روايتك روعة الغالية ملي واحنا معاج

وهذي غديروه على شو شايفة نفسها يا حافظ

عالية دبري لها لقاء (بالصدفةالبريئة)مع فهد وبليز خلي فيه اكشن البارت الياي
سلااااااااااااااااااااااااااام

بيت بوفهد.........منال:ها يبه اشوفك قاعد ليما الحين؟ والساعه الحين 4ونص موقلت ان فهد بيوصل
4......... ابوفهد:ايه يبه اكيد اهو بالطريج انا مارحت ليش ان اهو مارضى يقول ان هذي مواول
مره يروح فيها ....اها يعني ما يبيك تجهد نفسك.......اوكي انا بروح داري ارتب نفسي لان بيت
عمي غانم وعمتي منيره اكييد بيزورونا اليوم.......سالها ابوها:قبل لا تروحين الا صج شخبار علوي
بعد عمري حتى ما دقيت عليها .......الحمد لله يبه تقول انها حلت عدل.........صعدت منال فوق لدارها
وراح ابوها قعد بالحديقه ينطر ولده ........وكلها ربع ساعه وصل فهد نزل من السياره ......
وراح السايق ينزل اغراضه....مشى فهد وابتسم ليما شاف ابوه بالحديقه........فز ابوه من قلب لفهد
وقال:هلا والله هلا بولدي حمدالله على سلامتك......فهد:هلا يبه الله يسلمك باس راس ابوه وقعد
ها يبه شلونك؟.......الحمد لله انت طمني عنك ياعمري شخبارك وشلون اهل الامارات؟
تمام ويسلمون عليك........عمي غانم شلونه وشخباره وياكم بالشغل؟......
ضحك ابوه وقال:رافع الراس ما عليه انت شخبارك يبه والله اني اهلكتك بالشغل.....
افا عليك يبه ولدك سبع وبعدين انا ماسويت شي قاعد اداري حلالنا ............
تمو يسولفون ووصلت منال:هلا والله حمدالله عالسلامه......هلا منول الله يسلمج .....سلمت منال
على اخوها وقعدت عنده.ايه اشوفك سالت عني؟ حتى ما طلعت تسلم علي.......
فهد:ليش منو اللي لازم يسلم عالثاني انا ولا انتي .....منال:انا كنت قاعد ازهب نفسي لك
ضحك فهد:لا تخافين بتمين بعيوني جيييييييكر......افاااا فهد من صجك
ضحك فهد:اقص عليج .انتي ليه تصدقين اي شي ........المهم ما علينا قولي شخبار السفره..
والله اوكي .......وهديتي.......اي هديه كل ما سافر تبيني اييب لج شي معاي.......
يعني ما يبت لي شي.......ضحك ابوها:فهد مستحيل ينساج بس يبي يستفزج..........ضحك فهد
صح انا انساج .....ابو فهد يله يبه روح ارتاح فوق بشقتك ليش ان اليوم بيون بيت عمك يسلمون عليك
فهد:اوكي يبه عن اذنكم............طلع فهد فوق (فهد له فوق جناح كامل له) وطلع بشقته يرتاح
راح فهد يفتح كبته وطلع منه ملابس واخذ فوطته لانه بياخذ شاورقبل لا يدخل الحمام.....
طقت منال الباب عليه.......فهد:منو.....انا منال.......تفضلي........ها بتاخذ شاور.........ايه
قلت اخذ اشاور وانام شوي على ما ييون بيت عمي ..........منال:اوكي اخليك ترتاح......
فهد:منا شفيج فيه شي ابوي صاير له شي؟......لا فهد مافيه شي بس بغيت اطمن عليك......
طيب شخباركم.....منال:من تقصد.......فهد:اقصد الكل.......منال:يعني عندك وقت تسمع اخبار الكل.
فهد:ليش صاير شي منال تكلمي عدل او طلعي برا ترى مالي خلق سخافتج.....
منال:والله فهد انا سخيفه.ليه شسويت..........ماكو بس غامضه بكلامج اذا عندج شي قوليه
منال:انا قتلك ما عندي شي بس انت سالتني عن اخبارنا....فهد:ايه فيكم شي.......
منال:لا تمام كلنا بخير بس انا اسال انت عن منو تسال بالضبط...........فهد:منال شعندج.تدرين شلون
طلعي برا انتي فاضيه.......افااا ليه فهد .........بس لاني هلكان حدي وبرتاح وانتي ما عندج سالفه
منال:اوكي فهد بخليك ترتاح...........طلعت منال فهد قعد يكلم نفسه:هذي شفيها اليوم
مينونه؟ معقوله صاير شي وابوي ما يبي يقولي........
راحت منال دارها واتصلت على بيت عمها راشد:قوه خاله......ام عاليه:اهلين حبيبتي .....
منال:ها كيفك خاله وعلوي شلونها قعدت من النوم؟.........نحنا الحمدلله وعاليه ما نامت يمكن غفيت له نص ساعه بس وهلا هي بغرفته عم بتذاكر بدكى انده له........منال:لا خاله خليها تذاكر انا بغيت اقولج ان فهد رد من السفر اذا بغيتي تزورينا اليوم........ايه حبيبت واجب حمد الله عالسلامته.......
الله يسلمج خاله.........
تجمعو الكل في بيت بو فهد ونزل فهد تحت يسلم عليهم.......غدير بينها وبين نفسها:هلا والله بالطله
بعد قلبي صاير احلى .....فهد كان لابس بلوزه سودا نص وبنطلون ابيض وكان شعره طولان وشكله
جذاااااااااااب ويجنن.......فهد هلا والله حي الله من يانا قام له عمه وسلم عليه وباس فهد راسه
وسلم على عمته وعلى خالد وعلى عبير بنت عمه واحمد وليما وصل عند غدير..غدير تقدمت صوبه ومدت ايدها:حمد الله على سلامتك فهد وظلت ما سكه ايده ......فهد بدون ما يطالع لها هلا والله الله يسلمج وسحب ايده وراح قعد بجمب ابوه وعمه.....ابو احمد:شلونك فهد وشلون الشغل انشا الله ما تعبت؟ ....الحمد لله عمي كل شي تمام ....انت شخبارك؟.....انا بخير مادامك بخير يبه.....تسلم عمي
فهد يكلم خالد ولد عمته:شلونكر بووليد ها شلون الشغل من دوني.......رد خالد يضحك والله ماله طعم
مره ثانيه فهد انا وخالي بندر بنروح وياك ياخي ما نعرف نشتغل بدونك....رد عمه غانم بواحمد:
لا تصدقهم ابوك وخالد ما يعرفون يشتغلون وحطو غيابك حجه.....ضحكو الكل ........
تمو يسولفون وظلت غدير طول الوقت تخز بفهد وتناظره وخالد لاحظ هالشي وكان ناوي انه اليوم
يفاتحها بس تراجع لان قال لنفسه:ان كرامته اغلى من كل شي لانه بيعرف رد غدير بعد ما تاكد
من كلام امه .........فهد:شلونج عبير وشلون البيبي؟.........عبير:الحمدلله كل شي ماشي......
فهد:ما بغينا نشوفج يعني اللي تتزوج تصير ما تبي اهلها......ضحكت عبير ونزلت راسها......
وقال ابوها:مو كل اللي يتزوجون بس اللي ياخذون غريب ........عبير:لا انا جذي بصدق كلامكم
يعني معقوله انتو تشوفوني مقصره لهدرجه.......ردت عليها امها:لا يمه ابوج يتغشمر وياج .....
بو احمد:يبه انا مالومج خلاص الواحد تصير له حياة ثانيه ومحيط ثاني بعد الزواج بس انا تعلمت
واختج غدير مستحيل تا9خذ غريب عشان افلس منكم اثنينكم.........استانست غدير بالكلمه
وعبير قالت:لا يبه شنو تفلس منا انا.......قاطعتها عمتها ام خالد:يا حبيبتي لا تضايقين نفسج يتغشمرون وياج .......طق الباب ودخلت ام عاليه راحت منال اول وحده استقبلتها.منال:هلا خاله ......
ام عاليه قامت تتكلم كويتي لانها كل ما تتكلم لبناني تحس ان الكل ما يفهم كلامها وتحس بعيونهم
تطالعها ةتستنقدها ولان بنتها عاليه كانت تحب تخليه تتكلم كويت جدام عمامها
ام عاليه:السلام عليكم .....وسلمت على بو فهد وغانم اللي سلم من ورا نفسه ووصلت لفهد:
حمد االه على سلامتك يمه.....فهد هلا والله هلا خاله الله يسلمج.....وكملت سلامها وقعدت
ام احمد شلونج ام عاليه وشلون عاليه بالامتحانات؟.......والله الحمدلله اليوم اول امتحان لها وتقول انه تمام .....فهد تكلم وصوته كان باين عليه الاهتمام:ها..علوي بدت امتحاناتها امتى؟.....تضايقت غدير
من فهد لانه قال علوي....ام عاليه:اي ياولدي اليوم اول امتحان رياضيات.......
تكلم فهد باهتمام اكثر:وشلونها فيه؟ والله تقول تمام.......فهد:طيب محتاجه شي؟.......
والله تقول انها مو محتاجه شي ..... فهد الله يوفقها.........غدير قامت عنهم وطلعت الحديقه وكانت مغتاظه حددددددددها من فهد اللي ما عطاها اهتمام ولا لاحظ كشختها بعدها طلعو خالد وفهد واحمد للحديقه ولقو غدير بروحها.......احمد:غدير شعندج بروحج وين منال عنج......غدير تمت تطالع فهد واهي معصبه .....وقالت:جذي منال قاعده داخل وانا مليت حسيت اني بشم شوية هوء
فهد تجاهل نظرات غدير اللي حتى اخوها لاحظها وقال:تعالو نقعد....وقعدو عالطاوله.......وتمت غدير
تخز فهد اهو مو معطي نظراتها اي اهتمام وبعدها راحت داخل .........تمو الشباب يسولفون
وقال احمد لفهد وخالد:بصراحه انتو باطين جبدي ......خالد:لا عاد كلش ولا جبدك....
ضحك فهد ليه حمود.......احمد لان الواحد طق منكم مليييييون سنه وللحين مو متزوجين......
فهد:الللللله مليون سنه..زين انت شكو فينا ......خالد:انا اقولك يبي يرقص بعروسنا ويوري نفسه
للبنات حركات اليهال .......احمد:لا حبيبي انا مو ياهل انا كبير ......فهد:عيل شتبي منا؟
احمد:بس مستغرب......فهد قال بضحكه:والله انا ودي اتزوج وميت عالزواج وكل ما قول للوالد يقولي
عيب يبه شلون بتتزوج وولد عمك للحين ما تزوج....ضحك خالد بصوت عالي وقال:اي والله حتى انا
كل ماقول لامي تقولي نفس الشي.....احمد:لا والله يعني من صجكم انا ماني راد عليكم لاني مو ياهل.
فهد:شفيك يابو شهاب من قال انك ياهل.يله عاد قولنا ليش تسال عن زواجنا......احمد:جذي
....خالد:وغير هالاجابه......احمد ماعندي لانكم مو معتبريني رجال كبير كل معتبريني ياهل
فهد:افااا عليك انت اكثر الناس ثقل وعقل وغلاتك اننا لو معتبرينك ياهل ما جان قعدنا وياك
خالد:صح يله عاد صارحنا.......احمد:بصراحه ودي اتزوج ماودي افاتح ابوي بالموضوع وانتم مو متزوجين.........زضحكو فهد وخالد من قلب.......احمد زعل وقال:قتلكم انكم ما بتاخذون كلامي محمل الجد انا بروح عنكم....مسك فهد ايده وقال:خلاص بنسكت بس انت الله يهداك فاجاتنا....
ليش لاني صغير؟ خالد :انت قلتها بنفسك .......احمد لا انا السنه اليايه باخذ رابعه و.......
سكت احمد....خالد:و..شنو بتتزوج يا حبيبي انت توك صغير بعدين العمر جدامك استانس بحياتك
وبعدين فكر بسالفة الزواج.......فهد:حمود اذا بتقولي انك بتحب وهالسوالف والبنت ما تنطر واللي يخطبونها واايد بقولك انت وحبيبتك هذي تراهقون.وان صغيييييييييير جدا على هالسوالف....
احمد:شكو صغي الحب ما يعرف صغير ولا كبير......خالد:يعني تحب قولنا منو سعيدة الحظ
ابتسم فهد:من صجك انت احمد ما يعرف هالسوالف ....... احمد:شنو ما عرف هالسوالف انا كبير ورجال فاهمين .....وقام بيدخل وراح فهد حاول وياه يرد بس ما رضى بعدها كملو السهره وراحو
............. مر اسبوعين على جمعتهم والاوضاع عاديه امور الشغل تمام ومنال تذاكر لامتحاناتها
وخالد قاعد يحاول ينسى غدير ويشيلها من باله لانه حس ان شخصيتها مو حلوه وما تناسبه
وغدير ناسيه امتحاناتها طايحه تفكير بفهد وناويه انها تصارحه بحبها
وعاليه اليوم اخر يوم بالامتحانات رجعت ونامت لمدة يومين
..................
يوم النتايج ,,,,,,, واحداث خياليه الياي اهو الاحلى ..........................................................
(غرام السنين)

ام عاليه:شو حبيبتي ما بين معك شي؟ ...عاليه(قاعده عاالنت تحاول تطلع النسبه ومنال قاعده عندها)
عاليه:لا يمه مادري ليه قاعد احط رقم جلوسي واكتب اسمي بس مادري؟...
منال:علوي حبيبي لا ترتبكين يمكن للحين النتايج ما نزلو النت؟...مادري منال .مادري
ام عاليه:حبيبة قلبي انشا الله خير انا بدي روح اقرا قران.....منال:روحي خاله ادعي لها
دق تلفون منال.منال:هلا يبه.....بوفهد:ها يبه ماطلعو النتايج......لا والله يبه للحين ما بين ويانا شي.
اوكي يبه انا ياي بالطريج بمر عليكم .......لا يبه عاليه حدددها مرتبكه خلوها ليما تطلع النتيجه
زين يبه سلمي لي عليها.... منال:علوي بليييييز قومي عن النت انا بقعد بمكانج انتي حددج مرتبكه
عطيني رقم جلوسج وقومي.دق تلفون عاليه:هلا احمد....احمد:علوي بشريني ...مادري للحين
ماطلع شي...شنو من صجج ؟ولد عمي طلعت نسبته اخو رفيجي.....عاليه انهارت وقامت تبجي.
يووووووووه انا للحين ماطلعت شي.....احمد :علوي عمري لا تبجين عطيني رقم جلوسج وانا
بطلعها لج يمكن انتي ما عرفتي.(تكلم احمد واهو يبجي مع عاليه بس ما بين لها لانه ما يحب يشوفها
زعلانه لانه........)اخذت منال التلففون من عاليه وعطت احم رقم الجلوس....
عاليه قعدت تبجي وامها جت عندها وقعدت مكنال تهديهم
ابو فهد ليما وصل البيت ما رضى يدش وراح صوب بيت اخوه وشاف سيارة فهد يسفطها صوب بيتهم
اشرله ابوه ونزل وراح عنده.فهد:امر يبه؟......الحين بتطلع نتيجة بنت عمك وبروح اشوفها
فهد:طلعت....لا يبه بس الحين وقلت بروح اقوف معاها بالوقت هذا اهي محتاجتنا تعال معاي
ارتبك فهد:ها لا يبه خلها بعدين ليما تاكد من نتيجتها ما نبي نحرجها ......كيفك يبه انا رااايح
دخل فهد البيت وتم مرتبك ومعصب طلع شقته فوووق واهو متضايق دق رقم منال بعدين سكرالجهاز
وما كلمها .......
بوفهد:ابوي انتي لا تتضايقين انشا الله خير ...ام عاليه:انشا الله خير يا بوفهد..دق تلفون عاليه
وطلع اسم احمد ولد عمها انهارت عاليه بالبجي ومارضت تشيل التلفون شالته منال:ها.ها.بشر
طلع وياك شي..احمد:منال عطيني عاليه..عايه تبجي ما تقدر تتكلم بلييز قول طلع وياك شي
احمد:لييييييييييييييييه تبجي علوي ناجحه نسبتها 96 ونص يعني الرابعه عالكويت تسمعين قوليلها كفو
يا بنت الراهي..منال:لا مستحييييييييييييل.سكرت منال التلفون وقربت من عاليه ولحضنتها:علوي لا تبجين نسبتج96 ونص انتي الرابعه عالكويت....بجت عاليه اكثر....ابو فهد قرب منها وحضنه:الف مبروك يبه تستاهلين..ام عاليه:خلاص يا عمري حاج تبكي تقبريني يا حبيبتي..
عاليه:لا مو مصدقه يمكن احمد غلطان.بنفس اللحظه دق تلفون عاليه وشالته ولا رفيجتها نوره:
علوووووووووووووووووووووي تستاهلين الف مبروك..عاليه:يعني صج نوره انا يبت 69 صج
نوره:اكيييييييد يا عمري انتي الربعه عالكويت الف مبرووووووووك..عاليه:الحمدلله اوكي نوره باي
نوره:لا والله يعني ما بتسالين عني .عاليه:اسفه حبيبتي والله ارتبكت بليييز سامحيني قولي لي
عنج نجحتي..نوره:ليه طا يحه من عينج نسبتي 85 شرايج....كفو والله رفيجتي الف مبروووك
طمنيني عالبنات ...والله مادري بس دريت عني وعنج والحين اخليج وبعدين بكلمج..
قعدت عاليه وسط اهلها ويتها التلفونات تبرك لها من كل صوب ويتها عمتها منيره مع ولدها خالد
وعبير بنت عمها ..ام خالد:والله كفو يا علوي رفعتي راسنا الف مبرووك يمه..الله يبارك فيج عمتي
خالد:تستاهلين يا عاليه..عاليه:تسلم خالد....ام خالد:الف مبروك يام عاليه والله يبلغج فيها
ام عاليه:تسلمو الله يخليكم لها انشا الله....بوفهد:شوفو انا تعبان وابروح انام وبصراحه زين ريولي شالتني اليوم بريح وقبل لا امشي ترى الاسبوع الياي عندي بالشاليه حفله عوده لعاليه والكل معزوم لها
وعزموا اللي تبون وانتي يام عاليه كلمي خوال عاليه ييون للكويت ولازم يحضرون الحفله عشان
علوي...ام عاليه:تسلم يا بوفهد عاليه بنتك...عاليه قامت وباست راس عمها
عبير:الله شعليج.بس تستاهلين...عاليه:مشكوره يا عمري..عبير:والله لو تشوفن حمود شسوى
بتضحكين يبجي كانه يطلع نتيجته انا اول مره اشوفه يبجي...ام عاليه:يا حبيبي ما يقصر
عاليه:احمد من اليوم ورايح له معامله خاصه بصراحه يستاهل هديه كبيييره على هالخبر
منال:اوكي حبيبتي انا بروح انام ونتي نامي بعد لاني بمرج عشان نتزهب للحفله
عبير:صح احنا الحين بنروح وانتي ارتاحي..وام خالد بعد وخالد قررو يمشون
ام عاليه:ما يصير انتو عنيتوا انفوسكم وحتى عصير ما شربتوا...ام خالد:تسلمين خلي علوي ترتاح واحنا لاحقين عالعصير...طلع الكل من البيت وراحت عاليه تصلي ركعتين شكر وبعدها لقت مسج
من احمد:الف مبرووووووووووووك يا الغاليه..ضحكت عايه ودقت على احمد وشكرته..بعدها
تضايقت عاليه وقعدت تفكر ان الكل بارك لها الا فهد وتجمت الدموع بعيونها لانها من زمان ما شافت فهد صار لها اكثر من شهرين ...
بيت بو فهد) منال:فهد انت هنيه...فهد:اي تبين شي...منال:ماتدري ان علوي طلعت نتيجتها..
فهد قفز من سريره:من صجج ها جم يابت...منال:يعني ما تدري كل عمامي يو بيت عمي راشد توقعتك
دريت؟فهد:منالوه انطمي وقولي لي جم يابت البنت ...منال:شوي شوي علي بعدين شدراك انها نجحت
فهد عصب اكثر وقرب من منال ومسكها من قميصها:بتقولين ولا شلون..خلاص خلاص يابت96 ونص
الربعه عالكويت...فهد :شن.شنو الربعه عالكويت .تكلم واهو فرحان حددده كفو والله يا بنت عمي
منال:المهم دامك دريت روح بارك للبنت وامها فشله ...فهد ارتبك واهويتكلم:ها .
منال:اي حرام تدري ان مالهم غيرنا وابوي وعد انه بيسوي حفله الاسبوع الياي لعاليه بالشاليه
وعزم خوالها بعد وقال لامها تعزمهم الديره...فهد:اوكي روحي انتي انا بروح مو الحين بعدين
منال:امتى بعدين ..فهد:انتي شفيج كيفي انا متى بروح اروح يله فارجي...
الساعه8 بالليل يت ام احمد واحمد وعمها غانم وباركو لعاليه وتمو نص ساعه وراحو وعطتها ام
احمد هديه ساعه قيمتها 350 دينار وبعدها وصل زوج عبير فيصل وبارك لها ومشى
وبعده تمو الجيران يباركون ورفيجاتها وكانت عاليه كاشخه حدددها (لابسه نفنوف اسود قصير عاري
وعليه قميص صغير نص جم وضيج من عند الصدر وما كانت حاطه اي شي لانها ما تحتاج كان شعرها طويل اسود وكانت مبطلته وعيونها من الفرحه تلمع ولونهم الزرق صاير نيللللي اكثر من الفرحه
كان شكلها روعه وجذابه )
الساعه 9 بالليلبيت بو فهد.فهد راح دار منال وطق الباب عليها بس منال ماردت لانها مو موجوده كانت بالسوق تجهز نفسها للحفله مرت على عاليه بس لقت انها ما تقدر تروح معاها دق فهد عليها تلفون
فهد:منال وينج..هلا فهد انا بالسوق..اوكي انا .انت شنو؟صج فهد مارحت تبارك لعاليه..
فهد:لا ..منال:ليييييييه حراااام عليك ..قاطعها فهد وانا شمسوي مادري اروح الحين والا اخليها بالحفله
اذا شفتها ابرك لها...منال:معقووووووووله من صجك فشله من ابوي تدري انه ما يحب نقصر وي علوي وانت كيفك..اوكي منال بروح باي.. ..منال دقت على عاليه تقولها بس عاليه ماردت لانها كانت مو عند التلفون كانت تبدل ملابسها بترتاح...فهد احتار وبعدين قرر يروح ولبس بدله كامله لونا (ازرق
الغامج)وكانت تجنن عليه وتناسب بشرته وشعره كان حللو وكثيف ووايد تعطر وطلع دق الباب ودخل
سلم على مرة عمه:السلام عليكم الف الف مبروك وانشا الله منه للاعلى تستاهلون يا خاله
ام عاليه:تسلم يا حبيبي الله يبارك فيك ..مادري الظاهر اني ييتكم بوقت مو مناسب يمكن عاليه نايمه..
ام عاليه:لا يا ابني تو الناس راحو واهي طلعت دراها تبدل انا هلا بندها لك شو بدك تشرب
فهد:عصير مانجا ويكون بارد لاني مادري احس اني عطشان..ام عاليه:اوكي حبيبي
نادت الخادمه وقالت لها تسوي عصير واستاذنت من فهد وقالت:انا هلا بروح بنادي عاليه لحتى تنزل وانا تعذرني يا ابني تعبانه انهلكت اليوم ..فهد:عادي خالتي انا مقدر ظرفج وعادي يكفي اني باركت لج
خلي عاليه ترتاح انا بروح..ولو يا ابني شو تروح بدك عاليه تزعل مني هي صاحيه هلا بنده لك
صعدت ام عاليه وراحت لعاليه:شو حبيبي ..هلا يمه ...ماشي بس ابن عمك فهد تحت وبدو يبارك لك.
عاليه:شنووووووووووووو فهد...من امتى هنيه؟يووووه يمه ليه ما قلتي لي
هلا اجى واجيت خبرتك يله روحي الولد مستعجل انا طلبت له عصير وهو بينتظرك انا بدي نام لاني
هلكانه...عاليه:وانا شلون اطلع بالبجامه ...متل ما بدك....وراحت امها..
تلعوزت عاليه ولبست بدلتها اللي كانت لابستها بسرعه وتعطرت ونزلت ودقات قلبها يسمعها اللي
يوقف عن بعد..عاليهقربت من فهد واهي تحس ان قلبها بيوقف وان دقاته سريعه وقويه وصوتها عالي
ويه عاليه انقلب لونه وقربت...فهد حط القلاص من يده عالطاوله وقام يقرب منها واهو يناظرها من
فوق لي تحت كانه بياكلها واخر شي ركز على وشكلها وبالخص عيونها
قربت عاليه :قوه ف...فهد.طلعت الكلمه غصب...فهد:هلا عاليه ومد يده وسلم عليهاالف مبروك
رفعتي راسنا..عاليه الله يبارك فيك..تم فهد يمسك يدها وبعدين وخرها من ايده وقعدو
فهد:كفو والله تستاهلين...عاليه:تسلم شخبارك؟..فهد:هلا انا.عاليه:اي انت ؟ من زمان ما شفتك.
قبل لا يرد دق تلفونه وقعد يكلم اتصال بخصوص الشغل .تمت عاليه تناظره وطالعه عدل ركزت على
طريقته بالكلام حست انه اول مره تسمع صوته وكان قلبها يرقص من داخل ما تدري ليه
هذي مو اول مره تشوفه؟ وزادت دقات قلبها تمت تطالع له واهو يكلم كان معصب وكان مدخل
اصايع يده بشعره من ورا ويعظ على شفايفه بكل غيض,,,,,,,, حست انها مو طبيعيه وقامت قعدت على نفس القنفه اللي اهو قاعد عليها وقربت منه شوي و,,,
............................................................ ..........
(غرام السنين)

عاليه قربت من فهد وكانت دقات قلبها قويه .حس فهد بانفاسها الحاره اللي بدت تلامس خده..
سكر فهد التلفون وطالع عاليه..ابتعد فهدعنها شوي ...عاليه:خير في شي ؟..فهد:ظل يطالعها مستغرب
لا سلامتج شوية مشاكل بالشغل..عاليه:اها الله يعينك..فهد:استاذن الحين واخليج ترتاحين ..
عاليه:تو الناس فهد خلك شوي انا صار لي اكثر من شهرين ما شفتك ولا مليت مني ؟
فهد:لا مو قصدي انا وراي موعد وابيج ترتاحين اكيد.قاطعته عاليه:انا مرتاحه خلك شوي شرايك
اسوي لك عشا وتقعد تتعشى هنيه .فهد:لا علوي تسلمين انا بقعد شوي بس عشا ما قدر والله انا مواعد الربع عالعشا وياهم ..قعد فهد.عاليه رفعت حاجبها وطالعت لفهد:فهد اقولك شي ؟
ابتسم فهد:تفضلي.عاليه:ماحب احد يقولي علوي تحسسوني كاني طفله..ابتسم فهد:ليش انتي تحسين نفسج كبيره؟..عاليه:انا كبيره كلها جم شهر وادخل الجامعه و..وخاصة انت انا ماحب تقولي علوي
فهد:امر يعني..عاليه زادت عصبيتها وقالت:اذا كان امر ..فهد:هه محد يقدر يامرني ..عاليه:انا مو قصدي امرك انا بس قتلك اني ماحب تقولي علوي لاني قاطعها فهد:لانج مازلتي صغيره حتى تفكيرج محدود..عاليه حست نفسها بتبجي بس تمالكت نفسها:فهد على اي اساس كونت عني هالفكره..
فهد:اي فكره علوي انتي قاعد تكبرين الموضوع انا ييت ابارك لج والظاهر اني ضايقتج فاعتذر مع
ان مو من طبعي الاعتذار بس ماحب اضايقج وانتي بعز فرحتج..عاليه:اي فرحه ليه بعد الكلام اللي سمعته منك في فرحه..حس فهد هنيه باحساس عاليه وحاول يتجاهل كلامها وقف فهد :اوكي انا الحين
استاذن وعالبركه مره ثانيه ...عاليه:مالقت شي تقوله الله يبارك فيك..طلع فهد وراحت عاليه توصله قبل لايطلع من الباب قال لعاليه:صج ترى ما نسيت هديتج ..عاليه:ليه فيه هديه اكبر من هالزياره
ابتسم فهد:اوكي سلمي عالوالده وادخلي انا ادل طريجي...
ركب فهد سيارته وطار فيها ......عاليه صعدت دارها واهي محبطه ومنهاره .ااااه يافهد ليتك ما ييت ولا شفتك بخرت لي كل احلامي وياك جرحتني وانا بعز فرحتي ياربي ليه جذي شنو ذنبي لاني احبه
لاني ما شوف غيره بالدنيا اه يا فهد لو تدري ان كل اللي انا فيه انت السبب فيه حتى تفوقي كنت ابي اصير كبيره بعينك .كانت عاليه تتكلم واهي تطالع صورة فهد ...
تمت عاليه سهرانه ليما سمعت صوت سيارة فهد تسفط عند البيت طلت من دريشتها واهي تطالع
نزل فهد من السياره..عاليه:ياربي شفيه فهد جذي يمشي معقوله يكون تعبان بس قبل شوي ما كان فيه شي ...
مرت الايام ويو خوال عاليه من لبنان يباركون لها والكل كان يتجهز للحفله ...
....... صارت الحفله بشاليه العايله ومن المعازيم كانو الاهل والجيران وصديقات منال وعاليه واهل
فيصل زوج عبير ...كانت عاليه رافعه شعرها فوق ولابسه نفنوف لونه احمر بسيط بس يجنن
سلمت عاليه عالكل وراحت وي صديقاتها يرقصون ويسولفون احمد قرب من عاليه: عاليه ممكن شوي
عاليه اوكي عن اذنكم بنات...راحت صوب احمد هلا احمد..احمد:عاليه اتمنى تقبلين هديتي وطلع الكيس وعطاه لعاليه.عاليه:اووه احرجتني احمد انا وياك ما بينا هالرسميات يكفي وقفتك وياي حزة امتحاناتي
احمد:عادي انا ماسويت شي بعدين هذا كله باجر بتردينه لي السنه اليايه صح..عاليه:اكيد الله يوفقك
احمد:الحين اخليج وي صديقاتج...رجعت عاليه لصديقاتها ..امل رفيجة عاليه:منو هذا وشنو عطاج؟
اكيد معجب لانه كان واايد مؤدب..عاليه:لا يبه هذا ولد عمي احمد وبعدين انا اكبر منه وانا اموووت عليه
اعده حسبة اخوي...وصلت غدير وكان شكلها كشخه وراحت عند عبير تسلم عليها وعلى اهل زوجها
عبير:من صجج ماباركتي لعاليه ..غدير:كاني ييت بعدين انا لاهيه بامتحاناتي .عبير:لا ومن امتى هالاهتمام ..غدير:مو شغلج ..راحت غدير صوب عاليه...كانت عاليه وي صديقاتها ..غدير قوه عاليه
عاليه:هلا والله ..غدير:الف مبروك ولو انها متاخره بس انتي تدرين واله كانت حزة امتحانات وما
فضيت..عاليه:ولو احنا خوات عادي الله يبارك فيج..غدير:بس حليانه وصايره تهبلين..عاليه:
تسلمين انتي احلى ...راحت غدير وقعدت وي عمها وابوها :ابو فهد:ها غدير شلون الامتحانات وياج
غدير:الحمد لله عمي .بوفهد:ما شا الله عليج حليانه بنيتي .غدير :تسلم عمي
منال:ها متى يييتي غدير...غدير والله توني ييت ..منال:زين تعالي البنات يسالون عنج..
غدير:اوكي عن اذنكم...منال:شعندج قاعده عند ابوي تورينه نفسج يعني ..غدير:حبيبتي انا ما حتاج اوري نفسي لاحد ..منال:اقول تعالي نروح عند البنات ترى مالي خلقج..راح احمد وقال للديجي يشغل
اغنية احلام(نجحنا)رقصو البنات واستانسو فيها لانها تعبر عن فرحتهم
وصلو خالد وفهد..خالد كان لابس دشداشه وشماغ .وفهد كان لابس قميص ابيض نص جم بنطلون جينز
كان شكله روعه لان جسمه رياضي وكان توه ياي من النادي حتى ماهتم للحفله وما غير...
غدير لاحظت وصولهم وراحت صوبهم..قوه فهد قوه خالد..فهد وخالد:هلا والله ..خالد ما حتمل
يشوفها لانه طول هالفتره قاعد يحاول ينساها وما يبي يرجع يحبها لانه عرف انها تحب فهد فاستاذن منهم..راح فهد سلم على ابوه وعمه وعمته ..وغدير كانت وياه ..ابو احمد قال لبو فهد:شفت شلون العيال متفاهمين ولايقين على بعض..ابو فهد:الله يقدم اللي فيه الخير..راح فهد صوب البوفيه لانه كان
جوعان وحط لنفسه شوية اكل وقعد ياكل وغدير تمت طول الوقت قاعده جدامه..فهد كان متجاهل وجودها وكان ياكل ويسولف بالتلفون ولا كانها يمه..فهد سالها:شلون الدراسه وياج غدير..غدير ما صدقت على الله فهد يسولف وياها .والله تمام ما شيه..فهد:انت شنو تخصصج؟.غدير:ادارة اعمال
فهد:ايه الله يوفقج..غدير:ايه عشان بعد ما تخرج اتوظف عندكم سيده...فهد:ليه ما فيه غير شركاتنا
غدير بدلع:ليه ما تبيني اتوظف عنكم؟.فهد:لا يبه كيفج ..وقام فهد ..غدير:انا استاذن شكلي ضايقتك
بقعدتي..فهد حس بالحرج:لا شدعوه بالعكس ..اصلا انا مالي خلق هالحفلات..غدير:نفسي والله لو عاليه ما جان ييت بس مابي عاليه تزعل مني..تمو يتمشون ويسولفون...خالد :عبير..عبير:نعم
خالد:منو هذي اللي واقفه وي زوجج..عبير :هذي اخته منى ..خالد:والله حلوه احلى من فيصل..
عبير:ليه فيصل شناقصه ..خالد:مو ناقصه بس ما توقعت ان خواته حلوات جذي تكفين عبوره ظبطيني
عبير:شنو اظبطك وين قاعدين..خالد:وييييه انا بروح عنج واوقف وي فيصل..
عبير ضحكت ما وصيك تمصلح ها...عاليه لاحظت غدير وفهد واهم يتمشون قالت لها رفيجتها نوره:
بس ما يكون هذا الحبيب اوووه علوي يهبببببببببببببل شكله جذااب .عاليه ما ردت عليها,,
نوره:علوي شفيج؟ متضايقه ان مع غيرج.عاليه تمت ساكته واهي معصبه..نوره علوي لاتتضايقين جذي
انا لو منج اروح عنده وامسكه من ايده وتمشى انا وياه ولا اخلي حبيبي جدام عيني يمشي مع غيري
عاليه:بتشوفين انا بروح...راحت عاليه صوبهم وكانو قاعدين وصلت عاليه طالعت فهد :قوه فهد
فهد خز عاليه :هلا علوي ..عاليه عصبت من هالكلمه .فهد بينه وبين نفسه كان يضحك واهو يشوفها
معصبه جذي كان قاصد يقول علوي ..عاليه تمت واقفه.فهد تجاهل وجود عاليه:اي غدير شكنتي تقولين
عاليه تمنت الارض تنشق وتبلعها ولا ان فهد يتجاهلها جدام غدير جذي..راحت عنهم واهي تبجي
راحت عاليه داخل وتمت تبجي ..فهد كان قاصد ان يضايق عاليه ..راح الكل صوب البوفيه
وراح فهد داخل لقى عاليه وي نوره.توره اول ما شافت فهد راحت كانت تبيه يضل وي عاليه وقبل ما تروح قالت لعاليه هذي فرصتج..فهد:عاليه ليش قاعده داخل ؟..عاليه:كان عندي موضوع خاص وي
صديقتي..فهد:يا حليلها هذي رفيجتج .بسالج عاليه بعد ما تحب حد يحسسها كانها طفله؟
عاليه خزت فهد بعصبيه وكانت بتروح عنه بس فهد ضحك ومسك يدها:لا انتي وحده كبيره ما يصير
تزعلين مثل الاطفال بسرعه.عاليه ارتجفت من لمسة فهد لايدها وقالت له بصوت واطي:فهد شتبي؟
فهد:ابي اعطيج هديتج .عطاها فهد كيس صغير فيه عطر.وكمل:هذي يبتها لج من الامارات
عاليه:وليه تهديني؟.فهد:بمناسبة نجاحج..عاليه طالعت فهد وقالت له:لو اني ما نجحت شكنت بتسوي فيها بتعطيني ..فهد:لا كنت بكتها عليج وضحك بعدها..عاليه حست نفسها ذااابت مع صوت ضحكته اللي شدها بس قالت:اوكي انا مو بحاجه لهديتك؟يمكن غيري يحتاجها اكثر..فهد خزعاليه من فوق لي تحت
قالها:اوكي عطيني اياها..اخذ فهد الجيس وراح عنها .عاليه حست نفسها بتبجي وحست ان فهد
قاعد يتمسخر عليها راحت عاليه ووقفت جدامه قبل لا يطلع ..فهد:ها غيرتي رايج .
عاليه:ايه بقولك تعطيها لغدير تستاهلها اكثر مني .فهد:هذا عاد مو شغلج انتي رفضتيها وانتهى
الموضوع ...................................
(غرام السنين)