يمكن الموضوع موجه للبنات
بس والله العظيم أستفدت منه ما تتصوري قد ايش
بالنسبة للحب في نظر الإسلام
وإنه الواحد المفروض يصبر وما يتبع هواه
وإنه لو كانوا صادقين ربنا راح ييسرلهم الأمور إذا كان ليهم خير ببعض
كمان المفروض قبل هذا كله وقبل ما تكلم أحد في الموضوع أو تعلق آمال إنه راح يتقدملها أول ما تتيسر الأمور
لازم البنت نحكم عقلها شوية وتشوف هل إحتمال إرتباطهم ممكن يعني من الناحية الإجتماعية أهلها هل ممكن يوافقوا أهله كمان هل ممكن يوافقوا بيها وطبعاً كلنا نعرف عن الفروق الإجتماعية وتأثيرها في الزواج يعني لازم يكون في إحتمال كبير للإرتباط غير كدة هل ممكن يعيشوا مع بعض تحت سقف واحد يعني من السهل إني الشخص يحب شخص تاني عشان لقى فيه بعض الصفات الحلوة لقى تفهم أو حنان أو إهتمام أو إلي يكون لاكن لو فكر فيه ككل راح يلاقي إنه في تناقضات كتير بينهم ومستحيل تستمر الحياة بعد الزواج
طبعاً ما ننسى إنه الزواج عهد والقرآن وصفه بالميثاق الغليظ
عمر كامل يعني الواحد يختار شخص راح يكمل معاه باقي عمره بجميع الأحوال والظروف والمشاكل إلي راح يمر فيها الواحد فمو معناه إنه أرتحت لإنسان لقيت فيه بعض الصفات إلي عجبتي أقوم أتزوجه كله
وآخر شي أحب أقوله إنه أحيان الأولاد والبنات على حد سواء يوهموا نفسهم بالحب وهما أصلاً ما حبو بس عارفة عاد المسلسلات والروايات و الأغاني وتأثيرها على القلب (طبعاً انا مني متشدد ولا ضد هذا كله بس بأتكلم من ناحية شخصية مو شرعية والكل يعرف رأي الشرع) يعني تلاقي الشخص بدون ما يحس بدو يعيش قصة حب وأول ما يشوف انسان أرتحله يفكر إنه هذا هوا الحب ويبدأ يوهم نفسه إنه حب وأحيان تلاقيه بيختلق مواقف عشان يزعل وينكد على نفسه عشان يعيش الإحساس إلي قاعد يشوفه في المسلسلات والروايات والأغاني إحساس الشوق أو الغدر أو الخيانة أو البعد
يعني كدب وصدق الكدبة وعاش الحلم وأحيان كتييييييييير يكون كابوس أكتر من إنه حلم بينما لو بس أعطى نفسه فرصة للتفكير وسأل نفسه شوية أسئلة زي
هل أنا من جد أحبه؟؟؟
ويا ترى إش الأسباب إلي خلتني أحبه؟؟
هل ممكن في النهاية نرتبط ببعض؟؟؟؟
ولو كان الجواب نعم إش إحتمال إننا نستمر مع بعض؟؟؟
ألخ من الأسئلة
راح يلاقي نفسه فاق من الغيبوبة إلي هوا حط نفسه فيها ووجد إنه من جد ما في حب ممكن إعجاب تعلق إرتياح كل شي إلا الحب وقتها بكل سهولة يقدر يبعد ويسوي كل إلي قلتي عليه (المشكلة لو أتغاضى عن هذا الشي ورجع كمل الحلم ساعتها عاد الله يكون بعونوا)
آسف ع الإطالة بس بجد انا من يومين وأسئلة وحيرة في هذا الموضوع شاغلة بالي والموضوع صراحة تشكري عليه ما خلا شي أحسه جاوب على كل إلي في بالي عشان كدة أستطردت في الرد آسف مرة تانية ع الإطالة
كل الشكر ليكي همس الخيال ع الموضوع والله يفرج همك يا رب وييسرلك كل خير ويبعد عنك كل شر ويرزقك كل إلي تتمني يا رب العالمين
تقبلي مروري
أخوكي
شخابيط قلم
27-02-08, 10:43 AM
جديد مواضيع قسم الارشيف
العرض العادي
