غرفة فواز ...
الوضع على ما هو عليه ... مو راضي يطالع ولا يكلم احد ... دخل عبدالعزيز .. ومبين على وجهه الهم والكدر ...
قرب من فواز ... فواز صد للجهة الثانية بقوة ...
عبدالعزيز: فواز؟؟؟
فواز: ..........................
عبدالعزيز: حبيبي!!!
فواز: ..........................
عبدالعزيز: فواز ... مستعد ابيع الدنيا كلها ولا تتضايق ... انت اهم شي بدنيتي ... فواز
فواز: ........................
عبدالعزيز: طيب قول ايش اللي يرضيك؟؟ قول وانا اسويه على طوووووووووول!!!
فواز: ............................
عبدالعزيز ما استحمل صدود ولده ... وطلع من الغرفة بسرعة ...
كل شوي احد يدخل عليه ويكلمه ... بس ما في فايدة ابببببببببد ...
تركي: فواز
تركي: ما توقعتها منك ابد ... طول عمرك رجال ... ايش هالتصرفات؟؟؟ والله معك حق انك تزعل ... بس مو بالشكل هذا ... فواز ... زعلك هذا ما بيغير من الواقع شي ... هذا الواقع ولازم تتقبله ... وبعدين انت عندك خلفية عن الموضوع ... وانت كنت متوقع انك انت ولد سارة ... يعني ما تفاجأت ... ليش الزعل هذا كله؟؟؟
ليان: فواز ...
ليان: ادري انك تسوي هذا كله لانك تبي تشوف دموعي ... لو تبي بجلس ابكي من اليوم لاخر يوم في عمري ... بس لا تضيق صدرك كذا ...
طيب كلمني ... طالعني ... اشر لي ... اغمز لي ... بس بين لي انك معي ... فواز لا تتركني مع نوافو الدب بروحنا .... صح انت دايم معه ضدي ... بس والله احبكم اثنينكم ... ولا اقدر استغني عنكم ... وبعدين مين قال انك ولد سارة؟؟؟ ومين سارة هذه؟؟؟ احنا اللي نعرفه انك اخونا ... ومانبي نعرف غير هالشي
خالد: فواز
خالد: طيب انا ليش زعلان مني؟؟؟ احنا ايش ذنبنا!!!
خالد: مو دايم تقول لي اني بغلاة اخوك؟؟؟ وين الغلا ياخوي دامك صافطني ؟؟؟ وبعدين انا ايش علي من هالموضوع كله؟؟؟ انا ولد عمك واخوك ... مين ما كانت امك ... ايش تغير علينا؟؟؟
كلمني يافواز ورد علي ... والله الدنيا ما تسوى من غيرك
لينا: فواز ...
حبيبي ... ادري انك ما تقدر تزعل مني ... انت طيب وحبوب ومافي احن من قلبك ... ومابتردني البيت خايبة ... صح؟؟؟
فواااااااااااااااااز ... طالع فيني ...
مو دايما يقولون اني اشبهك!!! والصراحة الصراحة هذا اللي محليني ... ابي ولدي او بنتي يطلعون عليك ... بيطلعون احلى عيال ... طيب طالع فيني وخلني اجلس وانا اناظر فيك عشان يشبهونك ... وبعدين منها تقهر خالد ... اذا العيال تركوه وطلعوا يشبهون خالهم اللي احبه مووووووووووووووووووووووووووووووووووووووووووووووووو وووووووووووووووت
فواااااااااااااااااز ... تكفى ... رد علي!!!
عبدالرحمن: فواز يا ولدي ...
ليش معذب نفسك ومعذبنا معاك؟؟؟ شوف حالة ابوك مسكين ... اللي سواه كله عشان خاطرك ... ماكان يبيك تعيش اقل من اخوانك ... حاول يعوضك عن حنان الام ... والحمدلله ... عشت وكبرت وانت مرتاح ومبسوط ومو ناقصك شي ... ليش مضيق صدرك؟؟؟ ارحم حالنا ياولدي ... انت تعرف بغلاتك ... غلاتك انت بالذات ... انا الوحيد اللي اعرف انك ولد سارة ... وكل مااشوفك احس بغصة ... انا اللي عارف الحقيقة وساكت عشان خاطر ابوك ... طيب اذا بتزعل ازعل مني انا ... انا اللي سويت العملية وانا اللي نفذت لابوك اللي يبيه ... خلاص ازعل مني انا راضي ... بس لا تضيق صدرك ياولدي ....
منيرة ... طلبت من الكل انه يطلع ... بقت معه لوحدها ... دخلت وجلست جنبه ... مسكت يده بيد واليد الثانية حطتها في شعره ...
ولدي ... ايه ولدي ... واللي يقول غير كذا اذبببببببببحه ... انت ولدي انا ... مافي احد له عندك شي غيري ... انت ما تعرف غلاتك ... صدقني ما تعرف غلاتك ... من ولادتكم وانا اقول اني اكيد احب ولدي اكثر ... واذا عرفت مين ولدي مالي شغل في ولد سارة ... بس اللي ماتعرفه اني تعلقت فيك ... لك معزة بقلبي ما اقدر اوصفها ... يمكن لان الباقي طبيعي انهم يحبوني ويحنون علي ... بس انت لا ... انت حنانك غير ... اذا جرحك كلامي ... خلاص انا مستعدة استسمح منك ... ولو تبي ابوس راسك كمان ... بس ما اقدر على زعلك ... والله ما اقدر على زعلك ... انا ايش استفيد من اني اضحك عليك؟؟؟ ابوك طلقني خلاص ... مالي حاجة عنده ... بس انا ما ابي اخسرك انت ... انت يافواز ... انت المهم عندي ... مو أي احد ثاني
دخلوا لما وفيصل عليه ...
طبعا ركضوا لرؤى ولموها بالاول ... وبعدين التموا حول فواز ...
لما: فواز؟؟؟ انت زعلان مني؟؟؟ ليش ما ترد علي؟؟؟
فيصل: فوااااااااز ... اذا ما رديت علي ببوس رؤى ... مو انت دايم تقول لي خلاص صرت كبير ولا تقرب من رؤى؟؟؟ يالله بعد لثلاثة ... اذا ما ناديتني ببوس رؤى؟؟؟
فواز: .................................
لما: انا ما ادري انت ليش زعلان ... هم يقولون لان ماما مو ماماتك ... بس انا ما علي منهم .. مو بكيفهم ... ماما امك ... خلهم ياخذون أي احد ثاني ... خل ياخذون فيصل الدب ... بس انت لا
فيصل: وليش ما ياخذونك انتي ويفكونا منك؟؟؟ صح فواز ؟؟ خلهم يفكونا من لما ويريحونا
لما: تعرف فواز ... انا شريت للبيبي اشياء ... بس انتظرك ترجع البيت واوريك اياها
فيصل: طيب فواز انا ليش ما تكلمني؟؟؟ مو انت دايم تقول انا اخوان!!! والاخ يقول كل شي لاخوه؟؟؟ طيب انا اخوك ... قول لي من مزعلك وانا اروح واضربه ضررررررررب
هذا وضعه ... ما كلم ولا احد ... ولا حتى التفت لهم بطرف عينه ... بس يفتح فمه للاكل لما رؤى تقدمه له من غير ما يناظر فيها ... والكل مكتئب على الوضع اللي وصل له فواز ...
بيت صالح ...
حضرت العشا مع ام علي ... اصلا طول اليوم ما طلعت من المطبخ ... صالح من الصبح طلع ولسه ما رجع ... جهزت السفرة معها وفرشتها عالارض ...
ام علي: انقلعي وناديهم عالعشا ... ويا ويلك ان سمعت حسك ... تروحين وتساسرين زوجك وهو يقول لاخوانه
طلعت سمر من المطبخ من غير ما تتكلم ...
راحت للصالة الجالسين فيها الرجال ... وتحس ان الكل عينه عليها ... جلست عند صالح وقربت من اذنه: امك تقول العشا جاهز
صالح بنرفزة: اسمها عمتي ... مو امك
سمر في خاطرها: عمى يعميها يارب
قال صالح لاخوانه وراحوا كلهم للمطبخ ...
جلسوا كلهم ... وجلس صالح على طرف السفرة في الاخير ... اشر لها تجي جنبه
جلست جنبه: مو مشتهية
صالح: شكلك ما تعرفين نظام البيت!!! ما في اكل الا عالوجبات ... يعني لو ما اكلتي مافي اكل الى بكرة الغدا ... لان الفطور وجبة ملغية عندنا لغلاء الاسعار
سمر: ما اعرف اكل تحت الغطا ... ولا عندكم حتى ملعقة الواحد ياكل فيها
صالح: شلون تغديتي؟؟؟ نفس الوضع
سمر: اوووووووووووووووووووووووووووووووووووووووووووف
عطاها صالح نظرة سكتتها ....
كلت شوي وجت بتقوم ..
ام علي بصوت عالي: ويييييييييييييييين؟؟
سمر: شبعت
ام علي: اجلسي لين الكل يقوم ... وشيلي السفرة ... وغسلي الصحون ونظفي المطبخ بعدين روحي المكان اللي تبينه
فتحت سمر عينها عالآخر ... كل هذا بتسويه!!! مو كفاية الشغل اللي من اصبحت وهي ما جلست حتى ..
29-07-10, 10:40 AM
جديد مواضيع قسم القصص المكتمله
العرض العادي
