هل العشق يجعل الانسان حزين
اكيد فى بعض الاحيان لو انتهى نهايه مؤلمه
يعنى انا كان سبب حزنى الفراق بينى وبين حبيبى
ممكن يكون سبب الحزن الخداع مثلا
او حب مستحيل فيه مشاكل صعب تتحل
او حب دام سنين وانتهى بالفشل لأى سبب
الحب الحقيقى بيسبب حزن حقيقى وبيبقى عميق قوى
صعب يتنسى اللى يحب بجد يوم ما يتجرح بيبقى صعب
لكن الحب حاجه جميله
معرفش دا رأيي
الحب احلى حاجه فالدنيا لو مشى زى ما احنا عايزينه يمشى
لكن لو العكس
صعب قوى

اهلا بيكى

ممكن نعرف ايه سبب خلافك بينك وبين حبيب القلب

ومدى تعلقك بيه

امممممممممم
سؤالك صعب جدا جدا
محتاج كلام كتير بس ححاول اختصر اوك
انا مرتبطه بواحد نفس سنى وكنا جيران وبنحب بعض من واحنا عندنا 11 سنه وحصل مشاكل كتير جدا حولينا بسبب الاهل انتهت باننا عزلنا من البيت بابا كان فاكر ان دى الطريقه عشان يبعدنى عنه لكن كل المحاولات دى فشلت واحنا مع بعض الحمد لله لغاية دلوقتى
المشكله بقى بما انك من مصر زيى يعنى انت عارف الحال هنا عامل ازاى صعب على واحد لسه بيبتدى طريقه انه يتجوز وشغل مفيش ولو فى المرتب كام
يعنى عايزين 20 سنه عشان نتجوز وهو عايز يعتمد على نفسه مش ورافض اى مساعده من باباه
نهائى
عايز يحس انه مسئول عن نفسه وعن اللى حتبقى مراته
احنا لسه بندرس ولسه هو قدامه سنين على ما يقدر ييجى يتقدم لبابا علشان كده فضل يبعد عنى
يمكن الاقى نصيبى مع حد تانى وعشان متعلقش بيه اكتر قال نسيب بعض دلوقتى بأرادتنا احسن ما نسيب بعض بعدين غصب عننا
انا رفضت فبدأ يتصرف معايا بطريقه تخلينى ابعد عنه
لكن انا كنت فاهمه هو بيعمل كده ليه احنا مع بعض طول عمرنا يعنى انا اكتر حد فاهمه فالدنيا
المهم محاولاته فشلت فى انه يخلينى اسيبه
وفالاخر سابنى وقال كلام كده عبيط طبعا كدب
بس انا سبته لأنى حسيت انه بيتخلى عنى وعشان ايه عشان مستقبل يا عالم مخبى ايه
وكمان انا راضيه بوضعه مهما كان
يعنى كلام كتير
المهم انه عنده اولويات انا مش اولها هو عايز الدراسه والشغل والمستقبل
ولما يبقى معاه فلوس ويحس انه حيعيشنى احسن من العيشه اللى انا عيشاها حييجى ونتجوز
انا الايام دى بتكلم معاه وبفهمه انى معاه طول عمرى
وحستحمل اى حاجه بس نكون مع بعض
بس هو لسه مقتنعش قوى لكن قريب
انشاء الله


بالنسبه لمدى تعلقى بيه
مفيش كلام يوصفه
هو القلب اللى بينبض جوايا
هوا النفس اللى لو بعد عنى اموت
هو بجد الفرحه الوحيده فحياتى
اقرب انسان ليا فالدنيا
اللى بيطلعنى من اى حزن
اللى بثق فيه وبحترمه وبحبه وبموت من القلق لو بس رنتله عالموبايل ومرنش فوقتها
هو عمرى كله
انا بقالى تسع سنين ونص معاه
احلة ايام حياتى معاه الضحكه اللى بجد والامان
والحب
وكفايه بقى احسن كده شويه وحعيط بجد
سؤالك بجد صعب وعايز كلام كتييييييييييييييير
قووووووووووووى
حكتفى بكده بقى
اوك
سلام

الي أختي العاشقه الحزين مادي شاقول بس هل هو بضحي نفس أنتي ماتضحين بدموعك وحياتك على شانه ماندري الايام شو تخبي لك وانتي بعمر الزهور انا قريت قصتك من قبل وشدني القب من زمان حبه أتعرف عليك أكثر بس الحمدلله طمنتيني بقولك انكم رديتو لبعض؟؟
ماهي دراستك وكم ستبقى سنه وهو ماذا دراسته ؟؟
وهل القسم الذي اختارتيه للدراسه يناسب للعمل باسرع وقت لكي تكوني نفسك انتي وهو ؟؟
وهل تعتقدين انا سبب سفرة هو الهروب ولا لكي يرجع لكي شخص يعتمد عليه ؟؟
وتحياتي لكي بالتوفيق وياليت نبقى أصدقاء "معشوقه الورد"

كلامك كلام جميل اوى

مع انى بحب الحب وبحب اشوف اى اتنين بيحبو بعض ودى حاجه بتبسطنى اوى بس برده ليا سؤال كمان ممكن ؟؟

انت دراستك ايه

وهو دراسته ايه

وايه هيا طموحك فى الحياه

وايه هيا طموح حبيب القلب فى الحياه

احنا للاسف فيه ماقوله بتقول ( مش كل اتنين بيحبو بعض بيخدو بعض )

انت ايه رايك فى هذه الماقوله

وفى النهايه

ولنفرض ان انت ارتبطى بشخص تانى وبعد الزواج وعند حدوث مشاكل هل ممكن تتصلى بــ حبيب القلب تشكيلو وتقوليلو انه السبب فى اللى بيحصلك

وكفايه كده عليكى دلوقتى