" الجزء العاشر"

"غـــــلا"

كنت جالسه بجانبهم ولم افهم مالذي يريدونه اخذتني المياسه وبدأت تكحل عيناي .. وحينها نشط استيعابي ورفعت يدها من عيني .. حتى انني تألمت قليلا ولكن قلت بعصبيه: ايه مهوي انتي شتقولين؟ .. وخري يدج ميوس ينيتو؟

مها بحماس: شفيج؟ اكيد اكيد مستحيه .. ياخي عادي مو اول مرة تنخطبين .. بس هالمرة خطوبه ويا حب ؟

رأيتها بغضب : مهووووووووي اظاهر مصخنه؟ (رفعت يدي الى جبينها اتحسسه ولكنها ضحكت وقالت بسرعه)

مها: اكيد يننتي هالدكتور .. حتى انه مااستحمل اسبوع زيادة ويا وخطباج

لم استوعب ماتقوله .. الدكتور فهد .. وانا؟ .. والخطوبه؟ .. كيف؟ هو هنا؟ .. من قال له اننا هنا؟ وكيف علم هناك اسئله كثيرة تراودني: انتي شدراج؟

مها بسرعه: ابوج مساعه يوم كنت تحت سمعته يقول لامج جهزو العشـا لان ياينا ضيف ويوم امج اسألته قال لها ان الدكتور الي عالج يدج .. دكتور فهد .. وقعد يخربط عنه وانا يت طيران ابشرج

شعرت بخفقات قلبي المتضاربه .. لربما من الموقف .. ولربما .. لا اعلم! .. بلعت ريقي بصعوبه: وهالزفت شحقه ياي هني؟ ياي يتمنن علينا يعني انه جبس يدي؟ عادي أي دكتور يقدر يسويها وياي متلصق هني عندنا وش له؟

قالت مها بقهر: غلوي بارتكب فيج جريمة

رأيتها باستغراب: ليش؟

رصت على يديها وهي تقول بغضب: اووووووووووه غبيه ..

خرجت من الغرفه بقوة ولطمت الباب ببعضه اوه .. مابها هذه؟ جنت؟ لربما؟

اكملت الحديث مع المياسه .. وبعدها جائت مها هادئه ..

وخرجنا كالسارقات نتسلل الى الخارج .. لان الساعه تعدت ال 12 يعني مابعد منتصف الليل ويحرم علينا الخروج من المنزل .. لم نخرج الى العشاء لانني لم اود ذلك ومها والمياسه ايضا "كنا ماكلين جبس ووجبه ماكدونلز <شراها لنا حمد خخخ مسكين والله متعبينه احنا" خرجنا نحن الثلاث .. اخبرتهم بأنني ساخبر حور ونوف ودلال اجابوني بالايجاب وانهم ينتظرونني عند المسبح .. اتفقنا على ذلك توجهت الى غرفه دلال .. رأيت دلال ونوف نائمتين بسلام .. وحور جالسه ترى المزرعه من شباك الغرفه وملامح الحزن ترتسم بشفافيه على وجهها

تقربت منها وامسكت بكتفها فزعت واجبت بهمس: اششششش بتقومينهم تعالي نروح برع!


رأتني بعينين حزينتين .. ولم تجبني .. وبعدها انزلت راسها ووضعته على كتفي وانسالت دموعها وقالت بصوت مرتجف وخفيف: غللوووي ..

رأيتها بصدمة .. مالذي يبكيها؟ يالهي؟ ... امسكت بها وانا امسح على ظهرها: حواري عدال بيقومون .. البسي عباتج وشيلتج بسرعه واطلعي ..

قالت لي بهمس: مابي

اجبت بغضب: حوروة بلا مصاله ياللــــــــــــه

نظرت الى دلال ونوف لان مع الحماس ارتفع صوتي قليلا .. ولكنهم غارقات في النوم ..

لم تتحرك حور ولكني دفعتها وقلت بتشجيع: بسررعه يالله

وخرجت من الغرفه.. بعد مرور 3 دقائق خرجت حور وهي ترتب شكلها وقالت بغرور : يالله ...

رأيتها وابتسمت .. الحمدلله ان حور رجعت كما كانت .. بصراحة شعرت بالخوف عندما رأيت حالتها العصبيه لم ارها يوما هكذا .. كانت غاضبه مني .. لا اعلم مالسبب .. او لماذا ولكنها لم تحادثني .. الحمدلله ان حور تحادثني الان ..

حور: وين بنروح؟

اجبت بشرود: للبرجه .. اتفقت وياه مها وميوس نكون هناك .. ويت اناديكم بس دلول ونوف راقدين(نظرت اليها) وناديتج .. الا حور(رأتني .. واكملت بتردد) شفيج علي؟

تغيرت ملامح وجهها للبرود: ولاشي ؟!

ضربتها بيدي وضممتها بخفه: وحشتيني ياسباله

انزلت راسها ووضعته على كتفي: انتي اكثر .. غلوي .. سوري ..

رأيتها وابتسمت: يالدبه مافي شي اسمه سوري بيني وبينج لانج اختي ورفيجتي .. وكنت اتمنى تقولين لي

ارتجفت شفتيها وقالت والدمعه متعلقه بين اهدابها(قلت لكم حورو حساسه وايد ) :غلوي احبج (ضمتني وبكيت .. لم استوعب .. مابها حور؟ لـِـم هذا الحزن؟ لماذا؟ )

طبطبت على كتفها وقلت بهمس: حتى انا احبج .. بس لاتصيحين .. باقي شوي ونوصل

قالت حور وهي تغلق الباب وترجع راسها على كتفي: غلوي يالقزوم رقبتي انكسرت اطولي اشوي

ضحكت عليها وقلت : لالالا لازم انا احط راسي على جتفج مب انتي.. انتي اطول يعني رقبتج بتنكسر هههههههههههه

قالت حور بمزح: وانتي الاقصر يعني لاتطولين رقبتج لانج مابتوصلين لجتفي (حور طولها يقارب ال165 سم وهي اطول من دلال ومني ايضاً)

ضحكنا مع بعض .. وبدأنا نتحرك بهدوء: حورو

حور:هممممممم؟

قلت باستعجال: يالله بنتأخر عليهم وانتي تعرفين الغلامتين اكبر خوافات

قالت لي حور بمكر : ياشجاعه

قلت بفخر : طبعا شجاعه

وحين مشينا دفعتني حور من خاصرتي وصرخت مرتعبه وضحكت هي وقالت: امحــــــق شجـــــــاعه

عندما استوعبت الوضع ضحكت معها لانني كنت خائفه حينها ههههه ..

وصلنا الى البنات وبدأنا جولتنا مع المصباح الصغير ( بـيجلي) وجلسنا بعدها على صخرة كبيرة وبدأنا نضحك ونتحدث عن امور كثيرة ..

مها: ايه ايه حورو دريتي ؟

حور: شنو مادريت عن شي؟

مها: تعرفين الدكتور فهد الي عالج يد غلــ.....


سرحت الى عالم اخر لم اعلم مالذي يقولونه .. ياترى هل فعلا احبني الدكتور فهد وجاء لخطبتي؟ .. ولكن لماذا؟ لم افهم .. كانت نظراته حاقده عندما كنا في المشفى .. ايضا انه لايعرفني كيف يخطبني ؟ هل فعلا خطبني؟ لربما زيارة عاديه ومها تبالغ؟ ...


بعدها توجهنا الى المنزل لان الساعه قاربت ال2 صباحاً تعثرت مها بصخرة كبيرة وقالت بانها تشعر بـ التفافشيء ما على رجلها .. ارتعبنا وبدأت حور تبكي .. والمياسه تمسك بـ مها وتحاول ان توقفها .. وانا استجوبها أي رجل عليها الحيه

مها ببكاء: ريلي .. ريلي اليمين ..

شعرت بالرعب وانا امسك برجلها اليمين وامسكت بالمصباح الصغير وانرته ولكن من سوء حظنا كانت الانارة خفيفه جداً جداً (البطاريه ضعيفه عشان جذي كانت الانارة خفيفه) ومها تبكي ... وحور ايضا تبكي .. والمياسه متوترة .. وانا خائفه .. شعرت بالتفاف شيء ما على رجل مها وصرخت بخوف: امبلا في شي على ريل مهوي

مها تبكي بحسرة : ياويلي بموت هئ

حور وهي تبكي: اروح انادي حد؟

مها قالت وهي تبكي: جود(جـــود=يمكن بالقطريه القديمة) انا مت لين ماتنادينهم ويقومون

سمعنا صوت ارعبنا جميعنا .. كان صوت رجل .. وبعد منصف الليل


ونحن نبعد االاف الامتار عن المنزل .. وهذا الرجل .. ونحن فقط فتيات .. ياالهـي ..

الرجل: شصاير يابنات؟ فيكم؟ شي تحتاجون شي؟

مها كانت تبكي بخفوت وحور ايضا .. المياسه قالت: نصور زين انك ييت .. (قالت بخوف) ثعبااااااااان ثعبااااااااان على ريل مهوي

اوووف .. الحمدلله يعني ان هذا الرجل هو ناصر.. الحمدلله .. اعتقدت بانه رجل لايقرب لنا ..شعرت بالخجل .. واممممم .. انطبع الليل المظلم على وجهه واعطاه منظر اشد جمالا ..


ناصر: مها؟ .. ثعبان؟ من وين يه الثعبان؟

قالت المياسه وهي تسحب يدي ناصر: كنا نركض ونسولف .. ومرة وحدة طاحت مهوي والتف الثعبان على ريلها (قالت بخوف) اويه مهوي ساكته يمكن عضها الثعبان وماتت!!!!!

قال ناصر باستهزاء: غبيه انتي؟ بيعضها ومابتطلع صوت .. اقترب الى ناحيتنا وقال: قعدو ع الارض اجوف .. جلسنا ومها ترتجف ..

بدأ يسأل ناصر مها بعض الاسئله وهو يمسك بقدمها اليمين وبعدها ضحك ناصر بقوة: هههههههههههههههههههههههههههههههههههههههههههههههههه

رأته مها بانكسار لانه لربما يستهزأ بها .. والمياسه وحور مستغربتان .. اما انا .. اااه .. لا اعلم .. هل كنت اراه مستغربه ؟ .. ام معجبه بشخصيته وبوقورة .. اممم لااعلم ..

قال ناصر بمزح: اظاهر انكم تحبون تتخيلون وايد .. هاي مب ثعبان يا اذكيا هاي حبل ملتف ع ريل مها .. ههههههههه

قالت المياسه: من صجك؟

ناصر قال وهو يقف: أي من صجي .. كاهو الحبل .. ويالله ضفو ويهكم كل وحدة على دارها يالله .. شحقه طالعين من البيت هالحزة ها؟؟؟؟؟؟؟

ضحكت مها وقالت: صج حبل؟ ههههههه خفت!

المياسه وحور وانا:ههههههههههههههههههههههه مهوي يالخايسه خرعتينا وقلنا يمكن عشنا فلم اكشن!

ضحك الجميع .. وبعدها ذهبنا الى المنزل .. وتوجهنا الى غرفتنا .. وحور توجهت الى غرفه دلال ونوف ..

ارتدينا ملابس النوم

المياسه وهي تطرق باب الحمام: اييييييه مهوي يالعنز قومي بسرعه واطلعي برع الحمام ابي ادش الحمام


مها من داخل الحمام:صببببببببببري قاعدة البس ..

المياسه: اوففف لو دشيت انا اول احسن كاهي غلوي منبطحه ومرتاحه وانا اعاني بسبتج وسبة تاخيرج المعتاد

خرجت مها من الحمام وهي تقول: اوف ذليتينا عاد

ضحكت المياسه: هههههههه جب انتي الحين مايقول من شوي تصيح من الخوف ثعبان وثعبان واخر شي طلع حبل ماقول غير مالت

ضحكت مها بخجل .. وتوجهت الى التسريحه وبدأت بتمشيط شعرها وقالت بصوت منخفض قليلاً: اششششششش ميوس يامزعجه غلوي رقدت تحجي عدال عدال

لم اكن نائمه بل فضلت ان اتظاهر بالنوم .. لا اعلم لماذا .. ولكنني فضلت ذلك ..

سمعت المياسه وهي تحكي بصوت منخفض : انزين .. اممم .. مهوي اعترفي شتحسين لاخوي نصور؟ ..

خفق قلبي .. مالذي تشعر به مها؟ ولماذا سئلتها المياسه ؟ .. هل ستسألني غداً انا ايضاً هذا السؤال؟ لا يا الهي .. لا استطيع ان اجيبها .. ولكن قطع تفكيري صوت انصدام مها وهي تنام بجانب المياسه وبجانبي: شلون عرفتي؟ .. امممم بصراحة ميوس .. انا ... ... انا ... اااا ...


المياسه قالت بسرعه: تحبينه لا؟ ..

قالت مها بتفاجئ: شدراج؟؟

شهقت بخفه وكدت ان اكشف .. شعرت بالدموع تحرقني في عيناي .. مها تحب ناصر .. تحب ناصر .. تردد هذا الصوت في مخيلتي تحبه تحبه تحبه .. وانا؟ ايضا اشعر بالاعجاب باتجاهه .. لايمكن ان اخون مها .. لا يمكن .. مها تحب ناصر .. غلا انتي تعزين ناصر كاخيك ولن تحبيه .. لن تحبيه .. لستــــــــــي تعشقينه .. انه مجرد اخ ..

صدمتي كانت كبيرة ..
ولم استطع استيعاب ما سمعته ..


^^^^^^^^^^^^^

" محمد"

جلست في الصباح الباكر .. وذهبت الى الخارج حيث الفطور .. كانت نسمات الصباح تهف على وجوه الجالسين .. ابتسمت باتساع عندما رأيت حور تبتسم الى الجميع وتحاكيهم .. منظرها جداً جميل من يراها لايعطيها عمر ال15 بل 20 او 19 عام .. رأيت مها شقيقتي نعسه تريد ان تنام .. ووحدة من الفتيات واضعه قبعه (كاب) على وجهها ورأسها على كتف مها ودلال ونوف والمياسه يتحدثن عن امور عامه .. وناصر لم يكن موجود لانه وبالتأكيد نائم وحمد بجانب جدتي (يلعوزها من صباح الله)

القيت تحيه الصباح على الجميع وتوجهت الى جدتي وقبلتها على رأسها وعلى رأس امي وابي ايضا .. وجلست بجانب جدتي: ها شمسوي فيج هالحمد هذا؟

حمد ببراءة: ولاشي .. بس اقولها عن الي خبري خبرك (غمز لي)

رأيته بصدمة: احللللللف؟

قالت حور باستفسار: شنو شنو شنو ؟ شسالفه الي خبري خبرك .. وغمزة؟ لالالا الموضوع خطير اعترف حخمود احسن لك

قال حمد وهو يمثل الضجر: اوففففففففف تدخلت الملقوفه احنا من نفتك من اختج غلوي يتي انتي؟ والعكس صحيييييييييييييييييييح؟

قالت حور: جب انته يامخرب البلدان .. يدوه ترا حمود يخرب بلد لاتسمعينه

قال حمد: كلللللللللللللللللللش يامصلحه انتي

ابتسمت عليهما .. هل هما دائما هكذا؟ عندما يجتمعان كل واحد منهما يتساجر مع الاخر؟ .. : خلصتو؟ ذبحتو يدتي تراكم@

حور بخجل: جوف اخوك@

ابتمست اليهم: انزين ..(التفت على حمد) انت ينيت تخبر يدتي؟ عيل احلم نوديك@

ابتسم حمد وقال بتهور: واااااااو بيكون فول اكشن يوم يدتي بتي واحنا نطعس هههههههههههههه

قالت حور وعينيها تلمع بالاثارة: تطعسووووون؟

ابتسمت اليها .. ورأيت مها والمياسه يرونني بذهول .. مابهم؟ .. قلت: بندور .. بتيون؟ (قلت بترد .. لا احب الجولات مع البنات لانهن كثيرات الكلام والصراخ .. )


صرخت مها والمياسه وحور ايضا بحماس: افكوووووووووووورس

قالت مها بعجله: متى بتروحون؟

اجبت: بعد مايقوم نصور

قالت المياسه بعجله: اوكي انته روح قومه واحنا بنجهز اكل وهالاشيا .. مهوي قومي غلوي امس راقدة قبلنا ولين الحين راقده

هزت مها الفتاة التي واضعه راسها على كتفها .. اذن هذه غلا؟ ..

تركتهم بسرعه لا اود برؤيتها .. ولا اطيقها .. ولكن لاانكر اني اريد معرفه كيف اصبح وجهها بعد هذه السنين الطويله؟

^^^^^^^^^^^^

"مها"

(بعد ماتجهزنا وكل شي كنا احنا البنات بسيارة حمود"حمد" كان خاطري نركب ويا محمد اخوي لان ناصر وياه واكيد بيكون الهبال روووعة وخصوصا ويا ناصر الي عكس محمد اخوي تماما بس بصراحة استغربنا لان محمد اتوقعنا مايحب هالامور تطعس وتمشي سريع ومن هالامور .. المهم دلال ونوف مايو ويانا لان دلال كان يبين عليها مرهقه .. مسكينه دلال .. احسها للحين مانسته .. يالله صج صعب عليها تنساه .. شلون تنساه ..)

حمد: يالله شتبون تسمعون؟

مها: ولا شي !

المياسه: مهوي تعالي ورا قعدي ويانا

مها: اوكـــي

حمد باعتراض: لاوالله؟ وانا محد يقعد عندي جام جني دريول ابوكم؟ قري جدام

مها: حموووووود يالله عاد لاتتميصخ

حمد: من جدي .. شلون تروحين ورا واتم بروحي جدام .. اصلا مافي سعه ورا ... غلوي دبه وحوروة دبابه .. وين بتقعدين؟

حور: شمعنى يعني ميوس ماقلت عنها شي؟

غلا: يكون فعلمك محد دبه ودبابه غير مرتك يالقوطي

حمد اوقف السيارة فجأة: افـــــــــا قوطي عاد؟

ضحكنا جميعا على حركات حمد الاستعباطيه

غا: اسمع حمود عدال عدال انا يداتي بروحها رايحه فيها .. وتعورني .. فـ بلييييييز شوي شوي

حمد ضحك وقال بخبث: افا عليج اقل من مهلي واسرع
صرخنا جميعا

وقالت غلا بخوف: بلييييييييييييييز مابي اموت ابغي يداتي صاحيه

ضحكنا على غلا .. وقالت حور: والله محد قالج راكضي ع الدري

قال حمد: ها تحجت هذي ام لسان مرة مع اختها ومرة ضدها

قالت غلا وهي تمثل الزعل: مالت عليج حورو ماتستاهلين ادافع عنج

حور بنقمه: جب انتي تغيبين وحتى ماتحطين يوم لاختج عشان تغيب

قالت غلا وهي تمثل القهر: حرام عليكم حاسديني ع الغيبه الي غبتها والله اني ترقدت يومين بالفراش بسبة الصخوووووووونه

قلت لها وانا ابتسم بتشبع : احسن تستاهلين عيل تغيبين واحنا لا

المياسه: أي والله

قلت بحقد: جب انتي الثانيه انتي بعد غبتي يومين

قالت المياسه: انيت بعد غبتي يوم الخميس يات على يوم الي غبته

قلت بحقد: لو حمود عطاني اجازة جان غبت هئ مالت عليه

قال حمد: هاهاهاهاهاي اذا انا توأمة ماعطاني بيعطيج انتي .. صج انج بلشه

قلت بقهر: اووففف يقهر .. صح تعال شلون اقنعتوه نروح ندور؟

قال حمد وهو يتبسم: شفيكم على توأمي ترا ماارضى عليه فديت ويهه .. لا الفكرة فكرته اصلا .. بس ماكان يبي يوديكم

قلت : وانا اقول حمود ولا مرة ودانا مكان

قال حمد بتبرير: حرام عليكم ضالمين محمد والله .. مسكين ماكان بيوديكم لانه خايف عليكم . وهالبلشه وياكم متكسرة بعد؟

قالت غلا بقهر: اصلا من قال اني بركب ويا هالمغرور مالت على ويهه

قلت لاغير الموضوع لان غلا اذا تحثت عن محمد لن تنتهي ابد عن شتمه لووول ..

كانت الرحله جميله ضحكنا ولعبنا في الرمال لان حمد سمح لنا ان نخرج من السيارة قليللا ..

ومر اليوم جميل ورائع
واستمعتنا بايام الاجازة كثيرا وقررنا غدا ان ندخل المسبح ..

^^^^^^^^^^^^^^

" نـــــــور"

(لحظة لحظة لحظة .. ماني قادرة استوعب .. الي يصير .. شلون ابوي يقرر عني .. اصلا مب بكيفه ..(انتسريت عيوني دموع وبلعت غصتي) .. معقوله ابعد عن هالبيت؟ .. معقوله؟ .. لا يبه .. لا لا لا .. مااقدر .. مااقدر .. شلون اخلي امي بروحها .. شلون اخلي خواتي بروحهم .. شلون؟ يبه فهمني شلون؟ .. ماني قادرة استوعب الي يخربطة ابوي .. شلون يوافق .. حرام عليه حرام)

رأيته باندفاع وقلت: بس انا ماابي اتزوج واخلي امي وخواتي بروحهم ..

قال ابي: ومن قال لج اني ياي اخذ رايج؟ .. انا ياي ابلغج عشان تتجهزين اليوم العصر بتمر عليج بثينه اختج وبتروحون تتسوقون بعد اسبوعين زواجج وانتهى الموضوع!

قلت بيأس: يبه شلون اخلي امي وخواتي؟ .. ومدرستي؟ .. انا ؟. انا .. (انترست عيني بالدموع ..وقلت بضعف) مابي اتزو.. وج ..

وقف ابي غاضبا : يعني شنو ارفض ولد اختي؟ لا والله ماسويتها .. وانتي بتتزوجين نايف يعني بتتزوجينه بالطيب ولا بالغصب سامعه .. وبعدين احمدي ربج يابنت الهنديه في حد بياخذج وانتي بنت هنديه؟

رأيته بغصه .. يوجد اب يقول مثل هذا الكلام لابنته؟ يوجد من هو اقسى من ابي؟ هل يوجد؟ .. لا اتوقع .. لا اتوقع .. : خلاص على امرك يبه .. (وقفت ومسحت دموعي وقلت) بس عندي شرط اني ازور امي وخواتي يوميا

قال لي وهو يخرج : كلي تبن .. وتتشرط بعد .. اقولج روحي يمعي قشارج وهاي (مد يديه واعطاني مبلغ من المال قدرة 7500 ريال) 7 الاف ريال تروحين وتتشرين لعرسج وتتجهزين .. والفستان شرته بثينه .. وعرسج بيكون بقاعه الشيراتون واشتري لامج وخواتج عن يفشلوني بعد .. (قال باحتقار) واذا مايت امج وخواتج يكون افضل .. انا قلت لامج عن زواجج .. يالله ..


خرج من المجلس
انا لازلت مصدومة .. نايف .. من هذا ياترى ؟ .. كيف شكله؟ ماهي اخلاقه؟ ..لماذا خطبني وانا ابنه الهنديه؟ .. ياترى مالسر؟ .. ولما بابا يريد ان يزوجني بهذه السرعه؟؟؟ ..


^^^^^^^^^^^

" بثينه"

سمعت صوت ماما وهي تتحسب وتقول : حسبي الله عليج يابنت الهنديه .. حسبي الله عليج 7 تحاسيب ..(رأتني وقالت بقهر) عيل نيووووف يخطب نوير بنت الهنديه ويهد جمالج ودلالج؟ .. واي ياحسرة قلبي .. وانتي طول هالسنين ترفضين الخطاطيب عشان ولد خويلد وكا جوفيه شلون كشت فيج وخذاها بنت الهنديه

قلت والدمعه تتلألأ في عيناي: بس يمـــه خلاص .. حرام عليج (نزلت دموعي بانهزام) حرام عليج الي تسوينه فيني .. (مسحت دموعي وقلت وانا احاول التماسك وصوتي بالكاد يسمع) هاي كله قسمة ونصيب

صرخت امي بقوة: قسمـــه ونصييييييب؟ .. الا سوت له بنت المشعوذه سحور وعمايل عشان تاخذه منج ..

قلت بأسف وبغصه: اصلا بعد ماتغير نايف انا ماابغيه

قالت امي بغضب وكأنها جمرة تنكوي بالنار: كلش هو الي كان ميت فيج .. ماقول غير طاح حظج يالرديه .. عيل بنت حصيص تنرفض وياخذ بنت الهنديه .. بس الي ابي اعرفه شجايف فيها؟ لاجمال ولااصل ولافصل بنت الهنود .. وانتي يالي مرتزة اربع وسبعين ساعه فويهه ويجوفج ببيت عمتج ولاخطباج .. اكيد ساحرته .. حسبي الله عليها اللله لايوفقها لادنيا ولا اخرة

خرجت من المجلس وانا مكسورة الخاطر والقلب .. ااه ياقلبي الصغير كم ستتحمل؟ .. شعرت بدموعي تنهمر من عيناي .. وانا احاكي نفسي"شلون هنت عليك يانايف تهدني من بعد حبنا وتاخذ اختي شلون هنت عليك؟ .. " بلعت ريقي بصعوبه .. كان خطيبي سابقاً .. وخلعت الخطبه بسبب مشاكل بين والدتي ووالدته .. تغير نايف كثيرا خلال الاربعه الاعوام الماضيه .. من بعد خطوبتنا

ذهبت الى غرفتي لاستريح لاني ساخذ نور الى احدى المتاجر لتجهيزها كعروس .. وانا احاول ان امسك عبراتي .. وقلبي المحطم يتحطم اكثر وبشدة.. انا اجهز لزفاف حبيبي .. انا اجهز عروسه .. وانا انتقي لها الملابس بعدما كان ينقى لي .. هلت دموعي بغصه ..

هل ستحدث مشاكل بين والدته ووالدة نور لتمنع زفافهم؟ .. شقيقتي .. وحبيبي ..
مالذي افعله؟ ماذا .. اخبروني؟

لاشيء .. سوى الصمت .. اااه

^^^^^^^^^^^^

"بعد مرور شهر ونص على الاحداث "


كنت خائفه وارتجف بقوة تمنيت لو انني لم اوفق .. كيف وافقت .. كيف وقعت في هذا المأزق .. ياالهي ..والاعظم انني وافقت برضائي .. لم يغصبني احد على هذا الزواج .. لا بلا غصبت .. لا اعلم .. انا حائرة .. خائفه .. ارتجف .. اكره هذا الانسان .. اكرهه .. كيف لي ان اعيش معه .. لايمكن .. لايمكن .. مالذي سينتظرني منه .. رأسي .. يؤلمني .. اه

غطيت وجهي بيدي .. كنت سأبكي ولكنني لم اعتد على البكاء لذلك شعرت بصعوبه في حلقي ..جاءت مها بسرعه: غلووووووي لاتتهورين .. وتصيحين .. بتخرعين اخوي ..

رأيتها بخوف وتوتر: مهوي خايفه

مها: من شنو خايفه .. اخوي ماياكل .. وبعدين خلاص يعني كلها ساعات ويدش عليج .. لاتخافين ..

دخلت حور بملاامح فرحه منتعشه .. ولما رأتني بفستان زفافي الابيــض ... قالت : الف الصلاه والسلام عليك ياحبيب الله محمد وال محمد كللللللللللللللللللللوش

قلت بخوف: انتي فاضيه

ضحكت حور بالم : يالله الحين وقت الزفه

قلت بخوف: حور روحي بدالي .. انا اختج حبيبتج .. بليييز ضحي ودخلي بدالي

ضحكت حور وهي تدور بفستانها البرتقالي بكبرياء: بس انا طلعت لهم بهالفستان وانتي لازم تدخلين بفستانج الابيض لانج عروسه محمد .. ولا شرايج مهوي؟

هزت رأسها مها بموافقه .. ثواني وتدخل ماما بيدها المبخرة وهي تقول لحور باستعجال : حور حبيبتي .. بخري اختج عن العين وانا الحين بيي بس بقول لهم يحطون اغنيه الزفه

قالت مها: انا بقول لهم .. وين دلول وميوس خاله؟

امي: تحت واقفين ينتظرون غلا .. (نظرت الي وقالت ) يالله يمه ..

قلت برجاء وخوف : يمة خايفه .. مب لازم انزل ..

قالت ماما: لا حبيبتي لازم تنزلين اليوم عرسج لازم تنزلين ياالله ياقلبي .. سمي بالله وتعوذي من الشيطان ..

^^^^^^^^^^

" حــــــــــور"

قلبي يتقطع كيف مرت هذه الايام بصعوبه علي .. ااه .. تذكرت حينما رأيت غلا وهي تخبر بابا على موافقتها .. كنت متاكدة بانها سترفض لانها لاتحب محمد .. كيف توافق .. تذكرت عندما انهرت .. ولم احتمل سقطت صريعه الفراش ليومين .. واخبرتهم بان ذلك لاني لم اود مفارقه غلا .. تذكرت عندما جمدت قلبي وتركته يحترق وانا اتذكر موعد زفاف شقيقتي غلا من محمد .. تذكرت عندما ذهبنا لشراء الملابس لزفاف غلا .. كان قلبي بارد جدا لم اشعر باي الم .. اليوم شعرت بذلك الالم .. لانني ارى الخوف والكرة بعيني غلا .. انا متأكدة ان غلا لاتريد محمد .. ولكن لم وافقت ..
انا لم احب محمد الى حد الجنون .. ولكنني تمنيت ان يكون لي ظهرا من بعد بابا ويكون ملاذا لي .. ولكنه اصبح لشقيقتي .. لم احزن كثيــــــــــــراً .. لانني لم احبه لدرجة كبيرة
نعم احببته
احببت شخصيته
احببت وسامته
احببت جاذبيته
واحببته مثلما يكون

ولكنه لشقيقتي
لذلك سـ اتخلى عن هذا الحب مهما يكن
مهما يكن
مهما يكـــــن

انا احب غلا
شقيقتي
ولن اسمح لاي مخلوق يبعدني عنها
حتى وان كان الذي احب

الرجل الذي ملت اليه لن يجعلني احارب شقيقتي
الرجل الذي احببته زوج شقيقتي
لن اهزم
لانني انتصرت
لاني تركت مااحب ليعوضني الله

ومن ترك شيئا يحبه
يعوضه الله بشيئا افضل منه
وانا متامله بان الله سيعوضني بشيء اكثر من حبه هذا الرجل

وهبني شقيقه تخاف على مشاعري
وتخشى علي من أي شيء؟


اشكرك يالله


لذلك .. خرجت وانا مبتسمه من غرفه غلا الخائفه واخبرتهم بان غلا ستنزل حالا

تسلطت الانوار على باب القاعه
لتدخل شقيقتي الى القاعه بكل نعومة

ولكن تفاجأ الحضو ر بان غلا لم تخرج من الباب






ياترى مالذي حصل؟؟؟؟؟؟؟







خلص الجـــــزء
نلتقي بعد يومين او اكثر

اتمنى يعجبكم
بانتظار رايكم

تسلم ايدج
اقراه واعلق

بارت يينن
واحداث غير متوقعة
اول شي
توقعت ان الدكتور بيخطب غلا
بس لا
بعدين شنو
محمد الزفت خذا غلا
غلا
مستحيل
الحين انا اتنازل لها عنه عشان تاخذ محمد
لا ما يصير
الغبية شلون واقفقت؟؟
لا وبرضاها بعد
يمكن بتعانده او عشان تنسى ناصر
مادري
بس الي اعرفه ان الحرب العالمية الثالثة بتصير بينهم
حدي متشوقة شكل البارت الياي كله هوشات وغلا المنتصرة على محمد
نور:مبروك الزواج
اتوقع نايف اهو البنية الي على صبي او اخوه/ها
الله يستر
مسكينة خذته غصب
لا وبثينة تحبه
حرااااام بثينة تكسر الخاطر
وبعد نور
الحين بثينة بتخرب عليهم
واذا مو اهي امها
جلثم
فقدتها بهالبارت ان شاء الله تكون تعودت
حور
الا اعرف ليش زعلت من غلا؟؟
مسكينة انكسر قلبها
صج اني احب اختها
بس مو يعني اكرهها
ما احب اجوفها حزينة
مسكينة ضحت عشان اختها
وقام تاكبر وتحاول تنسى محمد عشان غلا
يا جذي الخوات يا لا
يا ريتها اختي
الله يرزقها بالي احسن من محمد
واهو ناصر
مها
هههههههههههههه
مسيكنة صار الحبل حية
والله انها مصخرة
اتخيل ويهها لما ناصر مسك ريلها
الظاهر صار اشارة مرور
والي تبينه صار واحد من اخوانج خذا غلا
بس مو حمود الزفت محمد
ناصر
ما اقدر اقول شي عنك ولا اتفداك
خلاص انا الحين مخطوبة لبدوري
عقبالك انت وحور
وغصمنعليك بتحبها
وبليز لا تطولين متشوقة ابي اعرف شنو بصير بين غلا والزفت محمد
وخليه بارت طويل ولا توقفين عند نقطة فيها حماس
لاني بذبحج<<اتغشمر ماتهونين علي اذبحج
تقبلي مروري