السلام عليكم ورحمة الله وبركاتة
أشحالج شمس ياربج إلا بخير..
|
اقتباس :-
|
اللهم بلغنـا رمضان .. واشغلنا به بطاعتك عن معصيتك ..
وجعله شهـر خير وبركـه لنـــا ..
" كل عام وانتم بخير .."
|
آآآمين شموس منا ومنج بصالح الأعمال..وأنت بخير ومبروك عليج الشهر مقدما
رحاب::..عالم يديد.. حياة يدية.. ما ألومه يوم كرهة .. الأنسان العربي..لانه ما تحمل ذكر حلوه كل شي كان ممكن يصير حلو ينهدم في لحظة الي ينعرف ان ماله اصل..وهذا الشي الي مش مهم في الدول الأجنبية مثل امريكا لأنه تبا تتناس الشوكة الي في خاصرته من وعت على الدنيا وهي .. ما تعرف اصله.. ويوم عرفت زادة ألمه أكثر "بنت حرام أب سفاح ..معتدي على بنت أخته".. //شو تحمل أمريكا في جعبته لـ رحاب .. والشخص الي لاقته في امريكا.. من يكون؟؟!! معقوله يكون أخ صقر ومشاري ..وهل من الممكن أن أحد الطلاب الي يحمل نفس كنيته يكون قريب له؟؟!!
سديم::..انصدمت يوم عرفة ان له يد بالذي صار لـ وداد لأنه برقم كل شي ما كنت جيه .. يمكن يوم قالت وسوت الي سوته كانت تحت تأثير الحشيش.. فكرة انه ممكن تروح لوداد وتستسمح منه .. لكن مستحيل..لان الي سوته بوداد مش شي بسيط وتافه ممكن لو أعتذر ..تتسامح عليه..ليه تبا تروح الشرقية شو الشي الي بتسويه؟؟!!
طلعت لفوق .. وهي تفكر بالقراراللي قررته هو صح والا لا .. اللي بتعمله شي خطير وبيغير حياتها ..
|
اقتباس :-
|
يمكن الناس تحتقرها اكثر ومحد يحترمها و يهابها اذا عملته ..
الناس كذا والا كذا ماهي بمحترمتها وبتحتقرها على الاقل تعمل شي تحترم هي فيه نفسها ..
|
أعتقد بتشل الوشوم .. بترجع لطبيعته.. وبتخلي خرابيط .."الهبيز" عنه .. وبترجع بنت طبيعية..وتقصد بأن الناس بتحتقره تقصد ربيعاته.. أمممم تدرين معاملت عبدالرزاق لـ سديم .. خلتني اشك انه بنته .. بالحرام؟؟!! لأنه كرهه له شي مش طبيعي .. بعدين هو ما يعرف عن سديم وحركاته.. يشوف بس شكلة الظاهري .. لكن ولا مرة بينت انه يعرف عن بلاويه ..فأعتقد ان كرهه له لأنه بنته..وممكن أنه بنت حد يعرف؟؟!!
هناء::..قسم بالله قاهرتني قهر .. يوم ماكان عند عيال صايرة "ست حنونة" .. وتراكض من ملجأ لـ ملجأ ويوم الله رزقة .. ما عرفت كيف تربيهم.. او حتى تحس بشعور الحزن صح .. بدل ما تيلس تدعاله..طايحه في تدليك والمساج.. وولده في المستشفى ..
بندر::..شوفي شمس ..الصراحة ..لوأريد شي رومنسي ومثالي وخيالي. بقولج اتمنى بندر.. لسديم..لكن مستحيل يكون واقع.. وخصوصا بندر صار يعرف كل بلاوي سديم..وبافي يواجه باقي الأدله ألي عند عبدالله.. بس ألي أريدأعرفه شو بيسوي في نايف..ألي أكيد بيقوله أنه أنتقم لأخته من سديم..؟؟!!
عبدالله::..يوم تكلم عن سديم بأنه يالستله تعلق عليه بالطالعه ونازله.. مالمته..لكن هذا الشي ما يشفع له..بألي سواه في أخته..سديم كانت تبا مصلحته لكن ما عرفت تنصحة صح.. لانه كانت هي بكبره شكله غلط"بنت ومسترجله".. كيف تقدم نصيحه..كانت لازم تصلح نفسه وبعدين تنصح غيره .. مب تسوي الخطأ.. وتطلب من الغير يسوي الصح..
نايف::..مراات أقول بياخذ سديم .. وبيخليه خدامه لأخته ودااد وبيذله.. ومرات أقول مستحيل .. >>وراسي عوزني من التفكير فـ بنشوف شو بيصير في البارتات الياية
مساعد شجن::.أحس مساعد عايش في دوامه وضايع .. في مشاعره وأحاسية..هو حاط صورة معينه في باله عن شجن..لكن الي يشوفه شي غير.. وتعذبة شجن بهذيانه بأسم أخوه .. وبنته..
رعد::..قاهرني .. متملك وباين انه يميل لـ بشاير برغم من انه بعده مش متأكد من مشاعرة.. ويغار عليه من أخته ..ويريدة تحت أمره..كان كل شي حلو ألين ما يت العله بدور .. سوتله في ثواني غسيل "مخ" آآآخ يالقهر.. اعتقد بيقول لبشاير تيلس شهر عند أهله مب اسبوع عشان يحلاله الجو مع حبيبة القلبـ ...>> يارب 
أن أخوه ينتبه.. ويطلع هو حرمته من البيت
بدور::..الحيوانه الحقير .. الي من طينته وطخته .. وايد في هالزمن .. شو له دخل في بشاير ما تبه تكمل ..وشوله في رعد..لا وتبا شخصين واحد يكون له واجه اجتماعيه والثاني يشبع غرور الأنثى فيه..>> سوري على السب بس من القهر
بشاير::..ما أعتقد أنه بتسكت أذا رعد ماخله تكمل..لانه كبتت رغبته لدراسة فترة طويله.. وتشجيع رعد له فجر هالشي .. ما اعتقد رفضه الحين بيخفف من عزيمته وبيأثر.. بالعكس اعتقد يزيده.. ويمكن أمه تدخل وتخليه تكمل .. مب عشان مصلحة بشاير بس عشان الواجه الاجتماعيه..
|
اقتباس :-
|
ضحكت بشماتـه : .. ولارااح يوافقون عليـه .. الا اذا خطب رقاااصه ..هـذا حكي ثانـي..<< هذي اكيدد اخت بشر العله
- ليكون مرض خطييييـر ..؟؟!!
|
أعتقد أن المقصود هنية بشر.. لكن شو ألي فيه..قريت تعليق لحد من البنات انه ممكن يكون عقيم ..ما اعتقد رفضة للزواج لانه عقيم.. لانه ما قد عرس .. وشكله مش من طخت صقر..يمكن يكون فيه.. >> بخليه عليج وانت قوليلناا
بطبعي احب اسبق الاحداث ... ساعات تضبط توقعاتي .. لكن افرح أكثر يوم انصدم في شي ما خطر على البال.. الله لا يحرمنا من ابداعج وخيالج الخصب ..
في حفظ الرحن شموس والوعد بعد رمضان .. والله يتقبل صيامنا..
15-08-08, 04:33 PM
ماشالله عليييييييكي كاتبه متمكنه 
يستاهل .. هي تحتاج احد يدافع عنها ويحميها ويحسسها انها تهمه .. وهذا الشخص بندر 
جديد مواضيع قسم الارشيف
العرض العادي
