كاتب الموضوع :
zhraa
المنتدى :
التحقيقات
جريمة سرقة
صوت دقات تليفون حكومي....
الو:: ايوه هنا 122 شرطه النجده ايه بلاغك.....؟
صوت مضطرب من الجانب الاخر: ايوه يا بيه انا اتسرقت يا بيه.....
اهدي بس وقولي انت مكانك فين وانا ابعتلك حد...
انا مكاني اهووو يا بيه...........................
طب ثواني اصبر شويه..
صوت سارينه الشرطه يدوي في الحي الشعبي الساعه التاسعه مساءا
تتوقف سياره الشرطه امام محل كهربائي وكعاده الشعب المصري يلتف الناس حول الشرطه التي جاءت تستفسر عن ما حدث
ضابط الشرطه...فين صاحب البلاغ...
يظهر شخص يبدو عليه انه صاحب محل الكهربائي...
انا يا بيه
ضابط الشرطه : هااااه ايه اللي حصل وايه اللي اتسرق منك
سخان كهرباء يا بيه
ايه ......؟ انت اتجننت ومنزلني من مكاني في القسم ومقدم بلاغ وعامل الدوشه دي كلها علي سخان....؟
لا يا بيه ده مش اي سخان... ده البنك بتاعي.... انا كنت مزنوق في قرشين... قمت جمعت كل حاجه ممكن تتباع وجهزتها جوه السخان ده علشان ابيعها
يعني بس افهم السخان ده كان فيه ايه.........؟
كان فيه دهب مراتي يا بيه غير شويه فلوس انا كنت محوشها.....
طب حد يعني يحط الدهب والفلوس في سخان ... يا راجل حرام عليك.. طب هم خلقوا البنوك ليه يعني...؟
الظروف بقي يا بيه
طب خلاص امشي ادامي... ووريني مكان ما اتسرق وفين كان محطوط...
ذهب الرجل... الي مدخل عماره قديمه مجاوره ودخل اليها وذهب الي الشقه في الدور الارضي ليس لها شبابيك
هذه الشقه ملكه وكان يستخدمها كمخزن ويدخل اليها العمال وصبيه العمل اليها في اي وقت اثناء العمل...
يدخل الضابط الشقه التي كانت تعتبر كمقلب القمامه.... اكوام كبيره من الاسلاك هنا وهناك
تكفي ان تغطي جبل المقطم
الضابط....: فين كان محطوط السخان...
هنا يا بيه...يشير الي ركن فاضي... ويشبه السخان ده يا بيه...ويشير الي سخان كبير الحجم في ركن اخر
هنا يتدخل المفتش سراج....
السلام عليكم..
يؤدي الضابط التحيه العسكريه.. وعليكم السلام يا سياده المفتش
ايه اللي حصل هنا...
بدأ الرجل المسكين يشرح كل ما حدث....
وجاءت نقطه ان السخان الكنز المسروق يشبه السخان الموجود عند احد اركان الحجره
سراج: اتاكدت طيب ان السخان ده هو سخانك.....؟
ايوه يا بيه... ده مش سخاني انا كنت شاري اتنين... انا كنت بصلحهم وابيعهم
طب مين اللي بيدخل هنا المخزن ده...
انا واخويا محمود... والصبي بتاعي يا بيه
طب انتا وعرفناها واخوك....
ما كانش موجود يوم ما اتسرق السخان يا بيه
طب فيه حد يعرف غيرك ان انت كنت بتحط فلوسك وحاجاتك في السخان....؟
لا يا بيه..
طب خلينا في الصبي بتاعك
الصبي هو اللي قال ان السخان اتسرق يا بيه...طلع يصرخ ويقول ان السخان اللي اشريناه امبارح اتسرق..
طب مفيش حد دخل المخزن بعد صبيك...؟
لا يا بيه ده فضل واقف علي باب المخزن علشان مفيش حد يخش وبعدين زعق عليا وندهلي وقاللي ان السخان اتسرق...
طب فين الصبي....
يصرخ الكهربائي علي طفل صغير لا يتعدي 15 سنه...
يبدو عليه النحول والضعف والصغر
انت ما تعرفش فين السخان.........؟
لا والله يا بيه انا ما اعرف حاجه......
خلاص ما شي كفايه عليك كده...شكرا يا حبيبي...
احتار المفتش سراج واخذ يفكر
ان هذا السخان كبير ولا يمكن للصبي الصغير الضعيف ان يحمله حيث انه ثقيل جدا بما كان يحتويه من ممتلكات المجني عليه
ومن ناحيه اخري لا يمكن لحامله ان يعبر بيه من الباب حيث ان الباب ضيق جدا والسخان كبير.....
اذن من سرق السخان؟
وكيف خرج به من الباب؟
|
10-03-08, 11:31 PM
جديد مواضيع قسم التحقيقات
العرض العادي
