاال يتناوزل ..
انتي افهميها عاد ..
ريوف شهقت و حطت ايدها على فمها : والله ..
آآآيه يالخايسين ..
لااااا ..طاح من عيني هشااام ..
ريم : من هشااااااااام ..؟؟!!
رنا : يالقررررف مالك يوم عند رجلك وترثيين غيره ..
ريوف ناظرته بعصبيه مصطنعه : بسم الله متى نطيتوا انتم ..؟؟!!
وش تبون طالعين فوق وتاركين الضيوف تحت ..
رنا شمرت اكمام وهميه عند ايدها : نساااعد بالشنط وجهزنا عباياتنا نروح معك نرتب لك اغراضك ..
ريم : لاتناظرين اختي كذااا ..
عمي قال كذااا ..
ريوف : انا مااابغاكم ابغى فجووره ..
فجر استغلت الفرصه : لااااا ..
ماقدر انا اساساً بنزل لتحت ..
بساعد خالتي مسكينه لوحدها ..
طلعت بسرعه وسكرت الباب ماتعطي لريوف فرصه تعترض ..
نزلت لتحت وهي تفكر بضيقه هاللحين بيجون رؤى ونوف وام بشر ..
الله يعينها على النظراات ..
مايكفي سهام اللي ماهي براحمتها ..وترمي عليها حكي ماهي بفاهمه قصدها منه ..
كل شي بنظرها يهون بس تكون قريبه من امهـا وابوها ..واخوانها ..
وقفت شويه عند المرايه قبل لاتدخل المطبخ .. ترتب شعرها بتسريحته الباف البسيطه وفستانها الاخضر ..والابتسامه بشفايفها ..
ياااحلو راحه الباب والضمير ..
الابتسامه بدءت تختفي تدريجياً وهي تسمع صوت سهام الحاد مع انها موطيته : لهااا شهرين مادخلت لبيتنا بسببها ..
هند ردت بهدوء : سهاام حرام عليك وش فيك على البنت ..
تعرفين زوجة عمي تزعل لها شوي ثم ترضى ..
ومانقدر نغصب فجر تتزوج ..
سهام بعصبيه بسيطه : ولييييييييه ماتتزوج ها ..
وش براسها ماتوافق على بشر ..
عشر من امثالها يتمنون نظره منه ..
آآآآف ..
هند : ياااربي منك ياسهاام ..
انتي اذا ركبتي راسك محد يقدر عليك ..
سهام بتهديد : اللي قاهرني اليوم برجع مع زوووجي ..
هند : وليه مقهوره من متى وانتي اهلي ..
مصختييها ..
سهام تاففت : موو عن كذا بس اكييد القرعه بترعى ..
الست فجر بتاخذ راحتها بالبيت ..
هند : وش قصدك ..؟؟!!
سهاام : حتى لو قلتلك مرااح تفهمين ..
ولااا احد راح يصدقني او يفهمني ..
دق دق ..
فجر حطت ايدها على قلبها اللي دق بس رعه ..
وغمضت عيونها بقووه ..
المستور انكشف ..
سهام درت عنها وعن ماضيها ..
سهام ارتفع صوتها شوي .. : والله اذا الاسبوع الجاي خالتي ام بشر مادخلت بيتنا لاكون طارده هالزباله هذي ..
هند بعصبيه : وش ذاا الالفاظ احترمي نفسك شوي ياسهام ..
انتي هاللحين بتصيرين ام وكذا حكيك ..
سهام تنهدت بضيقه وغرقه عيونها : خاايفه على امي وابوي ياهند خايفه عليهم ..
هند : من فجررر..؟؟!!
حرام عليك لها فوق الـ
ماسمعت باقي الحكي ..
ومشت لاي غرفه عند وجهها بعيده عنهم ..
سهام عرفت كل شي ..
سهام داريه من تكون فجر المومـ ## الزانـ### ..وكيف كان وضعها ..؟؟
ليه ساااكته وتعاملها كذاا ..
حطت ايدها على فمها تمنع شهقتها ..
معقوله
اكيد مستحيل ..
بس تصرفها تدل انها ..
...........درت انها اختهــــــــــا .............
ــــــ،،،،.ـــــــ,,,ــــــ,,
..و نـضل ضـ ح ـايـا ..
ــــــ،،،،.ـــــــ,,,ــــــ,,
^.. رجـوووع الكرامـــه ..^
انقلاب الموازين ..
بلحضـه صار القـوي ضعييييف ..
من غناء فاااحش لفقر مجحف ..
كاسه مويه وزيت اختلطوا مع بعض ولاول مره باندمـــاج ..
جزياءة استحالـه اندماجهـا .. اندمجــت..
ونزلت الرؤؤؤس الشااامخــه ... للأرض ..
.
.
فتحت الباب بسرعه وبحماس ... : ماااامااا ...
ماااامااا..
سكرت دفتر التحضير والتفتت لبنتها : ايوا ليونه ايش عندك ..
لانا حطت ايدها على قلبها تاخذ انفاسها ..: آآآه ..آآه ..
في عدود وعدوده ..
داعدين برى .. مع دده وعمه اسيل ...ودده ..
ماعطوووني حلووويات ...
"<في عجوز وعجوزه ..
جالسين برى مع جده وعمه اسيل وجده ..
ماعطوني حلويات ..>
شجن بلامبالاه وقفت : كيفهم هم وعجايزهم ..
- فتحت ادراج لانا –
ماما ..تعالي اشوف هذي الملابس مقاااايك والا اطلعهم للفقراء .. ..
لانا تخصرت بعصبيه : أنتي ماتفهميييين ..
ادولك عدوووزين برى تدوولين ملالالالالابس..
شجن بهدوء : لاتصارخي علي ..
سمعت وش قلتي بس مالنا دخل ..
- سحبتها من ايدها – تعالي قيسي الملاااابس ..
لانا تاففت : حنا فقراء كيف نعطي فقراااء ..
شجن رفعت حواجبها ..
نغمه جديده هذي ..حنا فقراء ..ذا الايام ماهو بعاجبها حكي بنتها دايم تتذمر وتتافف وهاللحين تقول فقراء ..
قالت بنعومه : ليوونه حياتي من قال ان حنا فقراء ..
لانا رمشت بعيونها ورفعت راسها تقلد حركه اسيل : عمممه اسوله امس فتحت الثلاجه ودالت ..
وش ذاا الفقر مافيه ..
- عقدت حواجبها – مافيه ايش ..
نسيت ..
شجن (( والله كنات داريه ان ذا السوسه بتخرب علي بنتي ..))
: لااا يالانا بالعكس حنا عندنا اكثر من غيرنا ..
وعمتك اسييل اخلاقها شينه ماعليك منها ..
لانا وهي تلبس البلوزه الصغيره عليها ..: لاااا عمتوو حلوه ..
شجن تنرفزت حطت يدينها على اكتاف بنتها ..: لاااا ماهي بحلوه ..
ماتشوفي مامتها تركتها ورااحت لان اخلاقها شينه ..
لانا فصخت البلوزه بضيقه : هذي صعيييييييره ..
- مدت بوزها وقالت بتفكير –
بس مامتها تحت ..
هي مامتها العدوده ..
شجن : ايش العجوززززززززززه ..؟؟؟!!
امهــــــــــا ..
ام اسيل ..
يعني ام مساعد ..
يعني ام ممممممممممممممطلــــــــــق ..؟؟؟!!
بلعت ريقها بخوف ..
جاء الوقت اللي شالت همه كثير ..
((..لااا ..
لااا يارب مو هاللحين ..
ماني مستعده ..
يااارب بسرعه جاءت ..
ياالله ..))
جلست على السرير وعضت شفتها ..وهي حاسه ببروده باطراف يدينها ورجلها ..
وش مجيبها هذي هاللحين ..؟؟!!
وش ناويه عليه ..
بتقلعها هي وبنتها بالشارع والا لا ..
آآآآآآآه ..
ياربي آآآآآآآآه ..
بلعت ريقها وهي تذكر ايام كانت سوداء بحياتها ..
: شججججن ماما وصلت تحت ..
تعالي تبغاك ..
ناظرت شجن باسيل وهي واقف عند الباب وابتسامه شماته على انتصار ماليه وجهها ..
جاءت نجلاء ..
جاءت ام مطلق ..
جاءت الجشعه الظالمه ..
ضمت ايدها لبعض تخفي رجفتها ..
خايفه ..
ايوا خايفه وبتموت من الرعب ..
هي شافت من ام مطلق وابوه محد شافه ..
قالت بتردد ..: وش تبي فيني ..؟؟!!
اسيل رفعت كتوفها بلامبالاه ...وعلىى وجهها نفس ابتسامه الشماته : مااادري ..
انزلي وبتعرفي ..
شجن قالت بسرعه وبتهور : قوليلها اللي يبغاني يجي لي ..
أنا مانزل لحد ..
اسيل احتقرت شجن ..وهم بخلافااات مستمره طوال هالشهرين ..
كان التوتر بينهم لابعد حد .. وكلها بسبب شغل تالبيت على مين بعد ماسفروا كل الخدامات ..
شجن تنرفزت : ليييه تناظريني كذا وش عندك ..؟؟!!
أسيل ابتسمت بانتصار : جد كل قوي فيه اللي اقوى منه ..
ماايعرف لك الا ماما ..
شجن اشرت بايدها بطفش : ضفففي وجهك ..
قال ماما ..
انا محد يقدر علي من اهلك الـ#### هذولاء ..
اسيل حطت ايدها على فمها .. وناظرت بشجن بصدمه ..
وش ذا الكلمه القذره اللي قالتها ..
اول مره تسمع مثلها من شجن اللي على مساوئها لسانها نظيف ..
: مشاااء الله ..
هذا وبنتك بجنبك كذا الفاظك ..
أأأنا قايله من زمان انك بنت شوارع ومانتي وجه حد يلمك ..
الله يرحمه مطلق السحر عمل عمايله فيه .. والا العمي مايناظر بوحده من اشكالك ..
اسيل التفتت لامها : ماااما متى صعدتي ..؟؟!!
شجن ضلت جالسه بمكانها وعيونها بعيون اكره مخلوقه على الارض ..
ماتغيرت نفس نظراتها المتكبره .. ووقفتها المستقيمه ..
هذا سمارها وهذي عيونها الصغيره الحاده ..
محد من عيالها طلع يشبها بالشكل ..وجهه خبيث ومنفر ..
انسانه من حجر ماتملك قلب ..
لسانها اسود ماينزل الا سم ..
" بنت شوارع..
...
مانتي وجه حد يلمك ..
..
السحر عمل عمايله فيه ..
..
العمي مايناظر بوحده من اشكالك .."
نفس المصطلحات والحكي الجارح ...
بس فيه اختلاف ..
شجن الصغيره المراهقه ..
كبـــــرت ...
شجن الليتيمه ..اللقيطه .. التايهه ..
فهمــــت ..
شجن الضعيف ..
قوت ..
ولا عشره من امثال نجلاء تقدر عليها ...
هي وقفت بوجهه ولدها مساعد " الرجال " ومايهمها الحرمه هاللحين ..
رفعت انفها بطريقه دفاعيه ..
تكابر خوفها وارتباكهـا ..او تعطي لنفسها ثقه وتساوي راسها براس نجلاء ...
قالت ببرود : آآآآآوه ام مطلق ..
انتي لحد هاللحين عائشه ..
ام مطلق احترقتها بنظرات سريعه ..متعوده عليها ..
: هذي بنتك ..
لحد هاللحين مصممه انها بنت مطلق ..
كل هالسنوات ماتعتبي من كذبتك ..
شجن ضغطت على ايدها اكثر لحد مابيضت اصابيعها ..
لهاللحين تشكك فيها ..
لهالحين تتهمها وتظلمهـا .. وتعيد بالمنوال القديم ..
ناظرت بلانا اللي تناظرهم عاقده حواجبها الصغيره ..
بنتها ذكيه وتفهم ..
يمكن مااتفهم الحكي هاللحين بس بتضل ذاكرته ولاكبرت بتفهمه او حتى بتسال عنه لحد ماتعرف ..
لاااا ..
مراح ترضى لاي حد يجرح بنتها مثل ماعاشت طوال حياتها ..
كطريقه دفاعيه رفعت لانا لحضنها ..
وقالت بحرقه قلب ماقدرت تخفيها .. : الله يحرق قلبك على اسيل مثل مانتي طالعه ونازله تحكي ببنتي ..
ام مساعد فتحت عيونها على وسعهم .. وتعابير وجهها تغيرت لقرف ..
: ياشينك لاتمسكنتي ..
على بالك مظلوم وتدعين ..
لاااا وتحكي بكل وقاحه .. ماكنك انتي اللي فرقتي بيني وبين اولدي ..
بس أنا ..
وانا اخت سعود والله ماخليك بحضنك ..
واعلمك كيف حد ياخذ ضنااااك ..
- لفت على اسيل وهي تفتح عبايتها ببرود –
تعالي ماما اسيل نتجهز قبل لايجوا خالاتك ..
ولاااعاد اشوفك تحكين مع ذا الاشكال ..
طلعوا وتركوها ..
من الظالم ومن المظلوم ..؟؟!!
من اللي له حق يدعي على الثاني ..؟؟!!
هو خطاء اهلها انهم رموها تواجه قسوة الحياه لوحدها ..؟!
والا خطاء الشايب اللي رباها وزوجها مطلق ..؟؟!!
والا خطاء مطلق اللي تزوجها وستر عليه وعارض اهله ..؟؟!!
والا خطاء عجوز خيبر وسواد قلبها ماسامحة ولدها ..؟؟!!
والا الخطاء الاكبـــر والمجرم مساعد ..؟؟!!
من المذنب ..؟؟
ومن المخطـــــــي ..؟؟!!
ماحست انها تبكي الا لما
ماحست انها تبككي الا لما لمست اصابع لانا البارده خدودها تمسح دموعها ..
وهي قريب تبكي معها ..: ماما ليه تبكييييييييين ..؟؟!!
ليه العدوده تصالخ كذاااا ...؟؟!!
هذي بلسم جروحها ..
هذي دوائها ...
ماتبغى من الحياه الا هي ..
مسحت دموعها بسرعه ..وباست يدين بنتها ..
ضروري تكون قويه علشان لانا ...
علشان تدافع عنها ..
ابتسمت بالم وسط دموعها ..وهي تدفي يدين بنتها ..
حتى بنتها خايفه ..
اطرافها بارده مثلها ..ورثتها منها ..
لازم ماتخليها تخااف .. لازم تعلمها القوى بوسط اهل ابوها الشرسين ..
قالت بصوت مخنوق ...: لااا ماما مافيني شي ..
لاتخافي ..
يله حبيبتي نتروش لان العجوزه تقول ان اخوتها بيجوا..
وانتي لازم تصيري مرتبه وعاقله طيب ..
لانا ابتسمت لابتسامة امها : طيب بس انتي لاعاد تبكين ..
وعد ..
شجن هزت راسها : وعد ..
لانا نزلت من حضن امها وهي تسال بتفكير : مااامااا ..
هاللحين احب هذي العدوده والا مثل عموو مساعد ..
شجن ابتسمت اكثر : لااا لاتحبيها ..
هي ماتحبك وتبغى تاخذك مني ..؟؟!!
لانا هزت راسها بقوه وهي تقنع نفسها تكره العجوزه ..
مشت خطوتين بتطلع من الغرفه .. وقفت فجاءه ولفت على امها واسئلة فجاءه ..
: ماما يعني ايش الـ##### ..؟؟!
شجن شهقت ..
بسرعه لقطتها بنتها وحفظتها ..
: عييييييييب ماما لاتحكين كذااا ..
هالحكي ما يقولوه الكساله ..
لانا ابتسمت بخبث : بس انتي دلتيييييييه من شوي ..
شجن توهقت ماعرفت وش ترد على بنتها ..
مشكله اذا عندك طفل فطين وذكي ..
قالت باستسلام : لان العجوز تستاهل اقول لها كذاا ..
هذي ماقولها الا اذا انقهرت ..
وانتي لاتقوووووووووووليها ابدا ً الا لما اقولك طيب ..
لانا اخذت منشفتها من الشماعه بدون ماترد ..
ماقنعها حكي امها ..
شجن سكرت الباب اول ماطلعت لانا وتنهدت ..
وش منتظرها بالايام الجائيه ..
ام مطلق ورجعت خلاااص ومالها طلعه من البيت ..
وهي مستحيل تعيش مع وحده ظلمتها ..
الا في حاله وحده ..
ابتسمت بخبث وعيونها غرقه ..
الا اذا كانت بتاخذ حقها منها ..
وتحرق قلبهـا ..
ناظرت شكلها بالمرايه وهي لهاللحين بالروب وشعرها الكيرلي فاتحته..
تبدل وتجلس مع خوات نجلاء ..
تشوفهم بعد ماترجت كل وحده منهم وماخذت الا المذله ..
والا تجلس بغرفتها ..
قالت لنفسها وهي تعوج فمها الصغير : الييييييييوم شكله اليوم العالمي لشـ####..
ابنزل واشوف وش بيدك ياعجوز خيبر ..
بس قبل لازم اغث ولدك حتى لو انـه بعيد ..
فتحت شنظه ايدها الصغيره وطلعت جوالها الذهبي ..
دورت على رقمه بعيونها وهي تقول بلسانها : امم ..وينك ..
الز ...
الز ..
هذا هووو ..
الزفت ..
ضغطت الاخضر بدون اي تردد ..
يانا .. يانتي يام الزفت ..
.
//
.
الشمس مره قويه ..
والجو حار ومكتـــوم ..
وهو بخط بعيد عن نعيم المكيفات ودلال الراحـه ..
وقف شاحنته الكبيره عند محطه من محطات الطريق راجع من الدمام لرياض ..
له شهرين وهذا حاله ..
رايح وجاي .. مايرتاح الا ايام قليله ..
الطريق انيسه والظلام ونيسه ..
كل هذا علشان يقدر يجمع مبلغ حلو يبدى فيه مشروع .. ويشاعد شجن بمصاريف البيت الثقيله ..
شجن ..
هي السبب بموافقته على هالشغل ..
ماصار يحتك معها كثير الا بالايام القليله او بالاصح بالاوقات القليله اللي يجلس فيها بالبيت ..
واذا جلس ماغير يسمع شكواتها من اسيل وتنطيشها لمسئولياته كبنت عاطله وفاضيه ومدلعه ..
واسيل تشتكي تسلط شجن ومعاملتها القاسيه عليها وعلى بنتها لانا احياناً ..
لو مو جدته بالبيت كان ماتركهم لوحدهم فيه فيهم ..
كل وحده منهم مستعده تطلع مسدس وتقتل الثانيه فيه ..
بشماغه ..مسح وجهه الغرقان عرق من الشمس ..
من كابتن وخريج طيران .. لسائق شاحنات ..
الحياءه قاسيه ومـره ومحد يعرف وين نصيبه وش مقدر له ..
شرب علبة المويه الباااااااارده على دفعتين ..
وكب علبه ثانيه بارده على شعره وراسه ..
حلق شعره زيرو ..من الحر مايبغى ولاشعره ..
وعلى قولة اسيل ورشيد .. صار شكله مثل المجرمين مع الجرح العريض اللي بخده ..
حتى لانا تخاف تلمس شعره ..
ابتسم على طاري لانا ..((حبيبة ذا البنت لبعكس امهـا القشره ..))
قال ذا الحكي بنفسه .. وهو يكذب كلمة القشره بداخله ..
الا طالعه نسخه مصغره من امهـا .. علشان كذا يحب يجلسها معه كثير ..
تنهد وهو شايل هم رجعته للبيت ..
امه ..و .. شجن..
وش اللي يصير بينهم هاللحين ..؟؟!!
اكيد البيت احترق ..
" الخير بوجهك ..
متى مارحت راح الخير ..
ماعلومك يضايقني فراقك ..
احن لك والشعور يخون هالتعبير ..
لين اخر الليل اقوم اقلب اوراقك ..
المشكله مالقيت لهالغلى تفسير "
ناظر بجواله وهو يسمع لنغمة شجن الخاصه ..
يطير الحر والكتمه والضيقه بس يسمع ذا النغمه ..
دااقه عليه ..
غريبه اول مره تعملها ..
بالعاده تخلي جدته تكلمه اذا تبغى شي ..
ضل فاهي يناظر بجواله ..
لهالدرجه من التعب يتوهــــم ..
أنقطعت النغمه ..
انقطع الاتصال ..
ضغغط الاخضر بسرعه بس كان متاخر ..
جاء بيدق عليها الا ارجعت هي دقت ..
" الخير بوجهك ..
متى مارحت را .."
رد بسرعه قبل لاتقفل من جديد ..
بارتباك ..: آآآآلو ..
سمعت صوت مساعد ..وكشرت بوجهها ..
مرتااحه لها يومين ماسمعت ذا الصوت الكريه ..
توها تكتشف انها بنعمه لما تفارقه ..
: آآسمع ..
أممممك هذي مالها شي بهالبيت ..
تضف وجهها وتنقلع منـه ..
هذا بيتي وبيت بنتي .. وتفهمها انه بفلوس زوووجي مطلق ..
والاااا..
تجلس ماكله تبن ومحترمه حالها ..
وقلها ..
- سكتت شوي ..قبل ماتكمل بصوت مخنوق .. -
تخسسسي تفرقني عن بنتي ..
طووووط ..
طوووووووووط ..
بعد الجوال عن اذنه ودخل بجيب ثوبه الابيض ..
وش ذا الاعصااار ..
شقت طبلة اذنه من صراخهـــا ..
شكل المعركه حآآآآآآآميه بينهم ..؟؟؟!!
وهو مثل الابله مبسوط من اتصالها ..
وش بيكون يعني تقله الله يعطيك العافيه تعال البيت من دونك مظلم ..
دخل شاحنته وسكر الباب .. وارتعش جسمه من برودة السياره عكس حرارة الجو ..
الى متى بيسكت لها ..
وش الحل معها ..؟؟!!
طلع جواله من جيبه بعد مادق بنغمة نوكيــا الممله ..
" الوالده " ..
تنهد بتعب ..
هلت البشاااااااااير .. وهو الكره بملعبهم ..
ــــــ،،،،.ـــــــ,,,ــــــ,,
..و نـضل ضـ ح ـايـا ..
ــــــ،،،،.ـــــــ,,,ــــــ,,
*..البرد لو هو يحس بشرهة عظــــــامي
ماكان يجرح..ضلوعي كل فجريـــــــه..!!*
ببلده نقيضة السعوديه بكل شي ..
http://www.designbuild-network.com/p...edom_tower.jpg
مشت بملل عند اسوارالملعب اللي بحيهـم ..
تناظر اللاعبين الهواه بكسل ..
عندها الحياءه ميته وبارده .. نظراتها للي حولها لامبالاه ..
عائشه ورولا رجعوا لسعوديه من زمــــان وهي ضلت وحيده ..
باول الاسابيع كانت تحكي مع عائشه دايم وتراسلهـا .. ومع الايام وانشغال عائشه المحادثه للي كانت اربع ساعات ..صارت ماتتعدى 3 دقايق ..
تسالها عن الفلوس اذا تبغى زياده وتسكـر ..
صارت تحسسها بكل مكالمه انها تتصدق عليها ..
لحد ماتواثصلت معها رحاب ا بالايميل بس .."مسجات"
قبل تضن انها بالسعوديه وحيده ومحد حولها .. لكن لما عاشت بامريكا عرفت يعني ايش الوحده والغربه ..
مشتاق تسمع صوت اذان ..
مشتاقه تناظر ثوب ابيض وشماغ .. عبايه سوداء ..
شهرين وشويه وماهي قادره تتكيف مع الوضع ..
نظراتها للكون رماديه ..سوداويه ..
قلبهـا يدق علشان تعيش .. ماتت فيه الاحاسيس ..
كيف تكون عندها احاسيس وهي شهرين لوحدها.. محد درى عنها ولا سائل فيها ..
هي والحياءه وبس ..
اثنين غالين اعطتهم رقمها ووهمت نفسها انهم بيسالوا فيها .. او يلحقوا ..
هي الاجتماعيه ماهي بقادره تحصل لها مكان هنـا ..
ولااا تبغى لان الحياه ماتسوى بنظرهـا ..
موس الكتب .. صارت كسوله.. ماتهتم لشي ..
بــارده مثل برودة نيويورك ..مثل الثلج الابيض اللي ينزل ..
تدعي ربها كل يوم تموت وترتـاح ..
آآي احاسيس تحيي قلبها ومافي حد مالي عينها الا طمعها بجراح ..وكذبها عليه ..
جراح هذا الانسان التافه اللي بنظرهـا ..
مايهمها وكانه حصاه بجزمتها ..
جلست على الكراسي الخضراء وعيونها سرحانه بالفراغ ؟؟
مالها اي هدف جالسه كذاا ..
ماتلوم المجرمين اذا اتقتلوا احد من الممل..
دق جوالها بنغمه " السلام الملكي لهتلر " .. ..
تحب تسمعها موسيقتها تحسها تعطي قوه ..
"جراح .. يتصل بك "
ناظرت للجوال بقرف .. ايش يبغى فيها هذا .. بغته عون صار لها فرعون ..
صحيح مستفيده منه مادياً بشكل كبير .. ويقضي وقتها .. والاهم انه مصدق كذباتها ..
بس مالها خلقه..
هاللحين بيسولف على راسها ويضحك وهي ماهي برايقه ..
دخلت جوالها لشنطتها بدون ماترد ..
.
.
وقف سيارته بمسافه بعيده شوي عن كرسيهـا .. عرفها من شنطتها وحجابها العسلي .. وهذا جاكيتها الفرير البني اللي دايم تلبسه باوقات البرد الشديد مثل اليوم ..
رجع دق عليها ونفس الحكايه ماسمع منهـا رد ..
استغرب ..
هذي البنت على جلوسها معه الا انها غامضه وهاديه كثيره ..
اللي يعرف عن البطرانات بالسعوديه مرجوجات و بالذات بالسفر ..
: آآف يا " آآآن " رررردي ..
.
.
رحاب قفلت جهازها مره وحده ..وهي معصبه ..
مصمم الا ترد عليه ؟؟
وش ذاا القرف والغثى ..؟؟!!
: ليه قفلتيه ..؟؟؟!!
على الاقل رديتني طمنتيني انك كويسه ثم قفلتيه ..
لفت عليه ناظرته باستغراب .. من وين طلع لها هذا وكيف عرف مكانـها ..
صدت عنه ببرود وهي تقول : مالـي حلق شي ابجلس لوحدي ..
جلس على نفس الكرسي بمسافه بسيطه وناظر لقدام وين ماتناظر : آآها ..
كنت داق اقولك تتغدي معي ..
اليوم أنا .. آآوف ..
رحاب رفعت شنطتها : معليش جراح وقت ثاني انا مشغوله اليوم ؟؟
جراح : اوكي بس اوعديني ع العشاء تكوني معي ..
رحاب هزت راسها : يصير خير ..
تركته ومشت لشقه ..وهي تفكر من ضامن انها ممكن تعيش لليل ..؟؟؟!!..
ــــــ،،،،.ـــــــ,,,ــــــ,,
..و نـضل ضـ ح ـايـا ..
ــــــ،،،،.ـــــــ,,,ــــــ,,
*.. استدراج ..*
.. بمسـ ج ـد قصرهم ..
واقف عند المغاسل يتوضاء لصلاة العشاء.. يمكن نايف يجي بعد شوي على موعدهم ..
.. غسل ايده فوق الخمس مرات وهو سرحـان ..
حاس بضيقه فضيغه ..
اللي عملـه هو الصح .. والا الغلط ..؟؟!!
بكـذا راح يخسرها للابد ..
بس راح يرجع لها شويه من كرامتها اللي انداست من المسمى اخوها ..
هو بنفسه يسلمهـا لغيره ..
كــذا احسن له ولها..
وهو انسان فاهم وواعي .. حتى لو ماتزوجت من مستحيل المستحيلااات تكون له ..
رهف ..
عمه ..
كل شي يدل انها مستحيل تكون له ..
علىى اقل يدور على سعادتها حتى لو كان بعيد عنهـا ..
بس فيه شي محيره وماهو قادر يفهمه ..
من سواله عن نايف اللكل مدح فيه وباخلاقه ..واللكل قال ان عيبه مايجيب عيال ..
كييييييييف ..
سديم كانت حامل منه ..
والغريب اكثر انه مانكر انها حامل منه ..وكانه عارف ..
فيه شي عبدالله ماحكاه له ..
ولااازم يعرفه .؟؟
تعوذ من الشيطان وتوضاء من جديد لان مايدري كيف توضاء قبل ..
اول ماسلم من صلاة العشاء كان عمه عبدالرزاق جالس بجنبه ويناظره بهدوء ..
ارتبك كيف بيفاتحه هاللحين ..؟؟!!
:آآوه عمي انت من زمان هنا ..
عبدالرزاق تمدد بكسل : لااا توني داخل ..
خير خوفتني ..
ايش عندك ..
وش الموضوع اللي ماينحكى بالتلفون ولا بالشركه ولااا بالبيت ..
انت فيك شي ..؟؟!!
رهف فيـ
قاطع عمه وهو يبتسم بهدوء : لاااااا ..مافيني الا العافيه ..
بس ..
طالبك ياعمي ..
عبدالرزاق استغرب ..
ولد اخوه ماهو بطبيعي اليوم ..
من اول ماحكى معه بالتلفون يبغى يجلس معه بمكان محد يبسمعهم فيه .. وهو حاس ان فيه بلاااء وشي كبير ..
: خيــر ايش عندك ..؟؟!!
بندر صر رجال وقل اللي عندك ..
بندر : اول شي قلي تم ..
عبدالرزاق باستسلام : تــم ..
ــــــ،،،،.ـــــــ,,,ــــــ,,
..و نـضل ضـ ح ـايـا ..
ــــــ،،،،.ـــــــ,,,ــــــ,,
• اجتمع قلبـــان *
نـــــــاويه لهم ناويه ..
كل الموجودات تكــــــــــرهم وهم ايد ام مساعد الثانيه ..
جلست بالمقلط بعيد عن نجلاء وبنتها اسيل .. اللي يستقبلوا ضيوفهم ..
اما هي ماتحركت من كرسيها ضلت جالسه بمكانها واللي يبغى يسلم عليها يجي لهـا ..
انتبهت باخت ام مساعد " شعيع " توقف عندها وتمد ايدها تسلم ..
المفروض والعادات والتقاليد حتى بمشروعيه الاسلام بالسلام .. انها توقف وتسلم عليها ..
لكن شجن ..
هالشي مو عندها ولااا من مخططاتها ..
مدت ايدها وهي جالسه رجل على رجل صافحتها وسحبتها بسرعه ..
ام وليد وام مساعد وصفاء و بدور واسيل ناظروها بقهــر ..
تحركت ام وليد وماحكت ولا كلمه على حركة شجن ..
لانها بنظرها بنتظر شواارع راحت والا جائت ..
وابتلت فيها اختهـا ..
أختهـا ..
مين نجلاء ..؟؟!!
ليه في معنى لكلمة الاخت بهالزمـن ..
بس مشاركه بالدم .. لاااا ودم ازرق بعد ..
أختها اللي ياما حكت بولدها ..
وياما رفعت انفها عليها ..ورمت بوجهها كلام يجرح ..
كانت نافخه ريشها على كم ريال تحصلهم من زوجها البطران .. وتمدح باخلاااق عيالها وذكائهم ..
وسبحان الكريم القادر ..
دارت الايام ..وصارت اقل من اختها ..
وفقدت واحد من عيالها اللي كان عاق فيها ..
والثاني بقايا انسان ..
وبنت فاشله دراسين ..
جلست وجلسوا بجنبها بنتها صفاء .. وزوجه وليد بدور ..
شجن ابتسمت بدلع لام مساعد ..: هلااا خالتي تناظريني بغيتي شي ..
ام مساعد احتقرتها ولفت على اخواتها مع الضيوف اللي عازمتهم وهي تبتسم باحراج ..
(( انا اعلمك يا#### ..
والله ماعديها لك .. والايام بيننا ..))
شجن على انتصارها ونشوتها ..اشرت للانا تجلس بحضنها ..
وهمست باذنها : اذا جلستي عاقله برضى لعمك ياخذك وين مايبغى ..
لانا بفرحه : والله ..؟؟!!
شجن كانت بترد على بنتها بس التفتت لصوت العكاز مستغربه ..
نزلت لانا بسرعه وقفت من الصدمه ..
نفس مسكت العكاز ..
الشعر الاسود ..
الملامح الحاده ..
نفس بشاير ..
بس على اكبر وانضخ ..
.
//
.
تهاوشت مع رعد بالسياره وماكنت تبغى تروح مع اهله لمكان اساساً ..
وعند مين بعد ..
عند خوات شعيع علشان يستفردوا فيها ..وهي الوحيده ..
علاااقتها بزوجها شبه منقطعه ..
تكررهه وماهي بطايقه تجلس معه لحضه ..
ولو بيدها من زمااان تاركته ..
انسان بارد ..
مثل الثلج ماعنده قلب ولا احساس ..
ولااا هي تبغى وده او تفكر تقرب منه ..
دخلت لبيت ام مساعد اخت شعيع وهي حاسه بضيقه فضيعه .. بس كل هالضيفه اختفت وتبخرت اول ماشافت حركة المرأه اللي ماسلمت على ام رعد ..
واللي رسم ضحكه على شفايفها مخلوطه بصدمه لما عرفت هذي المرأه من تكــون ..
معقوله هي شجن ..
شجن ..
البشره السمراء ..
الشعر الكيرلي ..
الملامح البيبي ..
البراءه ..
نفسهم بشجن ماتغيرت ..
الدنيا صغيره وبتلتقي فيها من جديد ..
الدار ..
الجوع ..
القسوه ..
البرد ..
الدموع ..
تنزيلة الراس ..
حرقه القلب ..
النقص ..
عاشوه سوا طول 12 او 13 سنـــــه ..
خوات بدون دم او اسم ..
العالم من حولهـــم سكت وسكن فجاءه ..
مافيه الا عيونهم تعانق بعض بعدم تصديق ..
صحت شجن من الصدمه .. من هزات بنتها لها : ماما ماما ..عادي اخذ عصير ..
ماردت على بنتها ولا لفت عليهـا ..
بس انتبهت انها بوسط مكان اللكل يكرهـا فيه واكيد يكرهون بشاير بعد ..
مشت بخطوات سريعه ..
شبرت الارض ببنطلونها الضيق بخطوات واسعه ..
مسكت ايد بشاير ..من دون لاتنطق ..
طلعتها من المقلط لغرفه الطعام وقفلت الباب ..
وسط نظرات اللكل المستغربه ..
ام مساعد : وين اخذتها هذي ...؟؟!!
بدور : حنا اللي مفروزض نسالك مو هي زوجة ولدك ..؟!!
ام مساعد ماتطيق بدور : اووه بدور ..
انتي جيتي لبيييييييييييييتي ..
والله ماتوقعت ..
قالي وليد انك يمكن ماتجي ..؟؟!!
صفاء قالت بسرعه تمنع اي خلاف ممكن يحصل بين نجلاء وبدور: الحمدلله ياخالتي ان ضيوفك ماجوا والا كان انفضحنـا ..
اسيل حطت ايدها على قلبها :آآيه والله ..
.
.
بشاير سكتت وماعترضت ..ضغطت على رجلها ومشت بنفس سرعة شجن ..
واول ماناظرتها تقفل الباب ضمتها بشوووق : شججججججججججججججن وحشتيييييييني ..
شجن ضمت اختها وحبيتها واغلى ماعندها من قلب وهي تبكي : اشتقت لك ..
بشاير نزلت دموعها اول ماسمعت بكي شجن .. : محتاجتلك ياختي ..
ضلوا يبكوا بدون حكي ..
وش ينقال غير الشوق ..
غير رمي الهموم بصدر بعض ..
الصمت ..
ثم
الصمممممممت ..
هو اللي ماليهم ..
وكل وحده تشكي همها بدموعها ..
انا تزوجت يابشاير ومات زوجي ..
اقتله اخوه ويتم بنتي مثلنــــا ..
مثلي ومثلك ..
شفتيها اللي كانت بحضني ولولاها كان اقتله واقتل نفسي بعده ..
انا ضعت اكثر برى الدار احلامنا برى الدار صارت لي كوابيس ..
يااختي شجن يالغاليه ماشفتيني وانا البس الفستان الابيض ست مـــــــــرات .. وبكل مره احسه لي كفن ..
وكل واحد منهم كاني دواسه لرجله يدوسني بعد مايشتريني من اللي ضاميني بسمهم وانا دجاجتهم اللي تبيض لهم الذهب ..
.
//
.
.. بمجلس الرجال ...
جالس بجنب ابوه ساكت ..ماحكى كلمه وحده مع آي حد ..
وماله خلق لآي شي ..
امه مبسوطه تقوله ان اللي ناويه تخطبها له جائيه لعندهم الليل .. وبتتعرض لفحص شامل من العايله كلهـا ..
يعني واثقين انها بتوافق ..
التفتت لضحكات رعد اللي جالس بجنبه ..
شكله مبسوط مره ومرتاح ..ماترك الجوال من اذنه ويحكي مع زوجته ..
عريس جديد مبسوط ..
من كان يتوقع ان رعد ينسىى بدور ويكمل حياته ..
لااا واللي تزوجها اللكل معترض عليها ومن ورى اهله مثل ماعمل مطلق ..
بس الاختلاف ان خالته شعاع قلبها طيب وماتقدر تقسى على عيالها بعكس امه ..
اللي مع ان مطلق مات الا انها عند موقفهـا ..
: وووين مسرح ..؟!!
التفتت مساعد لرعد وهو على تكشيرة وجهه ..
هذا رعد باناقته الزاايده و ضحكته البشوشه ..
كان هو يضاهي رعد اناقه ورزه ..
كان ينافسه بكل شي ..
لما كان وضعه غير .. قبل لاتسود الحياءه بوجهه ..
: بو لاشي ..
مشاااء الله من جلست وانت ماتركت المدام ..
رعد ناظر لجواله وابتسم بخبث ..: مدام ...؟؟!!
آآهااا قصدك المدام والجوال ههههههه ..
تخبر عريس ..
- قال بسرعه يغير الموضوع –
غريبه وين يزيد عنك ..؟؟!!
مساعد : يزيد بالملديف مبتعثينه العمل ..
سكتوا الاثنين ..على دقه جوال رعد ..برقم مسجل بدون اسم ..
رعد قطع الدقه وحط جواله على الصامت ..ودخله لـجيبه بدون مايرد .. لان نظرات الشياب قتلته ..
مساعد استغرب انه مسجل زوجته رقم بدون اسم ..
بس اخر همه يفكر برعد ..
ــــــ،،،،.ـــــــ,,,ــــــ,,
..و نـضل ضـ ح ـايـا ..
ــــــ،،،،.ـــــــ,,,ــــــ,,
×(× .. كـ,,ـأ,,نـ,,ـت .. و,,سـ,, ـتـ,,ـضـ,,ـل..×)×
طفت النور وبكسل رفعت الغطاء الاسفنجي عن سريرهـا ..
ثاني يوم بتنام بدون ريوف .. خلاااص ريوف تزوجت ومابقى الاهي ..
تنهدت وهي تمشي بالظلام تفتح الدرج تطلع الكريم تدهن قبل لاتنام ..
بتنام لوحدهـا بالغرفه .. حست بالوحشه ..متعوده على هبال ريوف وصراخها وفمها اللي مايتسكر ..
التفتت لصوت مقبض الباب اللي ينفتح ببطء .. ابتسمت أكيد سهام او امها يسلونهـا ..
لكن ابتسامتها اختفت ولونها بهت اول مادخل شافت بوسط الظلام جسم طويل وعريض .. تعرف هالجسم .. حافظته من كثر ماناظرته وتمنت تضمه وتبكي عليـه ..
عبدالمحســن ...؟؟؟؟!!!
ليه طالع لفوووق .. وليه يدخل كذا ..؟؟!!
وكيييف يجي هنا من الاساااس .. وهو عارف انها بس الموجوده وريوف موفيـه ..
شافتـه يدخل ويسكـر الباب ..بدون ماتتحرك او تفتح فمهـا ..
ماقدرت تصرخ او تفتح فمهـا ..جاءتها لحضه شلل فكري وجسدي .. ماطلع لفووق عندها وهو عارف ان مافيه أحد الا ناوي شي ..
ماتدري هي صدمه ان اخوهـا اللي ياما تمنت تجمعهم الاياام يطلع مثل صقر واشكالـه .. او صدمـه ان الايام ترجع بنفس الحكااايه ..
تداركت نفسهـا وتحركت بسرعه بتهرب .. بتهرب لعند البلكونا المتصله مع بلكونة امها وابوها ..
.
.
وقف عند الباب بعد ماسكره .. وعيونه تعودت على الظلااام ..ناظر بالسريرين فاضيين .. مافيهم آآي أحد ...
دور بعيونه وشافها واقفه مايدري عيونها تناظر وين ...
الظلااام مايساعده .. ومن وقفتها شكلها تناظـره ..
فجاءه تحركت بسرعه بتهـرب .. وهي تقول بصوتها المثير بالنسبه له : أأأأأطلع برى ..
خااف يعلأ صوتها او تصرخ وتفضحه تحرك بسرعه وامسكها .. سكر فمها بيده وهو يقول بصوت قريب لفحيح الحيـه : انكتمممي ..
لاتفتحي فمممك ..
فجر حاولت تخلص نفسها من يديه .. وهو كاتم فمها وانفاسهـا ..
لاااا الا أخوووي ..
لااااا ..
أنا أختك ياعبدالمحسن .. أختك الكبيره كيف تعاملني كذا ..
لاااا أنت أأأخوي ..
أأأأأخوي مانت مثلهم ..
: آآآآ..
’آآآآآ..
عبدالمحسن حاصرها بجسمـه .. شكلها وصورتها لهاللحين بباله .. كانت بلبس ثقيييل بس ماغطى جمال جسمها المثير ... وحركااتها الغنج ..
: والله ماأتركك للمهببوووول بشر ..
أنا #### .. #### ..
####### ...
حكي ماينقااال ومدح منحط .. كانت تسمع دااايم قبل كل ماقرب منها واحد من الزباااله زباين صقر ..
وهاللحين تسمعـه من جديد بعد ماضنت انهـا تخلصت منه وعاااشت براحه وسعاااده ..
لااااا والمصيبه تسمعه من مين ..
من أأأأخوهــا ..
او ..
اللي ممكن يكووون اخوهـا ..
تمنت تحضنه لكن موكذااا مو بهالطريقه القذررره ..
ماتحسه ممكن يكون اخوهااا ولد امهااا وابوهااا ..
او حتى ولد هالمرأه الطيبه والرجااال الشهم ..
هذا انفاااسه مثل الخنااازير اللي كانت صااحبتهم كل ليله ..
بين صراعها معه ..
جمعت كل قوتهـا وقدرت بصعوبه تدفه بعيد عنهـا بعد ماتمادى معها كثير ...
: أأأأأأأأأأبعععععععععد ..
آآآآآآآآبععععد عني ...آآآآآآبعععععد ...
ركضت لزااااوية الغرفه .. بين التسريحه والدولاب ..
ودموعها تنزل منهـا بسرعه .. وترتجف ..
أخوووووووهاا ..
هي متأكده انه أأأأخوها ..
أأأخوها الصغييير ...
كيف اخوها يقرب منها كـذااا ...
والاهم من هـذا كله ...
هي تاااابت ..
عضت اصاااابيعها ندم على اللي كانت فيه ومستحيل ترجع فجر المومس ..
مستحييييل ..
تسمح لحد يقرب منها بالحراااااام ...
ولا حتى بالحلاااال ..
تكره الرجاااال تشمئز وتقرررف منهم ...
ومحد بيقرب منها لحد ماتندفن بالقببببر ...
شافته يقرب منهـا بسرعه مطنش بكيها وشهقااااتها ..
.. صوووتها اختفاء مو راضي يطلع .. شفايف تتحرك بدون صووت ..: لـ ..لا..ااا ...
لا...تقـ ..تقـ... ـررر... ب ..
تـ..تـ...كـ...فـ ..ـى ..
مدت ايدها المرتجفه لقدااام .. تمنعه يقرررب منها ..
هووو اقوى .. هو اعرض ..واطول ..
هو رجااااااااال ..
وهي مرأه ..
صارت بين أيديه ..
بين ايدين اخوهااا اللي مايدري هي مين .. ولااا خطر بباله للحضه تكوون اخته ..
جاء لها وناااوي عليهـا ..
حاااس انها مو خاليه .. من خبرته بالحريم وسوابقه يعرررف البنت البكر من غيرها ..
وهذي يبصم بالعشررره انها مو بكر ...
كانت متزوجه ارمله مطلقه ..
مايهمه ..
اللي يهمه انه اذا عمل اللي يبغاااه محد بداري او عارف عنه ..
فجر كانت بحاااله من الثوران ترفسه وتضربه وتمشخه ...وكانها اول مره تكون بين ايدين رجااال .. كانها بنت بنوووت تحاول تحافظ على نفسهـا ...
مراااح تسمح له يقرب منهـا ..
مسلسل القذااااره انتهى من زمان ومراح تعيده ..
صرخت باقوى صوووت ممكن يطلع عندهاااا ..: آآآآآآآآآآآآآآآآآآآآآآآآآآآآآآآآآآآآ..
صرخت وصرخت ..
لحد ماراح صووتها .. وضعفت قوتهـا ..
خلااااااص اكيد بتنتهي هنـا احلااامها العذراء قريب بحضن هالعايله ...
لكن رحمة رب العباااد اوسع .. كانت معه بالرخااا ولما دعته بالشده كان السميييع البصير ..
ارسل لها من ينقذها ....
انتشر النووور بالغرفه فجاءه مع صرخه خشنه ..: عبدالممممحسسسسسسن..
يالننننننننننننذذذذل ..
ماتدري من حكى وصرخ ماتدري وش حصل معها .. بس حست بالصرخه بالامان .. واستسلمت للاغماء ..
ــــــ،،،،.ـــــــ,,,ــــــ,,
..و نـضل ضـ ح ـايـا ..
ــــــ،،،،.ـــــــ,,,ــــــ,,
تم ..الفص العاشر ..
كل عام وانتم بالف خير ..
03-10-08, 04:38 PM
جديد مواضيع قسم الارشيف
العرض العادي
