كاتب الموضوع :
شمس السديري
المنتدى :
القصص المكتمله من وحي قلم الاعضاء
الفصل الرابع
بكافتيريا المستشفى ..
ريماس : بيتنا زحمه الله لايوريكم ...كل عيال اخواني وخواتي عندنا ..
نجلاء : خالتي وش قصدك ..؟
مروه : واضح تقصدك انتي ...
نجلاء تنهدت : وش اسوي لاعت كبدي من شيمو وسواليفها اللي ماتخلص ..
ريماس : هذي مادري ليه شايفه نفسها هي ورى اختي شيخه دايم
نجلاء : قصدك امي اللي وراها مو هي وراء امي
مروه : صار عندي فضول اشوفها ..
ريماس : لا لاتلوعي كبدك ترفع الضغط
..: السلام عليكم
اللكل : وعليكم السلام
نجلاء ناظرت بريماس لانها تميل لدكتور مشعل كثير وماعندها سيره غيره
الدكتور مشعل : ممكن اجلس مع الصبايا ..
نجلاء (( آف شيبغى هذا مع وجهه ))
مروه : اكيد دكتور مشعل تفضل ..
جر مشعل كرسي وجلس قبال نجلاء : اووه الثلاث الدكتورات فاضين ..
ريماس بارتباك : ايوه ناخذ break
مشعل بابتسامته الجذابه : كلكم
نجلاء ماتطيق هذا الدكتور لانه جذاب ووسيم واغلب البنات اللي يشتغلوا بالمستشفى يتمنوا منه نظره و يذكرها بغرور شموخ وثقتها بنفسها .. ولانه ولد صاحب المستشفى يعني المستشفى حقته ..: ايوه عندك اعتراض
ريماس انقهرت من نجلاء وضغطت على جزمتها
نجلاء لفت عليها معصبه : خير وش فيك تضربين ..
ريماس وجهه تغير الوان وودها تذبح نجلاء : لا شكلي دست عليك مادري
مشعل بابتسامه مرحه : لا ماعندي اعتراض بس انتم بنوتات ولمتكم تشد ..وانتم حديث المستشفى ..
مروه : هههه نجلاء وريماس يمكن بس انا ولله الحمد متزوجه ,,
نجلاء احتقرته من كلامه الصريح بالنسبه لها ماصار له ثواني جالس يتكلم براحه كبيره معهم
ريماس : وفي احد اسالك انتي متزوجه والا لا ..
مشغل بغرور : لا بس شكل مروه حابه تحذرني ..
نجلاء ((ياشيخ على هالغرور الزايد ))
ريماس ببراءه ودلاخه : تحذرك من ايش ...- بعد ثواني لما ناظروها نجلاء و مروه - آهااااا هههههههه ..
نجلاء تشرب الكابتشينو وتناظر ساعتها (( متى ينقلع هذا ))
مروه تغير الموضوع : وانت دكتور مشعل اشوفك فاضي ..
مشعل ببشاشه : يعني كانت عندي عمليه من شوي وكانت صعبه مره بس الحمدلله عاش المريض
ريماس : عملية قلب صح ..
مشعل استرخى بالكرسي بكسل : ايوه معه تضخم بالقلب
مروه : الحمدلله اني اسنان ..
ريماس : لا انتي قرف اسنان انا مرتاحه بالعيون والمرضى قليل ..
مشعل يدور ويرجع لنجلاء :محد مرتاح الا دكتوره نجلاء اطفال ..
نجلاء رفعت عيونها عن ساعتها (( شيبغى هذا ..؟)) : اذا كنت قاصد بكلامك حسد فريح نفسك مانحسد شي بقسم الاطفال
مشعل ضحك : هههههه لا مو حسد
ريماس تبغى تسولف معه : نجلاء تخصصعا جراحة قلب مثل تخصصك والاطفال حاله عرضيه
مشعل رفع حواجبه : انتي دارسه قلب ..
نجلاء ناظرت ريماس نظره لها معنى تهديد وريماس ابتسمت بخبث ردة لها حركتها بسرعهردت بدون نفس وهي تناظر ساعتها : ايوه
حطت الكابتشينو .. ورفعت سماعتها الطبيه من الطاوله : انا تاخرت على المرضى عن اذنكم .. ريماس فزي معي ..
ريماس : ماعندي مرضى بجلس شوي
نجلاء : براحتك ..
ومشت متنرفزه ماتحب تتعدى علاقتها مع الدكاتره اكثر من الشغل وماتعطيهم مجال يتمادوا معها
مشعل ناظر نجلاء وهي تبتعد ((على بساطة لبسك جمالك واضح فيك شي جذاب ))
ريماس كانت بعالم ثاني مع عيون مشعل وحركاته ونظراته - البنت خاقه عليه
مشعل لف عليها فجاءه نزلت عيونها بسرعه ماهتم كثير متعود على مثل هالنظرات : مخطوبه ...؟
ريماس بارتباك اشرت على نفسها : انا ...؟!؟!؟!؟
مشعل هز راسه : لا دكتوره نجلاء ..
ريماس ببراءه : لا لا مخطوبه ولا متزوجه ولا تفكر حتى ..
مشعل : ليه ..؟
مروه بنرفزه : شي خاص يادكتور مشعل ..يله يا ريماس قومي تاخرنا بالبريك ..
ريماس قامت وهي مبتسمه : فرصه سعيده دكتور مشعل
مشعل رفع ايده وابتسم : وانا الاسعد ..
ريماس ترددت تسلم ولا لا لكن نظرت مروه المصدومه خلتها تبتسم وتمشي ...
مروه بنرفزه : لا كان بستيه على خده بعد ..
ريماس : ليه معصبه حبوب الرجال
مروه : انتبهي على نفسك هذا مرقم نص دكتورات المستشفى
ريماس : اشااااعات ياماما اشاعات
مروه : اسمعي هاللحين دوري لك صرفه مع نجلاء بعد لقافتك
ريماس : والله نجلاء بنت اختي وغصب عليها تسكت وتحترمني ..
مروه : الله يعينها عليك ويعينك على نفسك
ريماس : اقول روحي لشغلك احسن لك ...
................
نجلاء جالسه بالمكتب بغرفتها تفكر بتخصصها اللي ماقدرت تشتغل فيه لان الفرصه ماجئتها (( بس انا برجع اكلم المستشفى يمكن فيه امل ياااارب فيه ))
ادق الباب ودخلوا المرضه ورجع دوامها الممل ..
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ
بيوم الزواج
ندى : وعوده ايش رايك بعيوني ..
وعود : هههه امسحيه بس امسحيه ..
ندى : يوه هذي ثالث مره امسحه ومايعجبك ..
وعود : وش اسوي فيك يعني مو حلو ..
ندى : طيب وش اسوي ..؟
وعود : صيري مثلي وانتظري لحد مايجوا بنات خالي هواجس ونور
ندى : ومحد قالك انهم بيتاخروا ومراح يروحوا للعرس
وعود: مراح يروحوا ليه
ندى : باختصار ماعندهم فستان
وعود : ايوه راح عن بالي لاااا خساره
ندى : مو تقولي مانتي برايحه بذبحك
وعود : لااااا اكيد بروح خلاص طلع من ايدي الوالده واقعت
ندى : هههه احسن تستاهلي
اندق الجرس
ندى : اكييييييييييييد وصلوا
.....................
نواف فتح الباب : هلا
هواجس تقرص خده : هلا وغلا بزوج بنتي هلا فيك ..؟
نواف : لاااا انتي تزوجي بعدين زوجيني بنتك المنتظره
نور تدفه : ابعد بس موتننا حر على الباب وين الخايسات ...
نواف : داخل بغرفتهم ..
هواجس : نيفو حبيبي انا عديتها هالمره بس المره الجايه مستعده ارمل بنتي واذبحك
نواف : لااااا الله يغنيني عنك وعن بنتك
ام وعود : هلا والله بالبنات حياكم
هواجس ونور : هلا عمتي ..
نواف دخل بسرعه يكمل لعب بالبلاي ستيشن
ام وعود : ها جايبين العده هههه
نور ترفع شنطة المكياج : اكيييد
هواجس : الله يسلمك عمتي كلها بودره وكم روج وانتي تقولي عده
ندى قفزت عندهم هي ووعود : هلالالالالالالالالالالا وغلى بالحامل والمحمول حياكم تفضلوا
هواجس بغرور مصطنع : يله حبي يدي وجهزي القهوه
ندى : ههههه بالمشمش
وعود : هواجس بسرعه تعالي ابغاك ضروري
هواجس : يالله وش هالعيال عمه مايعرفوا يسوا شي بدوني
ام نواف : ههههههه شفتي كيف ياهواجس انتي عمة نواف المستقبليه لازم نستشيرك
هواجس وجهها حمر سمعتها عمتها وهي تطفش نواف : كنت امزح
نور : هههههه يله بس ندخل ..
هواجس زينة وعود ونور زينة ندى .. لان هوجس ونور هم اللكوافيرات بالعايله البسيطه ..
وعود ناظرت شكلها بالمرايه روج وردي وشدو وردي ناعم وهذا الموجود ...: طيب مافيه ماسكرا
نور وهي مندمجه بوجه ندى : لا احمدي ربك طلعوا هذولاء..
ندى : ومعورين راسنا من الفجر مكياج وعده وشنطه كبيره على الفاضي
نور : ندى اسكتي ماني قادره اركز
ندى : زييييين سكتنا
هواجس : انا قلتلكم ماعندنا مكياج ينفع لزواجات
وعود اخذت فستانها ودخلت لغرفة امها تبدل
ندى :خساره ليتكم معنا
هواجس قفزت عندها : كيف رضت
ندى: هههه ماهنت عليها جئيت حبيب القلب
نور باستغرب : جاء هنا
ندى : ايوه ومعه بنات عمي
هواجس : بس مافالت لي الخايسه انه جاء
ندى : اسكتوا نفسيتها رجعت تسرح واذا حكت سالت عن الزواج وتوقعاتها باللي ممكن يصير ..آه ياخويتي جيته طيرت قلبها
نور : مع وجهه له عين يجي
هواجس : وش رايكم نروح معكم
نور: لاااااااااا كيف ..؟
هواجس : مادري بس بعد اللي سمعته تحمست نفسي اشوف وجه فتوح مقهوره وهي تشوف وعود داخله زواج بنتها ...
ندى : ايوه ياليت تحضروا بليييز وانا احكي مع لمياء بنت الجيران تدبر فستانين من خواتها
نور: لا ماينفع مفروض حكينا من قبل ..
وعود : وشرايكم حلو شكلي .؟
لفوا عليها البنات وفستانها ذكرهم بيوم خطوبتها وملوا من شكلها فيه بس مع كذا نعومتها زادت وجمالها برز حلوه وتحلي ملابسها ..
هواجس : اسم النبي حارسك وصينك دنتي امر يابنت ...
وعود : ههههه اضحكي علي يله ندوش البسي نشوف فستانك
ندى : عادي وش بيصير حفظنوا شكلي فيه
نور : اقول لايكثر ولبسي نشوف شكلك ..
وعود : لحضه قبل لاتطلعي ندوش اسمعوا فكروا معي ابغاه يشوفني
نور : يعقوب !!!!!!!!!!!
وعود تنهدت : وفيه غيره ابغاه يندم انه تركني ويتعذب لما يشوفني انا متاكده انه ميت فيني وماعزمونا الا لانه الح عليهم
هواجس: تعجبني الواثقه هههههههههههههههه
وعود : والله متاكده اجل ليه جاء ..
ندى : لا هواجس ووعود اجتمعوا راحت عليك يا يعقوب ههههه
نور : وانا معهم يله فكروا باخلاص ..
ندى : انتي بعد انا بروح ابدل ولا لقيتوا حل بشروني
طلعت وهي عارفه خبالهم لاجتمعوا اكيد بيجيبوا حل وبيخبلوا يعقوب ...: هههههههه
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ
شموخ : لا حمود انا ماحب هذي الحركات وماتعجبني ورد وشوكلاته لا احب اخذ المبلغ وانا اشتري اللي احبه
حمود : جد غريبه بالعاده البنات يموتوا على هالسوالف
شموخ : قلتلك انا مروج غييير ..
حمود : عارف انتي غير لانك حبيبتي
اندق الباب بسرعه ..: آآآف حمود حبيبي شوي بشوف من بالباب .... مييين
الخدمه : انا روز
شموخ فتحت الباب : خييير وش تبين ..؟
روز : هاذا نجلاء وريماس في يجي ويقول ماما كبير ينزل
شموخ : اقول ضفي وجهك ومابقى الا الموس القرويه الثانيه انزل لها ..
روز : يعني يقول لماما مافي ينزل
شموخ بنرفزه : انتي ماتفهمي ماني بنازله
رجعت شموخ لسماعه متنرفزه : حمود تاخرت عليك ..
حمود : لا خذي راحتك
شموخ : ايوه ايش كنا نقول
حمود : حبيبتي ليه متنرفزه كذا وسعي صدرك
شموخ : باي خياط هههههههه .. من قالك اني متنرفزه بس خالتي عندنا وانا ماطيقها
حمود (( نفسي مره تقولي تحب احد او تطيقه )) : ليه ..؟
اندق الباب من جديد : خييييييير
ام ريان : ماما شموخ
شموخ : ماما ..؟ - بهمس – ماما تبغاني باي
سكرت في وجهه و فتحت لامها الباب : هلا ماما
ام ريان : اهلا حبيبتي ..يله انزلي خالتك ريماس هنا
شموخ : مابغى ماطيقها القرويه هذي
ام ريان : لا ياحبيبتي يله انزلي
شموخ : لااا ماني بنازله ماما لاتحاولي ...
ام ريان : طيب اذا قلتك انزلي علشان خاطري جلسي معي شوي عوروا راسي بسواليفهم عن الكتب والطب ..
شموخ : هههه قرائوه وش تبين يسولفون فيه ... – رفعت بيسو و سكرت باب غرفتها – هذا انا نازله معك
ام ريان : والله انك حبيبتي انتي
شموخ : متى جئت نجلاء خلصت من الاعتكاف ببيت جدي
ام ريان: مادري عنها مفشلتنا هناك
شموخ بخبث : عاد هم خلقه من الله كذا مايحبونك بعد انتي رايحه لهم
ام ريان : اييييه والله وهذا امي وابوي
شموخ : ولا يهمك انا امك وابوك
ام ريان ناظرتها بحنان ماقد حست انها مو بنتها بالعكس كانت اقرب عيالها لها : هههه فيك الخير
سامي كاشخ بالثوب والشماغ وهذا من النوادر : هااااي
شموخ فكرته ريان قالت بدون نفس : هااااي
ام ريان : هلا ريان غريبه راجع بدري
سامي : ههههه بسم الله علي انا سامي
ام ريان : ساميييييييييييي ؟؟؟!!
شموخ : غريبه صاير رجال بالثوب
سامي بثقه : ايش رايكم ..؟
شموخ : عادي وكاني اشوف ريان الهم
سامي : اقول انتي وجهك ماخذت رايك ..؟
شموخ : لاااا تتمنى اصلا اني اعطيك راي
ام ريان : سام حبيبي كاشخ على وين ..؟
سامي : عندي موعد ..
شموخ بخبث : اكيد من اياهم ..
سامي : بليز انسه مشاكل قلتلك انتي لاتدخلي
ام ريان بعصبيه : انت وبعدين معك متى بتترك سواليفك صر رجال وترك بنات الناس بحالهم مو يعني ساكت لك تاخذ راحتك ..
سامي يناظر السقف وماكان حد يكلمه
ام ريان : والله اذا ماعدلت سلوبك مالي الا ابوك اقوله عن خرابيطك
سامي : بدل ماتهدديني وتصارخي شوفي ولدك ريانوه على مين ملتم وش البلاء اللي وراه ..
شموخ بحماس حق الشماته : وش وراه العله ..
سامي : فاتح شركة جديده وباسمه وحقته وشركه محترمه استيراد وتصدير مادري من وين طاح عليها ..
ام ريان : يعني توظف هناك
سامي : اقولك فاتح يعني حقتتتتتته باسمه ..
شموخ باستغرب : حقته وباسمه من وين له ..؟
سامي : مادري يمكن يتاجر بالمخدرات
ام ريان حطت ايدها على صدرها مفزوعه : مخدرات ..
سامي وشموخ : ههههههه
شموخ : مو غريبه عليه هههه
سامي يناظر الساعه : اخرتوني عن الموعد باااااااي الا بينك خالتك ونجلاء تحت والا طلعوا فوق
شموخ بدون نفس : تحت الله يعينك على الندوه الثقافيه اللي بتمر عليها
سامي : ماعليك انا اصرفها
ام ريان سرحت بو لدها ريان صحيح انه متغير عنده فلوس دايم وسيارات وفكرته ياجرهم مثل سامي علشان الكشخه بس انه يفتح شركه وكبيره من وين له
شموخ بدلع : ساااااام وين الموعد ..؟
سامي : هااايه انا مو زوجك تدلعي علي .. مالك دخل
شموخ : سام خذني معك
سامي: وين انهبلتي انتي ..؟
شموخ تناظر امها : حرام عليك شوف وش سويت بماما ههههههه
سامي بقوه صرخ : يمممممه
ام ريان : ها وش فيك ..؟ بسم الله ..؟
سامي : ههه امزح معك مو مخدرات مادري في شي ثاني وراه ..
ام ريان عطته نظره : اصلا انا واثقه بريان ..
سامي : ايوه دارين بااااي... شيمو حبيبتي باااي
شموخ : على بالك بتقهرني لو ابغى طلع ...
نزل سامي رايق وحالف ان ولا شي يضايقه اليوم مناهل بتطلع لشقه ..: هلا ريماس كيفك ..؟
ريماس : الحمدلله وانت
سامي : كويس .. باااي
طلع قبل لايسولفون معه اكثر ..
نجلاء : ريماس ماقلتيلي وش صار مع الدكتور هادي عطاك اجازه
ريماس: لا النحيس مارضى بس انا وراه وراه
نجلاء : ايوه لو انك لابسه ضيق وحاطه مكياج كان وقعها مغمض
ريماس : وانتي صادقه ..
نزلت شموخ وجلست معهم من دون ماتسلم او حتى تتكلم ...
ريماس ونجلاء طنشوها وكمل حكيهم ...
شموخ : آآآف ...
نجلاء : مو عاجبك ارجعي غرفتك
ريماس : يهوديه عندك انا ماتسلمي ..
شموخ : ماطيقك اكرهك ليه اجاملك وبليز انتي معها انسوا اني موجوده..
نجلاء : انتي مصدقه حالك كثير حنا اللي ميتين فيك ..
شموخ : ااااااااف دكتوره قرويه يازينك وانتي ساكته ...
نجلاء : اقول ريماس تعالي نطلع فوق ونرتاح من وجهها
ريماس : يكون احسن ...
ام ريان ووراها روز بعربة الشاهي والقهوه والحلاء : ويييين طالعين ..؟
شموخ : اتركيهم البعد عنهم راحه اطلعوا اطلعوا فوق وتناقشوا بالحنجره والبنكرياس
ريماس بهدوء:والله ودنا نجلس معك ياختي بس بنروح ندور على كتاب ضايع
ام ريان : اجلسوا بس جلسوا تقهوا معنا ...
ريماس جلست : ان شاء الله
نجلاء جلست معها وهي تحتقر شموخ : علشانك يمه بنجلس ...
دخل ريان وريحة سيجارته سبقته : السلام عليكم ...
اللكل :وعليكم السلام
ريان : اوه رموس عندنا
ريماس : هلا ريان شخبارك
ريان : شوفت عينك
جلس جنب امه :هلا يمه كيفك ..؟
ام ريان : الحمد لله
ريماس : ريان ابوي يسال عليك ..
ريان : يووه جدي لهاللحين عايش هههههه
شموخ بدلع : ههههههههههه
ريماس ناظرت نجلاء مصدومين :لا عايش جدك ...
ام ريان ضربته بخفه على ايده : وجع لاتقول على جدك كذا ..؟
ريان : وش فيكم ماقلت شي وانا صادق جدي قربت تنتهي اقامته بالدنيا ..
شموخ انفجرت بالضحك تقهر ريماس ونجلاء : هههههههههههههه
ريان ناظرها : عجبتك ..؟
شموخ لفت وجهها : لالالااااااا
ريماس مقهوره : الله يحفظه ويخلليه لنا ....
ريان : آمين ..
ام ريان : دامك ياريماس هنا نامي عندنا و احضري الحفله التنكريه بكره ...
ريماس : لا ماستعديت وماجهزت لي ملابس
شموخ : هههههههه مايحتاج ملابسك لوحدها تنكر .... وكانك تمثلي دور شحاذه بفلم ابيض واسود ههههه
ام ريان سكتت تعرف شموخ عنديه وماتقدر تسكتها ....
نجلاء : احترمي خالتي شوي ...
ريماس وصلت حدها من اول مادخلت البيت وهم يهزاءوا فيها : لا خليت السوالف التافهه لك ...
شموخ : الجلسه معكم ماتنطاق
مشت بغرور لبرى البيت لعند الحوش
ريان عيونه تلحقها : وين وين طالعه..؟
شموخ : بقابل ...يعني وين بتمشى بره شوي بعيد عن هالقرف ..
طلعت بدلع ..
ريماس ونجلاء ناظروا بعض ساكتين لان ام ريان بدت تدعي لشموخ وتقولها تنتبه على نفسها ...
ريان : يمه وين سامي ..؟
ام ريان : مادري عنه طالع لموعد من خرابيطه
ريان : اذا شفتيه قوليله يداوم بالشركه عندي بكره العصر ..
ريماس : صحيح على البركه يقول سلطان انك فاتح شركه جديده
ريان بغرور : ايوه ... الله يبارك فيك ..
نجلاء : شركه جديده من متى ..؟
ام ريان بدون نفس : ايوه اليوم قالي سامي انت من وين لك كل هالفلوس ...
ريان تثاوب : رزق وين غداكم ..؟
ام ريان : هاللحين يصير جاهز وبمشي الموضوع هاللحين بس بالليل نتفاهم ...
ريان : يصير خير ...
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ
سامي : ادخلي حبيبتي ليه خايفه ..؟
مناهل تلتفت : وينها ..؟ وين اختك ..؟
سامي : هاللحين بتوصل خمس دقايق وهي فيه ماعليك منها وقولي لي ايش رايك بالشقه ترى كلها ذوقي
مناهل ترتعش من الخوف: حلوه
سامي بنظرت خبيثه يمثل الزعل : آفا نهولتي بس حلوه ..اذا موعاجبك شي اغيرها – لمس ايدها البارده من الخوف - لانها شقتك انتي ياقلبي هذي مملكتك انتي ..
مناهل ابتسمت بحب لسامي اللي اخذه عقله وقلبها : لا عاجبتني دامها ذوقك ..
سامي جلسها : ارتاحي حياتي ليه واقفه
مناهل جلست وهي تبلع ريقها :لا مايحتاج اجلس حنا تفقنا خمس دقايق ... وين اختك ؟
سامي : ليه خايفه .. حياتي انتي تخافي مني انا سام حبيبك تخافي مني ماهقيتها والله منك ... انا اللي يخدشك بس اشرحه ..
مناهل ارتحات من كلامه : عارفه والله عارف .. سامي انا مارضيت اقابل اي واحد غيرك وانا واثقه فيك
سامي ابتسم بابتسامه لها الف معنى ومعنى (( ايوه هين )) : اكيد ياحياتي ... عارف .. دقيقه اجيب لك شي تشربيه ..
مناهل هزت راسها وسامي مشى للمطيخ وهو ماسك ضحتكه على الغبيه اللي مبهوره فيه ...
سحب سامي كاسين وصب العصير وطلع من الدرج علبة حبوب ومسك بيده حبه برتغاليه صغيره ماكانت منوم لا ابدا ..كانت نوع ثاني نهايا
رجع لمناهل بسرعه : طولت عليك حبيبتي
مناهل : لا عادي ...
مد لها الكاس : تفضل ياحياتي ..
مناهل ناظرته بشك ...سامي ضحك : هههه مو مصدقه اوكيه ابشر منه وانتي اشربي بعدي عادي ...
مناهل : ايوه ..
شرب سامي ربع العصير ومد ايده ورمى الحبه البرتغاليه بخفه ورشاقه ماحست فيها لانها كانت تطالع رقبته تتاكد اذا العصير نزل ببلوعومه او لا ..
مد لها الكاس بابتسامه عريضه : تفضلي ..
مناهل براحه شربت من العصير ومن خوفها كان ريقها ناشف شربت نصه ..
سامي بحنان مسك ايدها : شكلك عطشانه كمليه لا تستحي مني انا مثل زوجك
مناهل ابتسمت ببراءه وكملت شربه وبقت القليل ...
سامي : ماودك اوريك ياقي الشقه ..
مناهل بتردد : ها .. واختك
سامي : ادق عليها من التلفون اللي جوا تعالي ..
قامت معه ومشت وراه وهي جاهله بنيته .. مشت بين الخوف والامان انه معها لكن كل ماتذكرت ان هذا سامي حبيبها اللي طول الشهور اللي فاتت ماطلب يقابلها الا من كم يوم وارتاحت له كثير وزادت عشق له .. وهو وعدها بالزواج واكيد راح يتزوجها ...
سامي وقف عند غرفه فيها سرير اطفال وصيغها طفولي ..: حياتي شرايك هذي بتكون غرفة عيالنا ان شاء الله
مناهل عضت شفايها وتورد خدودها : عيالنا ..؟
سامي : اكيد عيالنا وانا ابغى اسمي احمد على اسم ابوك ياقلبي اللي ينبض انتي ..
مناهل الفرحه ما وساعتها : يحياتي انت ..
سامي باس خدها : والله انتي اللي حياتي – مسك ايدها وسحبها معه ووقف عند الغرفه المنشوده - ها ايش رايك بغرفة النوم هذي راح تكون غرفتنا ان شاء الله ... ايش رايك ياقلبي واغيرها لو تحبي
ناظرت مناهل الغرفه بخجل خقيق وقلب ينبض لسبب سعادتها بالدنيا ... : لا جنان
سامي بعيون عاشقه جد كان لحضتها بحس انه يعشقها يعشق كل شي فيها .. قرب من عندها : انتي الجنان ياحياتي ...
طارت من الفرحه وهي تناظره وطار معها اغلى شي عندها شرفها وعفتها حياتها كلها راحت من اول ماخطت رجلها معه لشقه .. كل شي ضاع تحت مسمى الحب الشيطاني ..
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ
داخل قاعة السيف ...
ندى ووعود جالسين مع امهم بطاوله ...
كانت نظراتهم للموجودين بالنقص والحرمان تمنوا انهم ماجئوا للزواج وكانوا جالسين وكانهم بعزاء مو بزواج .. وعود كانت ماسكه دموعها لتنزل وندى اعصابها شوي تنفجر .. حتى امهم حست انها اكبر غلطه جئت لعندهم ..
جلسوا ساكتين يناظرون الموجودين بعيون النقص وبلذات ان بنات عمهم يمروا من عندهم بفساتينهم الكشخه وبتسريحات شعرهم الخيال ومكياجهم الجذاب ..
بمكان مو بيد مره احلام وبنت خالتها وفاء ..يناظرونهم ...
وفاء: وع عيال عمك هذولاء متى بيتسنعون وش لابسين ..الخلاقين ..
احلام : فشلونا ماني قادره اوريهم صديقاتي
وفاء : معك حق انا كنت اشوف هذي الوعود بس كان لبسها مقبول شوي مو كذا هي واختها
احلام : اكتي وتعالي نمصخرهم شوي هههه
جلسوا وفاء واحلام معهم بعد السلام .. وكان الجو متوتره بينهم
وفاء بابتسامه متعاليه : ها وش رايكم بالزواج ..
وعود وندى سكتوا ماقدروا يجاملونهم لان هذي وفاء تكرهم من قبل ..
ام نواف: مشاء الله يهبل
احلام : اكيد يهبل هذا زواج فاطمه وبعدين ماتوقع انكم حضرتوا مثله من قبل
ندى : لا حضرنا واحلى منه زواجكم عادي مو لهناك ..
وفاء: جد مو لهناك انتي وش عرفك ماتعرفي لمثل هالزوجات انتي بالسطح ويخب عليك ههههه
احلام : هههههه
وعود : السطح جد لو انك عارفه لزوجات كشخه مثل ماتقولي كان سويتوا عرس ولدك يعقوب بمكان عدل مو بالقصر الابيض ... والا لان اهل زوج فاطمه ذوقهم ارقى من ذوقكم بكثير
وفاء واحلام تنرفزوا وماعرفوا شيردوا عليها .. وبعد ثواني ثقيله على الكل ..
وفاء تناظر وعود من فوق لتحت : مو هذا فستانك بملكتك على يعقوب ..
وعود هذا اللي كانت خايقه منه حست باحراج ونربط لسانها : ........
ندى بثقه مصطنعه وهي ودها تبكي : ايوه هو نفسه حتى انا فستاني من ملكة وعود شوفيه تذكرينه
احلام : اكيد وهل يخفى القمر هههههه
وفاء: هههههههههه
وفاء بنفس الابتسامه ..: صح والله دايم تلبسونهم ليه تحبونهم لهالدرجه .. والا ماعندكم غيرهم
ندى ووعود كانها حطت الملح على الجرح حسوا الدنيا ضايقه فيهم وامهم حست فيهم وعورها قلبها عليهم قالت لاحلام بدن نفس : احلام وين امك شدعوه ماجئت سلمة علي ..
احلام ماتغلط على زوجة عمها : ها مادري شكلها مانتبهت
وفاء : ايوه خالتي مشغوله مسكينه فاطمه غاليه على قلبها ..
ام نواف : ايوه الله يوفقها ...
احلام : وعود ندى ليه ساكتين .. تصدقوا كان بودي اعرفكم على صديقات العروس فاطمه ..... بس شكلكم ماستعديتوا كويس ونسيتوا تحطوا ميك اب ههههههههههه
وفاء : هههههههههه
ندى وعود ناظروا بعض وقاحة بنت عمهم زادت ..
وعود بشجاعه ماعرفت من وين جائبتها : لا حبيبتي حنا بسم الله علينا مانحتاج لمكياج كثير مثلكم يغطي عيوبنا حنا جمالنا رباني ...
وفاء تنرفزت لان مع بساطتهم وقلة مكياجهم جمالهم بارز فتحت صحن الفطاير والبيتي فور اللي على الطاوله : كلوا كلوا مو كل يوم يصير عندكم
احلام : ههههههه
ندى وصل عندها الطبلون مليون : ليه حد شتكالك الحال .. والا شايفتنا ماكلين غداك والا عشاءك ...
احلام ببرود : يوووه ندى الله يهداك وش فيك عصبتي وتحسستي وفاء ماتقصد
وفاء : لااااا اقصد شوفي اشكالهم كيف نحاف تقولي ماكلوا من سنين ...
احلام : هههههه شدعوه تبالغين ..
ندى : قبل انم
قاطعتها امها : اقول احلام ليه بنت خالك ماهي حاشمه احد ..
وفاء واحلام سكتوا منحرجين لانهم تقريبا نسوا وجود ام نواف ..
جاءتهم بنت خال احلام الثانيه تكسر السكوت والتوتر اللي بالطاوله : وفوو.. حلوم انتم هنا وانا ادور عليكم ..- ناظرت وعود وندى وامهم بحتقار – جالسين مع هذولاء جد ماعندكم سالفه ربى وسجى وصلوا
ربى وسجى بنات عم وعود وندى هم باعمارهم تقريبا وهذولاء ساكنين بالرياض ومن النادر يجوا لهنا ابوهم حالته المدايه كثر من ممتازه واللكل يحسب لهم مليون حساب لقروشهم ..
احلاااام وقفت بسرعه : احلفي هناااااا وينهم
وفاء وقفت معها وهي تعدل نفسها بالدله الفضيه : شكلي حلو يله نروح لهم ....
تركوهم ومشوا من غير لايناظرونهم او حتى يودعونهم بكلمه ..
ندى تتنهد بضيق وعيونها مغرقه : احس اني مخنوقه ...
وعود حطت ايدها على قلبها واخذت نفس والدنيا ضايقه فيها : حتى انا يمه خلينا نمشي نطلع من هنا ...
ندى تايدها : ايوه يمه ياليتنا ماجينا
ام نواف : ولا انا بعد جائيت ..- وناظرت وعود بحنان – والله يابنيتي تعبتي بحياتك كثير هذا وانا معك عاملوك كذا كيف يوم كنتي معهم لوحدك ...
ندى : وبتتعب اكثر اذا ماشالت يعقوب من بالها ..
وعود تنهدت ورجعت بذاكرتها للحضات الحلوه مع يعقوب والايام الشينه مع اهله هي نست كل هذا تقريبا قبل اليوم لكن بهالحضه هذي وجلستها مع وفاء ذكرتها باشياء نساها اياه الزمن ايام سوداء ببيت عمها ودموع القهر والذل : لا لاتخافي يمه انا نسيته من زمان ..
ندى ابتسمت : وحتى لو مانسيتيه ابذبحك من الضرب لحد ماتنسيه ..
وعود : هههه حبيبتي توني ماعشت شبابي
ام نواف : الله يقطع بليسك يا ندى حتى وحنا متضايقين تتريقين
ندى : وش اسوي بعد اغير جو لاني بنفجر ...
مروا من عندهم سجى وربى من غير لايلتفتوا لهم اصلا
ندى : وع اكرهم
وعود : ماكان ربى نحفانه كثير بعد ملكتها
ندى : حبيبتي انتي ماشفتيها سنه اكيد بتنحف ...وبعدين تخسي توصل لرشاقتي
ندى كانت نحييفه مره وطويله وكانها ولد على جسمها النحيف او بنت ببداية مراهقتها ..
وعود وامهم :ههههههههه ...
وعود : الحمدلله والشكر شوفي بنات عمك كيف مبسوطين فيهم
ندى : مو بس بيت عمي حتى بيت خالتهم الله لايبلانا عند الفلوس يصيروا عبيد ...
ام نواف تنهدت وقالت بقلب صادق : يااااارب وياجعل بهاليوم وهالساعه المباركه انك ترزقنا وتكسر عيونهم ياااارب
ندى ووعود بياس وبصوت واطي فاقد الامل: آآآمين ..
وعود وكانها تذكرت شي : يمه انتبهي مو تروحي تاكلي من البوفيه مانبغى منهم شي
ام نواف : اكيد من قالك باكل نفسي عافتهم ..
ندى بخبث قالت بهمس : وعوده تخيلي كبه وورق عنب ولازانيا وبلح لشام وتبوله ..همممم يمم يمم
وعود : ههههههه احلفي عاملتي اغراءت ..- بقهر – مو بس انتي مشتهيتهم حتى انا بموت واكل منهم بس العين بصيره والا يد قصيره ... والله اجوع ولا اكل منهم ..
ندى : يالمهبوله ومين قالك اني باكل ...
ام نواف نزلت دمعه من عيونها بسرعه قياسيه مسحتها : بنات وش رايكم ادق على ابوكم نرجع هاللحين
ندى : تسوين خير
وعود ارتبكت بتخترب خطتها اللي عاملتها مع يعقوب بس تذكرت معاملة اهله وماودها ترجع للعذاب : يله يمه دقي عليه ..
بعد دقايق وقفت ام نواف : يله يابنات ابوكم بره ...
وقفوا معها : واخييييرا
مشوا لعند البوابه وكان اغلب البنات متجمعين عنده ..
وفاء بسرعه تحرك ايدها بتعالي : وين ..؟ وين ..؟
ندى : للمريخ يعني وين طالعين ..
احلام باستهزاء : طالعين هاللحين وعشاءكم ماكلتوه
وفاء : ايوه ترى العشاء بوفيه ..
وعود بعصبيه : ياكبرها من فمك بوفيييه وخري بس وخري بنطلع ...
وفاء : ماينفع هنا اطلعوا من البوابه اللي ورى الرجال عند الباب بيدخلون ..
مشت وعود وورائها امها وندى وهم ودهم يضربوا وفاء واحلام ..
مشت ندى وانتبتهت لطاوله فيها دفتر تكتبي فيه اهداءت للعروسه ..سحبته ولفت بعبايتها وهي تبتسم كان كبير بس قدرت تغطيه بعبايتها وابتسمت بنصر ...
مشوا ببمر فيه غرف اللتبديل والاستعداد .. وقفوا باخر الممر ولبسوا عباياتهم
وعود بين اسنانها : والله والله لو مادري مين حب رجلي وقالي احضر زواج لهم والا ازورهم ماني بحاضره
ام نواف : خلاص .. هذا حنا بنطلع ...
يعقوب دخل من الباب متكشخ والابتسامه ماليه وجهه واول ماجائت عيونه بعيون حرمته النوم اختفت ابتسامته ووقف يناظرها : وعود ..
وعود بسرعه تغطت وهي تحس قلبها بيوقف مكانها مكتوب تشوفه تشوفه ..
ندى تغطت معها وخبت الدفتر بسرعه
ام نواف بدون نفس : السلام عليكم ...
يعقوب انتبه لنظراته ولف عليهم بابتسامه متوتره : وعليكم السلام ..هلا هلا خالتي كيفكم ..؟
ام نواف : الحمدلله وانت شخبارك
يعقوب ناظر وعود وتنهد : انا .. عائيش ...- التفت لندى – ندى كيفك ..؟
ندى بدون نفس : كويسه ..
ورجع ناظر وعود وقال ببحه غريبه : وعود كيفك ..
وعود طنشته وطلعت تكابر وتضغط على قلبها ..ندى لحقتها بسرعه
ام نواف : مع السلامه يايعقوب .. وعالبركه ..
يعقوب ناظر وين ماطلعت وعود ((طيب تعال ومد كفك وسـلم .. أخطيت صح أخطيت لكني أغليك
تصدق إني ما عرفت أتكلم .. وان الحكي لو أجمعــه ما يكفيك ))
: الله يبارك فيك خالتي ...
طلعت ام نواف وركبوا السياره واللكل ساكت ..
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ
سامي : لاتخافي ياحياتي بتزوجك انتي زوجتي اصلا ..
مناهل تبكي : سامي انا خايفه ...
سامي : حياتي لاتخافي تعالي معي وان شاء الله بتزوجك تعالي ...
طلعها من الشقه وهو مبتسم ...مشت معه مناهل لان ماعندها خيار غير هذا تمشي معه ..
جلسوا بالسياره ساكتين بس صوت بكي مناهل ..سامي وده يصرخ فيها ويسكتها لكن استحملها لحد ماوصلها بيت صديتها ليلي اللي اخذها منه ..
: نهوله حياتي لاتخافي انتي لي ومراح تكوني لغيري اوعدك ..
مناهل هزت راسها وهي تتمنى يكون صادق صدقته او مره وطلع نذل وضيعها ..:.........
سامي : باي حياتي
نزلت من لسياره تجر رجلها جر ..
سامي رجع لشقه وهو مكيف على الاخير دخل لغرفة النوم وناظر الدولاب وهو يبتسم بخبث طلع من فوقه كاميرا صغيره : ههههههه باي نهوله هههههه
دخل تروش وهو يغني (( وناويلك على نيه بس انت اصبر شويه ))
طلع بعد دش طويل وناظر ساعته : اها الساعه 11 موعد العشاء .. اشوف الحلو وبعدين اطلع للبيت ...
جلس على الكنبه يناظر الشريط مع مناهل ماكن واضح منه الا ظهره اما مناهل فالكاميرا كانت عليها طول الوقت .. سكر الشريط بسرعه وجاءته الحاله مثل كل مره تمدد على الكنب يحس بتشنجات ويحاول يتكلم لكن صوته مايطلع يحرك فمه يصرخ لكن مافي صوت مسك رقبته بيدينه وفتح فمه لاخر حد وصرخ باعلى مايقدر لكن الصوت ماطلع ...
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ
ربى : عادي احس انها عاديه ...
سجى : لاااااا مو عاديه وع لحجيه بالمره
ربى : رياض حبيبي انت اخوي ...ماعليك منها هذي ماتحبها لانها مطلقه بس
رياض : واثقين من اعماركم اني بوافق اتزوجها
ام رياض : وليه ان شاء الله ماتوافق هي بنت عمك وانت اولى فيها من الغريب
رياض : بس انا ماحبها ولا قد فكرت بيوم اني اتزوجها احسها مثل اي وحده بالشارع يمه شيلي وعود مادري سجود هذي من بالك .....
سجى : رياااض وع لو تشوف مكياجها والا ملابسها تفشــــــــــــــــــــــــل ...
رياض : سمعتي حتى انها مو من مستوانى ...
ام رياض : بلا مستوى وبلا خرابيط انا البنت حبيتها وكان نفسي اخذها لك قبل لاتاخذ هذا يعقوب وهذا صار لها سنه من تطلقت وبسم الله عليها احلى من قبل ...
رياض : انســــــــــــــــــــــي تعرفي شنهو يعني انسي انا احب كاترين ومراح اتركها وبنت اخو زوجك هذي مابغاها
بو رياض دخل : بنت اخو زوجها هذي تكون بنت عمك وزوجها اللي مو عاجبك يكون ابوك يا استاذ رياض ولا معك كم شهاده انبسطت يعني ...
رياض شاف ابوه انحرج وسكت ..
بو رياض : اسمعي كلمي زوجة حمد بكره واخطبي منها وعود ..وانت بتتزوجها برضاك والا غصب عليك واذا موعاجبك مفتاح السياره وبطايق البنك ومفتاح الاستراحه يكونوا عندي هالحين ..ودبر لك مكان تشتغل فيه سمعت ...
رياض وقف بعصبيه : يعني تبتزني ..عادي ولا يهمني خذ اغراضك وانا اقدر ادبر نفسي وم
قاطعه بو رياض : ولا تنسى مفتاح بيتك الي جالس فيه مع زوجتك كاترين يوصلني هاللحين واذا حاب تجلس فيه تدفع ايجاره مو يكفي متزوج لبنانيه لاعندها اخلاق ولا اصل وقالك حطيتنا بالامر الواقع يله هاللحين تتزوج بنت عمك ...وعود ..
سجى معصبه دخلت غرفتها بالجناح اللي نازليه فيه بشيرتون الدمام ...
ربى ابتسمت وعود من زمان كانت تتمناها تاخذ رياض ويطلق هذي الكاترين ...
رياض انقهر وسكت مايتخيل ان كاترين تقدر تتحمل تعيش بغير المستوى اللي عودها عليه هو يموت بكاترين ..
قال والكلام يطلع منه بالغصب : خلاص يبه اللي تشوفه ...
بو ريان ابتسم براحه : هذا رياض ولدي اللي اعرفه يام رياض مثل ماقلتلك من شوي تخطبي له وعود وياويلك اذا قلتي انه متزوج من هذي الكاترين وانت – اشر على رياض – مابغى احد من عمامك كلهم يعرف عن زواجك من الفاسقه هذي ...
رياض ضغط على اعصابه : ابشر يبه ...
ربى ابتسمت من الفرحه : مبروك رياض صدقني مراح تندم بيوم انك تزوجت وعود
رياض عطاها نظره وده يقتلها فيها ..: عن اذنكم
طلع من الفندق ضايقه فيه الوسيعه من وين طلعت هالوعود هذي بعد .. فتح بوكه وناظرت صورة كاترين الشقراء وعيونها السماويه هذي حياته وقلبه .. لكن هي بالرياض وهو بالدمام ..: والله ولا عشره من وعود ينسوني اياك ياحياتي ...
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ
على طاولة العشاء ...
بو ريان : وين نجلاء وسامي
شموخ : نجلاء مع هواجس وسامي طلع من الغداء ومارجع
ام ريان بكذب : كلمته من شوي وقال بيجي بس تعرف الطريق زحمه
بو ريان : اها زحمه كلوا واذا رجع انا اتفاهم معه
ريان وهو ياكل الربيان طبقه المفضل : يبه كيفك ..؟ وين عنك من زمان ..؟
بو ريان : انت من فتحت شركتك االجديده مابينت ...
ريان : ههههههه ليكون حاسدني مثلهم يبه
شموخ عوجت فمها : على ايش يحسدك ..؟
ريان عطاها نظره (( انتظري علي ))...
بو ريان : لا لاحسد ولاشي بس عنك يقول انك بتخسر بسرعه ..
ريان عارف ان ابوه استاذ جامعه وماله بالتجاره : لا هو غيران لان شركتي تعتبر منافسك ههههه وعمي مايحب احد احسن منه
بو ريان : لا انت بس لاتستحي منه واذا
ريان رمى الشوكه على الارض ومسك قلبه نغزه بقوه : آآه
ام ريان بسرعه : ماما ريان ايش فيك ..
شموخ بقلب ميت ابتسمت على شكله تغيرت ملامح وجهه لضيق ..
ريان ماقدر يستحمل النغزات وطاح على ركبته بالارض ... طاح بطواه وثقله على ركبته بالارض ..
ام ريان وبو ريان خافوا ووقفوا عنده : ريــــــــــــــــــــــــــــان
@@!!!ّّ+_()*&^%$#@!ًَُّلإلأ[]ٍِ
فديت ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ
س : ايش صار لريان ..؟
س: وهل بتوافق وعود على رياض وتنسى يعقوب ..؟ ومن هذا رياض وش قصته ...؟
س : ايش مصير مناهل مع سامي ..؟
س: مشعل ونجلاء وهواجس هل في شي جديد بيغيرهم ..؟
|
10-02-08, 07:44 PM
.. 
جديد مواضيع قسم القصص المكتمله من وحي قلم الاعضاء
العرض العادي
