اليوم حتـى مـع إنـك صـرت تجفانـي
ما جا فبالي يا ( طفل القلب ) تصغيرك !!
لا زلـت أكبّـرك ، وتكـبّـرك قيفـانـي
وكل ما يخصك معـي يسعـى لتكبيـرك!
ولا زال قلـبـك تفاصيـلـي وعنـوانـي
ولا زلت من روعتك ، أعجز فتصويـرك!!
ولا زلـت تبعـد وتتركـنـي وتنسـانـي
ولا زلت أمرّر لأجـل حبـك معاذيـرك!!
هذا أنـت يـا أغلـى محبّينـي وخلاّنـي
دايـم تأخـر ، ولا ملـيـت تأخـيـرك!
خذ راحتك ، وإختلـق عـذرك ، وتلقانـي
( النابض ) اللي حلف ما يموت في غيرك!!