(( قبل اي شي..لازم تقتنعي بشي واحد.. في احاسيس الرجل يشعرها من الناس
وفي احاسيس خاصة بشريكة العمر... نكمل النقاش^_^))

هو الرحولة .. بتكون بالشهامة والمروءة ..وبتوضح للناس من خلال المواقف مثل ماقلتي
لكن..
تعامل الناس مع الرجل..مو مثل تعامل الزوجة مع زوجها(وهاد اللي قصدتو فوق^_*)

هو بيعمل ويتصرف كرجل.. لكن مين الشخص اللي بيحسسو انه اللي بيعملو شيء ممتاز وعظيم؟؟
الزوجة
تعرفي ليه؟
لان الناس بيكونو يمدحو مرة واتنين ..ودا بيعزز ثقتو فنفسو
لكن..
الزوجة بتعزز ثقتو فنفسو..وكمان..بيعجب بنفسو..وبيحس انه رجل البيت وانه الاساس وانه الظهر والسند...وانتي الحضن الدافي

يصبح معطاء ومحب اكتر...تعرفي ليه؟
لانه هو بدو تحسي معاه بعده شعور
بالامان معاه
بالحنان وياه
وبالعاطفة الصادق
بانه السند لك
وانتي الحضن الدافي ... (هادي كمان اللي قصدتو فووووق^_* هههه)

بانك تشعري بانوثتك التي لم يوقظها فيكي رجل الا زوجك المحب الحنون
بانك تشعري بانوثتك لانه هو الرجل... الرجل (اعتقد فهمتني مش ح اعرف احكي^_* ههههه)

الرجل يحب ان يشعر بأنه سبب في الراحة والامان..اذا انتي اشعرتيه انه السبب في ذلك وانه كان معطاء ومحب.. سيكون كذلك.. سيصبح معطاء اكثر
لان الرجل يحب ان يشعر انه هو الاساس ..ويحب ان يُعجب بنفسه وانه القدوة ..
يحب ان يشعر انك ملكه فكرا وقلبا وعاطفة...
ولان الرجل كالطفل...( الطفل عندما تشكريه على تصرف عمله... يتولد عنده شعور ويصبح يريد ان يتصرف بمثالية هكذا دائماً حتى تمدحيه.. وتعجبي به.. او مثال اخر: ان تكبري من مقدار تصرف سليم ورائع
يشعر بأهميته ويحاول ان يعطي اكثر واكثر ..يحب ان يكون مثير لاهتمام ومحور الاهتمام ويحب ان يشعر
باعجاب زوجته به ..وانها تراه هو الاب والاخ والحبيب والزوج وكل شيء..هو الحياة
(نصيحة ياقمر.. تبغي تملكي الرجل.. حسسيه برجولته في كل شي..
تصرفات ,, رأي ,, كل شيء..
حسسيه انك بتحسي بأنوثتك معاه لانه رجل.. وانك امرأة لانه هو الرجل
حسسيه انه الرجل الاولى في قلبك وفحياتك وانه قدوة .. وانه السند والظهر...
وح يكون زي الخاتم في اصباعك..وح تقولي لين قالت!)


هو يحتاج ان يشعر بمجموعة عواطف.... العاطفة وهي تكون بيد الزوجة مش من الناس وبس


مش عارفة اشرح اكتر... بتوقع فهمتيني ياقمر^_*

وبقولك كيف من خلال بارات بسيطة ومواقف..
(دايما تصير تشكرو على تصرفاته.. وتبينله انه هو ذكي ..ورجل وانسان رائع وقدوة لاطفاله
يكون هو قاعد يكتب حاجه..تقعد تسرح فيه وتبتسم..ولما يسألها ** تقوله بابتسامه حنونة ونظرة صادقة
عمري ماكنت بحياتي سعيده الا وانا معاك...
مثلا..مرة.. تصارحو انها بتحس بالامان معاه هو وحده بس
وفي مواقف كثيرة..بتقدر تبين له دا...مش ح اقدر اذكرها كلها)

لكن حابة اضيف حاجه..يمكن ماتخص موضوعنا لكن انا بشوفه مهم جداً..

(( عشان تكسبي الرجال.. اكسبي اهله بالاول
تعرفي كيف وليه؟؟
( يمكن في مع العمر ولما تمر سنين ..يحصل مخاصمة بينكم .. لو انتي عرفتي تكسبي اهله
لو جا وحصل خلاف كبير بينك وبين زوجك.. اهله هم اللي بيأثرو عليه وقتها وهم اللي بيرجعو لكي
(بيقولو له مش ح تلاقي زيها..ارجعلها... دي اميرة في بيتها ..)وح يأثرو عليه بالكلام لحد لما يرجعك
لكن له حصل خلاف ..وانتي كنتي مش كويسة معاهم .. ح يقلبو عليكي وان ماقلبو ..
مافي احد ح يأثر عليه لصالحك وانه يرجعلك

ولما تبغي تعرفي كيف تكسبي اهله..
خليهم كأنهم اهلك..ع
املي والدته كأنها امك.. مش كأنها حماتك..
اوقفي معاهم في العازيم.. قدمي وباشري وفي الاعياد كوني اول انسانة
وحتى في الشدائد
انتي اتصلي اسألي عنهم من قبل مايقولك زوجك
..
ولو جا رمضان واشتريتو مقاضي للبيت واغراض..اشتري من كل شي اتنين
واعطي لاهله.. كأنك افتكرتيهم معاكي..

خليهم يحسو انك بنتهم مش مرت ابنهم..
قربيهم لزوجك وقربي زوجك لهم
(انتي بيوم خودي زوجك وفآجئي انه لازم تروحو تزورهم..ورحي معاه..
واتصلي فيهم اطمني عليهم
ودايما خلي زوجك يكلم امه يسأل عنها كل يوم...وانتي كمان..
مش ح تخسري حاجح
ويارب يكتبلك الاجر.. على انك ساندتيه في برور الوالدين^_^)

لان الزوجة هي العامل الاول في قرب الولد من اهله بعد زواجك))

انا عارفة اني خجت برا الموضوع..لكن حسيتو مهم
وح تكسبي قلب زوجك.. واهله
وكمان ان شاء الله تكسبي الاجر ورضا الرحمن