كاتب الموضوع :
دانة الدوحة
المنتدى :
القصص المكتمله من وحي قلم الاعضاء
مساء الخير و الاحساس و الطيبة لأحلى دانة بالدوحة
شو اخبارك خيتو دندون
ان شاء الله منيجة
تعليقي بدو يكون طويل لأن بعلق على الأخير واللي ابلو
خخخخخخخخ... تحملي شوي طولة التعليق
::غلا::
ياويلي عالخد المورم ... الله يسامحه هالمحمد
صح لما سألتي عن علياء .. احسه كان فضول مختلط مع شوية غيرة
وهالشي طبيعي عند أي حرمة متزوجة حتى لو هي ما تطيق زوجها
ياي .. موقف محرج اللي مريتي فيه و محمد يسألك ايش فيك
خخخخخخ هو دكتور ... المفروض يعرفها و هي طايرة
غلوي ... صج احسك طفلة في جسد أنثى
وخصوصا تفكيرك ... وهالشي يجذب الرجل مرة
****نجي دحين لموقفك انتي و محمد****
يا بنتي انتي ما تعلمتي ان محمد اذا عصب ما يشوف اللي قدامه
وانتي زدتيه
يعني غير الكلام اللي سمعه من مها .. انتي اعترفتي انك تحبي ناصر
وما بررتي و وضحتي انه هالحب انتهى من يوم اتزوجتيه
صح الكلام مع محمد ما ينفع وهو في هالحالة .. بس المفروض تحاولي تهديه
مو تزيدي النار حطب
|
اقتباس :-
|
كنت صادقه بكل كلمة قلتها .. بكل حرف .. نعم اشتقت له .. نعم هو حبيبي .. نعم اريد عودته بالسلامة .. نعم اوده ان يعوووووود ..
|
صح ان الحريم ما يجي الا بالعيون بالحمرا ... ومهما انضؤبت و سمعت من كلام و تجريح
تبقى تحب هالرجل و تتمنى تكحل عينها و بشوفته سالم
وخصوصاً الحريم اللي بمثل طيبة و رقة غلا
*** الحادث وما بعده***
باويل حالي عليك يا غلا
احساسك بالذنب وان انتي السبب بالحادث كبير
وخوفك عليه و حبك له واضح جداً يا غلا
بس اللي يقهر ان بعد كل هادا يصحى واول ما يشوفك يطردك بره
احساس مؤلم و مذل للغاية
و المؤلم اكثر انه يفكر انك حاولتي تغيه و تفتنيه ليلة الزواج
لكن يا غلا .... كل رجل يجي له يوم و يعرف غلطه
محمد متقلب المزاج عصبي شكاك حساس رومانسي .... الخ
وانتي بكلمة وحدة بس واحساس صادق و معاملة طيبة و صدق في التعامل و الكلام تقدري تملكي قلبه و عقله وروحه
الله يخلي ابو جاسم للك يا غـــلا
::محمد::
خخخخخخخخ .... أول مرة اشوفك تطلع الحنان اللي فيك لغلا عيني عينك
لا و تنكت بعد... تطور والله
كويس انك سمعت سؤالها عن عليا من غير ما تعصب عالمسكينة
صح احنا ظلمناك و انت ما اعطيت هالعليا وجه
بس من جد مشاعرك الحيادية ناحيتها ما تعطيك الحق تاخذها معاك للفندق على اساس انك تعرفها على زوجتك
ما تعرف ان هالشي ممكن يخلي زوجتك تفكر بيك تفكير غلط
**** نجي دحين لموقف الدفتر و ضربك لغلا****
شوف انت تعرف ان كل واحد عند ماضي في حياته
وانت ماضيك كا حبك لحور
وماضي غلا كان حبها لناصر ... لكن اللله كنب ان غلا تكون من نصيبك
وانك تحبها و تعشقها
انا ما راح الومك عالعصبية او الضرب او قطع شعرها (لو كنت قدامي كان دبحتك يا أخي)
لكن الومك على تسرعك وحكمك عليه ... يعني هو حلال عليك تحب و حلاام عليها
كنت اتمنى في بعد هالعصبية تسأل و تتأكد من اللي عرفته و سمعته
تحاول تشوف الدفتر ... تسأل غلا ... تسأل مها
مو بس تحكم عليها من اللي صار
واللي من جد زعلني منك زيادة ... هو حركة المستشفى
يعني تشك ان غلا خاينة لك بالاحساس و المشاعر .. هادي اوكي
لكن تشك انها غير شريفة و غير عذراء ......... هنا ستوب
هادا تفكير واحد مريض للغاية
وبعدين غلا بنت عمك و تربيته ... تتوقع ممكن تغلظ زي كده
|
اقتباس :-
|
اغلقت الهاتف بسرعه تهربا من صوتها الرائع .. تهربا من طفولتها
تهربا من انوثها وجمالها
تهربا من نعومة شعرها
لم احببتك غلا بهذه السرعه؟
لم ..
احببتك؟ ..
لالالالا لم احبك ..
انها مجرد تخيلات
ماهذه التخيلات يامحمد وهي لاتفارقك ليل ولا نهار؟ ..
|
خخخخخخخخخخخخخخخخخ
اجل بدأت تشوفها في كل حاجة و في كل مكان و كل شخص
قدها و قدود يا غلا
تبا تهرب يا محمد ... اذا هربت من مكان تواجدها
هل بتقدر تهرب منها و هي موجودة بقلبك و عقلك و روحك
***الحادث و ما بعده***
ياويلي على حالك يا محمد
عليك رومنسية موب صاحية
كل هذا عشان خاطر غلا
بس كل هالرومانسية و المشاعر الفياضة تختفي و تتحول لكره بمجرد ما تتذكر خيانتها لك
تبا تأدبها ...ها
اوكي أدبها بس مو تكرها في العيشة معاك
ترا الشي اذ زاد عن حده انقلب ضده
حركتك بعد الزوا و كلامك لها ... اعتبره تصرف واطي
هو حقك الشرعي و المفروض تاخذه ... هالشي على عيني و على راسي
بس انك تتهمها بإغراءك و فتنتك .... صراحة حسستها انها وحدة رخيصة بنظرك
خخخخخخخخخخخخخ
اجل الرسالة هي وحدها اللي فوقتك من هالجنون اللي بتسويه في غلا
كلن نفسي اشوف وجهك ساعتها
وكيف اتصرفت لما شفت غلا <<< عارفة دندون ان عندنا لقافة في هالمواقف
يمكن كنت تشوف الصدق و البراء في عيونها لكن يبقى الرجال مكابر عن الحقيقة بطبعه
وما يصدق الا اذا شاف بعينه و سمع بأذنه
الله يخليلك غلا الطفلة المرأة الزوجة الحبيبة الأخت الصديقة و يخليك جاسم يا رب
::حور::
خير ما عملتي انك صكيته بلوك و دليت <<< هي الدنيا سايبة
اما انك تفضحينه في المنتدى ... انا اعطيك 100/100 على هالحركة
بس الحياة تستمر يا حور ومو كل اللي بنشوفهم بالنت
نقدر نحكم على غيرهم بانهم زيهم و منهم و فيهم
::دلال::
مادري ايش اقول عنك يا دلال
احييك على بقائك على ذكرى علي و حبك الغير منتهي له
او ازعل على حالك و اقولك انك لازم تكملين حياتك من بعد علي
لأن الحي أبقى من الميت
::مها::
أخ منك و من تسرعك يا مها
شوفي حبيتي ... انا عارفة انك صاحبة غلا و تمونون على بعض
حتى في الخصوصيات
بس توصل لدرجة انك تفتحين دفتر خصوصياتها ... سوري ما يحقلك
الا اذا كانت بتقولك على اللي فيه ... هنا يحقلك تفتحيه و تقرأيه
اوكي ... الواحد ممكن يتسرع بردة فعله
لكن .. اتوقع انك تعرفي ان الواحد الا ما يكون في حياته اسرار ايام المراهقه و انتي اولهم
ايش اللي خلى غلا تكون غير
انها متزوجة من اخوك
وانها كانت تحب ولد عمها و عمك اللي هو خطيبك
ترا هالأمر بيحصل و في أحسن العائلات
وما اتوقع ان غلا بينت بعد ارتباطها بمحمد انها تفكر بأحد ثاني
والدلي الكلام اللي كتبته بدفترها
انتي سميتها خاينة لأنها بنظرك تفكر بأخوك و هي متزوجة
لكن الخيانة الوان و أشكال و أنواع
ما تعتبريها خيانة لأهلك انك تفكري في رجل
|
اقتباس :-
|
:اسفه غلوي سببت المشاكل بينكم
|
اذا فات الفوت ما ينفع الصوت يا مها
::حمدة::
صح لك اسبابك و ظروفك اللي خلتك تصيري مسترجلة
لكن ايش استفدتي
قدرتي بإرادتك ترجعين حمدة الأنثى
لكن اذا انتي نسيتي انك كنتي في يوم مسترجلة
هالمجتمع ابدأ ما ينسى و بيفضلو يفكروك بالماضي
وانك مهما تغيرتي ... مافي احد بيقبل فيك
نسيو ان الله غفور رحيم ... ومن حقك انك تكنلي حياتك زيك زي غيرك
دندون ... كت اقدر ازيد عالكلام اللي قلتيه في قصة حمدة
::بدرية::
ما تقول غير حسبي الله على هالرجال
اللي يستغلون غياب حريمهم و يلعبو باعراض بناتهم
ما ادري الوم الأم ولا البنات ولا زوج الأم اللي خلى الشيطان يوسوس له بهالشي
وبدل ما يعاملهم معاملة بناته و يربيهم احسن تربية و يجار عليهم في الآخرة
اغتصب عرضهم و ضيع شرفهم و عذريتهم ... حسبي الله و نعم الوكيل
::نور::
نور ... احييك على طيبة قلبك يا حبيبتي
قليل جدا من البنات اللي تفكر زي كده و اغلبهم يفضلو سعادتهم على سعادة غيرهم
لكن اللي مثلك ... صارو عملة نادرة الوجود
نايف جاك و اعترفلك انه ما يحب بثينة الا كأخت و انه يحبك و يغليك انتي
::نايـف::
ما اقول غير انك تستاهل وحدة زي نور
حافظ عليها و انا اكيدة انك عارف قيمتها عدل
::بثينة::
النقيد لشخصية حور
اعتقد هذا هو نتيجة قيام الأهل بتسمية هالولد لهالبنت
والاثنين أو واحد منهم غصب يتعلقون ببعضهم
ما يخالف اذا هم يكنون المشاعر لبعض و بينهم توافق فكري و نفسي
ايشش كانت نهاية هالعادة
تعلق بثينة بنايف و هو ما يشوفها الا زي اخته
وكره بثينة لأختها عشانها اخذت نايف
ياريت الأهل يفكرو بالموضوع من جميع الجوانب قبل يربطو مصير فلان بعلانة
::جلثم::
انا ماراح اقول اني عارفة شعورك لما عرض عليكي جاسم ترافعي بالقضية و رفضتي
لكن من جد اللي بمثل حالتك المفروض ما يحطون الاعاقة حاجز لمواصلة حياتهم
سواء علمية او عماية او شخصية
المجتمع هو المفروض اللي يغير نظرته لكم و يشجعكم على هالشي بدل ما يحبطكم
رفضك المتسرع لجاسم .. كان له ظروفه و أسبابه
يمكن احنا نقول على طول ... حرام ليش ماتعطي لنفسها فرصة
لكن انتي قبل ما تفكري بنفسك ... فكرتي فيه و في أهله
كيف راح يتقبلو ان زوجة ولدهم تكون معاقة
هل هو راح يتحمل نظرة اهل و الناس لك و له
من معرفتي لجاسم يا جلثم ... متأكدة انه قبل ما يفكر بنفسه فكر فيك مليون مرة
ومستعد يعمل اي شي عشانك
وما أظن ان عمك و مرته يفكرو فيكي زي كده لأنهم عارفن انه هالشي مقدر و مكتوب عليكي
ربنا يسعد دنيا و آخرة يا جلثم
::جاسم::
أتمنى ان كل الرجال يفكرو زيك صح اسلوبك مع جلثم كان قاسي و متسرع و يمكن جارح
لكن هذا من الحرة اللي في قلبك
صح ... ليش الواحد دايما يفكر بسلبيات الأمور وانه اذا كان عاجز فحياته تتوقف عن الحركة
لي ما يتخذ عجزه دافع له عشان يكمل
يمكن الكلام سهل علينا لكن التطبيق صعب عليهم
غير نظرة المجتمع اللي ما تساعد على هالشي
عالعموم يا جاسم الله يوفقك انت و جلثم
::خليفه::
زين انك استفدت شي من علاقتك بحور
وخلتك تترك الخرابيط اللي كنت تعملها
:::::::::::::::::::::::::::::::::::::::::::::::::::::::::::: ::::::
نجي دحي لأسئلتك يا دندون
*مارأيك بالقصه بشكل عام ؟
القصة تعتبر جيدة جدا بحكم انها ثاني محاولة
مع اني ما قرأت الأولى
*مارأيك بالقضايا المطروحه بشكل خاص؟
كل قضية من القضايا اللي انطرحت تعبر قضية كبيرة بحد ذاتها
و تحتاج لقصة بحالها لمعرفة جذور و أسباب القضية و محاولة ايجاد حل لها
*مارأيك بالنهايه؟
النهاية لجميع الأبطال تعتبر موفقة
*هل استفدتو من القصه شي ام لاء؟
دندون ... اكيد استفدنا
لأنك عرضتي مواقف عدي يمكن البعض لا يتجرأ على الخوض فيها
*نقـد على القصه او الاسلوب؟
عالأسلوب انا ما عندي نقد يالغالية
لكن القصة ... اقدر اقول اني اتمنيت تركزي على وحدة او اثنين من القضايا اللي طرحتيهم
غير ان في بعض الأجزاء كنتي بتركزي على غلا و محمد اكثر من الباقين
* ملاحظات تحبون تعطوني اياها؟
انك تركزي على كل شخصية من شخصيات القصة سواء من حيث بداية الحكاية و القضية والنهاية
*اكثر شخصيه عجبتكم من البنات؟
طبعا غلا شي مفروض و أساسي
بس اقدر اقول ان شخصية نور عجبتي مرة
في تحملها لأبوها و مراعة امها و اخواتها
وحتى في علاقتها في البداية مع نايف وتقبلها له كزوج
*اكثر شخصيه كرهتوها من البنات(ياويل الي يقول حمدة) ههههه؟
بثينة
هو مو كره كره ... بس كره لتفكيرها بالانتقام
*اكثر شخصيه حبيتوها من الشباب؟
نو بودي
يمكن في النهاية حبيت محمد لأني احب الشخصية المتناقضة
بس اكره فيه العصبية و التهور اللي يوصل احيانا لدرجة العنف
*اكثر شخصيه كرهتوها بالشباب؟(لاتقولون محمد بتعقد ترا هههه)
مافي شخصية كرهتها من الشباب
لأن كل واحد فيهم له شخصيته و حركاته و اسلوبه في التعامل مع الجنس الأخر
بس اللي كرهته صدق
زوج ام حمدة (هذا الذبح حلال فيه)
*موقف اضحككم؟
كل المواقف المضحكة اضحكتني
*موقف احزنكم ولا ابكاكم؟
ضرب أبو نور لأهله
محمد لما اخذ غلا للمستشفى عشان يتأكد من عذريتها
رسالة غلا
* تجوفون الاسلوب تحسن ولا تدهور هع هع .. وشرايكم بالاسلوب وطريقه السرد؟
انا ما قريت الأول حتى احم عليكي دندون
بس اسلوب السرد كويس
*بالقصه اليايه تفضلونها عاميه ولا فصحى ؟
عامية فصحى .. ما تفرق عندي
بس احب العامي ... خليني اقرئلك قصة بالقطري من الألف للياء
بس اسلوبك في الدمج بين العامي و الفصحى حلو ... مع ان يبيلك شوية تضبيطات و تصيري توب في الموضوع
لأنك يا دانة تمليكي قاموس لغوي رائع و قدر رهيب عالتعبير
الله يحميك من العين يا دانة الدوحة
دندون..... تقبلي مروري وكلامي لك يالغالية
و آسف اذا اخطات التعبير في إجابات الأسئلة
سوري عالاطالة
سلمت يمناك يالغالية 
التعديل الأخير تم بواسطة فراشة الوادي ; 28-03-08 الساعة 10:32 PM
|
22-03-08, 12:20 PM
جديد مواضيع قسم القصص المكتمله من وحي قلم الاعضاء
العرض العادي
