الفصل الثلاثيـــــــن..

"الجزء الاول "
باليوم الثاني ..

ربى ناظرت بريان ورفعت كتوفها : اسفه مو شغلنا يتاخر .. يكفي الايام اللي فاتت ..

ريان رفــع حاجبه ورمى الاوراق بلامبالاه على الطاوله العريضه : ولااا انا مستعدابداء معكم هاللحين .. انا عندي ارتباطات بالسعوديه ..

ربى بعصبيه ونرفزه : خلاااص عبدالله يكمل عنك هنا .. انا يأخ ريان متاخره كثيروشغلي متوقف ...

ريان بدل مايتنرفز رجع راسه لورى اكرسي الاسود الطويل .. و ابتسم .. وهو يرفع رجل على رجل .. ماتعرف تعصب او تهزاء : بس ياربى انا رايح اخطب لاخوي .. وانتي عارفه اني اخوه الوحيد ولي امره ...

ربى ارتبكت وهي تجمع الاوراق (( خير يحاكيها كذا وكانها وحده من اهله ..)) : وانا وش يدريني انك ولي امره ماولي امره ..
- وقفت بعصبيه وكملت بتهديد – ولوسمحت احفظ الالقاب انا مدام ربى
– تقلد طريقته البارده وهو يقول أسمها – مـو ربــى ..

ريان ضحك وهو يعدل جلسته : ههههه اوكي مدام ربى .. ممكن يعني يومين لحد مارجع ..

ربى بعناد .. صارت عصبيه بعد ماشافت الزفت عمر ..وكرهت الرجال واشكالهم ..: لاااا اسفه انا ابغى اخلص شغلي ..

ريان وقف : اوكي روحـــي اشتكي ... انا بنزل لشرقيه يومين وراجع كمل شغلـــي ..

ربى اشرت باصابعها الضعيفه " السبابه والوسطى " : يوميــن ماترجع الغي العقد ..

ريان بلامبالاه : كلااام حريم ..

طلع وسكر الباب .. ربى ناظرت بالباب ..معصبه ..: على ايش شايف نفسك .. روحي اشتكي .. متعطلين عليك .... كلاااام حريم ..انا بعلمك من الحرمه ..

.

.

.

سامي :وينك يله تاخرنا على الطياره

ريان دخل السياره وسكر الباب : حرك بس حرك ههههه والله هذي اللي معي بالشغل مادري كيف تفكر ..

سامي التفت عليه وهو يتقدم على سياره سبور : حلــــوه ..

ريان ناظره بطرف عيونه : سامـــــــي رايح تخطب تقول حلوه ..

سامي : ههههه .. نسيت لو سمعتني ندوووش ...

ريان : ندوش ياأخــي اثقل واعقل ولا ندوش وبطيخ خلنا نتفاهم مع الرجال ..

سامي تنهدت بصوت مرتفع : متـــى نوصل لسعوديه ..

ريان: دوووس بانزين بسرعه نوصل ونخلص ...

سامي : هههه وش احساسك وانت رايح بيت الفراش اللي طردته ..

ريان : والله علشان خاطرك والا كان ..مانزلت لهالمستوى ..

سامي باستهزاء : لاااا تواضع هههههههه ..

كانت جالسه باخر الدرج وايدها على فمها ..من الصدمه تناظر بفيصل وعرفت هاللحين وش فيه ..؟!

بوجراح ببرود وهو يقلب باوراق قدامه : هو انسب لهالمكان . ..

فيصل كان يفرك يديه ببعض وهو يقول باستهتار واستهزاء :اعتقد انو انا ولدك مو هو ..

بوجراح بلامبالاه : ولدي ..انت شعرك ماتعرف تسرحه تبغاني اسلمك مؤسسه بكبرها ..انا ماعملت اللي عملته علشان بزارين مثلك يمسكوا لي شغلي ..

فيصل بين اسنانه وهو يشد قبضه ايده : انا مو بزر ورياض بعمري ..

بو جراح نزل النظاره من عيونه وناظر بفيصل باحتقار وتصغير له : بعمره .. بس مانت برجال والا نسيت ..

فيصل باندفاع غريب : لااا مانسيت بس كنت صغير .. وكل منا يغلط ..

بوجراح بعلياه وهو رافع رجل على رجل .. ويحرك نظارته يمين ويسار : كنت صغيـــــر..كنت .. ماكانها قبل سبع سنوات ..اعطيتك وارزيتك ومسكتك اهم مكان عندي علشان تديره .. تدير حلالك تقوم تعطيه لهذاك الملعون .. تتنازل عن حلالك للغريب ولااا كانه بيكون نهايته لك ..

فيصل بعد وجهه عن ابوه .. تعب وهو يبرر موقفه .. يبرر غباءه قبل سنوات مضت ..وثق باعز اصداقائه وكان مثل اخوه..لدرجه غبيه تنازل فيها عن الشركه بيع وشراء له .. وبالنهايه طرده وطالبه بمستحقات يدفعها له ..

معقوله الثقه تكون معدومه كذا ..

لهذي الدرجه الطيب صار مضحكه واللكل ينصب عليه ..

بو جراح رمى اوراق بوجه فيصل .. جرحت خده لانه معطيه جنبه .. : خذ هذي لاوراق لولد اختك وقله يمرني بكره ..

فيصل بلع ريقه وغمض عيونه لفتره ..فتحهم واخذ الملف من ايده ..
ناظر ابوه بقوه : حاضر يبه ماطلبت لك اللي تبغى .. تامر على شي ثاني

رجع بو جراح النظاره له : لااا .. واسمع خذ زوجتك من هنا .. انا بجيب سجاي لهنا .. واللي عرفته انها ماتطيق زوجتك ..

فيصل : ابشر طال عمرك ماطلبت بس كذا نطلع من هنا .. تامر على شي ثاني ..

بو جراح : مايحتاج اذكرك طول مانا هنا بالسعوديه مابغى اقابل وجهك فـــاهم ..

فيصل ناظر بابوه لفتره بحقد كبير .. وابوه يناظره بنفس التحدي ..

ليه يكرهه كذا ..

ليه مايطيقه ...

مو قصه خساير .. او غيرها هو يفضل عليه رياض من يوم هو صغير..

يتمنى يعمل شي واحد يدخل اصابعه الاثنين بعيون ابوه المجعده ..

كسر نظرته وبعد عيون ابوه .. مشى بيطلع من الغرفه .. لكن صوت ابوه وقفه ..: انت اسمع ..

فيصل بدون مايلف ضغط على مجموعه الاوراق اللي بيده : نعم ..وش تبـــي..؟!

بو جراح : لما احاكيك ماتعطيني ظهــرك ..

فيصل لف على ابوه ببرود بدون مايحكي وعلى شفايفه ابتسامة استهزاء ..

بو جراح : وش فيها مشيتك كذا .. وعيونك تحتها اسود ..– بنظره متفحصه - جسمك مو عاجبني .. انت تتعاطى شي ..

قالها وهو متاكد ان ولده يتعاطى وصله الخبر اليوم العصر من واحد من اللي مشغلهم ..

فيصل ضحك ببرود وهو يناظر بابوها ..
يساله ..
يعني يعني مهتم ..
..عارف ان ابوه ينتظر عليه الزله : هههه - ببرود - ايوه اتعاطى ..

بو جراح ناظره بتمعن وقال بصعوبه : تتعاطــى .. ايش قصدك بتتعاطى ..

فيصل رفع كم ثوبه وهو ينتظر هذي اللحضه من سنوات .. وناظرابوه بعيون ناعسه .. ساهيه .. فيها لمعه حزن غريبه ..
: اتعاطى هذا..
– اشر على عرق بايده – من هنا أدخل الابره ..
- ومشى باصبعه على كل ذراعه لعند صدره – وتمشي كذا .. لحـــد هنا .. تجي بالقلب مباشره يايبه ..بالقلب.. وتاكله .. تعرف كيف تاكله .. يعني ماعاد فيه نبض..

بو جراح ناظر بفيصل مصدوم وطلعت عيونه ..
تاكد له الخبر ..
ولده يتعاطى اللي هو يوزعه ويتاجر فيه ..
نطعن بالسكين اللي يحصل منها فلوسه ويطعن فيها الشباب ..
مشى لعنده بكل سرعته وضربه كف بوجهه : وتقوولها بوجهي ياحقير .. تقولها قدامي ..

شموخ ضغطت على شفايفها بقوه ..
ماتتحملها حد يضرب فيصل او يقلل من احترامه قدامها ..
او حتى بينهم ..

فيصل ماتحرك فيه رمش .. ناظره بقوه ..
وهو مركز عيونه بعيون ابوه المصدومه
وقال :وانا اتاجر فيه .. مثلك – اشر على صدر ابوه – هذا الشبل من ذاك الاسد .. والا ايش رايـ

انبترت كلمته لان كف ثاني بخده المجروح وزاد من نزيف دمــه .. الحراره .. اعترت جسمه من الالم .. والضغط اللي يحس فيه ..
كان بيفقد توازنه لكن ثبت .. وهو يناظر باقسى انسان عرفه بحياته : بتضرب اضرب مايهمني لاني واحد ميت .. والضرب بالميت حلاااال ..
- قرب من ابوه وضمه ضمه بكل قوته .. وهمس باذنه - انا نسبه حياتي 15 % يايبه .. شهر شهر ونص بالكثير اللي اقدر اعيشهم .. – دفن وجهه بكتف ابوه – وابشر بطوله عمرك .. ماعاد تشوف وجهي انا وزوجتي .. ماطلبت شي ..بس اللي ابغاك شهررر شهر واحد تعاملني انسان .. افتخر فيني مره وحده ..بس مرره يبه ..
حسسني اني رجال .. ناظري مثل ماتمنى ..
شهر .. شهر يبه بس اللي يقالي شهر ..
..


رجله بااارده ثلجت ..
بيفقد ولده الثاني ..
الموت بياخذه منه ..مثل ماخذ جراح ..

بس هذا فيصل .. فيصل اللي يتنرفز منه ويستفزه من جوا .. لان مثل امه اللي قست عليه وعطت حلاله لحفيدتها الكبيره ..

بعدت عنه بقوه .. بعدت ورجله وايده بدو ينملوا ..
ايش جالس يقول ..؟؟!
وش قصده بالحكي اللي قاله ..

صرخ فيه وهو يجره بقوه من كتفه : انت وش جالس تخربط ..

فيصل ماتوقع رفض ابوه له كذا .. ماتوقع انه يكرهه لهذي الدرجه ..
حاول يخلص نفسه من ايد ابوه الثقيله ..
لكن ابوه كان شاد عليه .. واضح انه موقادر يوقف الا بستناده باكتاف فيصل ..
قال لابوه وهو متاكد انه مو مهتم ..: امس رحت علشان فحوصات ..يزيد خويي طلع سليم وانا قلت يمكن اطلع سليم مثله وان اللي بسوريا نصبوا علي..ومـ
– سكت شوي .. حس انه يهذي ويقول حكي مو مفهوم .. غمض عيونه بقوه ..يتماسك .. يجمع شتات نفسه .. قال بصوت مرتجف ..
اخترق صدر ابوه وصدر شموخ مثل السهم.. -
انا معي سرطان بالدم .. منتشر بكل جسمي ..مراحله متاخره ..

.

سرطـــــــــان ..

سرطـان بالدم .. سرطان بالدم ..
يعني مافيها لعب ..

ترك اكتاف ولده ورجع لورى باستنكار ..
علياءه وشموخه يتكسر قدامه ..

تراجع لورى مثل السكران خطواته مبعثره ..
وبعيونه الصدمه والهلع ..

.
.

كان الصدمه اكبر منها ..
اكبر من تتحملها ..
بعد بتفقد فيصل ..
بعد بتفقد السند والظهر .. بتفقد القاسي الحنون ..

ركضت بسرعه وفتحت الباب بقوه وعلى وسعه وهي تسمع صوته يصتدم بالجدار اللي وراءه ..
ركضت وضمته مع ظهره .. وهي تحس بالانهيااار ..
انهيار عالم عاشته وبنته .. معه ..
مع انسان انتشلها من اقسى مكان بالارض .. واخذه لجنه الارض "اسبانيا" ..

ضمته لها اكثر وهي تحسه متصلب .. جسمه جامد ..
وكلماته لها امس باذنها ..// لاتتركيني ..//
قالت من بين شهقاتها : والله مراح اتركك والله .. انا عايشه علشانك ..

لف عليها فيصل وهويبعدها شوي عنه ..
اخر شي يتمناه ان شموخ تسمع قال بعصبيه خفيفه .. : انت من متى هنا ..؟؟!

شموخ الدموع مغطيه وجهها ..
والكحل اللي كانت راسمه فيه عيونها سال على خدها ..
يرسم خطوط سوداء . .
خطوط حياتها التعيسه ..
خطوط الموت اللي يرافقها بكل مراحل حياتها ..
هاللحين الجنون بيصيبها جد ..
وتتمناه يصيبها يمكن ترتاح ..
: ليه بتتركني .. ليـــــه .. ليه كل اللي احبهم يموتوا ويتركوني ..
ليه ماعرف اضحك واعيش سعيده ..

طررررررررراخ ..

صوت جسم بو جراح وهو يصتدمهم بالارض التفوتوا له كلهم ..
كان يفتح قلاب ثوبه ..وياشر على المكتب : الحبـ.... ـوب .. الحـ..

تحشرج صوته وانخقت انفاسه ..

ركضوا له .. اشر لها فيصل ..: نادي الدكتور بسرعه هو هنا بالقصر ..

هزت راسها بانصياع .. وهي مو قادره تفكر ..
فيصل خلاااص بغمضت عين بيكون .. بح ..
راااح ..

الرومنسي القاسي .. البشع .. بيبعد بدون رجعه ..

هزت راسها وهي تمسح دموعها : لااا مستحيل ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

ودي المس كل جرح يتعبك...
ودي اداويه وألمك واجمعك...


فهد قال وعيونه تنتقل للمر : يعني وينها راحت فيه .. مو تقولي محروقه وماتقدر تتحرك ..كيف سافرت قولي حكي يدخل العقل ..

الممرضه توهقت مع فهد اللي يصارخ ..: والله ســافرت من ساعتين بس ..بطياره خاصه ..

فهد ضرب الجدار بايده معصب : ليــــه ليــــه ..؟؟!

الممرضه ناظرته بقلة حيله وهي تبتسم بتودد ..

فهد مسك ايده الملفوفه بايد الثانيه ..
وهو مليون فكره براسه ..
يسافر لايطاليا ويكمل شغله اللي اهمله كثير ..
والا لسعوديه عندها ..

يزيـــــد ..
وين يزيد ..هاللحين ..؟؟!
مايرد على جواله ولاهو موجود بشقته ..
والمشكله انه مارجع معهم ... بس زوجته نور رجعت معهم ..

خاف يكون يزيد حصل معه شي ..

تااائيه ماهو عارف راسه من رجليه ..

ايش يعمل وش بيده ..

آآآآه ..

طلعت من قلبه جد ..

قرر وقرار بدون رجعه .. اعصابه تلفانه ومضغوط ..
ضروري يروح لايطاليا يروق هناك ويرتب افكاره ..
بعد مايتطمن على يزيد ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

<< إيه احبك وأنت في عيوني سهر
…وانت وسط القلب حرات وقهر>>



جالسه على الكرسي تمسح انفها الاحمر بمنديل ..
..
وقبالها على الطاوله علبة المناديل ..ومويه وبندول ..وكوفي ..


راسها مصدع من امس ..
تحس ضغط باذنها من شده الالم ..

امس كان كله زفت من اول ماصحت لحد ماقابلت تركي ..
تنهدت وهي تبعده عن بالها من امس مانامت .. بسبب نظرته لها وتفكيره .. جدها ايش اللي عمله معه ماتدري ..

جو صديقاتها وكانت الجلسه معهم ممله .. وبدل ماتنسى همها زادوه عليها باسئلتهم التافهه والمباشره ..

اخذت منديل تمسح انفها ..وعيونها ..
لفت انتباهها وهو يدخل بهدوء ويمشي وعقله مو معه ..
شهقت وهي تناظر ثوبه :رياض .. ايش هذا الدم ..ايش اللي حصل لك ..

رياض ناظر ثوبه والدم اللي مغطيه ... وزفر بتعب : طاح الجنين ..

سجى شهقت وحطت ايدها على فمها .. حست بالضيقه والزعل على وعود واخوها امس كانت تضحك معها وتمشي واليوم فقدته ..
نزلت دموعها ومسكت راسها تحس بصداعها يزيد ..
مصيبه واي مصيبه ..
ضاع الحفيد المنتظر ..

رياض كان شماغه على كتفه وقلاب ثوبه مفتوح .. اشر بضيقه .. وهو يجلس : سجى مااني بناقصك ..رجلي ماهي بشايلتني ..

سجى حاولت تضبط اعصابها ودموعها : كيف وش السبب .. من ايش النزيف هي طايحه ..

رياض سحب الكوفي ورمى فيه علبتين بندول من البرشامه .. شرب منه يدور على الراحه من الالم اللي يحسه ..يبغى شي يخفف من البروده اللي يحسها بجسمه واطرافه ..
بلع ريقه بعد دفعه ساخنه من الكوفي ..صوته ارتجف : كان ولد ..

سجى ماعرفت كيف تتصرف اول مره رياض يتكلم بهالطريقه .. وهو موقادر يثبت رجفته ..
راحت لعند اخوها وجرت كرسي لعنده ..جلست وهي تمسك دموعها وتوقفها ..
اخذت نفس طويل ومسحت على ظهر رياض : لاتزعل رياااض .. اهم شي سلامه وعود .. وان شاء الله .. الله بيعوضكم بغيره ..

رياض التفت عليها وعبرته تخنقه .. رمى راسه على كتفها الضعيف وهو يقول بصوت مخنوق : انا السبب ياسجى .. يقول الدكتور انها سقطته بسبب الضغط النفسي اللي تعرضت له .. انا من البدايه السبب ..

سجى ماتعرف تتصرف بكذا حالات .. ضلت على جلستها .. بس مسحت على ظهر اخوها الكبير بحنان ..
وش الفرق بينهم ..
بالسن ..
والتفكير ..

كبيــــــــر مرره ..
لكن مهما كان كبير وعدى العشرين لثلاثين بيضل محتاج ام واخت حنونه ..

نزلت دموعها وقالت بسرعه وبصعوبه : لاااا انت مالك دخل .. وعود تحبك ..مهما عملت لها ..انت زوجها – غمضت عيونها بقوه – والزوجين مفروض يسامحوا بعض .. يكونوا سوا ضد الظروف ..

كانت تحاكي رياض .. لكن تطالب تركي ..

اخوان .. اثنينهم ..
محرومين من الفرحه والسعاده ..
احيانا يكونوا الضحيه .. وكثير يكونوا الظالمين ..

رياض حس انه ضايق سجى اخته كثير وبالذات انه من شهور ماشافها ..

رفع راسه وابتسم بتعب .. : بدل ماتسكتيني تزيديها علي .. يله ابعدي اتركيني ابدل ثوبي.. قرفان حيااتي ..

سجى مدت بوزها وبعدت عن الكرسي ..
كانت عاقده حواجبها وشكل تركي مايفارقها ..

رياض : سجى وين زوجك .. وش عندك هنا ..؟؟!!

ناظرته بصدمه لثواني معقوله مايعرف ..
وعود مااحكت له ..

خافت تضايقه وهو موناقص ..
وبعد خافت على تركي منه ..

قالت بابتسامه متوتره : تطلقت ..

رياض : تطلقتي ..؟؟!!.. وانا مادري انتم وش قصتكم ماتحسبوني واحد منكم .. تتزوجيه وتروحي فجاءه بدون حفله وانا مادري وهاللحين تطلقي وبعد مادري ..
انا مو اخوك مثل متعب ..

سجى بسرعه : لاااا مو كذا – قالت بكبرياء مجروح وانفها ترفعه لفوق – انا طفشت منه مرره بلدي .. ومايفهم شي .. – بدلع كملت - ولااا تخاف جدو قالي اذا ابغاه برجعه ..

رياض هز راسه باقتناع ..
جده قول وفعل وهو اكثر واحد مجرب ..

ام رياض طلعت من الاصنصيل ..: ريااض انت جئيت .. كيف وعود ومـ

قاطعها وهو يقول بضيقه : سجى تحكي لك ..

طلع لدرج بثقل .. وهو يتذكر شكلها وهي تصرخ وتمسك بايده اكثر بالمستشفى ..
حاول يقنع الدكتوره يجلس معهم لكنها رفضت رفض نهائي ..

ومع الاسف كانت تنزف كثير ماقدروا يلحقوا على الطفل .. وكل محاولاتهم راحت ..
خلصوا من التنظيف على الفجر ..
ماترك المستشفى الا من دقايق .. لحد ماتطمن عليها وعرف من الدكتوره سبب نزيفها ..

تنهد وهو يسكر باب الجناح : ياليت يدي نشلت ولا ضرربتها .. وش العقل اللي مركب براسي اضربها وهي حامل..

فصخ ثوبه ورماه على الارض ..
قرفااان نفسه ..
دخل للحمام يتروش ويبدل ويرتاح له شوي قبل لايرجع عندها بالمستشفى ..

تروش وعيونه معلقه بمكان واحد ..
سرحان ماهو بحول شي من اللي حوله ..
الضيقه والمصيبه فتحت عيونه على اشياء كثيره ..
وعود شي مهم بحياته وماتخيل يخسرها ..وتمنى يررجع الزمن لورى وينقذ طفله ..
ولدهم ...اللي بيربطهم ببعض اكثر ..


لف عليه روب وعود البيج .. وهو مايدري المويه اللي تروش فيها ..
او انكتت على راسه ساخنه والا بارده ..
هو استخدم رغوه وصابون والا لا ..

ناظر بايده وتذكر ايدها اللي كانت تفرك جسمه بالرغوه والصابون .. كانت معيشته ولااا ملك زمانه ..
ومع كذا اتهمها باغلاى شي عندها ..
ضغطت على نفسها وجاءت له علشان اللي ببطنها ..وبدل مايعتذر لها ويحترمها .. استهان فيها واستقلها ..

رفع ياقه الروب لعند انفه وهو يشم ريحه وعود فيه ..
ريحه ياسمين ومسك .. تعطي ريحه المشمش الطازج ..
ريحتها غريبه وحلوه ..

بيقدر يعيش بدونها .. اخذ الفرشه وسرح شعره وعيونه على السرير اللي ماتحرك من مكانه واثار الدم عليه ..

التفت له ورمى الفرشه من ايده ..

الخدمات الغبيات ومانظفوه .. جد حمير ..

قرب لعند السرير وهو يسمع صرخاتها وضمت ايدها للمخده ..

لفت انتباه شي بالباترينه ..
ورقه وعليها صورتهم مقلوبه ومغطيه الورقه .. ..

رفع الصوره وناظر بوجهها الباسم الهادي .. تبتسم ورياض عابس .. ابتسامته صفراء ..

انقهر لما ناظر شعرها .. كيف قصته كله تقريبا مابقى الا قليل منه لحد كتفها ..

ترك الصوره على جنب وناظر بالورقه ..مو غريبه عليه ..

رفعها طاحت منها تذكرتين سفر ..

رفعهم بسرعه يتاكد .. وضرب راسه بقوه ..وغمض عيونه وشد عليها ..

غبـــــــــي ..
غبــــــــــــي ..

قطع التذكرتين بقهر ..

اكيد شافتهم .. اكيـــــــــد هم السبب ..

قطعهم اكثر وهو يتخيل الصدمه كيف على وجه وعود وهي تناظر التذاكر ..
تذكرتين له ولكاترين .. ورقه كاتبها بخط ايده بيرسلها لكاترين فيها موعد الطياره ودخولها لسعويه ..

جلس على طرف السرير ناسي الغذاره اللي فيه ..

يستاهل الاوسكار بتحطيم قلبها الصغير ..
هو متاكد انها تصطنع القوه وبداخلها طيبه فضيعـــــه ..
: ليــه ليه ياوعود قريتيهم ليه ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

الحال في بعدك قسم بالله ما اسميه حال ..
انوي على الضحكة واحس كلي خطا لني نويت..



:نــــــدى .. ندوووش يله عاد اطلعي معنا

ندى اشرت بدون نفس (( اطلع ليه انا عندي ريال واحد علشان اطلع ..)) : لااا مالي خلق ..

نجود : مسكين احمد عازمنا على سلامته ..هههههه شكله انتظر حد يعزمه ماحصل قال اعزمهم هههههههه

ندى ابتسمت بدون نفس : شكله ..

نجود سحبتها من ايدها : يلــــــه عاد ندوشه طلعي معنا .. الطلعه بدونك ماتسوا ..

ندى تاففت : بلييييز نجوده لاتضغطي علي .. والله مالي خلق شي .. قلبي مقبوض ..

نجود : مقبوض تعوذي من الشيطان بس ..

ندى حاولت تفتح عقدت حواجبها : اعوذ بالله من الشيطان الرجيم ..

نجود : خلااااص براحتك .. بس اقفلي عليك الباب واتركي عنك الوساوس ..

ندى هزت راسها : اوكــــــــــي .. بااي ..

نجود : تبغاها من الله هههههههه..

قفلت ندى الباب ورجعت لنفس الكنبه .. وهي تتعوذ من الشيطان بداخلها ..
قلبها مقبوض من ايش ..امها او ابوها فيهم شي ..
نوااف .. هواجس نور ...

مين من اهلها فيه بلاء .. هي ماعندها حاسه سادسه بس اول مرره تحس كذا ...


[size=6]

**********************
عشاق من احفاد الشيطان ... روايه رومنسيه حزينه .. ... وخياليه
**************************

[/size


همست وهي تطفي النور : خلاااص يابو هواجس كذا حراره الغرفه كويسه ..

بو هواجس ناظر بهواجس النائمه على السرير تعبانه بعد السفر وتعرضها لاختلافات بالجو ..
لكن مستشفى هناك امكانياتهم بسيطه ومايقدروا يوفروا لها سرير لوحدها ..
يكفي بهدلتها كانت مع ثلاث اشخاص بغرفه وحده وبعد ماطلعت روحها نقلها لغرفه لوحدها ..

وهاللحين هي بقصرها مرتاحه ..

سكر الباب بخفه علشان مايزعجها ..: وين نور ..؟!

ام هواجس تاففت : من ركبنا الطياره وهي صراخ ومعصبه كل هذا لان زوجها مو معها ..

بو هواجس خفض صوته : هو ناقص دم .. وعنده مشاكل بسبب ادمانه بيتعالج منهم ويرجع ..

ام هواجس ضربت صدرها بفزع : ادماااانه ياحسرتي عليك يابنتي حظك مثل حظ امك مايل ومـ

سكتت لما انتبهت على نفسها ان بو هواجس قبالها .. جهزت جسمها لضربه جديده منه واكيد بتكون قويه وبالذات ان له كم يوم ماعلم عليها ..

مسك كتفها بهدوء : انا بطلع لبوماهر المستشفى اتطمن على صحته .. وبمر اخذ ملاك من بيت اختي .. انتبهي للعيال ..

ام هواجس فتحت فمها بصدمه : هااا ..

بو هواجس زفر بوجع : اللي شفته مو قليل بنتي كانت بتروح من ايدي ..

تركها ومشى يعد خطواته لطريق الصح ..
لعب وسرح ومرح ..

ضاع ورى هواء نفسه .. وضيع بناته بدون رحمه ...

دق الباب على نور ..
قال بصوت هادي : نووور نوور افتحي ..


ماسمع ردها ..وعرف انها مراح ترد عليه ..
راح وتركها ..

.
.
.
.

نور بوزها ممتد شبرين لقدام معصبه مررره ..

واذا تركها وقال مايبغاها وش اللي حصل يعني ..
جد واحد اناني وحسود .. مايطيق الا نفسه

ومن الكلام هذا كثير تردده من اول ماقل لها بالمستشفى ترجع مع اهلها ..

صرخت وقالت كلمه ندى المعروفه اذا زهقت من التفكير : خلاااااااااص . .. آآف بنفجر تعبت وانا افكر ..
انا متزوجه والا لاااااااا ..يالله وش هذا ماهي بحاله ..
اطلع من راسي ياولد جواهر ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

أندق الباب ثلاث دقات ...

: ملاااااك مع ذا الوجه ابعدي عني ..ياللزقه ..

ملاك : نووواف ابغى اللعب معك ..

نواف : يااااااارب اغفر لي من الغثه هذي ...روحي افتحي الباب ..

ملاك : وتلعبني

نواف : ايوه بس ضفي وجهك ..

ركضت بسرعه لعند الباب وفتحته وهي تضحك ..

ناظر وا ريان وسامي بالبزر ...اللي شهقت لما شافتهم يتشابهون وبالذات ان سامي لابس ثوب ..
: يمـــــــه ..

مسكتها ام ريان قبل لاتركض لدااخل وهي تضحك على لبزر : ههههههه تعالي هذولاء توووم ..

ملاك رمشت باستغراب : توووينـــــــــــز ..

ريان باستعلاء ناظر بالبيت وقال بين اسنانه : هذا علشان خاطرك ساام جاي لعند فراشي .. وياليت يبين فيك ..

سامي : ههههه .. مشكور بس يالله نخلص ..

ام ريان ابتسمت : يله بس ندخل خلصونا ..

ريان : انتي نادي ابوك

سامي : هيــــه هذي بنت خالها ملاك ..ملاك صح ..؟؟!

ام ريان : مشاء الله عارف العايله كلها ..

ريان بطرف عيونه : قلتلي ماتعطيك وجه ..

جاء نواف وناظر بريان وسامي وعرفهم : نعـــم خير ..

ريان : نواف وين ابوك ..؟؟!

نواف : داخل .. تفضلوا ..

ام ريان : وامك وينها

نواف مستغرب : تفضلي خالتي .. من هنا امي وجدتي ..

دخل سامي وريان للمجلس و ام ريان لصاله ..

سامي كان يناظر بالمجلس وهو يحس بدافاء بهالبيت القديم ..
اكيد ندى جلست هنا اكلت وشربت وضحكت ..

اما ريان قرفااان من الوضع .. وضاغط على نفسه علشان خاطر اخوه سامي ..

بو نواف دخل لعندهم .. مستغرب وعيونهم تنتقل بينهم : السلام عليكم ..

ريان وسامي : وعليكم السلام ..

نواف : تفضلوا ليه واقفين ..

جلسوا وريان قرفان نفسه اما سامي يتبسم ..

ريان بدء الحوار وكالعاده كان هو يديره بسهوله : اكيد مستغرب من جئيتي يابو نواف انا واخوي والوالده .. بس لي منك طلبين ..

نواف بطرف انفه ومن انت علشان تطلب انا مادخلت لبيتنا الا لانك واصل عند بابنا اما تتطلب فاسمحي لي انت مثل مايقولوا شين وقواة عين ..

بو نواف كان ساكت يسمع لولده مبسوط .. في رجال يقدر يعتمد عليه ..

ريان ناظر بسامي معصب بس سامي هز راسه علشان خاطري ..


ريان : انا ماحكي معك انا جائي لابوك ..

نواف : انا وابوي واحد ..

سامي يهدي الوضع : والنعم والله فيكم .. بس حنا ياعمي حمد جائين نصلح اللي تكسر .. – حط ايده على كتف ريان – وهذا ريان جاء لك بنفسه يطلب منك ترجع لشغل ..

ريان ميل فمه وهو يردد بداخله (( اخر زمن اترجى هالاشكال ..))

نواف : محنا بمحتاجين لشغلك .. ابوي متوظف ولله الحمد

بو نواف كمل مع ولده : ماقصرت ياعم ريان كفيت وفيت معي وانا مقدر فضلك لما تركتني اكمل معكم بالبدايه

سامي بمرح يلطف الجو المتوتر : لااا ياعم اي فضل .. الفضل لرب العالمين .. والشركه بدونك ماتسوى .. وحنا جائين نعرض عليك تشتغل عندنا بالمحاسبه .. مو انت عندك شهاده صحيح قديمه بس امانتك تنفعنا ..

نواف وبو نواف سكتوا شوي ..

ريان : ها وش قلت ..؟! عرض مايتفوت ولاكنت تحـ

قاطعه سامي قبل لايخرب كل شي : لاااا باذن الله موافق انت يابو نواف رجال وماتردنا وحنا واصلين لبيتك ..

بو نواف كان بيتكلم بس سامي قاطعه : وحنا مو بس نبغاك توضفنا حنا جائيين طالبين نسبك وقربك ..

نواف وبونواف : نسبـــــــك ..

ريان كمل عنه : والله يابو نواف حنا جائيين خطاب ..هو مفروض يكون ابوي معنا بس انت عارف ان حنا ايتام .. وانا جائي اخطب بنتكم ندى لاخوي سامي ..

بو نواف ناظرهم مصدوم ..
واسم ندى يتردد باذنه ..
وش يقول اذا هو مايعرف مكانها ..

ريان : انا عارف وش بتقول لايغررك سوابق اخوي سامي .. والحكي عنه .. تراه ترك خرابيطه ورجع لربه ..

نواف وابوه مربوط لسانهم ..
من سواد وجهه ندى ..
مالهم وجه يقولوا بسمعته شي اذا بنتهم ماهي باحسن منه ..
حس بو ونواف بالعرق يمليه ..وان ضغطه ارتفع .. وش يقول ..

سامي : تبي الصراحه ياعمي انا شفت بنتك بمصر والشاهده لله عجبتني اخلاقها والاتزامها بعبايتها .. غير كل البنات اللي هناك ..
صحيح ماحكيت معها .. بس لانها ساكنه بعماره اخوي اللي هناك ..
والنعم بتربيتك ياعم ..


هو صدق اللي يقوله سامي ..
ندى ماسودت وجهه والنعم فيها وهي مسافره ..
حس بونواف بالدم يرجع لجسمه وبانفاسه تنتظم ..
يعني جائي يخطبها وهو عارف انها تدرس بمصر ويشهد باخلاقها ..

قال نواف بسرعه بديهه : ايوه اختي تدرس هناك مع بنت جيراننا .. وهي مو هنا هاللحين ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

قال بصوت لاهث وهو يعدل جلسته بسريره الفخم .. : فيصل .. فيصل ..
وينه ..؟!

ام جراح وهي واقفه بعيد عنه وتناظره ببرود: شكلك غلطان وتقصد رياض ..

هز راسه بضيق : لاااا فيصل ولدي ..

ناظرته باستغراب واحتقار : تطمن عليك وطلع ..وش تبي فيه .. .!؟


لف وجهه عن زوجته وهو بنزل من السرير : دقي عليه ابغاه ضروري ..

ام جراح بعصبيه خفيفه : طااارده هو وزوجته وهاللحين تبغاه .. تكمن يقولك اليوم بيطلع من هنا ..

بو جراح : مجنون هذااا .. دقي عليه بسرعه .. ولدك مريـ

سكت ولبس شبشبه .. : جيبوا لي قهوه او اي عفن .. ونادي لي ولدي ..

ام جراح استغربت : مو من العاده ولدي بالعاده تقولي ولدك ..

بوجراح ناظرها بقسوه : كانك بنت ابوك وقفي قبالي دقيقه زيااده ..ضفي وجهك يامرأه ..

ام جراح طلعت من عنده وهي متعوده على اسلوبه .. يغيب سنوات .. ويرجع بظلمه وجبروته ..

.
.
.


شموخ عند ركبت فيصل وتترجاه : ليه ماقلتلي .. ليه سكت وماقلتلي ..؟ من متى تدري ..؟ - زادت دموعها وهي تلف راس فيصل وتجرب يناظرها – ليه ماترد علي .. انا احاكيك ..

فيصل ضلت عيونه معلقه بعيونها .. لمس خدها بنعومه ومرر اصابعه بهدوء عليها : خايفه علي .. تبكي علشاني ..

شموخ زادت دموعها وباست ايده اللي على خدها : انت كل شي بحياتي .. فيييصل ليه تعمل فيني كذااا .. ليه ..؟!

فيصل ابتسم لها : انا ميت ميت .. انتي تبكي ليه .. ها ...

شموخ ماردت عليه بس دفت راسها بين رجلينه تبكي ..
معقوله بيجي يوم وماتناظر فيه فيصل .. او حتى تلمسه ..
بتجي اللحضه اللي بتفقد فيها خياناته وقسوته

مسح على شعرها وهو يحس بالبرود ..
برود داخلي ..مشاعر ماقد حسها وهو مع شموخ ..
: الا ماقلتي لي وش رايك تبغي تكوني مطلقه والا ارمله

رفعت راسها مصدومه .. كيف يفكر..

فيصل رفع حواجبه باستهزاء : اختاري ايهم اكشخ ويناسب لشموخ الخيـــال ..بنت عم ريان الخيـــــال

شموخ حست هو.. هو مراح يتغير ..
سحبت يدينها من ركبته .. وهدت دموعها شوي .. لكن مازالت تبكي ..

قاطعم صوت الباب يندق ....

فيصل وقف : من .. لحضه ..

الخدامه : مس فيصل بابا كبير يبغى انتي ..

فيصل ناظر بشموخ وهي توقف بخوف ورجع طالع بالخدامه : اوكي ..
- اشر لشموخ – اذا مرجعت نامي ..

طلع وسكر الباب ..


ويــــــن تروح ..
وش تعمل ..؟؟
من تشكي له ..همها جبال ماتقواه ..
آآآآآآآآآآآآآآآه ياقلب ماعرفت الفرحه بيوم ..

.
.
.

وقف بعيد وناظر ابوه ندمان انه فرض نفسه عليه وانرمى بحضنه ..

: نعم طلبتني .. اباخذ الاوراق لرياض هاللحين ..

بو جراح ماهو عارف كيف يتعامل معه .. كبريائه وقوته ماتسمح له يضم ولده او يعبر له عن مشاعره ..

محتار وش يقدر يعمل .. وبالذات مع اكثر انسان جرحه واهانه بنفسه ..
وكان ضحيه لخيانته لبلده وانسانيته .. دخل السوم علشان توصل لولده ..

رفع راسه من كوب الشاهي اللي بيده ..: انت ماغسلت وجهك ..جاي لي بدمك ..

فيصل تحسس خده وتذكر الجرح ..
زفر بضيق : نسيت ..

بوجراح رجع فنجان الشاهي لطاوله وقال بهدوء : ماسالتني كيف صحتي هاللحين ..

فيصل ابتسم باستهزاء ..
هو اللي بيموت وهذاك يسال عنه ..
: انت ذيب يبه مايحتاج اسالك ..

بوجراح قال بثقل على لسانه وهو يقاوم تكبره ويضغط على نفسه ..: اترك الاوراق عنك انا بوصلها لرياض .. و..- تردد -و..
و.. لاتطلع انت وزوجتك ..ابقى بالبيت ..

فيصل : لااا مايحتاج انا بـ

بو جراح بامر : خلاااص انا قلتلك تجلس تجلس ..

فيصل بهدوء : وبعدين ..

بو جراح رفع راسه لفيصل : ايش قصدك .؟

فيصل : سلااامتك .. تامر على شي بروح ارتاح ..

بو جراح : عند اي مستشفى تتعالج برسل اوراقك لبره تتـ

قاطعه فيصل : لااا تتعب راسك يبه .. حاولت وماينفع ..

بو جراح : مو انت تقول انك عرفت امس ..

فيصل ارتجف صوته : كنت عارف بسوريا.. وعرفت هناك ..

بو جراح بقسوته المعتاده يكابر فيها : اهاا .. الا ماقلتلي هذي زوجتك .. كيف تختار وحده بجمالها هذا ..

فيصل استغرب : ليه وش فيها ..؟!

بو جراح : الرجال الذكي يتزوج ابشع منه علشان يتفضل عليها مو هي تـ

فيصل بتعب : يبه الله يرحمك .. تعبـــــان ...مافيني احكي ..ولااا اسمـــــع ..

بو جراح اشر له : روح ارتاح ..

جر فيصل خطواته جر لعند الغرفه .. اشر لشموخ اللي على وضعها ..بالصاله .. بس بدون دموع كانت تناظر بالفراغ : تعالي وجيبي معك من درج الغرف هذيك تلفزيون ..

دخل للغرفه بدون لاينتظر ردها ..
فتح درج الثلاجه الصغيره .. وسحب قزازته الغاليه ..
شرب منها بدون ثلج او كاس ..
يبغاها تحرق جوفه .. مرارتها تحرقه ..
يمكن يرتاح ..

رمى نفسه بتعب على السرير وبيده القزازه .... مو تعبه جسده كثر ماهو نفسي ...

خلااااص مل الحياه وعافها وينتظر اللحضه اللي يسلم فيها ..

عنده يائس بالحياه وقنوط من رحمه الله ..

واتجه للادمان اكثر كهروب ..
.
.
شموخ دورت بالدروج وعقلها شارد ..
مريض ويتعاطى .. ماتعض من مرضه .. ضل على حاله ..

تكرره والا تحبه ..

محتاره معه ...
وكاسر خاطرها ..ماتقدر تزعله ..

دخلت لعنده بلهفه .. وغرقه عيونها وهي تناظره مسند ظهره على قاعده السرير ويشرب من اللي بيده بنهم .. يشرب ويضعط على اسنانه يبكي ..

شموخ تنهدت وهي بضياااع ..تقرب منه وهو فاسق ..
والا
تبعد عنه وهو مريض وزوجها ..

قربت لعنده ليالي وايام قليله ..ويكون هالسرير خالي بدونه ..
تكون فيه لوحدها .. بعد ماتعودت على وجوده ..

صرخت بداخلها (( لااااااا لااااااااااااااااا.... الا فيصل ... الا زوجي .. الااا حبيبي .. ايوه حبيبي .. ماتشوفوه .. ناظروا فيك ... يصعب على الكافر ..))

حطت الهيروين اللي تعودت على شكله وتعرف اصنافه ..
واخذت من فيصل القزازه اللي بيده .. وهو بحاله هذيان يلعن ويسب بابوه ..

مددته وغطته .. وحضنته بكل مشاعر الزوجه الثكلى ..وهي تهمس له : نام ياحبيبي .. انا معك وحولك .. مراح اتركك .. انت قلبي وحياتي مستحيل اعيش بدونك ..

كانت الايد الحنونه والصدر الدافي له ..
وهو اللي ترك بنت خاله علشان مايذيها ويجرحها وتزوجها هي .. وهي اللي بنظره تستاهل العذاب ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

الحكاية بختصـرهــا بكلمتــيــــن ------------ أنـا حـبيتـك وأنـت خنـتـنــى ...

واعتقـــد فى فـرق بين الحالـتــين ------------ قـلــب ذاق الـمــر وقـلب مهتـنـى..




ارتجفت الملعقه بايدها وهي تقربها لشفايفها ...اشربت منها بهدوء ..


اخذت ملعقه ثانيه بنفس الهدوء و حست بالذنب يقتلها ..
هي السبب انه نزل .. ياما ضربة بطنها .. ودعت عليه بالموت ..

لكن ماهي بزر تقول هالكلام .... هي بسن ماتلوم فيه حد علي حصل .. ..
وايمانها بالله كبير ..
تحس بالخيره العظيمه لانها سقطت ..
بتتخلص من رياض للابد .. وتتركه براحته مع كلبته كات ..

مو هو مايبغاها ومتضايق من البزر اللي ربطته فيه هذا هو رااح ..

حطت الملعقه بهدوء واشرت للمرضه خلاااص ..

وبحركه بديهيه منها ... لمست بطنها اللي تحسه خفيف ..

نزلت دمعتها وهي تفقد الثقل اللي كان فيه .. ومات ..

ضلت عيونها على بطنها
تغطي وجهها بشعرها القصير ..
وهي تقول بصعوبه للمرضه قبل ماتطلع : ايش كان بنت والا ولد ..

ماسمعت رد الابباقه ورد ابيض على حضنها ..وانفاس رياض قريب منها .. وهو يرجع شعرها القصير ورى اذنها : ولد ..كان ولد .. – باس جبهتها – الحمدلله على السلامه حبيبي ..

وعود كانت محتاجه لحد معها هاللحين
امها
ندى
هواجس
سجى
اي احد .. الا رياض .. اخر شي تتمنى تقابل وجهه ..

بعدت راسها عنه ودموعها تنزل وهي تحاول تمسحها بايدها الضعيفه اللي ترتجف ..

ماهي قادره تضبط اعصابها وانفعالتها ..

رياض كان متوتر من اول مادخل لعندها .. وزاد توتره لما ناظر شكلها
وسمع سوالها
بصوتها الباكي ..

حاول يصلح شوي من اللي يعمله يها .. جلس قبالها ..
صفط رجله اليمين على السرير ... و رجله اليسار بره.. ..
ناظر بوجهها الاصفر وشفايفها لجافه ..
مسك ايدها ومسح دموعها : لاتبكي .. باذن الله بيعوضنا بغيره ..

سحبت ايدها منه وناظرته بقهر : مابغى منك شي ..خلااااص النفس عافتك ..
خلاااااااااص ماعاد اطيقك .. ولا ابغى اقابل وجهك ..
كلكم سوااا نفس الشي ..انت ويعقوب شخص وااحد بس هو كان يجرح ويطبط ... وانت تجرح وتزيد على الجرح ملح ..

كانت منهاره وتحكي بانفعال وهي تبكي ..

رياض اخذ نفس وقال بهدوء علشان يهديها : وعود انا آآسف .. انا غلطـان .. مـ

قاطعه وعود وهي تسد فمه بقوه : اسكت مابغى اسمع .. – ارتجف ذقنها – خلاااص تعبت وربي تعبت ..

سحب ايدها وضغط عليها بقوه : وعود وربي اسف .. انتي فهمتي الاوراق خطاء أنا كنـ

وعود قاطعته وهي تحاول تفك ايدها منه .. : لااا فاهمه وفاهمه كويس .. لاتخاف الورث والفلوس اللي كنت بتحصلها من ولـ - ماقدرت تقول ولدي .. تحسست بطنها وعضت شفايفها بقوتها كلها ..
هزت راسها ماهي قادره تحكي .. -

رياض ترك ايدها بعد مارتخت قوتها وركزتها على شفايفها اللي طلع منها دم من شده ضغطها ..
مسح على شعرها بحنان ..وبعده عن وجهها بعد مالتصقت شعرات منه بدموعها ..
كسرت خاطره وضايقه حزنها ..
سحب ايدها بهدوء من بطنها و مسح دموعها
وهو يقول بصوت فيه بحه غريبه : وعـود خلااااص لاتضايقي نفسك ..لك اللي تبي بس لاتضايقي نفسك .. والله مايكون خاطرك الا طيب

وعود رحمت شفايفها وحالها وتركتهم بعد ماحست بطاقتها تضعف وهو ماسك ايدها ... يحضنها بين ايديه بحنان ..
قالت بصوت متحشرج بالبكي : ابغى امي .. وابوي .. جب لي امـــــي ..

رياض : اوكي هاللحين ادق عليهم يجوا ..بس انتي ارتاحي ..

وعود مسكت بايده بقوه وكانها خايفه يضيع عنها .
بين اسنانها :راحتي بعيد عنك ..

رفع حاجبه مستغرب
وناظر بايدها اللي تمسك فيه بقوه ..
وشفايفها اللي فيها دم بعد مانطقت بكلمات متناقضه مع تصرفها ..
سحب منديل بجنبه ومسح شفايفها من الدم وهو ساكت ..

دق ..
دقـــــــ, ...

اندق الباب بهدوء .. بعدها دخلت ام رياض مع روابي متبرقعه وخدامتين ..سكتوا شوي يناظروا فيهم ..

بعدها قالت ام رياض بهدوء : السلام عليكم ..

رياض حاول يسحب ايده من ايد وعود وهو يرد السلام .. لكن وعود مارضيت تفكها .. وعيونها عليه هو وبس ..: وعليكم السلام يمه حياك ..

دخلوا للغرفه .. وعود طنشتهم ضلت تناظر رياض ..
اخر مره تشوفه فيه .. اخر ايامها معه ..
عيونها تنتقل من حاجبه المعقود ونظارته الطبيه .. لذقنه النظيف المحلق ..
تحس بضيقتها تزيد .. خلااااص ماعاد فيه رياض بيرحوا مثل يعقوب ..

سمعت صوت روابي تتحمد لسلامتها وصوت علبه الشوكلاته على الطاوله : ماتشوفي شر ياوعود الولد يتعوض المهم سلامتس ..والف الحمدلله على سلامتس ..

كانوا ام رياض وروابي جالسين على الكنبه اللي يسار سرير وعود .. ورياض من يمينها ..

بعدت عيونه عنه .. و سندت راسها على صدره لكن ضل وجهها عليهم ..
ماتركت ايده
قالت وهي تبتسم : الله يسلمك روابي .. هلا يمه شخبارك ..

ام رياض نفخت وجهها بغطاها : كويسه .. اليوم الجو مررره حار اعوذ بالله ..

رياض كان متجبس بمكانه .. ماهو فاهم عليها وش قصتها تبيه والا لا ..

روابي احتقرت وعود ضاربها وترتمي على صدره .. جد غبيه ..لو هي لعنت خير متعب

وعود تسمع دقات قلبه السريعه .. وتحسها تريح اعصابها ... مايهمها تعرف السبب .. بس تسمع قلبه يدق ..: غريبه يمه مع ان الشتاء بيدخل ..

ام رياض اشرت للخدامه : جيبي الا كل لوعود .. وجهك مرره اصفر ..

رياض مسح على شعر وعود : لااا يمه توها ماكله اتركي معدتها ترتاح شوي ..

ام رياض ابتسمت بخبث : انت هنا ... توني انتبه فيك ..

رياض فهم قصد امه وضحك وهو يبعد وعود عنه شوي : ههههه لااا هناك .. يله اتركم على راحتكم ..الا ليه ماجبتوا سجى معكم

روابي : سجى مقطعه نفسها بكي وقالت ماتقدر تشوف وعود اليوم ..

وعود ابتسمت ورياض يسند جسمها بهدوء على السرير : يااحياتي سجى ..

رياض ابتسم لها : بالليل بمرك .. يمه روابي ماوصيكم عليها..

ام رياض الخبث بعيونها : توصيني على بنتي ..رح بس انت شغلك ولا تشيل هم ..

طلع رياض وعيون وعود متعلقه فيه .. مثل ماقلبها ملكه ..
لفت على صوت روابي وهي تدف طاوله لعند وعود :عملت لتس هاك الجريش اللي يحبه قلبتس ..

وعود ابتسم لها بتودد وهي تغالب دموعها منهاره من جوا..
حطااام انسانه فقدت ولدها ..

ام رياض طلعت جوالها من شنطتها وهي تضغط على ارقام باظافرها الطويله : ماقالك رياض متى بيدفنوه ..

وعود التفت لها بسرعه مرعوبه : يدفنوه ليه ..؟؟!

ام رياض بحزن تكابره: لانه خمس شهور ويجب دفنه هذا اللي قاله لي عمك فهد ..

وعود بلعت غصتها .. يعني من جد مافيه طفل ومات ..
كانت منتظره باي لحضه تدخل الممرضه وبايدها الطفل ..

روابي ابتسمت لوعود تصبرها : قولي ان لله وان اليه لاراجعون .. ورب ضارة نافعه ياوعود لاتحزن علي شي كتبه ربك ..

وعود نزلت دموعها مع حكي روابي .. اللي ذكرها بامها .. وين امها ..

روابي تحاول تصبرها .. وام رياض كانت بجنبها تهديها ..


وعود ارتاحت شوي لما شافت ان حد معها ويحبها .. واكلت من جريش روابي لانها تعبانه مررره ومحتاجه تتغذاء ..

........****...........

كان ماسك خط من الرياض لشرقيه ...

وتصرفات وعود بباله .. مستغرب منها .. وماهو قادر يفهمها ..

هو يتوهم انه حسها ماتبغاه يتركها .. والا كيف ...؟؟!

هو بنفسه بيجيب عمه حمد مع زوجه عمه ام نواف ..
علشان عيونها كل شي يهوون ..

دق جواله رد بدون نفس وهي غارق بمشاعره وافكاره : الــــــو...

جاء له صوتها المايع بلهجتها الغجريه : هالـــو.. ريري..

رياض نسى كاترين وموعده معها ..: كاتريــــــن ..

كاترين بمياعه ..: شو بيك رياز بيبي .. يتولا هيك ..ماااشتاتلي ..
(( وش فيك رياض بيبي تقولها كذا .. ماشتقت لي ..))

رياض ارتباك و ضاع بدوامه مشاعره لها ولوعود : لاااا مافيني شي ..بـ ... بـس ... فقدت صوتك ..ا...ا...ا....اااكيييد اشتقت لك

كاترين : يالبي الكزاااب ليكني بنتزرك بالمطار وانتي ماشرفت
(( ياقلبي الكذاب هذا انا انتظرك بالمطار وانت ماجيت ))

رياض توه ينتبه لصوت الازعاج من حولها .. اخذ بريك قوي وصوت الفرامل صم اذنه من قوتهم : انا بالطريق ..

كاترين بخوف مصطنع ولهفه .. : ييئ بيبي شو هيدي الصوت .. سوا ع مهلك ..
(( يالله بيبي شنو هذا الصوت سوق براحتك ..))

رياض اول مره يحس بخوفتها ولفتها مصطنعين ..
حرك سيارته راجع لرياض عندها .. مشتاااق لها .. ومتردد يشوفها ...

**********************
عشاق من احفاد الشيطان ... روايه رومنسيه حزينه .. ... وخياليه
**************************

نهايه الفصل الثلاثين الجزء الاول ...
اودعكم الله ...

اختكم : متكحله بدم خاينها *-^

يوم الجمعه .. 10:22