باقي يومين على زواج نواف ... الكل مرتبش ويرتب للزواج ... رشا مع البنات دايما ... وساعدتهم في كل شي ...
رشا: بنات ودي اقول لكم شي ... بس لا تتضايقون!!!
لينا: افا عليك يا رشا ... قولي اللي بخاطرك ... احنا خوات
رشا: ما ودكم تعزمون سمر؟؟؟
البنات طالعوا في بعض: ........................
رشا: من تزوجت ما شفناها ولا سمعنا عنها شي
ليان: ما تحتاج عزيمة ... هي بنت عمته ... وامها اكيد بتقول لها وتحضر
رشا: بس هم مايدرون عنها
البنات بصوت واحد: ايييييييييييييييييش؟؟؟
رشا: ابوها زعلان منها وهي ما تزورهم
لينا: والسبب؟؟؟
رشا: ما ادري ... كل اللي اعرفه ان ابوها عصب عليها وزوجها غصب عنها ... وما شافوها ولاسمعوا عنها خبر ... اتصلت مرة وحدة في خالتي فوزية لمدة دقيقة وانقطع الخط قبل لا تكمل المكالمة
ليان: طيب شلون نعزمها؟؟؟
رشا: لو نكلم خالي عبدالعزيز يكلم ابوها وياخذ العنوان ... اكيد انه يعرفه
لينا: خلاص ... وليان تروح وتوصل لها الكرت بنفسها
رشا: ممكن تمرين علي في طريقك؟؟؟ الصراحة واحشتني وابي اتطمن عليها
ليان: خلاص ... ارتب الموضوع مع بابا واتصل فيك ...
اليوم الثاني ... بيت صالح ....
وصل عبدالعزيز البنات للبيت اللي وصفه له ابوسمر طبعا بعد طلعة الروح لانه ما يبي يسمع عنها شي ... وقف عند الباب ... وشاف شاب واقف عند الباب ... نزل وتأكد من البيت وسأل عن سمر ... قال له انها موجودة داخل ...
عبدالعزيز: خلاص ... انزلوا اجلسوا معها شوي ... وبعدبن خليها تطلع تسلم علي
البنات: اوكي
طبعا البنات مو عارفين يتكلمون او يوصفون شعورهم ... المنطقة مرة مختلفة تماما عن مناطقهم ... وعمرهم ما توقعوا ان سمر ممكن تكون عايشة في مكان مثل هذا ... لحقوا الشاب ودخلوا البيت ...
الشاب: هذه هي
ليان ورشا فتحوا عينهم عالآخر .... مو معقوووووووولة ان هالانسانة هي سمر ... اللي يشوفونه قدامهم وحدة بجلابية شكلها حوسة ولابسة البرقع ... واللي خلاهم يستغربون انها جالسة على الارض ... تحت رجل شاب وتغسل له رجله ...
سمر معطيتهم ظهرها ... لانها جالسة تغسل رجل صالح ... وهذا جدولها اليومي اول ما يدخل البيت ... تركض تجيب له الموية وتجلس تغسل رجله
رشا بشك: سمممممممر؟؟؟
التفتت سمر للصوت ... واول ما شافت البنات ... قامت ركضضضضضضضت وحضضضضضضضضضضضضضنتهم بقوة وهي تبكي وهم يبكون ...
سمر: وحشتتتتتتتتتتتتوني
رشا: انتي اكثر ... شلونك؟؟ شخبارك؟؟؟
سمر: الحمد لله ... عايشة ( والتفتت لليان ) كيف حالك ليان؟؟؟
ليان ودموعها تجمعت من المنظر: الحمد لله
سمر باحراج: حياكم غرفتي ... سوري بس مافي مكان ثاني تجلسون فيه
رشا: لا عادي ... أي مكان نجلس ... المهم نشوفك
اشرت لهم عالغرفة وراحت بتدخلهم ...
:سمممممممممممممممممممممممممممممممممممممممر
التفتت سمر للصوت بخوف: هلا
صالح بعصبية: وين رايحة؟؟؟
سمر بارتباك: بدخل مع البنات شوي
صالح: ورجلي؟؟؟ تظل كذا؟؟؟
رشا وليان طالعوا في بعض باستغراب ...
انحرجت سمر ودمعت عينها ... قربت منه وهمست: بس يروحون اسوي لك اللي تبيه ... بس اضيفهم ... ما بيطولون
صالح بحزم: تكملين غسيل رجلي بالاول بعدين تروحين لضيوفك
وبصوت عالي: ما في احد يزور احد من غير ما يتصل ويسأل عن ظروف البيت
لفوا البنات بيطلعون ... ركضت سمر ومسكت فيهم: تكفون تجلسون
ليان: ما سمعتيه؟؟؟
سمر: خمس دقايق ... اخلص واجيكم ... انتظروني داخل ... تكفوووووووووون!!!
كسرت خاطرهم ودخلوا داخل ينتظرونها ... وهي رجعت لصالح ... تغسل رجله وعيونها تدمع ...
صالح: مين هذولي؟؟؟
سمر: بنت خالي وبنت خالتي
صالح: كيف عرفوا البيت؟؟؟
سمر: ما ادري انت ما خليتني اسألهم
صالح: ليش جايين؟؟
سمر: يزوروني
صالح: ما في زيارات ... وهذه اخر مرة
سمر بحسرة: طيب
خلصت ورفعت الموية وراحت بتدخل الغرفة ...
: سمر
لفت عليه وبقهر: نعم
صالح: صلحي لي شاي
سمر: احيييييييين؟؟؟ وضيوفي!!!
صالح من غير مبالاة: مو شغلي
رجعت للمطبخ وصلحت له كاسة شاي .. وقدمته له
صالح: خمس دقايق ويطلعون من عندك ... فاهمة؟؟؟
سمر: انت خلني اروح لهم ويصير خير
صالح: انقلعي
دخلت سمر عليهم ولقتهم واقفين وهم مستغربين ...
سمر بابتسامة مصطنعة: حياكم الله
رشا: سمر هذه غرفتك انتي وزوجك؟؟؟
سمر: ايه
ليان: وين تنامون؟؟؟
سمر وراسها بالارض: هو عالسرير وانا بالارض
رشا وليان: اييييييييييييش؟؟؟؟
ليان: وليش ساكتة؟؟؟ ايش اللي مصبرك عليه؟؟
سمر: وين اروح؟؟ ابوي ما يبيني ... عالاقل عندي بيت يضفني ... وهو مستحييييييييييل يطلقني
انفتح الباب بقوة ودخلت ام علي ....
ام علي بصراخ: يا سلااااااااام ... تاركة لي شغل البيت وجالسة تسولفين مع ربعك؟؟؟
سمر: لا تخافين بخلص شغلي كله
ام علي: متى؟؟ السنة الجاية؟؟؟
سمر: ......................
ام علي بعصبية: ما تردين؟؟؟
ليان: يالله سمر ... نستأذن
من سمعت جملة ليان طلعت ام علي وعلى وجهها ابتسامة النصر ...
سمر: وين ؟؟؟ ما قلت لكم كلمتين على بعض
رشا: انتي شايفة الوضع ... شلون نجلس؟؟؟
ليان وهي تطلع الكرت من شنطتها: المهم احنا جايين نعزمك على زواج نواف بكرة .... وضوروي تحضرين
سمر: نواف بيتزوج بكرة؟؟؟ مين العروسة؟؟؟
رشا: نواف رجع هبة
سمر: اها ... الله يوفقه ويسعده .. احاول احضر .. بس ما اوعدكم
رشا: حاولي تحضرين ... بتشوفين امك والباقي من غير حنة اللي عندك
ليان: سمر ابوي عند الباب ... تقدرين تطلعين تسلمين عليه؟؟؟؟
( ليان ورشا من دخلوا الغرفة دقوا على عبدالعزيز وقالوا له وضعها )
سمر: خالي حبيبي ... وحشني
طلعت سمر تسلم عليه في الحوش ...
عبدالعزيز والدمعة في عينه من وضعها: شلونك يا سمر؟؟؟
سمر: الحمد لله يا خالي ... انتوا شلونكم؟؟؟
عبدالعزيز: احنا بخير ( حط يده في جيبه وطلع منه 2000 ريال ومده لها)
سمر: شكرا يا خالي ... مو محتاجة
عبدالعزيز: لا ترديني ... انتي بحسبة بنتي
خذتها سمر ودمعت عينها: سامحني ياخالي .... انا غلطت بحقكم كثير
عبدالعزيز: للاسف ... انتي غلطتي بحق نفسك ... لو بحقنا هانت كثير
ودعتهم سمر ... وقبل لاتدخل البيت ... اخذت الفلوس ودخلتهم في صدرها حتى مايشوفها احد ... ودخلت عالمطبخ على طول .... عشان تبعد الشكوك عنها ...
خمس دقايق ودخل عليها صالح ... قفل الباب وراه ... قرب منها بعصبية .. سحب برقعها وشيلتها بقوة ورماه عالارض ... سحبها من جلابيتها من الامام ... مد يده في صدرها وطلع الفلوس ... ضربها كففففففففففففففففففففففففف
: اييييييييييييييييييييييييييييييي ييييييييييييييي
طاحت سمر عالارض من قوة الضربة ...
صالح بعصبية: ان خبيتي عني الفلوس مرة ثانية ما تلومين الا نفسك .. فاهمة؟؟؟
سمر وهي عالارض ودموعها على خدها: فاهمة
صالح وهو عند الباب: قومي بسرعة وتغطي قبل لا افتح الباب ... بلا دلع وتحركي
قامت سمر بانصياع ولبست شيلتها وبرقعها وكملت شغلها وهي ماتشوف قدامها من البكي ...
( ام علي كانت تراقبها من الشباك وشافتها وهي تخبي الفلوس )
في الليل ... كالعادة ... دخل صالح الغرفة ولقاها لابسة وجالسة عالسرير ...
راح للجهة الثانية ... انسدح عالسرير ... وهي على وضعها جالسة ومعطيته ظهرها وتفكر ... رفع رجله ورفسها بقووووووووووووة طيحتها عالارض: مالي مزاج لك الليلة
سمر في خاطرها: يعني انا اللي ميتة عليك!!!
فرشت شرشفها بتنام عالارض ...
صالح: اذا كل مرة اهلك يزورونك فيها فلوس خلهم يكثرون من زياراتهم
استغلت سمر الفرصة: صالح ... ممكن اطلب طلب؟؟
صالح: خير؟؟
سمر: بكرة زواج ولد خالي ... ممكن احضره
طالعها صالح بنص عين: طبعا لا
سمر بخيبة امل: طيب ليش؟؟؟
صالح: كذا ... قلت لك مالك اهل غيري انا واهلي
سمر: ما اطول ... اسلم عليهم ربع ساعة بالكثير واطلع
صالح وهو يعطيها ظهره: انخمدي ونامي ... ومابي نقاش في الموضوع هذا
عطته سمر ظهرها ونامت وهي تبكي من الحسرة والالم ...
جناح فواز ...
صحوا لصلاة الفجر ... فواز في الحمام ورؤى لابسة جلالها بتصلي ... سمعت صوت باب الجناح ... فتحت الباب وشافت عمها
رؤى: هلا عمي ... حياك
عبدالعزيز بنظرة لهفة: شلونه فواز؟؟؟
رؤى وهي منحرجة من عمها: طيب الحمد لله ... ما عليه شر
عبدالعزيز في خاطره: لو تعرف قد ايش مشتاق لك
عبدالعزيز: لا يطلع للصلاة خليه يصلي في البيت
رؤى: ليش؟؟
عبدالعزيز: الجو غبار .. وما ينفع له يطلع ... ولا تخلينه يعاند
رؤى: ابشر يا عمي
قفلت باب الجناح ... ورجعت لقت فواز يلبس
فواز: مين؟؟
رؤى: ابوك
صد فواز للجهة الثانية وكمل لبسه ...
قربت منه رؤى: الى متى يافواز؟؟؟
فواز: رؤى لا تكثرين حكي بهالموضوع
رؤى: بس هذا ابوك ... انت لو تشوف نظراته وهو يكلمني
فواز: رؤؤؤؤؤؤؤؤؤؤى
رؤى: خلاص بسكت ... بس يقول لك لا تطلع للصلاة ... الجو اليوم ما يساعد
رجع يلبس بجامته وهو ساكت ...
رؤى: شفت شلون يحبك ويخاف عليك؟؟؟
عطاها فواز نظرة وكبر للصلاة من غير ما يكلمها ...
الصبح بيت صالح ...
صحت سمر من نومها ... اصلا هي ما نامت وهي تفكر شلون تقنع صالح انه يخليها تحضر الزواج ... العادة اول ما تصحى تغير ملابسها وتلبس جلابيتها وتطلع لشغل البيت قبل لا يصحى صالح ... هي مو مشتهية تشوف وجهه ... تهرب منه عالشغل ... اليوم لا ... انتظرته لين يصحى ... وهي ما غيرت ملابسها من امس ...
استغرب لما شافها بملابسها بس ما عطاها اهتمام ... وقف بيطلع للحمام ... صدته ووقفت قدامه
طالعها بنص عين: نعم؟؟؟
سمر بدلع: تبي الليلة تكون مميزة وغير عن كل الليالي؟؟؟
صالح: شلون؟؟
سمر: تخليني احضر زواج ولد خالي ... ولك ليلة ماكنت تحلم فيها
صالح باستهزاء: لا تهددين ... تعرفين اني باخذ منك اللي ابيه ووقت اللي ابي
قربت منه سمر ولصقت جسمها بصدره وهي تلعب باصبعها على كتفه: كذا بتكون مثل كل ليلة ... مالها طعم
سكت صالح وكأنه يفكر ... ولانت ملامحه ... فرحت سمر شكل خطتها بتنجح ... رفعت نفسها شوي وباسته على رقبته ... وبدلع: ها صالح ... عشان خاطري؟؟؟
هنا صالح فتح عينه عالآخر ... اول مرة تبوسه من غير ما يجبرها
صالح: واذا ضحكتي علي؟؟؟
سمر: سوي اللي تبيه ... ان شاء الله تذبحني
صالح: خلاص ... بس بشرط ... امي تروح معك
فكرت سمر شوي: حياها الله
بيت عبدالعزيز ...
الكل مرتبش بزواج نواف ... وهو من الصبح مصدع راسهم ... صح مقهور على هبة لانها مطنشته ... بس فرحان لانه بيجتمع معها في بيت واحد ...
جناح فواز ...
رؤى تجهز اغراضها لانها بتروح للصالون ...
فواز: رؤى
رؤى وهي حايسة: هلا حبيبي
فواز: ما شفت فستانك اللي بتلبسينه اليوم؟؟؟
يبست رؤى في مكانها: ها؟؟؟
فواز: ايش عندك جمدتي مكانك؟؟
رؤى باحباط: فواز لا تقول رجعت لحركاتك؟؟؟
فواز: أي حركات؟؟؟ فستان زوجتي وابي اشوفه!!!
راحت رؤى للدولاب وطلعت الفستان ... وهي تدعي انه ما ينتبه ولا يعلق عليه ...
شاف فواز الفستان: الله ... يجننننننننن
ارتاحت رؤى: صدق ... الحمد لله ... لفت بترجعه للدولاب
فواز وكأنه انتبه لشي: تعاااااااااااااالي
وقفت رؤى وعفست وجهها ولفت عليه وهي مبتسمة: هلا حبيبي
قام وقف ومسك الفستان: ايش هذا؟؟؟
رؤى وهي رافعة اكتافها: فستان
فواز: لا ... على بالي بنطلون ... بطلي لف ودوران ... عليه شال؟؟؟
رؤى وهي رافعة عينها لفوق: لا
فواز: يا سلاااااااااااااااااام ... وظهرك كله طالع؟؟؟
رؤى: لا ... بيغطي رقبتي من ورا
فواز: مو من طيبك ... الا تغطين الحرق اللي في رقبتك ... الفستان هذا ما تلسينه
رؤى: فواااااااااااااااز
فواز وهو فاتح عينه: لا تقولين لي فواز ... قلت لا يعني لا
رؤى: مو كفاية اني ما اقدر البس قصير بسبب الحرق الجديد ؟؟؟ ايش البس يعني؟؟؟
فواز: ليتهم حارقين ظهرك عشان تغطينه وتبطلين تلبسين لي فساتينك الماصخة
رؤى بنرفزة: أي انت ايش هامك ... الحرق مو فيك ... ان شاء الله احترق بكبري كمان ... انت عايش ومبسوط
29-07-10, 10:47 AM
جديد مواضيع قسم القصص المكتمله
العرض العادي
